ନୂଆଦିଲ୍ଲୀ: ବ୍ରମ୍ପଟନ୍ ମନ୍ଦିର ଆକ୍ରମଣ ମାମଲାରେ କାନାଡା ପୋଲିସ୍ ଦ୍ଵାରା ଗିରଫ ହୋଇଥିବା ଖାଲିସ୍ତାନୀ କାର୍ଯ୍ୟକର୍ତ୍ତା ଇନ୍ଦରଜିତ ଗୋସାଲଙ୍କୁ ମୁକ୍ତ କରାଯାଇଛି। ଏହି ଘଟଣାରେ କାନାଡାର ପିଲ ଆଞ୍ଚଳିକ ପୋଲିସ ନଭେମ୍ବର ୩ ତାରିଖରେ ପଞ୍ଚମ ଥର ପାଇଁ ଗିରଫ କରିଥିଲା।
ଗିରଫ ବ୍ୟକ୍ତି ଜଣକ ହେଉଛନ୍ତି ଇନ୍ଦରଜିତ ଗୋସାଲ। ସେ ‘କାନାଡାର SFJ ର ସଂଯୋଜକ’ ବୋଲି ଜଣାଯାଇଛି। SFJ ଅର୍ଥାତ ଶିଖ୍ ଫର ଜଷ୍ଟିସ୍ ହେଉଛି ଏକ ଆତଙ୍କବାଦୀ ସଂଗଠନ ଯାହା ଭାରତରେ ନୂଆ ଖାଲିସ୍ତାନ ଦେଶ କରିବା ପାଇଁ ଆନ୍ଦୋଳନ ଜାରୀ ରଖିଛନ୍ତି।
ତେବେ ପୋଲିସର ସୂଚନା ଅନୁଯାୟୀ ତାଙ୍କୁ କିଛି ସର୍ତ୍ତରେ ମୁକ୍ତ କରାଯାଇଛି ଏବଂ ପରବର୍ତ୍ତୀ ସମୟରେ ସେ ବ୍ରମ୍ପଟନ୍ର ଅନଟାରିଓ କୋର୍ଟରେ ହାଜର ହେବେ।
Inderjeet Gosal, the coordinator for SFJ in Canada, has been arrested in connection with the protest and acts of violence that occurred outside the Hindu temple in Brampton. pic.twitter.com/UXaiBuq12U
— Āryā_Anvikṣā 🪷 (@Arya_Anviksha_) November 9, 2024
ସୋସିଆଲ ମିଡିଆରେ ତାଙ୍କର ଏକ ଚିତ୍ର ଏବେ ଭାଇରାଲ ହୋଇଛି। ଯେଉଁଠାରେ ସେ ଏକ ଇଭେଣ୍ଟରେ ଖାଲିସ୍ତାନୀ ପତାକା ଧରି ଭାରତୀୟ ତ୍ରିରଙ୍ଗା ଉପରେ ଠିଆ ହୋଇଥିବା ଦେଖିବାକୁ ମିଳିଛି।
ଖାଲିସ୍ତାନୀ ପତାକା ଧରିଥିବା ବିକ୍ଷୋଭକାରୀମାନେ ହିନ୍ଦୁ ସଭା ମନ୍ଦିରରେ ଭକ୍ତଙ୍କୁ ମାଡ଼ ମାରିଥିଲେ ଏବଂ ନଭେମ୍ବର ୩ ତାରିଖରେ ଅନଟାରିଓର ଗ୍ରେଟର ଟରୋଣ୍ଟୋ ଅଞ୍ଚଳର ବ୍ରମ୍ପଟନ୍ ଠାରେ ମନ୍ଦିର କର୍ତ୍ତୃପକ୍ଷ ଏବଂ ଭାରତୀୟ ଦୂତାବାସ ଦ୍ୱାରା ମିଳିତ ଏକ କାର୍ଯ୍ୟକ୍ରମରେ ବାଧା ସୃଷ୍ଟି କରିଥିଲେ।