ଭୁବନେଶ୍ବର: ଜଣେ ଜଙ୍ଗଲ ବିଭାଗ ଅଫିସରଙ୍କ ଘରୁ ମିଳାଲା ସୁନା, ରୂପା, ନଗଦ ଟଙ୍କା ଆହୁରି କଣ। ଯାହାକୁ ଦେଖି ସମସ୍ତେ ତାଜୁବ ହେବାରେ ଲାଗିଛି। ସେ ବାବୁ ଜଣଙ୍କ ହେଉଛନ୍ତି ଜୟପୁର ଫରେଷ୍ଟ ରେଞ୍ଜର ଡେପୁଟି ରେଞ୍ଜର, ଶ୍ରୀ ରାମଚନ୍ଦ୍ର ନେପାକ। ଆୟବର୍ହିଭୂତ ସମ୍ପତ୍ତି ଖାନତଲାସିରେ ବର୍ତ୍ତମାନ ସୁଦ୍ଧା ନଗଦ ୧.୪୩ କୋଟି ଟଙ୍କା, ଜମା ୧.୩୨ କୋଟି, ୧ ବହୁତଳ ପ୍ରାସାଦ, ୩ଟି ଫ୍ଲାଟ, ୨ଟି ପ୍ଲଟ, ସୁନା ୧.୫ କେଜି,ରୂପା ୪.୬ କେଜି , ଗୋଟିଏ କାର ଆଦି ମିଳିଛି ।
ଶ୍ରୀ ରାମ ଚନ୍ଦ୍ର ନେପାକ ୧୯୮୯ ରେ କୋରାପୁଟ ସାମାଜିକ ବନ ବିଭାଗରେ ଗ୍ରାମ ବନ କର୍ମଚାରୀ ଭାବରେ ଯୋଗ ଦେଇଥିଲେ। ବର୍ତ୍ତମାନ, ସେ ଜୟପୁର ଫରେଷ୍ଟ ରେଞ୍ଜରେ ଡେପୁଟି ରେଞ୍ଜର କମ ଇନ-ଚାର୍ଜ ରେଞ୍ଜର, ଭାବରେ କାର୍ଯ୍ୟ କରୁଛନ୍ତି ଓ ମାସକୁ ୬୯,୬୮୦ ଟଙ୍କା ଦରମା ପାଉଛନ୍ତି। ହେଲେ ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗ ପରେ ଏହି ଚଢାଉ କରାଯାଇଛି। ବର୍ତ୍ତମାନ ସୁଦ୍ଧା ସଂପତ୍ତି ହିସାବ ଚାଲିଥିବାରୁ ସବିଶେଷ ତଥ୍ୟ ମିଳିପାରି ନାହିଁ।