ମୁମ୍ବାଇ: ସମ୍ପ୍ରତି ଅଭିନେତ୍ରୀ ମହିମା ଚୌଧୁରୀଙ୍କ ସହ ଜଡିତ ଏକ ଚମକପ୍ରଦ ଖବର ସାମ୍ନାକୁ ଆସିଛି। ୪୮ ବର୍ଷୀୟା ଅଭିନେତ୍ରୀ ସ୍ତନ କର୍କଟ ସହ ଲଢୁଛନ୍ତି। ଯେତେବେଳେ ଅନୁପମ ଖେର ଏକ ପ୍ରୋଜେକ୍ଟ ସଂପର୍କରେ ଅଭିନେତ୍ରୀଙ୍କୁ ଡାକିଲେ, ସେତେବେଳେ ଏହା ସ୍ପଷ୍ଟ ହେଲା। ମହିମା ଏବଂ ଅନୁପମ ଖେରଙ୍କ ଏକ ଭିଡିଓ ମଧ୍ୟ ଭାଇରାଲ ହେଉଛି, ଯେଉଁଥିରେ ଅଭିନେତ୍ରୀ ବହୁତ ଭାବପ୍ରବଣ ଦେଖାଯାଉଛନ୍ତି। ତଥାପି, ଆଜି ଆମେ ଆପଣଙ୍କୁ ମହୀମା ଚୌଧୁରୀଙ୍କ ପ୍ରେମ ଜୀବନ ବିଷୟରେ କହିବାକୁ ଯାଉଛୁ, ଯିଏ ଏକ ସମୟରେ ଅନେକ ଚର୍ଚ୍ଚାରେ କରିଥିଲେ।
ଗଣମାଧ୍ୟମ ରିପୋର୍ଟ ଅନୁଯାୟୀ, ମହିମା ଏବଂ ଟେନିସ୍ ଖେଳାଳି ଲିଆଣ୍ଡର୍ ପେସ୍ ଏକ ସମୟରେ ଗମ୍ଭୀର ସମ୍ପର୍କରେ ଥିଲେ। ସବୁକିଛି ଠିକ୍ ଚାଲିଥିଲା, କିନ୍ତୁ ତା’ପରେ ଏପରି କିଛି ଘଟିଗଲା ଯାହା ସେମାନଙ୍କ ସମ୍ପର୍କକୁ ନଷ୍ଟ କରିଦେଲା।
ବାସ୍ତବରେ, ମହିମା ଚୌଧୁରୀଙ୍କ ସହ ଏକ ଗମ୍ଭୀର ସମ୍ପର୍କ ଥିବା ସତ୍ତ୍ୱେ ଲିଆଣ୍ଡର୍ ପେସ୍ ତାଙ୍କୁ ପ୍ରତାରଣା କରୁଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ଯେତେବେଳେ ଲିଆଣ୍ଡର ମହିମାଙ୍କ ସହ ସମ୍ପର୍କ ରଖିଥିଲେ, ସେତେବେଳେ ସେ ସଞ୍ଜୟ ଦତ୍ତଙ୍କ ପତ୍ନୀ ରିୟା ପିଲ୍ଲାଇଙ୍କୁ ମଧ୍ୟ ଡେଟ କରୁଥିଲେ। ଯେତେବେଳେ ମହିମା ଚୌଧୁରୀ ଏହା ଜାଣିଲେ, ସେତେବେଳେ ସେ ଭାଙ୍ଗି ପଡିଥିଲେ। ମହିମା ଏକ ସାକ୍ଷାତକାରରେ କହିଥିଲେ ଯେ, ଲିଆଣ୍ଡର ଜଣେ ଭଲ ଖେଳାଳି। କିନ୍ତୁ ସେ ଜଣେ ଭଲ ବ୍ୟକ୍ତି ନୁହଁନ୍ତି।
ଉଲ୍ଲେଖ ଯୋଗ୍ୟ ଯେ, ଲିଆଣ୍ଡର୍ ପରେ ରିୟା ପିଲ୍ଲାଇଙ୍କ ସହ ଆମେରିକା ଯାଇଥିଲେ, ସେମାନଙ୍କର ଏକ ଝିଅଟି ହୋଇଥିଲା। କିନ୍ତୁ ପରେ ଲିଆଣ୍ଡରଙ୍କ ବିରୋଧରେ ରିୟା ଘରୋଇ ହିଂସା ଅଭିଯୋଗ ଆଣିଥିଲେ। ଏହା ପରେ ଲିଆଣ୍ଡର ଏବଂ ରିୟାଙ୍କ ଯୋଡି ଭାଙ୍ଗି ଯାଇଥିଲା।
