Categories
ଅପରାଧ ଆଜିର ଖବର ରାଜ୍ୟ ଖବର

ବ୍ରହ୍ମପୁର ପୋଲିସକୁ ବଡ଼ ସଫଳତା, ବନ୍ଧୁକ, ମାରଣାସ୍ତ୍ର ସହ ୬ ଲୁଟେରା ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ସହର ଉପକଣ୍ଠ ବିଭିନ୍ନ ସ୍ଥାନରେ ଡକାୟତି ଓ ରାହାଜାନୀ କରୁଥିବା ୬ ଜଣ ଲୁଟେରାକୁ ପୋଲିସ କାବୁ କରିବା ସହ ଏମାନଙ୍କ ଠାରୁ ବୁଲେଟ୍ ମୋଟରସାଇକେଲ, ବନ୍ଧୁକ, ବିଭିନ୍ନ ମାରଣାସ୍ତ୍ର ସହ ବହୁତ ଗୁଡିଏ ମୋବାଇଲ ଜବତ କରିଛନ୍ତି।

ଘଟଣାରୁ ପ୍ରକାଶ ଯେ, ଗତ କିଛିଦିନ ହେଲା ସହର ଉପକଣ୍ଠ ବିଭିନ୍ନ ସ୍ଥାନରେ ଉକ୍ତ ଲୁଟେରା ମାନେ ବନ୍ଧୁକ ଓ ମାରଣାସ୍ତ୍ର ଦେଖାଇ ଲୋକମାନଙ୍କଠାରୁ ନଗଦ ଟଙ୍କା ଓ ସ୍ବର୍ଣ୍ଣ ଅଳଙ୍କାର ଇତ୍ୟାଦି ଲୁଟୁଥିବା ସଦର ଥାନା, ଗୋପାଳପୁର ଥାନା ଓ ଗୋଷାଣିନୁଆଁଗାଁ ଥାନାରେ ଅଭିଯୋଗ ହେଉଥିଲା। ତେଣୁ ବ୍ରହ୍ମପୁର ପୋଲିସ ଏକ ଟିମ୍ ଗଠନ କରି ବିଭିନ୍ନ ସ୍ଥାନରେ ଚଢାଉ କରି ଉକ୍ତ ଲୁଟେରାମାନଙ୍କୁ କାବୁ କରିବା ସହ ଉକ୍ତ ଜିନିଷ ସବୁ ଜବତ କରିଛି। ଆଜି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଟାଙ୍ଗୀ ବାଇପାସରେ ଛୁରା ମାଡ କରି ବ୍ୟବସାୟୀଙ୍କ ଠାରୁ ଲୁଟ୍: ଜଣେ ଲୁଟେରାକୁ ଧରିଲେ ଗ୍ରାମବାସୀ

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଜାତୀୟ ରାଜପଥରେ ଲୁଟେରାମାନଙ୍କ ପ୍ରାଦୁର୍ଭାବ ବଢିଚାଲିଛି। ଆଜି ମଧ୍ୟ ଟାଙ୍ଗୀ-ଚାନ୍ଦପୁର ବାଇପାସ୍ ରେ ଲୁଟ୍ ଘଟଣା ସାମ୍ନାକୁ ଆସିଛି। ଏଥିରେ କିନ୍ତୁ ଲୁଟେରାମାନେ ସଫଳ ହୋଇପାରିନାହାନ୍ତି। ଜଣେ କାଜୁ ବ୍ୟବସାୟୀଙ୍କ ଠାରୁ ଲୁଟ୍ କରି ୩ ଜଣ ଲୁଟେରା ଫେରାର ହୋଇଯାଇଥିବା ବେଳେ ସ୍ଥାନୀୟ ଲୋକଙ୍କ ପ୍ରୟାସ ଯୋଗୁଁ ଜଣେ ଲୁଟେରା ଧରାପଡିଛି।

ସୂଚନା ଅନୁଯାୟୀ, ଆଜି ୧୬ ନଂ ଜାତୀୟ ରାଜପଥ ଟାଙ୍ଗୀ ଚାନ୍ଦପୁର ବାଇପାସ୍ ରେ ପିକ୍ ଅପ୍ ଭ୍ୟାନ ନେଇ ଯାଉଥିବା ଚାଳକଙ୍କୁ ପଲସର ବାଇକ୍ ରେ ଆସି ୩ ଜଣ ଲୁଟେରା ଅଟକାଇଥିଲେ। ଗାଡିଟି ଅଟକିବା ପରେ ସେହି ଗାଡିରେ ଥିବା କାଜୁ ବେପାରୀଙ୍କୁ ଲୁଟେରାମାନେ ଛୁରା ମାଡ କରିଥିଲେ। ଫଳରେ କାଜୁ ବେପାରୀଜଣଙ୍କ ଗୁରୁତର ଆହତ ହୋଇଥିଲେ। ପରେ ତାଙ୍କଠାରୁ ୫୦ ହଜାର ଟଙ୍କା ସହ ଫୋନ ଲୁଟି ନେଇ ଫେରାର ହେବାକୁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚିଯାଇଥିଲେ।  ୩ ଜଣ ଲୁଟେରାଙ୍କୁ ସ୍ଥାନୀୟ ଲୋକେ ଢେଲା ପଥର ମାଡ କରିବାରୁ ଲୁଟେରାମାନେ ଗାଡିରୁ ପଡିଯାଇଥିଲେ। ହେଲେ ସେମାନଙ୍କ ମଧ୍ୟରୁ ଜଣେ ଲୁଟେରାଙ୍କୁ ସ୍ଥାନୀୟ ଲୋକେ ଧରି ଟାଙ୍ଗୀ ପୋଲିସ୍ କୁ ଜିମା ଦେଇଥିଲେ। କିନ୍ତୁ ଜଙ୍ଗଲର ସୁଯୋଗ ନେଇ ୨ ଜଣ ଲୁଟେରା ୫୦ ହଜାର ଟଙ୍କା ନେଇ ଫେରାର ହୋଇ ଯାଇଥିଲେ।

ଟାଙ୍ଗୀ ପୋଲିସ ଘଟଣା ସ୍ଥଳରୁ ଜଣେ ଲୁଟେରା ସହ ପଲସର ବାଇକ୍ କୁ ଜବତ କରି ତଦନ୍ତ ଆରମ୍ଭ କରିଛି। ଆହତ କାଜୁ ବେପାରୀ ଟାଙ୍ଗୀ ମେଡିକାଲରେ ଭର୍ତ୍ତି ହୋଇଥିବା ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଲୁଟ୍ କରିବା ପାଇଁ ଛକି ରହିଥିବା ଲୁଟେରାକୁ ମାଡି ବସିଲା ଟାଙ୍ଗୀ ପୋଲିସ

ସୀତାରାମ ଅଗ୍ରୱାଲ

ଟାଙ୍ଗୀ: ଲୁଟ୍ କରିବା ପାଇଁ ଛକି ରହିଥିବା ଜଣେ ଲୁଟେରାକୁ ପୋଲିସ ଗିରଫ କରିଛି। ଖୋର୍ଦ୍ଧା ଜିଲ୍ଲା ଟାଙ୍ଗୀ ସ୍ଥିତ ଆଇସିଆଇସିଆଇ ବ୍ୟାଙ୍କ ନିକଟରେ ଛକି ରହିଥିବା ଉକ୍ତ ଲୁଟେରାକୁ ପୋଲିସ ମାଡି ବସିଥିଲା। ଅଭିଯୁକ୍ତଜଣଙ୍କ ହେଲେ ଗଂଜାମ ଜିଲା ଆସିକା ଥାନା ମରାଠି ସାହି କରତାଳି ଗ୍ରାମର ଶ୍ରିକାନ୍ତ ଦାସ (୨୫)। ଗିରଫ ଅଭିଯୁକ୍ତଙ୍କ ନିକଟରୁ ୨ ଟି ପଲସର୍ ବାଇକ୍ ଜବତ କରିଛି ଟାଙ୍ଗୀ ପୋଲିସ୍।

ସୂଚନା ମୁତାବକ ଗତ ନଭେମ୍ବର ୨୨ ତାରିଖରେ ଟାଙ୍ଗୀ ଥାନା ଝରିଆ ଗ୍ରାମର ମୂରଲୀଧର ପଲାଇ ଟାଙ୍ଗୀ ୟୁକୋ ବ୍ୟାଙ୍କରୁ ୬୦ ହଜାର ଟଙ୍କା ଉଠାଣ କରି ଘରକୁ ଫେରୁଥିବା ବେଳେ ବଡପାରି ଓଭରବ୍ରିଜ୍ ନିକଟରେ ଚାରି ଜଣ ଲୁଟେରା ପଲସର ବାଇକ୍ ରେ ଆସି ସମୁଦାୟ ୮୦ ହଜାର ଟଙ୍କା ସହ ଜରୁରୀ କାଗଜ ପତ୍ର ଲୁଟିନେଇଥିଲେ। ଏନେଇ ଟାଙ୍ଗୀ ଥାନାରେ ଅଭିଯୋଗ ପରେ ଟାଙ୍ଗୀ ଥାନା ଆଇଆଇସି ବିଜୟ କୁମାର ମଲିକ ତଦନ୍ତ ଜାରି ରଖିଥିଲେ।

ତେବେ ଏକ ବିଶେଷସୁତ୍ରରୁ ସୁଚନା ପାଇ ଟାଙ୍ଗୀ ଆଇସିଆଇସିଆଇ ବ୍ୟାଙ୍କ ନିକଟରୁ ଉକ୍ତ ଚୋରିରେ ସାମିଲ ଥିବା ଶ୍ରୀକାନ୍ତଙ୍କୁ ଆଇଆଇସି ଗିରଫ କରିଛନ୍ତି। ଅଭିଯୁକ୍ତଙ୍କ ବିରୋଧରେ ଟାଙ୍ଗୀ ଥାନାରେ କେସ ନମ୍ବର ୪୬୭/୨୧ ରେ ମାମଲା ରୁଜୁ କରାଯାଇ କୋର୍ଟଚାଲାଣ କରାଯାଇଥିବାବେଳେ ଅନ୍ୟ ତିନି ଜଣ ଅଭିଯୁକ୍ତଙ୍କୁ ଖୁବ୍ ଶିଘ୍ର ଗିରଫ କରାଯିବ ବୋଲି ଆଇଆଇସି ଶ୍ରୀ ମଲ୍ଲିକ କହିଛନ୍ତି।

Categories
ଅପରାଧ ଆଜିର ଖବର ସ୍ବାସ୍ଥ୍ୟ

ବଡପୋଖରିଆ ରାସ୍ତାରେ ମାତିଲେ ଲୁଟେରା: ଦୁଇ ମହିଳା କର୍ମଚାରୀଙ୍କ ଠାରୁ ଲୁଟିନେଲେ ସ୍କୁଟି ଆଉ ଟଙ୍କା

ନିରାକାରପୁର: ଘରୋଇ ଫାଇନାନ୍ସ କମ୍ପାନୀର ମହିଳା କର୍ମଚାରୀଙ୍କ ଠାରୁ ଗାଡି ଓ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି। ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଖଜୁରୀପଡା ବଡପୋଖରିଆ ରାସ୍ତାରେ ଏଭଳି ଏକ ଘଟଣା ସାମ୍ନାକୁ ଆସିଛି।

ଅଭିଯୋଗ ମୁତାବକ ଆଜି ସନ୍ଧ୍ୟାରେ ଏକ ଘରୋଇ ଫାଇନାନ୍ସ କମ୍ପାନୀର ଦୁଇ ଜଣ ମହିଳା କର୍ମଚାରୀ ୩ ଟି ମହିଳା ଗ୍ରୃପରୁ ଟଙ୍କା ଆଦାୟ କରି ଏକ ସ୍କୁଟି ଦ୍ୱାରା ଫେରୁଥିବା ବେଳେ ଖଜୁରୀପଡା ବଡପୋଖରୀଆ ରାସ୍ତାରେ ଦୁଇଜଣ ଯୁବକ ଏକ ମୋଟର ସାଇକେଲରେ ଆସି କର୍ମଚାରୀଙ୍କୁ ମାରଣାସ୍ତ୍ର ଦେଖାଇ ସ୍କୁଟି ସହିତ କଲେକ୍ସନ ହୋଇଥିବା ପାଖାପାଖି ୫୭ ହଜାର ଟଙ୍କା ଲୁଟି ନେଇଛନ୍ତି।

ଏ ନେଇ ମହିଳା କର୍ମଚାରୀ ମାନେ ନିରକାରପୁର ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ଅଭିଯୋଗକୁ ଗୁରୁତର ସହ ନେଇ ନିରାକାରପୁର ଆଇଆଇସି ଗୀତାଞ୍ଜଳି ନାୟକ ସଙ୍ଗେ ସଙ୍ଗେ ତଦନ୍ତ ଆରମ୍ଭ କରିଦେଇଛନ୍ତି। ତେବେ ସ୍କୁଟି ଟିକୁ ରାମେଶ୍ୱର ଜଙ୍ଗଲ ନିକଟରୁ ପୋଲିସ ଉଦ୍ଧାର କରିଛି। ଏବଂ ସେହି ସ୍କୁଟିର ଡିକି ଭାଙ୍ଗି ଲୁଟେରା ଟଙ୍କା ଲୁଟିନେଇଛନ୍ତି। ଅଦ୍ୟାବଧି ଘଟଣାର ଛାନ ଭିନ ନିରାକାରପୁର ପୋଲିସ ଜାରି ରଖିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ସଟଡାଉନ ରାତିରେ ଲୁଟେରା ହେଲେ ସକ୍ରିୟ: ଟାଙ୍ଗୀରେ ଏଟିଏମ ମେସିନ୍ ଭାଙ୍ଗି ଟଙ୍କା ଲୁଟିବାକୁ କଲେ ଉଦ୍ୟମ

ସୀତାରାମ ଅଗ୍ରୱାଲ

ଟାଙ୍ଗୀ: ଗତକାଲି ସଟଡାଉନ ରାତିରେ ଲୁଟେରାମାନେ ସକ୍ରିୟ ହୋଇଥିବା ଦେଖାଯାଇଛି। ଏଟିଏମ ମେସିନ୍ ଭାଙ୍ଗି ଟଙ୍କା ଲୁଟିନେବାକୁ ଲୁଟେରା ଉଦ୍ୟମ କରିଛନ୍ତି। ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ କାଳୁପଡାଘାଟ ଗଣେଶ ବଜାରରେ ଏଭଳି ଘଟଣା ଦେଖିବାକୁ ମିଳିଛି।

ସଟ୍ ଡାଉନ ଯୋଗୁଁ ଲୋକେ ଘରେ ରହିଥିବା ବେଳେ ବଜାର ଘାଟ ଶୁନ୍ ଶାନ୍ ଥିଲା। ଏହାର ସୁଯୋଗ ନେଇ ଗତକାଲି ବିଳମ୍ବିତ ରାତିରେ କାନାଡା ବ୍ୟାଙ୍କ୍ ର ଏଟିଏମ ମେସିନ୍ କୁ ଲୁଟେରା ମାନେ ଭାଙ୍ଗି ଦେଇଥିଲେ। ହେଲେ ମେସିନ୍ ରୁ ଟଙ୍କା ନେବାରେ ସେମାନେ ବିଫଳ ହୋଇଥିଲେ।

ସକାଳୁ ସକାଳୁ ସ୍ଥାନୀୟ ଅଂଚଳର ଜଣେ ବ୍ୟକ୍ତି ଉକ୍ତ ଏଟିଏମରୁ ଟଙ୍କା ଉଠାଇବାକୁ ଯିବା ସମୟରେ ଘଟଣା ସଂପର୍କରେ ଜାଣିବାକୁ ପାଇଥିଲେ।

ତେବେ ସି ସି ଟିଭି ଫୁଟେଜ୍ ରୁ ଏହି ଘଟଣାରେ ସମ୍ପୃକ୍ତ ଥିବା ଲୁଟେରାମାନଙ୍କ ପରିଚୟ ମିଳିପାରିବ ବୋଲି କୁହାଯାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବୁଲେଟ୍ ଲୁଟେରା ଗ୍ୟାଙ୍ଗର କିଙ୍ଗପିନ୍ ଗିରଫ

ରାଉରକେଲା: ବୁଲେଟ୍ ଲୁଟେରା ଗ୍ୟାଙ୍ଗର କିଙ୍ଗପିନ୍ କୁ ଗିରଫ କରିବାରେ ସଫଳ ହୋଇଛି ରାଉରକେଲା ସେକ୍ଟର-୭ ଥାନା ପୋଲିସ। ତା’ ନିକଟରୁ ୧୨ ଟି ମୋବାଇଲ୍ ଓ ଚୋରି ସୁନାଗହଣା ଜବତ ହୋଇଛି। ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଚିଲିକା ଢ଼ାବା ସମ୍ମୁଖରୁ ମହିଳାଙ୍କ ବେକରୁ ସୁନା ଚେନ ଲୁଟିନେଲେ ଲୁଟେରା: ଜଣେ ଅଟକ

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ଅଞ୍ଚଳରେ ବର୍ତ୍ତମାନ ଲୁଟ୍ ପାତ କମିବାର ନାଁ ଧରୁନାହିଁ।  ସତେ ଯେପରି ଚିଲିକା ଲୁଟେରାଙ୍କ ଭୁସ୍ବର୍ଗ ପାଲଟିଛି। ଗତ କିଛି ମାସ ହେଲା ବାଣପୁର ବାଲୁଗାଁରେ ଚୋରି, ଡକାୟତି ଆଦି ବଢିବାକୁ ଲାଗିଥିବାବେଳେ ଲୁଟେରାଙ୍କୁ ଧରିବା ଦିଗରେ ପୋଲିସକୁ ନାକେଦ୍ଦମ ହେବାକୁ ପଡ଼ିଛି। ଆଜି ଅପରାହ୍ନରେ ବାଲୁଗାଁ ଚିଲିକା ଢାବା ସମ୍ମୁଖରୁ ଆଉ ଏକ ଲୁଟ ହୋଇଛି। ଜଣେ ମହିଳାଙ୍କ ବେକରୁ ସୁନା ଚେନ ଛଡାଇ ନେଇଛନ୍ତି ଦୁର୍ବୁତ୍ତ।

ସୂଚନା ମୁତାବକ ଟାଙ୍ଗୀ ପଣସପୁର ଅଞ୍ଚଳର ସଦାଶିବ ନାୟକ ଏବଂ ତାଙ୍କ ପତ୍ନୀ ପିନାକୀ ନାୟକଙ୍କ ସପରିବାର ଏକ କାର ଯୋଗେ ଆଜି ମା’ ନାରାୟଣୀ ମନ୍ଦିର ବୁଲିବାକୁ ଆସିଥିଲେ। ମନ୍ଦିର ବୁଲି ଚିଲିକା ଢ଼ାବାକୁ ଖାଇବାକୁ ପହଁଚିଲାବେଳେ ହଠାତ ପଛପଟୁ ଏକ ପଲସର ବାଇକରେ (ଓଡ଼ି୦୭ଏଫ୪୮୬୩) ଦୁଇ ଜଣ ଦୁର୍ବୁତ୍ତ ଆସି ଆଖି ପିଛୁଳାକେ ପିନାକୀଙ୍କ ବେକରୁ ସୁନା ଚେନ ଛଡାଇ ବାଲୁଗାଁ ଅଭିମୁଖେ ପଳାଇଥିଲେ।

ତେବେ କିଛି ବାଟ ଗଲାପରେ ବଡକୁଳ ଉଚ୍ଚ ବିଦ୍ୟାଳୟ ନିକଟରେ ସୁନା ଚେନ ନେବା ପାଇଁ ଲୁଟେରା ଦୁଇ ଜଣ ପରସ୍ପର ମଧ୍ୟରେ ମାଡ଼ଗୋଡ ଲାଗିଯାଇଥିଲେ। ଝଗଡା ଏତେ ଜୋରରେ ହେଲା ଯେ, ପରସ୍ପର ଉଭୟଙ୍କୁ ବନ୍ଧୁକ ଏବଂ ଭୁଜାଲି ଦେଖାଇଥିଲେ। ଏହା ଦେଖି ସ୍ଥାନୀୟ ଲୋକମାନେ ଚୋର ସନ୍ଦେହରେ ଉଭୟଙ୍କୁ ଗୋଡ଼ାଇଥିଲେ। ତେବେ ସେସମୟରେ ଜଣେ ଦୁର୍ବୁତ୍ତ ସ୍ଥାନ ଛାଡି ଚେନ ନେଇ ଫେରାର ହୋଇଯାଇଥିବା ସ୍ଥଳେ ଅନ୍ୟ ଦୁର୍ବୁତ୍ତଙ୍କୁ ବାଇକ ସହ କାବୁ କରିନେଇ ନାଭାଲ ଫାଣ୍ଡି ଜିମା ଦେଇଛନ୍ତି ଅଞ୍ଚଳବାସୀ। ଏ ନେଇ ପିନାକୀ ନାଭାଲ ଫାଣ୍ଡିରେ ଲିଖିତ ଅଭିଯୋଗ କରିବାପରେ ପୋଲିସ ତନାଘନା ଆରମ୍ଭ କରିଦେଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଲୁଟେରାଙ୍କ କବଳରେ ଚିଲିକା: ପୁଣି ବନ୍ଧୁକ ମୁନରେ ବାଣପୁର-ବାଲୁଗାଁ ବାଇପାସରୁ ପାଞ୍ଚ ଲକ୍ଷ ଲୁଟ

ସୀତାରାମ ଅଗ୍ରୱାଲ

ଚିଲିକା: ବିଗତ କିଛି ମାସ ହେବ ଖୋର୍ଦ୍ଧା ଜିଲ୍ଲା ଚିଲିକା ଅଞ୍ଚଳରେ ଲୁଟପାଟ ବଢ଼ିବାରେ ଲାଗିଛି ସ୍ଥାନୀୟ ପୋଲିସ ଏଥିରେ ବ୍ରେକ ଲଗେଇବାକୁ ସକ୍ଷମ ହୋଇପାରୁନାହିଁ। ଗତ ତିନି ଦିନ ତଳେ ବାଲୁଗାଁ ବଜାର ବିଭିନ୍ନ ସୋ ରୁମରୁ ଚୋରି ହୋଇଥିବାବେଳେ ଗତକାଲି ବାଣପୁର-ବାଲୁଗାଁ ବାଇପାସରୁ ଆଉ ଏକ ବଡ଼ ଧରଣର ଲୁଟ୍ ହୋଇଛି। ଏ ନେଇ ବାଣପୁର ଥାନାରେ ଲିଖିତ ଅଭିଯୋଗ ହୋଇଛି।

ଅଭିଯୋଗ ମୁତାବକ ଟାଙ୍ଗୀ ଅଞ୍ଚଳର ଟୁବୁଲା ମହାପାତ୍ରଙ୍କ ସ୍ତ୍ରୀ ସନ୍ଧ୍ୟାରାଣୀ ମହାପାତ୍ର ଏବଂ ଉମାକାନ୍ତ ସିଂହ ନାଚୁଣୀ ନିକଟରେ ପୂର୍ବରୁ ଏକ ଜାଗା କିଣିଥିଲେ। ହେଲେ ଗତକାଲି ସେହି ଜାଗାକୁ ଅନ୍ୟ ଜଣେ ବ୍ୟକ୍ତିଙ୍କୁ ବିକିବା ଉଦ୍ଦେଶ୍ୟରେ ଦୁହେଁ ବାଣପୁର ସବ ରେଜିଷ୍ଟର କାର୍ଯ୍ୟାଳୟକୁ ଯାଇଥିଲେ। ଦୁହେଁ ସମସ୍ତ କାଗଜପତ୍ର କାମ ଶେଷକରି କ୍ରେତାଙ୍କଠାରୁ ଜାଗା ବବାଦକୁ ପାଞ୍ଚ ଲକ୍ଷ ଟଙ୍କା ଆଣିଥିଲେ। ଅପରାହ୍ନ ୫ ଘଟିକା ସମୟରେ ଟଙ୍କା ନେଇ ଉଭୟେ ଏକ କାର ଯୋଗେ ଖାଇବା ପାଇଁ ଚିଲିକା ଢ଼ାବାକୁ ଯାଉଥିଲେ। ହେଲେ ସେମାନଙ୍କୁ  ଢାବାର ଅନତିଦୂରରେ ଥିବା ୧୬ ନମ୍ବର ଜାତୀୟ ରାଜପଥ ସରନଈ ବ୍ରିଜ ନିକଟରେ ଦୁଇଜଣ ଦୁର୍ବୃତ୍ତ ଏକ ବାଇକରେ ଆସି ତାଙ୍କ କାରକୁ ଅଟକାଇଥିଲେ। ଏବଂ ସନ୍ଧ୍ୟାରାଣୀଙ୍କୁ ବନ୍ଧୁକ ଦେଖାଇ ଟଙ୍କା ଦେବାପାଇଁ ଧମକ ଦେଇଥିଲେ।  ଭୟଭୀତ ହୋଇ ସନ୍ଧ୍ୟାରାଣୀ ୫ ଲକ୍ଷ ଟଙ୍କା ଦୁର୍ବୃତ୍ତଙ୍କୁ ଦେଇଦେବା ପରେ ଲୁଟେରା ଆଖି ପିଛୁଳାକେ ଫେରାର ହୋଇଯାଇଥିଲେ।

ତେବେ ଉମାକାନ୍ତ ଏ ନେଇ ବାଣପୁର ଥାନାରେ ଲିଖିତ ଅଭିଯୋଗ କଲା ପରେ ଘଟଣାସ୍ଥଳରେ ବାଲୁଗାଁ ଏସ.ଡ଼ି.ପି.ଓ ମାନସ ରଞ୍ଜନ ବାରିକ, ବାଣପୁର ଆଇ ଆଇ ସି ସଞ୍ଜୟ ପଟ୍ଟନାୟକ, ବାଲୁଗାଁ ଆଇ ଆଇ ସି ରମାକାନ୍ତ ମାହାଲିକ, ବାଣପୁର ଏସ. ଆଇ ରାଜକିଶୋର ବେହେରା, ପ୍ରସନ୍ନ ଜେନା ଆଦି ବିଳମ୍ବିତ ରାତ୍ରି ଯାଏଁ ତଦନ୍ତ କରିଥିଲେ।  ହେଲେ ଏପର୍ଯ୍ୟନ୍ତ ଲୁଟେରାଙ୍କ ପତା ମିଳିପାରିନାହିଁ। ବାଣପୁର ପୋଲିସ ଏ ସଂକ୍ରାନ୍ତରେ କେସ ନମ୍ବର ୨୦/୨୧ ରେ ମାମଲା ରୁଜୁ କରି ତଦନ୍ତ ଜାରି ରଖିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ସହରରେ ସକ୍ରିୟ ଲୁଟେରା: ପୁଣି ଛାତ କଣା କରି ଲୁଟିଲେ ସୁନା ଦୋକାନ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ସେହି ପୁରୁଣା ପ୍ଲାନ, ସେମିତି ଢ଼ଂଗରେ ଆଜି ଆଉ ଗୋଟିଏ ବଡ଼ ସୁନା ଦୋକାନକୁ ଲୁଟ୍ କରିଛନ୍ତି ଲୁଟେରାମାନେ। ଗତ ଅକ୍ଟୋବର ୩୦ ତାରିଖରେ ବଡ଼ବଜାର ବିକାଶ ଜୁଏଲର୍ସର ଲୁଟ୍ ଘଟଣାର କିଛି ଦିନ ବ୍ୟବଧାନ ପରେ ଆଜି ପୁଣି ଲୁଟେରାମାନେ ବଡ଼ବଜାର ଅଂଚଳର କେଶବ ଜୁଏଲର୍ସକୁ ଟାର୍ଗେଟ୍ କରି ଲୁଟ୍ କରିଛନ୍ତି। ଏହି ଘଟଣାରେ ପୋଲିସ୍‌ର ହାତ ଖାଲିଥିବାବେଳେ ଆଜିର ଘଟଣା ବ୍ରହ୍ମପୁର ପୋଲିସ୍‌ର ମୁଣ୍ଡବ୍ୟଥାକୁ ବଢ଼ାଇ ଦେଇଛି।

ଘଟଣାରୁ ପ୍ରକାଶ ଯେ ଆଜି ସକାଳେ ଗଂଜାମ ଜୁଏଲର୍ସ ଏସୋସିଏସନ୍‌ର ସଭାପତି ତଥା କେଶବ ଜୁଏଲର୍ସ ମାଲିକ ପି. ସତ୍ୟନାରାୟଣ ସେନାପତି ତାଙ୍କ ବଡ଼ବଜାରରେ ଥିବା ଦୋକାନ ଖୋଲିବା ବେଳେ ଦୋକାନରୁ ସୁନା ଗହଣା ଲୁଟ୍ ହୋଇଥିବା ଜାଣିବାକୁ ପାଇଥିଲେ। ଦୋକାନ ମଧ୍ୟରେ ଥିବା ତିନୋଟି କାଉଣ୍ଟରର ଡ଼୍ର ଭଂଗା ଯାଇ ସେଥିରେ ଥିବା ୪୦୦ ଗ୍ରାମ ସୁନା ଅଳଙ୍କାର, ୧ଲକ୍ଷ ୩୦ ହଜାର ନଗଦ ଟଙ୍କା ଲୁଟ୍ ହୋଇଥିଲା। ଲୁଟେରାମାନେ ଗତ ରାତିରେ ଛାତ ଉପରକୁ ଦୋକାନ ମଧ୍ୟକୁ ପ୍ରବେଶ କରି ଏହି ଲୁଟ୍ କରିବାରେ ସଫଳ ହୋଇଛନ୍ତି।

ଖବରପାଇ ବଡ଼ବଜାର ପୋଲିସ୍ ସହ ବ୍ରହ୍ମପୁର ଆରକ୍ଷୀ ଅଧିକ୍ଷକ ପିନାକ ମିଶ୍ର, ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ସଂପୂର୍ଣ୍ଣ ରୂପେ ଅନୁସନ୍ଧାନ କରିଥିଲେ। ଦୋକାନରେ ଲାଗିଥିବା ସିସି ଟିଭି ଫୁଟେଜକୁ ଯାଞ୍ଚ କରାଯାଉଛି ଅତିଶୀଘ୍ର ଲୁଟେରାମାନେ ଧରାପଡ଼ିବେ ବୋଲି ଏସ୍‌ପି କହିଛନ୍ତି। ଦୋକାନା ମାଲିକଙ୍କ ଶ୍ରୀ ସେନାପତିଙ୍କ ଅଭିଯୋଗରେ ବଡ଼ବଜାର ଥାନା କେସ ନଂ ୨୫୯/୨୦୨୦ରେ ମାମଲା ରୁଜୁ ହୋଇ ଘଟଣାର ଅନୁସନ୍ଧାନ ଜାରି ରହିଛି।

ଲୁଟେରାମାନେ ବାରମ୍ବାର ସହରର ସୁନା ଦୋକାନକୁ ଟାର୍ଗେଟ କରି ଲକ୍ଷାଧିକ ଟଙ୍କାର ସୁନା ଗହଣା ଲୁଟ୍ କରୁଥିବାରୁ ସୁନା ବ୍ୟବସାୟୀମାନେ ବର୍ତ୍ତମାନ ଭୟଭୀତ ହୋଇପଡ଼ିଛନ୍ତି। କିଛିଦିନ ତଳେ ବ୍ରହ୍ମପୁର ସହରର ବିଭିନ୍ନ ଥାନା ଅଂଚଳରୁ ଲୁଟ୍ କରୁଥିବା ଲୁଟେରାଙ୍କୁ ପୋଲିସ୍ ଧରିବା ପରେ ମଧ୍ୟ ବିକାଶ ଜୁଏଲର୍ସ ଘଟଣାର ପର୍ଦ୍ଦାଫାସ ହୋଇପାରିନଥିଲା। ତେବେ ଏତେ ସୁରକ୍ଷିତ ଥିବା କେଶବ ଜୁଏଲର୍ସରୁ ଚୋରମାନେ କିଭଳି ଲୁଟ୍ କଲେ ତାହା ଆଶ୍ଚର୍ଯ୍ୟଚକିତ କରିଛି। ଦୋକାନର ଉପର ମହଲାରେ ଥିବା ଏକ ୯ ଇଞ୍ଚର ଭେଣ୍ଟିଲେସନ୍‌ରେ ଦିଆଯାଇଥିବା ୨୦ ଏମ୍‌ଏମ୍ ଲୁହାରଡ଼୍‌କୁ କାଟି ଅଳ୍ପ ଜାଗାରେ ସେମାନେ ଭିତରେ ପଶି ଏହି ଲୁଟ୍ କରିଥିଲେ। ସିସି ଟିଭି ଫୁଟେଜ୍‌କୁ ମଧ୍ୟ କିଛି ପରିମାଣରେ ନଷ୍ଟ ସେମାନେ କରିଛନ୍ତି। ଲକ୍‌ରରେ ଥିବା ସୁନାକୁ ସେମାନେ ଲୁୁଟ୍ କରିପାରିନାହାନ୍ତି।

ତେବେ ଏହି ଲୁଟ୍ ଘଟଣାରେ କିଛି ପରିଚିତ ଲୋକ ସାମିଲ୍ ଥିବା ପୋଲିସ୍ ଅନୁମାନ କରୁଛି। କାରଣ ଯେଉଁ ଢ଼ଂଗରେ ଲୁଟ୍ ହୋଇଛି ଏହାର ଏକ ବ୍ଲିୁ ପ୍ରିଣ୍ଟ ପୂର୍ବରୁ ନିଶ୍ଚୟ ପ୍ରସ୍ତୁତ କରାଯାଇଥିବ। ତେବେ କେତେ ଦିନ ମଧ୍ୟରେ ପୋଲିସ୍ ଏହି ଘଟଣାର ପର୍ଦ୍ଦାଫାସ କରୁଛି ଦେଖିବାକୁ ବାକି ରହିଲା।

Categories
ଆଜିର ଖବର ରାଜ୍ୟ ଖବର

ବୃଦ୍ଧାଙ୍କଠାରୁ କାନଫୁଲ ଝାମ୍ପିନେଲେ ଦୁଇ ଦୁର୍ବୃତ୍ତ

ଭୁବନେଶ୍ବର : ବୃଦ୍ଧାଙ୍କଠାରୁ କାନଫୁଲ ଝାମ୍ପିନେଇ ଦୁଇ ଦୁର୍ବୃତ୍ତ ଚମ୍ପଟ ମାରିଥିବାର ସୂଚନା ରହିଛି । ଶୈଳଶ୍ରୀ ବିହାର ଅଞ୍ଚଳରେ ଜଣେ ବୃଦ୍ଧାଙ୍କଠାରୁ ଦୁର୍ବୃ୍ତ୍ତମାନେ କାନଫୁଲ ଝାମ୍ପି ନେଇଛନ୍ତି । ବୃ୍ଦ୍ଧାଜଣକ ଫୁଲ ତୋଳିବାକୁ ଯାଉଥିବାବେଳେ ଦୁର୍ବୃତ୍ତମାନେ ତାଙ୍କଠାରୁ କାନଫୁଲ ଝାମ୍ପି ନେଇଯାଇଛନ୍ତି ।

ସୂଚନାଯୋଗ୍ୟ,ଗତ କିଛି ଦିନ ହେବ ରାଜଧାନୀରେ ଲୁଟେରା ମାତିଛନ୍ତି । ଲକ୍‌ଡାଉନ୍‌ ସମୟରେ ଜଣେ ମହିଳା ଡିଏସ୍‌ପିଙ୍କ ଘରୁ ଚୋରମାନେ  ବନ୍ଧୁକ ଦେଖାଇ ସୁନା ଅଳଙ୍କାର ଲୁଟି ନେଇଥିବାବେଳେ ଜଣେ ସାମ୍ବାଦିକଙ୍କ ଘରେ ମଧ୍ୟ କଳାକନା ବୁଲାଇଥିଲେ। ଅବଶ୍ୟ କମିଶନରେଟ୍‌ ପୋଲିସ୍‌ କିଛି ଚୋରଙ୍କୁ କାବୁ କରିବାରେ ସଫଳ ମଧ୍ୟ ହୋଇଛି ।

Categories
ଅପରାଧ ଆଜିର ଖବର ରାଜ୍ୟ ଖବର

ଲୁଟେରା ଆକ୍ରମଣରେ ସ୍କୁଟିରୁ ଖସି ଯୁବତୀ ଗୁରୁତର

ଭୁବନେଶ୍ବର :  ଲୁଟେରା ଆକ୍ରମଣରେ ସ୍କୁଟିରୁ ଖସି ଯୁବତୀ ଗୁରୁତର ହୋଇଛନ୍ତି ।ଯୁବତୀଙ୍କଠାର ମୋବାଇଲ ଝାମ୍ପିବାବେଳେ ସ୍କୁଟିରୁ ଖସି ଗୁରୁତର ହୋଇଛନ୍ତି ଯୁବତୀ । ରସୁଲଗଡ କେନାଲ୍‌ ରୋଡ୍‌ ଅଞ୍ଚଳରେ ଦିନ ଦ୍ବିପ୍ରହରରେ ଏହି ଲୁଟ୍‌ ହୋଇଥିବାର ସୂଚନା ରହିଛି । ସ୍କୁଟି ଚଳାଇ ଏକୁଟିଆ ଯାଉଥିବାବେଳେ ଯୁବତୀଙ୍କୁ ଟାର୍ଗେଟ କରିଥିଲେ ଲୁଟେରା । ଦ୍ରୁତ ଗତିରେ ଆସି ଯୁବତୀଙ୍କ ମୋବାଇଲ ଝାମ୍ପି ପଳାଇଥିଲା ଦୁର୍ବୃତ୍ତ । ଦୁର୍ବୁତ୍ତଙ୍କ ଆକ୍ରମଣରେ ଭାରସାମ୍ୟ ହରାଇ ଖସିପଡିଥିଲେ ଯୁବତୀ । ଜଣେ ସମାଜସେବୀ ଯୁବତୀଙ୍କୁ ଉଦ୍ଧାର କରି ପୋଲିସ୍‌କୁ ଜଣାଇଥିଲେ । ପୋଲିସ୍‌ ପିସିଆର ଭ୍ୟାନ୍‌ ପହଞ୍ଚି ଯୁବତୀଙ୍କୁ ହସ୍ପିଟାଲ ନେଇଥିଲା । ଘଟଣା ସମ୍ପର୍କରେ ମଞ୍ଚେଶ୍ବର ଥାନାରେ ଏତଲା ଦେଇଛନ୍ତି ଯୁବତୀଙ୍କ ବାପା ।

Categories
ଆଜିର ଖବର ରାଜ୍ୟ ଖବର

ପୋଲିସ ହାତରେ ଧରାପଡିଲେ ତିନି ଲୁଟେରା

ଭୁବନେଶ୍ବର : ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଛି କମିଶନରେଟ ପୋଲିସ୍‌ ହାତରେ ତିନି ଲୁଟେରା ଧରାପଡିଛନ୍ତି । ଲୁଟେରା ଗ୍ୟାଙ୍ଗକୁ କମିଶନରେଟ ପୋଲିସ୍‌ ଧରିଛି । ଗିରଫ ତିନି ଲୁଟେରା ହେଉଛନ୍ତି ଜଗତସିଂହପୁର ନାଉଗାଁ ଥାନା କୋରୁଆ ଗ୍ରାମର ବୋଲି ସୂଚନା ରହିଛି । ଏହି ଲୁଟେରାଙ୍କଠାରୁ ସୁନା ଅଳଙ୍କାର, ମୋବାଇଲ୍‌ ଫୋନ୍‌, ଗୋଟିଏ ଦେଶୀ ପିସ୍ତଲ ଜବତ ହୋଇଛି । ଏହି ଲୁଟେରାମାନେ ଭୁବନେଶ୍ବରରୁ ଭିଙ୍ଗାରପୁରକୁ ଫେରୁଥିବା ଦମ୍ପତିଙ୍କୁ ଲୁଟ୍‌ ଘଟଣାରେ ସମ୍ପୃକ୍ତ ଥିଲେ।

ସୂଚନାଯୋଗ୍ୟ, ରାଜଧାନୀ ଭୁବନେଶ୍ବରରେ ଏବେ ଲୁଟେରା ମାନେ ମାତିଛନ୍ତି । ଗତକାଲି ଭିଜିଲାନ୍ସ ବିଭାଗ ମହିଳା ଡିଏସ୍‌ପିଙ୍କ ବେକରୁ ସୁନା ଚେନ୍‌ ସହ କାନଫୁଲ ଲୁଟି ନେଇଥିବାବେଳେ ଆଜି ଆଇଆରସି ଭିଲେଜରେ ଏନ୍‌ 4 କ୍ବାର୍ଟରରେ ପଶି ଜଣେ ବରିଷ୍ଠ ନାଗରିକଙ୍କୁ ଆକ୍ରମଣ କରିବା ସହ ଚେନ୍‌ ଲୁଟି ନେଇଛନ୍ତି । ଲଗାତାର ଦୁଇ ଦିନ ଲୁଟ ପରେ ଲୁଟେରାଙ୍କ ଫିଙ୍ଗର ପ୍ରିଣ୍ଟ ଯାଞ୍ଚ ଉପରେ ଗୁରୁତ୍ବ ଦେଇଛି କମିଶନରେଟ ପୋଲିସ୍‌ ।