ପୁଣେ: ଶ୍ରୀଲଙ୍କା ବିପକ୍ଷ ଟି-ଟ୍ୱେଣ୍ଟି ସିରିଜରୁ ଟିମ ଇଣ୍ଡିଆର ୱିକେଟ୍ କିପର ବ୍ୟାଟ୍ସମ୍ୟାନ୍ ସଞ୍ଜୁ ସାମସନ୍ ବାଦ୍ ପଡିଛନ୍ତି। ମୁମ୍ବାଇର ୱାନଖେଡେ ଷ୍ଟାଡିୟମରେ ପ୍ରଥମ ଟି-୨୦ ଆନ୍ତର୍ଜାତୀୟ ମ୍ୟାଚ୍ ସମୟରେ ବାଉଣ୍ଡରୀ ନିକଟରେ ବଲ ଧରିବାକୁ ଚେଷ୍ଟା କରୁଥିବାବେଳେ ସାମସନ୍ ତାଙ୍କ ବାମ ଆଣ୍ଠୁରେ ଆଘାତ ପାଇଥିଲେ।
ସ୍କାନ ଏବଂ ବିଶେଷଜ୍ଞଙ୍କ ମତ ପାଇଁ ବିସିସିଆଇ ଡାକ୍ତରୀ ଦଳ ବୁଧବାର ଅପରାହ୍ନରେ ତାଙ୍କୁ ମୁମ୍ବାଇ ନେଇଥିଲେ, ଏହା ପରେ ତାଙ୍କୁ ବିଶ୍ରାମ ଏବଂ ଚିକିତ୍ସା ପାଇଁ ପରାମର୍ଶ ଦିଆଯାଇଛି। ବର୍ତ୍ତମାନ ସିନିୟର ଚୟନ କମିଟି ସଞ୍ଜୁ ସାମସନଙ୍କ ସ୍ଥାନରେ ଜିତେଶ ଶର୍ମାଙ୍କୁ ଦଳରେ ସାମିଲ କରିଛନ୍ତି।
ଆଜି ପୁଣେରେ ଶ୍ରୀଲଙ୍କା ବିପକ୍ଷରେ ଭାରତ ଦ୍ୱିତୀୟ ଟି-୨୦ ମ୍ୟାଚ୍ ଖେଳିବ। ଏହାପୂର୍ବରୁ ପ୍ରଥମ ଟି-୨୦ ସିରିଜରେ ଟିମ୍ ଇଣ୍ଡିଆ ଶ୍ରୀଲଙ୍କା ଉପରେ ରୋମାଞ୍ଚକର ଭାବେ ୨ ରନ୍ ରେନ ବିଜୟ ପଞ୍ଜିକରଣ କରିଥିଲା।
ଭାରତୀୟ ଦଳ:
ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ଇଶାନ କିଶନ (ୱିକି), ରୁତୁରାଜ ଗାଇକ୍ଵାଡ, ଶୁବମାନ ଗିଲ, ସୂର୍ଯ୍ୟକୁମାର ଯାଦବ (ଉପ-ଅଧିନାୟକ), ଦୀପକ ହୁଡା, ରାହୁଲ ତ୍ରିପାଠୀ, ଜିତେଶ ଶର୍ମା (ୱିକି), ୱାଶିଂଟନ୍ ସୁନ୍ଦର, ୟୁଜବେନ୍ଦ୍ର ଚହଲ, ଅକ୍ସର ପଟେଲ, ହର୍ଷଲ ପଟେଲ , ଉମ୍ରାନ ମଲିକ, ଶିବମ ମାଭି, ମୁକେଶ କୁମାର।