ନୂଆଦିଲ୍ଲୀ: ପ୍ରଥମ ଟେଷ୍ଟରେ ଭାରତ ବାଂଲାଦେଶକୁ ୧୮୮ ରନରେ ପରାସ୍ତ କରି ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ୧-୦ ଅଗ୍ରଣୀ ହାସଲ କରିଛି। ବାଂଲାଦେଶର ଦ୍ୱିତୀୟ ଇନିଂସ ୩୨୪ ରନ୍ ରେ ସମାପ୍ତ ହୋଇଥିଲା। ଭାରତ ପାଇଁ ଅକ୍ସର ପଟେଲ ୪ ଟି ୱିକେଟ୍ ନେଇଥିବାବେଳେ କୁଲଦୀପ ଯାଦବ ୩ ଟି ୱିକେଟ୍, ସିରାଜ, ଅଶ୍ୱିନ ଏବଂ ଉମେଶ ଯାଦବଙ୍କୁ ୧-୧ ୱିକେଟ୍ ମିଳିଛି।
ଏହା ପୂର୍ବରୁ ବାଂଲାଦେଶକୁ ଭାରତ ୫୧୩ ରନ୍ର ଟାର୍ଗେଟ ଦେଇଥିଲା। ଦ୍ୱିତୀୟ ଇନିଂସରେ ବାଂଲାଦେଶ ପାଇଁ ଜାକିର ହସନ ସର୍ବାଧିକ ରନ୍ ସଂଗ୍ରହ କରିଥିଲେ। ହସନ ୧୦୦ ରନର ଇନିଂସ ଖେଳିଥିବା ବେଳେ କ୍ୟାପଟେନ ଶାକିବ ୮୪ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଏହା ବ୍ୟତୀତ ଶାନ୍ତୋ ୬୭ ରନ୍ ର ଏକ ଇନିଂସ ଖେଳିଥିଲେ।