ନୂଆଦିଲ୍ଲୀ: ଆଜି ମୁମ୍ବାଇରେ ଗୁଗୁଲର କାର୍ଯ୍ୟାଳୟକୁ ଏକ ଧମକପୂର୍ଣ୍ଣ ଫୋନ ଆସିଥିଲା, ଯେଉଁଥିରେ ଫୋନ କରୁଥିବା ବ୍ୟକ୍ତି ପୁଣେର ଗୁଗୁଲ୍ ଅଫିସରେ ଏକ ବୋମା ରଖାଯାଇଥିବା କହିଥିଲା। ଗୁଗୁଲ୍ ଅଧିକାରୀମାନେ ତୁରନ୍ତ ପୋଲିସକୁ ଏ ବିଷୟରେ ସୂଚନା ଦେଇଥିଲେ ଏବଂ ପୁଣେ ପୋଲିସ ସହିତ ମୁମ୍ବାଇ ପୋଲିସ ଏହାର ତଦନ୍ତ ଆରମ୍ଭ କରିଥିଲା।
ସୂଚନା ଅନୁଯାୟୀ, ଧମକ ଦେଉଥିବା ବ୍ୟକ୍ତିଙ୍କ ନାମ ପଣ୍ୟମ ଶିବାନନ୍ଦ ବୋଲି କହିଥିଲେ। ସେ ହାଇଦ୍ରାବାଦରେ ରୁହନ୍ତି ବୋଲି ଫୋନରେ କହିଥିଲା।ପୋଲିସ ଏହି ମାମଲା ସହ ଜଡିତ ସମସ୍ତ ସୂଚନା ପୁଣେ ପୋଲିସକୁ ଦେଇଛି, ଯାହା ଦ୍ଵାରା ସେମାନେ ମଧ୍ୟ ତଦନ୍ତ କରିପାରିବେ।
ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଅଫିସରେ ପୋଲିସ ଏପର୍ଯ୍ୟନ୍ତ ସନ୍ଦେହଜନକ କିଛି ପାଇନାହିଁ। ସେପଟେ ହାଇଦ୍ରାବାଦରେ ପୋଲିସ କଲରଙ୍କୁ ଗିରଫ କରିଛି। ମୁମ୍ବାଇ ପୋଲିସର ଏକ ଟିମ୍ ମଧ୍ୟ ତେଲେଙ୍ଗାନାରେ ଅଛନ୍ତି ଏବଂ କଲ୍ କରୁଥିବା ବ୍ୟକ୍ତିଙ୍କୁ ମୁମ୍ବାଇକୁ ଆଣିବା ପାଇଁ ପ୍ରସ୍ତୁତି ଚାଲିଛି। ଏପର୍ଯ୍ୟନ୍ତ ଏହା ପ୍ରକାଶ କରାଯାଇ ନାହିଁ ଯେ, କଲ୍ ପଛରେ ଥିବା ବ୍ୟକ୍ତିଙ୍କ ଉଦ୍ଦେଶ୍ୟ କ’ଣ ଥିଲା। ପୋଲିସ ଆଇପିସିର ଧାରା ୫୦୫ (୧) (ବି) ଏବଂ ୫୦୬ (୨) ଅନୁଯାୟୀ କଲ୍ କରୁଥିବା ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିଛି ଏବଂ ତଦନ୍ତ କରୁଛି।