ଭୁବନେଶ୍ବର: ଓଡିଶା ପୋଲିସର ଜଣେ ଦକ୍ଷ ଅଫିସର କ୍ରାଇମବ୍ରାଞ୍ଚ ଆଇଜି ସଫିନ ଅହମ୍ମଦଙ୍କ ପରଲୋକ ଘଟିଛି। ସେ କର୍କଟ ରୋଗରେ ଆକ୍ରାନ୍ତ ହୋଇ କେରଳରେ ଚିକିତ୍ସିତ ହେଉଥିଲେ। ସଫିନ ଅହମ୍ମଦ ୨୦୦୩ ବ୍ୟାଚ୍ର ଜଣେ ଦକ୍ଷ ଆଇପିଏସ୍ ଅଫିସର ଥିଲେ। ସେ ପୂର୍ବରୁ ବ୍ରହ୍ମପୁରର ଏସପି ସହିତ ବିଭିନ୍ନ ଜିଲ୍ଲାରେ କାର୍ଯ୍ୟ କରିଛନ୍ତି। ତାଙ୍କ ବିୟୋଗ ଓଡିଶା ପୋଲିସ ପାଇଁ ଏକ ଅପୂରଣୀୟ କ୍ଷତି ଘଟିଯାଇଛି।
ସଫିନଙ୍କ ପରଲୋକରେ ମୁଖ୍ୟମନ୍ତ୍ରୀ ମୋହନ ମାଝୀ ଶୋକପ୍ରକାଶ କରିଛନ୍ତି। ସେ କହିଛନ୍ତି ଯେ, ସଫିନଙ୍କ ଅକାଳ ବିୟୋଗ ମୋତେ ସ୍ତବ୍ଧ କରିଦେଇଛି। ତାଙ୍କର ଓଡିଶା ପୋଲିସ ପ୍ରତି ସେବା ସବୁଦିନ ପାଇଁ ମନେ ରହିବ। ଏହି ଦୁଃଖଦ ସମୟରେ ତାଙ୍କ ପରିବାର ବର୍ଗଙ୍କୁ ଭଗବାନ ଧର୍ଯ୍ୟ ପ୍ରଦାନ କରନ୍ତୁ। ତାଙ୍କର ଅମର ଆତ୍ମା ସଦଗତି ହେଉ। ସେହିପରି ଓଡିଶା ମନ୍ତ୍ରୀମଣ୍ଡଳର ବହୁ ମନ୍ତ୍ରୀ ଓ ନେତା ଶୋକପ୍ରକାଶ କରିଛନ୍ତି।