କନ୍ଧମାଳ ଜିଲ୍ଲା ବାଲିଗୁଡା ବିଜେଡିରେ ବଡ଼ ହଟଚମଟ ସୃଷ୍ଟି ହୋଇଛି। ଦଳର ଦୁଇ ବରିଷ୍ଠ ନେତା ଟୁନା ଦାସ ଓ ପ୍ରମୋଦ ସାହୁଙ୍କ ନିଲମ୍ବନକୁ ବିରୋଧ କରି ବାଲିଗୁଡା, କେ.ନୂଆଗାଁ, ତୁମୁଡ଼ିବନ୍ଧ ଓ କୋଟଗଡ଼ ବ୍ଲକ ସଭାପତିଙ୍କ ସମେତ ବାଲିଗୁଡା ଏନଏସି ସଭାପତି ଓ ବହୁ ଦଳୀୟ କର୍ମକର୍ତ୍ତା ସାମୂହିକ ଭାବେ ଇସ୍ତଫା ଦେଇଛନ୍ତି।
ରାଜ୍ୟସଭା ନିର୍ବାଚନରେ କ୍ରସ ଭୋଟିଂ ଅଭିଯୋଗରେ ନିଲମ୍ବିତ ବିଧାୟକ ଚକ୍ରମଣି କହଁରଙ୍କୁ ସ୍ୱାଗତ କରିବା ପରେ ଟୁନା ଦାସ ଓ ପ୍ରମୋଦ ସାହୁଙ୍କୁ ଦଳ ନିଲମ୍ବନ କରିଥିଲା। ଏହାକୁ ଅନ୍ୟାୟ ଓ ଏକପାଖିଆ ବୋଲି ଅଭିଯୋଗ କରି ବିଜେଡିର ନେତା, କର୍ମୀ ଏବଂ ନିର୍ବାଚିତ ପ୍ରତିନିଧିମାନେ ପଦରୁ ଇସ୍ତଫା ଦେଇଛନ୍ତି। ସେମାନେ ଦଳୀୟ ନେତୃତ୍ୱଙ୍କୁ ନିଲମ୍ବନ ନିଷ୍ପତ୍ତିର ପୁନଃବିଚାର କରିବାକୁ ଦାବି କରିଛନ୍ତି।