ନୂଆଦିଲ୍ଲୀ: ଭାରତୀୟ କ୍ରିକେଟ୍ ବୋର୍ଡ (BCCI) ୱେଷ୍ଟଇଣ୍ଡିଜ୍ ବିପକ୍ଷ ଘରୋଇ ଦିନିକିଆ ସିରିଜ୍ ପାଇଁ ଭାରତୀୟ ଦଳ ଘୋଷଣା କରିଛି। ଏହି ସିରିଜ୍ ପାଇଁ ନଅ ଜଣ ଷ୍ଟାର ଭାରତୀୟ ଖେଳାଳି ଉପଲବ୍ଧ ନାହାନ୍ତି। ଫଳସ୍ୱରୂପ, ଅନେକ ଆଶ୍ଚର୍ଯ୍ୟଜନକ ନାମ ଚୟନ କରାଯାଇଛି। ପ୍ରଥମ ଥର ପାଇଁ, BCCI ନମନ ଧୀର ଏବଂ ଆକିବ୍ ନବି ଡାରଙ୍କୁ ଦିନିକିଆ ଦଳରେ ସାମିଲ କରିଛି।
ଶ୍ରେୟସ ଆୟର ସିରିଜ୍ ପାଇଁ ଉପଲବ୍ଧ ନଥିବାରୁ ୱେଷ୍ଟଇଣ୍ଡିଜ୍ ବିପକ୍ଷ ଦିନିକିଆ ସିରିଜ୍ ପାଇଁ କେଏଲ ରାହୁଲଙ୍କୁ ଭାରତୀୟ ଦଳର ଉପ-ଅଧିନାୟକ ନିଯୁକ୍ତ କରାଯାଇଛି। ସେ ୨୦୨୬ ଏସୀୟ କ୍ରୀଡ଼ାରେ ବ୍ୟସ୍ତ ରହିବେ, ଯେଉଁଠାରେ ସେ ଭାରତୀୟ ଦଳର ଅଧିନାୟକ ହେବେ।
ୱେଷ୍ଟଇଣ୍ଡିଜ୍ ଦଳ ଏହି ମାସରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଏବଂ ପାଞ୍ଚଟି ଟି-୨୦ ଖେଳିବା ପାଇଁ ଭାରତ ଗସ୍ତ କରିବ। ଦିନିକିଆ ସିରିଜ୍ ସେପ୍ଟେମ୍ବର ୨୭ ତାରିଖରେ ଆରମ୍ଭ ହେବ। ପ୍ରଥମ ODI ସେପ୍ଟେମ୍ବର ୨୭ ତାରିଖରେ ତିରୁବନନ୍ତପୁରମରେ, ଦ୍ୱିତୀୟଟି ସେପ୍ଟେମ୍ବର ୩୦ ତାରିଖରେ ଗୌହାଟୀରେ ଏବଂ ତୃତୀୟ ତଥା ଅନ୍ତିମ ODI ଅକ୍ଟୋବର ୩ ତାରିଖରେ ନ୍ୟୁ ଚଣ୍ଡିଗଡ଼ର ମୁଲ୍ଲାନପୁର ଷ୍ଟାଡିୟମରେ ଖେଳାଯିବ।
ୱେଷ୍ଟଇଣ୍ଡିଜ୍ ବିପକ୍ଷ ODI ସିରିଜ ପାଇଁ ଚାରି ଜଣ ଦ୍ରୁତ ବୋଲରଙ୍କୁ ଚୟନ କରାଯାଇଛି, ଯେଉଁଥିରେ ପ୍ରସିଦ୍ଧ କୃଷ୍ଣ, ଗୁରନୁର ବ୍ରାର, ମହମ୍ମଦ ସିରାଜ ଏବଂ ଆକିବ ନବି ଡାର ସାମିଲ ଅଛନ୍ତି। କୁଲଦୀପ ଯାଦବ ଏବଂ ରବିନ୍ଦ୍ର ଜାଡେଜା ଦୁଇ ସ୍ପିନର। ଧ୍ରୁବ ଜୁରେଲଙ୍କୁ ରିଜର୍ଭ ୱିକେଟକିପର ଭାବରେ ମନୋନୀତ କରାଯାଇଛି। ଏସୀୟ କ୍ରୀଡ଼ା ପାଇଁ ଟି-୨୦ ଦଳରେ ସାମିଲ ଥିବା ନୀତିଶ କୁମାର ରେଡ୍ଡୀଙ୍କୁ ମଧ୍ୟ ୱେଷ୍ଟଇଣ୍ଡିଜ୍ ବିପକ୍ଷ ODI ସିରିଜ ପାଇଁ ଟିମ୍ ଇଣ୍ଡିଆରେ ସାମିଲ କରାଯାଇଛି।
ୱେଷ୍ଟଇଣ୍ଡିଜ୍ ବିପକ୍ଷ ODI ସିରିଜ୍ ପାଇଁ ଭାରତର ୧୫ ଜଣିଆ ଦଳ: ଶୁଭମାନ ଗିଲ (ଅଧିନାୟକ), ରୋହିତ ଶର୍ମା, ବିରାଟ କୋହଲି, କେ.ଏଲ୍ ରାହୁଲ (ୱିକେଟ୍ କିପର), ରୁତୁରାଜ ଗାଇକ୍ଵାଡ, ଧ୍ରୁଭ ଜୁରେଲ (ରିଜର୍ଭ ୱିକେଟ୍ କିପର), ନୀତୀଶ କୁମାର ରେଡ୍ଡୀ, ରବିନ୍ଦ୍ର ଜାଡେଜା, କୁଲଦୀପ ଯାଦବ, କୁଲଦୀପ ଯାଦବ, ଅକିବ ନବୀ ଡାର, ଯଶସ୍ୱୀ ଜୟସ୍ଵାଲ, ନମନ ଧୀର।