ଇସ୍ରାଏଲ୍ : ଇସ୍ରାଏଲ୍ର ପ୍ରଧାନମନ୍ତ୍ରୀ ଦ୍ବିତୀୟଥର ପାଇଁ ଦେଶରେ ଦେଶବ୍ୟାପୀ ଲକ୍ଡାଉନ୍ର ଘୋଷଣା କରିଛନ୍ତି । ଘୋଷଣା ଅନୁଯାୟୀ ଏହି ଲକ୍ଡାଉନ୍ ଏବେ ଦେଶରେ ତିନି ସପ୍ତାହ ପର୍ଯ୍ୟନ୍ତ ଜାରି ରହିବ । ଅକ୍ଟୋବର 9 ପର୍ଯ୍ୟନ୍ତ ଦେଶରେ ଲକ୍ଡାଉନ୍ ଜାରି ରହିବା ନେଇ ଘୋଷଣା କରାଯାଇଛି । ତେବେ ଇସ୍ରାଏଲ୍ ପ୍ରଥମ ରାଷ୍ଟ୍ର ଭାବେ ଦ୍ବିତୀୟ ଥର ପାଇଁ ଲକ୍ଡାଉନ୍ ଜାରି କରିଛି ।
ଇସ୍ରାଏଲ୍ର ରାଷ୍ଟ୍ରତି ବେଞ୍ଜାମିନ୍ ନେତନ୍ୟାହୁ ଦ୍ବିତୀୟ ଥର ପାଇଁ ଲକ୍ଡାଉନ୍କୁ ନେଇ କହିଛନ୍ତି ଯେ, ଏଥିପାଇଁ ସାଧାରଣ ଜନତାଙ୍କୁ ବହୁତ ଅସୁବିଧା ହେବ । ଇସ୍ରାଏଲ୍ରେ ଏବେ ସାମୂହିକ ପର୍ବ ପାଳିବା ସମୟରେ ଲକ୍ଡାଉନ୍କୁ ନେଇ ଅସନ୍ତୋଷ ଦେଖାଦେଇଛି । ତେବେ ଘରେ ରହି ସୀମିତ ସଦସ୍ୟଙ୍କ ମଧ୍ୟରେ ପର୍ବ ପାଳିବାକୁ ନେତନ୍ୟାହୁ ପରାମର୍ଶ ଦେଇ କହିଛନ୍ତି ଯେ, ଆମେ ଯଦି ସମେସ୍ତ ପ୍ରତିବଦ୍ଧପୂର୍ଣ୍ଣ ଭାବେ ନିୟମକୁ ପାଳନ କରିବା ତେବେ କରୋନାକୁ ମାତ୍ ଦେଇପାରିବା । ସେହିପରି ଭ୍ୟାକ୍ସିନ୍ ଓ ଦ୍ରୁତ ଟେଷ୍ଟିଂକୁ ନେଇ ମଧ୍ୟ ନିଜର ମତ ରଖିଛନ୍ତି ନେତନ୍ୟାହୁ ।
ତେବେ ସରକାରଙ୍କ ଏହି ନିୟମକୁ ବିରୋଧ କରି ଜଣେ ମନ୍ତ୍ରୀ ଇସ୍ତଫା ଦେଇଛନ୍ତି । ତେବେ ରାଷ୍ଟ୍ରରେ ଦ୍ବିତୀୟ ଥର ପାଇଁ ଲକ୍ଡାଉନ୍ ଜାରି ପ୍ରସଙ୍ଗକୁ ନେଇ ରବିବାର ଦିନ ବହୁ ଲୋକେ ପ୍ରଦର୍ଶନ କରିବା ସହିତ ନେତନ୍ୟାହୁଙ୍କ ଇସ୍ତଫା ଦାବି କରିଥିଲେ। ଏପରିକି ଏୟାରପୋର୍ଟ ଯିବା ରାସ୍ତାରେ ନେତନ୍ୟାହକୁ ଘେରିଥିଲେ । ନେତନ୍ୟାହୁ ଆମେରିକା, ବାହାରିନ୍ ଓ ୟୁଏଇ ସହିତ ଏକ ଚୁକ୍ତି କରିବାକୁ ଯିବା ସମୟରେ ବିରୋଧ ପ୍ରଦର୍ଶନର ସମ୍ମୁଖୀନ ହୋଇଥିଲେ । ଏଠାରେ କରୋନା ସଂକ୍ରମଣ ମାମଲା ଦ୍ରୁତ ଗତିରେ ବଢିବାରେ ଲାଗିଛି । ତେବେ କରୋନାକୁ ରୋକିବା ଲାଗି ଦେଶରେ ଦ୍ବିତୀୟ ଥର ପାଇଁ ଲକ୍ଡାଉନ୍ ଜାରି କାରଣରୁ ୟେହୁଦୀଙ୍କ ପର୍ବ ମଧ୍ୟ ପାଳିତ ହୋଇପାରିବ ନାହିଁ । ଏହାକୁ ନେଇ ସାଧାରଣରେ ଅସନ୍ତୋଷ ଦେଖାଦେଇଛି । (ଏଜେନ୍ସି)
