ନୂଆଦିଲ୍ଲୀ: ଦ୍ୱିତୀୟ ଟେଷ୍ଟ ମ୍ୟାଚରେ ବାଂଲାଦେଶକୁ 7 ୱିକେଟରେ ପରାସ୍ତ କରି ସିରିଜ୍ 2-0ରେ ଜିତିଛି ଭାରତ। ପ୍ରଥମ 3 ଦିନରେ ବର୍ଷା ହେତୁ କେବଳ 35 ଓଭର ଖେଳାଯାଇଥିଲା, କିନ୍ତୁ ପରବର୍ତ୍ତୀ 2 ଦିନରେ ଟିମ୍ ଇଣ୍ଡିଆ ବାଂଲାଦେଶକୁ ପରାସ୍ତ କରିଛି। ଏହା ହେଉଛି ସମାନ ବାଂଲାଦେଶ ଦଳ ଯାହାକି ପ୍ରାୟ ଏକ ମାସ ପୂର୍ବରୁ ନିଜ ମାଟିରେ ଟେଷ୍ଟ ସିରିଜରେ ପାକିସ୍ତାନକୁ 2-0ରେ ପରାସ୍ତ କରିଥିଲା। ଏହି ବିଜୟ ସହିତ ବିଶ୍ୱ ଟେଷ୍ଟ ଚାମ୍ପିୟନଶିପ ଫାଇନାଲକୁ ଭାରତର ରାସ୍ତା ପୂର୍ବ ଅପେକ୍ଷା ଟିକିଏ ସହଜ ହୋଇଯାଇଛି।
ପଞ୍ଚମ ଦିନରେ ବାଂଲାଦେଶ 26/2 ସ୍କୋର ସହ ଇନିଂସକୁ ଆଗକୁ ବଢାଇଥିଲା, କିନ୍ତୁ ଭାରତୀୟ ବୋଲରମାନେ ବଡ ଲକ୍ଷ୍ୟ ନେଇ ପଡିଆକୁ ଆସିଥିବା ଜଣାପଡିଥିଲା। ଅଧିନାୟକ ନଜମୁଲ ଶାନ୍ତୋ ଏବଂ ଶାଦମାନ ଇସଲାମଙ୍କ ମଧ୍ୟରେ 55 ରନର ଏକ ଗୁରୁତ୍ୱପୂର୍ଣ୍ଣ ଭାଗିଦାରୀ ଥିଲା। ଏକ ସମୟରେ ବାଂଲାଦେଶର ସ୍କୋର 3 ୱିକେଟ୍ ପାଇଁ 91 ରନ୍ ଥିଲା, କିନ୍ତୁ ପରବର୍ତ୍ତୀ 55 ରନ୍ ମଧ୍ୟରେ ଭ୍ରମଣକାରୀ ଦଳ ବାକି 7 ୱିକେଟ୍ ହରାଇଥିଲା। ଚତୁର୍ଥ ଇନିଂସରେ ଜିତିବା ପାଇଁ ଭାରତ 95 ରନର ଲକ୍ଷ୍ୟ ପାଇଥିଲା। କ୍ୟାପଟେନ ରୋହିତ ଶର୍ମା ଶୀଘ୍ର ଆଉଟ୍ ହୋଇଥିଲେ, କିନ୍ତୁ ଯଶସ୍ଵୀ ଜୟଶ୍ଵାଲ 51 ରନ୍ ର ଅର୍ଦ୍ଧଶତକ ଖେଳିଥିଲେ। ବାକି 29 ଟି ରନ୍ ବିରାଟ କୋହଲିଙ୍କ ଇନିଂସ ଦ୍ୱାରା କରାଯାଇଥିଲା। ଏହି ପରିପ୍ରେକ୍ଷୀରେ ଭାରତ ଏହି ମ୍ୟାଚକୁ 7 ୱିକେଟରେ ଜିତି ନେଇଛି।
WTC ଫାଇନାଲକୁ ରାସ୍ତା:
ବିଶ୍ୱ ଟେଷ୍ଟ ଚାମ୍ପିଅନସିପ୍ 2025 ଫାଇନାଲ୍ ଆସନ୍ତା ବର୍ଷ ଖେଳାଯିବ ଏବଂ ଏହାପୂର୍ବରୁ ଭାରତକୁ ଆଉ 8 ଟି ଟେଷ୍ଟ ମ୍ୟାଚ୍ ଖେଳିବାକୁ ପଡିବ। ସମୀକରଣ ଏପରି ହୋଇଛି ଯେ ଯଦି ଭାରତ-ବାଂଲାଦେଶ କାନପୁର ଟେଷ୍ଟ ବାତିଲ ହୁଏ ତେବେ ଫାଇନାଲରେ ଟିମ୍ ଇଣ୍ଡିଆର ସ୍ଥାନ ବିପଦରେ ପଡିଥାନ୍ତା। ଭାରତ ତଥାପି ଟେବୁଲରେ ଶୀର୍ଷରେ ରହିଛି ଏବଂ ଏହାର ପଏଣ୍ଟ ପ୍ରତିଶତ 74.24 କୁ ବୃଦ୍ଧି ପାଇଥିବାବେଳେ ଅଷ୍ଟ୍ରେଲିଆ 62.50 ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଛି।
