ଭୁବନେଶ୍ବର, ରାଜସ୍ଥାନରେ ଏକ ରାଜକୀୟ ଢଙ୍ଗରେ ବାହାଘର ସାରିବା ପରେ ଆଜି ଭୁବନେଶ୍ବର ଫେରିଛନ୍ତି ସବ୍ୟର୍ଚ୍ଚିତା। ଓଡିଆ ଚଳଚିତ୍ରର ଏହି ଚର୍ଚ୍ଚିତ ଦମ୍ପତିଙ୍କୁ ଭୁବନେଶ୍ବରର ବିମାନ ବନ୍ଦରରେ ପରିବାର ବର୍ଗ ତଥା ତାଙ୍କ ପ୍ରଶଂସକମାନେ ଫୁଲତୋଡା ଦେଇ ସ୍ବାଗତ କରିଥିଲେ। ସବ୍ୟର୍ଚ୍ଚିତା ଚଳିତ ମାର୍ଚ୍ଚ ଏକ ତାରିଖରେ ବିବାହ ବନ୍ଧନର ବାନ୍ଧି ହୋଇଥିଲେ। ଖୁବ କମ ସଂଖ୍ୟକ ବନ୍ଧୁଙ୍କୁ ନେଇ ଏହି ବାହାଘର ହୋଇଥିଲା। ହିନ୍ଦୁ ଧର୍ମର ପରଂପରା ଅନୁସାରେ ଅର୍ଚ୍ଚିତା ମଥାରେ ସିନ୍ଦୁର ଏବଂ ହାତରେ ଚୁଡିରେ ଭର୍ତ୍ତି ହୋଇ ରହିଥିଲା।
ଭୁବନେଶ୍ବରର ବିମାନ ବନ୍ଦରରେ ସବ୍ୟସାଚୀ କହିଛନ୍ତି ଯେ, ଗତ ବର୍ଷ ମାର୍ଚ୍ଚ ମାସରେ ଆମର ବାହାଘର ହେବ ବୋଲି ସ୍ଥିର ହୋଇଥିଲା। ହେଲେ କୋଭିଡ ପାଇଁ ଏହି ବାହାଘର ହୋଇପାରି ନ ଥିଲା। ତେବେ ବର୍ତ୍ତମାନ ସୁଦ୍ଧା କୋଭିଡ କଟକଣା ରହିଛି। ଓଡିଶାରେ ବାହାଘର କଲେ ବେଶ ଗହଳି ହୋଇଥାଆନ୍ତି। ହେଲେ ଏପରି କଟକଣା ଭିତରେ ସମସ୍ତଙ୍କୁ ହଇରାଣ କରିବା ପାଇଁ ଚାହିଁ ନ ଥିଲୁ। ସେଥିପାଇଁ ରାଜସ୍ଥାନରେ ଏହି ବାହାଘର କଲୁ।
