ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଗୁଜରାଟର ବନାସକାଣ୍ଠାରେ ପିଏମ-କିଷାନ ଯୋଜନାର ୨୪ତମ କିସ୍ତି ପ୍ରଦାନ କରିବେ। ଏହି କିସ୍ତିରେ ୯.୩୪ କୋଟିରୁ ଅଧିକ କୃଷକଙ୍କ ଖାତାକୁ ଡିବିଟି ମାଧ୍ୟମରେ ୧୮,୬୯୦ କୋଟି ଟଙ୍କା ସିଧାସଳଖ ଯିବ।
ଏଥିସହ ପ୍ରଧାନମନ୍ତ୍ରୀ କୃଷି ଭିତ୍ତିଭୂମି ପାଣ୍ଠି ଅଧୀନରେ ନିର୍ମିତ ୫୨୧ଟି ୟୁନିଟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିବେ ଏବଂ କୃଷକ ଆୟ ବୃଦ୍ଧି ପାଇଁ ୧୨ଟି ଉଦ୍ୟାନ କୃଷି କ୍ଲଷ୍ଟର ଉଦଘାଟନ କରିବେ।
ମଧ୍ୟପ୍ରଦେଶର ରାଇସେନରୁ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂହ ଚୌହାନ ଏହି କାର୍ଯ୍ୟକ୍ରମରେ ଯୋଗଦେବେ। ଏପର୍ଯ୍ୟନ୍ତ ୨୩ଟି କିସ୍ତିରେ ୪.୪୭ ଲକ୍ଷ କୋଟିରୁ ଅଧିକ ଟଙ୍କା ଚାଷୀଙ୍କୁ ଦିଆଯାଇସାରିଛି। ଏହା ବିକଶିତ ଭାରତ ଲକ୍ଷ୍ୟରେ ସମୃଦ୍ଧ ଓ ଆତ୍ମନିର୍ଭର କୃଷି କ୍ଷେତ୍ର ଗଠନକୁ ଗତି ଦେବ।