ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଜଣେ ମହିଳା ବିଷପିଇ ଆତ୍ମହତ୍ୟା କରିଥିବାର ଅଭିଯୋଗ ହୋଇଛି। ଅଭିଯୋଗ ମୁତାବକ ନାରଣଦେଇପୁର ଗ୍ରାମ ଦେବରାଜ ବିଶୋଇଙ୍କ ଝିଅ ବର୍ଷାରାଣୀ ପ୍ରଧାନ ବାଲୁଗାଁ ଥାନା କିମ୍ଭିରୀପଡା ଗ୍ରାମର ଲକ୍ଷ୍ମୀଧର ପ୍ରଧାନଙ୍କ ପୁଅ ଜିତୁ ପ୍ରଧାନଙ୍କୁ ଚଳିତ ବର୍ଷ ଜୁନ ମାସ ୧୯ ତାରିଖରେ ବିବାହ କରିଥିଲେ।
ତେବେ ଶାଶୁ ଘରେ କଳହ ଲାଗି ରହିବାରୁ ବର୍ଷା ଦୀର୍ଘମାସ ହେଲା ନିଜ ବାପଘର ନାରଣଦେଇପୁର ଗ୍ରାମରେ ରହୁଥିଲେ। ହେଲେ ଆଜି ସଂନ୍ଧ୍ୟାରେ କୌଣସି କାରଣବଶତଃ ବିଷ ପିଇଦେଇଥିଲେ। ପରିବାରବର୍ଗ ତାଙ୍କୁ ଗୁରୁତର ଅବସ୍ଥାରେ ବାଣପୁର ମେଡିକାଲ ଆଣିଥିବା ବେଳେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା। ଡାକ୍ତର ଏ ନେଇ ବାଣପୁର ପୋଲିସକୁ ଖବର ଦେଇଥିବା ବେଳେ ପୋଲିସ ଶବ ଜବତ କରି ତଦନ୍ତ ଆରମ୍ଭ କରିଦେଇଛି।
