ନୂଆଦିଲ୍ଲୀ: ବରିଷ୍ଠ କଂଗ୍ରେସ ନେତା ସୋନିଆ ଗାନ୍ଧୀଙ୍କ ସହିତ ଜଡିତ ପୁରୁଣା ଭୋଟର ତାଲିକା ମାମଲା ସମ୍ପର୍କରେ ରାହୁଲ ଗାନ୍ଧୀଙ୍କଠାରୁ ବିଜେପି ସ୍ପଷ୍ଟୀକରଣ ଦାବି କରିଛି। ବିଜେପି ରାଷ୍ଟ୍ରୀୟ ମୁଖପାତ୍ର ପ୍ରଦୀପ ଭଣ୍ଡାରୀ ଅଭିଯୋଗ କରିଛନ୍ତି ଯେ, ସୋନିଆ ଗାନ୍ଧୀଙ୍କ ନାମ ୧୯୮୦ ଭୋଟର ତାଲିକାରେ, ଏପରିକି ସେ ଭାରତୀୟ ନାଗରିକତା ପାଇବା ପୂର୍ବରୁ ତାଲିକାଭୁକ୍ତ ଥିଲା। ରାହୁଲ ଗାନ୍ଧୀଙ୍କୁ ପ୍ରଦୀପ ପଚାରିଛନ୍ତି ଯେ, ସେହି ସମୟରେ ତାଙ୍କ ମାଆଙ୍କ ନାମ ଭୋଟର ତାଲିକାରେ କିପରି ଅନ୍ତର୍ଭୁକ୍ତ ହୋଇଥିଲା?
ଉଲ୍ଲେଖ ଯୋଗ୍ୟ ଯେ, ମାମଲାଟି ଏବେ ଦିଲ୍ଲୀର ଏକ କୋର୍ଟରେ ପୁଣି ଥରେ ଖୋଲାଯାଇଛି। ସେପ୍ଟେମ୍ବର ୨୧ ତାରିଖ ୨୦୨୬ରେ ଦିଲ୍ଲୀର ରାଉଜ୍ ଆଭେନ୍ୟୁର ସ୍ୱତନ୍ତ୍ର କୋର୍ଟ ସୋନିଆ ଗାନ୍ଧୀଙ୍କ ବିରୁଦ୍ଧରେ ଏଫଆଇଆର ଦାବି କରୁଥିବା ଆବେଦନକୁ ଖାରଜ କରି ପୂର୍ବ ନିର୍ଦ୍ଦେଶକୁ ଖାରଜ କରିଦେଇଥିଲେ। କୋର୍ଟ ମାମଲାକୁ ପୁଣି ମାଜିଷ୍ଟ୍ରେଟଙ୍କ ନିକଟକୁ ପଠାଇ ଦେଇଛନ୍ତି ଏବଂ ନୂତନ ଶୁଣାଣି ପାଇଁ ନିର୍ଦ୍ଦେଶ ଦେଇଛନ୍ତି।