ବାଣପୁର: ଆଜି ପବିତ୍ର କୁମାରପୂର୍ଣ୍ଣିମା, ଗଜଲକ୍ଷ୍ମୀ ବେଶରେ ଦର୍ଶନ ଦେବେ ମା’ଭଗବତୀ। ଚଳିତ ଶାରଦୀୟ ପର୍ବର ଶେଷ ଉତ୍ସବ। ଭଉଣୀ କନକ ଦୁର୍ଗାଙ୍କୁ ପାଖରେ ରଖି ବଳି ସେବକ ବଳି ଜେନା ସହିତ ରାତିରେ କଉଡି ଖେଳ ଖେଳିବେ ମା’। ବଳିଜେନା ଖେଳରେ ହାରି ଆଗମୀ ବର୍ଷ ଶାରଦୀୟ ପର୍ବରେ ପୁଣି ନରବଳୀ ପ୍ରତୀକ ସେବା ନୀତିରେ ସହଯୋଗ କରିବାକୁ ସଂକଳ୍ପ କରି ମା’ଙ୍କ ବଡସିଂହାର ପ୍ରସାଦ ସେବନ ସାରି ନିଶାର୍ଦ୍ଧରେ ସ୍ଵଗୃହକୁ ଫେରିବା ପରେ ଭଉଣୀ କନକ ଦୁର୍ଗାଙ୍କୁ ମେଲାଣୀ ଦେବେ ମା’।
ମା’ କନକଦୁର୍ଗା ଭଉଣୀ ଭଗବତୀଙ୍କ ସହିତ ଦୀର୍ଘ ୨୩ ଦିନର ଶାରଦୀୟ ପର୍ବ ପୂଜା ଶେଷ କରି ନିଶାର୍ଦ୍ଧରେ ଦକ୍ଷେଶ୍ଵର ମନ୍ଦିରକୁ ବିଜେ କରିବାପରେ ପାର୍ବଣଉତ୍ସବ ଉଦ୍ ଯାପିତ ହେବ।
ଏହି ଶେଷ ପର୍ବରେ ମା’ଙ୍କ ଦୁର୍ଲଭ କଉଡି ଖେଳ ଦର୍ଶନ କରି ମାତୃ କୃପାଲାଭ କରିବାକୁ ନିବେଦନ ସହିତ ମନ୍ଦିର ପ୍ରଶାସନ ସମସ୍ତଙ୍କର ମଂଗଳ କାମନା କରୁଛି।