ପୁରୀ ଓ କୋଣାର୍କ ମନ୍ଦିରର ବାତ୍ୟା ଫନି ଯୋଗୁଁ ବିଶେଷ କ୍ଷତି ହୋଇ ନାହିଁ ବୋଲି ଆଜି ଭାରତ ପ୍ରତ୍ନତତ୍ବ ବିଭାଗର ଏକ ବରିଷ୍ଠ ଦଳ ଉଭୟ ମନ୍ଦିର ଯାଞ୍ଚ କରି କହିଛନ୍ତି। ଏହି ଦଳ ଫନି ବାତ୍ୟାରେ ପ୍ରାଚୀନ କିର୍ତ୍ତୀରାଜିର ସ୍ଥିତି ଏବଂ ପରବର୍ତ୍ତି ପଦକ୍ଷେପ ଉପରେ ଆଲୋଚନା ମଧ୍ୟ କରିଛନ୍ତି। ତେବେ ଉଭୟ ମନ୍ଦିର ଫନି ବାତ୍ୟାରେ ବିଶେଷ କିଛି କ୍ଷତି ଘଟି ନାହିଁ ବୋଲି ଏହି ଦଳ ନିଶ୍ଚିତ ହୋଇଛନ୍ତି। କୋଣାର୍କ ମନ୍ଦିରର ପୂର୍ବବତ ଯେପରି ଥିଲା ତାହା ରହିଛି। ହେଲେ ତଳେ ଥିବା କେତେକ ପଥର ଘୁଞ୍ଚି ଯାଇଛି। ଏଥିସହିତ ଏହି ମନ୍ଦିର ଚାରିପଟେ ଥିବା ପ୍ରାୟ 200 ଶହ ଗଛ ଭାଙ୍ଗି ଯାଇଛି। ତେବେ ମୂଳ ଢାଞ୍ଚାରେ କୌଣସି କ୍ଷତି ଘଟି ନାହିଁ ବୋଲି ଏହି ଟିମ ଯାଞ୍ଚ କରି କହିଛନ୍ତି। ମନ୍ଦିରର କାରୁକାର୍ଯ୍ୟକୁ ସଂରକ୍ଷଣ କରିବା ପାଇଁ ଯେଉଁ ରାସାୟନିକ ପ୍ରଲେପ ଦିଆଯାଇଥିଲା ତାହା ଛାଡି ଯାଇଛି। ଯାହକୁ ପୁଣି ଥରେ ଦିଆଯାଇପାରିବ। ବର୍ତ୍ତମାନ ଗଛଗୁଡିକ ବାହାର କରାଯାଇ ରାସ୍ତା ସଫା କରାଯାଇଛି। ତେଣୁ ପର୍ଯ୍ୟଟକଙ୍କ ପାଇଁ କୌଣସି ଅସୁବିଧା ହେବ ନାହିଁ ବୋଲି ଏହି ଦଳ କହିଛି। ସେହିପରି ପୁରୀ ମନ୍ଦିରରେ ମଧ୍ୟ କୌଣସି ବଡ କ୍ଷତି ଘଟି ନାହିଁ। ତେବେ ଗଛପଡି ମନ୍ଦିରର ଚଟାଣ ଖରାପ ହୋଇଯାଇଛି ବୋଲି ଯାଞ୍ଚ ପରେ ଏହି ଟିମ କହିଛି। ଏଏସଆଇ ଡିଜି ଶ୍ରୀମତୀ ଉଷା ଶର୍ମାଙ୍କ ନେତୃତ୍ୟରେ ଆସିଥିବା 6 ଜଣିଆ ଦଳ ଗୋଟିଏ ଦିନରେ ଉଭୟ ମନ୍ଦିର ଯାଞ୍ଚ କରିଛନ୍ତି।
ASI Team visit both Puri and Konark temple after Fani.