ନୂଆଦିଲ୍ଲୀ, ବଲିଉଡର ‘ଡ୍ରିମ୍ ଗାର୍ଲ’ ହେମା ମାଳିନୀ ଆଜି ୭୨ ବର୍ଷ ବୟସରେ ପଦାର୍ପଣ କଲେ। ହେମା ୧୬ ଅକ୍ଟୋବର ୧୯୪୮ ରେ ଜନ୍ମଗ୍ରହଣ କରିଥିଲେ। ହେମାଙ୍କ ଜନ୍ମଦିନ ଉପଲକ୍ଷେ ତାଙ୍କର ବହୁ ପ୍ରଶଂସକଙ୍କ ଶୁଭେଚ୍ଛାର ବାର୍ତ୍ତା ଆସିବାରେ ଲାଗିଛି। ସେ ଉଭୟ ଚଳଚିତ୍ର ଏବଂ ରାଜନୀତି ସହିତ ଜଡିତ ଥିବାରୁ ରାଜନୈତିକ ବ୍ୟକ୍ତିମାନେ ମଧ୍ୟ ତାଙ୍କ ଜନ୍ମଦିନର ଶୁଭେଚ୍ଛା ପ୍ରଦାନ କରିଛନ୍ତି।
ହେମା ମାଳିନୀ ଚଳଚିତ୍ର ଜଗତରେ ଶିଶୁ କଳାକାର ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ। ହେମା ଦକ୍ଷିଣ ଭାରତର ହୋଇଥିବା ସତ୍ବେ ସେ ହିନ୍ଦୀ ସିନେମାରେ ଏକ ବଡ ନାମ ହାସଲ କରିଥିଲେ। ହିନ୍ଦୀ ସିନେମାରେ ତାଙ୍କର ଏହି କାମ ଏବେ ମଧ୍ୟ ସ୍ମରଣୀୟ। ହେମା ଚେନ୍ନାଇର ଏକ ବିଦ୍ୟାଳୟରେ ଦଶମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରୁଥିବା ବେଳେ ଚଳଚ୍ଚିତ୍ର ପାଇଁ ଅଫର ପାଇବା ଆରମ୍ଭ କରିଥିଲେ। ଏହି କାରଣରୁ ସେ ପାଠପଢାରେ ମନୋନିବେଷ କରିପାରିଲେ ନାହିଁ।
ହେମା ମାଳିନୀ ତାଙ୍କ ସମୟର ସୁନ୍ଦର ଅଭିନେତ୍ରୀମାନଙ୍କ ମଧ୍ୟରୁ ଜଣେ। ତାଙ୍କ ପାଇଁ କେବଳ ପ୍ରଶଂସକ ନୁହଁନ୍ତି ଅନେକ ହିରୋ ମଧ୍ୟ ହୃଦୟ ଭାଙ୍ଗିଥିଲେ। ହେମା ମାଳିନୀ ତାଙ୍କ ଚଳଚ୍ଚିତ୍ର ଯାତ୍ରାରେ ଅନେକ ହିଟ୍ ଏବଂ ସ୍ମରଣୀୟ ଚଳଚ୍ଚିତ୍ର ଦେଇଛନ୍ତି। ଏହାପରେ ସେ ଚଳଚ୍ଚିତ୍ରରୁ ରାଜନୈତିକ କ୍ଷେତ୍ରକୁ ମଧ୍ୟ ଯାତ୍ରା କରିଛି। ଉଭୟ ଚଳଚିତ୍ର ଏବଂ ରାଜନୀତିରେ ନିଜର ଦକ୍ଷତା ପ୍ରତିପାଦନ କରିଆସୁଛନ୍ତି ହେମା ମାଳିନୀ।
