ଭୁବନେଶ୍ବର : ଲୁଟେରା ଆକ୍ରମଣରେ ସ୍କୁଟିରୁ ଖସି ଯୁବତୀ ଗୁରୁତର ହୋଇଛନ୍ତି ।ଯୁବତୀଙ୍କଠାର ମୋବାଇଲ ଝାମ୍ପିବାବେଳେ ସ୍କୁଟିରୁ ଖସି ଗୁରୁତର ହୋଇଛନ୍ତି ଯୁବତୀ । ରସୁଲଗଡ କେନାଲ୍ ରୋଡ୍ ଅଞ୍ଚଳରେ ଦିନ ଦ୍ବିପ୍ରହରରେ ଏହି ଲୁଟ୍ ହୋଇଥିବାର ସୂଚନା ରହିଛି । ସ୍କୁଟି ଚଳାଇ ଏକୁଟିଆ ଯାଉଥିବାବେଳେ ଯୁବତୀଙ୍କୁ ଟାର୍ଗେଟ କରିଥିଲେ ଲୁଟେରା । ଦ୍ରୁତ ଗତିରେ ଆସି ଯୁବତୀଙ୍କ ମୋବାଇଲ ଝାମ୍ପି ପଳାଇଥିଲା ଦୁର୍ବୃତ୍ତ । ଦୁର୍ବୁତ୍ତଙ୍କ ଆକ୍ରମଣରେ ଭାରସାମ୍ୟ ହରାଇ ଖସିପଡିଥିଲେ ଯୁବତୀ । ଜଣେ ସମାଜସେବୀ ଯୁବତୀଙ୍କୁ ଉଦ୍ଧାର କରି ପୋଲିସ୍କୁ ଜଣାଇଥିଲେ । ପୋଲିସ୍ ପିସିଆର ଭ୍ୟାନ୍ ପହଞ୍ଚି ଯୁବତୀଙ୍କୁ ହସ୍ପିଟାଲ ନେଇଥିଲା । ଘଟଣା ସମ୍ପର୍କରେ ମଞ୍ଚେଶ୍ବର ଥାନାରେ ଏତଲା ଦେଇଛନ୍ତି ଯୁବତୀଙ୍କ ବାପା ।
