ଭୁବନେଶ୍ବର: ଖୁବ ଶିଘ୍ର ଓଡିଶାର ୧୦୦ ବିଧାନସଭା ଆସନ ପାଇଁ ବିଜେପି ପ୍ରାର୍ଥୀଙ୍କ ନାମ ଘୋଷଣା କରାଯିବ। ଏ ନେଇ ଆଜି ଗଣମାଧ୍ୟମକୁ କହିଛନ୍ତି ବିଜେପି ନେତା ପୃଥୀରାଜ ହରିଚନ୍ଦନ। ସେ କହିଛନ୍ତି ଯେ ତୃଣମୂଳ ସ୍ତରରେ ଦଳ ତରଫରୁ ସମସ୍ତ ସମୀକ୍ଷା ଶେଷ ହୋଇଛି। କେବଳ କେନ୍ଦ୍ରୀୟ ନିର୍ବାଚନ କମିଟର ମୋହର ବାଜିଲେ ତାହା ଘୋଷଣା କରାଯିବ।
ଏହି ପ୍ରାର୍ଥୀ ଘୋଷଣା କରିବା ପାଇଁ ଆଜି ସକାଳେ ବିଜେପି ରାଜ୍ୟ ସଭାପତି ମନମୋହନ ସାମଲ ଦିଲ୍ଲୀ ଗସ୍ତ କରିଛନ୍ତି। ସେ ଆଜି ସିଇସି ବୈଠକରେ ଏହି ପ୍ରାର୍ଥୀଙ୍କ ତାଲିକା ଉପରେ ଆଲୋଚନା କରିବେ। ଏହାପରେ ଆସନ୍ତାକାଲି କିମ୍ବା ଦୁଇଦିନ ମଧ୍ୟରେ ପ୍ରାର୍ଥୀଙ୍କ ନାମ ଘୋଷଣା କରାଯିବ ବୋଲି ଜଣାପଡିଛି।
