ବାଣପୁର: ବାଣପୁର ଥାନା ଅଞ୍ଚଳର ଜଣେ ନାବାଳିକାକୁ ପୁରୀ ଜିଲ୍ଲା କୃଷ୍ଣପ୍ରସାଦ ଅଞ୍ଚଳର ଜନୈକ ଯୁବକ ଅପହରଣ କରି ନେଇଯାଇଥିବା ନାବାଳିକାଙ୍କ ବାପା ଥାନାରେ ଗତ ୨୦ତାରିଖରେ ଅଭିଯୋଗ କରିଥିଲେ। ପୋଲିସ କେଶ ନମ୍ବର ୨୪୪ରେ ମୋକଦମା ରୁଜୁ କରି ଅଭିଯୁକ୍ତକୁ ଖୋଜୁଥିଲା। ମୋବାଇଲ ନମ୍ବରକୁ ଆଧାର କରି ପୋଲିସ କୃଷ୍ଣପ୍ରସାଦ ଅଂଚଳରୁ ଚନ୍ଦନ ପ୍ରଧାନ (୨୨)ଙ୍କୁ ଗିରଫ କରିଥିଲା।
ଆଜି ଅଭିଯୁକ୍ତ ଚନ୍ଦନକୁ ଭୁବନେଶ୍ୱର କୋର୍ଟରେ ହାଜର କରିଥିବା ବେଳେ ଜାମିନ ନାମଂଜୁର ହେବାରୁ ଝାରପଡା କାରାଗାରକୁ ସ୍ଥାନାନ୍ତର କରାଯାଇଛି। ନାବାଳିକାକୁ ପୋଲିସ ପରିବାରକୁ ହସ୍ତାନ୍ତର କରିଥିବା ଆଇଆଇସି ସୂଚନା ଦେଇଛନ୍ତି।