ନୂଆଦିଲ୍ଲୀ, ଆଜି ଭିଡିଓ କନଫରେନ୍ସ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁଜୁରାଟରେ ଅନେକ ଗୁରୁତ୍ୱପୂର୍ଣ୍ଣ ରେଳ ପ୍ରକଳ୍ପର ଉଦଘାଟନ କରିବେ। ଏଥିମଧ୍ୟରେ ନବନିର୍ମିତ ଗାନ୍ଧିନଗର ରେଳ ଷ୍ଟେସନ୍, ଗେଜ୍ ରୂପାନ୍ତରିତ ଏବଂ ମହସାନା-ଭାରେଥା ଲାଇନର ବିଦ୍ୟୁତକରଣ ଏବଂ ସୁରେନ୍ଦ୍ରନଗର-ପିପାଭ ଲାଇନର ନୂତନ ବିଦ୍ୟୁତକରଣ ଅନ୍ତର୍ଭୁକ୍ତ।
ପ୍ରଧାନମନ୍ତ୍ରୀ ଗାନ୍ଧିନଗର ଏବଂ ବରେଠା ମଧ୍ୟରେ ଚାଲୁଥିବା ଦୁଇଟି ନୂତନ ଟ୍ରେନ୍ , ବାରାଣାସୀ ସୁପରଫାଷ୍ଟ ଏକ୍ସପ୍ରେସ ଏବଂ MEMU କୁ ମଧ୍ୟ ଫ୍ଲାଗ୍ କରିବେ।
ପ୍ରଧାନମନ୍ତ୍ରୀ ଗୁଜୁରାଟବାସୀଙ୍କୁ ଭିଡିଓ କନଫରେନ୍ସିଂ ମାଧ୍ୟମରେ ମୋଟ ସାତୋଟି ପ୍ରକଳ୍ପ ଉତ୍ସର୍ଗ କରିବେ। ଏଥିମଧ୍ୟରେ ଏକ ନୂତନ ଆଧୁନିକ ରେଳ ଷ୍ଟେସନ ଏବଂ ରାଜ୍ୟ ରାଜଧାନୀ ଗାନ୍ଧିନଗରର ଏକ ପାଞ୍ଚ ତାରକା ହୋଟେଲ ଅନ୍ତର୍ଭୁକ୍ତ। ଏହି ହୋଟେଲ ଗାନ୍ଧି ନଗର ରେଳ ଷ୍ଟେସନ ଉପରେ ନିର୍ମାଣ କରାଯାଇଛି। ଏଥିରେ ଯାତ୍ରୀମାନେ ପଞ୍ଚତାରକା ହୋଟେଲର ସମସ୍ତ ସୁବିଧା ପାଇପାରିବେ।
ପ୍ରଧାନମନ୍ତ୍ରୀ ବାରାଣାସୀ ଏବଂ ତାଙ୍କ ନିଜ ସହର ଭଡନଗରକୁ ସଂଯୋଗ କରୁଥିବା ଏକ ନୂତନ ରେଳ ଲାଇନ ଏବଂ ଏକ ନୂତନ ଟ୍ରେନର ଉଦଘାଟନ କରିବେ। ସେ ଗୁଜୁରାଟ ସାଇନ୍ସ ସିଟି ଅହମ୍ମଦାବାଦରେ ତିନୋଟି ନୂତନ ପ୍ରକଳ୍ପର ମଧ୍ୟ ଉଦଘାଟନ କରିବେ।
2,644 କୋଟି ଟଙ୍କା ବ୍ୟୟରେ ନିର୍ମିତ ଏକ ଅତ୍ୟାଧୁନିକ ଆକ୍ୱାଟିକ୍ ଗ୍ୟାଲେରୀରେ ମଧ୍ୟ ଲୋକାର୍ପଣ କରିବେ। ପ୍ରାୟ 28 ମିଟର ଅଣ୍ଡର ୱାଟର ଟନେଲ ରେ 68 ଟି ଟ୍ୟାଙ୍କ, ସାର୍କ ପରି ସମୁଦ୍ର ପ୍ରାଣୀ ସମେତ 188 ପ୍ରଜାତିର 11 ହଜାର 600 ମାଛ ଅଛନ୍ତି।
127 କୋଟି ବ୍ୟୟ ସହିତ ନିର୍ମିତ ରୋବୋଟିକ୍ ଗ୍ୟାଲେରୀର ମଧ୍ୟ ଲୋକାର୍ପଣ କରିବେ। ଏଥିରେ କୃଷି, ସ୍ୱାସ୍ଥ୍ୟ, ସୁରକ୍ଷା ସମେତ 79 ପ୍ରକାରର ଦୁଇଶହରୁ ଅଧିକ ରୋବଟ୍ ପ୍ରଦର୍ଶିତ କରାଯାଇଛି।
