ଭୁବନେଶ୍ୱର: ଆଜି ରାଜଭବନ ଠାରେ ପ୍ରିମୀୟର ମିଡ଼ିଆ ଓ ଏଷ୍ଟେର୍ଣ ବୟ ମିଳିତ ସହଯୋଗରେ ହକି ବିଶ୍ଵ କପ ପାଇଁ ପ୍ରସ୍ତୁତ କରାଯାଇଥିବା ସଙ୍ଗୀତ “ଏକ ନୈଇ କାହାନୀ ଲିଖିହେ ଓଡ଼ିଶା” ର ପୋଷ୍ଟର ଓ ପ୍ରମୋ କୁ ଓଡ଼ିଶାର ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ହକି ତାରକା ତଥା ହକି ଇଣ୍ଡିଆ ର ସଭାପତି ପଦ୍ମଶ୍ରୀ ଡ଼ଃ ଦିଲ୍ଲୀପ ତିର୍କୀ ଲୋକପର୍ଣ୍ଣ କରିଥିଲେ।
ସନ୍ତୋଷ ପଣ୍ଡା ଙ୍କ ଲିଖିତ ଏବଂ ନିର୍ଦ୍ଦେଶୀତ ଏହି ଗୀତଟି ରେ ବଲିଉଡରେ ପ୍ରଖ୍ୟାତ କଣ୍ଠ ଶିଳ୍ପୀ ଅଭିଜିତ ଙ୍କ କଣ୍ଠ ସ୍ବର ଶୁଣିବାକୁ ମିଳୁଛି। ଏହି ସଙ୍ଗୀତ ମଧ୍ୟରେ ନିର୍ଦେଶକ ପଣ୍ଡା ହକିର ଇତିହାସ, ଓଡ଼ିଶା ସରକାର ଙ୍କ ହକି ପ୍ରତି ଆଗ୍ରହ ଓ ଦିଲ୍ଲୀପ ତିର୍କୀ ଙ୍କର ସୁନାମକୁ ଯୋଡି ସୁନ୍ଦର ଭାବରେ ପ୍ରସ୍ତୁତ କରାଯାଇଛି।
ମାନ୍ୟବର ରାଜ୍ୟଜିପାଳ କଥାରେ କଥାରେ ଦିଲ୍ଲୀପ ତିର୍କୀ ଙ୍କୁ ଅନେକ ଅଭିନ୍ଦନ ଓ ଶୁଭେଚ୍ଛା ଜଣେଇବା ସହିତ ଓଡ଼ିଶା ସରକାରଙ୍କ କ୍ରୀଡା ଉଦ୍ୟମ କୁ ପ୍ରସଂସା କରିଥିଲେ। ପଦ୍ମଶ୍ରୀ ଡ଼ଃ ଦିଲ୍ଲୀପ ତିର୍କୀ ସନ୍ତୋଷ ପଣ୍ଡାଙ୍କ ଏହି ଉଦ୍ୟମ କୁ ଭୁଆସି ପ୍ରସଂସା କରିଥିଲେ।
ସଙ୍ଗୀତ ଉଦଘାଟିତ ହେଲା ପରେ ହକି ଇଣ୍ଡିଆ ର ସଭାପତି ହିସାବରେ ଦିଲ୍ଲୀପ ତିର୍କୀ ଗୋଟିଏ ହକି ଷ୍ଟିକ ମାନ୍ୟବର ରାଜ୍ୟପାଳ ଙ୍କୁ ପ୍ରଦାନ କରି ବିଶ୍ଵ କପ ଦେଖିବା ପାଇଁ ଆମନ୍ତ୍ରଣ କରିଥିଲେ। ଅନ୍ୟ ମାନଙ୍କ ମଧ୍ୟରେ ଜାତୀୟ ପୁରସ୍କାର ପ୍ରାପ୍ତ ଅଭିନେତା ଓ ସମାଜସେବି ରୁଷି ପଟ୍ଟନାୟକ, ପ୍ରିନ୍ସ ଡାନ୍ସ ଗ୍ରୁପ ର ମୁଖ୍ୟ କ୍ରିଷ୍ଣା ରାଓ, ଏଭେର ଗ୍ରୀନ ଚା ର ମୁଖ୍ୟ ପ୍ରବୀଣ ଅଗ୍ରୱାଲ, ହାଇଟେକ ମେଡ଼ିକାଲ ର ଡାକ୍ତର ଅମରିତ ପାଟାଯୋଶୀ ପ୍ରମୁଖ ଅତିଥି ମନେ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମ ଟିକୁ ସନ୍ତୋଷ ପଣ୍ଡା ଓ ରୁଷି ପଟ୍ଟନାୟକ ମିଳିତ ଭାବରେ ପରିଚାଳନା କରିଥିଲେ ।
