ଭୁବନେଶ୍ବର: ଆଜି ବିଜେଡିର ବରିଷ୍ଠ ନେତା ଲେନିନ ମହାନ୍ତିଙ୍କ ନେତୃତ୍ୟରେ ଏକ ଦଳ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ସାକ୍ଷାତ କରିଛନ୍ତି। ଏଥିସହିତ ସେମାନେ ଝାରସୁଗୁଡା ଉପନିର୍ବାଚନ ନେଇ ଏକ ଅଭିଯୋଗ ସିଇଓଙ୍କୁ ପ୍ରଦାନ କରିଛନ୍ତି। ଏଥିରେ ସେମାନେ ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ଏବଂ ବିଧାୟିକା କୁସୁମ ଟେଟେଙ୍କ ବିରୋଧରେ ଅଭିଯୋଗ କରିଛନ୍ତି।
ଏହି ଅଭିଯୋଗ ପତ୍ରରେ ସେମାନେ ଉଲ୍ଲେଖ କରିଛନ୍ତି ଯେ, ଗତକାଲି ବିଜେଡି କର୍ମିମାନେ ପ୍ରଚାର କରୁଥିବା ବେଳେ ସେମାନଙ୍କୁ ଉଭୟ ଡରାଇଥିଲେ। ସେମାନେ ଲାଇକେରା ବ୍ଲକର ନିକିତିମାଳରେ ପ୍ରଚାର କରୁଥିବା ବେଳେ ଏହା ଘଟିଛି। ଉଭୟ କର୍ମମାନଙ୍କୁ ବିଜେପିର ପ୍ରଚାର କରିବାକୁ ବାଧ୍ୟ କରିଥିଲେ। ତାହା ନ କରିବାରୁ ସେମାନେ ବିଜେଡି କର୍ମିଙ୍କ ମୋଟର ସାଇକେଲକୁ ଗୋଇଠା ମାରିଥିଲେ। ଏହା ଉପରେ ଉପଯୁକ୍ତ ତଦନ୍ତ କରାଯାଇ କାର୍ଯ୍ୟାନୁଷ୍ଠନ ନେବାକୁ ବିଜେଡି ନେତା ଅନୁରୋଧ କରିଥିଲେ।
