ଭୁବନେଶ୍ବର: ଆଜି ସଂଧ୍ୟାରେ କୋଣାର୍କ ମନ୍ଦିରକୁ ଯେ ଦେଖିଛି ସେ ଆର୍ଶ୍ଚର୍ଯ୍ୟ ହୋଇଯାଇଛି। କାରଣ ଆଜି ପ୍ରଥମ ଥର ପାଇଁ ଏହି ବିଶ୍ବ ଐତିହ୍ୟକୁ ତ୍ରିରଂଗା ରଂଗରେ ଆଲୋକିତ କରାଯାଇଛି। ମନ୍ଦିରର ତଳଭାଗକୁ ସବୁଜ, ମଧ୍ୟ ଭାଗକୁ ଧଳା ଏବଂ ଚୁଡା ଭାଗକୁ ନାରଙ୍ଗୀ ରଂଗରେ ରଂଗୀନ କରାଯାଇଛି।
କୋଣାର୍କର ଏପରି ରୂପ ଦେଖି ପର୍ଯ୍ୟଟକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। କାରଣ ହେଲା ଏପରି ତ୍ରିରଂଗା ରଂଗ କେବଳ ଗଣତନ୍ତ୍ର ଦିବସ ହେଉ କିମ୍ବା ସ୍ବାଧୀନତା ଦିବସରେ କରାଯାଇଥାଏ। ଆଜି ସେପରି କିଛି ନ ଥିବାରୁ ସେମାନେ ଏହାର କାରଣ ଜାଣିବା କଷ୍ଟକର ହୋଇପଡିଛି।
ତେବେ ସୂଚନା ଅନୁସାରେ ଆଜି ସାରା ଭାରତ ବର୍ଷରେ ଶହେ କୋଟି କୋଭିଡ ଟିକାକରଣ ସଫଳତା ମିଳିଥିବାରୁ ସେଥିପାଇଁ ଏପରି ଆଲୋକରେ ଆଲୋକିତ କରାଯାଇଛି। କରୋନା ମହାମାରୀର ମୁକାବିଲା ପାଇଁ ସାରା ଦେଶରେ ଚାଲିଛି ଟିକାକରଣ ଅଭିଜାନ। ଏଥିରେ ଆଜି ଭାରତ ଶହେ କୋଟି ଲୋକଙ୍କୁ ଟିକାକରଣ କରିବାରେ ସଫଳ ହୋଇଛି।
ଏହି ସଫଳତା ପାଇଁ କେନ୍ଦ୍ର ସରକାରଙ୍କ ସଂସ୍କୃତି ବିଭାଗ ଅଧିନରେ ଥିବା ଭାରତୀୟ ପ୍ରତ୍ନତାତ୍ବିତ ସର୍ବେକ୍ଷଣ ସଂସ୍ଥା ଏହି ପଦକ୍ଷେପ ନେଇଛି। କେବଳ କୋଣାର୍କ ନୁହେଁ ଦେଶର ଶହେଟି ପ୍ରାଚୀନ କିର୍ତ୍ତି ରାଜିରେ ଏପରି ତ୍ରିରଙ୍ଗା ରଂଗରେ ଆଲୋକିତ କରାଯାଇଛି।
ଶହେ କୋଟି ହୋଇଥିବାରୁ ଶହେଟି କିର୍ତ୍ତିରାଜିରେ ଏହି ପଦକ୍ଷେପ ନିଆଯାଇଛି। ସେଥିମଧ୍ୟରେ ରହିଛି ଲାଲକିଲ୍ଲା, ଆଗ୍ରାଦୁର୍ଗ, ତାମିଲନାଡୁର ମାମଲପୁରମରଥ, ଖଜୁରାହ ମନ୍ଦିର, ନାଳନ୍ଦା ବିଶ୍ବବିଦ୍ୟାଳୟ ପ୍ରଭୃତି ରହିଛି। ଏହା କରୋନା ଯୋଦ୍ଧା, ସାନିଟାଇଜର କର୍ମୀ, ଡାକ୍ତର, ନର୍ସମାନଙ୍କୁ ଉତ୍ସର୍ଗିକୃତ ବୋଲି କୁହାଯାଇଛି।