ରାହୁଲଙ୍କ ସଦସ୍ୟତାକୁ ନେଇ କଳା ପୋଷାକ ପିନ୍ଧି ସଂସଦରେ ବିରୋଧ କରିବେ କଂଗ୍ରେସ ସାଂସଦ

Published: Mar 26, 2023, 9:01 pm IST

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀଙ୍କ ଲୋକସଭା ସଦସ୍ୟତା ରଦ୍ଦ ହେବା ପରେ କଂଗ୍ରେସ ଶାସକ ଦଳ ବିଜେପି ଉପରେ ଆକ୍ରମଣ କରୁଛି। ଆଜି କଂଗ୍ରେସ ସଭାପତି ଏବଂ ପ୍ରିୟଙ୍କା ଗାନ୍ଧୀଙ୍କ ନେତୃତ୍ୱରେ ରାଜଘାଟରେ ସତ୍ୟାଗ୍ରହ କରି ବିରୋଧ ପ୍ରଦର୍ଶନ କରାଯାଇଥିବାବେଳେ ସୋମବାର ଦିନ ଦଳର ସାଂସଦମାନେ କଳା ବସ୍ତ୍ର ପରିଧାନ କରି ସଂସଦରେ ପହଞ୍ଚିବେ।

ଏହି କ୍ରମରେ କଂଗ୍ରେସ ବିରୋଧୀ ଦଳର ଅନ୍ୟ ଦଳମାନଙ୍କୁ ମଧ୍ୟ କଳା ରଙ୍ଗର ପୋଷାକ ପିନ୍ଧି ସଂସଦକୁ ଆସିବାକୁ ଅନୁରୋଧ କରିଛି। ବିରୋଧୀ ଦଳର ନେତା ତଥା କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ସୋମବାର ସକାଳ ୧୦ ଟାରେ ବିରୋଧୀ ଦଳର ଏକ ବୈଠକ ଡାକିଛନ୍ତି, ଯେଉଁଥିରେ ରଣନୀତି ଉପରେ ଆଲୋଚନା ହେବ।

ଏଥି ସହିତ ଯୁବ କଂଗ୍ରେସ ମଧ୍ୟ ଜନ୍ତର ମନ୍ତ୍ରରେ ପ୍ରଦର୍ଶନ କରିବ। ବୈଠକ ପରେ ସଂସଦକୁ ଅପରାହ୍ନ ପ୍ରାୟ ୧ ଟାରେ ଘେରାଉ କରିବାର କାର୍ଯ୍ୟକ୍ରମ ରହିଛି। ଅନ୍ୟପକ୍ଷରେ, ଆଜି ଯୁବ କଂଗ୍ରେସ କର୍ମୀମାନେ କେନ୍ଦ୍ର ସରକାରଙ୍କ ବିରୋଧରେ ଜନ୍ତର-ମନ୍ତର ରାସ୍ତାରେ ‘ମଶାଲ ଶୋଭାଯାତ୍ରା’ କରିବାକୁ ଚେଷ୍ଟା କରୁଥିବା ବେଳେ ପୋଲିସ ସେମାନଙ୍କୁ ଅଟକ ରଖିଥିଲା।

Related posts