ଭୁବନେଶ୍ବର: ଆସନ୍ତାକାଲି ରାକ୍ଷୀ ପୂର୍ଣ୍ଣିମା। ଚାରିଆଡେ ରହିବ ଉତ୍ସବ ମୁଖର। ହେଲେ ଆସନ୍ତାକାଲି କୌଣସି ଭଉଣୀ ସମର୍ଥକ ନବୀନ ନିବାସ ଆସିବାକୁ ମନା କରାଯାଇଛି। ଏ ନେଇ ଆଜି ନବୀନ ନିବାସ ତରଫରୁ ସୂଚନା ପ୍ରଦାନ କରାଯାଇଛି। ଏଥିରେ କୁହାଯାଇଛି ଯେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜରୁରୀ କାର୍ଯ୍ୟରେ ବ୍ୟସ୍ତ ରହିବେ। ସେଥିପାଇଁ ସେ କୌଣସି କାର୍ଯ୍ୟକ୍ରମରେ ଯୋଗ ଦେଇପାରିବେ ନାହିଁ।
ତେବେ ପବିତ୍ର ରାକ୍ଷୀ ପୂର୍ଣ୍ଣିମା ଉପଲକ୍ଷେ ମୁଖ୍ୟମନ୍ତ୍ରୀ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି। ପୂର୍ବରୁ କରୋନା ପାଇଁ ନବୀନ ନିବାସ ସଂପୂର୍ଣ୍ଣ ଭାବେ ବନ୍ଦ ରହିଥିଲା। ହୋଲି ହେଉ କିମ୍ବା ରାକ୍ଷୀ କୌଣସି ପର୍ବରେ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିବା କର୍ମି ନେତାଙ୍କ ମହଲରେ ବେଶ ଆଗ୍ରହ ରହିଥାଏ। ହେଲେ ଚଳିତ ବର୍ଷ ରକ୍ଷା ବନ୍ଧନ ପାଳନ ହେବ ନାହିଁ ବୋଲି ସୂଚନା ଦିଆଯାଇଛି।