Categories
ବିଶେଷ ଖବର

ଆଜି ଖେଳାଳିଙ୍କ ସହ ଆଲୋଚନା, କାର୍ଯ୍ୟାନୁଷ୍ଠାନ ବି ହେବ: କୁସ୍ତି ଯୋଦ୍ଧାଙ୍କ ଧାରଣାକୁ ନେଇ କହିଲେ କ୍ରୀଡ଼ା ମନ୍ତ୍ରୀ

ଚଣ୍ଡିଗଡ: କୁସ୍ତିଯୋଦ୍ଧାମାନେ ରେସଲିଂ ଫେଡେରେସନ୍ ଅଫ୍ ଇଣ୍ଡିଆର ସଭାପତି ତଥା ବିଜେପି ସାଂସଦ ବ୍ରିଜ ଭୂଷଣ ଶରଣ ସିଂଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ସେବେଠାରୁ ପରିବେଶ ଗରମ ରହିଛି। ବର୍ତ୍ତମାନ କ୍ରୀଡ଼ା ମନ୍ତ୍ରୀ ଅନୁରାଗ ଠାକୁରଙ୍କ ପ୍ରତିକ୍ରିୟା ଏହି ପ୍ରସଙ୍ଗରେ ଆସିଛି। କୁସ୍ତିଯୋଦ୍ଧାଙ୍କ ଅଭିଯୋଗ ଉପରେ ସରକାର ତୁରନ୍ତ ପଦକ୍ଷେପ ନେଇଛନ୍ତି ଏବଂ ଫେଡେରେଶନକୁ ନୋଟିସ ଦେଇଛନ୍ତି ବୋଲି ସେ କହିଛନ୍ତି।

କୁସ୍ତିଯୋଦ୍ଧାମାନେ ଧର୍ମଘଟରେ ବସିବା ପରେ ଚଣ୍ଡିଗଡ଼ରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ଅନୁରାଗ ଠାକୁର କହିଛନ୍ତି ଯେ, ଅଭିଯୋଗକୁ ଗ୍ରହଣ କରିବା ଗୁରୁତର ହୋଇଥିବାରୁ କ୍ରୀଡ଼ା ମନ୍ତ୍ରଣାଳୟ ଡବ୍ଲୁଏଫ୍ଆଇକୁ ନୋଟିସ୍ ଦେଇଛି ଏବଂ ୭୨ ଘଣ୍ଟା ମଧ୍ୟରେ ଉତ୍ତର ମାଗିଛି। ଅନୁଷ୍ଠିତ ହେବାକୁ ଥିବା ଶିବିରକୁ ସ୍ଥଗିତ ରଖାଯାଇଛି। ଏହା ମୋର ପ୍ରୟାସ ଯେ ମୁଁ ଯାଇ ଖେଳାଳିଙ୍କୁ ଭେଟିବି। ଏବଂ ଉପଯୁକ୍ତ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରାଯିବ।

କ୍ରୀଡ଼ା ମନ୍ତ୍ରୀ କହିଛନ୍ତି ଯେ, “ଆମେ ବର୍ତ୍ତମାନ ଏଠାରେ ଅଛୁ ଏବଂ ଦିଲ୍ଲୀ ଯିବା ମାତ୍ରେ ଖେଳାଳିଙ୍କୁ ଭେଟିବୁ। ଖେଳାଳିଙ୍କ କଥା ଶୁଣାଯିବ। ଖେଳାଳିମାନେ ବହୁତ ଗମ୍ଭୀର ଅଭିଯୋଗ ଆଣିଛନ୍ତି।” ସେ ତାଙ୍କର ସମସ୍ତ କାର୍ଯ୍ୟକ୍ରମ ଛାଡି ଦିଲ୍ଲୀ ଫେରିଯିବେ ଏବଂ ଖେଳାଳିଙ୍କୁ ଭେଟିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କେନ୍ଦ୍ର ମନ୍ତ୍ରୀ କହିଛନ୍ତି।

Categories
ବିଶେଷ ଖବର

ସମ୍ବାଦ ପ୍ରସାରଣରେ ଗତି ଅପେକ୍ଷା ସଠିକତା ଅଧିକ ଗୁରୁତ୍ୱପୂର୍ଣ୍ଣ: କେନ୍ଦ୍ର ମନ୍ତ୍ରୀ ଅନୁରାଗ ଠାକୁର

ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଆଜି କହିଛନ୍ତି ଯେ, “ପ୍ରାମାଣିକ ସୂଚନା ଓ ଖବର ପରିବେଷଣ କରିବା ଗଣମାଧ୍ୟମର ମୁଖ୍ୟ ଦାୟିତ୍ୱ ଏବଂ ସମାଚାରକୁ ସର୍ବସମ୍ମୁଖରେ ପ୍ରସାରଣ କରିବାବା ପୂର୍ବରୁ ଏହାକୁ ସଠିକ୍ ଭାବେ ଯାଞ୍ଚ କରାଯିବା ଉଚିତ୍”।

ଏସିଆ ପାସିଫିକ୍ ବ୍ରଡକାଷ୍ଟିଂ ୟୁନିୟନ ଜେନେରାଲ ଆସେମ୍ବଲି ୨୦୨୨ ର ଉଦଘାଟନୀ ସମାରୋହକୁ ସମ୍ବୋଧିତ କରି ଅନୁରାଗ ଠାକୁର କହିଛନ୍ତି ଯେ ଯେଉଁ ଗତିରେ ସୂଚନାକୁ ପ୍ରସାରିତ କରାଯାଉଛି ତାହା ବହୁତ ମହତ୍ତ୍ବପୂର୍ଣ୍ଣ। କିନ୍ତୁ ସଠିକତା ଏହାଠାରୁ ମଧ୍ୟ ଅଧିକ ଗୁରୁତ୍ବପୂର୍ଣ୍ଣ ଏବଂ ଏହି ବିଷୟ ପ୍ରତି ସମାଚାର ପରିବେଷଣକାରୀମାନେ ଧ୍ୟାନ ଦେବା ଉଚିତ୍‌। ସେ କହିଛନ୍ତି ଯେ ସୋସିଆଲ୍ ମିଡିଆର ପ୍ରସାର ସହିତ ମିଛ ଖବର ବା ଫେକ୍‌ ନ୍ୟୁଜର ମଧ୍ୟ ପ୍ରସାର ହେଉଛି। ତେଣୁ ପ୍ରାମାଣିକ ଖବର ହୋଇନଥିଲେ ଏପରି ଖବରକୁ ବିଶ୍ବାସ ନକରିବା ଲାଗି ଶ୍ରୀ ଠାକୁର  ଏସୀୟ-ପ୍ରଶାନ୍ତ ମହାସାଗରୀୟ ଦର୍ଶକଙ୍କୁ ପରାମର୍ଶ ଦେଇଥିଲେ। ସେ କହିଥିଲେ ମିଛ ଖବରର ଦାବିକୁ ପ୍ରତିହତ କରିବା ଏବଂ ଲୋକଙ୍କ ନିକଟରେ ସତ୍ୟ ଉପସ୍ଥାପନ କରିବା ପାଇଁ ଭାରତ ସରକାରଙ୍କ ପତ୍ର ସୂଚନା କାର୍ଯ୍ୟାଳୟ ପକ୍ଷରୁ ଫ୍ୟାକ୍ଟ ଚେକ୍ ୟୁନିଟ୍ ପ୍ରତିଷ୍ଠା କରାଯାଇଛି।

କେନ୍ଦ୍ର ମନ୍ତ୍ରୀ କହିଥିଲେ ଯେ ଜନସାଧାରଣଙ୍କ ବିଶ୍ୱାସକୁ ବଜାୟ ରଖିବା ଦାୟିତ୍ବପ୍ରାପ୍ତ ଗଣମାଧ୍ୟମ ସଂଗଠନଗୁଡିକ ପାଇଁ ସର୍ବୋଚ୍ଚ ମାର୍ଗଦର୍ଶୀ ସିଦ୍ଧାନ୍ତ ହେବା ଉଚିତ୍। ଦେଶରେ ସାର୍ବଜନୀନ ଗଣମାଧ୍ୟମ ସଂସ୍ଥା ଦୂରଦର୍ଶନ ଏବଂ ଅଲ୍ ଇଣ୍ଡିଆ ରେଡିଓ ସର୍ବଦା ସତ୍ୟ ଖବର ପକ୍ଷରେ ରହିଛି। ସଠିକ୍ ଓ ପ୍ରାମାଣିକ ଖବର ପ୍ରସାରଣ ପାଇଁ ଲୋକଙ୍କ ବିଶ୍ୱାସ ହାସଲ କରିଥିବାରୁ ସେ ଏହି ଦୁଇ ଗଣମାଧ୍ୟମ ସଂସ୍ଥାକୁ ପ୍ରଶଂସା କରିଥିଲେ। କେନ୍ଦ୍ର ମନ୍ତ୍ରୀ କହିଥିଲେ ଯେ ସଙ୍କଟ ସମୟରେ ଗଣମାଧ୍ୟମର ଭୂମିକା ଗୁରୁତ୍ବପୂର୍ଣ୍ଣ ହୋଇଥାଏ। ଗଣମାଧ୍ୟମ ସିଧାସଳଖ ଜୀବନ ରକ୍ଷା କରିବା ସହିତ ଜାତୀୟ ବିପର୍ଯ୍ୟୟ ପରିଚାଳନା ଯୋଜନାର ପ୍ରମୁଖ ଭୂମିକା ନିର୍ବାହ କରିଥାଏ।

କୋଭିଡ୍ ମହାମାରୀ ସମୟରେ ଘରେ ଅଟକି ରହିଥିବା ଲୋକଙ୍କୁ ସାହାଯ୍ୟ କରିବା କ୍ଷେତ୍ରରେ ଗଣମାଧ୍ୟମର ଭୂମିକାକୁ ଅନୁରାଗ ଠାକୁର ପ୍ରଶଂସା କରିଥିଲେ। ସେ କହିଥିଲେ ଯେ ମିଡିଆ ସେହି ସମୟରେ ଲୋକଙ୍କୁ ବାହ୍ୟ ଜଗତ ସହିତ ଯୋଡି ରଖିଥିଲା। ବିଶେଷ ଭାବରେ ଦୂରଦର୍ଶନ ଏବଂ ଅଲ୍ ଇଣ୍ଡିଆ ରେଡିଓ ଏବଂ ସାଧାରଣତଃ ଭାରତୀୟ ଗଣମାଧ୍ୟମ ଦ୍ୱାରା କରାଯାଇଥିବା ଉଲ୍ଲେଖନୀୟ କାର୍ଯ୍ୟ ବିଷୟରେ କେନ୍ଦ୍ର ମନ୍ତ୍ରୀ ଦର୍ଶକଙ୍କୁ ସୂଚନା ଦେଇଥିଲେ। ସେ କହିଥିଲେ ଯେ ଦୂରଦର୍ଶନ ଏବଂ ଅଲ୍ ଇଣ୍ଡିଆ ରେଡିଓ, ଜନସେବା ଦିଗରେ ଅତ୍ୟନ୍ତ ସନ୍ତୋଷଜନକ ଭାବରେ କାର୍ଯ୍ୟ କରିଛନ୍ତି। ମହାମାରୀ ସମୟରେ ଲୋକଙ୍କ ସହ ଦୃଢ଼ ଭାବରେ ଠିଆ ହୋଇଛନ୍ତି। ସେ କହିଛନ୍ତି ଯେ ସାଧାରଣତଃ ଭାରତୀୟ ଗଣମାଧ୍ୟମ ନିଶ୍ଚିତ କରିଛି ଯେ କୋଭିଡ୍ ସଚେତନତା ବାର୍ତ୍ତା, ଗୁରୁତ୍ୱପୂର୍ଣ୍ଣ ସରକାରୀ ନିର୍ଦ୍ଦେଶାବଳୀ ଏବଂ ଡାକ୍ତରଙ୍କ ସହ ମାଗଣା ଅନଲାଇନ୍ ପରାମର୍ଶ ଦେଶର ବିଭିନ୍ନ ସ୍ଥାନରେ ପହଞ୍ଚିଛି। ପ୍ରସାର ଭାରତୀ କୋଭିଡ୍ ରେ ଶହେରୁ ଅଧିକ ସଦସ୍ୟଙ୍କୁ ହରାଇଥିଲା। ତଥାପି ଏହି ସଂଗଠନ ଜନସେବା ଯୋଗାଇ ଦେବାରେ ଅବହେଳା କରିନଥିଲା ବୋଲି ମନ୍ତ୍ରୀ କହିଥିଲେ।

ଶ୍ରୀ ଠାକୁର ଗଣମାଧ୍ୟମକୁ ଶାସନର ଭାଗୀଦାର ହେବାକୁ ଆମନ୍ତ୍ରଣ କରିଥିଲେ। ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ଉକ୍ତି ସମ୍ପର୍କରେ କହିଥିଲେ। ତାହା ହେଉଛି ‘‘ସରକାର ଏବଂ ଜନତାଙ୍କ ମଧ୍ୟରେ ଏକ ସମ୍ପର୍କର ସେତୁ ଭାବରେ ଗଣମାଧ୍ୟମ କାର୍ଯ୍ୟ କରିବା ଉଚିତ୍। ରାଷ୍ଟ୍ରୀୟ ଏବଂ କ୍ଷେତ୍ରୀୟ ଉଭୟ ସ୍ତରରେ ଗଣମାଧ୍ୟମ ନିରନ୍ତର ମତାମତ ଦେବା ଆବଶ୍ୟକ।’’

ଏବିୟୁ ସଦସ୍ୟଙ୍କ ସହିତ ଭାରତର ସହଯୋଗ ଏବଂ ଭାଗିଦାରୀ ବିଷୟରେ ଆଲୋଚନା କରି ସେ କହିଥିଲେ ଯେ ପ୍ରସାର ଭାରତୀର ଶୀର୍ଷ ପ୍ରଶିକ୍ଷଣ ସଂସ୍ଥାନ ଏନଏବିଏମ୍ ପ୍ରସାରଣ ଉଦ୍ୟୋଗର ବିଭିନ୍ନ ଦିଗକୁ ସାମିଲ୍ କରି ପ୍ରଶିକ୍ଷଣ କାର୍ଯ୍ୟକ୍ରମର ଆୟୋଜନରେ ଏବିୟୁ ମିଡିଆ ଏକାଡେମୀ ସହିତ ମିଶି କରି କାମ କରୁଛି। ଭାରତ ପ୍ରାୟ ୪୦ ଦେଶ ସହିତ ସାମଗ୍ରୀ ଆଦାନ-ପ୍ରଦାନ, ସହ-ଉତ୍ପାଦନ, କ୍ଷମତା ନିର୍ମାଣ ଆଦି କ୍ଷେତ୍ରରେ ଦ୍ବିପାକ୍ଷିକ ରାଜିନାମା କରିଛି। ଏହି ଦେଶ ମାନଙ୍କ ମଧ୍ୟରେ ଅନେକ ସହଯୋଗୀ ଏବିୟୁ ଦେଶ – ଅଷ୍ଟ୍ରେଲିଆ, ବାଂଲାଦେଶ, ଭୁଟାନ, ଫିଜି, ମାଲଦ୍ୱୀପ, ନେପାଳ, ଦକ୍ଷିଣ କୋରିଆ, ଥାଇଲ୍ୟାଣ୍ଡ ଏବଂ ଭିଏତନାମ ସାମିଲ୍ ରହିଛନ୍ତି। କାର୍ଯ୍ୟକ୍ରମର ବିନିମୟ ପାଇଁ ମାର୍ଚ୍ଚ ୨୦୨୨ ରେ ପ୍ରସାରଣ କ୍ଷେତ୍ରରେ ଆମେ ଅଷ୍ଟ୍ରେଲିଆ ସହ ମଧ୍ୟ ଭାଗିଦାରୀ କରିଛୁ। ଦୁଇ ଦେଶର ପ୍ରସାରଣକାରୀମାନେ ଅନେକ ବିଧିରେ ବ୍ୟାପକ କାର୍ଯ୍ୟକ୍ରମର ସହ ନିର୍ମାଣ ଏବଂ ସଂଯୁକ୍ତ ପ୍ରସାରଣରେ ଥିବା ଅବସରର ଅନୁସନ୍ଧାନ କରୁଛନ୍ତି।

ଏହି ଅବସରରେ ଶ୍ରୀ ମାସାଗାକି ଏସିଆ ପ୍ରଶାନ୍ତ କ୍ଷେତ୍ରରେ ଏବିୟୁର ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ ବର୍ଣ୍ଣନା କରିଥିଲେ। ଜନସାଧାରଣଙ୍କୁ ଗୁରୁତ୍ୱପୂର୍ଣ୍ଣ ଖବର ବାଣ୍ଟିବାରେ ଏହି ଅଞ୍ଚଳର ସମସ୍ତ ସର୍ବସାଧାରଣ ପ୍ରସାରଣକାରୀଙ୍କ ସହଯୋଗକୁ ପ୍ରଶଂସା କରିଥିଲେ।

ଏହି ଅବସରରେ ଜାୱଦ ମୋତାଗି କହିଛନ୍ତି ଯେ ଏହି ଅଞ୍ଚଳ ବିବିଧତାରେ ପରିପୂର୍ଣ୍ଣ ତଥାପି ଆମେ ସମସ୍ତ ସଦସ୍ୟ ଦେଶ ଏଥିରେ ସମାନତା ପାଇଥାଉ। ଏପରି ଭାବେ ବିବିଧତାରେ ପ୍ରକୃତ ଏକତା ଆମେ ପ୍ରଦର୍ଶନ କରୁଛୁ।

ପ୍ରସାର ଭାରତୀ ସିଇଓ ଗୌରବ ଦ୍ୱିବେଦୀ ତାଙ୍କ ସ୍ୱାଗତ ଅଭିଭାଷଣରେ ଟେଲିଭିଜନ ଏବଂ ରେଡିଓ ପ୍ରସାରଣକାରୀଙ୍କ ସାମୂହିକ ସ୍ୱାର୍ଥ ତଥା ଏସିଆ ପ୍ରଶାନ୍ତ କ୍ଷେତ୍ରରେ ପ୍ରସାରଣକାରୀଙ୍କ ମଧ୍ୟରେ ଆଞ୍ଚଳିକ ତଥା ଅନ୍ତର୍ଜାତୀୟ ସହଯୋଗରେ ଏବିୟୁର ଭୂମିକାକୁ ପ୍ରଶଂସା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଭାରତ ସ୍ୱାଧୀନତାର ୭୫ତମ ବାର୍ଷିକୀ ପାଳନ କରୁଛି ଏବଂ ଗଣମାଧ୍ୟମ ତଥା ଯୋଗାଯୋଗ କ୍ଷେତ୍ରରେ ଦେଶର ସଫଳତାକୁ ବାଣ୍ଟିବା ପାଇଁ ଏହି ସମ୍ମିଳନୀ ଏକ ଉତ୍ତମ ସୁଯୋଗ ଆଣି ଦେଇଛି। ସମୃଦ୍ଧ ଐତିହ୍ୟ, ବିସ୍ତୃତ ବିବିଧତା ଏବଂ ପ୍ରଗତିଶୀଳ ଭାରତକୁ ବିଶ୍ୱ ନିକଟରେ ପ୍ରଦର୍ଶିତ ଲାଗି ମଧ୍ୟ ଏକ ଅବସର ଜୁଟିଛି।

ସୂଚନାଯୋଗ୍ୟ ଯେ ଭାରତର ଲୋକ ପ୍ରସାରଣ ସଂସ୍ଥା ପ୍ରସାର ଭାରତୀ ପକ୍ଷରୁ ୫୯ତମ ଏବିୟୁ ମହାସଭା ଆୟୋଜନ କରାଯାଉଛି। ଚଳିତ ବର୍ଷର ମହାସଭାର ବିଷୟ ହେଉଛି – ‘‘ଲୋକମାନଙ୍କର ସେବା: ସଙ୍କଟ ସମୟରେ ମିଡିଆର ଭୂମିକା।’’ ଆଜି ନୂଆଦିଲ୍ଲୀରେ ସୂଚନା ଏବଂ ପ୍ରସାରଣ ମନ୍ତ୍ରୀ ଅନୁରାଗ ସିଂହ ଠାକୁର ଏହି ମହାସଭାର ଉଦ୍‌ଘାଟନ କରିଛନ୍ତି।

ଏହି ଅବସରରେ ସୂଚନା ଏବଂ ପ୍ରସାରଣ ରାଷ୍ଟ୍ର ମନ୍ତ୍ରୀ ଡକ୍ଟର ଏଲ. ମୁରୁଗନ, ସୂଚନା ଏବଂ ପ୍ରସାରଣ ସଚିବ ଅପୂର୍ବ ଚନ୍ଦ୍ରା, ଏବିୟୁର ଅଧ୍ୟକ୍ଷ ମସାଗାକି ସଟୋରୁ ଏବଂ ଏବିୟୁର ମହାସଚିବ ଜାୱାଦ ମୋଟାଗ ମଧ୍ୟ ଉପସ୍ଥିତ ଥିଲେ। ଏବିୟୁ (ଏସିଆ ପାସିଫିକ୍ ବ୍ରଡକାଷ୍ଟିଂ ୟୁନିୟନ୍) ଏସିଆ ଏବଂ ପ୍ରଶାନ୍ତ କ୍ଷେତ୍ରର ପ୍ରସାରଣ ସଙ୍ଗଠନର ଏକ ଅଣ-ଲାଭକାରୀ ପେସାଦାର ସଂଘ ଅଟେ। ଚାଳିଶ ଦେଶର ୫୦ ସଙ୍ଗଠନର ପ୍ରତିନିଧିତ୍ବ କରୁଥିବା ୩୦୦ ରୁ ଅଧିକ ଅନ୍ତର୍ଜାତୀୟ ପ୍ରତିନିଧି ଏହି କାର୍ଯ୍ୟକ୍ରମରେ ଭାଗ ନେଉଛନ୍ତି।

Categories
ବିଶେଷ ଖବର

ଅନୁରାଗ ଠାକୁରଙ୍କ ପାକିସ୍ତାନ ଉପରେ ପାଲଟା ଆକ୍ରମଣ: ଭାରତକୁ କେହି କରିପାରିବେ ନାହିଁ ଅଣଦେଖା

ନୂଆଦିଲ୍ଲୀ: ଭାରତରେ ବିଶ୍ୱକପ ନ ଖେଳିବା ପାଇଁ ପାକିସ୍ତାନ କ୍ରିକେଟ୍ ବୋର୍ଡ ଦେଇଥିବା ବୟାନ ଉପରେ କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ନିଜର ପ୍ରତିକ୍ରିୟା ଦେଇଛନ୍ତି। ଅନୁରାଗ ଠାକୁର କହିଛନ୍ତି ଯେ, ଭାରତରେ ଆୟୋଜିତ ହେବାକୁ ଥିବା ବିଶ୍ୱକପରେ ବିଶ୍ୱର ପ୍ରତ୍ୟେକ ବଡ ଦଳ ଅଂଶଗ୍ରହଣ କରିବେ। ଏହାପୂର୍ବରୁ ଜୟ ଶାହା କହିଥିଲେ ଯେ, ୨୦୨୩ ଏସିଆ କପ୍ ଖେଳିବାକୁ ଭାରତ ପାକିସ୍ତାନ ଯିବ ନାହିଁ। ଏହା ପରେ ଦିନିକିଆ ବିଶ୍ୱକପକୁ ପିସିବି ବୟକଟ୍ କରିବାକୁ ଧମକ ଦେଇଥିଲା

ଏ ସମ୍ପର୍କରେ ଅନୁରାଗ ଠାକୁର କହିଛନ୍ତି ଯେ, ଏହା ବିସିସିଆଇର ବିଷୟ ଏବଂ ବିସିସିଆଇ ଏହା ଉପରେ ମନ୍ତବ୍ୟ ଦେବ। ଭାରତ ହେଉଛି କ୍ରୀଡ଼ାର ଶକ୍ତି, ଯେଉଁଠାରେ ଅନେକ ବିଶ୍ୱକପ୍ ଆୟୋଜିତ ହୋଇଛି। ଆସନ୍ତା ବର୍ଷ ଏଠାରେ ଏକଦିବସୀୟ ବିଶ୍ୱକପ ଖେଳାଯିବ ଏବଂ ଏଥିରେ ସମସ୍ତ ବଡ ଦଳ ଅଂଶଗ୍ରହଣ କରିବେ। ଆପଣ କୌଣସି ଖେଳରେ ଭାରତକୁ ଅଣଦେଖା କରିପାରିବେ ନାହିଁ। ଖେଳ ଏବଂ ବିଶେଷ କରି କ୍ରିକେଟ୍ ପାଇଁ ଭାରତ ବହୁତ ଅବଦାନ ଦେଇଛି। ଆସନ୍ତା ବର୍ଷ ବିଶ୍ୱକପ୍ ଅନୁଷ୍ଠିତ ହେବ ଏବଂ ଏହା ଏକ ବହୁତ ବଡ ଏବଂ ଐତିହାସିକ ଘଟଣା ହେବ। ପାକିସ୍ତାନର ସୁରକ୍ଷା ଚିନ୍ତାକୁ ଦୃଷ୍ଟିରେ ରଖି ଗୃହ ମନ୍ତ୍ରଣାଳୟ ଏ ବାବଦରେ ନିଷ୍ପତ୍ତି ନେବ। ଏହା କେବଳ କ୍ରିକେଟ୍ ବିଷୟରେ ନୁହେଁ। ଭାରତ କାହା କଥା ଶୁଣିବା ସ୍ଥିତିରେ ନାହିଁ। ”

ଜୟ ଶାହାଙ୍କ ବିବୃତ୍ତିରେ ପାକିସ୍ତାନ କ୍ରିକେଟ୍ ବୋର୍ଡ ଦ୍ଵାରା ଜାରି ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ, ଏସିସି ସଭାପତି ଜୟ ଶାହାଙ୍କ ନିରପେକ୍ଷ ସ୍ଥାନରେ ଆସନ୍ତା ବର୍ଷ ହେବାକୁ ଥିବା ଏସିଆ କପ୍‌କୁ ନେଇ ପିସିବି ଆଶ୍ଚର୍ଯ୍ୟ ଏବଂ ଅସନ୍ତୋଷ ବ୍ୟକ୍ତ କରିଛି। ଏସିଆନ କ୍ରିକେଟ୍ ବୋର୍ଡ କିମ୍ବା ପାକିସ୍ତାନ କ୍ରିକେଟ୍ ବୋର୍ଡ ସହିତ କୌଣସି ପରାମର୍ଶ ନକରି ଏବଂ ସେମାନଙ୍କର ଦୀର୍ଘକାଳୀନ ପରିଣାମ ଏବଂ ପ୍ରଭାବକୁ ବିଚାର ନକରି ଏହା କୁହାଯାଇଥିଲା।

ପ୍ରେସ ବିଜ୍ଞପ୍ତିରେ ଆହୁରି ମଧ୍ୟ କୁହାଯାଇଛି ଯେ, ଏସିସି ବୈଠକର ସଭାପତିତ୍ଵ କରିବା ପରେ ଯେଉଁଥିରେ ଏସିସି ବୋର୍ଡ ସଦସ୍ୟଙ୍କ ବହୁ ସମର୍ଥନ ସହ ପାକିସ୍ତାନରେ ଏସିଆ କପ୍ ଆୟୋଜନ କରିବାକୁ ସୁଯୋଗ ମିଳିଥିଲା। ଏସିଆ କପ୍ ସ୍ଥାନାନ୍ତର କରିବାର ବିବୃତ୍ତି ସ୍ପଷ୍ଟ ଭାବେ ଏକପାଖିଆ।

Categories
ଖେଳ ଜାତୀୟ ଖବର ବିଶେଷ ଖବର ରାଜ୍ୟ ଖବର

ଉଦଘାଟିତ ହେଲା ଫିଫା ଅଣ୍ଡର ୧୭ ମହିଳା ଫୁଟବଲ ବିଶ୍ବକପ, ଯୋଗଦେଲେ ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀ

ଭୁବନେଶ୍ବର: କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ଏବଂ ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଆୟୋଜିତ ଫିଫା ୧୭ ବର୍ଷରୁ କମ୍‌ ମହିଳା ଫୁଟବଲ ବିଶ୍ବକପର ଉଦଘାଟନୀ ସମାରୋହରେ ଯୋଗ ଦେଇଛନ୍ତି।

ଶ୍ରୀ ଠାକୁର ଭାରତ ଏବଂ ଆମେରିକା ମଧ୍ୟରେ ଅନୁଷ୍ଠିତ ମ୍ୟାଚ୍‌ ମଧ୍ୟ ଦେଖିଥିଲେ। ଉଦଘାଟନୀ ସମାରୋହରେ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଆଇନ ଓ ନ୍ୟାୟ ମନ୍ତ୍ରୀ କିରେନ ରିଜିଜୁଙ୍କ ମଧ୍ୟ ଉପସ୍ଥିତ ଥିଲେ। ଏଥିସହିତ ଏହି ଉତ୍ସବରେ ଯୋଗ ଦେଇଥିଲେ ମୁଖ୍ୟମନ୍ତ୍ର ନବୀନ ପଟ୍ଟନାୟକ।

୧୭ ବର୍ଷରୁ କମ୍‌ ଫିଫା ମହିଳା ବିଶ୍ବକପ ଓଡ଼ିଶାର କଳିଙ୍ଗ ଷ୍ଟାଡିୟମ ସମେତ ନଭି ମୁମ୍ବାଇର ଡିୱାଇ ପାଟିଲ ସ୍ପୋର୍ଟସ୍‌ ଷ୍ଟାଡିୟମ ଏବଂ ଗୋଆର ପିଜେଏନ ଷ୍ଟାଡିୟମକୁ ମିଶାଇ ତିନୋଟି ସ୍ଥାନରେ ମିଳିତ ଭାବେ ଆୟୋଜନ କରାଯାଉଛି।

ଏହି କ୍ରୀଡ଼ା ମହାକୁମ୍ଭରେ ୧୬ଟି ଦେଶ ଭାଗ ନେଇଛନ୍ତି। ପ୍ରତିଯୋଗିତା ଆସନ୍ତା ଅକ୍ଟୋବର ୩୦ ତାରିଖ ପର୍ଯ୍ୟନ୍ତ ଚାଲିବ। ବିଶ୍ବସ୍ତରୀୟ ଏହି ସମ୍ମାନଜନକ ପ୍ରତିଯୋଗିତାର ସପ୍ତମ ସଂସ୍କରଣରେ ୪ଟି ଗ୍ରୁପରେ ବିଭାଜିତ ହୋଇ ଦଳଗୁଡ଼ିକ ପରସ୍ପର ସହ ପ୍ରତିଦ୍ବନ୍ଦ୍ବିତା କରିବେ। ଅକ୍ଟୋବର ୩୦ ତାରିଖରେ ନଭି ମୁମ୍ବାଇ ଠାରେ ଫାଇନାଲ ମୁକାବିଲା ଖେଳାଯିବ।

୧୭ ବର୍ଷରୁ କମ୍‌ ଫିଫା ମହିଳା ଫୁଟବଲ ବିଶ୍ବକପ ପ୍ରତିଯୋଗିତାରେ ତିନି ପୂର୍ବତନ ଚାମ୍ପିଅନ ଫ୍ରାନ୍ସ, ଜାପାନ ଏବଂ ସ୍ପେନ୍‌ ପ୍ରତିଦ୍ବନ୍ଦ୍ବିତା କରୁଛନ୍ତି। ଅନ୍ୟପକ୍ଷରେ କାନାଡା, ଜର୍ମାନୀ, ନ୍ୟୁଜିଲାଣ୍ଡ ଓ ଜାପାନ ସବୁଥର ଭଳି ଚଳିତ ସଂସ୍କରଣରେ ମଧ୍ୟ ଭାଗ ନେବାର ରେକର୍ଡ ବଜାୟ ରଖିଛନ୍ତି।

ଏଭଳି ବିଶ୍ବସ୍ତରୀୟ ପ୍ରତିଯୋଗିତାରେ ଭାରତୀୟ ଦଳ ପ୍ରଥମ ଥର ପାଇଁ ଅଂଶଗ୍ରହଣ କରୁଛି। ୨୦୧୭ରେ ୧୭ ବର୍ଷରୁ କମ୍‌ ପୁରୁଷ ଫୁଟବଲ ବିଶ୍ବକପ ପରେ ଭାରତୀୟ ମହିଳା ଦଳ ଏହି ପ୍ରତିଯୋଗିତାରେ ଶ୍ରେଷ୍ଠ ପ୍ରଦର୍ଶନ ଲକ୍ଷ ରଖିଛି।

ଅନ୍ୟପକ୍ଷରେ ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ଦାୟିତ୍ବ ନେବା ପରେ କେନ୍ଦ୍ର ମନ୍ତ୍ରୀ ଅନୁରାଗ ସିଂ ଠାକୁର ପ୍ରଥମ ଥର ପାଇଁ ଓଡ଼ିଶା ଗସ୍ତରେ ଆସିଥିଲେ।

Categories
ଆଜିର ଖବର ଜାତୀୟ ଖବର

ପ୍ରୟାଗରାଜରୁ ଆରମ୍ଭ ହେଲା ସ୍ୱଚ୍ଛ ଭାରତ ୨୦୨୨ ଅଭିଯାନ

ନୂଆଦିଲ୍ଲୀ: କେନ୍ଦ୍ର ଯୁବ ବ୍ୟାପାର ତଥା କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ଆଜି ଉତ୍ତରପ୍ରଦେଶର ପ୍ରୟାଗରାଜରୁ ସ୍ୱଚ୍ଛ ଭାରତ ୨୦୨୨ ଅଭିଯାନ ଆରମ୍ଭ କରିଛନ୍ତି। ନେହେରୁ ଯୁବ କେନ୍ଦ୍ର, ଜାତୀୟ ସେବା ଯୋଜନାର ସ୍ୱେଚ୍ଛାସେବୀ ଏବଂ ବହୁ ସଂଖ୍ୟାରେ ବ୍ୟକ୍ତିଙ୍କ ସହ ପ୍ରୟାଗରାଜର ସଙ୍ଗମ ବେଳାଭୂମିରେ ସ୍ୱଚ୍ଛତା ଅଭିଯାନରେ ଶ୍ରୀ ଠାକୁର ଅଂଶଗ୍ରହଣ କରିଥିଲେ। ଏହି ଅବସରରେ ସ୍ୱଚ୍ଛତା ପ୍ରତିଶ୍ରୁତି ମଧ୍ୟ କାର୍ଯ୍ୟକାରୀ କରାଯାଇଥିଲା। ଯୁବ ବ୍ୟାପାର ଏବଂ କ୍ରୀଡ଼ା ବିଭାଗର ସଚିବ ସଞ୍ଜୟ କୁମାର ଏବଂ ମନ୍ତ୍ରଣାଳୟର ଅନ୍ୟ ଅଧିକାରୀମାନେ ଏହି  ଅବସରରେ ଉପସ୍ଥିତ ଥିଲେ।

ଏହି ଅବସରରେ ଶ୍ରୀ ଠାକୁର ସୂଚନା ଦେଇଛନ୍ତି ଯେ ଗତ ବର୍ଷ ସମାନ ଅଭିଯାନ ଆୟୋଜିତ ହୋଇଥିଲା ଯାହା ୭୫ ଲକ୍ଷ କିଲୋଗ୍ରାମ ପ୍ଲାଷ୍ଟିକ ବର୍ଜ୍ୟବସ୍ତୁ ସଂଗ୍ରହ ତଥା ବିଘଟନ କରିବାର ଲକ୍ଷ୍ୟଠାରୁ ବହୁଗୁଣା ଅତିକ୍ରମ କରିଛି ଏବଂ ଚଳିତ ବର୍ଷ ସ୍ୱଚ୍ଛ ଭାରତ ୨୦୨୨ ମାଧ୍ୟମରେ ଯୁବ ବ୍ୟାପାର ବିଭାଗ ୧ କୋଟି କିଲୋଗ୍ରାମ ପ୍ଲାଷ୍ଟିକ ବର୍ଜ୍ୟ ସଂଗ୍ରହ ଏବଂ ବିଘଟନ କରିବାର ଲକ୍ଷ୍ୟ ଧାର୍ଯ୍ୟ କରିଛି।

ଶ୍ରୀ ଠାକୁର ଆହୁରି ମଧ୍ୟ କହିଛନ୍ତି ଯେ ଚଳିତ ବର୍ଷ ସ୍ୱାଧୀନତା ଦିବସ ଅଭିଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଘୋଷିତ ହୋଇଥିବା ‘ପଞ୍ଚ ପ୍ରଣ’ ମଧ୍ୟରୁ ଗୋଟିଏ ହେଉଛି ଏକ ବିକଶିତ ଭାରତର ଲକ୍ଷ୍ୟ, ତେଣୁ ସ୍ୱଚ୍ଛ ଭାରତ ବିନା ଆମେ ଏକ ବିକଶିତ ଭାରତର ସ୍ୱପ୍ନ ପୂରଣ କରିପାରିବୁ ନାହିଁ।

କେନ୍ଦ୍ର ମନ୍ତ୍ରୀ କହିଛନ୍ତି ଯେ ପ୍ଲାଷ୍ଟିକ କ୍ଷୟ ହୁଏ ନାହିଁ, ଯାହା ବିଭିନ୍ନ ପ୍ରକାରର ରୋଗ ଏବଂ ସମସ୍ୟା ସୃଷ୍ଟି କରିଥାଏ। ସେ କହିଛନ୍ତି ଯେ ଦେଶକୁ ପ୍ଲାଷ୍ଟିକରୁ ରକ୍ଷା କରିବାକୁ ପଡିବ ଏବଂ ସମସ୍ତଙ୍କୁ ପୃଥିବୀ ମା’କୁ ବଞ୍ଚାଇବାର ଦାୟିତ୍ୱ ପୂରଣ କରିବାକୁ ପଡିବ। ସେ ଆହୁରି ମଧ୍ୟ କହିଛନ୍ତି ଯେ ପରିଷ୍କାର ପରିଚ୍ଛନ୍ନତାକୁ ଜୀବନଶୈଳୀ ଭାବରେ ଗ୍ରହଣ କରି ରୋଗର ମାତ୍ରା ବହୁଳ ଭାବେ ହ୍ରାସ କରାଯାଇପାରେ।

ଶ୍ରୀ ଠାକୁର କହିଛନ୍ତି ଯେ ନେହେରୁ ଯୁବ କେନ୍ଦ୍ର ସଂଗଠନ (ଏନ୍‍ୱାଇକେଏସ୍‍) ଅନୁବନ୍ଧିତ ଯୁବ କ୍ଲବ ଏବଂ ଜାତୀୟ ସେବା ଯୋଜନା ଅନୁବନ୍ଧିତ ଅନୁଷ୍ଠାନର ନେଟୱାର୍କ ମାଧ୍ୟମରେ ଦେଶର ୭୪୪ ଜିଲ୍ଲାର ୬ ଲକ୍ଷ ଗ୍ରାମରେ ସ୍ୱଚ୍ଛ ଭାରତ ୨୦୨୨ କାର୍ଯ୍ୟକ୍ରମ ଆୟୋଜିତ ହେଉଛି। ଏହା କେବଳ ଏକ କାର୍ଯ୍ୟକ୍ରମ ନୁହେଁ ବରଂ ଲୋକଙ୍କୁ ସ୍ୱଚ୍ଛତାର ମହତ୍ୱ ବୁଝାଇବା ପାଇଁ ଏକ ଗମ୍ଭୀର ପ୍ରୟାସ।

ସ୍ୱଚ୍ଛ ଭାରତ କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ୧ ଅକ୍ଟୋବରରୁ ୩୧ ଅକ୍ଟୋବର ୨୦୨୨ ପର୍ଯ୍ୟନ୍ତ ଦେଶର ସମସ୍ତ ଜିଲ୍ଲାରେ ସର୍ବସାଧାରଣ ସ୍ଥାନ ଏବଂ ଘର ସଫା କରିବା, ସମାଜର ସମସ୍ତ ବର୍ଗ, ପଞ୍ଚାୟତି ରାଜ ଅନୁଷ୍ଠାନ ଏବଂ ଅଣ-ସରକାରୀ ସଂଗଠନ ସହିତ ଜଡିତ ହେବା, ସଚେତନତା ସୃଷ୍ଟି କରିବା  ଏବଂ ସେମାନଙ୍କ ପରିବେଶକୁ ପରିଷ୍କାର ଏବଂ ବର୍ଜ୍ୟବସ୍ତୁ ମୁକ୍ତ ରଖି ନାଗରିକମାନେ ଗର୍ବ ଅନୁଭବ କରିବା। ଏହି ଅଭିଯାନ ସହିତ “ସ୍ୱଚ୍ଛ କାଳ : ଅମୃତ କାଳ” ର ମନ୍ତ୍ର ପ୍ରଦାନ କରିବ ଏବଂ ଜନ ଭାଗିଦାରୀ ମାଧ୍ୟମରେ ଏହି କାର୍ଯ୍ୟକ୍ରମକୁ ଏକ ଲୋକ ଆନ୍ଦୋଳନରେ ପରିଣତ କରିବ।

Categories
ଆଜିର ଖବର ଖେଳ ଜାତୀୟ ଖବର

ଆଜି ଅହମ୍ମଦାବାଦ ଠାରେ ୩୬ତମ ଜାତୀୟ କ୍ରୀଡାର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଆୟୋଜିତ ହେବାକୁ ଥିବା ଭବ୍ୟ ଉଦଘାଟନୀ ସମାରୋହରେ ୩୬ତମ ଜାତୀୟ କ୍ରୀଡାର ଶୁଭାରମ୍ଭ କରିବେ। ଜାତୀୟ କ୍ରୀଡାରେ ଭାଗ ନେଇଥିବା ଦେଶର ବିଭିନ୍ନ ସ୍ଥାନର କ୍ରୀଡାବିତମାନଙ୍କୁ ପ୍ରଧାନମନ୍ତ୍ରୀ ଅଭିଭାଷଣ ପ୍ରଦାନ କରିବେ। କେନ୍ଦ୍ର ଯୁବ ବ୍ୟାପାର ଓ କ୍ରୀଡା ମନ୍ତ୍ରୀ ଅନୁରାଗ ଠାକୁର ଓ ଅନ୍ୟ ମାନ୍ୟଗଣ୍ୟ ବ୍ୟକ୍ତି ଉଦଘାଟନୀ ସମାରୋହରେ ସାମିଲ ହେବେ।

ଗୁଜୁରାଟରେ ପ୍ରଥମ ଥର ପାଇଁ ଜାତୀୟ କ୍ରୀଡା ଆୟୋଜିତ ହେଉଛି। ଏହା ସେପ୍ଟେମ୍ବର ୨୯ରୁ ଅକ୍ଟୋବର ୧୨, ୨୦୨୨ ପର୍ଯ୍ୟନ୍ତ ଅନୁଷ୍ଠିତ ହେବ। ସାରା ଦେଶର ପ୍ରାୟ ୧୫ ହଜାର କ୍ରୀଡାବିତ, କୋଚ ଓ ଅଧିକାରୀ ୩୬ଟି କ୍ରୀଡା ଶୃଙ୍ଖଳାରେ ଭାଗ ନେବା ଦ୍ୱାରା ଏହା ଏପର୍ଯ୍ୟନ୍ତ ଆୟୋଜିତ ସବୁଠାରୁ ବଡ ଜାତୀୟ କ୍ରୀଡା ପାଲଟିବ। ଅହମ୍ମଦାବାଦ, ଗାନ୍ଧିନଗର, ସୁରତ, ଭଦୋଦରା, ରାଜକୋଟ ଓ ଭାବନଗର ଆଦି ଛଅଟି ସହରରେ କ୍ରୀଡା ଇଭେଣ୍ଟଗୁଡିକ ଆୟୋଜିତ ହେବ। ତତ୍କାଳୀନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଗୁଜୁରାଟରେ ଆନ୍ତର୍ଜାତୀୟ ସ୍ତରର ମଜବୁତ କ୍ରୀଡା ଭିତ୍ତିଭୂମି ସୃଷ୍ଟି ହୋଇ ପାରିଥିଲା, ଯାହାଦ୍ୱାରା ରାଜ୍ୟ ଖୁବ କମ ସମୟ ମଧ୍ୟରେ କ୍ରୀଡା ଆୟୋଜନ ପାଇଁ ପ୍ରସ୍ତୁତି କରିପାରିଛି।

Categories
ବିଶେଷ ଖବର

ପ୍ରଧାନମନ୍ତ୍ରୀଙ୍କ ଚୟନିତ ବକ୍ତୃତା ସଂଗ୍ରହକୁ ନେଇ ପ୍ରସ୍ତୁତ ପୁସ୍ତକକୁ ଉନ୍ମୋଚନ କଲେ ଭେଙ୍କୟା ନାଇଡୁ

ନୂଆଦିଲ୍ଲୀ: ପୂର୍ବତନ ଉପରାଷ୍ଟ୍ରପତି ଭେଙ୍କୟା ନାଇଡୁ ଆଜି ପ୍ରକାଶନ ନିର୍ଦ୍ଦେଶାଳୟ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ କେରଳର ରାଜ୍ୟପାଳ ଆରିଫ ମହମ୍ମଦ ଖାନ ଏବଂ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁରଙ୍କ ସହିତ ପ୍ରଧାନମନ୍ତ୍ରୀଙ୍କ ଚୟନିତ ଭାଷଣକୁ ନେଇ ପ୍ରସ୍ତୁତ ଏକ ପୁସ୍ତକ ସବକା ସାଥ ସବକା ବିକାଶ ସବକା ବିଶ୍ୱାସ କୁ ଉନ୍ମୋଚନ କରିଛନ୍ତି। ଏହି ପୁସ୍ତକଟି ବିଭିନ୍ନ ବିଷୟ ଉପରେ ମଇ ୨୦୧୯ ରୁ ମଇ ୨୦୨୦ ପର୍ଯ୍ୟନ୍ତ ପ୍ରଧାନମନ୍ତ୍ରୀଙ୍କ ୮୬ ଟି ଭାଷଣର ଏକ ସଂକଳନ ଅଟେ।

ଏହି ଅବସରରେ ପୂର୍ବତନ ଉପରାଷ୍ଟ୍ରପତି କହିଛନ୍ତି ଯେ ରାଷ୍ଟ୍ର ସମ୍ମୁଖୀନ ହେଉଥିବା ଅହ୍ୱାନଗୁଡିକ ଏବଂ ସେଗୁଡିକୁ ଦୂର କରିବା ପାଇଁ ମିଳିତ ପ୍ରୟାସକୁ ବୁଝାଇବାରେ ଏହି ପୁସ୍ତକ ଏକ ମହତ୍ୱପୂର୍ଣ ଅବଦାନ ଅଟେ। ସେ କହିଛନ୍ତି ଯେ ବର୍ତ୍ତମାନର ସରକାର ‘ସର୍ବେ ଜନ ସୁଖିନୋ ଭବନ୍ତୁ\’ର ବ୍ୟାପକ ଦର୍ଶନ ଅଧୀନରେ କାର୍ଯ୍ୟ କରୁଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ପୂର୍ବରୁ ମଧ୍ୟ ଭଲ ଯୋଜନା ଆରମ୍ଭ କରାଯାଇଛି ଏବଂ କେବଳ ବର୍ତ୍ତମାନର ପ୍ରଧାନମନ୍ତ୍ରୀ, ସମ୍ମୁଖରୁ ନେତୃତ୍ୱ ନେବା ସହିତ ସମସ୍ତ କାର୍ଯ୍ୟକ୍ରମଗୁଡିକର ସମୟସୀମା ଏବଂ ଲକ୍ଷ୍ୟ ସ୍ଥିର କରିବା ପାଇଁ ନିଶ୍ଚିତ କରୁଛନ୍ତି, ସେ ସମସ୍ତ କାର୍ଯ୍ୟର ନିରନ୍ତର ମନିଟରିଂ ଏବଂ ଶେଷ ବିତରଣକୁ ସୁନିଶ୍ଚିତ କରନ୍ତି। ତାଙ୍କର ବିପୁଳ ଯୋଗାଯୋଗ କୌଶଳର ଉପହାର ସହିତ ଶ୍ରୀ ନାଇଡୁ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ଦେଶର ସମସ୍ତ ଲୋକଙ୍କ ସହ ଯୋଡି ହୋଇପାରିବେ।

କୋଟି କୋଟି ବ୍ୟାଙ୍କ ଆକାଉଣ୍ଟଣ୍ଟଖୋଲିବାର ଦୃଷ୍ଟିକୋଣ ଅସମ୍ଭବ ଦେଖାଯାଉଥିବା ସମୟକୁ ଶ୍ରୀ ନାଇଡୁ ମନେ ପକାଇଥିଲେ, କିନ୍ତୁ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଏହି ଲକ୍ଷ୍ୟ ଖୁବ ଶୀଘ୍ର ହାସଲ କରାଯାଇଥିଲା। ଡାଇରେକ୍ଟ ବେନିଫିଟ୍ ଟ୍ରାନ୍ସଫରକୁ ସରକାରଙ୍କ ସବୁଠାରୁ ବଡ ସଫଳତା ଭାବରେ ଗଣନା କରି ଶ୍ରୀ ନାଇଡୁ କହିଛନ୍ତି ଯେ ଏହା ଲୋକଙ୍କୁ ମଧ୍ୟସ୍ଥିଙ୍କ କବଳରୁ ମୁକ୍ତ କରି କଲ୍ୟାଣମୂଳକ ପଦକ୍ଷେପଗୁଡ଼ିକର ଶେଷ ସୀମାଣ୍ଟ ସୁନିଶ୍ଚିତ କରିଛି। ଯେତେବେଳେ ପୂର୍ବରୁ ଯୋଜନାଗୁଡିକ ସରକାରୀ କିମ୍ବା ରାଜନୈତିକ ଭାବରେ ଚିହ୍ନଟ ହୋଇଥିଲା, ସେତେବେଳେ ପ୍ରଧାନମନ୍ତ୍ରୀ ମୋଦୀ ବୁଝିଥିଲେ ଯେ ଏକ ଲକ୍ଷ୍ୟ ହାସଲ କରିବା ଲୋକଙ୍କ ଯୋଗଦାନ ଉପରେ ର୍ନିଭର କରେ। ସ୍ୱଚ୍ଛ ଭାରତ ଅଭିଯାନଙ୍କୁ ପ୍ରଧାନମନ୍ତ୍ରୀ ଜନ ଆନ୍ଦୋଳନ (ଲୋକଙ୍କ ଆନ୍ଦୋଳନ) ଭାବରେ କଳ୍ପନା କରିଥିଲେ।

ଶ୍ରୀ ନାଇଡୁ ମନ୍ତବ୍ୟ ଦେଇ ସଂକ୍ଷେପରେ କହିଛନ୍ତି ଯେ ଦୀର୍ଘ ଦିନ ଧରି ଲୋକମାନେ କହିଛନ୍ତି ଯେ ଭାରତ ଶକ୍ତି ଏବଂ ସ୍ଥିତିର କଥା ନୁହେଁ। ପ୍ରଧାନମନ୍ତ୍ରୀ ମୋଦୀଙ୍କ ଆଗମନ ସହିତ ଭାରତ ବର୍ତ୍ତମାନ ଏକ ଶକ୍ତି ପାଲଟିଛି ଏବଂ ଭାରତର ସ୍ୱର ସମସ୍ତଙ୍କୁ ଶୁଣାଯାଉଛି।

କେରଳର ରାଜ୍ୟପାଳ ଆରିଫ ମହମ୍ମଦ ଖାନ କହିଛନ୍ତି ଯେ ପୁସ୍ତକ ମାଧ୍ୟମରେ ଏକ ସାଧାରଣ ସୂତ୍ର ଚାଲିଥାଏ ଏବଂ ଏହା ଦଳିତ ତଥା ମହିଳା ସଶକ୍ତିକରଣ ପାଇଁ ପ୍ରଧାନମନ୍ତ୍ରୀଙ୍କ ଚିନ୍ତାଧାରା। ସେ ଦର୍ଶାଇଛନ୍ତି ଯେ ଦୁଇଟି ପ୍ରସଙ୍ଗ, ଶୌଚାଳୟର ଉପଲବ୍ଧତା ଏବଂ ଜଳ ସଂଯୋଗ ପ୍ରସଙ୍ଗଗୁଡିକ ଦୀର୍ଘ ଦିନ ଧରି ସରକାରୀ ହସ୍ତକ୍ଷେପ ଆବଶ୍ୟକ କରୁଥିଲା କିନ୍ତୁ ବହୁ ସରକାର ଆସୁଥିଲେ ଏବଂ ଯାଉଥିଲେ। ବର୍ତ୍ତମାନର ସରକାର ହିଁ ଆରମ୍ଭରୁ ଯୁଦ୍ଧକାଳୀନ ଭିତ୍ତିରେ ଏହି ମିଶନକୁ ହାତକୁ ନେଇଥିଲେ।

ତିନ୍ ତାଲାକ୍ ବିଷୟରେ ସେ କହିଛନ୍ତି ଯେ ଶତାବ୍ଦୀ ଧରି ଆଗକୁ ବଢୁଥିବା ଏହି କଷ୍ଟରୁ ମୁକ୍ତି ପାଇବା କୌଣସି ଛୋଟ ସଫଳତା ନୁହେଁ। ଏହା ଅତ୍ୟନ୍ତ ନିରାଶାଜନକ, ବିବାହିତ ମୁସଲମାନ ମହିଳାମାନେ ଛାଡ଼ପତ୍ରର ଧମକ ତଳେ ରହୁଥିଲେ। ଏକ କଥାକୁ ମନେ ପକାଇ ମୁସଲମାନ ମହିଳାମାନଙ୍କୁ ହିନ୍ଦୁ ମହିଳାଙ୍କ ପରି ସମାନ ଅଧିକାର ପ୍ରଦାନ କରିବାର କ୍ଷମତା ତତ୍କାଳୀନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କର ସବୁଠାରୁ ବଡ ବିଫଳତା, ବୋଲି ଦର୍ଶାଇ ଶ୍ରୀ ମହମ୍ମଦ କହିଛନ୍ତି ଯେ ଏହି ଐତିହାସିକ ନିଷ୍ପତ୍ତିର ପ୍ରଭାବ ବହୁ ବର୍ଷ ପରେ ଅନୁଭବ ହେବ ଯେତେବେଳେ ରାଜନୈତିକ ଏବଂ ସମାଜବିଜ୍ଞାନ ଚିନ୍ତକମାନେ ଏହି ନିଷ୍ପତ୍ତିକୁ ବିଶ୍ଳେଷଣ କରିବେ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୁସଲମାନ ମହିଳାମାନଙ୍କ ମୁକ୍ତିଦାତା ଭାବରେ ସ୍ମରଣ କରାଯିବ। ସମସ୍ତ ବାଧା ଏବଂ ବିରୋଧକୁ ସାହସର ସାମ୍ନା କରି ଏହି ପ୍ରତିଶ୍ରୁତି ଦେଇଥିବାରୁ ସେ ପ୍ରଧାନମନ୍ତ୍ରୀଙ୍କୁ ତାହାର ଶ୍ରେୟ ଦେଇଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ପୂର୍ବରୁ ଦେଶର ବିକାଶ କେବଳ ସରକାର ଏବଂ ଏହାର ଅମଲାତନ୍ତ୍ରର ଦାୟିତ୍ୱ ଥିଲା। ତେବେ ପ୍ରଧାନମନ୍ତ୍ରୀ ମୋଦୀ ନିଶ୍ଚିତ କରିଛନ୍ତି ଯେ ଦେଶର ବିକାଶ ଜନ ଭାଗିଦାରୀଙ୍କ କାର୍ଯ୍ୟକ୍ରମରେ ପରିଣତ ହେବ, ଯେଉଁଠାରେ ଦେଶର ଲୋକମାନେ ଏହି ପ୍ରକ୍ରିୟାରେ ଏବଂ ଫଳାଫଳରେ ସମାନ ଅଂଶୀଦାର ହୁଅନ୍ତି ଏବଂ ଏହା ପ୍ରକୃତ ଗଣତନ୍ତ୍ରର ଧାରଣାକୁ ସ୍ପଷ୍ଟ କରିଛି।

ଏହି ପୁସ୍ତକ ବିଷୟରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ଏହି ପୁସ୍ତକ ୧୦ ଟି ଅଧ୍ୟାୟରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ୮୬ ଟି ଭାଷଣ ସଂକଳନ କରିଛି ଏବଂ ଜଟିଳ ସାମାଜିକ ପ୍ରସଙ୍ଗ ତଥା ତାଙ୍କର ସ୍ପଷ୍ଟ ଦୂରଦୃଷ୍ଟି ବିଷୟରେ ବର୍ଣ୍ଣନା କରିଛି। ଭବିଷ୍ୟତର ଐତିହାସିକମାନଙ୍କ ପାଇଁ ଏହି ସଂକଳନ ଅତ୍ୟନ୍ତ ଉପଯୋଗୀ ହେବ ବୋଲି ସେ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ ଏହି ଭାଷଣରେ ଜଟିଳ ଜାତୀୟ ପ୍ରସଙ୍ଗରେ ତାଙ୍କର ଚିନ୍ତାଧାରା ଏବଂ ତାଙ୍କ ନେତୃତ୍ୱ ମିଳିପାରିବ, ଯାହା ଦ୍ୱାରା ଭାରତ ବିଶ୍ୱର ପଞ୍ଚମ ବୃହତ୍ତମ ଅର୍ଥନୀତି ଭାବରେ ଛିଡା ହୋଇଛି। ଶେଷ ମାଇଲ୍ ବିତରଣକୁ ସେବା ତଥା ସୁନିଶ୍ଚିତ କରିବା ପାଇଁ ତାଙ୍କର ଏହି ଉତ୍ସାହ, ମଧ୍ୟସ୍ଥିମାନଙ୍କ ଠାରୁ ରକ୍ଷାକରିବ, ଯାହା ଦ୍ୱାରା ଲୋକମାନେ ତାଙ୍କ ଉପରେ ଅଦମ୍ୟ ବିଶ୍ୱାସ ସୃଷ୍ଟି କରିଛନ୍ତି।

ବିଭିନ୍ନ ବର୍ଗର ଲୋକଙ୍କ ସହ ଯୋଗାଯୋଗ କରିବାର ଅଦ୍ଭୁତ ସାମର୍ଥ୍ୟ ପାଇଁ ଶ୍ରୀ ନରେନ୍ଦ୍ର ମୋଦୀଙ୍କୁ ଶ୍ରେୟ ଦେଇ ଶ୍ରୀ ଠାକୁର କହିଛନ୍ତି ଯେ ଛାତ୍ର ଠାରୁ ଆରମ୍ଭ କରି ମହିଳା, କୃଷକଙ୍କ ଠାରୁ ଆରମ୍ଭ କରି ସୀମାନ୍ତରେ ଥିବା ସୈନିକ, କ୍ରୀଡ଼ାବିତଙ୍କ ଠାରୁ ଆରମ୍ଭ କରି ବ୍ୟବସାୟୀଙ୍କ ପର୍ଯ୍ୟନ୍ତ, ପ୍ରଧାନମନ୍ତ୍ରୀଙ୍କ କଥା ଶୁଣୁଥିବା ବ୍ୟକ୍ତି ତାଙ୍କର ଭାଷଣରୁ ଜାଣିପାରିବେ ଏବଂ ବିଭିନ୍ନ ଆନ୍ତର୍ଜାତୀୟ ସର୍ବେକ୍ଷଣରେ ପ୍ରଧାନମନ୍ତ୍ରୀ ମୋଦୀଙ୍କୁ ବିଶ୍ୱର ସବୁଠାରୁ ପ୍ରିୟ ପ୍ରଧାନମନ୍ତ୍ରୀ ବୋଲି କୁହାଯାଇଛି। ଶକ୍ତିଶାଳୀ ବିଶ୍ୱ ନେତାମାନେ ନରେନ୍ଦ୍ର ମୋଦୀ ହେବାର ଅର୍ଥ କ’ଣ ତାହା ଉପରେ ବିସ୍ତୃତ ଭାବରେ ଅନୁସନ୍ଧାନ କରିଛନ୍ତି।

ଏହି ପୁସ୍ତକରେ ବୈଦେଶିକ ସମ୍ପର୍କ ଉପରେ ତାଙ୍କର ବକ୍ତବ୍ୟ, ଅର୍ଥନୀତି ଉପରେ ତାଙ୍କର ଚିନ୍ତାଧାରା ଏବଂ କାଶୀ ବିଶ୍ୱନାଥ ଧାମ, କେଦାରନାଥ ଧାମ, ଅଯୋଧ୍ୟା, ଦେଓଘର ଇତ୍ୟାଦିରେ ଆମର ସାଂସ୍କୃତିକ ଐତିହ୍ୟର ପୁନରୁଦ୍ଧାର ପାଇଁ ବିଚାର କରାଯାଇଛି। ସେ କହିଛନ୍ତି ଯେ ଏହି ପୁସ୍ତକ ପାଠକଙ୍କୁ ଭାରତର ପରିବେଶ ତଥା ସବୁଜ ଭାରତ ଗଠନ ପାଇଁ ନିଆଯାଇଥିବା ପଦକ୍ଷେପ, ବିଭିନ୍ନ ମନ୍ତ୍ରଣାଳୟର ସଫଳତା, ଫିଟନେସ୍, ଯୋଗ ଏବଂ କ୍ରୀଡ଼ାର ମୁଖ୍ୟ ସ୍ରୋତ, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା, କୃଷି ଏବଂ କୃଷି ବ୍ୟବସାୟ, ରୋଜଗାର, ଗ୍ରାମୋଦ୍ୟୋଗ ଠାରୁ ରାଷ୍ଟ୍ରୋଦ୍ୟୋଗ ପର୍ଯ୍ୟନ୍ତ, ଆତ୍ମର୍ନିଭରଶୀଳ ହେବା ପାଇଁ ଭାରତର ଯାତ୍ରା କ୍ଷେତ୍ରରେ ସରକାରଙ୍କ ସଫଳତା ବିଷୟରେ ପାଠକଙ୍କୁ ଅବଗତ କରାଇବ।

ଏହି ପୁସ୍ତକ ବିଭିନ୍ନ ସରକାରୀ ଯୋଜନା ଉପରେ ନରେନ୍ଦ୍ର ମୋଦୀଙ୍କ ଚିନ୍ତାଧାରାର ଏକ ବିଶ୍ୱକୋଷ ଅଟେ। ଏହି ସଂକଳନରେ ପାଠକମାନେ ଐତିହାସିକ ଉତ୍ସବରେ ଦିଆଯାଇଥିବା ବକ୍ତବ୍ୟ ପାଇବେ – ଯେପରିକି ରାଜ୍ୟସଭାର ୨୫୦ ତମ ଅଧିବେଶନ, ଆସୋଚାମ୍ର ୧୦୦ ବର୍ଷ ପୂରଣ, ୨୦୧୯ ଅଗଷ୍ଟ ୮ ତାରିଖରେ ଜାମ୍ମୁ କାଶ୍ମୀର ଏବଂ ଲଦାଖରୁ ଧାରା ୩୭୦ ହଟାଯିବା। ୨୦୨୦ ମାର୍ଚ୍ଚ ୧୯ ତାରିଖରେ କୋଭିଡ ପ୍ରସଙ୍ଗରେ ଦେଶ ପ୍ରତି ତାଙ୍କର ଅଭିଭାଷଣ, ଦେଶକୁ ଦେଇଥିବା ବାର୍ତ୍ତା, ଫିଟ ଇଣ୍ଡିଆ ଆନ୍ଦୋଳନର ଶୁଭାରମ୍ଭ ସମୟରେ ଦିଆଯାଇଥିବା ଭାଷଣ, ଅଯୋଧ୍ୟାରେ ଶ୍ରୀ ରାମ ଜନ୍ମଭୂମି ଉପରେ ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ଦେଶକୁ ଦେଇଥିବା ବାର୍ତ୍ତା ଇତ୍ୟାଦି।

ମନ୍ତ୍ରୀ କହିଛନ୍ତି ଯେ ବିଭିନ୍ନ ରାଜନୈତିକ ନେତାଙ୍କ ବିପର୍ଯ୍ୟସ୍ତ ଭବିଷ୍ୟବାଣୀ ଉପରେ ଏହି ପୁସ୍ତକରେ ପ୍ରତିକ୍ରିୟା ରହିଛି, ଯେଉଁମାନେ କହିଥିଲେ ଯେ ଧାରା ୩୭୦ ଉଚ୍ଛେଦ ହେଲେ ଭାରତ ତିଷ୍ଠି ପାରିବ ନାହିଁ, କାଶ୍ମୀରରେ ଜଣେ ବ୍ୟକ୍ତି ଭାରତୀୟ ତ୍ରିରଙ୍ଗାକୁ ଉଠାଇ ପାରିବେ ନାହିଁ। ଆଜି ହର ଘର ତ୍ରିରଙ୍ଗା ଅଭିଯାନ କାଶ୍ମୀରରେ ଦେଶର ଅନ୍ୟାନ୍ୟ ସ୍ଥାନ ପରି ସମାନ ସଫଳତା ପାଇଛି ଏବଂ କାଶ୍ମୀରରେ ବିକାଶର ସାକ୍ଷୀ ହୋଇଛି।

ଏହି କାର୍ଯ୍ୟକ୍ରମରେ ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଅପୂର୍ବ ଚନ୍ଦ୍ରା ପ୍ରକାଶନ ନିର୍ଦ୍ଦେଶାଳୟର ମହାନିର୍ଦ୍ଦେଶକ ସୁଶ୍ରୀ ମୋନିଦେପା ମୁଖାର୍ଜୀ ଏବଂ ମନ୍ତ୍ରଣାଳୟର ବିଭିନ୍ନ ମିଡିଆ ୟୁନିଟ୍ ର ଅନ୍ୟାନ୍ୟ ବରିଷ୍ଠ ଅଧିକାରୀ ମଧ୍ୟ ଉପସ୍ଥିତ ଥିଲେ।

ସବକା ସାଥ୍ ସବକା ବିକାଶ ସବକା ବିଶ୍ୱାସ ପୁସ୍ତକ ବିଷୟରେ

ବିଭିନ୍ନ ବିଷୟ ଉପରେ ମଇ ୨୦୧୯ ରୁ ମଇ ୨୦୨୦ ପର୍ଯ୍ୟନ୍ତ ପ୍ରଧାନମନ୍ତ୍ରୀଙ୍କ ୮୬ ଟି ଭାଷଣ ଉପରେ ଏହି ପୁସ୍ତକରେ ଗୁରୁତ୍ୱ ଦିଆଯାଇଛି। ଦଶଟି ବିଷୟବସ୍ତୁ କ୍ଷେତ୍ରରେ ବିଭକ୍ତ, ଏହି ଭାଷଣଗୁଡ଼ିକ ‘ନୂତନ ଭାରତ’ ପାଇଁ ପ୍ରଧାନମନ୍ତ୍ରୀଙ୍କ ଦର୍ଶନକୁ ପ୍ରତିଫଳିତ କରେ। ଏହି ସୁ-ବଣ୍ଟିତ ବିଭାଗଗୁଡ଼ିକ ହେଉଛି – ଆତ୍ମନିର୍ଭର ଭାରତ: ଅର୍ଥନୀତି, ଲୋକ-ଅଗ୍ରାଧିକାର ଶାସନ, କୋଭିଡ -୧୯ ବିରୋଧରେ ଲଢେଇ, ଉଦୀୟମାନ ଭାରତ: ବୈଦେଶିକ ବ୍ୟାପାର, ଜୟ କିଷାନ, ବୈଷୟିକ ଭାରତ-ନୂତନ ଭାରତ, ସବୁଜ ଭାରତ-ସ୍ଥିର ଭାରତ-ସ୍ୱଚ୍ଛ ଭାରତ, ଫିଟ୍ ଇଣ୍ଡିଆ- ଦକ୍ଷ ଭାରତ, ଅନନ୍ତ ଭାରତ-ଆଧୁନିକ ଭାରତ: ସାଂସ୍କୃତିକ ଐତିହ୍ୟ, ଏବଂ ମନ୍ କି ବାତ୍।

ଏହି ପୁସ୍ତକରେ ଏକ ନୂତନ ଭାରତର ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଦର୍ଶାଯାଇଛି, ଯାହା ଆତ୍ମର୍ନିଭରଶୀଳ, ସ୍ଥିର ଏବଂ ଆହ୍ୱାନକୁ ସୁଯୋଗରେ ପରିଣତ କରିବାରେ ସକ୍ଷମ। ପ୍ରଧାନମନ୍ତ୍ରୀ ତାଙ୍କର ଅତୁଳନୀୟ ବକ୍ତବ୍ୟଶୈଳୀ ମାଧ୍ୟମରେ ଜନତାଙ୍କ ସହ ଯୋଡିହେବା ପାଇଁ ନେତୃତ୍ୱ ଗୁଣ, ଦୂରଦୃଷ୍ଟିସମ୍ପନ୍ନ ଚିନ୍ତାଧାରା ଏବଂ ଦୂରଦୃଷ୍ଟି ସହିତ ଉତ୍କୃଷ୍ଟ ଯୋଗାଯୋଗ ଦକ୍ଷତା ସହିତ ମିଶ୍ରଣ ଏହି ପୁସ୍ତକରେ ମଧ୍ୟ ପ୍ରତିଫଳିତ ହୋଇଛି।

ଇଂରାଜୀ ତଥା ହିନ୍ଦୀ ପୁସ୍ତକ ପ୍ରକାଶନ ଡିଭିଜନର ବିକ୍ରୟ କେନ୍ଦ୍ର ଏବଂ ସୂଚନା ଭବନ, ସିଜିଓ କମ୍ପେ୍ଲକ୍ସ, ନୂଆଦିଲ୍ଲୀର ବୁକ୍ ଗ୍ୟାଲେରୀରେ ଉପଲବ୍ଧ। ପ୍ରକାଶନ ବିଭାଗର ୱେବସାଇଟ୍ ତଥା ଭାରତକୋଷ ପ୍ଲାଟଫର୍ମ ମାଧ୍ୟମରେ ଅନଲାଇନରେ କିଣାଯାଇପାରିବ । ଇ-ବୁକ୍ ଆମାଜନ ଏବଂ ଗୁଗୁଲ୍ ପ୍ଲେରେ ମଧ୍ୟ ଉପଲବ୍ଧ।

Categories
ଜାତୀୟ ଖବର ବିଶେଷ ଖବର

ମୁଖ୍ୟ ସ୍ରୋତରେ ଥିବା ଗଣମାଧ୍ୟମ ନିଜ ପାଇଁ ନିଜେ ବିପଦ: ଅନୁରାଗ ଠାକୁର

ନୂଆଦିଲ୍ଲୀ: ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଆଜି ଏସିଆ – ପ୍ରଶାନ୍ତ ମହାସାଗରୀୟ ପ୍ରସାରଣ ଉନ୍ନୟନ ପ୍ରତିଷ୍ଠାନ (ଏଆଇବିଡି)ର ୪୭ତମ ବାର୍ଷିକ ସମ୍ମିଳନୀ ଏବଂ ୨ଠତମ ସାଧାରଣ ସମ୍ମିଳନୀକୁ ନୂଆଦିଲ୍ଲୀ ଠାରେ ଉଦଘାଟନ କରିଛନ୍ତି। ଏହି ଅବସରରେ ମନ୍ତ୍ରୀ ଶ୍ରୀ ଠାକୁର କହିଛନ୍ତି ଯେ- ମୁଖ୍ୟ ସ୍ରୋତରେ ଥିବା ବଡ଼ ବଡ଼ ଗଣମାଧ୍ୟମ ଗୁଡ଼ିକୁ ନୂତନ ଡିଜିଟାଲ ପ୍ଲାଟଫର୍ମ ପକ୍ଷରୁ କୌଣସି ଆହ୍ୱାନ ସୃଷ୍ଟି କରାଯାଇ ନାହିଁ ବରଂ ଗଣମାଧ୍ୟମ ନିଜ ପାଇଁ ନିଜେ ଏକ ବିପଦ। ବାସ୍ତବ ସାମ୍ବାଦିକତା ସତ୍ୟର ଉନ୍ମୋଚନ କରେ ଏବଂ ଗଣମାଧ୍ୟମ ଗୁଡ଼ିକ ସେହି ସତ୍ୟକୁ ପ୍ରକାଶ କରିବା ଉଚିତ। ଗଣମାଧ୍ୟମ ଆଲୋଚନା ଗୁଡ଼ିକର ସବୁକଥାକୁ ଏକପାଖିଆ ବିଶ୍ଳେଷଣ କରୁଥିବା ଏବଂ ମିଛ କଥା କହୁଥିବା ସାମ୍ବାଦିକମାନେ ଗଣମାଧ୍ୟମର ବିଶ୍ୱସନୀୟତାକୁ ନଷ୍ଟ କରୁଛନ୍ତି। ଦର୍ଶକମାନଙ୍କ ଚକ୍ଷୁରେ ଆଲୋଚନାର ଅତିଥି ଓ ସେମାନଙ୍କ ଗର୍ଜନର ଦୃଶ୍ୟ ଗଣମାଧ୍ୟମର ବିଶ୍ୱସନୀୟତାର ମୂଲ୍ୟାୟନ ହୋଇ ଯାଉଛି। ଗୋଟାଏ ମିନିଟ ପାଇଁ ଏହି ଦୃଶ୍ୟ ଦେଖିବାକୁ ଦର୍ଶକ ଅଟକି ରହୁଛନ୍ତି; କିନ୍ତୁ ପରବର୍ତ୍ତୀ ମୁହୂର୍ତ୍ତରେ ଚାନେଲର ଉପସ୍ଥାପକ, ଚାନେଲ, ତଥ୍ୟର ଉତ୍ସ ଆଦି ଲୋକଙ୍କ ବିଶ୍ୱାସ ହରାଉଛନ୍ତି ବୋଲି ଶ୍ରୀ ଠାକୁର କହିଛନ୍ତି।

ଉପସ୍ଥିତ ଗଣମାଧ୍ୟମ ମାଲିକମାନଙ୍କୁ ସତର୍କ କରାଇ ମନ୍ତ୍ରୀ ଶ୍ରୀ ଠାକୁର କହିଛନ୍ତି ଯେ- ସମ୍ବାଦକୁ ଉଚ୍ଚ ସ୍ୱରର ଉପସ୍ଥାପନା ଦୃଷ୍ଟିରୁ ବିଚାର ନ କରି ଅତିଥି ଆଲୋଚକ ଏବଂ ଚାନେଲର ବିଶ୍ୱସନୀୟତାକୁ ଦୃଷ୍ଟିରେ ରଖିବା ଉଚିତ। ଉପସ୍ଥିତ ଶ୍ରୋତାମାନଙ୍କୁ ଶ୍ରୀ ଠାକୁର ପଚାରିଛନ୍ତି ଯେ- ଚାନେଲକୁ ଯୁବଗୋଷ୍ଠୀ ବନ୍ଦ କରି ଅନ୍ୟ ଚାନେଲ ଦେଖିବା ଚାହୁଁଛନ୍ତି କିମ୍ବା ପ୍ରାକୃତିକ ଭାବରେ ଆଲୋଚନା ହେବା ଆପଣମାନେ ଚାହୁଁଛନ୍ତି। କରୋନା ମହାମାରୀ ସମୟରେ ଗଣମାଧ୍ୟମ ଗୁଡ଼ିକ ଲୋକଙ୍କୁ ଧରି ରଖିବା ସହ ପରସ୍ପର ସହ ସଂଯୋଗ ରକ୍ଷା କରି ମହାମାରୀର ପ୍ରକୋପରୁ ଲୋକଙ୍କୁ ସୁରକ୍ଷା ଦେଇଥିବାରୁ ଏ.ଆଇ.ବି.ଡି.ର ପ୍ରଶଂସା କରିଛନ୍ତି। ଏହି ସଂଗଠନର ସଦସ୍ୟ ରାଷ୍ଟ୍ରମାନେ କୋଭିଡ ସମ୍ପର୍କିତ ତଥ୍ୟର ଆଦାନ ପ୍ରଦାନ ଦ୍ୱାରା ବହୁଳ ଭାବେ ଲାଭବାନ ହୋଇଛନ୍ତି। ବିଭିନ୍ନ ତଥ୍ୟ ମଧ୍ୟରେ କୋଭିଡ ଯୋଦ୍ଧାଙ୍କ ସମ୍ପର୍କିତ ସକାରାତ୍ମକ ସୂଚନା, ମିଥ୍ୟା ସୂଚନାର ଖଣ୍ଡନ ଆଦି କରିଛନ୍ତି। ଏହି ଅବସରରେ ଏ.ଆଇ.ବି.ଡି.ର ନିଦେ୍ର୍ଦଶକ ସୁଶ୍ରୀ ଫିଲୋମେନା, ସାଧାରଣ ସମ୍ମିଳନୀର ଅଧ୍ୟକ୍ଷ ମୟଙ୍କ ଅଗ୍ରୱାଲ ଏବଂ ଏସିଆ – ପ୍ରଶାନ୍ତ ମହାସାଗରୀୟ କ୍ଷେତ୍ରରେ କୋଭିଡ ମହାମାରୀ ବିରୁଦ୍ଧରେ ଲଢୁଥିବା ସଦସ୍ୟ ଦେଶମାନଙ୍କୁ ଶୁଭେଚ୍ଛା ଜଣାଇଛନ୍ତି।

ଏହି ସମ୍ମିଳନୀର ଆଲୋଚ୍ୟ ପ୍ରସଙ୍ଗ ‘ମହାମାରୀ ପରବର୍ତ୍ତୀ ସମୟରେ ପ୍ରସାରଣର ସୁଦୃଢ଼ ଭବିଷ୍ୟତ ନିର୍ମାଣ’ ଉପରେ ଆଲୋଚନା କରି ସାମ୍ବାଦିକତାର ମୁଖ୍ୟ ସ୍ରୋତରେ ପ୍ରସାରଣ ଗଣମାଧ୍ୟମ ଗୁଡ଼ିକ ରହିଥିଲେ ମଧ୍ୟ କୋଭିଡ-୧୯ ଏହାର ନୀତି ନିର୍ଦ୍ଧାରଣ ପରିସରକୁ ନୂତନ ରୂପ ଦେଇଛି। ସମୟଭିତ୍ତିକ ନିର୍ଭୁଲ ସୂଚନା ଦ୍ୱାରା କୋଟି କୋଟି ଜୀବନ ରକ୍ଷା କରାଯାଇ ପାରିବା ଶିଖାଇଛି। ବିପଦ ସମୟରେ ସମଗ୍ର ବିଶ୍ୱକୁ ଗୋଟିଏ ମଞ୍ଚରେ ଏକତ୍ର କରି ବିଶ୍ୱ ପରିବାର ଅବଧାରଣା କୋଭିଡ-୧୯ ଶିଖାଇଛି। ଏହି ମହାମାରୀ ପ୍ରସଙ୍ଗରେ ସରକାରଙ୍କ ନିଦେ୍ର୍ଦଶାବଳୀକୁ ଲୋକଙ୍କ ନିକଟରେ ପହଂଚାଇ ଡାକ୍ତରମାନଙ୍କ ପରାମର୍ଶକୁ ଦେଶର ପ୍ରତ୍ୟେକ ସ୍ଥାନରେ ପହଂଚାଇବାରେ ଭାରତୀୟ ଗଣମାଧ୍ୟମ ଉଲ୍ଲେଖନୀୟ କାର୍ଯ୍ୟ କରିଥିବାରୁ ଏହାର ପ୍ରଶଂସା କରିଛନ୍ତି। ଉତ୍ତମ ମାନର ତଥ୍ୟ ଆଦାନ ପ୍ରଦାନ କ୍ଷେତ୍ରରେ ସଦସ୍ୟ ରାଷ୍ଟ୍ରମାନଙ୍କର ସହଯୋଗ କାମନା ମଧ୍ୟ କରିଛନ୍ତି। ସହଯୋଗ ମାଧ୍ୟମରେ ବିଶ୍ୱର ସଂସ୍କୃତି ସବୁ ଦେଶର ନିକଟତର ହୋଇପାରିବ ଏବଂ ଲୋକଙ୍କ ମଧ୍ୟରେ ଦୃଢ଼ ଆସ୍ଥା ସ୍ଥାପନ ହୋଇପାରିବ ବୋଲି ଶ୍ରୀ ଠାକୁର କହିଛନ୍ତି। ଏସବୁ ଦ୍ୱାରା ଗଣମାଧ୍ୟମଗୁଡ଼ିକ ବିଶ୍ୱସନୀୟ ହେବା ସହ ସୁଦୃଢ଼ ସଂଗଠନରେ ପରିଣତ ହୋଇ ପାରିବେ ବୋଲି ମଧ୍ୟ କହିଛନ୍ତି।

ପ୍ରସାର ଭାରତୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏହି ଅବସରରେ କହିଛନ୍ତି ଯେ- ଲକଡାଉନ ସତ୍ତ୍ୱେ ଏ.ଆଇ.ବି.ଡି. ସଦସ୍ୟ ରାଷ୍ଟ୍ରଗୁଡ଼ିକରେ ଦକ୍ଷତା ବୃଦ୍ଧି ତାଲିମ କାର୍ଯ୍ୟକ୍ରମ ଆୟୋଜିତ ହୋଇପାରିଛି। ଜଳବାୟୁ ପରିବର୍ତ୍ତନ, ସବୁଜ ଟେକ୍ନୋଲୋଜୀ, ଦୀର୍ଘସ୍ଥାୟୀ ପ୍ରଗତି ଭଳି ପ୍ରସଙ୍ଗକୁ ନେଇ ୩୪ଟି ତାଲିମ କାର୍ଯ୍ୟକ୍ରମ ଆୟୋଜନ କରାଯାଇଥିବା ଶ୍ରୀ ଅଗ୍ରୱାଲ କହିଛନ୍ତି। ପ୍ରସାରଣ ତାଲିମ କାର୍ଯ୍ୟକ୍ରମରେ ଇଣ୍ଟରନେଟର ବ୍ୟବହାର ଉପରେ ଗୁରୁତ୍ୱ ଦିଆଯାଇଥିବାରୁ ସାମ୍ବାଦିକତା କ୍ଷେତ୍ରରେ ସାଇବର ଆକ୍ରମଣକୁ ପ୍ରତିହତ କରାଯାଇ ପାରିଥିବା ଏବଂ ଏ.ଆଇ.ବି.ଡି. ସର୍ବ ପ୍ରଥମେ ବିଶ୍ୱରେ ଏଭଳି ତାଲିମ ଆୟୋଜନ କରିଥିବା ଶ୍ରୀ ଅଗ୍ରୱାଲ କହିଛନ୍ତି।

ସୁଶ୍ରୀ ଫିଲୋମେନା ଜ୍ଞାନାପାରାଗାସମ୍ ଏହି ଅବସରରେ କହିଥିଲେ ଯେ- ପ୍ରସଙ୍ଗଗୁଡ଼ିକୁ ନେଇ ଭବିଷ୍ୟତର ଗଣମାଧ୍ୟମର ସ୍ଥିତି ନିର୍ଦ୍ଧାରିତ ହେବ। ବର୍ତ୍ତମାନ ଏସବୁର ଆଦାନ ପ୍ରଦାନ ଏବଂ ନିୟନ୍ତ୍ରଣ କରାଯାଉଛି। ଏହି ସମ୍ମିଳନୀରେ ଯୋଗ ଦେଇଥିବା ସଦସ୍ୟମାନଙ୍କୁ ସେ ଧନ୍ୟବାଦ ଜଣାଇଥିଲେ।

ମନ୍ତ୍ରୀ ଶ୍ରୀ ଅନୁରାଗ ଠାକୁର ଏହି ଉତ୍ସବରେ ୨ଠ୨୧ ଏବଂ ୨ଠ୨୨ ମସିହା ପାଇଁ ଉଲ୍ଲେଖନୀୟ କାର୍ଯ୍ୟ କରିଥିବାରୁ ରେଡିଓ ଟେଲିଭିଜନ ବ୍ରୁନେଇକୁ ସମ୍ମାନ ପ୍ରଦାନ କରିଥିଲେ। ୨ଠ୨୧ ମସିହା ନିମିତ୍ତ ଜୀବନବ୍ୟାପୀ ସାଧନା ପାଇଁ କାମ୍ବୋଡିଆର ଖାଇୟୁ ଖାହ୍ନାରିଥ ଏବଂ ୨ଠ୨୨ ମସିହା ନିମିତ୍ତ ପ୍ରସାର ଭାରତୀର ସି.ଇ.ଓ. ମୟଙ୍କ ଅଗ୍ରୱାଲଙ୍କୁ ସମ୍ମାନିତ କରିଥିଲେ।

ୟୁନେସ୍କୋ ନେତୃତ୍ୱରେ ୧୯୭୭ ମସିହାରେ ଏସୀୟ – ପ୍ରଶାନ୍ତ ମହାସାଗରୀୟ ପ୍ରସାରଣ ଉନ୍ନୟନ ପ୍ରତିଷ୍ଠାନ ସ୍ଥାପନ କରାଯାଇଥିଲା। ଏହି ସଂଗଠନ ଏସିଆ ମହାଦେଶ ଏବଂ ପ୍ରଶାନ୍ତ ମହାସାଗର ଉପକୂଳବର୍ତ୍ତୀ ଦେଶଗୁଡ଼ିକର ଅର୍ଥନୀତି ଏବଂ ସାମାଜିକ ସ୍ଥିତିକୁ ବୈଦୁ୍ୟତିକ ଗଣମାଧ୍ୟମ ଗୁଡ଼ିକରେ ପ୍ରସାରଣ କରିଥାଏ। ଏଥିରେ ୨୬ଟି ରାଷ୍ଟ୍ରର ୪୩ଟି ସଂଗଠନର ପୂର୍ଣ୍ଣକାଳୀନ ସଦସ୍ୟ ଏବଂ ୫ଠଟି ସଂଗଠନର ସ୍ୱୀକୃତିପ୍ରାପ୍ତ ସଦସ୍ୟ ରହିଛନ୍ତି। ଭାରତର ସୂଚନା ଓ ପ୍ରସାରଣ ମନ୍ତ୍ରାଳୟ ପୂର୍ଣ୍ଣକାଳୀନ ସଦସ୍ୟ ଅଛି । ଭାରତରେ ଏହାର ଗଭର୍ଣ୍ଣିଂ କାଉନସିଲ ବୈଠକ ୧୯୭୮, ୧୯୮୫, ୨ଠଠ୩ରେ ଅନୁଷ୍ଠିତ ହେବା ପରେ ପୁନର୍ବାର ୨ଠ୨୨ ସେପ୍ଟେମ୍ବର ୧୯-୨୧ ପର୍ଯ୍ୟନ୍ତ ଅନୁଷ୍ଠିତ ହୋଇଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଯୁବ ସମ୍ବାଦ “ଭାରତ @୨୦୪୭” କାର୍ଯ୍ୟକ୍ରମକୁ ସମ୍ବୋଧିତ କଲେ କେନ୍ଦ୍ରମନ୍ତ୍ରୀ

ଦିଲ୍ଲୀ: କେନ୍ଦ୍ର ଶିକ୍ଷା ଏବଂ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରୀ ଅନୁରାଗ ଠାକୁର ଆଜି ନୂଆଦିଲ୍ଲୀ ଠାରେ ଯୁବ ସମ୍ବାଦ “ଭାରତ@୨୦୪୭” କାର୍ଯ୍ୟକ୍ରମକୁ ସମ୍ବୋଧିତ କରିଛନ୍ତି। ଏହି ଅବସରରେ ଯୁବ ବ୍ୟାପାର ଏବଂ କ୍ରୀଡା ରାଷ୍ଟ୍ର ମନ୍ତ୍ରୀ ନିଶିଥ ପ୍ରାମାଣିକ ମଧ୍ୟ ଉପସ୍ଥିତ ଥିଲେ। ଅନ୍ୟ ମାନଙ୍କ ମଧ୍ୟରେ ବକ୍ସର ନିଖତ ଜରିନ୍, ରେସ ୱାକର ପ୍ରିୟଙ୍କା ଗୋସ୍ୱାମୀ, ଭାରତୀୟ ହକି ଦଳର କ୍ରୀଡାବିତ୍ ପି. ଆର୍. ଶ୍ରୀଜେଶ, ପର୍ବତାରୋହୀ ଅରୁଣିମା ସିହ୍ନା ଏବଂ ପ୍ରେରଣାଦାୟୀ ବକ୍ତା ଆଭା ମର୍ଯ୍ୟାଦା ବାନାର୍ଜୀ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଯୁବ ବ୍ୟାପାର ସଚିବ ସଞ୍ଜୟ କୁମାର ଏବଂ ଅନ୍ୟ ମାନ୍ୟଗଣ୍ୟ ବ୍ୟକ୍ତି ମଧ୍ୟ ଯୋଗ ଦେଇ ଥିଲେ।

ଏହି ଅବସରରେ ଶ୍ରୀ ପ୍ରଧାନ କହିଥିଲେ ଯେ, ଆମର ହଜାର ହଜାର ବର୍ଷର ଇତିହାସରେ, ଆମର ଯୁବ ଶକ୍ତି ଆମ ଦେଶର ଭାଗ୍ୟକୁ ରୂପ ଦେବା ନିମନ୍ତେ ନେତୃତ୍ୱ ନେଇଛନ୍ତି । ସେ କହିଥିଲେ ଯେ, ସହିଦ ଭଗତ ସିଂହ, ସହିଦ ବାଜି ରାଉତ, ରାଣୀ ଗାଇଦିନଲ୍ୟୁ ଏବଂ ତାଙ୍କ ଭଳି ଅଗଣିତ ଅନ୍ୟ ବ୍ୟକ୍ତି ମାନେ ଆମକୁ ପ୍ରେରଣା ଦେଇଛନ୍ତି ଏବଂ ନିଜର ଯୁବାବସ୍ଥାରେ ଆଗକୁ ଆସି ନେତୃତ୍ୱ ନେଇଛନ୍ତି। ମନ୍ତ୍ରୀ କହିଥିଲେ ଯେ, ଭାରତର ସମୃଦ୍ଧ ସଭ୍ୟତା ମୂଳରୁ ଆଶୀର୍ବାଦ ପ୍ରାପ୍ତ ଅଟେ। ଏହି ଐତିହ୍ୟକୁ ଆଗକୁ ନେଇ ଯିବା ନିମନ୍ତେ ଦାୟିତ୍ୱ ଆମର ଉତ୍ସାହୀ ଯୁବ ସମାଜ ଉପରେ ରହିଛି।

ସେ କହିଥିଲେ ଯେ, ଏକବିଂଶ ଶତାବ୍ଦୀରେ ଭାରତୀୟ ମୂଲ୍ୟବୋଧ, ସଂସ୍କାର, ଜ୍ଞାନ ଏବଂ ମଡେଲ୍ ଗୁଡିକୁ ସାରା ବିଶ୍ୱ ସାମନାକୁ ଆଣିବାର ଦାୟିତ୍ୱ ଆମ ଯୁବକ ମାନଙ୍କ ଉପରେ ରହିଛି। ଯେଉଁ ଉତ୍ସାହ ଏବଂ ସତ୍ୟନିଷ୍ଠା ସହିତ ଆମର ସ୍ୱାଧୀନତା ସଂଗ୍ରାମୀ ମାନେ ଆମ ଦେଶର ସ୍ୱାଧୀନତା ନିମନ୍ତେ ସଂଗ୍ରାମ କରିଥିଲେ, ଆଜି ଆମର ଯୁବଗୋଷ୍ଠୀ ଭାରତକୁ ଆହୁରି ଅଧିକ ଶିଖରକୁ ନେଇଯିବା ପାଇଁ, ବିଶେଷ କରି ଅମୃତ କାଳର ଏହି ୨୫ ବର୍ଷ ମଧ୍ୟରେ ସେହି ସମାନ ଭାବନା ଏବଂ ସତ୍ୟନିଷ୍ଠାକୁ ବିକଶିତ କରିବା ଉଚିତ୍। ସେ ଆହୁରି ମଧ୍ୟ କହିଥିଲେ ଯେ, ବିଶ୍ୱ ଭାରତକୁ ବହୁତ ଆଶାର ସହିତ ଦେଖୁଛି।

ଶ୍ରୀ ପ୍ରଧାନ ଦେଶର ଯୁବକ ମାନଙ୍କୁ ଅନୁରୋଧ କରିଥିଲେ ଯେ, ସେମାନଙ୍କୁ ନିଜର ଅଧିକାର ଗୁଡିକ ପ୍ରତି ସଚେତନ ହେବା ସହିତ ଦେଶ ପ୍ରତି ନିଜର କର୍ତବ୍ୟ ଏବଂ ଦାୟିତ୍ୱ ଗୁଡିକ ପ୍ରତି ସଚେତନ ହେବା ଉଚିତ୍। ସେ କହିଥିଲେ ଯେ, ବିଶ୍ୱ ସ୍ତରର ସମସ୍ୟା ଗୁଡିକର ସମାଧାନ ନିମନ୍ତେ ସେମାନଙ୍କୁ ବଡ ଦାୟିତ୍ୱ ନେବା ଉଚିତ୍।

ଶ୍ରୀ ପ୍ରଧାନ କହିଥିଲେ ଯେ, ଆମର ଯୁବକ ମାନଙ୍କର ପ୍ରତିଭା, ଚେଷ୍ଟା ଏବଂ ଉତ୍ସାହ ପ୍ରେରଣାତ୍ମକ ଏବଂ ଉତ୍ସାହପୂର୍ଣ୍ଣ ଅଟେ। ବିଶେଷ କରି ଗୁରୁତ୍ୱପୂର୍ଣ୍ଣ ସମୟରେ, ଯେତେବେଳେ ଆମେ ‘ଆଜାଦୀର ଅମୃତ ମହୋତ୍ସବ’ ଏବଂ ସ୍ୱାଧୀନତାର ୭୫ ତମ ବର୍ଷର ଉତ୍ସବ ପାଳନ କରୁଛେ ସେହି ସମୟରେ, ଯୁବ ସମ୍ବାଦ କାର୍ଯ୍ୟକ୍ରମ ଆୟୋଜିତ କରିଥିବା ଯୋଗୁଁ କ୍ରୀଡା ଏବଂ ଯୁବ ବ୍ୟାପାର ମନ୍ତ୍ରଣାଳୟର ପ୍ରଶଂସା କରିଥିଲେ। ସେ ଆଶା ପ୍ରକାଶ କରିଥିଲେ ଯେ ଏହି ସମ୍ବାଦ ଗୁଡିକ ଦ୍ୱାରା ଦେଶରେ ସକାରାତ୍ମକ ଶକ୍ତିର ସଂଚରଣ ହେବ।

ଏହି ଅବସରରେ ଅନୁରାଗ ଠାକୁର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କଥାକୁ ମନେ ପକାଇ କହିଥିଲେ ଯେ, ପ୍ରଧାନମନ୍ତ୍ରୀ ସର୍ବଦା କହିଥାନ୍ତି ଯୁବକ ମାନେ ସେହି ଇଞ୍ଜିନ୍ ହୁଅନ୍ତୁ, ଯାହା ଦେଶକୁ ସଫଳତା ଆଡକୁ ନେଇଯିବ। ଏବେ ଆମ ଯୁବକ ମାନଙ୍କର କର୍ତବ୍ୟ ହେଉଛି ଅମୃତ କାଳ ସମୟରେ ଦେଶକୁ ସଫଳତାର ଶିଖର ଆଡକୁ ନେଇ ଯିବା। ଅମୃତ କାଳରେ, ଯୁବକ ମାନଙ୍କୁ ଅମୃତ ଲକ୍ଷ୍ୟ ନିର୍ଦ୍ଧାରିତ କରିବା ଉଚିତ୍ ଏବଂ ଏହି ଲକ୍ଷ୍ୟ ଗୁଡିକୁ ପ୍ରାପ୍ତ କରିବା ନିମନ୍ତେ ଦାୟିତ୍ୱର ସହିତ ନିଜର କର୍ତବ୍ୟ ଗୁଡିକୁ ନିର୍ବାହ କରିବା ଉଚିତ୍। ସେ ଆହୁରି ମଧ୍ୟ କହିଥିଲେ ଯେ, ଯୁବକ ମାନଙ୍କୁ ରାଷ୍ଟ୍ର ନିର୍ମାଣ କ୍ଷେତ୍ରରେ ସବୁଠାରୁ ବଡ ଯୋଗଦାନ ଦେବାର ଅଛି ଏବଂ ଦେଶକୁ ବିଶ୍ୱ ଗୁରୁ କରିବାର ଅଛି।

ଶ୍ରୀ ଠାକୁର ଆହୁରି ମଧ୍ୟ କହିଥିଲେ ଯେ, ଯୁବ ବ୍ୟାପାର ବିଭାଗ ଜାତୀୟ ଏବଂ ଅନ୍ତର୍ଜାତୀୟ ମହତ୍ୱର ବିଭିନ୍ନ ପ୍ରସଙ୍ଗ ଉପରେ ନିଜର ବିଚାର ବ୍ୟକ୍ତ କରିବା ନିମନ୍ତେ ସାରା ଦେଶରେ ୭୫୦ ଯୁବ ସମ୍ବାଦ କାର୍ଯ୍ୟକ୍ରମ ଆୟୋଜିତ କରିବ। ମନ୍ତ୍ରୀ କହିଥିଲେ ଇଂରାଜୀ ଅକ୍ଷର ‘ଇ’ ରୁ ଆରମ୍ଭ ହୋଇଥିବା ଚାରିଟି ଶବ୍ଦ ଅର୍ଥାତ୍ ଶିକ୍ଷା (ଏଜୁକେସନ୍), ନିଯୁକ୍ତି (ଏମ୍ପ୍ଲୟମେଂଟ), ଉଦ୍ୟମିତା (ଏଂଟ୍ରୋପ୍ରେନ୍ୟୁଅରସିପ୍) ଏବଂ ସଶକ୍ତିକରଣ (ଏମ୍ପାୱାରମେଂଟ) ଦେଶରେ ଯୁବକ ମାନଙ୍କର ବିକାଶ ନିମନ୍ତେ ପ୍ରମୁଖ ଅଟେ। ସ୍ୱୟଂସେବାର ମହତ୍ୱ ଉପରେ ଆଲୋକପାତ କରି ମନ୍ତ୍ରୀ କହିଥିଲେ ଯେ, ପ୍ରତ୍ୟେକ ଯୁବକ ସ୍ୱୟଂସେବା ମାଧ୍ୟମରେ ଦେଶକୁ ୟେମ୍ୟାନ୍ର ସେବା ପ୍ରଦାନ କରି ପାରିବେ। ଶକ୍ତି ଏବଂ ପରିବେଶ ସୁରକ୍ଷା, ଫିଟ୍ ଇଣ୍ଡିଆ, ସ୍ୱଚ୍ଛ ଭାରତ, ନିଶା ମୁକ୍ତି ଅଭିଯାନ, ପୁଷ୍ଟି ଅଭିଯାନ ଭଳି କ୍ଷେତ୍ର ଏମିତି କିଛି ପ୍ରମୁଖ କ୍ଷେତ୍ର ଅଟେ, ଯେଉଁଥିରେ ଯୁବକ ମାନେ ନିଜର ବହୁମୂଲ୍ୟ ଯୋଗଦାନ ଦେଇ ପାରିବେ।

ଅନୁରାଗ ଠାକୁର ଯୁବକ ମାନଙ୍କ ଠାରୁ ହର ଘର ତିରଙ୍ଗା ଅଭିଯାନରେ ସାମିଲ୍ ହେବା ନିମନ୍ତେ ଅନୁରୋଧ କରିଥିଲେ। ତିରଙ୍ଗା ୧୩୦ କୋଟି ଭାରତୀୟ ମାନଙ୍କର ଏକତାର ପ୍ରତୀକ ଅଟେ। ସେ କହିଥିଲେ ଯେ, ସ୍ୱାଧୀନତା ସଂଗ୍ରାମୀ ମାନେ ସ୍ୱତନ୍ତ୍ରତା ସଂଗ୍ରାମ ସମୟରେ ନିଜର ପ୍ରାଣବଳି ଦେଇ ଥିଲେ, କିନ୍ତୁ ଦେଶକୁ ବିଶ୍ୱ ଗୁରୁ କରିବା କ୍ଷେତ୍ରରେ ଏବେର ଯୁବ ଗୋଷ୍ଠୀ ଠାରୁ “ଯୋଗଦାନ ନୁହେଁ ବଳିଦାନ”ର ଆବଶ୍ୟକତା ରହିଛି।

ସଭାକୁ ସମ୍ବୋଧିତ କରି, ଯୁବ ବ୍ୟାପାର ଏବଂ କ୍ରୀଡା (ୱାଇଏଏସ୍) ରାଷ୍ଟ୍ର ମନ୍ତ୍ରୀ ନିଶୀଥ ପ୍ରାମାଣିକ ରାଷ୍ଟ୍ର ନିର୍ମାଣ କ୍ଷେତ୍ରରେ ଯୁବକ ମାନଙ୍କର ଭାଗୀଦାରୀତାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଶ୍ରୀ ପ୍ରାମାଣିକ ମହାମାରୀ ସମୟରେ ଏନୱାଇକେଏସ୍ ଏବଂ ଏନ୍ଏସ୍ଏସ୍ ସ୍ୱୟଂସେବକ ମାନଙ୍କର ଅଗ୍ରୀମ ଶ୍ରେଣୀର ଯୋଦ୍ଧା ଭୂମିକାକୁ ପ୍ରଶଂସା କରିଥିଲେ। ପ୍ରଧାନମନ୍ତ୍ରୀଙ୍କର ସଙ୍କଳ୍ପ ଦ୍ୱାରା ସିଦ୍ଧି ମନ୍ତ୍ରରୁ ପ୍ରେରଣା ନେଇ ଭାରତର ଯୁବକ ମାନେ ଏବେ ନିଯୁକ୍ତି ସନ୍ଧାନକାରୀ ହେବା ବଦଳରେ ନିଯୁକ୍ତି ସୃଷ୍ଟିକାରୀ ହୋଇ ଯାଇଛନ୍ତି।
ଯୁବ ବ୍ୟାପାର ସଚିବ ସଞ୍ଜୟ କୁମାର ଏହି କଥା ଉପରେ ଆଲୋକପାତ କରିଥିଲେ ଯେ, ଭାରତର ଜନସଂଖ୍ୟାର ଏକ ପ୍ରମୁଖ ଅଂଶ ହୋଇଥିବା ଯୁବକ ମାନଙ୍କ ଉପରେ ରାଷ୍ଟ୍ର ନିର୍ମାଣ କ୍ଷେତ୍ରରେ ଯୋଗଦାନ ଦେବାର ଦାୟିତ୍ୱ ରହିଛି।

ଆଲୋଚନା ଅଧିବେଶନରେ ବକ୍ସର ନିଖତ ଜରିନ୍, ରେସ ୱାକର ପ୍ରିୟଙ୍କା ଗୋସ୍ୱାମୀ, ଭାରତୀୟ ହକି ଦଳର ଖେଳାଳି ପି. ଆର୍. ଶ୍ରୀଜେଶ, ପର୍ବତାରୋହୀ ଅରୁଣିମା ସିହ୍ନା ଏବଂ ପ୍ରେରଣାଦାୟୀ ବକ୍ତା ଆଭା ମର୍ଯ୍ୟାଦା ବାନାର୍ଜୀ ନିଜର ଅଭିଜ୍ଞତାକୁ ବାଂଟିଥିଲେ। ଅନୁରାଗ ଠାକୁର ଯୁବ ପ୍ରତିଭା ମାନଙ୍କ ସହିତ ମଧ୍ୟ କଥବାର୍ତା କରିଥିଲେ ଏବଂ ସେମାନଙ୍କ ପ୍ରଶ୍ନର ଉତର ଦେଇଥିଲେ।

ସାରା ଦେଶରେ ଆୟୋଜିତ ହେବାକୁ ଥିବା ୭୫୦ ଯୁବ ସମ୍ବାଦ କାର୍ଯ୍ୟକ୍ରମ ଗୁଡିକରେ ଯେଉଁ ଯୁବକ ମାନେ ଅଂଶ ଗ୍ରହଣ କରିବେ ସେମାନଙ୍କୁ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ନିଜର ବିଚାର ବ୍ୟକ୍ତ କରିବା ନିମନ୍ତେ ସୁଯୋଗ ମିଳିବ। ଏହା ବ୍ୟତୀତ, ଏହି ଆୟୋଜନ ସେମାନଙ୍କୁ ପରସ୍ୱର ସହିତ ଯୋଡି ହେବା ଏବଂ ନିଜର ବିଚାର ତଥା ଚିନ୍ତାଧାରାକୁ ପରସ୍ପର ମଧ୍ୟରେ ବାଂଟିବା ନିମନ୍ତେ ଏକ ମଂଚ ପ୍ରଦାନ କରିବ।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର

ଦ୍ୱିତୀୟ ବ୍ରିକ୍ସ ଯୁବ ଶିବିର ଉଦଘାଟିତ, ସମ୍ବୋଧିତ କଲେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର

ନୂଆଦିଲ୍ଲୀ: କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଶ୍ରୀ ଅନୁରାଗ ଠାକୁର ଭିଡିଓ କନଫରେନ୍ସିଂ ଜରିଆରେ ୨ ଅଗଷ୍ଟ ୨୦୨୨ରେ ଆରମ୍ଭ ହୋଇଥିବା ଦ୍ୱିତୀୟ ବ୍ରିକ୍ସ ଯୁବ ଶିବିରରେ ଅଂଶଗ୍ରହଣ କରିଥିବା ବ୍ରିକ୍ସ ରାଷ୍ଟ୍ର ସମୂହର ଯୁବ ପ୍ରତିଯୋଗୀ ଏବଂ ସରକାରୀ ପ୍ରତିନିଧିମାନଙ୍କୁ ସମ୍ବୋଧିତ କରିଛନ୍ତି।

ଏହି ଅବସରରେ କେନ୍ଦ୍ର ମନ୍ତ୍ରୀ କହିଥିଲେ ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ସରକାର ସାରା ବିଶ୍ୱର ଯୁବକମାନଙ୍କ ମଧ୍ୟରେ ଏକ ଚିରସ୍ଥାୟୀ ସମ୍ପର୍କ ସ୍ଥାପନ ଉପରେ ପ୍ରାଥମିକତା ଦେଇ ଆସୁଛନ୍ତି। ପ୍ରଧାନମନ୍ତ୍ରୀଙ୍କ ଦ୍ୱାରା ଆରମ୍ଭ କରାଯାଇଥିବା ଲାଇଫଷ୍ଟାଇଲ୍‌ ଫର ଏନଭାଇରନ୍‌ମେଣ୍ଟ (ପରିବେଶ ପାଇଁ ଜୀବନଶୈଳୀ) ବା ଲାଇଫ ଅଭିଯାନ ବିଷୟରେ କେନ୍ଦ୍ର ମନ୍ତ୍ରୀ ଶ୍ରୀ ଠାକୁର ଉଲ୍ଲେଖ କରିବା ସହିତ ଏହି ଅଭିଯାନକୁ ମିଳିତ ଭାବେ ଆଗେଇ ନେବା ନିମନ୍ତେ ଯୋଗଦାନ ଦେବା ଲାଗି ଯୁବପିଢ଼ିଙ୍କୁ ଆହ୍ବାନ କରିଥିଲେ।

ଏହାଦ୍ୱାରା ପରିବେଶ ସଚେତନ ଜୀବନଶୈଳୀ ପାଇଁ ଏହି ଅଭିଯାନ ଏକ ଗଣଆନ୍ଦୋଳନର ରୂପ ନେବ। ସମ୍ବଳପୂର୍ଣ୍ଣ ଏକୀକରଣ ମାଧ୍ୟମରେ ଆନ୍ତଃପିଢ଼ି ସମ୍ପର୍କକୁ ବଜାୟ ରଖିବା ଏବଂ ସ୍ୱଦେଶୀ ଜ୍ଞାନକୁ ଜୀବନ୍ତ ରଖିବା ପରେ ସେ ଜୋର ଦେଇଥିଲେ। ଦ୍ୱିତୀୟ ବ୍ରିକ୍ସ ଅନ୍ତର୍ଜାତୀୟ ଯୁବ ଶିବିର ଅଧିକ ଫଳପ୍ରଦ ହୋଇପାରିବ ବୋଲି କେନ୍ଦ୍ର ମନ୍ତ୍ରୀ ଆଶାବ୍ୟକ୍ତ କରିଥିଲେ।

Categories
ବିଶେଷ ଖବର

ଯଦି ଭୁଲ୍ ଧାରଣା ସୃଷ୍ଟି ହେଉଛି, ତା’ହେଲେ ଗଣମାଧ୍ୟମ ଆତ୍ମନିରୀକ୍ଷଣ କରିବାର ଆବଶ୍ୟକତା ରହିଛି: କେନ୍ଦ୍ର ମନ୍ତ୍ରୀ

ଦିଲ୍ଲୀ: “ୟେ ଆକାଶବାଣୀ ହୈ’- ଏହି ଅମର ଶବ୍ଦ ଗୁଡ଼ିକୁ ସବୁ ଭାରତୀୟ ଚିହ୍ନଟ କରି ପାରିବେ। ଆଜି ଆକାଶବାଣୀ ଭବନର ରଙ୍ଗ ଭବନ ସଭା ଗୃହରେ ଏହା ପୁନଃ ଗୁଞ୍ଜରିତ ହୋଇ ଉଠିଥିଲା, ଯେତେବେଳେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ଲୋକ ମାନଙ୍କ ଉଦ୍ଦେଶ୍ୟରେ ଏହାକୁ ଦୋହରାଇଥିଲେ। ଏହି ଭଳି ପ୍ରାରମ୍ଭିକ ଶବ୍ଦ ଗୁଡିକ ଆଜି ଜାତୀୟ ପ୍ରସାରଣ ଦିବସ, ଯେଉଁ ଦିନ ଅଲ୍ ଇଣ୍ଡିଆ ରେଡିଓ ନିଜର ଯାତ୍ରା ଆରମ୍ଭ କରିଥିଲା ତାହାକୁ ସ୍ମରଣ କରାଇଥିଲା। ୧୯୨୭ରେ ଆକାଶବାଣୀ ଏହି ଦୀର୍ଘ ଓ ଚମତ୍କାର ଯାତ୍ରା ଆରମ୍ଭ କରିଥିଲା।

ଉପସ୍ଥିତ ଶ୍ରୋତା ମାନଙ୍କୁ ସମ୍ବୋଧିତ କରି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଥିଲେ ଯେ, ଯେତେବେଳେ କିଛି ଲୋକ ଅନୁମାନ କରିଥିଲେ, ଟେଲିଭିଜନ୍ ଏବଂ ଏହା ପରେ ଇଂଟରନେଟ୍ ଆସିବା ପରେ ରେଡିଓର ଅସ୍ତିତ୍ୱ ବିପଦରେ ପଡି ଯିବ, ସେତେବେଳେ ରେଡିଓ ନିଜର ଦର୍ଶକ ମାନଙ୍କୁ ଚିହ୍ନଟ କରି ନେଇଛି ଏବଂ ଏହାର ପ୍ରାସଙ୍ଗିକତା ଓ  ବିଶ୍ୱସନୀୟତାକୁ ମଧ୍ୟ ବଜାୟ ରଖି ପାରିଛି।

ସେ ଆହୁରି ମଧ୍ୟ କହିଥିଲେ ଯେ, ଆଜି, ଯେତେବେଳେ ଲୋକମାନେ ନିଷ୍ପକ୍ଷ ସମାଚାର ଶୁଣିବାକୁ ଚାହୁଁଛନ୍ତି, ସ୍ୱାଭାବିକ ଭାବରେ ଆକାଶବାଣୀ ଏବଂ ଦୂରଦର୍ଶନର ଖବର ଶୁଣୁଛନ୍ତି। ସେ କହିଥିଲେ ଯେ, ଦେଶର ୯୨ ପ୍ରତିଶତ ଭୌଗୋଳିକ କ୍ଷେତ୍ର ଏବଂ ୯୯ ପ୍ରତିଶତରୁ ଅଧିକ ଲୋକ ଆକାଶବାଣୀର ପରିସରଭୁକ୍ତ ଅଟନ୍ତି, ଯାହା ଏକ ପ୍ରଶଂସନୀୟ ଉପଲବ୍ଧି ଅଟେ।

ଏକ ମଂଚ ଭାବରେ ରେଡିଓର ମହତ୍ୱ ସମ୍ପର୍କରେ କହିବା ସମୟରେ ଶ୍ରୀ ଠାକୁର କହିଥିଲେ ଯେ, ଅନେକ ପ୍ରଧାନମନ୍ତ୍ରୀ ଆସିଛନ୍ତି, କିନ୍ତୁ କୌଣସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭଳି ରେଡିଓର ମୂଲ୍ୟକୁ ଦେଖି ନାହାନ୍ତି, ଯିଏକି ଏହାକୁ ତାଙ୍କର ମାସିକ ମନ୍ କି ବାତ୍ କାର୍ଯ୍ୟକ୍ରମ ନିମନ୍ତେ ବ୍ୟବହାର କରି ସାରା ଦେଶର ଲୋକ ମାନଙ୍କ ସହିତ ସିଧାସଳଖ ଯୋଡି ହୋଇଛନ୍ତି।

ମନ୍ତ୍ରୀ ଗଣମାଧ୍ୟମକୁ ସତର୍କ କରାଇ ଦେଇଥିଲେ ଏବଂ କହିଥିଲେ ଯେ, ଯଦି କୌଣସି ସ୍ଥାନରେ ‘ମିଡିଆ ଟ୍ରାୟାଲ୍ସ୍‌’ (ଗଣମାଧ୍ୟମ ଦ୍ୱାରା ବିଚାର) ନାମରେ ଘରୋଇ ଗଣମାଧ୍ୟମ ଗୁଡିକ ସମ୍ପର୍କରେ ଭୁଲ୍ ଧାରଣା ସୃଷ୍ଟି କରା ଯାଉଛି, ତେବେ ଆମକୁ ନିଜର କାର୍ଯ୍ୟ ସମ୍ପର୍କରେ ଆତ୍ମନିରୀକ୍ଷଣ କରିବାର ଆବଶ୍ୟକତା ରହିଛି।

ଆଜାଦୀର ଅମୃତ ମହୋତ୍ସବର ସାରକଥାକୁ ପ୍ରଦାନ କରିବା କ୍ଷେତ୍ରରେ ଦୁଇ ସଂସ୍ଥା ଅଲ୍ ଇଣ୍ଡିଆ ରେଡିଓ ଏବଂ ଦୂରଦର୍ଶନର ଭୂମିକାକୁ ଶ୍ରେୟ ଦେଇ ମନ୍ତ୍ରୀ କହିଥିଲେ ଯେ, ଯେତେବେଳେ ସ୍ୱାଧୀନତା ପରେ ଶିକ୍ଷା ପ୍ରଣାଳୀରେ ଅନେକ ସ୍ଥାନୀୟ ସ୍ୱାଧୀନତା ସଂଗ୍ରାମୀ ମାନଙ୍କର ଭୂମିକାକୁ ଉଲ୍ଲେଖ କରା ଯାଇ ନଥିଲା, ସେତେବେଳେ ରେଡିଓ ଏବଂ ଦୂରଦର୍ଶନ ସେମାନଙ୍କ ସମ୍ପର୍କରେ ସୂଚନା ପ୍ରଦାନ କରି ଦେଶର ଦୂର ଦୂରାନ୍ତ ଅଂଚଳର କୋଣ ଅନୁକୋଣରୁ ପାଂଚ ଶହରୁ ଅଧିକ ଅଜ୍ଞାତ ନାୟକ ମାନଙ୍କ ସମ୍ପର୍କରେ ସୂଚନା ସଂଗ୍ରହ କରିଥିଲେ ଏବଂ ସ୍ୱାଧୀନତା ସଂଗ୍ରାମରେ ସେମାନଙ୍କର ଅବଦାନ ସମ୍ପର୍କରେ ପ୍ରସାରଣ କରି ଏହି ଖୁସିକୁ ପାଳନ କରିବା ନିମନ୍ତେ ଏହାକୁ ଦେଶ ଆଗରେ ଉପସ୍ଥାପିତ କରିଥିଲେ।

ମନ୍ତ୍ରୀ ଏହି ଦୁଇଟି ଏଜେନ୍ସି ଗୁଡିକ ନିମନ୍ତେ ବିଷୟ ବସ୍ତୁର ମହତ୍ୱକୁ ରେଖାଙ୍କିତ କରିଥିଲେ ଏବଂ କହିଥିଲେ ଯେ, ଏହା କେବଳ ସେହି ବିଷୟ ବସ୍ତୁ ଥିଲା, ଯାହା ଲୋକ ମାନଙ୍କୁ ଚ୍ୟାନେଲ୍ ଆଡକୁ ଆକର୍ଷିତ କରିଥିଲା। ଏବଂ ଲୋକମାନଙ୍କ ନିକଟରେ ପହଂଚିବା ପାଇଁ ଯେତେ ପରିମାଣର ଟାୱାର ସ୍ଥାପନ କରାଗଲେ ମଧ୍ୟ ତାହା ବିଷୟବସ୍ତୁର ମହତ୍ୱ ସହିତ ମେଳ ଖାଇ ପାରିବ ନାହିଁ। ସେ ଆହୁରି ମଧ୍ୟ ଆଶା ବ୍ୟକ୍ତ କରିଥିଲେ ଯେ, ଡିଜିଟାଲ୍ ଯୁଗରେ ରେଡିଓ ଲୋକ ମାନଙ୍କ ମଧ୍ୟରେ ନିଜର ଉପସ୍ଥିତିକୁ ସୁଦୃଢ଼ କରିବାକୁ ଯାଉଛି।

ମନ୍ତ୍ରୀ ଦୂରଦର୍ଶନରେ ପ୍ରସାରିତ ହେବାକୁ ଯାଉଥିବା ନୂତନ ଧାରାବାହିକ ଗୁଡିକର ପ୍ରମୋକୁ ଜାରି କରିଥିଲେ – କର୍ପୋରେଟ୍ ସରପଂଚ: ବେଟୀ ଦେଶ୍ କି, ଜୟ ଭାରତୀ, ସୁରୋ କା ଏକଲବ୍ୟ ଏବଂ ୟେ ଦିଲ୍ ମାଙ୍ଗେ ମୋର୍ ସହିତ ଷ୍ଟାର୍ଟଅପ୍ ଚାମ୍ପିୟନ୍ ୨.୦ର ପ୍ରମୋ ଇତ୍ୟାଦି। ସୂଚନା ଏବଂ ପ୍ରସାରଣ ରାଷ୍ଟ୍ର ମନ୍ତ୍ରୀ ଡଃ ଏଲ୍ ମୁରୁଗାନ୍ ଜାତୀୟ ପ୍ରସାରଣ ଦିବସ ଅବସରରେ ଦର୍ଶକ ମାନଙ୍କୁ ଶୁଭେଚ୍ଛା ଜ୍ଞାପନ କରିଥିଲେ।

ଏହି ଅବସରରେ ଡଃ ମୁରୁଗାନ୍ ସ୍ୱାଧୀନତା ସଂଗ୍ରାମ ସମୟରେ ରେଡିଓ ଦ୍ୱାରା ନିର୍ବାହ କରା ଯାଇଥିବା ମହତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ, ସେ କହିଥିଲେ ଯେ, ସେହି ସମୟରେ ଅନେକ ସ୍ୱାଧୀନତା ସଂଗ୍ରାମୀ ଏହାକୁ ବ୍ରିଟିଶ୍ ସାମ୍ରାଜ୍ୟବାଦୀ ସରକାରଙ୍କ ବିରୁଦ୍ଧରେ ଯୋଗାଯୋଗ ନିମନ୍ତେ ଏକ ଉପକରଣ ଭାବରେ ବ୍ୟବହାର କରିଥିଲେ। ସେ ଦେଶର ଦୂର – ଦୂରାନ୍ତର କୋଣ ଅନୁକୋଣକୁ ଯୋଡିବା ନିମନ୍ତେ ରେଡିଓ ଦ୍ୱାରା ଯେଉଁ ଭୂମିକା ନିର୍ବାହ କରା ଯାଉଛି ତା’ର ପ୍ରଶଂସା କରିଥିଲେ ଏବଂ ପ୍ରସାର ଭାରତୀକୁ ବିଶ୍ୱର ସବୁଠାରୁ ବଡ ସାର୍ବଜନିକ ବେତାର ପ୍ରସାରକ ହେବା ନେଇ ମଧ୍ୟ ସେ ଗର୍ବ ବ୍ୟକ୍ତ କରିଥିଲେ।

ପ୍ରସାର ଭାରତୀର ମୁଖ୍ୟ କାର୍ଯ୍ୟକାରୀ ଅଧିକାରୀ, ମୟଙ୍କ ଅଗ୍ରୱାଲ୍ ଟେଲିଭିଜନ୍ ଏବଂ ରେଡିଓ ଭଳି ଦୁଇଟି ମାଧ୍ୟମର ମହତ୍ୱକୁ ରେଖାଙ୍କିତ କରିଥିଲେ ଏବଂ କହିଥିଲେ ଯେ ଏହି ମଂଚ ଗୁଡ଼ିକରେ ସମାଚାର ବିଷୟ ବସ୍ତୁ ଘରୋଇ ଗଣମାଧ୍ୟମର ବିଶ୍ୱସନୀୟତା ଅପେକ୍ଷା ଉତମ ପ୍ରଦର୍ଶନ କରିଛି ଏବଂ ଏହା ବିଭିନ୍ନ ସର୍ବେକ୍ଷଣ ଗୁଡିକ ଦ୍ୱାରା ସାମନାକୁ ଅଣା ଯାଇଛି।

ଏହି ଅବସରରେ ଆକାଶବାଣୀର ମହାନିର୍ଦ୍ଦେଶକ ଏନ୍ ବେଣୁଧର ରେଡ୍ଡୀ, ପ୍ରସାର ଭାରତୀ, ଦୂରଦର୍ଶନ ଏବଂ ଆକାଶବାଣୀର ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ।

Categories
ବିଶେଷ ଖବର

କେନ୍ଦ୍ର ସରକାରଙ୍କ ବଡ କାର୍ଯ୍ୟାନୁଷ୍ଠାନ: ବନ୍ଦ ହେଲା ୭୪୭ ୱେବସାଇଟ୍‌ ଏବଂ ୯୪ ୟୁଟ୍ୟୁବ ଚ୍ୟାନେଲ

ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଆଜି କହିଛନ୍ତି ଯେ, ୨୦୨୧-୨୨ ମସିହାରେ ଦେଶର ସ୍ୱାର୍ଥ ବିରୋଧରେ କାର୍ଯ୍ୟ କରୁଥିବା ୟୁଟ୍ୟୁବ ଚ୍ୟାନେଲଗୁଡିକ ବିରୋଧରେ ମନ୍ତ୍ରଣାଳୟ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ ଶ୍ରୀ ଠାକୁର କହିଛନ୍ତି ଯେ, ମନ୍ତ୍ରଣାଳୟ ୯୪ ୟୁଟ୍ୟୁବ ଚ୍ୟାନେଲ, ୧୯ ଟି ସୋସିଆଲ ମିଡିଆ ଆକାଉଣ୍ଟ ଏବଂ ୭୪୭ ଟି ୟୁଆରଏଲ୍‍ ବିରୋଧରେ କାର୍ଯ୍ୟାନୁଷ୍ଠାନ ସହିତ ସେଗୁଡିକୁ ବନ୍ଦ କରାଯାଇଛି। ଏହି କାର୍ଯ୍ୟାନୁଷ୍ଠାନ ସୂଚନା ପ୍ରଯୁକ୍ତି ଅଧିନିୟମ ୨୦୦୦ ର ଧାରା ୬୯ଏ ଅନୁଯାୟୀ ନିଆଯାଇଛି।

ମନ୍ତ୍ରୀ କହିଛନ୍ତି ଯେ ମିଥ୍ୟା ଖବର ପ୍ରଚାର ପ୍ରସାର କରି ଦେଶର ସାର୍ଵଭୌମତ୍ୱ ବିରୋଧରେ କାର୍ଯ୍ୟ କରୁଥିବା ଏଜେନ୍ସିଗୁଡିକ ବିରୋଧରେ ସରକାର ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।

Categories
ଜାତୀୟ ଖବର ବିଶେଷ ଖବର ବ୍ୟବସାୟ

୨୭୯୮ କୋଟି ଟଙ୍କାର ତରଙ୍ଗା ହିଲ-ଅମ୍ବାଜୀ-ଅବୁ ରୋଡ୍ ନୂଆ ରେଳ ଲାଇନକୁ ମିଳିଲା ମଞ୍ଜୁରି

ନୂଆଦିଲ୍ଲୀ: ୨୭୯୮.୧୫ କୋଟି ଟଙ୍କାର ଆନୁମାନିକ ବ୍ୟୟ ଅଟକଳ ସହିତ ରେଳ ମନ୍ତ୍ରଣାଳୟ ଦ୍ବାରା ତରଙ୍ଗା ହିଲ-ଅମ୍ବାଜୀ-ଆବୁ ରୋଡ୍ ନୂଆ ରେଳଲାଇନ ନିର୍ମାଣ କରାଯିବ। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ ସମିତି ଏହି ପ୍ରସ୍ତାବକୁ ମଞ୍ଜୁର କରିଛନ୍ତି। ସାମ୍ବାଦିକଙ୍କୁ ସମ୍ବୋଧୀତ କରି ଏହା କହିଛନ୍ତି ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର।

ନୂଆ ରେଳ ଲାଇନର ଲମ୍ବ ମୋଟ ୧୧୬.୬୫ କିଲୋମିଟର ହେବ । ଏହି ପ୍ରକଳ୍ପ ୨୦୨୬-୨୭ ସୁଦ୍ଧା ସମ୍ପୂର୍ଣ୍ଣ ହେବ । ଏ ପ୍ରକଳ୍ପ ନିର୍ମାଣ ସମୟରେ ପାଖାପାଖି ୪୦ ଲକ୍ଷ ମାନବ ଦିବସ ଲାଗି ପ୍ରତ୍ୟକ୍ଷ ରୋଜଗାର ସୃଷ୍ଟି ହେବ।

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନୂତନ ଭାରତ ସଂକଳ୍ପ ଅନୁରୂପ, ଏ ପ୍ରକଳ୍ପ ରେଳ ଯୋଗାଯୋଗ ବଢ଼ାଇବା ଏବଂ ଗମନାଗମନରେ ସୁଧାର ଆଣିବାକୁ ଯାଉଛି । ଏହାଦ୍ବାରା ସ୍ଥାନୀୟ ଅଞ୍ଚଳରେ ସାମଗ୍ରିକ ସାମାଜିକ-ଆର୍ଥିକ ବିକାଶ ହେବ।

ଅମ୍ବାଜୀ ଏକ ପ୍ରସିଦ୍ଧ ତୀର୍ଥସ୍ଥଳୀ ହୋଇଥିବା ବେଳେ ଏହା ଭାରତର ୫୧ଟି ଶକ୍ତିପୀଠ ମଧ୍ୟରୁ ଅନ୍ୟତମ । ପ୍ରତ୍ୟେକ ବର୍ଷ ଗୁଜରାଟ ସହିତ ଦେଶର ବିଭିନ୍ନ ଭାଗ ଏବଂ ବିଦେଶରୁ ଲକ୍ଷାଧିକ ଭକ୍ତ ଏଠାକୁ ଆସିଥାନ୍ତି । ଏଠାରେ ରେଳ ଲାଇନ ନିର୍ମାଣ ଫଳରେ ଲକ୍ଷାଧିକ ଯାତ୍ରୀଙ୍କୁ ସୁବିଧା ମିଳିପାରିବ।

ଏହାବ୍ୟତୀତ, ତରଙ୍ଗା ହିଲରେ ଥିବା ଅଜୀତନାଥ ଜୈନ ମନ୍ଦିର (୨୪ଟି ପବିତ୍ର ଜୈନ ତୀର୍ଥଙ୍କର ମଧ୍ୟରୁ ଗୋଟିଏ) ଦର୍ଶନ କରିବାକୁ ଆସୁଥିବା ଭକ୍ତମାନଙ୍କୁ ମଧ୍ୟ ଏହି ରେଳ ସଂଯୋଗ ଦ୍ବାରା ଅଧିକ ଲାଭ ମିଳିପାରିବ । ତରଙ୍ଗା ହିଲ-ଅମ୍ବାଜୀ-ଆବୁ ରୋଡ ମଧ୍ୟରେ ଏହି ନୂଆ ରେଳଲାଇନ ଦୁଇଟି ଗୁରୁତ୍ବପୂର୍ଣ୍ଣ ଧାର୍ମିକ ସ୍ଥଳକୁ ରେଳବାଇର ମୁଖ୍ୟ ନେଟୱର୍କ ସହ ଯୋଡ଼ିବ ।

ଏହି ଲାଇନ କୃଷି ଏବଂ ସ୍ଥାନୀୟ ଉତ୍ପାଦକୁ ସହଜରେ ନେବା ଆଣିବା କରିବା ଲାଗି ସୁବିଧା ପ୍ରଦାନ କରିବ ଏବଂ ଗୁଜରାଟ ଓ ରାଜସ୍ଥାନ ମଧ୍ୟରେ ତଥା ଦେଶର ଅନ୍ୟ ଭାଗରେ ମଧ୍ୟ ଲୋକମାନଙ୍କୁ ଉନ୍ନତ ଗମନାଗମନ ସୁବିଧା ପ୍ରଦାନ କରିବ । ଏହି ପ୍ରକଳ୍ପ ବର୍ତ୍ତମାନର ଅହମ୍ମଦାବାଦ-ଆବୁ ରୋଡ ରେଳ ଲାଇନ ପାଇଁ ବିକଳ୍ପ ମାର୍ଗ ମଧ୍ୟ ପ୍ରଦାନ କରିବ ।

ପ୍ରସ୍ତାବିତ ଦୋହରୀକରଣ ସହ ଯୋଡ଼ି ହେବା ଫଳରେ ରାଜସ୍ଥାନର ସିରୋହୀ ଜିଲ୍ଲା ଏବଂ ଗୁଜରାଟର ବନାସକାଣ୍ଠା ଓ ମେହସାଣା ଜିଲ୍ଲା ଦେଇ ଅତିକ୍ରମ କରିବ । ନୂଆ ରେଳ ଲାଇନ ନିର୍ମାଣ ଫଳରେ ପୁଞ୍ଜିନିବେଶ ଆକୃଷ୍ଟ ହେବା ସହିତ ସ୍ଥାନୀୟ ଅଞ୍ଚଳରେ ସାମଗ୍ରିକ ସାମାଜିକ-ଆର୍ଥିକ ବିକାଶ ହୋଇପାରିବ ।

Categories
ଖେଳ ବିଶେଷ ଖବର

ଭାରତକୁ ବିଶ୍ବର ଶୀର୍ଷ ୧୦ଟି କ୍ରୀଡ଼ା ରାଷ୍ଟ୍ର ମଧ୍ୟରେ ସାମିଲ କରିବା ଲାଗି କାର୍ଯ୍ୟ କରିବା ଆବଶ୍ୟକ: ଅନୁରାଗ ଠାକୁର

ନୂଆଦିଲ୍ଲୀ: ଦେଶରେ କ୍ରୀଡ଼ା ଇକୋସିଷ୍ଟମ ବିକଶିତ କରିବା ଏବଂ ଭାରତକୁ ବିଶ୍ବର ୧୦ଟି ଶ୍ରେଷ୍ଠ କ୍ରୀଡ଼ା ରାଷ୍ଟ୍ର ମଧ୍ୟରେ ସାମିଲ କରିବା ଲାଗି କେନ୍ଦ୍ର ଏବଂ ରାଜ୍ୟ ସରକାରଙ୍କ ମଧ୍ୟରେ ମିଳିତ ପ୍ରୟାସର ଆବଶ୍ୟକତା ରହିଛି ବୋଲି କହିଛନ୍ତି କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର। ଗୁଜରାଟର କେୱଡ଼ିଆ ଠାରେ ରାଜ୍ୟ ଏବଂ କେନ୍ଦ୍ର ଶାସିତ ପ୍ରଦେଶର ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀମାନଙ୍କର ଜାତୀୟ ସମ୍ମିଳନୀର ଉଦଘାଟନୀ ଅଧିବେଶନରେ ଅଧ୍ୟକ୍ଷତା କରି ଶ୍ରୀ ଠାକୁର ଏହା କହିଛନ୍ତି। ଶ୍ରୀ ଠାକୁର କହିଥିଲେ ଯେ, ‘‘ରାଜ୍ୟ ଓ କେନ୍ଦ୍ର ସରକାର ମିଶି ରଣନୀତି ଓ ଭିତ୍ତିଭୂମି ବ୍ୟବସ୍ଥା କରିବା ସହିତ ମିଳିତ ଭାବେ ପ୍ରତିଯୋଗିତା ଓ କ୍ରୀଡ଼ା କାର୍ଯ୍ୟକ୍ରମ ଆୟୋଜନ କଲେ ଖେଳ ଓ ଖେଳାଳୀମାନେ ଆଗେଇ ପାରିବେ। ଏଥିପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ଟିମ୍‌ ଇଣ୍ଡିଆ ଭାବନା ନେଇ କାର୍ଯ୍ୟ କରିବା ଉଚିତ୍‌। ଏଥିପାଇଁ ରାଜ୍ୟର ସୀମା ଠାରୁ ଊର୍ଦ୍ଧ୍ବକୁ ଯାଇ ଏକ ଜାତୀୟ ଭାବନା ତଥା ଦୃଷ୍ଟିକୋଣ ନେଇ ପଦକ୍ଷେପ ନେବାର ଆବଶ୍ୟକତା ରହିଛି।’’

ଏହି ଜାତୀୟ ସମ୍ମିଳନୀକୁ ଜ୍ଞାନର ଆଦାନପ୍ରଦାନ ପାଇଁ ଏକ ମଞ୍ଚ ଭାବେ ବ୍ୟବହାର କରିବା ଲାଗି କେନ୍ଦ୍ର ମନ୍ତ୍ରୀ  ବିଭିନ୍ନ ରାଜ୍ୟର କ୍ରୀଡ଼ା ମନ୍ତ୍ରୀ ଓ ଅଧିକାରୀମାନଙ୍କୁ ଆହ୍ବାନ କରିଥିଲେ।  ସେ କହିଥିଲେ ଯେ, ଦେଶରେ କ୍ରୀଡ଼ା ଇକୋସିଷ୍ଟମ ବିକଶିତ କରିବା ଲାଗି ବିଭିନ୍ନ ରାଜ୍ୟର ଶ୍ରେଷ୍ଠ କ୍ରୀଡ଼ା ପଦ୍ଧତିକୁ ପରସ୍ପର ସହ ବିନିମୟ କରିବାକୁ ହେବ। ଏଥିପାଇଁ ଏକ ମିଳିତ ଦୃଷ୍ଟିକୋଣ ଆପଣାଇବାର ଆବଶ୍ୟକତା ରହିଛି। କେନ୍ଦ୍ର ମନ୍ତ୍ରୀ ଏହି ଅବସରରେ କହିଥିଲେ ଯେ, କ୍ରୀଡ଼ା ବିକାଶ ପାଇଁ ପ୍ରୟାସ ଆରମ୍ଭ କରିବା ସମୟରେ ସବୁ ରାଜ୍ୟ ପ୍ରାୟତଃ କେତେକ ସମାନ ସମସ୍ୟାର ସମ୍ମୁଖିନ ହୋଇଥାନ୍ତି। ପରସ୍ପର ମଧ୍ୟରେ ଆଲୋଚନା କରାଯାଇ ଏସବୁ ସମସ୍ୟାର ଏକପ୍ରକାର ସମାଧାନ ଆଣିବାର ଆବଶ୍ୟକତା ରହିଛି।

ଖେଲୋ ଇଣ୍ଡିଆ କ୍ରୀଡ଼ାର ପରିଧି ବଢ଼ାଇବ ଏବଂ ଖେଲୋ ଇଣ୍ଡିଆ ଜନଜାତି କ୍ରୀଡ଼ା ଆୟୋଜନ ସମ୍ପର୍କରେ ଆଲୋଚନା କରିବା ଆଦି ପ୍ରସଙ୍ଗ ଉପରେ ଏହି ସମ୍ମିଳନୀରେ ରାଜ୍ୟମାନେ ଆଲୋଚନା କରିବାର ଆବଶ୍ୟକତା ରହିଛି। ଖେଲୋ ଇଣ୍ଡିଆ ଲିଗ୍‌ ଗେମ୍ସକୁ ତୀରନ୍ଦାଜ ଲିଗ୍‌, ହକି ଲିଗ୍‌ ଆଦି ଅନ୍ୟ କ୍ରୀଡ଼ା ଅନୁରୂପ ସମ୍ପ୍ରସାରଣ କରିବା ଲାଗି ପ୍ରସ୍ତାବ ରହିଛି। ଅଧିକ କ୍ରୀଡ଼ା ସମାରୋହ ଆୟୋଜନ କରାଗଲେ, ଖେଳାଳୀମାନେ ସେମାନଙ୍କର ପ୍ରତିଭା ପ୍ରଦର୍ଶନ କରିବାର ଅଧିକ ସୁଯୋଗ ପାଇବେ ଏବଂ ଆଗକୁ ବଢ଼ିପାରିବେ ବୋଲି କେନ୍ଦ୍ର ମନ୍ତ୍ରୀ ଶ୍ରୀ ଠାକୁର କହିଥିଲେ।

ଏହି ଜାତୀୟ ସମ୍ମିଳନୀରେ ଖେଳ ପଡ଼ିଆ, ପ୍ରଶିକ୍ଷଣ କେନ୍ଦ୍ର, ରାଜ୍ୟ କ୍ରୀଡ଼ା ଏକାଡେମୀର ଜିଓ ଟ୍ୟାଗିଂ କରିବା, କ୍ରୀଡ଼ା ପ୍ରତିଯୋଗିତା ମାଧ୍ୟମରେ ପ୍ରତିଭାଙ୍କୁ ଚିହ୍ନଟ କରିବା ସହ ବିକାଶ କରିବା, ମହିଳା, ଦିବ୍ୟାଙ୍ଗ ଜନ, ଜନଜାତି ଓ ଗ୍ରାମୀଣ କ୍ଷେତ୍ର ପାଇଁ କ୍ରୀଡ଼ାକୁ ପ୍ରୋତ୍ସାହନ ଦେବା, ସ୍ବଦେଶୀ କ୍ରୀଡ଼ା ଓ କ୍ରୀଡ଼ା ଶିକ୍ଷାକୁ ପ୍ରୋତ୍ସାହନ, ଡୋପିଂ ନିରୋଧୀ ସଚେତନତା, ଦେଶରେ କ୍ରୀଡ଼ା ପାଇଁ ଏକ ଇକୋସିଷ୍ଟମ ବିକଶିତ କରିବା, କ୍ରୀଡ଼ା ପେସାଦାରମାନଙ୍କୁ ସହାୟତା ଯୋଗାଇ ଦେବା ଆଦି ବିଷୟ ସମେତ ଖେଲୋ ଇଣ୍ଡିଆ ଯୋଜନାର ବିଭିନ୍ନ ଦିଗ ଉପରେ ଆଲୋଚନା କରାଯାଇଥିଲା।

ଏହି କାର୍ଯ୍ୟକ୍ରମରେ ଉଦଘାଟନୀ ବକ୍ତବ୍ୟ ଦେଇ ଗୁଜରାଟ କ୍ରୀଡ଼ା ମନ୍ତ୍ରୀ ହର୍ଷ ସିଂଗଭୀ କହିଥିଲେ ଯେ, ସମ୍ମିଳନୀରେ ଯୋଗ ଦେଇଥିବା ରାଜ୍ୟମାନଙ୍କ ମଧ୍ୟ ବିଭିନ୍ନ ପ୍ରସଙ୍ଗକୁ ନେଇ ମତପାର୍ଥକ୍ୟ ରହିପାରେ, ସେମାନଙ୍କର ଭିନ୍ନ ସାମର୍ଥ୍ୟ ଥାଇପାରେ କିନ୍ତୁ ଦୁଇଦିନିଆ ସମ୍ମିଳନୀରେ ଆଲୋଚନା ପରେ ସମସ୍ତେ ଟିମ୍‌ ଇଣ୍ଡିଆ ଭାବନା ନେଇ କାର୍ଯ୍ୟ କରିବାକୁ ପ୍ରସ୍ତୁତ ହୋଇପାରିବେ।

ସମ୍ମିଳନୀରେ ୧୫ଟି ରାଜ୍ୟର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀଙ୍କ ସମେତ ଭାରତ ସରକାରଙ୍କ କ୍ରୀଡ଼ା ସଚିବ ସୁଜାତା ଚତୁର୍ବେଦୀ, ଯୁବ ବ୍ୟାପାର ସଚିବ ସଞ୍ଜୟ କୁମାରଙ୍କ ସମେତ ୩୩ଟି ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶର କ୍ରୀଡ଼ା ଅଧିକାରୀମାନେ ଅଂଶଗ୍ରହଣ କରିଛନ୍ତି।

Categories
ବିଶେଷ ଖବର

ସୂଚନାର ମୁକ୍ତ ପ୍ରବାହ ଏବଂ ସଠିକ୍ ସୂଚନାର ଆବଶ୍ୟକତା ପରସ୍ପରର ପରିପୂରକ: ଅନୁରାଗ ଠାକୁର

ନୂଆଦିଲ୍ଲୀ: କୋଭିଡ-୧୯ ମହାମାରୀ ଭଳି କଠିନ ପରିସ୍ଥିତିରେ ଭାରତୀୟ ଗଣମାଧ୍ୟମର ଭୂମିକାକୁ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ଆଜି ପ୍ରଶଂସା କରିଛନ୍ତି। ୧୭ତମ ଏସିଆ ମିଡିଆ ଶିଖର ସମ୍ମିଳନୀକୁ ଭିଡିଓ କନଫରେନ୍ସିଂ ମାଧ୍ୟମରେ ସମ୍ବୋଧିତ କରି ମନ୍ତ୍ରୀ କହିଥିଲେ ଯେ, କୋଭିଡ ମହାମାରୀ ସମୟରେ ଦେଶର ସବୁ ଲୋକଙ୍କୁ ସଚେତନ କରିବାରେ ଭାରତୀୟ ଗଣମାଧ୍ୟମ ମହତ୍ବପୂର୍ଣ୍ଣ ଭୂମିକା ନିର୍ବାହ କରିଥିଲା।

ଗଣମାଧ୍ୟମ ଜରିଆରେ କୋଭିଡ ସଚେତନତା ବାର୍ତ୍ତା ପହଞ୍ଚାଇବା, ସରକାରଙ୍କ ଗୁରୁତ୍ବପୂର୍ଣ୍ଣ ମାର୍ଗଦର୍ଶିକା ପ୍ରଚାର କରିବା ଏବଂ ଡାକ୍ତରଙ୍କ ସହିତ ମାଗଣା ଚିକିତ୍ସା ପରାମର୍ଶ ସହଜରେ ପହଞ୍ଚାଇବା ସୁନିଶ୍ଚିତ ହୋଇ ପାରିଥିଲା। ସେ କହିଥିଲେ ଯେ, ଦୂରଦର୍ଶନ ଏବଂ ଆକାଶବାଣୀ ଭଳି ଗଣମାଧ୍ୟମ ସାର୍ବଜନୀନ ସେବା କାର୍ଯ୍ୟକୁ ସୂଚାରୁ ରୂପେ ସମ୍ପାଦନ କରିଥିଲେ। ତ୍ବରିତ କଭରେଜ, ତୃଣମୂଳ ସ୍ତରରେ ରିପୋର୍ଟ ସଂଗ୍ରହ ଏବଂ ସାର୍ବଜନୀନ ସ୍ବାସ୍ଥ୍ୟ ଉପରେ କାର୍ଯ୍ୟକ୍ରମ ମାଧ୍ୟମରେ ପ୍ରାରମ୍ଭିକ ଆକଳନ, ସଠିକ ତଥ୍ୟ ପହଞ୍ଚାଇବାରେ ଏମାନଙ୍କର ଭୂମିକା ଗୁରୁତ୍ବପୂର୍ଣ୍ଣ ଥିଲା।

ଅନ୍ୟପଟେ ମହାମାରୀ ସମ୍ପର୍କରେ ମିଥ୍ୟା ସୂଚନା ସମ୍ପର୍କରେ କେନ୍ଦ୍ର ମନ୍ତ୍ରୀ କହିଥିଲେ, ‘‘ଅପ୍ରମାଣିକ ଦାବି ଓ ଗଣମାଧ୍ୟମରେ ପ୍ରସାରିତ ମିଥ୍ୟା ଖବର ଲୋକମାନଙ୍କ ମନରେ ଅତ୍ୟଧିକ ଭୟ ସୃଷ୍ଟି କରିଥିଲା। ପତ୍ର ସୂଚନା କାର୍ଯ୍ୟାଳୟ (ପିଆଇବି)ର ଫ୍ୟାକ୍ଟ ଚେକ୍ ୟୁନିଟ୍କୁ ଏଥିପାଇଁ ମନ୍ତ୍ରୀ ଶ୍ରେୟ ଦେଇଥିଲେ। ସେ କହିଥିଲେ ଯେ ମିଥ୍ୟା ଖବର ଓ ବିଭ୍ରାନ୍ତିକରଣ ସୂଚନା ପ୍ରସାର ଭଳି ବିପଦର ମୁକାବିଲା କରିବା କ୍ଷେତ୍ରରେ ଏହି ୟୁନିଟ୍ ବାସ୍ତବ ସମୟରେ ମଜବୁତ ଲଢ଼େଇ ଲଢ଼ିଥିଲା।

କୋଭିଡ ୧୯ ମୁକାବିଲାରେ ସରକାରଙ୍କ ଉପଲବ୍ଧି ଉପରେ ଆଲୋକପାତ କରି ଶ୍ରୀ ଠାକୁର କହିଥିଲେ ଯେ ୧୩୦ କୋଟି ଲୋକଙ୍କ ଟିକାକରଣ କରିବା ବ୍ୟାପକ ଆହ୍ବାନପୂର୍ଣ୍ଣ କାର୍ଯ୍ୟ ଥିଲା। ସରକାର, କୋଭିଡ ଯୋଦ୍ଧା ଓ ନାଗରିକ ସମାଜର ମିଳିତ ପ୍ରୟାସ କାରଣରୁ ଭାରତ ଅଧିକାଂଶ ଲୋକଙ୍କ ଟିକାକରଣ କ୍ଷେତ୍ରରେ ସଫଳତା ହାସଲ କରିପାରିଛି।

ଏହି ବୋଝ ଦୂର କରିବା ଏବଂ ସେବା ପହଞ୍ଚାଇବାରେ ଗଣମାଧ୍ୟମ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିଥିବା ମନ୍ତ୍ରୀ କହିଥିଲେ। ସେ କହିଥିଲେ ଯେ ଲୋକମାନଙ୍କୁ କରୋନା ପ୍ରତିଷେଧକ ଟିକାର ଲାଭ ସମ୍ପର୍କରେ ସଚେତନ କରାଇବାରେ ଗଣମାଧ୍ୟମର ଭୂମିକା ଉଲ୍ଲେଖନୀୟ ଥିଲା। ଆମ ଆଗରେ ଅନେକ ବାଧା ରହିଥିଲା। ସବୁଠୁ ବଡ଼ ସମସ୍ୟା ଥିଲା ଟିକାକୁ ନେଇ ଦ୍ବନ୍ଦ୍ବ। ଆକାଶବାଣୀ ଓ ଟିଭି ଚ୍ୟାନେଲ ମାଧ୍ୟମରେ ପ୍ରଧାନମନ୍ତ୍ରୀ ମୋଦୀ ନାଗରିକମାନଙ୍କୁ ସମ୍ବୋଧିତ କରିଥିଲେ। ସେମାନଙ୍କ ନିକଟରେ ପହଞ୍ଚିବା ଲାଗି ପ୍ରୟାସ କରି ଟିକା ସମ୍ପର୍କରେ ସ୍ପଷ୍ଟ ବାର୍ତ୍ତା ଦେଇଥିଲେ।

ଚଳିତ ବର୍ଷ ଏସିଆ ମିଡିଆ ସମ୍ମିଳନୀର ବିଷୟବସ୍ତୁ ହେଉଛି ‘‘ଫ୍ୟୁଚର ଫରୱାର୍ଡ, ରିଇମାଜିନିଂ ମିଡିଆ’’ (ଭବିଷ୍ୟତ ମାର୍ଗ, ଗଣମାଧ୍ୟମର ପୁନଃପରିକଳ୍ପନା)। ଗଣମାଧ୍ୟମ ପରିଦୃଶ୍ୟରେ ପରିବର୍ତ୍ତନ ଉପରେ ଜୋର ଦେଇ ଶ୍ରୀ ଠାକୁର କହିଥିଲେ ଯେ, ଆଜି ଗଣମାଧ୍ୟମ ବ୍ୟାପକ ଭାବେ ପ୍ରଯୁକ୍ତି ପରିଚାଳିତ ଏବଂ ଏହି କ୍ଷେତ୍ରରେ ଦ୍ରୁତ ନବୋନ୍ମେଷ ଦେଖିବାକୁ ମିଳୁଛି।

ପ୍ରଯୁକ୍ତିର ଅଗ୍ରଗତି ସତ୍ତ୍ବେ, ପ୍ରସାରିତ ବିଷୟବସ୍ତୁର ପ୍ରାମାଣିକତା ଉପରେ ଗୁରୁତ୍ବ ଦିଆଯିବା ଆବଶ୍ୟକ ବୋଲି ଶ୍ରୀ ଠାକୁର କହିଥିଲେ। ଆମେ ସୂଚନାର ମୁକ୍ତ ପ୍ରବାହ ଅଧିକାର ଉପରେ ଆଲୋଚନା କରିପାରିବା, ଆମେ ମଧ୍ୟ ସଠିକ ସୂଚନାର ପ୍ରସାରର ଆବଶ୍ୟକତା ଉପରେ ମଧ୍ୟ ଧ୍ୟାନ ଦେଇ ପାରିବା।

ନିକଟରେ କାନ୍ସ ଠାରେ ଚଳଚ୍ଚିତ୍ର ମାଧ୍ୟମରେ ଭାରତୀୟ ସଫ୍ଟ ପାୱାର ଅଭୂତପୂର୍ବ ପ୍ରଦର୍ଶନକୁ ସ୍ମରଣ କରି ଶ୍ରୀ ଠାକୁର କହିଥିଲେ ଯେ ଭାରତୀୟ ଚଳଚ୍ଚିତ୍ର ସାରା ବିଶ୍ବର ଲକ୍ଷ ଲକ୍ଷ ଲୋକଙ୍କ ହୃଦୟ ଜିଣିପାରିଛି ଓ ଭାରତ ପାଇଁ ପରିଚୟ ସୃଷ୍ଟି କରିପାରିଛି। ସେ କହିଥିଲେ ଯେ, ଭାରତ ବିଶ୍ବରେ ସର୍ବାଧିକ ବର୍ଷକୁ ପ୍ରାୟ ୩ ହଜାର ଚଳଚ୍ଚିତ୍ର ନିର୍ମାଣ କରୁଛି। ଶ୍ରୀ ଠାକୁର ଭାରତରେ ଚଳଚ୍ଚିତ୍ର ଶୁଟିଂକୁ ପ୍ରୋତ୍ସାହନ ଦେବା ଲାଗି କାନ୍ସରେ ଘୋଷିତ ପ୍ରୋତ୍ସାହନକୁ ମଧ୍ୟ ଦୋହରାଇଥିଲେ।

ଭାରତର ସମୃଦ୍ଧ ସାଂସ୍କୃତିକ ଐତିହ୍ୟର ସଂରକ୍ଷଣ ଓ ସମୃଦ୍ଧିକୁ ପ୍ରାଥମିକତା ଦେବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂକଳ୍ପ। ଏହି ସଂକଳ୍ପକୁ ସାକାର କରିବା ଲାଗି ସରକାର ଜାତୀୟ ଚଳଚ୍ଚିତ୍ର ଐତିହ୍ୟ ମିଶନ ଅଧୀନରେ ଚଳଚ୍ଚିତ୍ର କ୍ଷେତ୍ରରେ ବିଶ୍ବର ସବୁଠୁ ବଡ଼ ପ୍ରକଳ୍ପ ଘୋଷଣା କରିଛନ୍ତି। ଶ୍ରୀ ଠାକୁର ସୂଚନା ଦେଇ କହିଥିଲେ ଯେ ଏହି ଅଭିଯାନର ଅଂଶବିଶେଷ ସ୍ବରୂପ ବିଭିନ୍ନ ଭାଷା ଓ ଶୈଳୀର ୨୨୦୦ରୁ ଅଧିକ ଚଳଚ୍ଚିତ୍ରର ପୁରୁଣା ଭବ୍ୟତାକୁ ପୁନରୁଦ୍ଧାର କରାଯିବ। ସେ କହିଥିଲେ ଯେ ସଂରକ୍ଷଣ ବିଭିନ୍ନ ପିଢ଼ିକୁ ପରସ୍ପର ସହ ଯୋଡ଼ିଥାଏ। ଆମ ପୂର୍ବଜମାନଙ୍କ ମୂଲ୍ୟବୋଧକୁ ନୂଆ ପିଢ଼ି ଜାଣିବା, ଗ୍ରହଣ କରିବା ଏବଂ ଆତ୍ମସାତ୍ କରିବା ଉଚିତ୍।

ଶ୍ରୀ ଠାକୁର ଉପସ୍ଥିତ ଲୋକମାନଙ୍କୁ ବ୍ରିଟିଶ ଶାସନ କବଳରୁ ଦେଶ ସ୍ବାଧୀନ ହେବାର ୭୫ ବର୍ଷ ପୂର୍ତ୍ତି ସମାରୋହ ବିଷୟରେ ସୂଚନା ଦେଇ କହିଥିଲେ ଯେ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କ ନେତୃତ୍ବରେ ଆମେ ନିଜ ଐତିହାସିକ ନୈତିକତା, ପାରମ୍ପରିକ ମୂଲ୍ୟବୋଧ, ସାଂସ୍କୃତିକ ଲୋକ ପରମ୍ପରାକୁ ପୁଣିଥରେ ପାଳନ କରୁଛୁ। ସ୍ବାଧୀନତା ପାଇଁ ଆମ ସ୍ବାଧୀନତା ସଂଗ୍ରାମୀମାନେ ଦେଇଥିବା ବଳିଦାନ ପ୍ରତି ଆମ ଯୁବ ପିଢ଼ି ଆହୁରି ଅଧିକ ସଚେତନ ହେଉଛି।

କେନ୍ଦ୍ର ମନ୍ତ୍ରୀ ନିଜ ସମ୍ବୋଧନ ସମାପ୍ତ କରି ବିଶ୍ବରେ ଗଣମାଧ୍ୟମ ନିର୍ବାହ କରିଥିବା ସକାରାତ୍ମକ ଭୂମିକା ପ୍ରତି ନିଜର ଦୃଢ଼ ବିଶ୍ବାସ ବ୍ୟକ୍ତ କରିଥିଲେ। ସେ କହିଥିଲେ ଯେ ସଶକ୍ତିକରଣର ଏକ ପ୍ରଭାବୀ ସାଧନ ରୂପରେ ଗଣମାଧ୍ୟମ ନିକଟରେ ଲୋକମାନଙ୍କ ଧାରଣା ଓ ଦୃଷ୍ଟିକୋଣକୁ ଆକାର ଦେବାର ଅପାର କ୍ଷମତା ରହିଛି।

Categories
ଆଜିର ଖବର ଜାତୀୟ ଖବର ମନୋରଂଜନ

ଭାରତୀୟ କାହାଣୀ ବିଶ୍ବର ଦର୍ଶକଙ୍କ ମନ ଓ ମସ୍ତିଷ୍କ ଉପରେ ପ୍ରଭାବ ବିସ୍ତାର କରିଛି: କେନ୍ଦ୍ର ମନ୍ତ୍ରୀ ଅନୁରାଗ ଠାକୁର

ନୂଆଦିଲ୍ଲୀ: ‘‘ହେ ପ୍ରୀତ୍‌ ଜହାଁ କୀ ରୀତ୍‌ ସଦା, ମେ ଗୀତ୍‌ ୱାହାଁ କା ଗାତା ହୁଁ, ଭାରତ କା ରେହନେ ୱାଲା ହୁଁ ଭାରତ୍‌ କି ବାତ୍‌ ସୁନାତା ହୁଁ (ଯେଉଁଠି ଭଲ ପାଇବାର ପରମ୍ପରା ରହିଛି, ମୁଁ ସେଠାକାର ଗୀତ ଗାଉଛି, ମୁଁ ଭାରତବାସୀ, ଭାରତର କଥା କହୁଛି।’’ ଏହି ଉକ୍ତି ସହିତ  କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ସିଂ ଠାକୁର କାନ୍ସ ଚଳଚ୍ଚିତ୍ର ମହୋତ୍ସବ ପରିସରରେ ପ୍ରସିଦ୍ଧ ପାସେଲ ଡେସ ମହୋତ୍ସବରେ ଅନୁଷ୍ଠିତ ଭାରତୀୟ ଫୋରମକୁ ସମ୍ବୋଧିତ କରିଛନ୍ତି। ୬ହଜାର ବର୍ଷ ପୁରୁଣା ସଂସ୍କୃତି ଓ ୧୩୦ କୋଟି ଲୋକଙ୍କ ପ୍ରତିନିଧିତ୍ବ କରୁଥିବା କେନ୍ଦ୍ର ମନ୍ତ୍ରୀ ଏଠାରେ ଦୀକ୍ଷାନ୍ତ ଭାଷଣ ଦେଇଥିଲେ। ତାଙ୍କ ଭାଷଣକୁ ବିଦେଶୀ ଚଳଚ୍ଚିତ୍ର ନିର୍ମାତା, ସାମ୍ବାଦିକ, ପ୍ରତିନିଧିମାନେ ଶୁଣିଥିଲେ। ଏହି କାର୍ଯ୍ୟକ୍ରମକୁ ବାଣୀ ତ୍ରିପାଠୀ ପରିଚାଳନା କରିଥିବା ବେଳେ ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଶ୍ରୀ ଅପୂର୍ବ ଚନ୍ଦ୍ର, ଗୀତିକାର ପ୍ରସୂନ ଯୋଶୀ, ଅଭିନେତା ଆର. ମାଧବନ, ନିର୍ଦ୍ଦେଶକ ଶେଖର କପୁରଙ୍କ ସମେତ ହଲିଉଡ ରିପୋର୍ଟରର ସମ୍ପାଦକ ସ୍କଟ୍‌ ରକ୍ସବରୋ, ପ୍ରଯୋଜକ ଫିଲିପ ଆଭରିଲ ପ୍ରମୁଖ ଉପସ୍ଥିତ ଥିଲେ।

ଏହି ଅବସରରେ କେନ୍ଦ୍ର ମନ୍ତ୍ରୀ କହିଥିଲେ ଯେ ବହୁ ବର୍ଷ ଧରି କାନ୍ସ ଚଳଚ୍ଚିତ୍ର ମହୋତ୍ସବ ଭାରତ-ଫ୍ରାନ୍ସ ସମ୍ପର୍କକୁ ସୁଦୃଢ଼ କରିବାରେ ପ୍ରମୁଖ ଭୂମିକା ନିର୍ବାହ କରିଛି। ଭାରତୀୟ କାହାଣୀ ବିଶ୍ବର ଦର୍ଶକଙ୍କ ମନ ଓ ମସ୍ତିଷ୍କ ଉପରେ ପ୍ରଭାବ ବିସ୍ତାର କରିଛି ବୋଲି ମନ୍ତ୍ରୀ କହିଥିଲେ। ୧୯୪୬ରେ ଚେତନ ଆନନ୍ଦଙ୍କ ଚଳଚ୍ଚିତ୍ର ‘ନିଚ୍ଚା ନଗର’ ଏବଂ ଏହାର ଏକ ଦଶନ୍ଧି ପରେ ୧୯୫୬ରେ ସତ୍ୟଜିତ୍‌ ରାଏଙ୍କ ଚଳଚ୍ଚିତ୍ର ‘ପାଥେର ପାଞ୍ଚାଲି’ ପାଲମ୍‌ ଡି ଓର୍‌ ପୁରସ୍କାର ଜିତିଥିବା ମନ୍ତ୍ରୀ ଶ୍ରୀ ଠାକୁର ଉଲ୍ଲେଖ କରିଥିଲେ। ବର୍ତ୍ତମାନ ଭାରତୀୟ ଚଳଚ୍ଚିତ୍ରର ଉତ୍କର୍ଷତା ଭାରତକୁ ‘ବିଶ୍ବର ଏକ କାହାଣୀ କେନ୍ଦ୍ର’ ବା କଣ୍ଟେଣ୍ଟ ହବ୍‌ରେ ପରିଣତ କରିବାକୁ ଯାଉଛି।

ଭାରତର ବର୍ତ୍ତମାନର ସ୍ଥିତି ବିଷୟରେ ଉଲ୍ଲେଖ କରି କେନ୍ଦ୍ର ମନ୍ତ୍ରୀ କହିଥିଲେ ଯେ ଭାରତ ନିକଟରେ ବିଶ୍ବ ଦର୍ଶକଙ୍କ ପାଇଁ ଅନେକ କିଛି ରହିଛି। ଚଳଚ୍ଚିତ୍ର ଉତ୍କର୍ଷତା, ପ୍ରଯୁକ୍ତିର ଶକ୍ତି, ସମୃଦ୍ଧ ସଂସ୍କୃତି ଏବଂ କାହାଣୀ କହିବାର ଏକ ଉଜ୍ଜ୍ବଳ ପରମ୍ପରା ଭାରତ ନିକଟରେ ରହିଛ । କାନ୍ସରେ ଭାରତୀୟ ଷ୍ଟାର୍ଟଅପ୍ସର ଉପସ୍ଥିତି ବିଷୟରେ ମନ୍ତ୍ରୀ ସୂଚନା ଦେଇଥିଲେ। ସେ କହିଥିଲେ ଯେ ମିଡିଆ ଓ ମନୋରଞ୍ଜନ କ୍ଷେତ୍ରର ଏହି ଷ୍ଟାର୍ଟଅପ୍‌ଗୁଡ଼ିକ ସେମାନଙ୍କର ପ୍ରଯୁକ୍ତି ଶକ୍ତି ପ୍ରଦର୍ଶିତ କରିବେ। ଏଥିରେ ଏଭିଜିସି ଦୁନିଆର ଶ୍ରେଷ୍ଠ ଦିଗ ପ୍ରଦର୍ଶିତ ହେବ। ଆନିମେସନ ପେସାଦାରମାନଙ୍କର ଏକ ଦୃଢ଼ ପ୍ରତିନିଧି ଦଳ ଏଥିରେ ସାମିଲ ରହିଛନ୍ତି।

ଚଳଚ୍ଚିତ୍ର ସହ ପ୍ରଯୋଜନା, ଶୁଟିଂ ଏବଂ ଚଳଚ୍ଚିତ୍ର ନିର୍ମାଣ ପାଇଁ ଅନ୍ୟାନ୍ୟ ସୁବିଧା ଯୋଗାଇ ଦେବା ଦିଗରେ ଗତ ଆଠ ବର୍ଷ ମଧ୍ୟରେ ଭାରତରେ କେନ୍ଦ୍ର ଓ ରାଜ୍ୟ ସରକାରମାନେ ମିଶି ବିଭିନ୍ନ ପଦକ୍ଷେପ ନେଇଥିବା ସମ୍ପର୍କରେ କେନ୍ଦ୍ର ମନ୍ତ୍ରୀ ସୂଚନା ଦେଇଥିଲେ। ସେ କହିଥିଲେ ଯେ, ୨୦୨୫ ସୁଦ୍ଧା ଭାରତର ମିଡିଆ ଓ ମନୋରଞ୍ଜନ କ୍ଷେତ୍ରରେ କାରବାର ୫୩ ବିଲିୟନ ଆମେରିକୀୟ ଡଲାରରେ ପହଞ୍ଚିବ ବୋଲି ଆଶା କରାଯାଉଛି।

ଏ ଦିଗରେ ଏକ ପଦକ୍ଷେପ ସ୍ବରୂପ ଭାରତ ସରକାର ଅଡିଓ ଭିଜୁଆଲ ସେବା କ୍ଷେତ୍ରକୁ ୧୨ଟି ଚାମ୍ପିଅନ ସର୍ଭିସ୍‌ କ୍ଷେତ୍ର ମଧ୍ୟରୁ ଅନ୍ୟତମ ଭାବେ ମାନ୍ୟତା ଦେଇଛନ୍ତି ଏବଂ ନିକଟରେ ବିଶେଷଜ୍ଞମାନଙ୍କୁ ନେଇ ଏକ ଏଭିଜିସି ଟାସ୍କ ଫୋର୍ସ ଗଠନ କରିଛନ୍ତି।

ଭାରତରେ ମନୋରଞ୍ଜନ ଓ ମିଡିଆ କ୍ଷେତ୍ରରେ ଅପାର ସମ୍ଭାବନା ରହିଥିବା ଶ୍ରୀ ଠାକୁର କହିଥିଲେ। ଗୋଟିଏ ପଟେ ଆର୍ଟିଫିସିଆଲ ଇଣ୍ଟେଲିଜେନ୍ସ, ଭର୍ଚୁଆଲ ରିଅଲିଟୀ, ମେଟାଭର୍ସ ଭଳି ଇମର୍ସିଭ ଟେକ୍ନୋଲୋଜି ସହିତ ଭାରତର କୁଶଳୀ ଆଇଟି କର୍ମଶକ୍ତି ରହିଥିବା ବେଳେ ଭାରତରେ ଓଟିଟି ମାର୍କେଟ୍‌ ୨୦୨୪ ସୁଦ୍ଧା ବାର୍ଷିକ ପ୍ରାୟ ୨୧% ହାରରେ ବଢ଼ିବାର ସମ୍ଭାବନା ରହିଛି।

ସାରା ବିଶ୍ବରୁ ସହ-ପ୍ରଯୋଜନା ସହଭାଗିତାକୁ ତ୍ବରାନ୍ବିତ କରିବା ଲାଗି ସବୁ ପଦକ୍ଷେପ ଗ୍ରହଣ କରାଯିବ ବୋଲି ଶ୍ରୀ ଠାକୁର ଆଶ୍ବାସନା ଦେଇଥିଲେ। ଭାରତକୁ ବିଶ୍ବର ପ୍ରମୁଖ କଣ୍ଟେଣ୍ଟ ହବ୍‌ରେ ପରିଣତ କରିବା ଲାଗି ସବୁ ପ୍ରକାର ପଦକ୍ଷେପ ଗ୍ରହଣ କରାଯିବ। ଆସନ୍ତା ୫ ବର୍ଷ ମଧ୍ୟରେ ଉନ୍ନତ ମାନର କାହାଣୀ ପ୍ରଯୋଜନା କରୁଥିବା ରାଷ୍ଟ୍ର ମଧ୍ୟରେ ଭାରତ ପରିଗଣିତ ହେବ ବୋଲି ଶ୍ରୀ ଠାକୁର କହିଥିଲେ।

ଏହି ଅବସରରେ ନିର୍ମାତା ତଥା ନିର୍ଦ୍ଦେଶକ ଶେଖର କପୁର କହିଥିଲେ ଯେ, ଭାରତର ବିଶ୍ବର ସର୍ବବୃହତ ପ୍ରଭାବଶାଳୀ ଅର୍ଥବ୍ୟବସ୍ଥା ହେବାକୁ ଯାଉଛି ଏବଂ ଯୁବ ଚଳଚ୍ଚିତ୍ର ନିର୍ମାତାମାନେ ଖୁବ୍‌ଶୀଘ୍ର ଚଳଚ୍ଚିତ୍ରର ନୂଆ ପରିଭାଷା ନିର୍ଦ୍ଧାରଣ କରିବେ।

ଭାରତରେ ଅସୀମିତ ସ୍ବପ୍ନ ରହିଛି, ଏସବୁ ଆହୁରି ବଡ଼ ରୂପରେ ଉଭା ହେବାର ସମୟ ଆସିଛି ବୋଲି ପ୍ରସୂନ ଯୋଶୀ କହିଥିଲେ।

ଏହି ଅବସରରେ ସଚିବ ଅପୂର୍ବ ଚନ୍ଦ୍ର କହିଥିଲେ ଯେ ଲଞ୍ଚ ବକ୍ସ, ମିଷ୍ଟର ଏଣ୍ଡ ମିସେସ ଆୟାର ଓ ରକେଟ୍ରୀ ଭଳି ଚଳଚ୍ଚିତ୍ରର କାହାଣୀ ଭାରତୀୟ ହୋଇଥିଲେ ବି ବିଶ୍ବ ଦର୍ଶକଙ୍କୁ ଧରି ରଖିବାର କ୍ଷମତା ଏଥିରେ ରହିଛି।

ଅଭିନେତା ତଥା ନିର୍ମାତା ନିର୍ଦ୍ଦେଶକ ଆର ମାଧବନ କହିଥିଲେ ଯେ ବିଜ୍ଞାନ ଓ ପ୍ରଯୁକ୍ତି କ୍ଷେତ୍ରରେ ଚଳଚ୍ଚିତ୍ର ନିର୍ମାଣ ପାଇଁ ଭାରତରେ ଅନେକ ସୁଯୋଗ ରହିଛି। ଆର୍ଯ୍ୟଭଟ୍ଟଙ୍କ ଠାରୁ ଆରମ୍ଭ କରି ସୁନ୍ଦର ପିଚାଇଙ୍କ ପର୍ଯ୍ୟନ୍ତ ଭାରତରେ ଅନେକ ଅଦ୍ଭୂତ କାହାଣୀ ରହିଛି ଯାହାକି ବିଶ୍ବର ଯୁବପିଢ଼ିଙ୍କ ଆଶାଆକାଂକ୍ଷା ସହ ଯୋଡ଼ି ହୋଇପାରିବ।

Categories
ଆଜିର ଖବର ମନୋରଂଜନ

କାନ୍ସ ଚଳଚ୍ଚିତ୍ର ମହୋତ୍ସବ: ଚଳିତ ଥର ଉଚ୍ଛ୍ୱସିତ ସମ୍ବର୍ଦ୍ଧନା ପାଇବେ ଦେଶର ଏହି ଚଳଚ୍ଚିତ୍ର ତାରକା, ଜାଣନ୍ତୁ କିଏ?

ନୂଆଦିଲ୍ଲୀ: ୭୫ତମ କାନ୍ସ ଚଳଚ୍ଚିତ୍ର ମହୋତ୍ସବ ଚଳିତ ଥର ଭାରତୀୟ ଦର୍ଶକମାନଙ୍କ ନିମନ୍ତେ ଏକ ଚିତାକର୍ଷକ ଘଟଣା ହେବାକୁ ଯାଉଛି। ଦେଶବ୍ୟାପୀ ବିଭିନ୍ନ ସ୍ଥାନରୁ ଚଳଚ୍ଚିତ୍ର ତାରକାମାନଙ୍କୁ ନେଇ ଯାଉଥିବା ପ୍ରତିନିଧିଦଳକୁ ଆସନ୍ତା ୧୭ତାରିଖ ଦିନ ମହୋତ୍ସବରେ ଉଚ୍ଛ୍ୱସିତ ସମ୍ବର୍ଦ୍ଧନା ଜ୍ଞାପନ କରାଯିବ।

କାନ୍ସରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଭାରତର ପ୍ରତିନିଧିତ୍ୱ କରିବେ। ଦେଶରେ ସଙ୍ଗୀତ ଶିଳ୍ପର ଅନେକ ଏହି ପ୍ରତିନିଧି ଦଳରେ ରହିବେ।

ନିମ୍ନୋକ୍ତ ପ୍ରତିଷ୍ଠିତ କଳାକାରମାନେ ଏହି ପ୍ରତିନିଧି ଦଳରେ ଅଛନ୍ତି। ସେମାନେ ହେଲେ…

୧. ଅକ୍ଷୟ କୁମାର (ଅଭିନେତା ଓ ପ୍ରଯୋଜକ, ବଲିଉଡ)

୨.ଏ.ଆର ରେହମାନ (ଆନ୍ତର୍ଜାତିକ ସଙ୍ଗୀତ ନିର୍ଦ୍ଦେଶକ)

୩. ମାମେ ଖାଁ (ଲୋକ ସଙ୍ଗୀତ ପ୍ରଯୋଜକ ଓ ଗାୟକ)

୪. ନୱାଜ ଉଦ୍ଦିନ ସିଦ୍ଦିକ(ଅଭିନେତା, ବଲିଉଡ)

୫. ନୟନ ତାରା (ଅଭିନେତ୍ରୀ, ମାଲୟାଲମ, ତାମିଲ)

୬. ପୂଜା ହେଗଡେ (ଅଭିନେତ୍ରୀ, ହିନ୍ଦି, ତେଲୁଗୁ)

୭. ପ୍ରସୂନ ଯୋଶୀ (ଅଧ୍ୟକ୍ଷ ସିବିଏଫସି)

୮.ଆର ମାଧବନ (ଅଭିନେତା ଓ ପ୍ରଯୋଜକ) ୱାର୍ଲଡ ପ୍ରିମିୟମ ଅଫ ରକେଟେରୀ ଆଟ କାନ୍ସ

୯. ରିକି କେଜ (ସଙ୍ଗୀତ ପ୍ରଯୋଜକ)

୧୦. ଶେଖର କପୁର (ଚଳଚ୍ଚିତ୍ର ନିର୍ମାତା)

୧୧. ତମନ୍ନା ଭାଟିଆ(ଅଭିନେତ୍ରୀ ହିନ୍ଦି, ତେଲୁଗୁ ଓ ତାମିଲ ଚଳଚ୍ଚିତ୍ର)

୧୨. ବାଣୀ ତ୍ରିପାଠୀ (ଅଭିନେତ୍ରୀ)

ଚଳଚ୍ଚିତ୍ର ଜରିଆରେ ଭାରତରେ ବିବିଧତା, ସଂସ୍କୃତି, ଐତିହ୍ୟ, ଗାଥା ଓ ବିକାଶ ବାର୍ତ୍ତାକୁ ଲୋକଲୋଚନକୁ ଆଣିବା ଚଳିତବର୍ଷର ଯୋଜନା ରହିଛି। ବିଭିନ୍ନ ବିଷୟର ପ୍ରତିନିଧିତ୍ୱ କରୁଥିବା ମୂଲ୍ୟବୋଧକୁ ଦୃଷ୍ଟିରେ ରଖି ଦେଶର କୋଣ ଅନୁକୋଣରୁ ପ୍ରତିନିଧିମାନଙ୍କୁ ଚୟନ କରାଯାଇଛି।

ନିକଟରେ ଅନୁଷ୍ଠିତ ହୋଇଯାଇଥିବା ୫୨ତମ ଭାରତ, ଆର୍ନ୍ତଜାତିକ ଚଳଚ୍ଚିତ୍ର ମହୋତ୍ସବ ତଥା ନେଟଫ୍ଲିକ୍ସ, ଆମାଜନ ଭଳି ଓଟିଟି ଫ୍ଲାଟଫର୍ମର ସହଯୋଗ, ଆଗାମୀପିଢିର ୭୫ ସୃଜନଶୀଳ ବ୍ୟକ୍ତିତ୍ୱ ଓ ବ୍ରିକ୍ସ ଚଳଚ୍ଚିତ୍ର ମହୋତ୍ସବ ଇତ୍ୟାଦିର ବିଶ୍ଳେଷଣରେ ଅନେକ ନୂତନ ପଦକ୍ଷେପମାନ ମଧ୍ୟ ନିଆହୋଇଛି। ସେହିପରି ଚଳିତବର୍ଷ କାନ୍ସ ପାଇଁ କେତେକ ଅଭିନବ ଓ ନୂତନ ବିଷୟବସ୍ତୁ ମଧ୍ୟ ବଛାଯାଇଛି।

ଉଲ୍ଲେଖଯୋଗ୍ୟ ଯେ କାନ୍ସ ଚଳଚ୍ଚିତ୍ର ମହୋତ୍ସବର ଚଳିତ ସଂସ୍କରଣରେ ଭାରତ ଆନୁଷ୍ଠାନିକ ସମ୍ମାନ ମାର୍ଚ ଡ୍ୟୁ ଫିଲ୍ମ ପାଇବ। ଏଭଳି ସମ୍ମାନ ପ୍ରଥମଥର ନିମନ୍ତେ କୌଣସି ଦେଶକୁ ପ୍ରଦାନ କରାଯାଉଥିବାବେଳେ, ଏହା ଭାରତ ଆଜାଦୀ କା ଅମ୍ରିତ ମହୋତ୍ସବ ପାଳନ କରୁଥିବାବେଳେ ପ୍ରଦାନ କରାଯାଉଛି। ଚଳିତବର୍ଷ ଭାରତ ଓ ଫ୍ରାନ୍ସ ମଧ୍ୟ କୂଟନୈତିକ ସମ୍ପର୍କର ୭୫ତମ ବାର୍ଷିକୀ ପାଳନ କରୁଛନ୍ତି।

Categories
ଆଜିର ଖବର ଜାତୀୟ ଖବର

ନେସନାଲ ଫିଲ୍ମ ହେରିଟେଜ୍ ମିଶନ ଅଧୀନରେ ବିଶ୍ବର ସର୍ବବୃହତ ଚଳଚ୍ଚିତ୍ର ପୁନରୁଦ୍ଧାର ପ୍ରକଳ୍ପ ଆରମ୍ଭ କଲା ଭାରତ

ନୂଆଦିଲ୍ଲୀ: ନେସନାଲ ଫିଲ୍ମ ହେରିଟେଜ୍‌ ମିଶନ (ଏନଏଫଏଚଏମ) ବା ଜାତୀୟ ଚଳଚ୍ଚିତ୍ର ଐତିହ୍ୟ ଅଭିଯାନ ଅଧୀନରେ ଭାରତ ବିଶ୍ବର ସର୍ବବୃହତ ଚଳଚ୍ଚିତ୍ର ପୁନରୁଦ୍ଧାର ପ୍ରକଳ୍ପ କାର୍ଯ୍ୟକାରୀ କରିବ ଏବଂ ଏଥିପାଇଁ ୩୬୩ କୋଟି ଟଙ୍କା ଖର୍ଚ୍ଚ କରାଯିବ। କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଆଜି ଏହି ଘୋଷଣା କରିଛନ୍ତି। ଆଜି ଆରମ୍ଭ ହୋଇଥିବା ପୁନରୁଦ୍ଧାର ପ୍ରକଳ୍ପକୁ ଭାରତୀୟ ଜାତୀୟ ଚଳଚ୍ଚିତ୍ର ସଂଗ୍ରହାଳୟ ଠାରେ ଦ୍ରୁତ ଗତିରେ କାର୍ଯ୍ୟକାରୀ କରାଯିବ। ପୁଣେ ଠାରେ ଏହି ସଂଗଠନର ଏକ ସମୀକ୍ଷା ବୈଠକରେ ଯୋଗ ଦେଇ କେନ୍ଦ୍ର ମନ୍ତ୍ରୀ ଶ୍ରୀ ଠାକୁର ଏହା କହିଛନ୍ତି।

ନେସନାଲ ଫିଲ୍ମ ହେରିଟେଜ୍‌ ମିଶନ ଅଧୀନରେ ପ୍ରାୟ ୨,୨୦୦ ଚଳଚ୍ଚିତ୍ରକୁ ପୁନରୁଦ୍ଧାର କରାଯିବ। ଚଳଚ୍ଚିତ୍ର ନିର୍ମାତା, ପ୍ରାମାଣିକ ଚଳଚ୍ଚିତ୍ର ନିର୍ମାତା, ଚଳଚ୍ଚିତ୍ର ଐତିହାସିକ, ପ୍ରଯୋଜକ ଆଦିଙ୍କୁ ନେଇ ଗଠିତ ଭାଷା ଭିତ୍ତିକ କମିଟି ମାଧ୍ୟମରେ ଚଳଚ୍ଚିତ୍ରର ଶୀର୍ଷକ ଚୟନ କରାଯାଇଛି। ଏହି କମିଟିରେ ଅପର୍ଣ୍ଣା ସେନ, ଶ୍ରୀରାମ ରାଘବନ, ଅଞ୍ଜଳି ମେନନ ଏବଂ ଭେଟ୍ରିମାରାନଙ୍କ ଭଳି ବିଶିଷ୍ଟ ଚଳଚ୍ଚିତ୍ର ବ୍ୟକ୍ତିତ୍ବମାନେ ସାମିଲ ରହିଛନ୍ତି।

କେନ୍ଦ୍ର ମନ୍ତ୍ରୀ କହିଛନ୍ତି ଯେ, ନେସନାଲ ଫିଲ୍ମ ହେରିଟେଜ୍‌ ମିଶନ ଚଳଚ୍ଚିତ୍ରର ପୁନରୁଦ୍ଧାର ସହିତ ଚଳଚ୍ଚିତ୍ର ସ୍ଥିତି ଆକଳନ ପ୍ରକ୍ରିୟାର ସଂରକ୍ଷଣ, ସତର୍କତାମୂଳକ ସଂରକ୍ଷଣ ଓ ଡିଜିଟାଲକରଣ କାର୍ଯ୍ୟ ମଧ୍ୟ ସମ୍ପାଦନ କରିବ। ଏଥିପାଇଁ ମୋଟ୍‌ ୫୯୭ କୋଟି ଟଙ୍କାର ବଜେଟ୍‌ ଆବଣ୍ଟନ କରାଯାଇଛି, ଯାହାକି ବିଶ୍ବର ସବୁଠୁ ବଡ଼ ଚଳଚ୍ଚିତ୍ର ସଂରକ୍ଷଣ ଅଭିଯାନ ହେବ ବୋଲି କେନ୍ଦ୍ର ମନ୍ତ୍ରୀ ସୂଚନା ଦେଇଛନ୍ତି।

ଭାରତୀୟ ଚଳଚ୍ଚିତ୍ର ଜଗତର ୧୦୦ ବର୍ଷରୁ ଅଧିକ ସମୟର ଇତିହାସ ରହିଛି ଏବଂ ବିଶ୍ବ ଚଳଚ୍ଚିତ୍ର ଦୁନିଆରେ ଏହା ଏକ ସ୍ବତନ୍ତ୍ର ସ୍ଥାନ ହାସଲ କରିଛି। ଭାରତୀୟ ଚଳଚ୍ଚିତ୍ରର ପୁନରୁଦ୍ଧାର ପ୍ରକଳ୍ପ କାର୍ଯ୍ୟକାରୀ ହେବା ଦ୍ବାରା ବହୁ ଦଶନ୍ଧି ଧରି ଦର୍ଶକମାନଙ୍କୁ ବାନ୍ଧି ରଖିଥିବା ଏସବୁ ଚଳଚ୍ଚିତ୍ରର ସମୃଦ୍ଧଶାଳୀ ଐତିହ୍ୟକୁ ଭବିଷ୍ୟତ ପିଢ଼ି ଜାଣିବା ଲାଗି ସକ୍ଷମ ହୋଇପାରିବେ।

ପ୍ରଥମ ପର୍ଯ୍ୟାୟରେ ଏନଏଫଏଆଇ ମହାନ ଚଳଚ୍ଚିତ୍ର ନିର୍ମାତା ସତ୍ୟଜିତ ରାୟଙ୍କ ୧୦ଟି ସମ୍ମାନଜନକ ଚଳଚ୍ଚିତ୍ରକୁ ପୁନରୁଦ୍ଧାର ପାଇଁ ଚୟନ କରିଛି। ଏସବୁ ଚଳଚ୍ଚିତ୍ରକୁ ବିଭିନ୍ନ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ପ୍ରଦର୍ଶିତ କରାଯିବ। ଏଥିମଧ୍ୟରୁ ‘ପ୍ରତିଧ୍ବନି’ ଚଳଚ୍ଚିତ୍ରକୁ କାନ୍ସ ଚଳଚ୍ଚିତ୍ର ମହୋତ୍ସବ ପାଇଁ ଚୟନ କରାଯାଇଛି। ଏହା କାନ୍ସ କ୍ଲାସିକ୍ସ ବର୍ଗର ୨୦୨୨ ସଂସ୍କରଣରେ ପ୍ରଦର୍ଶିତ ହେବ।

୧୯୭୮ ମସିହାରେ ମୁକ୍ତିଲାଭ କରିଥିବା ଜି. ଅରବିନ୍ଦନଙ୍କ ମାଲାୟଲମ ଚଳଚ୍ଚିତ୍ର ‘ଥାମ୍ପି’ର ପୁନରୁଦ୍ଧାର ସଂସ୍କରଣ ମଧ୍ୟ କାନ୍ସ ଠାରେ ପ୍ରଦର୍ଶିତ ହେବ। ହେରିଟେଡ ଫାଉଣ୍ଡେସନ ଏବଂ ଏନଏଫଆଇ ମଧ୍ୟରେ ହୋଇଥିବା ସଂରକ୍ଷଣ ସହଭାଗିତା ଅଧୀନରେ କାନ୍ସ ଠାରେ ଏ ଚଳଚ୍ଚିତ୍ରର ୱାର୍ଲ୍ଡ ପ୍ରିମିୟର ହେବ।

ସତ୍ୟଜିତ ରାୟଙ୍କ ଚଳଚ୍ଚିତ୍ର ବ୍ୟତୀତ ‘ନୀଲାକୁୟିଲ’ (ମାଲାୟଲମ) ଏବଂ ‘ଦୋ ଆଖେଁ ବାରା ହାତ୍’ (ହିନ୍ଦୀ) ଚଳଚ୍ଚିତ୍ରକୁ ମଧ୍ୟ ସାମିଲ କରାଯାଇଛି। ସ୍ବାଧୀନତା ପୂର୍ବବର୍ତ୍ତୀ ଚଳଚ୍ଚିତ୍ର ସମେତ ଏନଏଫଏଆଇ, ଚଳଚ୍ଚିତ୍ର ଡିଭିଜନ ଏବଂ ଅନ୍ୟାନ୍ୟ ବିରଳ ଚଳଚ୍ଚିତ୍ରକୁ ମଧ୍ୟ ପୁନରୁଦ୍ଧାର କରିବା ଲାଗି ଚୟନ କରାଯାଇଛି। ଏସବୁ ଚଳଚ୍ଚିତ୍ରରେ ଭାରତର ଅଭିବୃଦ୍ଧି ଧାରା ପ୍ରଦର୍ଶିତ ହୋଇଛି।

ପୁନରୁଦ୍ଧାର ପ୍ରକ୍ରିୟା ତିଷ୍ଠି ରହିଥିବା ଶ୍ରେଷ୍ଠ ଉତ୍ସ ବା ସୋର୍ସରୁ ଉପକରଣଗୁଡ଼ିକୁ ସଂଗ୍ରହ କରି ପ୍ରତି ଫ୍ରେମର ଡିଜିଟାଲ ଓ ସେମି-ଅଟୋମେଟେଡ୍‌ ମାନୁଆଲ ପିକ୍ଚର ଓ ସାଉଣ୍ଡକୁ ପୁନରୁଦ୍ଧାର କରିବା ଲାଗି ଏହି ପ୍ରକ୍ରିୟା ମାଧ୍ୟମରେ ପ୍ରୟାସ କରାଯାଇଥାଏ। ସୋର୍ସ ନେଗେଟିଭ/ପ୍ରିଣ୍ଟକୁ ୪ କେରୁ .ଡିପିଏକ୍ସ ଫାଇଲକୁ ସ୍କାନ୍‌ କରାଯିବ ଯାହାକୁ ଡିଜିଟାଲ ମାଧ୍ୟମରେ ପୁନରୁଦ୍ଧାର କରାଯିବ। ଏହି ପୁନରୁଦ୍ଧାର ପ୍ରକ୍ରିୟା ସମୟରେ ପିକ୍ଚର ନେଗେଟିଭ୍‌ର ପ୍ରତ୍ୟେକ ଫ୍ରେମରେ ରହିତିବା ଦାଗ, ଧୂଳି ଏବଂ ଘର୍ଷଣକୁ ସମ୍ପୂର୍ଣ୍ଣ ସଫା କରି ଦିଆଯିବ। ପିକଚର ବା ଛବି ପୁନରୁଦ୍ଧାର ପ୍ରକ୍ରିୟା ଭଳି ସାଉଣ୍ଡ ଓ ଶବ୍ଦ ପୁନରୁଦ୍ଧାର ପ୍ରକ୍ରିୟାକୁ ମଧ୍ୟ ସମାନ ପଦ୍ଧତିରେ କାର୍ଯ୍ୟକାରୀ କରାଯିବ।

ସାଉଣ୍ଡ ନେଗେଟିଭ୍‌ରେ ରହିଥିବା ପପ୍ସ, ହିସ୍‌, କ୍ରାକଲ୍ସ ଓ ଡିଷ୍ଟୋରର୍ସନ ଆଦିକୁ ଦୂର କରାଯିବ। ପୁନରୁଦ୍ଧାର ପରେ, ଡିଜିଟାଲ ପିକ୍ଚର ଫାଇଲକୁ କଲର ଗ୍ରେଡ (ଡିଆଇ ପ୍ରକ୍ରିୟା) କରାଯିବ ଏବଂ ମୂଳ ରିଲିଜ୍‌ ସମୟରେ ଯେପରି ଦେଖା ଯାଉଥିଲା ଠିକ୍‌ ସେହିପରି ପ୍ରଦର୍ଶିତ କରିବା ଭଳି ରୂପ ଚଳଚ୍ଚିତ୍ରକୁ ଦିଆଯିବ।

Categories
ଜାତୀୟ ଖବର ବିଶେଷ ଖବର ମନୋରଂଜନ ସିନେମା

କାନ୍ସ ଚଳଚ୍ଚିତ୍ର ଉତ୍ସବରେ ଅଂଶ ଗ୍ରହଣ କରିବ ଭାରତ, ଜାଣନ୍ତୁ କେଉଁ ସିନେମା ହେବ ପ୍ରଦର୍ଶିତ

ନୂଆଦିଲ୍ଲୀ: ଫ୍ରାନ୍ସରେ ଅନୁଷ୍ଠିତ ହେବାକୁ ଥିବା କାନ୍ସ ଚଳଚ୍ଚିତ୍ର ମହୋତ୍ସବ ଉପଲକ୍ଷେ ଆୟୋଜିତ ହେବାକୁ ଥିବା ମାର୍ସେ ଡୁ ଚଳଚ୍ଚିତ୍ର ମହୋତ୍ସବରେ ଭାରତ ବିଧିବଦ୍ଧ ଭାବେ ପ୍ରଥମ ସମ୍ମାନିତ ରାଷ୍ଟ୍ର ଭାବେ ଅଂଶଗ୍ରହଣ କରିବ। କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଶ୍ରୀ ଅନୁରାଗ ଠାକୁର ଆଜି ଏ ସମ୍ପର୍କରେ ସୂଚନା ଦେଇଛନ୍ତି। ଭାରତର ଅଂଶଗ୍ରହଣ ସମ୍ପର୍କରେ ବିସ୍ତୃତ ସୂଚନା ଦେଇ‍ ଶ୍ରୀ ଠାକୁର କହିଛନ୍ତି ଯେ, ମାର୍ସେ ଡୁ ଚଳଚ୍ଚିତ୍ର ମହୋତ୍ସବରେ ପ୍ରଥମ ଥର ପାଇଁ ଏକ ରାଷ୍ଟ୍ରକୁ ବିଧିବଦ୍ଧ ଭାବେ ସମ୍ମାନିତ କରାଯିବାର ପରମ୍ପରା ଆରମ୍ଭ ହୋଇଛି।

ପରବର୍ତ୍ତୀ ସଂସ୍କରଣଗୁଡ଼ିକରେ ଭିନ୍ନ ଭିନ୍ନ ରାଷ୍ଟ୍ରକୁ ସମ୍ମାନିତ ରାଷ୍ଟ୍ର ଭାବେ ସାମିଲ କରାଯିବ। ଶ୍ରୀ ଠାକୁର ଆହୁରି କହିଛନ୍ତି ଯେ, ଭାରତ ଏବଂ ଫ୍ରାନ୍ସ ମଧ୍ୟରେ ଦ୍ବିପାକ୍ଷିକ କୂଟନୈତିକ ସମ୍ପର୍କକୁ ୭୫ ବର୍ଷ ପୂରଣ ହେଉଛି। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ୟାରିସ ଗସ୍ତରେ ଯାଇ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋଁଙ୍କୁ ସାକ୍ଷାତ କରିବେ। ଏହି ପରିପ୍ରେକ୍ଷୀରେ ଭାରତକୁ ସମ୍ମାନିତ ସଦସ୍ୟ ଭାବେ ମାର୍ସେ ଡୁ ଚଳଚ୍ଚିତ୍ର ମହୋତ୍ସବରେ ସାମିଲ କରାଯିବା ଅତ୍ୟନ୍ତ ଗୁରୁତ୍ବପୂର୍ଣ୍ଣ ହୋଇପଡ଼ିଛି।

ଶ୍ରୀ ଠାକୁର କହିଛନ୍ତି ଯେ, ମାଜେଷ୍ଟିକ୍ ବିଚ୍‌ରେ ଅନୁଷ୍ଠିତ ହେବାକୁ ଥିବା ମାର୍ସେ ଡୁ ଚଳଚ୍ଚିତ୍ର ମହୋତ୍ସବର ଉଦଘାଟନୀ ସନ୍ଧ୍ୟାରେ ସମ୍ମାନିତ ସଦସ୍ୟ ଭାବେ ଭାରତ ସାମିଲ ହେବାକୁ ଯାଉଥିବାରୁ ଏହି ଅବସରରେ ଭାରତୀୟ ଚଳଚ୍ଚିତ୍ର, ସଂସ୍କୃତି ଏବଂ ଐତିହ୍ୟକୁ ପ୍ରଦର୍ଶନ କରିବା ଲାଗି ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯିବ। ଏହି ଉପଲକ୍ଷେ ଭାରତୀୟ ସାଂସ୍କୃତିକ କାର୍ଯ୍ୟକ୍ରମ, ଲୋକଗୀତ ଏବଂ ଆତସବାଜି ପ୍ରଦର୍ଶିତ ହେବ। ଭାରତ ଏବଂ ଫ୍ରାନ୍ସ ବ୍ୟଞ୍ଜନ ମଧ୍ୟ ଏହି ଅବସରରେ ପରିବେଷଣ କରାଯିବ।

କେନ୍ଦ୍ର ମନ୍ତ୍ରୀ ଆହୁରି କହିଥିଲେ ଯେ କାନ୍ସ ନେକ୍ସଟ କାର୍ଯ୍ୟକ୍ରମରେ ମଧ୍ୟ ଭାରତ ସମ୍ମାନିତ ରାଷ୍ଟ୍ର ଭାବେ ସାମିଲ ହେବ। ଏହା ଅଧୀନରେ ଅଡିଓ-ଭିଜୁଆଲ ଉଦ୍ୟୋଗର ୫ଟି ନୂଆ ଷ୍ଟାର୍ଟଅପକୁ ସୁଯୋଗ ଦିଆଯିବ। ଆନିମେସନ ଡେ ନେଟଓ୍ବାର୍କରେ ଦଶଜଣ ପେସାଦାର ଅଂଶଗ୍ରହଣ କରିବେ। ୭୫ତମ କାନ୍ସ ଚଳଚ୍ଚିତ୍ର ମହୋତ୍ସବରେ ଆର. ମାଧବନଙ୍କ ପ୍ରଯୋଜିତ ‘ରକେଟ୍ରି’ର ଓ୍ବାର୍ଲ୍ଡ ପ୍ରିମିୟର ଅନୁଷ୍ଠିତ ହେବ। ୧୯ ମେ ୨୦୨୨ରେ ଏହି ଚଳଚ୍ଚିତ୍ରକୁ ପାଲାଏସ ଡେସ୍ ମହୋତ୍ସବରେ ପ୍ରଦର୍ଶିତ କରାଯିବ।

“ଗୋଜ୍ କାନ୍ସ’’ ବର୍ଗରେ ୫ଟି ଭାରତୀୟ ଚଳଚ୍ଚିତ୍ରକୁ ସାମିଲ କରାଯାଇଛି। ଏହି ଚଳଚ୍ଚିତ୍ରଗୁଡ଼ିକ ହେଲା –ଅହମୀୟା, ମୋରନର ବାଘାଜାନ, ଯାହାର ନିର୍ଦ୍ଦେଶନା ଦେଇଛନ୍ତି ଜାଇଚେଙ୍ଗ ଜାଇ ଦୋହୁତିଆ । ସେହିପରି ହିନ୍ଦୀ ଓ ଛତିଶଗଡ଼ୀ ଭାଷାରେ ଶୈଳେନ୍ଦ୍ର ସାହୁଙ୍କ ବାଇଲାଦିଲା; ହିନ୍ଦୀରେ ଏକତାରା କଲେକ୍ଟିଭ୍ ପ୍ରସ୍ତୁତ ଏକ ଜଗାହ ଅପନୀ; ହିନ୍ଦୀ, ମରାଠୀ ଓ କନ୍ନଡ଼ ଭାଷାରେ ନିର୍ମିତ ହର୍ଷଦ ନାଲାଓ୍ବାଡ଼େଙ୍କ ଫଲୋଅର, କନ୍ନଡ଼ ଭାଷାରେ ନିର୍ମିତ ଜୟ ଶଙ୍କରଙ୍କ ଶିବାମ୍ମା।

ମୁକ୍ତିଲାଭ କରିନଥିବା ଭାରତୀୟ ଚଳଚ୍ଚିତ୍ରର ସ୍କ୍ରିନିଂ ପାଇଁ ୨୨ ମେ ୨୦୨୨ରେ ଅଲିମ୍ପିଆ ସ୍କ୍ରିନ ନାମ ଏକ ସିନେମା ହଲ ସ୍ବତନ୍ତ୍ର ଭାବେ କେବଳ ଭାରତ ପାଇଁ ବ୍ୟବସ୍ଥା କରାଯାଇଛି।ସିନେମା ଡି ଲା ପ୍ଲେଗ୍ ଠାରେ କାନ୍ସ କ୍ଲାସିକ ବର୍ଗରେ ସତ୍ୟଜିତ ରାୟଙ୍କ ଲୋକପ୍ରିୟ ଚଳଚ୍ଚିତ୍ର ‘ପ୍ରତିଦ୍ବନ୍ଦ୍ବୀ’ର ସ୍କ୍ରିନିଂ କରାଯିବ । ସତ୍ୟଜିତ ରାୟଙ୍କ ଜନ୍ମ ଶତବାର୍ଷିକୀ ଉପଲକ୍ଷେ ଏହି ଚଳଚ୍ଚିତ୍ର ପ୍ରଦର୍ଶିତ ହେବ।

ମୁଖ୍ୟ ମଞ୍ଚରେ ଭାରତ ପାଇଁ ଏକ ସ୍ବତନ୍ତ୍ର ଇଣ୍ଡିଆ ଫୋରମ୍ ନାମକ ଏକ ଘଣ୍ଟିଆ ସମ୍ମିଳନୀ ଅନୁଷ୍ଠିତ ହେବ । ଏଥିରେ ମନୋରଞ୍ଜନ ଜଗତର ନେତୃବର୍ଗ ଅଂଶଗ୍ରହଣ କରିବେ। “ଭାରତ ବିଶ୍ବର ବିଷୟବସ୍ତୁ କେନ୍ଦ୍ର (କଣ୍ଟେଣ୍ଟ ହବ୍)” ବିଷୟବସ୍ତକୁ ନେଇ ଏହି ଅବସରରେ ଆଲୋଚନା ହେବ। ଇଣ୍ଡିଆ ଫୋରମରେ ବହୁସଂଖ୍ୟାରେ ଅତିଥିମାନେ ଯୋଗ ଦେବେ। ଏହି କାର୍ଯ୍ୟକ୍ରମ ଅନଲାଇନରେ ପ୍ରସାରଣ କରାଯିବ।

ଇଣ୍ଡିଆ ପାଭିଲିୟନ ସମ୍ପର୍କରେ ସୂଚନା ଦେଇ ଶ୍ରୀ ଠାକୁର କହିଛନ୍ତି ଯେ, “ଭାରତକୁ ବିଶ୍ବର ବିଷୟବସ୍ତୁ କେନ୍ଦ୍ର”ରେ ପରିଣତ କରିବାର ମୁଖ୍ୟ ଉଦ୍ଦେଶ୍ୟ ନେଇ ଏଥିରେ ପ୍ରଚାର ପ୍ରସାର କରାଯିବ। ୧୮ ମେ, ୨୦୨୨ରେ ଏହି ପାଭିଲିଅନକୁ ଉଦଘାଟନ କରାଯିବ। ଏଥିରେ ଦେଶର ଭାଷାଗତ, ସାଂସ୍କୃତିକ ଓ କ୍ଷେତ୍ରୀୟ ବିବିଧତା ନିର୍ବିଶେଷରେ ଭାରତୀୟ ସିନେମା ପ୍ରଦର୍ଶିତ ହେବ। ଯାହାଫଳରେ ବିଶ୍ବ ସମୁଦାୟ ନିକଟରେ ଭାରତୀୟ ଚଳଚ୍ଚିତ୍ରର ବାର୍ତ୍ତା ପହଞ୍ଚି ପାରିବ। ଚଳଚ୍ଚିତ୍ର ଶୁଟିଂ, ବିତରଣ, ପ୍ରଯୋଜନା, ସ୍କ୍ରିପ୍ଟ ବିକାଶ, ପ୍ରଯୁକ୍ତି, ଚଳଚ୍ଚିତ୍ର ସେଲ୍ସ ପ୍ରୋତ୍ସାହନ ଓ ସିଣ୍ଡିକେସନ ଆଦି କ୍ଷେତ୍ରରେ ଅନ୍ତର୍ଜାତୀୟ ସହଭାଗିତା ବିକଶିତ ହୋଇପାରିବ ।

Categories
ଆଜିର ଖବର ଖେଳ ଜାତୀୟ ଖବର

ତୃଣମୂଳ ସ୍ତରରେ ହକିକୁ ବୃହତ୍ ପ୍ରୋତ୍ସାହନ: ବିଜେତାମାନଙ୍କ ପାଇଁ ୩୦ ଲକ୍ଷ ଟଙ୍କାର ପୁରସ୍କାର ରାଶି

ନୂଆଦିଲ୍ଲୀ: ଯୁବ ବ୍ୟାପାର ଏବଂ କ୍ରୀଡା କେନ୍ଦ୍ରମନ୍ତ୍ରୀ ଅନୁରାଗ ଠାକୁର ନୂଆଦିଲ୍ଲୀସ୍ଥିତ ମେଜର ଧ୍ୟାନଚାନ୍ଦ ଜାତୀୟ ଷ୍ଟାଡିୟମ୍‌ଠାରେ ଆନୁଷ୍ଠାନିକ ଭାବେ ସର୍ବପ୍ରଥମ ଜାତୀୟ ସ୍ତରୀୟ ଖେଲୋ ଇଣ୍ଡିଆ ମହିଳା ହକି ଲିଗ୍‌କୁ (୨୧ ବର୍ଷରୁ କମ୍ ବୟସ ବର୍ଗର) ବୁଧବାର ଦିନ ଉଦ୍‌ଘାଟନ କରିଛନ୍ତି। ଏହି ଅବସରରେ ଶ୍ରୀ ଠାକୁରଙ୍କ ସହିତ ଯୁବ ବ୍ୟାପାର ଏବଂ କ୍ରୀଡା ରାଷ୍ଟ୍ରମନ୍ତ୍ରୀ ନିଶୀଥ ପ୍ରାମାଣିକ ଏବଂ ଭାରତୀୟ ଅଲିମ୍ପିକ୍ ଆସୋସିଏସନ୍‌ର ଅଧ୍ୟକ୍ଷ ନରେନ୍ଦ୍ର ବାତ୍ରା ଏବଂ ଅନ୍ୟାନ୍ୟ ମାନ୍ୟଗଣ୍ୟ ଅତିଥିବୃନ୍ଦ ଯୋଗ ଦେଇଥିଲେ। ଏହି ଲିଗ୍ ନିମନ୍ତେ ବିଜେତାଙ୍କ ପାଇଁ ପୁରସ୍କାର ରାଶି ୩୦ ଲକ୍ଷ ଟଙ୍କା ରଖାଯାଇଛି ଯାହା ବାବଦକୁ ଏମ୍‌ୱାଇଏଏସ୍ ୧୫ ଲକ୍ଷ ଏବଂ ହକି ଇଣ୍ଡିଆ ୧୫ ଲକ୍ଷ ଟଙ୍କା ଲେଖାଏଁ ପ୍ରଦାନ କରିବେ।

ସମୁଦାୟ ୧୪ଟି ଦଳଙ୍କୁ ନେଇ ୧୫ରୁ ୨୧ ଡିସେମ୍ବର ପର୍ଯ୍ୟନ୍ତ ଚାଲିବାକୁ ଥିବା ଏହି ଟୁର୍ଣ୍ଣାମେଂଟର ପ୍ରଥମ ପର୍ଯ୍ୟାୟରେ ପ୍ରତ୍ୟେକ ଦଳ ପରସ୍ପର ସହିତ ପ୍ରତିଦ୍ୱନ୍ଦ୍ୱିତା କରିବେ। ପ୍ରଥମ ପର୍ଯ୍ୟାୟରେ ୪୨ଟି ମ୍ୟାଚ୍ ଖେଳାଯିବ, ଯେତେବେଳେ କି ଦ୍ୱିତୀୟ ଏବଂ ତୃତୀୟ ମ୍ୟାଚ୍ ଆସନ୍ତା ବର୍ଷ ପ୍ରାରମ୍ଭିକ ଭାଗରେ ଖେଳାଯିବ।

ଭାରତୀୟ ଖେଳ ପ୍ରାଧିକରଣ ଏବଂ ହକି ଇଣ୍ଡିଆ ଯୁଗ୍ମ ଭାବେ ପ୍ରଥମ ଥର ପାଇଁ ଖେଲୋ ଇଣ୍ଡିଆ ଲିଗ୍ ଆୟୋଜନ କରିଥିବାରୁ ଶ୍ରୀ ଠାକୁର ସେମାନଙ୍କୁ ଅଭିନନ୍ଦନ ଜଣାଇବା ସହିତ ଏହି ଲିଗ୍ ଗୁଡିକର ମହତ୍ୱ ସମ୍ପର୍କରେ କହିଥିଲେ, “ଆମର ସମସ୍ତ କ୍ରୀଡ଼ାବିତ୍ ବର୍ଷସାରା ବହୁତ କଠିନ ପ୍ରଶିକ୍ଷଣ ନେଇଥାନ୍ତି, କିନ୍ତୁ ଯଦି ସେମାନଙ୍କୁ ବଡ ବଡ ପ୍ରତିଯୋଗିତା ନିମନ୍ତେ ନିଜକୁ ପ୍ରସ୍ତୁତ କରିବାର ଅଛି, ତା’ହେଲେ ଖେଳାଳିମାନଙ୍କ ପାଇଁ ପର୍ଯ୍ୟାପ୍ତ ସଂଖ୍ୟକ ପ୍ରତିଯୋଗିତାର ଅଭିଜ୍ଞତା ଲାଭ କରିବା ଯଥେଷ୍ଟ ମହତ୍ୱପୂର୍ଣ୍ଣ ଅଟେ। ତେଣୁ, ଏ ପ୍ରକାରର ଲିଗ୍‌ରେ ଖେଳିବା, ଯାହା ଖେଳାଳିଙ୍କୁ ବର୍ଷସାରା ପ୍ରତିଯୋଗିତା ପ୍ରତି ଉନ୍ମୁଖ କରାଇ ଥାଏ, ତାହା ଯଥେଷ୍ଟ ଗୁରୁତ୍ୱପୂର୍ଣ୍ଣ।’ ଶ୍ରୀ ଠାକୁର ଆହୁରି କହିଥିଲେ ଯେ ଆଗକୁ ଅନ୍ୟାନ୍ୟ ଖେଳଗୁଡ଼ିକ ନିମନ୍ତେ ମଧ୍ୟ ଏହିଭଳି ଲିଗ୍ ମ୍ୟାଚ୍‌ମାନ ଆୟୋଜନ କରାଯିବ। ସେ ଏହା ମଧ୍ୟ ଉଲ୍ଲେଖ କରିଥିଲେ ଯେ ୨୦୧୫ ପରେ ଧ୍ୟାନଚାନ୍ଦ ଷ୍ଟାଡିୟମ୍‌ରେ ଆୟୋଜିତ ହୋଇଥିବା ଏହି କାର୍ଯ୍ୟକ୍ରମ ହେଉଛି ପ୍ରଥମ ବୃହତ୍ କାର୍ଯ୍ୟକ୍ରମ ଏବଂ ଏହି ପ୍ରତିଷ୍ଠିତ ସ୍ଥାନକୁ ସେ ଖେଳାଳି ମାନଙ୍କର ସ୍ୱାଗତ କରିଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣକୁ ପୁନଃ ଉପସ୍ଥାପନ କରି, ଶ୍ରୀ ପ୍ରାମାଣିକ କହିଥିଲେ ଯେ, “ଶ୍ରୀ ମୋଦୀଙ୍କ ଦୃଷ୍ଟିକୋଣର ନେତୃତ୍ୱରେ ଆମେ ଏହି ଲିଗ୍ ମାଧ୍ୟମରେ ଚିୟର ୪ ଇଣ୍ଡିଆର ଅଭିଯାନକୁ ଆଗକୁ ବଢ଼ାଉଛେ। ମୁଁ ବିଶ୍ୱାସ କରେ ଯେ ଏମିତି ଅନେକ ଯୁବ ଖେଳାଳି ଅଛନ୍ତି, ଯେଉଁମାନେ ଖେଳ ପଡିଆରେ ନିଜ ଦେଶର ପତାକାର ଟେକ ରଖିବାକୁ ସୁନିଶ୍ଚିତ କରିଥାନ୍ତି।’

ଭାରତୀୟ ଅଲିମ୍ପିକ୍ ଆସୋସିଏସନ୍‌ର ଅଧ୍ୟକ୍ଷ ଶ୍ରୀ ବାତ୍ରା କହିଥିଲେ ଯେ ହକିକୁ ଭାରତର କୋଣ ଅନୁକୋଣରେ ପହଂଚାଇବା ବାବଦରେ ଏହି ଲିଗ୍ ଚମତ୍କାର କାର୍ଯ୍ୟ କରିବ। “ମୋର ବିଶ୍ୱାସ ଯେ ଏହା ଏକ ବଡ ପଦକ୍ଷେପ ଅଟେ। ଗତ ୫- ୬ ବର୍ଷ ମଧ୍ୟରେ ସାଇ ଏବଂ ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟର ଏଥିପ୍ରତି ଯଥେଷ୍ଟ ଅଧିକ ସମର୍ଥନ ରହିଛି ଏବଂ ଏହି ସକାରାତ୍ମକ ଆଭିମୁଖ୍ୟ ଚଳିତ ବର୍ଷ ଅଲିମ୍ପିକ୍‌ରେ ଏକ ଉତମ ଫଳାଫଳ ଲାଭ କରାଇବାରେ ସହାୟକ ହୋଇଥିଲା ବୋଲି ଶ୍ରୀ ବାତ୍ରା କହିଥିଲେ।

ଲିଗ୍‌ର ଶୁଭାରମ୍ଭ ହେବା ପୂର୍ବରୁ ଯୁବ ଖେଳାଳିମାନଙ୍କ ସହିତ ଅନୁରାଗ ଠାକୁର ଏବଂ ଅନ୍ୟ ମାନ୍ୟଗଣ୍ୟ ବ୍ୟକ୍ତିମାନେ ଭାବ ବିନିମୟ କରିଥିଲେ।

Categories
ଆଜିର ଖବର ଜାତୀୟ ଖବର

ପ୍ରୟାଗରାଜରୁ ରାଷ୍ଟ୍ରବ୍ୟାପୀ ମାସିକିଆ ସ୍ୱଚ୍ଛ ଭାରତ ଅଭିଯାନର ଶୁଭାରମ୍ଭ କରିବେ ମନ୍ତ୍ରୀ ଅନୁରାଗ ଠାକୁର

ନୂଆଦିଲ୍ଲୀ: ଭାରତ ସରକାରଙ୍କ ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରଣାଳୟ ଅଧୀନ ଯୁବ ବ୍ୟାପାର ବିଭାଗ ପକ୍ଷରୁ ଆଜାଦୀ କା ଅମୃତ ମହୋତ୍ସବ ପାଳନ କରାଯାଉଛି। ଏହି ପରିପ୍ରେକ୍ଷୀରେ ଏକ ରାଷ୍ଟ୍ରବ୍ୟାପୀ ସ୍ୱଚ୍ଛ ଭାରତ କାର୍ଯ୍ୟକ୍ରମ ଆୟୋଜନ କରାଯିବ। ଏହା ଅକ୍ଟୋବର ପହିଲା ୨୦୨୧ ଠାରୁ ଆରମ୍ଭ ହୋଇ ୩୧ ଅକ୍ଟୋବର ୨୦୨୧ ପର‌୍ୟ୍ୟନ୍ତ ଚାଲିବ।

ଏହି କାର୍ଯ୍ୟକ୍ରମ ଦେଶର ୭୪୪ ଟି ଜିଲ୍ଲାର ୬ ଲକ୍ଷ ଗ୍ରାମରେ ଆୟୋଜନ କରାଯିବ। ନେହରୁ ଯୁବା କେନ୍ଦ୍ର ସଂଗଠନ (ଏନୱାଇକେଏସ) ଅନୁମୋଦିତ ଯୁବ କ୍ଲବ ଏବଂ ଜାତୀୟ ସେବା ଯୋଜନା ଅନୁମୋଦନ ପ୍ରାପ୍ତ ସଂସ୍ଥାନ ଗୁଡ଼ିକ ମାଧ୍ୟମରେ ଏହାକୁ କାର‌୍ୟ୍ୟକାରୀ କରାଯିବ।

ଆଜି ନୂଆଦିଲ୍ଲୀ ଠାରେ ଗଣମାଧ୍ୟମକୁ ଏ ସମ୍ପର୍କରେ ସୂଚନା ଦେଇ ଯୁବ ବ୍ୟାପାର ବିଭାଗ ସଚିବ ଶ୍ରୀମତୀ ଉଷା ଶର୍ମା କହିଛନ୍ତି ଯେ, ଏହି ସ୍ୱଚ୍ଛତା ଅଭିଯାନ ଉତ୍ତର ପ୍ରଦେଶର ପ୍ରୟାଗରାଜରୁ ଆରମ୍ଭ ହେବ। କେନ୍ଦ୍ର ଯୁବବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଶ୍ରୀ ଅନୁରାଗ ଠାକୁର ଏହାକୁ ଶୁଭାରମ୍ଭ କରିବେ। ବର୍ଜ୍ୟ ସଫା କରିବା, ବିଶେଷ କରି ସିଙ୍ଗଲ ୟୁଜ୍ ପ୍ଲାଷ୍ଟିକ ଆବର୍ଜନା ସଫା କରିବା ସମ୍ପର୍କରେ ଦେଶବ୍ୟାପୀ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବା, ସେମାନଙ୍କୁ ଏକତ୍ରିତ ଏବଂ ସହଭାଗୀ କରିବା ଏହି ଅଭିଯାନର ଉଦ୍ଦେଶ୍ୟ। ସେ ଆହୁରି କହିଥିଲେ ଯେ ଏହି ବିଶାଳ ଅଭିଯାନରେ ଜନସାଧାରଣଙ୍କ ସ୍ୱେଚ୍ଛାକୃତ ଅଂଶଗ୍ରହଣ ମାଧ୍ୟମରେ ୭୫ ଲକ୍ଷ କିଗ୍ରା ବର୍ଜ୍ୟ, ମୁଖ୍ୟତଃ ପ୍ଲାଷ୍ଟିକ ବର୍ଜ୍ୟ ସଂଗ୍ରହ ଏବଂ ପ୍ରକ୍ରିୟାକରଣ କରାଯିବା ଲାଗି ଲକ୍ଷ୍ୟ ରଖାଯାଇଛି।

ପୂର୍ବରୁ ଶ୍ରୀ ଅନୁରାଗ ଠାକୁର ଏକ ଘୋଷଣା କରିଥିଲେ ଯେ, ଭାରତ ସ୍ୱାଧୀନତାର ୭୫ତମ ବର୍ଷ ପୂର୍ତି ପାଳନ କରୁଥିବାରୁ ଆମେ ଦେଶକୁ ପ୍ଲାଷ୍ଟିକ ବର୍ଜ୍ୟରୁ ମୁକ୍ତ କରିବା ଲାଗି ସଂକଳ୍ପ ନେବାର ଆବଶ୍ୟକତା ରହିଛି। ଏହି କାର‌୍ୟ୍ୟକ୍ରମ ବ୍ୟାପକତା ଏବଂ ପ୍ରସାର ଦୃଷ୍ଟିରୁ ସ୍ୱତନ୍ତ୍ର। ଏହାକୁ ଜନ ଭାଗିଦାରୀରୁ ଜନ ଆନ୍ଦୋଳନ ମଡେଲ ଭାବେ ଗ୍ରହଣ କରାଯାଇଛି। କାର‌୍ୟ୍ୟକ୍ରମର ସଫଳତା ପାଇଁ ପ୍ରତ୍ୟେକ ନାଗରିକମାନଙ୍କର ଭୂମିକା ଏବଂ ଯୋଗଦାନକୁ ଗ୍ରହଣ କରାଯିବ। ଏହି ସ୍ୱଚ୍ଛ ଭାରତ କାର‌୍ୟ୍ୟକ୍ରମରେ ଧାର୍ମିକ ସଂଗଠନ, ଶିକ୍ଷକସମାଜ, କର୍ପୋରେଟ ସଂସ୍ଥା, ଟିଭି ଓ ଚଳଚ୍ଚିତ୍ର ଅଭିନେତା, ମହିଳା ଗୋଷ୍ଠୀ ଏବଂ ଅନ୍ୟମାନଙ୍କୁ ସାମିଲ କରିବା ଲାଗି ଲକ୍ଷ୍ୟ ରଖାଯାଇଛି। ଐତିହାସିକ/ପ୍ରସିଦ୍ଧ ସ୍ଥାନ, ପର‌୍ୟ୍ୟଟନ ସ୍ଥଳୀ, ବସଷ୍ଟାଣ୍ଡ, ରେଳ ଷ୍ଟେସନ, ଜାତୀୟ ରାଜପଥ, ଶିକ୍ଷାନୁଷ୍ଠାନ ଭଳି ଭିଡ଼ ଅଞ୍ଚଳରେ ଏହି ଅଭିଯାନ କାର‌୍ୟ୍ୟକାରୀ କରାଯିବ।