ନୂଆଦିଲ୍ଲୀ: ମାଳଦ୍ୱୀପ ଏହାର ପର୍ଯ୍ୟଟନ ଆକର୍ଷଣକୁ ବୃଦ୍ଧି କରିବା ଲକ୍ଷ୍ୟରେ ବଲିଉଡ୍ ସୁପରଷ୍ଟାର କ୍ୟାଟ୍ରିନା କୈଫ୍ ଙ୍କୁ ଏହାର ନୂତନ ବିଶ୍ୱ ବ୍ରାଣ୍ଡ ଆମ୍ବାସାଡର ଭାବରେ ନିଯୁକ୍ତ କରିଛି। ଆଜି ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଏହି ଘୋଷଣା କରାଯାଇଛି। ଆଶ୍ଚର୍ଯ୍ୟଜନକ ଭାବରେ ପ୍ରଧାନମନ୍ତ୍ରୀ ମୋଦିଙ୍କ ଗସ୍ତ ପୂର୍ବରୁ ଏହି ଘୋଷଣା କରାଯାଇଛି।
ବିଶ୍ୱ ବ୍ରାଣ୍ଡ ଆମ୍ବାସାଡର ହେବା ବିଷୟରେ କ’ଣ କହିଲେ କ୍ୟାଟ୍ରିନା?:
ମାଳଦ୍ୱୀପର ସନି ସାଇଡ୍ ଅଫ୍ ଲାଇଫ୍ ର ବିଶ୍ୱ ବ୍ରାଣ୍ଡ ଆମ୍ବାସାଡର ହେବା ବିଷୟରେ, କ୍ୟାଟ୍ରିନା କୈଫ୍ କହିଛନ୍ତି ଯେ, “ମାଳଦ୍ୱୀପ ହେଉଛି ବିଳାସପୂର୍ଣ୍ଣ ଏବଂ ପ୍ରାକୃତିକ ସୌନ୍ଦର୍ଯ୍ୟର ପ୍ରତୀକ, ଯେଉଁଠାରେ ମହାନ ଶୈଳୀ ଶାନ୍ତିକୁ ଭେଟିଥାଏ। ମୁଁ ଏହାର ବ୍ରାଣ୍ଡ ଆମ୍ବାସାଡର ହୋଇଥିବାରୁ ଗର୍ବିତ। ଏହି ସହଯୋଗ ବିଶ୍ୱର ଲୋକଙ୍କ ପାଇଁ ମହାନ ଯାତ୍ରା ଅଭିଜ୍ଞତା ଆଣିବା ପାଇଁ ଏବଂ ମୁଁ ଉତ୍ସାହିତ ଯେ ମୁଁ ମାଳଦ୍ୱୀପର ଅନନ୍ୟ ଆକର୍ଷଣ ଏବଂ ବିଶ୍ୱସ୍ତରୀୟ ଅଭିଜ୍ଞତାକୁ ସମସ୍ତଙ୍କ ନିକଟରେ ପହଞ୍ଚାଇ ପାରିବି।” କ୍ୟାଟ୍ରିନାଙ୍କୁ ମାଳଦ୍ୱୀପର ବିଶ୍ୱ ବ୍ରାଣ୍ଡ ଆମ୍ବାସାଡର କରିବା ଗର୍ବର ବିଷୟ।
ମାଳଦ୍ୱୀପ ମାର୍କେଟିଂ ଏବଂ ପବ୍ଲିକ ରିଲେସନ କର୍ପୋରେସନର ପରିଚାଳନା ନିର୍ଦ୍ଦେଶକ ଥୋୟବ ମହମ୍ମଦ କହିଛନ୍ତି ଯେ, “କ୍ୟାଟ୍ରିନା କୈଫଙ୍କୁ ଆମର ବିଶ୍ୱ ବ୍ରାଣ୍ଡ ଆମ୍ବାସାଡର କରିବା ଆମ ପାଇଁ ବହୁତ ଗର୍ବର ବିଷୟ। ବିଶ୍ୱ ମନୋରଞ୍ଜନ ଶିଳ୍ପରେ ତାଙ୍କର ପ୍ରଭାବ ସହିତ ତାଙ୍କର ଲୋକପ୍ରିୟତା ନିଶ୍ଚିତ ଭାବରେ ବିଶ୍ୱର ବିଭିନ୍ନ ସ୍ଥାନରୁ ବିଶେଷକରି ଭାରତରୁ ଅଧିକ ଦର୍ଶକଙ୍କୁ ଆକର୍ଷିତ କରିବାରେ ସାହାଯ୍ୟ କରିବ।”
ଉଲ୍ଲେଖ ଯୋଗ୍ୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାଳଦ୍ୱୀପ ଗସ୍ତର ଗୋଟିଏ ମାସ ପୂର୍ବରୁ ଏହି ନିଷ୍ପତ୍ତି ନିଆଯାଇଛି। ଏହା ସହିତ ଗତ ବର୍ଷ ଆରମ୍ଭରେ ଭାରତ ଏବଂ ମାଳଦ୍ୱୀପ ମଧ୍ୟରେ ସମ୍ପର୍କ ଖରାପ ହେବା ପରେ ପୁଣି ଥରେ ଦୁଇ ଦେଶ ମଧ୍ୟରେ ସୌହାର୍ଦ୍ଦ୍ୟପୂର୍ଣ୍ଣ ସମ୍ପର୍କ ଗଠନ କରିବା ପାଇଁ ଏହି ନିଷ୍ପତ୍ତି ନିଆଯାଇଛି।