ନୂଆଦିଲ୍ଲୀ: ଅପରେସନ ସିନ୍ଦୂରକୁ ନେଇ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ ଏ.ପି. ସିଂହ ପାକିସ୍ତାନକୁ କଡ଼ା ଚେତାବନୀ ଦେଇଛନ୍ତି। ସେ କହିଛନ୍ତି ଯେ, “କୌଣସି ବି ଲକ୍ଷ୍ୟ ଆମ ପହଞ୍ଚ ବାହାରେ ନାହିଁ”।
ପିଟିଆଇକୁ ଦେଇଥିବା ସାକ୍ଷାତକାରରେ ବାୟୁସେନା ମୁଖ୍ୟ କହିଛନ୍ତି ଯେ, ପଶ୍ଚିମ ମୋର୍ଚ୍ଚାରେ ୧୨୦୦ କି.ମି ପ୍ରସ୍ଥ ଏବଂ ୨୦୦ କି.ମି ଗଭୀରତା ପର୍ଯ୍ୟନ୍ତ କରାଯାଇଥିବା ସଠିକ୍ ଆକ୍ରମଣ ପ୍ରମାଣ କରିଦେଇଛି ଯେ ବାୟୁସେନା ଯେକୌଣସି ଲକ୍ଷ୍ୟକୁ ଭେଦ କରିପାରେ। ଅପରେସନ ସିନ୍ଦୂର ବାୟୁସେନାର କ୍ଷମତା-କେନ୍ଦ୍ରିତ ରଣନୀତିର ପ୍ରମାଣ।
ସେ କହିଛନ୍ତି ଯେ, ଦେଶର ସୁରକ୍ଷା ପାଇଁ ବାୟୁଶକ୍ତି ନିର୍ଣ୍ଣାୟକ ଭୂମିକା ଗ୍ରହଣ କରେ। ଏହା କେବଳ ଜବାବୀ କାର୍ଯ୍ୟାନୁଷ୍ଠାନର ମାଧ୍ୟମ ନୁହେଁ, ବରଂ ଏକ ରଣନୈତିକ ନିବାରକ ମଧ୍ୟ।
ସ୍ୱଦେଶୀ ଅସ୍ତ୍ରର ଜଲୱା:
ଏହି ଅଭିଯାନରେ ଅନେକ ସ୍ୱଦେଶୀ ଅସ୍ତ୍ର ଅସାଧାରଣ ପ୍ରଦର୍ଶନ କରି ଶତ୍ରୁକୁ ଭାରି କ୍ଷତି ପହଞ୍ଚାଇଥିଲା।
ଉଲ୍ଲେଖଯୋଗ୍ୟ ଯେ, ପହଲଗାମ ଆତଙ୍କୀ ଆକ୍ରମଣ ପରେ ଗତ ବର୍ଷ ମେ ମାସରେ ଅପରେସନ ସିନ୍ଦୂର ଆରମ୍ଭ ହୋଇଥିଲା। ଏହାକୁ ୧୯୭୧ ପରେ ଭାରତର ସବୁଠୁ ବଡ଼ ସୀମା ପାର ସାମରିକ କାର୍ଯ୍ୟାନୁଷ୍ଠାନ ବୋଲି କୁହାଯାଉଛି।
ଶେଷରେ ସେ କହିଛନ୍ତି ଯେ, “ଆମେ ଯେଉଁ ରାସ୍ତା ବାଛିଛୁ ତାହା ସଠିକ୍ ବୋଲି ପ୍ରମାଣିତ ହୋଇଛି। ଭବିଷ୍ୟତରେ ଦେଶ ଡାକିଲେ ବାୟୁସେନା ଅଧିକ ଦ୍ରୁତ, ସଠିକ୍ ଏବଂ ନିର୍ଣ୍ଣାୟକ ଭାବେ ଜବାବ ଦେବ।”