ପୁରୀ: ଆଜି ପଶ୍ଚିମବଂଗର ୫ ଜଣ ପର୍ଯ୍ୟଟକ ପୁରୀ ସମୁଦ୍ରରେ ଗାଧୋଉଥିବା ବେଳେ ଭିତରକୁ ଭାସି ଯାଉଥିଲେ। ଏହି ସମୟରେ ସେଠାରେ ସୁରକ୍ଷା ପାଇଁ ମୁତୟନ ଅଗ୍ନିଶମ କର୍ମଚାରୀ ତାଙ୍କୁ ଉଦ୍ଧାର କରିଥିଲେ। ସେମାନେ ବର୍ତ୍ତମାନ ସମସ୍ତେ ସୁରକ୍ଷିତ ଅଛନ୍ତି ବୋଲି ଜଣାପଡିଛି।
ଘଟଣାରୁ ପ୍ରକାଶ ଯେ, ପଶ୍ଚିମବଂଗର ଏକ ପରିବାର ପୁରୀ ବୁଲିବାକୁ ଆସିଥିଲେ। ସେମାନେ ସମୁଦ୍ରକୂଳରେ ବୁଲାବୁଲି କରିବା ପରେ ଗାଧୋଇବାକୁ ଯାଇଥିଲେ। ଏହି ସମୟରେ ସେହି ପରିବାରର ୫ ଜଣ ସଦସ୍ୟ ପାଣି ଭିତରକୁ ପଶିଯାଇଥିଲେ। ପାଣି ଭିତରେ ସମସ୍ତେ ଚିତ୍କାର କରିବାରୁ ସେଠାରେ ମୁତୟନ ଅଗ୍ନିଶମ କର୍ମଚାରୀ ତାଙ୍କୁ ସୁରକ୍ଷିତ ଉଦ୍ଧାର କରିଥିଲେ।
