ଭୁବନେଶ୍ବର: ଗତକିଛି ଦନ ଧରି ସାରା ଓଡିଶାରେ ଶୀତର ପ୍ରକୋପ ଜାରୀ ରହିଛି। କେତେକ ସ୍ଥାନରେ ରାତ୍ରୀର ତାପମାତ୍ରା ପୁରା ହ୍ରାସ ପାଇଛି। ଫଳରେ ସେଠାରେ ସାଧାରଣ ଜୀବନଯାତ୍ରା ପ୍ରଭାବିତ ହେବାରେ ଲାଗିଛି।
ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗର ସୂଚନା ଅନୁସାରେ ଗତକାଲି କନ୍ଧମାଳର ଜି ଉଦୟଗିରିରେ ସର୍ବନିମ୍ନ ତାପମାତ୍ର ପରିଲକ୍ଷିତ ହୋଇଥିଲା। ସେଠାରେ ଗତକାଲି 5.8 ଡିଗ୍ରୀ ରହିଥିଲା। ଗୁରୁବାର ରାତିରେ ଏହି ଅଞ୍ଚଳର ତାପମାତ୍ରା 4 ଡିଗ୍ରୀକୁ ଖସିଆସିଥିଲା।
ତେବେ ପାଣିପାଗ ବିଭାଗର ସୂଚନା ଅନୁସାରେ ରାଜ୍ୟର 10ଟି ସହରର ତାପମାତ୍ର 9 ଡିଗ୍ରୀ ତଳେ ରହିଥିଲା। ତେବେ ଏହି ଥଣ୍ତା ପାଗ ଆହୁରି ଦୁଇ ଦିନ ଧରି ଲାଗି ରହିବ ବୋଲି କୁହାଯାଇଛି। ଏହାପରେ ରାତ୍ରୀର ତାପମାତ୍ରା ପ୍ରାୟ 2 ରୁ 3 ଡିଗ୍ରୀ ବୃଦ୍ଧି ପାଇବାର ସମ୍ଭାବନା ରହିଛି।
