ଭୁବନେଶ୍ବର: ଆଜି ବିଜେଡିରୁ ଇସ୍ତଫା ଦେଇଛନ୍ତି ଭୁବନେଶ୍ବର ଉତ୍ତରର ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର। ସେ ତାଙ୍କର ଇସ୍ତଫା ପତ୍ର ଦଳର ସଭାପତି ନବୀନ ପଟ୍ଟନାୟକଙ୍କ ପାଖକୁ ପଠାଇ ଦେଇଛନ୍ତି। ମୁଖ୍ୟତଃ ଦଳରେ କ୍ରମାଗତ ଅବହେଳା ଏବଂ କୌଣସି ଦାୟିତ୍ବ ଦେଉ ନ ଥିବାରୁ ସେ ଦଳ ଛାଡିଥିବା କହିଛନ୍ତି।
ପ୍ରିୟଦର୍ଶୀ ୨୦୧୪ରୁ ୨୦୧୯ ଯାଏ ଉତ୍ତର ଭୁବନେଶ୍ବରର ବିଧାୟକ ଥିଲେ। ହେଲେ ଦଳ ୨୦୧୯ ରେ ତାଙ୍କୁ ଟିକେଟ ନ ଦେଇ ସୁଶାନ୍ତ ରାଉତଙ୍କୁ ଦେଇଥିଲା। ସୁଶାନ୍ତ ସେଠାରୁ ବିଜୟୀ ମଧ୍ୟ ହୋଇଛନ୍ତି। ଏଥର ପ୍ରିୟଦର୍ଶୀ ଭୁବନେଶ୍ବର ଉତ୍ତରରୁ ଟିକେଟ ପାଇବେ ବୋଲି ବହୁ ଆଶା କରିଥିଲେ। ହେଲେ ସେ ନିରାଶ ହେବାର ଅନୁଭବ କରିବା ପରେ ଦଳ ଛାଡିଛନ୍ତି। ତେବେ ସେ ଖୁବ ଶିଘ୍ର ବିଜେପିରେ ଯୋଗଦେବେ ବୋଲି ଜଣାପଡିଛି।
ପ୍ରିୟଦର୍ଶୀ ମିଶ୍ର ହେଉଛନ୍ତି ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀଙ୍କ ଜାମାତା।
