Categories
ବିଶେଷ ଖବର ରାଜ୍ୟ ଖବର

ଗଂଜାମ ଜିଲ୍ଲାରେ ବିଜେପି ସ୍ଥିତି ସଂଗିନ୍‌..! ଭେଣ୍ଟିଲେଟର ଅନୁସନ୍ଧାନରେ ଅକ୍ସିଜେନ୍‌କୁ ଅଣଦେଖା

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗଂଜାମ ଜିଲ୍ଲାରେ ବିଜେପି ନେତାଙ୍କ ପଦ ପଦବୀ ମୋହ କ୍ଷମତା ଲଢ଼େଇ ଆଗରେ ନିଜ ଦଳର ସମ୍ମାନ କେବଳ ଯାଇନି ବରଂ ମର୍ଯ୍ୟାଦାର ସୁରକ୍ଷା ପ୍ରତି ମଧ୍ୟ ପ୍ରଶ୍ନ ଉଠୁଛି। ଗଂଜାମ ବିଶେଷ କରି ବ୍ରହ୍ମପୁରରେ ତ୍ରିକୋଣୀୟ ନେତାଙ୍କ ନିଜ ସ୍ୱାର୍ଥକୁ ସୁରକ୍ଷା ଦେଇ ଆସୁଥିବା ଚରିତ୍ରମାନେ ଦଳୀୟ ବିଚାର ଏବଂ ଦଳୀୟ କର୍ମୀଙ୍କୁ ଅଣଦେଖା ମହଙ୍ଗା ପଡ଼ୁଛି ବୋଲି ଚର୍ଚ୍ଚା।

ଆଗାମୀ ଦିନରେ ମେୟର ନିର୍ବାଚନ ମହାନଗର ପାଇଁ ଆଗକୁ ଆସୁଥିବାବେଳେ ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ର ବିଜେପି ଜିଲ୍ଲା ସଭାପତି ବିଭୂତି ଜେନା ଏବଂ ପୂର୍ବତନ ବିଜେପି ସଭାପତି ତଥା ବ୍ରହ୍ମପୁର ବିଧାୟକ ପ୍ରାର୍ଥୀ କାହ୍ନୁଚରଣ ପତି ନିଜ ନିଜର ଗୋଟିଏ ଗୋଟିଏ ଆଖଡ଼ାରେ ସମରସଜ୍ଜା ପ୍ରସ୍ତୁତି ବିଜେପି ରଣକୌଶଳକୁ ଦୁର୍ବଳ କରିଚାଲିଛି। ଯାହାକି ଏମାନଙ୍କ ସ୍ୱାର୍ଥ ପାଇଁ ଦଳୀୟ ବିଧିବ୍ୟବସ୍ଥା ଦିଶାହୀନ ବୋଲି ଚର୍ଚ୍ଚା।

ଏଠି ଭାଗଭାଗ ହୋଇ ବିଜେପି ସଂଗଠନ ଦୁର୍ବଳ ହେବା ସମୟରେ ରାଜ୍ୟରେ ମଧ୍ୟ କେତେଭାଗ ଯାହାର ଗଣିତ ସମସ୍ତଙ୍କୁ ଜଣା। ଏଣୁ ବ୍ରହ୍ମପୁର ସଂସଦୀୟ କ୍ଷେତ୍ରରୁ ନେଇ ଆସିକା ସଂସଦୀୟ କ୍ଷେତ୍ରରେ ନିଜ ନିଜର ପଦପଦବୀକୁ ସୁରକ୍ଷିତ କରିବାର ଚରିତ୍ରଙ୍କ ପାଇଁ ହିଁ ଦଳର ସ୍ଥିତି ବିପନ୍ନ।

ବ୍ରହ୍ମପୁର ଭୃଗୁ ବକ୍ସିପାତ୍ରଙ୍କୁ ସାଂସଦ ପ୍ରାର୍ଥୀ କରିବା ଦିନଠାରୁ ବିଜେପିର ସ୍ଥିତି ସଂଗୀନ ସଂକଟର ସମ୍ମୁଖୀନ ହୋଇଛି। ଏମାନେ ହିଁ ବିଜେଡ଼ିକୁ ମଜବୁତ କରିବା ବେଳେ ବିଜେପିର ସ୍ଥିତି ଦିନକୁ ଦିନ ତଳମୁହାଁ। ଆସିକା ନିର୍ବାଚନ ମଣ୍ଡଳୀ ସଂସଦୀୟ କ୍ଷେତ୍ର ନକହିବା ଭଲ। ଅନୀତା ଶୁଭଦର୍ଶିନୀ ପିତା ପୂର୍ବତନ ଅର୍ଥମନ୍ତ୍ରୀ ଗଂଜାମ ଟାଇଗର ରାମକୃଷ୍ଣ ପଟ୍ଟନାୟକ, ମା’ ସାଂସଦ କୁମୁଦିନୀ ପଟ୍ଟନାୟକଙ୍କ ନାମରେ ପରିଚୟ। ତାଙ୍କର ନିଜସ୍ୱ ପରିଚୟ ତଥା ସାଙ୍ଗଠନିକ ଦକ୍ଷତା ନାହିଁ। ଏଣୁ ଲୋକପ୍ରିୟତାର ଅମଳ କରିବା ଆଦୌ ସହଜ ହୋଇପାରିନାହିଁ।

ଆସିକା ସଂସଦୀୟ କ୍ଷେତ୍ରରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ନିଜର ପାରଦର୍ଶିତାର ପ୍ରମାଣ ଦେଇ ଚାଲିଗଲେ କିନ୍ତୁ ଅନୀତା ଶୁଭଦର୍ଶିନୀଙ୍କ ସ୍ଥିତି ତାହାଠାରୁ କୌଣସି ଗୁଣରେ ଅଧିକ ବୋଲି କୁହାଯିବ ନାହିଁ। ତାଙ୍କ ପଛରେ ନା’ ଦଳର କର୍ମୀ ଅଛନ୍ତି ନା ସଂଗଠନର ନେତୃବର୍ଗ। ଏଣୁ ଏଇ ଦୁଇ ସଂସଦୀୟ କ୍ଷେତ୍ରର ସ୍ଥିତି ଭିତରେ ଆଉଟୁ ପାଉଟୁ ହୋଇ ଦଳର କର୍ମୀମାନେ ଷଢ଼ୁଥିବାବେଳେ ଏଠାକାର ସାଙ୍ଗଠନିକ ଦକ୍ଷତାର କେନ୍ଦ୍ର ବୋଲି ଧରିନେଉଥିବା ଗଂଜାମ ବ୍ରହ୍ମପୁର ଘୁମୁସର ଦୁଇଟି ମଣ୍ଡଳ ପୁରାପୁରି ଦୁର୍ବଳ ମୁହାଁର ଏକମାତ୍ର କାରଣ।

ନୂଆ ବିଚାରଧାରା ନୂଆ ନେତୃତ୍ୱକୁ ସୁଯୋଗ ଦେବାର ଅଭାବ ଚିତ୍ର। ଆଜି ବିଜେପି ଦଳ ଗଂଜାମ ଜିଲ୍ଲାରେ ଭେଣ୍ଟିଲେଟରରେ ରହିଥିବାବେଳେ ଅକ୍ସିଜେନ ଯୋଗାଇଲା ପରି କାମ ଦେବା ପାଇଁ ଦୁଇ ତିନୋଟି ମୁହଁର ଆବଶ୍ୟକତାକୁ ବର୍ତ୍ତମାନ ସୁଦ୍ଧା ରାଜ୍ୟ ବିଜେପି ଉପଲବ୍ଧ ନକରିବା ମଧ୍ୟ ବିଡ଼ମ୍ବନା। ଯେଉଁମାନଙ୍କ ହାତରେ ଆଦୌ ଖଡ଼ା ସିଝୁନି ସେମାନେ ଦଳର ପଦପଦବୀ ମାଡ଼ି ବସିଛନ୍ତି। ରାମ କୁମାର ପାତ୍ରଙ୍କୁ ବିଜେପି ଜିଲ୍ଲାରେ ଦକ୍ଷ, ସଂଗଠନ ବୋଲି ଗ୍ରହଣ ନ କରି ତାଙ୍କର ଅନୁଭବ ଏବଂ ପାରଦର୍ଶିତାକୁ ଗୌଣ କରିବା ସବୁଠାରୁ ବଡ଼ ଭୁଲ।

ବିଭୂତି ଜେନାଙ୍କ ବିକଳ୍ପ ଭାବରେ ରାମ ପାତ୍ରଙ୍କୁ ବହୁ ଆଗରୁ ସଂଗଠନ ଗୋଟିଏ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଥିଲେ ଗଂଜାମରେ ସ୍ଥିତି ଭଲ ରହିଥାନ୍ତା। ଅପରପକ୍ଷେ ଡା. ସୁବାଷ ଚନ୍ଦ୍ର ସାହୁଙ୍କ ପରି ଜଣେ ଉଦ୍ୟମୀ ଉତ୍ସାହୀ, ଦକ୍ଷ ବ୍ୟକ୍ତିତ୍ୱକୁ ବିଜେପିର ଡର କାହିଁକି ? ଭୃଗୁ ବକ୍ସିପାତ୍ରଙ୍କ ବିକଳ୍ପ ଭାବରେ ଡ଼ାକ୍ତର ସୁବାଷ ଚନ୍ଦ୍ର ସାହୁଙ୍କୁ ହିଁ ଗ୍ରହଣ କରିବା ଗ୍ରହଣୀୟ ବୋଲି ସାଧାରଣ ଜନତା ଚିନ୍ତା କରୁଛନ୍ତି। କାହ୍ନୁ ପତି ଏବଂ ବିଜୟ ସ୍ୱାଇଁଙ୍କ ପାଇଁ ବିଜେପିର ଅଧିକ କ୍ଷତି ହୋଇସାରିଛି। ଯେଉଁ କ୍ଷତି ପୂରଣ ପାଇଁ ସୁବାସ ସାହୁ ସମର୍ଥ ହେବେ।

ଅନ୍ୟପଟରେ ଅପରାଜିତା ଷଡ଼ଙ୍ଗୀଙ୍କ ଶୁଭଦୃଷ୍ଟିରେ ରହିଥିବା ଗଂଜାମ ଜିଲ୍ଲାର ଜଣେ ଯୁବ ପ୍ରତିଭା କବି, ସାହିତ୍ୟିକ, ଲେଖକ ତଥା ଆୟୁର୍ବେଦ ଡ଼ା. ସାଗର ରଂଜନ ତ୍ରିପାଠୀଙ୍କୁ ନେଇ ଭୁବନେଶ୍ୱରରେ ଅଧିକ ଚର୍ଚ୍ଚା। ସେ ଯଦିଚ ଦଳର ସକ୍ରିୟ କାର୍ଯ୍ୟଧାରାରୁ ବହୁ ଦୂରରେ ତଥାପି ତାଙ୍କର ବ୍ୟକ୍ତିତ୍ୱ ଆଗାମୀ ଦିନରେ ନିଶ୍ଚୟ ଏକ ସମ୍ଭାବନାକୁ ତିଆରି କରିବାର ପ୍ରସ୍ତୁତି ଚାଲିଛି।

ସମର୍ଥ ପରିବାର ଉଦ୍‌ଘାଟନ ଦିବସରେ ଡା. ସାଗର ରଂଜନ ତ୍ରିପାଠୀଙ୍କ ଅଭିଭାଷଣରୁ ଗଂଜାମ ଜିଲ୍ଲାର ସ୍ଥିତି ସଂପର୍କରେ ଯେଉଁ ଅଭିଭାଷଣ ରଖିଥିଲେ ଅପରାଜିତା ଷଡ଼ଙ୍ଗୀଙ୍କ ଶିବିରରେ ସେ ଲୋକପ୍ରିୟତାର ସବୁଠାରୁ ଶୀର୍ଷରେ। ଏଣୁ ଗଂଜାମ ଜିଲ୍ଲାରେ ବିଜେପିର ନୂତନ ସଂସ୍କରଣରେ ତିନିମୁହଁକୁ ଯୋଡ଼ି ଦେଇ ବାଛବିଚାର ବ୍ୟବଧାନଠାରୁ ଉର୍ଦ୍ଧ୍ୱରେ ରହି ଯଦି ଗଂଜାମ ଜିଲ୍ଲାରେ ସାଙ୍ଗଠନିକ ବ୍ୟବସ୍ଥାକୁ ଯୋଡ଼ିବାକୁ ପ୍ରୟାସ ହୁଏ ନିଶ୍ଚୟ ଭିନ୍ନ ସ୍ୱାଦର ଖେଳ ହେବ।

ଆଜି ବ୍ରହ୍ମପୁରରେ ନୂଆ ଚେହେରାକୁ ଆଣିବା ପାଇଁ ବିଜେପି ଦଳର ସ୍ଥାନୀୟ କର୍ମୀ ଓ ସଂଗଠନର କାରିଗରମାନେ ହିଚ୍‌କିଚ୍ ହେବା ବଦଳରେ ପରସ୍ପର ମଧ୍ୟରେ ବୁଝାମଣା କରି ମିଳିମିଶି ଯଦି ସଜାଡ଼ି ନେବେ ତେବେ ଆଗାମୀ ଦିନରେ ବିଜେପିରେ ବହୁ ସମ୍ଭାବନା ସୃଷ୍ଟି ହେବ। ଅପରାଜିତା ଷଡ଼ଙ୍ଗୀଙ୍କୁ ଆଣିବା ପାଇଁ ଖୁବ୍‌ଶୀଘ୍ର କିଛି ଦଳୀୟ କର୍ମୀ ଯୋଜନା ପ୍ରସ୍ତୁତି ଆରମ୍ଭ କରିଛନ୍ତି। ତାଙ୍କର ଆଗମନ ଯେ ନିଶ୍ଚିତ। ସାଙ୍ଗଠନିକ ଦାୟିତ୍ୱଠାରୁ ଉର୍ଦ୍ଧ୍ୱରେ ରହି ସେ ଯେଉଁ ରାଜନୀତିର ପରିଭାଷାକୁ ବଦଳାଇ କାର୍ଯ୍ୟ କରୁଛନ୍ତି ଆଗାମୀ ଦିନରେ ଅପରାଜିତା ଷଡ଼ଙ୍ଗୀ ଧର୍ମେନ୍ଦ୍ର ପ୍ରଧାନଙ୍କଠାରୁ ଆଗକୁ ଯେ ନଯାଇ ପାରିବେ କିଏ କହିବ।

ଏଣୁ ଜିଲ୍ଲାସ୍ତରରେ ଗଂଜାମର ସଂଗଠନ ଦାୟିତ୍ୱ ବୁଝୁଥିବା ଚରିତ୍ରମାନେ ପରସ୍ପର ମଧ୍ୟରେ ଭେଦଭାବ ଭୁଲି, ପରାମର୍ଶ ନେଇ, ସଂକୀର୍ଣ୍ଣ ମାନସିକତାରୁ ଉର୍ଦ୍ଧ୍ୱରେ ରହି ପଦ୍ମର ପାଖୁଡ଼ାକୁ ମଉଳିବାକୁ ନଦେଇ ବରଂ ପଦ୍ମ ଫୁଟାଇବା ପ୍ରୟାସ କରିଲେ ଜିଲ୍ଲା ବିଜେପି ବିଧି ବ୍ୟବସ୍ଥାରେ କିଛିଟା ଆଶା ସଂଚାର ହେବ ନୋହିଲେ ବିଜେପିର ସ୍ଥିତି ଗଂଜାମ ପାଇଁ ଅଧିକରୁ ଅଧିକ ବିପନ୍ନ ହେବ ବୋଲି ରାଜନୈତିକ ସମୀକ୍ଷକମାନେ ଚର୍ଚ୍ଚା କରୁଛନ୍ତି।

Categories
ଆଜିର ଖବର ଆଞ୍ଚଳିକ

ସାଂସଦ ଅପରାଜିତା ଷଡଙ୍ଗୀଙ୍କ ଚିଲିକା ଗସ୍ତ: ଦୁଇ ବ୍ଲକରେ ଅଧିକାରୀଙ୍କ ଅନୁପସ୍ଥିତିକୁ ନେଇ କଲେ କ୍ଷୋଭ ପ୍ରକାଶ

ସୀତାରାମ ଅଗ୍ରୱାଲ

ଚିଲିକା: ଆଜି ଭୁବନେଶ୍ୱର ସାଂସଦ ତଥା ଦିଶା କମିଟି ଅଧ୍ୟକ୍ଷା ଅପରାଜିତା ଷଡ଼ଙ୍ଗୀ ଚିଲିକା ନିର୍ବାଚନମଣ୍ଡଳୀରେ ଦିନିକିଆ ଗସ୍ତରେ ଆସିଥିଲେ। ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନଙ୍କ ଅନୁରୋଧ କ୍ରମେ ସେ ଏହି ଗସ୍ତ କରି ବିଭିନ୍ନ କାର୍ଯ୍ୟକ୍ରମରେ ଯୋଗଦେଇଥିଲେ।

ଏହି ଗସ୍ତରେ ଶ୍ରୀମତୀ ଷଡ଼ଙ୍ଗୀ ଉଭୟ ଚିଲିକା ଏବଂ ବାଣପୁର ବ୍ଲକ କାର୍ଯ୍ୟାଳୟକୁ ଯାଇଥିଲେ। ସେଠାରେ କେନ୍ଦ୍ର ସରକାରଙ୍କ ଦ୍ୱାରା ଲାଗୁ ହୋଇଥିବା ବିଭିନ୍ନ ଜନମଙ୍ଗଳ କାରି ଯୋଜନାର ରୂପାୟନ ଉପରେ ସମୀକ୍ଷା କରିଥିଲେ। ହେଲେ ଉଭୟ ବ୍ଲକରେ ବି.ଡି.ଓ ତଥା ବିଭାଗୀୟ ଅଧିକାରୀ ଅନୁପସ୍ଥିତି ରହିଥିବାରୁ ଏକ ପ୍ରେସ ମିଟ ଜରିଆରେ ସାଂସଦ କ୍ଷୋଭ ପ୍ରକାଶ କରିଥିଲେ।

ଜନଶୁଣାଣୀ କାର୍ଯ୍ୟକ୍ରମ ଦ୍ୱାରା ଜନସାଧାରଣଙ୍କ ରାସନ କାର୍ଡ, ଗୃହ ନିର୍ମାଣ ଯୋଜନା ଓ ବାର୍ଦ୍ଧକ୍ୟ ଭତ୍ତା ଆଦି ପାଇବାରେ ଚିଲିକା ନିର୍ବାଚନ ମଣ୍ଡଳୀରେ ଘୋର ବିଭ୍ରାଟ ହୋଇଛି ବୋଲି ଜାଣିବାକୁ ପାଇଥିଲେ ସାଂସଦ। ଏଥିପାଇଁ ସେ ସିଧାସଳଖ ସ୍ଥାନୀୟ ପ୍ରଶାସନ ଓ ସରକାର ନଶ୍ଚିତ ଭାବେ ଦାୟୀ ବୋଲି ପ୍ରେସ ମିଟରେ ପରିପ୍ରକାଶ କରିଥିଲେ।

ପରବର୍ତ୍ତୀ ସମୟରେ ସାଂସଦ ଶ୍ରୀମତୀ ଷଡ଼ଙ୍ଗୀ ବାଣପୁର ପଲଟନ ପଡ଼ିଆଠାରେ ଖୋର୍ଦ୍ଧା ଜିଲ୍ଲା ଗଢା ଶ୍ରମିକ ସଂଗଠନର ବାର୍ଷିକ ଅଧିବେସନରେ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ଉକ୍ତ କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲାର ହଜାର ହଜାର ସଂଖ୍ୟାରେ ପୁରୁଷ ଏବଂ ମହିଳା ଶ୍ରମିକମାନେ ଉପସ୍ଥିତ ଥିଲେ।

ସାଂସଦ ବାଣପୁର ସ୍ଥିତ ମା’ ଭଗବତୀ ମନ୍ଦିର ଦର୍ଶନ କରିଥିଲେ। ଏବଂ ପରିଶେଷରେ ପୂର୍ବତନ ଖୋର୍ଦ୍ଧା ଜିଲ୍ଲା ବିଜେପି ଯୁବମୋର୍ଚ୍ଚା ସଭାପତି ସ୍ବର୍ଗତ ସତ୍ୟନାରାୟଣ ସେନାପତିଙ୍କ ବାଲୁଗାଁ ବାସଭବନକୁ ଯାଇ ପରିବାର ସଦସ୍ୟଙ୍କୁ ଭେଟିଥିଲେ।

ଉକ୍ତ ଗସ୍ତରେ ସାଂସଦଙ୍କ ସହ ଖୋର୍ଦ୍ଧା ଜିଲ୍ଲା ବିଜେପି ସଭାପତି ରଶ୍ମିରଞ୍ଜନ ମହାପାତ୍ର ଏବଂ ଅନ୍ୟାନ୍ୟ ବିଜେପି କର୍ମୀମାନେ ଉପସ୍ଥିତ ଥିଲେ।

ସାଂସଦଙ୍କ ଗସ୍ତ ସମୟରେ ଜିଲ୍ଲା ଏବଂ ସ୍ଥାନୀୟ ପୋଲିସ ପ୍ରଶାସନ ଦ୍ୱାରା କଡ଼ା ସୁରକ୍ଷା ବ୍ୟବସ୍ଥା ଅବଲମ୍ବନ କରାଯାଇଥିଲା।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ସାଂସଦ ଅପରାଜିତା ଷଡଙ୍ଗୀଙ୍କ ସାମ୍ବାଦିକ ସମ୍ମିଳନୀ: ବାଇ ଲ’ ପ୍ରସଙ୍ଗରେ ରଖିଲେ ଏଭଳି ପ୍ରତିକ୍ରିୟା

ଭୁବନେଶ୍ୱର: ଭୁବନେଶ୍ବର ଫେରିବା ପରେ ସାଂସଦ ଅପରାଜିତା ଷଡଙ୍ଗୀ ବାଇ ଲ’ ପ୍ରସଙ୍ଗରେ ନିଜର ମତାମତ ରଖିଛନ୍ତି। ସାମ୍ବାଦିକ ସମ୍ମିଳନୀରେ ଏହି ପ୍ରସଙ୍ଗ ଉପରେ ପ୍ରତିକ୍ରିୟା ରଖି ସାଂସଦ କହିଛନ୍ତି ଯେ, ମୁଁ ମନ୍ତ୍ରାଳୟ ସହ ବାଇ ଲ’ ପ୍ରସଙ୍ଗରେ ବିସ୍ତୃତ ଆଲୋଚନା କରିଛି। ଆରୋପ ପ୍ରତ୍ୟାରୋପରେ ବିକାଶ ସମ୍ଭବ ନୁହେଁ। ସମସ୍ତେ ଓଡ଼ିଶାର ବିକାଶ ଚାହୁଁଛନ୍ତି। ବିକାଶର କୌଣସି ଦଳ ନଥାଏ।

ସେ କହିଛନ୍ତି ଯେ, ଆମ ଦେଶରେ ୩୬୯୩ଟି କୀର୍ତ୍ତିରାଜିରୁ ୮୦ଟି ଆମ ରାଜ୍ୟରେ ଅଛି। ଏସବୁ କୀର୍ତ୍ତିରାଜିର ରକ୍ଷଣାବେକ୍ଷଣ ନେଇ ଆଇନରେ ସ୍ପଷ୍ଟ ରହିଛି। କୀର୍ତ୍ତିରାଜିର ପ୍ରଥମ ୧୦୦ ମିଟର ଭିତରେ କୌଣସି ନିର୍ମାଣ କାର୍ଯ୍ୟ କରାଯାଇପାରିବ ନାହିଁ। ରାଜ୍ୟ ସଂସ୍କୃତି ନିର୍ଦ୍ଦେଶକଙ୍କ ଅନୁମତି ନେଇ ୨ଶହ ମିଟର ମଧ୍ୟରେ କାମ କରାଯାଇ ପାରିବ। ସଂସ୍କୃତି ନିର୍ଦ୍ଦେଶକ ଏନଏମଏକୁ ପଠାଇବେ, ଏନଏମଏ କହିଲେ କାମ ହୋଇପାରିବ। ଆମେ ଯଦି କାମ କରିବାକୁ ଅନୁମତି ମାଗିବା, କେନ୍ଦ୍ର ବାଧା ଦେବନି ବୋଲି ସେ କହିଥିଲେ।

ଏହାସହିତ ଅପରାଜିତା କହଛନ୍ତି ଯେ, ଯେଉଁ ୫ଟି ହେରିଟେଜ୍‌କୁ ନେଇ ବାଇ-ଲ ଡ୍ରାଫ୍ଟ ପ୍ରସ୍ତୁତ କରାଯାଇଥିଲା ସେଥିରେ ଜଗନ୍ନାଥ ମନ୍ଦିର ଥିଲା। ହେଲେ ସେଥିରେ ଲିଙ୍ଗରାଜ ମନ୍ଦିର ନଥିଲା। ଯାହା ଏନଏମଏ ୱେବସାଇଟ୍‌ରେ ଉଲ୍ଲେଖ ଥିଲା। ତେବେ ଆପତ୍ତି ଅଭିଯୋଗ ଉଠିବା ପରେ ଜଗନ୍ନାଥ ମନ୍ଦିର ସମ୍ପର୍କରେ ବାଇ-ଲ ଡ୍ରାଫ୍ଟକୁ ପ୍ରତ୍ୟାହାର କରାଯାଇଛି। ମୁଖ୍ୟତଃ ଲିଙ୍ଗରାଜ ମନ୍ଦିରର ବାଇ-ଲ ଡ୍ରାଫ୍ଟ ତିଆରି ହୋଇ ନଥିବା ସେ ସ୍ପଷ୍ଟ କରିଛନ୍ତି। ଲିଙ୍ଗରାଜ ପ୍ରସଙ୍ଗରେ ଯେଉଁମାନେ ଉଠାଉଛନ୍ତି ସେମାନେ ଜାଣି ନାହାନ୍ତି ବୋଲି ଅପରାଜିତା କହିଛନ୍ତି। ତେବେ ଯାହା ସବୁ ଘଟିଲା ଏହା ଅଜ୍ଞାନତାର ପରିଚୟ। ତେବେ ବାଇ-ଲ ଲାଗୁ ହେଲେ ସବୁକିଛି ଆହୁରି ବ୍ୟବସ୍ଥିତ ହୋଇଯିବ।

ଏହାସହିତ ନିର୍ମାଣ କାର୍ଯ୍ୟ ପାଇଥିବା ସଂସ୍ଥା ଉପରେ ସଙ୍ଗୀନ ଅଭିଯୋଗ ଆଣିଛନ୍ତି। ତାଙ୍କ ଅଭିଯୋଗ ଅନୁଯାୟୀ, ଲିଙ୍ଗରାଜ ଏବଂ ଶ୍ରୀମନ୍ଦିର କାମ କରୁଥିବା ସଂସ୍ଥା ଐତିହ୍ୟ ନିର୍ମାଣ ବା ବିକାଶ ଦିଗରେ କୌଣସି ପୂର୍ବ ଅଭିଜ୍ଞତା ନାହିଁ। ଆର୍କ ହୋମ୍ ଆର୍କିଟେକ୍ଚରାଲ ଫାର୍ମ ନଏଡା ନାମକ ସଂସ୍ଥା ଲିଙ୍ଗରାଜ କାମ କରୁଥିବା ବେଳେ ଶ୍ରୀମନ୍ଦିର କାମ ଭୂମିପୁତ୍ର ଆର୍କିଟେକ୍ଚରାଲ ଫାର୍ମ ବେଙ୍ଗଲୁରୁ ପାଇଛି। ଉଭୟ ସଂସ୍ଥାର ଐତିହ୍ୟ ନିର୍ମାଣ ଦିଗରେ କୌଣସି ପୂର୍ବ ଅଭିଜ୍ଞତା ନାହିଁ ବୋଲି ସେ ଅଭିଯୋଗ କରିଥିଲେ।

Categories
ଆଜିର ଖବର ରାଜ୍ୟ ଖବର

ଅପରାଜିତା ଷଡଙ୍ଗୀଙ୍କ ନିଖୋଜ ପୋଷ୍ଟର ମାରିବା ଘଟଣା: ଗିରଫ ହେଲେ ସାଂସଦଙ୍କ ଦୁଇ ବିଶ୍ଵସ୍ତ

ଭୁବନେଶ୍ବର: ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କ ନିଖୋଜ ପୋଷ୍ଟର ମାରି ଦୁଇଜଣ ଗିରଫ ହୋଇଥିବା ସୂଚନା ରହିଛି। ଅପରାଜିତାଙ୍କ ଘନିଷ୍ଠ ଥିବା ଦୁଇ ଜଣ ଗିରଫ ହୋଇଥିବା ସୂଚନା ରହିଛି। ସେହି ଦୁଇ ଜଣଙ୍କ ମଧ୍ୟରୁ ଜଣେ ସାଂସଦଙ୍କ ବ୍ୟକ୍ତିଗତ ସହାୟକ ଏବଂ ଆଉ ଜଣେ ଅତି ପାଖାପାଖି ଲୋକ ବୋଲି କୁହାଯାଉଛି। ସେମାନେ ହେଲେ ଧନେଶ୍ୱର ବାରିକ ଏବଂ ଜ୍ୟୋତିରଞ୍ଜନ ପଣ୍ଡା। ଏହି ଦୁଇ ଜଣଙ୍କ ଗିରଫ ନେଇ କାରଣ ସ୍ପଷ୍ଟ ହୋଇନଥିବା ବେଳେ ନିଜର ବିଶ୍ଵସ୍ତ ଲୋକେ ଏଭଳି କାର୍ଯ୍ୟ କରି ଗିରଫ ହୋଇଥିବା କେତେକ ଗଣମାଧ୍ୟମରେ ପ୍ରକାଶ ପାଇଛି। ସେପଟେ ପୋଷ୍ଟର ମରାକୁ ନେଇ ଗଣ୍ଡଗୋଳ କାରଣରୁ ଉଭୟଙ୍କୁ ଗିରଫ କରାଯାଇଥିବା ମଧ୍ୟ କୁହାଯାଉଛି।

ଉଲ୍ଲେଖ ଯୋଗ୍ୟ, ଦିଲ୍ଲୀରେ ସଂସଦ ଅଧିବେଶନ ଚାଲିଥିବା ସମୟରେ ଅପରାଜିତା ସେଠାରେ ଉପସ୍ଥିତ ଅଛନ୍ତି। କିନ୍ତୁ ସେହି ସମୟରେ ଭୁବନେଶ୍ବର ସାଂସଦଙ୍କ ଫଟୋ ଥାଇ ପୁରୁଣା ଭୁବନେଶ୍ୱରର ଅନେକ ସ୍ଥାନରେ ପୋଷ୍ଟର ଲଗାଯାଇଥିଲା। ସେହି ପୋଷ୍ଟରରେ ସାଂସଦ ନିଖୋଜ ଲେଖା ହେବା ସହ ଏକାମ୍ର କ୍ଷେତ୍ର ବାଇ-ଲ’ ପ୍ରସଙ୍ଗରେ ମୁହଁ କେବେ ଖୋଲିବେ ବୋଲି ଲେଖାଯାଇଥିଲା। ହେଲେ ଏହି ନିଖୋଜ ପୋଷ୍ଟର ମାରିବା ଘଟଣାରେ ପ୍ରତିକ୍ରିୟା ରଖି ଅପରାଜିତା ଷଡ଼ଙ୍ଗୀ କହିଛନ୍ତି ଭୁବନେଶ୍ୱରବାସୀ ତାଙ୍କୁ ଖୋଜୁଥିବା ଜାଣି ସେ ଖୁସି। ସଂସଦର ଅଧିବେସନ ସରିବା ପରେ ଭୁବନେଶ୍ୱର ଯାଇ ଏକ୍ରାମ ସ୍ଥିତି ଅନୁଧ୍ୟାନ କରିବେ।

Categories
ଆଜିର ଖବର ରାଜ୍ୟ ଖବର

ଏକାମ୍ର କ୍ଷେତ୍ରରେ ଏନ୍‌ଏମ୍‌ଏ ଅଧିନିୟମ ପ୍ରସଙ୍ଗରେ ସାଂସଦ ଅପରାଜିତା ଷଡ଼ଙ୍ଗୀଙ୍କୁ ସମାଲୋଚନା

ଭୁବନେଶ୍ବର: ମନ୍ତ୍ରୀ ଅଶୋକ ପଣ୍ଡା ଟୁଇଟ ଯୋଗେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ସମାଲୋଚନା କରିଛନ୍ତି। ସେ ଏକାମ୍ର କ୍ଷେତ୍ରର ଅନନ୍ତ ବାସୁଦେବ, ବ୍ରହ୍ମେଶ୍ବର ମନ୍ଦିର ପାଇଁ ଏନ୍‌ଏମ୍‌ଏ ଅଧିନିୟମ ପ୍ରସଙ୍ଗରେ ଅପରାଜିତାଙ୍କୁ ସମାଲୋଚନା କରିଛନ୍ତି। ଏହି ପ୍ରସଙ୍ଗରେ ସାଂସଦଙ୍କ ନିରବତା ତାଙ୍କ ପ୍ରତିବଦ୍ଧତା ଉପରେ ପ୍ରଶ୍ନ ଉଠାଇଛି। ‘ଏକାମ୍ର କ୍ଷେତ୍ର ବିକାଶର ବାଧକଙ୍କୁ ଲୋକେ କ୍ଷମା ଦେବେନି।’ ମନ୍ତ୍ରୀ ଅଶୋକ ପଣ୍ଡା ଏନେଇ ନିଜର ଟୁଇଟର ଆକାଉଣ୍ଟରେ ଲେଖି ସାଂସଦ ଅପରାଜିତାଙ୍କୁ ଟାର୍ଗେଟ କରିଛନ୍ତି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଅପରାଜିତା ଷଡ଼ଙ୍ଗୀଙ୍କ ଗଂଜାମ ଗସ୍ତ: ବିଜେପିର ଛାମୁଆ ନେତାଙ୍କ ଅନୁପସ୍ଥିତିକୁ ନେଇ ଚର୍ଚ୍ଚା

ହେମାଙ୍ଗ ପ୍ରସାଦ ରାଉଳ

ବ୍ରହ୍ମପୁର: ପ୍ରମିଳା ଗଡ଼ରେ ଅପରାଜିତାଙ୍କ ଲୋକପ୍ରିୟତାର ଗୋଟିଏ ନିଚ୍ଛକ ପ୍ରମାଣ ଦେଖିବାକୁ ମିଳିଥିଲା ଦୁଇଦିନ ତଳେ ଆସିକା ସହରରେ। ଭାରତର ବିଜେପି ରାଷ୍ଟ୍ରୀୟ ମୁଖପାତ୍ର ତଥା ସାଂସଦ ଅପରାଜିତା ଷଡ଼ଙ୍ଗୀ ୨୪ ଘଣ୍ଟିଆ ଆସିକା ରହଣୀ ଭିତରେ ସେ ନିଜ ଦକ୍ଷତା, ରଣକୌଶଳ, ଅନୁଭବ, ସମାର୍ଥ୍ୟର ଗୋଟିଏ ଗୋଟିଏ କାର୍ଯ୍ୟକ୍ରମକୁ ସଂପାଦନ କରି ଭୁବନେଶ୍ୱର ଫେରିଗଲେ। କିନ୍ତୁ ଭାରତୀୟ ଜନତା ପାର୍ଟିର କୌଣସି ଗଂଜାମ ଜିଲ୍ଲାର ଆଗଧାଡ଼ିର ନେତା, ପ୍ରମୁଖ ପଦବୀଧାରୀ ଏବଂ ସଂଗଠକଙ୍କ ଉପସ୍ଥିତି ନଥିବା ଦେଖି ସାରା ଜିଲ୍ଲାରେ ଏହା ଚର୍ଚ୍ଚାର ବିଷୟ।

କାହା ଭୟରେ କାହା ଚାପରେ ବିଜେପିର ଦୁଇ ଜିଲ୍ଲା ସଭାପତି ଏବଂ ସଂସଦୀୟ ଓ ବିଧାନସଭା ଆସନର ପ୍ରାର୍ଥୀମାନେ ସହଯୋଗ କରିବାକୁ ଆସିଲେ ନାହିଁ। ଏହା ମଧ୍ୟ ବିଜେପି ବିଚାରର ଗୋଟିଏ ଗୋଟିଏ ଦୁର୍ବଳ ନୀତିକୁ ପଦାରେ ପକାଇ ଦେଇଛି। ରାଜନୀତି କମ୍ କିନ୍ତୁ ସଂଗଠନ ଓ କାର୍ଯ୍ୟକ୍ରମ ଅଧିକ ବିଶ୍ୱାସ କରୁଥିବା ଏଇ ନାରୀନେତ୍ରୀ ଗଂଜାମ ଆସିଥିବା ସମୟରେ ଧର୍ମେନ୍ଦ୍ର ପ୍ରଧାନ କୁଆଡ଼େ ବିବ୍ରତ ହୋଇ ଏପରି କିଛି ଦଳୀୟ କର୍ମକର୍ତ୍ତାଙ୍କୁ ତାଗିଦ୍ କରିଥିବା ନେଇ ସାଧାରଣରେ ଚର୍ଚ୍ଚା।

ଗଂଜାମ ଫେରିଯିବା ପୂର୍ବରୁ ସେ ଗୋଟିଏ କଥା କହିଥିଲେ, ମୋ ପାଇଁ ରାଜନୀତିର ପରିଭାଷା ବୁଝିବା କୌଣସି ଆବଶ୍ୟକତା ନାହିଁ । ମୁଁ ଜଣେ ସାଂସଦ ଭାବରେ ମୋ ଦଳର ଆସ୍ଥା ଓ ବିଶ୍ୱାସକୁ ମଜବୁତ୍ କରିବା ପାଇଁ ଚେଷ୍ଠା କରୁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୋଟିଏ ମନ୍ତ୍ର ସବ୍‌କା ସାଥ୍ ସବ୍‌କା ବିଶ୍ୱାସକୁ ଆଗ୍ରହର ସହ ଗ୍ରହଣ କରି ମୁଁ ମୋର କାର୍ଯ୍ୟ କରୁଛି। ‘ସମର୍ଥ’ ସଂଗଠନ ବରିଷ୍ଠ ନାଗରିକଙ୍କ ପ୍ରତି ସମର୍ପିତ ଏହା ସହ ଆଧ୍ୟାତ୍ମିକ ବିଚାରକୁ ମଜବୁତ୍ କରିବା ପାଇଁ ସମର୍ଥ।

‘ଅଜିତା’ ଦ୍ୱାରା ମହିଳା ସଶକ୍ତିକରଣ ଏବଂ ୟୁଥ୍ ଫର ଆକ୍ସନ୍ ଯୁବ ସମାଜ ମଧ୍ୟରେ ସଚେତନତାର ବାର୍ତ୍ତା ଯିବ। ଅପରାଜିତା ଷଡ଼ଙ୍ଗୀଙ୍କ ଏଇ କାର୍ଯ୍ୟକ୍ରମ ସଂଚାଳନରେ ଜୀବନ ପ୍ରସାଦ ସାହୁ, ସାମର୍ଥର ରାଜ୍ୟ ସଂପାଦକ କାହ୍ନୁଚରଣ ଦାସ, ୟୁଥ୍ ଫର୍ ଆକସନର ସଂଯୋଜକ ଦେବାଶିଷ ନାୟକ ରାଜ୍ୟ ମୁଖ୍ୟ ପରିଚାଳନା କରିଥିଲେ। ଚା’ ଖଟିରେ ବୁଦ୍ଧିଜୀବୀଙ୍କ ସହ ଆଲୋଚନା ସମୟରେ ଆସିକା ସହରର ଐତିହ୍ୟ ସଂପର୍କରେ ଆଲୋଚନା ହୋଇଥିଲା। ଡା. ସାଗର ରଂଜନ ତ୍ରିପାଠୀ କବିରାଜ କୃଷ୍ଣଚନ୍ଦ୍ର ତ୍ରିପାଠୀଙ୍କ ସିନେମା, କଳା, ସାହିତ୍ୟ, ସଂସ୍କୃତି ପ୍ରତି ଅବଦାନ ସଂପର୍କରେ ଅପରାଜିତାଙ୍କୁ ବୁଝାଇଥିଲେ।

ବ୍ରହ୍ମପୁରରୁ ଡ. ସୁବାଷ ଚନ୍ଦ୍ର ସାହୁ, ପ୍ରଦୀପ ମିଶ୍ର, ସୁବାସିନୀ ପଟ୍ଟନାୟକ ପ୍ରମୁଖ ଅପରାଜିତାଙ୍କ କାର୍ଯ୍ୟକ୍ରମରେ ଯୋଗ ଦେଇଥିଲେ ହେଁ ଛାମୁଆ ସଂଗଠନର ଦୁର୍ବଳ ଚିତ୍ର ଦେଖି ବିସ୍ମୟ ପ୍ରକାଶ କରିଛନ୍ତି। ଅପରାଜିତା ହୃଦୟ ଜିତି ଫେରିଗଲେ କିନ୍ତୁ ବିଜେପିର ଗଂଜାମ ଜିଲ୍ଲାର ପ୍ରମୁଖ ଦୁର୍ବଳ ନୀତି ନିଶ୍ଚୟ ଆଗାମୀ ଦିନରେ ଅନୁଶୀଳନ ହେବ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

୨୦୨୦ରେ ଦେଶର ଶ୍ରେଷ୍ଠ ସାଂସଦ ଭାବେ ବିବେଚିତ ହେଲେ ଅପରାଜିତା ଷଡ଼ଙ୍ଗୀ

ନୂଆଦିଲ୍ଲୀ: ଭୁବନେଶ୍ୱର ଲୋକସଭା ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଦେଶର ଶ୍ରେଷ୍ଠ ସାଂସଦ ଭାବେ ଘୋଷଣା କରାଯାଇଛି। ୨୦୨୦ ବର୍ଷର ଶ୍ରେଷ୍ଠ ସାଂସଦ ରୂପେ ଶ୍ରୀମତୀ ଷଡ଼ଙ୍ଗୀ ବିବେଚିତ ହୋଇଛନ୍ତି। ସର୍ବଭାରତୀୟ ସ୍ତରରେ ଇଣ୍ଡିଆ ପୋଷ୍ଟ ଏବଂ ଫେମ୍ ଇଣ୍ଡିଆ ପକ୍ଷରୁ ଏକ ମିଳିତ ସର୍ଭେ କରାଯାଇଥିଲା। ଯେଉଁଥିରେ ଅପରାଜିତା ଶ୍ରେଷ୍ଠ ସାଂସଦ ଭାବେ ମନୋନୀତ ହୋଇଛନ୍ତି। ଏହା ସହିତ ଏ ବିଷୟରେ ଦୁଇ ଅନୁଷ୍ଠାନ ପକ୍ଷରୁ ବିଧିବଦ୍ଧ ଘୋଷଣା ପରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି।

ଉଲ୍ଲେଖ ଯୋଗ୍ୟ ଯେ, ଓଡିଶା ବିଜେପିରେ ଦୁଇ ଗୋଷ୍ଠୀ ମଧ୍ୟରେ କନ୍ଦଳ ଲାଗିଥିବା ଶୁଣିବାକୁ ମିଳୁଛି। ହେଲେ ଅପରାଜିତାଙ୍କୁ ଏଭଳି ସମ୍ମାନ ପରେ ପ୍ରଶଂସକ ମନରେ ଖୁସିର ଲହରୀ ଖେଳିଯାଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଭୁବନେଶ୍ବର ବିଜେପି ସାଂସଦଙ୍କୁ ଭୁବନେଶ୍ବରର ବିଜେପି କର୍ମିଙ୍କ ବିରୋଧ

ଭୁବନେଶ୍ବର, ଆଜି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଏକ ଅଡୁଆ ପରିସ୍ଥିତିର ସମ୍ମୁଖୀନ ହୋଇଛନ୍ତି। ନିଜ ନିର୍ବାଚନ ମଣ୍ଡଳୀ ଭୁବନେଶ୍ବରର ଅନ୍ତର୍ଗତ ଭରତପୁର ଅଞ୍ଚଳକୁ ଅପରାଜିତା ଯାଇଥିଲେ। ସେଠାରେ ଏକ ରାଲି ସହିତ ବୈଠକ ମଧ୍ୟ ଥିଲା। ହେଲେ ଅପରାଜିତା ଯିବା ରାସ୍ତାରେ ବିଜେପି କର୍ମିମାନେ ତାଙ୍କୁ କଳାପତାକା ଦେଖାଇବା ସହିତ ଗାଳି ଗୁଲଜ ମଧ୍ୟ କରିଥିଲେ।

ଭରତପୁର ବିଜେପି ମଣ୍ଡଳ ଉପସଭାପତି ସୁରେଶ ସାହୁଙ୍କ କହିବା କଥା ହେଲା ଯେ, ଅପରାଜିତା ମ୍ୟାଡାମ ଜିତିବା ପରେ ଗୋଟିଏ ଦିନ ପାଇଁ ମଧ୍ୟ ଭରତପୁର ଆସିନାହାଁନ୍ତି। ବର୍ତ୍ତମାନ ପୌର ନିର୍ବାଚନ ପାଖେଇ ଆସିବାରୁ ମ୍ୟାଡାମଙ୍କ ମନେପଡିଲା। ସେଥିପାଇଁ ସ୍ଥାନୀୟ ବିଜେପି ତରଫରୁ କଳାପତାକା ଦେଖାଇବା ସହିତ ଅପରାଜିତା ଫେରି ଯାଆନ୍ତୁ ବୋଲି ସ୍ଲୋଗାନ ଦିଆଯାଇଥିଲା।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ପରୀ ଆନ୍ଦୋଳନ ପାଇଁ ଦିଲ୍ଲୀର ନେତା ଭୁବନେଶ୍ବରେ, ହେଲେ ଭୁବନେଶ୍ବର ସାଂସଦ ଯାଜପୁରରେ, ବିଜେପିରେ ଚାଲିଛି କଣ ?

ଭୁବନେଶ୍ବର, ପରୀକୁ ନ୍ୟାୟ ଦେବା ପାଇଁ ବିଜେପି ଏକ ପ୍ରକାରର ଅଣ୍ଟା ଭିଡି ଆନ୍ଦୋଳନ କରିବାରେ ଲାଗିଛି। କେବଳ ରାଜ୍ୟ ବିଜେପି ନୁହେଁ ଦିଲ୍ଲୀରୁ ମଧ୍ୟ ନେତାମାନେ ଆସି ଏହି ଆନ୍ଦୋଳନରେ ସାମିଲ ହେବାରେ ଲାଗିଛନ୍ତି। ହେଲେ ଆଶ୍ଚର୍ଯ୍ୟର କଥା ଭୁବନେଶ୍ବରର ସାଂସଦ ଅପରାଜିତା ଷଡଙ୍ଗୀ କିନ୍ତୁ ଚୁପ। କେବଳ ଚୁପ ନୁହଁନ୍ତି ସେ ଏହି ଆନ୍ଦୋଳନରେ ନିଜକୁ ବିଲକୁଲ ସାମିଲ ମଧ୍ୟ କରାଉ ନାହାଁନ୍ତି। ତାଙ୍କର ନିର୍ବାଚନ ମଣ୍ଡଳୀ ଭୁବନେଶ୍ବରରୁ  ପରୀକୁ ନ୍ୟାୟ ଦେବା ପାଇଁ ଏକ ଶୋଭାଯାତ୍ରା ବାହାର କରାଗଲା। ଏଥିରେ ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଏବଂ ମହିଳା ମୋର୍ଚ୍ଚା ରାଷ୍ଟ୍ରୀୟ ସଭାପତି ଭି. ଶ୍ରୀନିବାସନ ଦିଲ୍ଲୀରୁ ଆସି ଯୋଗ ଦେଲେ। ହେଲେ ଆଶ୍ଚର୍ଯ୍ୟର କଥା ଖୋଦ୍ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଏଥିରେ ଯୋଗ ଦେଲେ ନାହିଁ।

କେବଳ ଭୁବନେଶ୍ବରର ଘଟଣା ନୁହେଁ। ନୟାଗଡ ଜିଲ୍ଲାରେ ବିଜେପି ଦୀର୍ଘଦିନ ଧରି  ଧାରଣା ଦେଇଥିଲେ ମଧ୍ୟ ସେଥିରେ ଅପରାଜିତା ଯୋଗ ଦେଉ ନାହାଁନ୍ତି। ଏହି ଧାରଣାରେ ଦିଲ୍ଲୀରୁ ଆସି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଏବଂ ଓଡିଶା ପ୍ରଭାରୀ ଡି ପୁରନ୍ଦେଶ୍ବରୀ ଯୋଗ ଦେଇଛନ୍ତି। ହେଲେ ଅପରାଜିତା ବିଲକୁଲ ସେ ପାଖ ମାଡୁ ନାହାଁନ୍ତି। ଓଡିଶା ପ୍ରଭାରୀ ଡି ପୁରନ୍ଦେଶ୍ବରୀ ଯେଉଁ ଦିନ ଭୁବନେଶ୍ବର ଆସିଥିଲେ ସେତେବେଳେ ବିମାନ ବନ୍ଦରରେ ଅପରାଜିତା ତାଙ୍କୁ ସ୍ବାଗତ କରିବାକୁ ଯାଇଥିଲେ। ହେଲେ ତାଙ୍କ ସହିତ କିନ୍ତୁ ନୟାଗଡ ଯାଇ ନ ଥିଲେ।

ଅପରାଜିତା ଯୋଗ ଦେଇ ନ ଥିଲେ ନା ତାଙ୍କୁ ଡକାଯାଇ ନ ଥିଲା

ଅପରାଜିତା ହେଉଛନ୍ତି ଭୁବନେଶ୍ବରର ସାଂସଦ, ଆଉ ଭୁବନେଶ୍ବରରେ ବିଜେପିର ଏକ ଶୋଭାଯାତ୍ରା ହେଉଛି। ଏଥିରେ ସେ ନିଜେ ଯୋଗ ଦେଲେ ନାହିଁ ନା ତାଙ୍କୁ ଡକାଯାଇ ନାହିଁ ଏ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ହେଲେ ବିଜେପିର ଜଣେ ଆଗଧାଡିର ନେତାଙ୍କ ଅନୁସାରେ ତାଙ୍କୁ ଏହି ଶୋଭାଯାତ୍ରା କରିବା ପାଇଁ ବାରମ୍ବାର କୁହାଯାଇଛି। ଏହାର ପ୍ରସ୍ତୁତି ବୈଠକରେ ମଧ୍ୟ ଯୋଗ ଦେବା ପାଇଁ କୁହାଯାଇଛି। ହେଲେ ପ୍ରସ୍ତୁତି ବୈଠକ ଦୂରେ ଥାଉ ମୁଖ୍ୟ ବୈଠକକୁ ମଧ୍ୟ ଆସିଲେ ନାହିଁ। ବିଜେପିରେ ବର୍ତ୍ତମାନ ଅପରାଜିତା ସମାନ୍ତରଳରେ ନିଜେ ବିଭିନ୍ନ କାର୍ଯ୍ୟକ୍ରମ କରୁଛନ୍ତି। ଏହି କାର୍ଯ୍ୟକ୍ରମରେ ସେ ବିଜେପିର କୌଣସି ଆଗଧାଡିର ନେତାଙ୍କୁ ମଧ୍ୟ ଡାକନ୍ତି ନାହିଁ। ଏଥିରୁ ସ୍ପଷ୍ଟ ହୋଇଛି ଯେ, ଅପରାଜିତା ଦଳୀୟ କାର୍ଯ୍ୟକ୍ରମରୁ ନିଜକୁ ଦୂରେଇ ରଖି ନିଜେ ସମାନ୍ତରଳରେ କାର୍ଯ୍ୟକ୍ରମ କରିବାରେ ଲାଗିଛନ୍ତି।

ପରୀ ଘଟଣାରେ ଅପରାଜିତା ଲୁଚୁଛନ୍ତି କାହିଁକି ?

ପରୀ ଘଟଣାରେ ବିଜେପି ଦୀର୍ଘ ଦିନ ଧରି ଆନ୍ଦୋଳନ କରିବାରେ ଲାଗିଛି। ଏ ନେଇ ଅନେକ ଥର ରାଜ୍ୟ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ ମଧ୍ୟ କରାଯାଇଛି। ହେଲେ ଏ ସବୁଥିରୁ ଅପରାଜିତା ନିଜକୁ ସଂପୂର୍ଣ୍ଣ ଭାବେ ଦୂରେଇ ରଖିଛନ୍ତି। ଏହାର କାରଣରେ ଦୁଇଟି କଥା ଆଲୋଚନାକୁ ଆସେ। ପ୍ରଥମ କଥା ହେଲା ଯେ, ଅପରାଜିତା ବୋଧହୁଏ ରାଜ୍ୟ ନେତାଙ୍କୁ ଖାତିରି କରିବାକୁ ଆବଶ୍ୟକତା ମନେ କରୁ ନାହାଁନ୍ତି। ଦଳୀୟ କାର୍ଯ୍ୟରେ ସେ ନିଜକୁ ସାମିଲ କରିବାକୁ ମଧ୍ୟ ଚାହୁଁ ନାହାଁନ୍ତି।

କେବଳ ପରୀ ଘଟଣା ନୁହେଁ, କାଁ ଭାଁ କେତୋଟି କାର୍ଯ୍ୟକ୍ରମକୁ ଛାଡି ଦେଲେ ଅପରାଜିତା ଅନେକ ଦଳୀୟ କାର୍ଯ୍ୟକ୍ରମରେ ନିଜକୁ ସାମିଲ କରୁ ନାହାଁନ୍ତି। ଦ୍ବିତୀୟ କାରଣଟି ହୋଇପାରେ ଯେ, ପରୀ ଘଟଣାରେ ବିଜେପି କେତେ ଉପରକୁ ଉଡିପାରୁଛି ତାହାକୁ ଦୂରରେ ରହି ସେ ଗଣନା କରୁଛନ୍ତି। ସେ ବୋଧହୁଏ ଜାଣିଛନ୍ତି ଯେ ଏହି ଆନ୍ଦୋଳନରେ କୌଣସି ଫଳ ମିଳିବ ନାହିଁ। ସେଥିପାଇଁ ଘଟଣାରେ ଜଡିତ ରହି ଲୋକହସା ହେବା ଅପେକ୍ଷା  ନିଜକୁ ଦୂରେଇ ରଖିବା ଭଲ ବୋଲି ଅପରାଜିତା ଭାବି ନେଇଛନ୍ତି।

ବିଜେପି ନେତାଙ୍କ ଭୁବନେଶ୍ବରରେ ବନାମ ଅପରାଜିତାଙ୍କ ଯାଜପୁରରେ ଶୋଭାଯାତ୍ରା

ରାଜ୍ୟ ବିଜେପିର ତୁଙ୍ଗ ନେତାଙ୍କ ସହିତ ମହିଳା ମୋର୍ଚ୍ଚାର ରାଷ୍ଟ୍ରୀୟ ସଭାପତି, ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର ପ୍ରମୁଖ ଲିଙ୍ଗରାଜ ମନ୍ଦିର ସାମନାରେ ଗର୍ଜନ କରିଥିଲେ। ସେଠାରୁ ଶତାଧିକ କର୍ମି ପରୀକୁ ନ୍ୟାୟ ଶୋଭାଯାତ୍ରାରେ ବାହାରିଥିଲେ। ଠିକ୍ ସେତିକି ବେଳେ ଅପରାଜିତା ଷଡଙ୍ଗୀ ଭୁବନେଶ୍ବର ଛାଡି ଯାଜପୁରରେ ଶୋଭାଯାତ୍ରା କରୁଥିଲେ। ବିଜେଡିର ଶକ୍ତିଶାଳି ନେତା ବବି ଦାସଙ୍କ ଗଡରେ ଅପରାଜିତାଙ୍କ ଏହି ଶୋଭାଯାତ୍ରାକୁ ନେଇ ବିଭିନ୍ନ ପ୍ରଶ୍ନ ମଧ୍ୟ ସୃଷ୍ଟି ହେବାରେ ଲାଗିଛି। କାରଣ କୌଣସି ଉଦ୍ଦେଶ୍ୟ ନ ଥାଇ ଏପରି ଶୋଭାଯାତ୍ରା କରିବା ପଛରେ କାରଣ ହେଉଛି ନିଜକୁ ପରୀ ଘଟଣାରୁ ଦୂରେଇ ରଖିବା। ଭୁବନେଶ୍ବରରୁ ଦୂରରେ ରହିବା ପାଇଁ ଏହା ଥିଲା ଅପରାଡିତାଙ୍କ ଏକ ବାହାନା ଶୋଭାଯାତ୍ରା

ତେବେ ଅପରାଜିତାଙ୍କ ପରୀ ଶୋଭାଯାତ୍ରାରେ ଯୋଗ ନ ଦେବାକୁ ନେଇ ପୁରା ବିଜେପି ନେତୃ ମଣ୍ଡଳରେ ଟୁପୁରୁଟାପର ଆରମ୍ଭ ହୋଇଛି। ଏପରିକି ରାଜ୍ୟ ରାଜନୀତିରେ ମଧ୍ୟ ବେଶ୍ ସମାଲୋଚନା ଆରମ୍ଭ ହୋଇଯାଇଛି। ବର୍ତ୍ତମାନ ଓଡିଶାରେ ପୁରା ବିଜେପି ଗୋଟିଏ ପଟେ ଯାଉଥିବା ବେଳେ ଅପରାଜିତାଙ୍କ ବିଜେପି ଆଉ ଗୋଟେ ପଟେ ଯାଉଛି। ଏପରି କାର୍ଯ୍ୟକୁ ନେଇ ରାଜ୍ୟ ବିଜେପି ବର୍ତ୍ତମାନ ସାଧାରଣରେ ସମାଲୋଚିତ ହେବାରେ ଲାଗିଛି, ଯାହା ଦଳର ଭବିଷ୍ୟତ ପାଇଁ ଭଲ ନୁହେଁ।

Categories
ଆଜିର ଖବର ରାଜ୍ୟ ଖବର

କୁହୁଡିରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ଜନସମ୍ପର୍କ ପଦଯାତ୍ରା

ସୀତାରାମ ଅଗ୍ରୱାଲ

ଟାଙ୍ଗୀ :  ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ନିଜ ସଂସଦୀୟ କ୍ଷେତ୍ର ଖୋର୍ଦ୍ଧା ନିର୍ବାଚନ ମଣ୍ଡଳୀରେ ଜନସଂପର୍କ ପଦଯାତ୍ରା କରିଛନ୍ତି। ଖୋର୍ଦ୍ଧା ନିର୍ବାଚନ ମଣ୍ଡଳୀ ଟାଙ୍ଗୀ ବ୍ଲକ କୁଞ୍ଜୁରୀ ଗ୍ରାମପଞ୍ଚାୟତର ଜୟ ମଙ୍ଗଳପୁରଠାରେ ଆଜି ସାଂସଦ ଜନସମ୍ପର୍କ ପଦ ଯାତ୍ରା ଆରମ୍ଭ କରିଛନ୍ତି । ଜୟମଙ୍ଗଳପୁରଠାରେ ଲୋକଙ୍କ ପାଖରେ ପହଁଚି କିଛି ଲୋକଙ୍କ ସମସ୍ୟା ସୁବିଧା, ଅସୁବିଧା,କେନ୍ଦ୍ର ସରକାର ଦେଉଥିବା ବିଭିନ୍ନ କେନ୍ଦ୍ରୀୟ ଯୋଜନା ଯୋଗ୍ୟହିତାଧିକାରୀ ମାନେ ପାଉଛନ୍ତି ନା ନାହିଁ ସେ ସବୁକୁ ସମୀକ୍ଷା କରି ବୁଝିଥିଲେ ଓ ଗ୍ରାମ ପରିକ୍ରମା କରିଥିଲେ।

ଗ୍ରାମରେ ଅନେକ ଦିନରୁ ରାସ୍ତା ନିର୍ମାଣ ହୋଇନଥିବା ଓ ଯୋଗ୍ୟ ହିତାଧିକାରୀ ପ୍ରଧାନମନ୍ତ୍ରୀ ଆବାସ ଯୋଜନା, ବାର୍ଦ୍ଧକ୍ୟ ଓ ବିଧବାଭତ୍ତା ପାଇ ନଥିବା ଅଭିଯୋଗ ସାସଂଦଙ୍କ ନିକଟକୁ ବହୁ ଲୋକେ ନେଇ ଆସିଥିଲେ। ସରକାରୀ ଯୋଜନାରୁ ବଂଚିତ ଥିବା ଲୋକମାନେ କିଭଳି ସୁବିଧା ପାଇପାରିବେ ସେ ସଂପର୍କରେ ଲୋକଙ୍କ ସହିତ ସାଂସଦ ଶ୍ରୀମତୀ ଷଡ଼ଙ୍ଗୀ ଆଲୋଚନା କରିଥିଲେ। ଜନସଂପର୍କ ପଦଯାତ୍ରାରେ ସାଂସଦଙ୍କ ସହିତ  ବିଜେପି ଜିଲ୍ଲା ସଭାପତି, ଜିଲ୍ଲା ସଂଯୋଜକ, ଟାଙ୍ଗୀ ବ୍ଲକ ସାଂସଦ ପ୍ରତିନିଧି, ସ୍ଥାନୀୟ ସରପଞ୍ଚ, ସମିତିସଭ୍ୟ, ମଣ୍ଡଳ ସଭାପତି ଓ ବିଜେପିର ଛାମୁଆ କର୍ମୀମାନେ ସାମିଲ ଥିଲେ।

Categories
ଫଟୋ ଖବର

ଫିଟ ଇଣ୍ଡିଆ କାର୍ଯ୍ୟକ୍ରମର ପ୍ରଚାର ପ୍ରସାରରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ

ଫିଟ ଇଣ୍ଡିଆ କାର୍ଯ୍ୟକ୍ରମର ପ୍ରଚାର ପ୍ରସାରରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ତିନୋଟି ରାଜ୍ୟର ମିଡିଆ ପ୍ରଭାରୀ ହେଲେ ଅପରାଜିତା ଷଡଙ୍ଗୀ

ଭୁବନେଶ୍ୱର : ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଜାତୀୟ ରାଜନୀତିରେ ଶକ୍ତିଶାଳୀ ହେବାରେ ଲାଗିଛନ୍ତି । ପ୍ରଶାସନିକ ସେବାରୁ ରାଜନୀତିରେ ପାଦ ଥାପିଥିବା ଅପରାଜିତା ବିଜେପିର ସାଂସଦ ରହିଥିବା ବେଳେ ଜାତୀୟ ରାଜନୀତିରେ ନିଜର ଦବ୍‌ଦବା ଜାହିର୍‌ କରୁଛନ୍ତି ।  ଗତ ସେପ୍ଟେମ୍ବର 26 ତାରିଖରେ ତାଙ୍କୁ ବିଜେପିର ରାଷ୍ଟ୍ରୀୟ ପ୍ରବକ୍ତା ଭାବରେ ଘୋଷଣା କରାଯାଇଥିଲା । ଏବେ ତାଙ୍କୁ ନୂତନ ଦାୟିତ୍ବ ଦିଆଯାଇଛି । ଆଜି ତାଙ୍କୁ ତିନି ରାଜ୍ୟର ମିଡିଆ ପ୍ରଭାରୀ ଭାବରେ ଘୋଷଣା କରାଯାଇଛି । ଦୁଇଟି କେନ୍ଦ୍ରଶାସିତ ଅଞ୍ଚଳ ଏବଂ ଗୋଟିଏ ରାଜ୍ୟର ଦାୟିତ୍ୱ ଅପରାଜିତାଙ୍କୁ ପ୍ରଦାନ କରାଯାଇଛି । ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ, ପୁଡୁଚେରୀ ଏବଂ ଓଡିଶାର ମିଡିଆ ପ୍ରଭାରୀ ଭାବରେ ଘୋଷଣା କରାଯାଇଛି ।

ଉଲ୍ଲେଖଯୋଗ୍ୟ ଯେ, ଓଡିଶାର ବିଭିନ୍ନ ନେତାଙ୍କୁ ରାଷ୍ଟ୍ରୀୟ ଦାୟିତ୍ୱ ପ୍ରଦାନ କରାଯାଇଛି । ସେପ୍ଟେମ୍ବର 26 ତାରିଖରେ ଅପରାଜିତାଙ୍କ ସମେତ ସମ୍ବିତ ପାତ୍ରଙ୍କୁ ରାଷ୍ଟ୍ରୀୟ ପ୍ରବକ୍ତା ଘୋଷଣା କରାଯାଇଥିଲା । ଏହା ବ୍ୟତୀତ ବୈଜୟନ୍ତ ପଣ୍ଡାଙ୍କୁ ରାଷ୍ଟ୍ରୀୟ ଉପ ସଭାପତି ମଧ୍ୟ ଘୋଷଣା କରିଥିଲା ବିଜେପି ।

Categories
ଆଜିର ଖବର ବିଶେଷ ଖବର ରାଜ୍ୟ ଖବର

କେନ୍ଦ୍ର ମନ୍ତ୍ରୀମଣ୍ଡଳ ଅଦଳବଦଳରେ ଓଡିଶାରୁ ଆଉ ଜଣେ ମନ୍ତ୍ରୀ ହେବା ସମ୍ଭାବନା, ଚର୍ଚ୍ଚାରେ ଦୁଇ ଜଣ

ଭୁବନେଶ୍ବର, ଆସନ୍ତା ବଜେଟ ପୂର୍ବରୁ କେନ୍ଦ୍ର ମନ୍ତ୍ରିମଣ୍ଡଳରେ ଅଦଳବଦଳ ହେବ ବୋଲି ଜାତୀୟ ଗଣମାଧ୍ୟମରେ ଚାଲିଛି ଚର୍ଚ୍ଚା। ତେବେ ଏହାକୁ ନେଇ ଓଡିଶାର ରାଜନୀତି ପାଣିପାଗ ମଧ୍ୟ ବେଶ ଗରମ ହୋଇଯାଇଛି। ଏହି ଅଦଳବଦଳ ବେଳେ ଓଡିଶାରେ ଆଉ ଜଣେ ମନ୍ତ୍ରୀ ମଣ୍ଡଳରେ ସ୍ଥାନ ପାଇବେ ବୋଲି ଆଶା କରାଯାଉଛି। ତେବେ ଓଡିଶାରୁ କିଏ ହେବେ ମନ୍ତ୍ରୀ ସେ ନେଇ ମଧ୍ୟ ଚର୍ଚ୍ଚା ଜୋରଦାର ହେବାରେ ଲାଗିଛି। ଏଥିରେ କେବଳ ଦୁଇ ଜଣଙ୍କ ନାମ ବର୍ତ୍ତମାନ ଦିଲ୍ଲୀ ଦରବାରରେ ବେଶ୍ ଆଲୋଚନା ଚାଲିଛି।

ବର୍ତ୍ତମାନ କେନ୍ଦ୍ର ମନ୍ତ୍ରିମଣ୍ଡଳରେ ଦୁଇ ଜଣ ମନ୍ତ୍ରୀ ଅଛନ୍ତି। ସେମାନେ ହେଲେ କ୍ୟାବିନେଟରେ ଧର୍ମେନ୍ଦ୍ର ପ୍ରଧାନ ଏବଂ ରାଷ୍ଟ୍ରମନ୍ତ୍ରୀ ଭାବେ ପ୍ରତାପ ଷଡଙ୍ଗୀ। ହେଲେ କେନ୍ଦ୍ର ନେତୃତ୍ବ ଅନୁଭବ କରିସାରିଲେଣି ଯେ, ଉଭୟଙ୍କ ନେତୃତ୍ବରେ ଓଡିଶାରେ ଫେଲ ମାରୁଛି। ବିଶେଷ କରି ବାଲେଶ୍ବର ଉପ ନିର୍ବାଚନରେ ହାରିବା କେନ୍ଦ୍ର ବିଜେପି ନେତୃତ୍ବଙ୍କୁ ବହୁ ବ୍ୟଥିତ କରିଦେଇଛି। କାରଣ ବାଲେଶ୍ବରରେ ସମବେଦନା ଭୋଟ ସହିତ ବିଜେଡିର ଦୃଢ ପ୍ରାର୍ଥୀ ନ ଥିଲେ। ଏହାକୁ ନେଇ ସେଠାରେ ବିଜେପି ଜିତିବା ନିଶ୍ଚିତ ଥିଲେ ମଧ୍ୟ ତାହା ହେଲା ନାହିଁ।

ବାଲେଶ୍ବର ଉପନିର୍ବାଚନକୁ ନେଇ କେନ୍ଦ୍ର ନେତୃତ୍ବ ବେଶ୍ ତନାଘନା ମଧ୍ୟ କରିଛନ୍ତି। ସେମାନେ ଅନୁଭବ କରିସାରେଲେଣି ଯେ, ବର୍ତ୍ତମାନ ବିଜେପିର ଯେଉଁମାନେ ମଙ୍ଗୁଆଳ ସାଜିଛନ୍ତି ସେମାନଙ୍କ ଦ୍ବାରା 2024 ନିର୍ବାଚନ ସମ୍ମୁଖୀନ ହେବା ଉଚିତ ହେବ ନାହିଁ। ଏପରିକି ତା ପୂର୍ବରୁ ପଞ୍ଚାୟତ ଏବଂ ନଗରପାଳ ନିର୍ବାଚନ ମଧ୍ୟ ତାଙ୍କ ହାତରେ ଟେକି ହେବ ନାହିଁ। ସେଥିପାଇଁ ଓଡିଶାରେ ବିଜେପି କୁଆଡେ ଏକ ବିକଳ୍ପ ମଙ୍ଗୁଆଳ ତିଆରି କରିବା ପାଇଁ ମନସ୍ଥ କରିଥିବାର କୁହାଯାଉଛି।

ସେଥିପାଇଁ ଦଳ ବର୍ତ୍ତମାନ ଦୁଇଜଣ କେନ୍ଦ୍ରମନ୍ତ୍ରୀଙ୍କ ମଧ୍ୟରୁ ଜଣଙ୍କୁ ବାହାର କରି ଆଉ ଜଣେ ନୂଆଙ୍କୁ ନେବେ ବୋଲି ଦିଲ୍ଲୀରେ ଚର୍ଚ୍ଚା ଚାଲିଛି। ହେଲେ ଆଉ କେତେକଙ୍କ ମତରେ ଏହି ଦୁଇ ଜଣଙ୍କ ସହିତ ଆଉ ଜଣଙ୍କୁ ମନ୍ତ୍ରୀ ଭାବେ ମୋଦୀ ନେବେ ବୋଲି କୁଆଡେ ସୂଚନା ମିଳିଛି। ଅର୍ଥାତ ଓଡିଶାରୁ ତିନିଜଣ କେନ୍ଦ୍ର ମନ୍ତ୍ରୀମଣ୍ଡଳରେ ସାମିଲ ହେବେ। ତେବେ ସେହି  ନୂଆ ବ୍ୟକ୍ତି ଜଣଙ୍କ କିଏ ସେ ସେ ନେଇ ଜୋରଦାର ଆଲୋଚନା ଚାଲିଛି।  ସେହି ମଧ୍ୟରେ ଦୁଇ ଜଣଙ୍କ ନାମ ଆଗକୁ ଆସୁଛି। ଜଣେ ହେଲେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଏବଂ ଆଉ ଜଣେ ହେଲେ ରାଜ୍ୟସଭା ସାଂସଦ ଅଶ୍ବିନୀ ବୈଷ୍ଣବ।

ବର୍ତ୍ତମାନ ଓଡିଶା ରାଜନୀତିରେ ଅପରାଜିତା ଷଡଙ୍ଗୀ ଏକକ ନେତୃତ୍ବରେ ଏକ ଦୃଢ ସଂଗଠନ ତିଆରି କରିବାରେ ଲାଗିଲେଣି। ସେଥିପାଇଁ ଧର୍ମେନ୍ଦ୍ର କ୍ୟାମ୍ପ ଛାଡି ଅନେକ ନେତା ଅପରାଜିତା କ୍ୟାମ୍ପରେ ପ୍ରବେଶ ମଧ୍ୟ କଲେଣି। କାରଣ ଗତ ଖୋର୍ଦ୍ଧା ବିଜେପି ସଭାପତି ନିଯୁକ୍ତି ନେଇ ଯେପରି ଟକ୍କରା ଟକ୍କରି ଚାଲିଲା ତାହା ଓଡିଶା ରାଜନୀତିରେ ବେଶ ହଟଚମଟ ସୃଷ୍ଟି କରିଛି। ଏଥିରେ ଦିଲ୍ଲୀ ଦରବାରରେ ଅପରାଜିତାଙ୍କ କ୍ଷମତା କେତେ ତାହା ପ୍ରମାଣିତ ହେଲା। ତେଣୁ ଦିଲ୍ଲୀ ଲିଙ୍କରେ ଅପରାଜିତାଙ୍କୁ ମନ୍ତ୍ରିମଣ୍ଡଳରେ ସାମିଲ କରାଯାଇପାରେ ବୋଲି ବହୁ ସମ୍ଭାବନା ସୃଷ୍ଟି ହୋଇଛି।

ତେବେ ଅଶ୍ବନୀ ବୈଷ୍ଣବଙ୍କୁ ମନ୍ତ୍ରିମଣ୍ଡଳରେ ସାମିଲ କରିବା ପାଇଁ ଯେଉଁମାନେ କହୁଛନ୍ତି ସେମାନଙ୍କର ଯୁକ୍ତି ମଧ୍ୟ ଠିକ। ଏମାନଙ୍କର ଯୁକ୍ତି ହେଲା ଯେ, ଦୁଇ ଜଣଙ୍କର କଳିରେ ତୃତୀୟ ଜଣଙ୍କର ଲାଭ ନ୍ୟାୟରେ ଅଶ୍ବନୀ ମନ୍ତ୍ରୀ ହୋଇପାରନ୍ତି। ଅପରାଜିତାଙ୍କୁ ମନ୍ତ୍ରୀ ମଣ୍ଡଳରେ ସାମିଲ ନ କରି ଜଣେ ନିରପେକ୍ଷ ଲୋକଙ୍କୁ ସାମିଲ କଲେ ଭବିଷ୍ୟତରେ କାଦୁଅ ଫିଙ୍ଗା ଖେଳ ହେବ ନାହିଁ। ଅନ୍ୟପକ୍ଷରେ ଅଶ୍ବନୀଙ୍କ ରାଷ୍ଟ୍ରୀୟ ବିଜେପିରେ ଯେପରି ଦବଦବା ରହିଛି ତାହା ଆଉ କାହାର ନାହିଁ। ସେଥିପାଇଁ ଅଶ୍ବନୀଙ୍କୁ ମନ୍ତ୍ରିମଣ୍ଡଳରେ ସାମିଲ କରିବା ନେଇ ଚର୍ଚ୍ଚା ଯୋର ଧରିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ହ୍ରାସ ପାଉଥିବା ପତିୟାରା ପ୍ରତିଷ୍ଠା ପାଇଁ ଧର୍ମେନ୍ଦ୍ରଙ୍କର ନୂଆ ରଣନୀତି, ଏକା ଡାକିଲେ ବିଧାୟକଙ୍କ ବୈଠକ

ଭୁବନେଶ୍ବର, କିଛିଦିନ ତଳେ ରାଜ୍ୟ ବିଜେପି କାର୍ଯ୍ୟାଳୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏକ ବିଧାୟକ ଦଳର ବୈଠକ ଡାକିଥିଲେ। କେନ୍ଦ୍ରମନ୍ତ୍ରୀ ତଥା ରାଜ୍ୟ ନେତା ଭାବେ ସେ ବିଧାୟକ ଦଳର ବୈଠକ ଡାକିବାରେ କୌଣସି ଅସୁବିଧା ନାହିଁ। ହେଲେ ଅସୁବିଧା ହେଲା ଯେ, ସେ ଯେଉଁ ସମୟରେ ଏହି ବୈଠକ ଆହ୍ବାନ କଲେ। କାରଣ ବିଧାନସଭା ପୂର୍ବରୁ ସବୁ ଦଳ, ଗୃହ ଭିତରେ କଣ ରଣନୀତି ହେବ ସେ ନେଇ ବୈଠକ କରିଥାନ୍ତି। ସାଧାରଣତଃ ଏହି ବୈଠକ ବିଧାନସଭା ପୂର୍ବରୁ କରାଯାଇଥାଏ। ହେଲେ ବିଧାନସଭା ହେବାର ବହୁ ଦିନ ପରେ ଧର୍ମେନ୍ଦ୍ର ଏପରି ବୈଠକ କରିବାର କଣ ଆବଶ୍ୟକତା ଥିଲା। ତାହାକୁ ନେଇ ବର୍ତ୍ତମାନ ସୃଷ୍ଟି ହୋଇଛି ଚର୍ଚ୍ଚା।

ସାଧାରଣରେ ଗୋଟିଏ ଆଲୋଚନା ହେଉଛି ଯେ, ବର୍ତ୍ତମାନ ଦଳ ଭିତରେ ଧର୍ମେନ୍ଦ୍ରଙ୍କ ପତିୟାରା କମିବାରେ ଲାଗିଛି। ସେଥିପାଇଁ ସେ ନିଜର ଶକ୍ତିକୁ ବଜାଇ ରଖିବା ପାଇଁ କୁଆଡେ ଏପରି ଅବେଳାରେ ବିଧାୟକ ଦଳର ବୈଠକ ଡାକିଥିଲେ। ସେହିପରି ଏହି ବୈଠକକୁ ନେଇ ଆଉ ଏକ ପ୍ରଶ୍ନବାଚୀ ମଧ୍ୟ ସୃଷ୍ଟି ହୋଇଛି। ତାହା ହେଲା ଯେ, ଏହି ବିଧାୟକ ଦଳ ବୈଠକରେ ସବୁ ବିଜେପି ବିଧାୟକଙ୍କ ସହିତ ଧର୍ମେନ୍ଦ୍ର ଏବଂ ରାଜ୍ୟ ସଭାପତି ସମୀର ମହାନ୍ତି ଥିଲେ। ହେଲେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଡକାଯାଇ ନ ଥିଲା। ପ୍ରକୃତରେ ତାଙ୍କୁ ଡକା ଯାଇ ନ ଥିଲା କି ସେ ଆସିପାରି ନ ଥିଲେ ତାହା ଭିନ୍ନ କଥା। ହେଲେ ସେହି ବୈଠକରେ ଅପରାଜିତା ଅନୁପସ୍ଥିତ ଥିଲେ। ଯାହାକୁ ନେଇ ରାଜନୈତିକ ମହଲ ଭିନ୍ନ ରଂଗ ଦେବାରେ ଲାଗିଛି।

ନିକଟରେ ଦଳରେ ଖୋର୍ଦ୍ଧା ଜିଲ୍ଲା ସଭାପତିଙ୍କୁ ନେଇ ଯେପରି ନାଟକବାଜୀ ହେଲା ତାହା ବର୍ତ୍ତମାନ ଓଡିଶା ରାଜନୈତିକ ମହଲରେ ବେଶ୍ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି। କାରଣ ଖୋର୍ଦ୍ଧା ଜିଲ୍ଲାର ସଭାପତି ଥିବା ରଶ୍ମୀରଂଜନ ମହାପାତ୍ରଙ୍କୁ ଦଳ ବିରୋଧୀ କାମ ପାଇଁ ସଭାପତି ପଦରୁ ହାଠାତ ହଟାଇ ଦିଆଯାଇ ଯତୀନ ମହାନ୍ତିଙ୍କୁ ନିଯୁକ୍ତ କରାଗଲା। ରାଜନୈତିକ ମହଲରେ ସମସ୍ତେ ଜାଣନ୍ତି ଯତୀନ ମହାନ୍ତି ଧର୍ମେନ୍ଦ୍ରଙ୍କ ଲୋକ ଏବଂ ରଶ୍ମୀରଂଜନ ହେଉଛନ୍ତି ଅପରାଜିତାଙ୍କ ଲୋକ।

ରଶ୍ମୀରଂଜନଙ୍କୁ ଯେତେବଳେ ସଭାପତି କରିବା ପାଇଁ ପ୍ରସ୍ତାବ ଗଲା ସେତେବେଳେ କୁଆଡେ ଧର୍ମେନ୍ଦ୍ର ବିରୋଧ କରିଥିଲେ। ହେଲେ ତାଙ୍କର ବିରୋଧ ସତ୍ବେ ରଶ୍ମୀଙ୍କୁ ସଭାପତି କରିବା ପାଇଁ ଅପରାଜିତା ଅଡି ବସିଥିଲେ ଆଉ ସଫଳ ମଧ୍ୟ ହେଲେ।ସେହି ରାଗରେ କିଛି ମାସ ପରେ ଧର୍ମେନ୍ଦ୍ର ଗୋଟି ଚାଳନା କରି ତାଙ୍କୁ ସଭାପତି ପଦରୁ ବାହାର କରି ଲୋକହସା ମଧ୍ୟ ହେଲେ। କାରଣ ସେ ଯାହାକୁ ସଭାପତି ଭାବେ ନିଯୁକ୍ତ କଲେ ତାଙ୍କୁ ଆଠଦିନ ପରେ ବାହାର କରାଗଲା। ପୁଣି ରଶ୍ମୀରଂଜନ ମହାପାତ୍ରଙ୍କୁ ସଭାପତି ଭାବେ ପୁନଃସ୍ଥାପିତ କରାଗଲା।

ଏହି ଘଟଣା ବାହାରକୁ ଜଣାପଡି ନ ଥିଲେ ମଧ୍ୟ ରାଜ୍ୟ ବିଜେପିରେ ଶକ୍ତିଶାଳୀ ଧର୍ମେନ୍ଦ୍ର ପ୍ରଧାନ ଗୋଷ୍ଠୀଙ୍କ ମୁଣ୍ଡ ଖରାପ କରିଦେଇଛି। ଖୋଦ ଧର୍ମେନ୍ଦ୍ରଙ୍କୁ ମଧ୍ୟ ବଡ ଧକ୍କା ଲାଗିଛି। ମୁଖ୍ୟତଃ ତିନୋଟି କାରଣ ନେଇ ଧର୍ମେନ୍ଦ୍ର ବେଶ୍ ବ୍ୟଥିତ ହୋଇଛନ୍ତି। ପ୍ରଥମରେ ତାଙ୍କ ଦ୍ବାରା ନିଯୁକ୍ତ ସଭାପତିଙ୍କୁ ସେ ସୁରକ୍ଷା ଦେଇପାରିଲେ ନାହିଁ। ଦ୍ବିତୀୟରେ ସେ ଯାହାକୁ ବାହାର କରିଥିଲେ ତାଙ୍କୁ ପୁଣି ନିଯୁକ୍ତି ଦିଆଗଲା।

ଅନ୍ତତଃ ପକ୍ଷେ ଆଉ ନୂଆ ଜଣଙ୍କୁ ସଭାପତି କରାଯାଇ ଥିଲେ ହୁଏତ ଧର୍ମେନ୍ଦ୍ରଙ୍କର ପତିୟାରା ଅକ୍ଷୁର୍ଣ୍ଣ ରହିଥାଆନ୍ତା। ତାହା ମଧ୍ୟ ହୋଇପାରିଲା ନାହିଁ। ତୃତୀୟରେ ଏହି ଘଟଣାଟି ଧର୍ମେନ୍ଦ୍ରଙ୍କର ପତିୟାରା ହ୍ରାସ କଲା ବୋଲି  ହାଟରେ ପଡି ଘାଟରେ ଗଡିଲା। ଯାହା ତାଙ୍କୁ ବହୁ ମାତ୍ରାରେ ବ୍ୟତିଥ କରିଦେଇଛି। ଅପରାଜିତ ଦଳରେ ଯୋଗଦେବା ପୂର୍ବରୁ ଏମିତି କେବେ ହୋଇ ନ ଥିଲା।

ଏ ସବୁ ଘଟଣା ଭିତରେ ଧର୍ମେନ୍ଦ୍ର ବର୍ତ୍ତମାନ ନିଜର ପତିୟାରାକୁ ପ୍ରତିଷ୍ଠା କରି ଅପରାଜିତାକୁ କଣଠୋସା କରିବା ପାଇଁ ଏକ ନୂଆ ରଣ କୌଶଳ ଆରମ୍ଭ କରିଛନ୍ତି। ଭିନ୍ନ ପ୍ରସଂଗରେ ବିଜେପି ବିଧାୟକମାନଙ୍କ ବୈଠକ ଡାକି ନିଜର ଭାବମୂର୍ତ୍ତିକୁ ସଜାଡିବାରେ ଲାଗିପଡିଛନ୍ତି। ଏହାପରେ ସେ ବର୍ତ୍ତମାନ ପୁରା ବିଜେପି ନେତାମାନଙ୍କୁ କିପରି ହାତରେ ରଖିବେ ସେ ନେଇ ମଧ୍ୟ ରଣନୀତି ପ୍ରସ୍ତୁତ କରିସାରିଲେଣି। କାରଣ ଧର୍ମେନ୍ଦ୍ର ଥରେ ଧକ୍କା ଖାଇଛନ୍ତି ମାନେ ସେ ଭିତରେ ଭିତରେ ଘାଇଲା ବାଘ ପରି ହେବାରେ ଲାଗିଛନ୍ତି ।

ଅନ୍ୟପଟେ ଏସବୁ ଘଟଣା ସଂପର୍କରେ ଅବଗତ ହେବାରେ ଲାଗିଛନ୍ତି ସାଂସଦ ଅପରାଜିତା ଷଡଙ୍ଗୀ। ସେ ମଧ୍ୟ ଦଳ ଭିତରେ ନିଜ ପତିୟାରା ଜାହିର ପାଇଁ ଆରମ୍ଭ କରିଛନ୍ତି ନୂଆ ରଣନୀତି। ତେବେ ବିଜେପିର ଏପରି ଡ୍ରାମାବାଜିକୁ ନେଇ ଗୋଟିଏ ଗୋଷ୍ଠୀ ବେଶ୍ ଉତଫୁଲିତ ଅଛନ୍ତି। ସେହି ଗୋଷ୍ଠୀଟି ହେଲା , ଆମେ ନା ଧର୍ମେନ୍ଦ୍ର, ଆମେ ନା ଅପରାଜିତା।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଖୁରୁଧା ସିଂହାସନ ଲଢେଇରେ ଧର୍ମେନ୍ଦ୍ରଙ୍କ ରାସ୍ତାକୁ ରୋକିଲେ ଅପରାଜିତା, ବିଷମ ପରିସ୍ଥିତିରେ ରାଜ୍ୟ ବିଜେପି

ଭୁବନେଶ୍ୱର: ଏବେ ଏବେ ସରିଛି ଓଡିଶାର ଉପନିର୍ବାଚନ। ବିଜେପି ହାତରୁ ଖସିଯାଇଛି ଗୋଟିଏ ସିଟ। ତିର୍ତ୍ତୋଲ ଓ ବାଲେଶ୍ୱର ସଦରରେ ବିଜେଡିର ହେଲା ବାଜିମାତ। ହେଲେ ନିଜ ହାତରୁ ଖସିଯାଇଥିବା ବାଲେଶ୍ଵର ସଦର ଆସନଟିକୁ ନେଇ ବିଜେପି ମାନସ ମନ୍ଥନ କରିବ କଣ, ଘରେ ଲାଗିଛି ବାଦୀପାଲା। ଏହି ପାଲା ପୁଣି ଆଉ କାହା ମଧ୍ୟରେ ନୁହେଁ, ଖୋଦ୍ ବିଜେପି ଶକ୍ତିକେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀଙ୍କ ମଧ୍ୟରେ ଲାଗିଛି।

ଲୋକ ଭାବୁଥିଲେ ବାଲେଶ୍ଵର ପରାଜୟ ପରେ ରାଜ୍ୟ ବିଜେପି ଆଗାମୀ ଦିନରେ କିଭଳି ନିର୍ବାଚନ ଜିଣିବ, ସେହି ଚିନ୍ତା କରିବ। କଣ ପାଇଁ ବାଲେଶ୍ଵର ସଦର ଆସନ ଖସିଗଲା ତର୍ଜମା ହେବ। କିନ୍ତୁ ଗୋଷ୍ଠୀ କନ୍ଦଳକୁ ନେଇ ବିଜେପି ବର୍ତ୍ତମାନ ଅଡୁଆ ପରିସ୍ଥିତିରେ ଗତି କରୁଛି। ତେବେ ଏହି ଅଡୁଆର କାରଣ କଣ ଜାଣିଲେ ଆଶ୍ଚର୍ଯ୍ୟ ଲାଗିବ। ଭୁବନଶ୍ୱର ସଂସଦୀୟ କ୍ଷେତ୍ରରେ ଅପରାଜିତାଙ୍କ ଗୁରୁତ୍ୱ କମାଇବାକୁ ଧର୍ମେନ୍ଦ୍ର ଷଡଯନ୍ତ୍ର କରୁଥିବା ଚର୍ଚ୍ଚା ହେଉଛି। ଯେଉଁଥି ପାଇଁ ଖୁରୁଧା ଜିଲ୍ଲା ବିଜେପି କର୍ମକାର୍ତ୍ତାଙ୍କୁ ଅଦଳ ବଦଳ କରାଯିବାକୁ ନେଇ ବିବାଦ ତେଜୁଥିଲା।

ଗତ ବର୍ଷେ ହେଲା ଅପରାଜିତାଙ୍କ ଅନୁଗତ ରଶ୍ମୀରଂଜନ ମହାପାତ୍ର ଖୋର୍ଦ୍ଧା ଜିଲ୍ଲା ବିଜେପି ସଭାପତି ଭାବେ ଦାୟିତ୍ୱରେ ଥିଲେ। ହେଲେ ଅଚାନକ ତାଙ୍କ ସ୍ଥାନରେ ଯତୀନ ମହାନ୍ତିଙ୍କୁ ନିଯୁକ୍ତି ଦିଆଗଲା। ରଶ୍ମୀ ମହାପାତ୍ରଙ୍କୁ ଦାୟିତ୍ବରୁ ଅବ୍ୟାହତି ଦିଆଯିବା ଘଟଣାରୁ ହିଁ ଆରମ୍ଭ ହେଲା ବିବାଦ। ତେବେ ଅପରାଜିତାଙ୍କ ଜିଦ୍ ଆଗରେ ଧର୍ମେନ୍ଦ୍ର ହାରି ଯାଇଛନ୍ତି। ଧର୍ମେନ୍ଦ୍ରଙ୍କୁ ଶକ୍ତ ଝଟକା ଦେଇ ରଶ୍ମୀ ରଞ୍ଜନଙ୍କୁ ପୁଣିଥରେ ବିଜେପି ଖୁରୁଧା ଜିଲ୍ଲା ସଭାପତି ଦାୟିତ୍ୱ ମିଳିଛି। ଏଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ଗୋଷ୍ଠୀର କିଛି ନେତା ବି ପଦାରେ ପଡିଯାଇଛନ୍ତି। ତାଙ୍କ ଭିତରେ ଅଛନ୍ତି ଗୋଲକ ମହାପାତ୍ରଙ୍କ ସହିତ ଖୋଦ ରାଜ୍ୟ ସଭାପତି ସମୀର ମହାନ୍ତି।

ତେବେ ପ୍ରଶ୍ନ ଉଠୁଛି ସବୁ ରାଜ୍ୟରେ ବିଜେପି ସଂଗଠନ ସୁଦୃଢ଼ ହେଉଥିଲା ବେଳେ ଓଡ଼ିଶାରେ ବିଜେପି ଆଗକୁ ବଢ଼ିପାରୁନି କାହିଁକି। ୨୦୧୪ ସାଧାରଣ ନିର୍ବାଚନ ବେଳେ ବିଜେପି ଯେଉଁ ଢଙ୍ଗରେ ପ୍ରଚାର ଆରମ୍ଭ କରିଥିଲା, ଏଥିରେ ରାଜ୍ୟ ବିଜେପି ବେଶ୍ ଉତଫୁଲିତ ଥିଲା। ହେଲେ ବିଜୁ ଜନତା ଦଳର ପରାକ୍ରମ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ପ୍ରଭାବ ଆଗରେ ଫିକା ପଡିଲା ବିଜେପି।

ସେହିଭଳି ୨୦୧୯ ରେ ମଧ୍ୟ ଓଡ଼ିଶାରେ ବିଜେପି ବିଶେଷ ସଫଳ ହୋଇପାରିଲାନି। ଦୁଇଥର କେନ୍ଦ୍ରରେ ପେଟ୍ରୋଲିୟମ ମନ୍ତ୍ରୀ ଭାବେ ଧର୍ମେନ୍ଦ୍ର ରହିଲେଣି, ହେଲେ ଓଡ଼ିଶାରେ ବିଜେପି ବଢ଼ିପାରୁନି। ଏବେ ଆଉ ଜଣେ ଓଡ଼ିଆ ବି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଟିମରେ ରହିଛିନ୍ତି, ସେ ହେଲେ ପ୍ରତାପ ଷଡଙ୍ଗୀ। କିନ୍ତୁ ବିଜେଡିକୁ ଟକ୍କର ଦେବାପରି ସାମର୍ଥ୍ୟ ଏ ପର୍ଯ୍ୟନ୍ତ ବିଜେପି ନିକଟରେ ଥିବା ପରି ଜଣାପଡୁ ନାହିଁ।

ନବୀନଙ୍କ ସୁଶାସନ ଓ ଓଡିଶା ବିକାଶ ଶ୍ରେୟ ନେଲା ଭଳି ରାଜନୈତିକ ଦଳ ରାଜ୍ୟରେ ନାହିଁ। ତେଣୁ ରାଜ୍ୟ ବିଜେପି ଯଦି ଗୋଷ୍ଠୀ କନ୍ଦଳରେ ଲାଗିବ, ତେବେ  ଓଡିଶାରେ ପୁଣି ସେଇ ବିଜେଡି ଏକକ ସଂଖ୍ୟା ଗରିଷ୍ଠତା ହାସଲ କରି ଚାଲିଥିବ। ସେଥିପାଇ ବର୍ତ୍ତମାନ ରାଜ୍ୟ ବିଜେପି ଏକ ବିଷମ ପରିସ୍ଥିତି ଦେଇ ଗତି କରୁଛି ବୋଲି କହିଲେ ଅତ୍ୟୁକ୍ତି ହେବ ନାହିଁ।

Categories
ଫଟୋ ଖବର

ବାଲେଶ୍ବର ଉପନିର୍ବାଚନ ପ୍ରଚାର ମଇଦାନରେ ସାଂସଦ ଅପରାଜିତା ଷଡଙ୍ଗୀ ଏବଂ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ

ବାଲେଶ୍ବର, ବାଲେଶ୍ବର ଉପନିର୍ବାଚନ ପ୍ରଚାର ମଇଦାନରେ ସାଂସଦ ଅପରାଜିତା ଷଡଙ୍ଗୀ ଏବଂ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ

Categories
ଆଜିର ଖବର ରାଜ୍ୟ ଖବର

ଖୋଲିଲା ଅପରାଜିତାଙ୍କ ଅଫିସ୍‌

ଭୁବନେଶ୍ବର : ସାଂସଦ ଅପରାଜିତାଙ୍କ କାର୍ଯ୍ୟାଳୟ ଖୋଲିଲା । ସିଲ୍‌ ହେବାର ଆଠ ଦିନ ପରେ ଅପରାଜିତା ଷଡଙ୍ଗୀଙ୍କ କାର୍ଯ୍ୟାଳୟ ଖୋଲିଲା । ପଳାସପଲ୍ଲୀସ୍ଥିତ ସାଂସଦ ଅପରାଜିତାଙ୍କ କାର୍ଯ୍ୟାଳୟ ଆଜି ଖୋଲାଯାଇଛି । ସିଲ୍‌ କରିବାର 8ଦିନ ପରେ ଅଫିସ୍‌ ଖୋଲିଛି ବିଏମ୍‌ସି । କୋଭିଡ୍‌ ଗାଇଡଲାଇନ୍‌ ଉଲ୍ଳଂଘନ ଅଭିଯୋଗରେ 15 ଦିନ ପାଇଁ ଅଫିସ୍‌ ସିଲ୍‌ କରିଥିବା ବିଏମ୍‌ସି ।ଅପରପକ୍ଷରେ ଅଫିସ୍‌ ସିଲ୍‌କୁ ବେଆଇନ କହି ରାଜ୍ୟସରକାରଙ୍କ ଉପରେ ବର୍ଷିଥିଲେ ଅପରାଜିତା।

ସୂଚନାଯୋଗ୍ୟ, ଗତ 10 ତାରିଖର ସାଂସଦ ଅପରାଜିତା ଷଡଙ୍ଗୀଙ୍କ କାର୍ଯ୍ୟାଳୟକୁ ସିଲ୍‌ କରାଯାଇଥିଲା । କାର୍ଯ୍ୟାଳୟରେ କୋଭିଡ୍ ନିୟମ ଉଲଂଘନ ଜନ୍ମଦିନ ପାଳନ କରିଥିଲେ ସାଂସଦ। ଏନେଇ ସାଂସଦ ଅପରାଜିତାଙ୍କ ନାଁରେ କୋଭିଡ୍‌ ଯୋଦ୍ଧା ଅଭିଯୋଗ ଆଣିବା ପରେ ବିଏମ୍‌ସି ସାଂସଦ ଅପରାଜିତାଙ୍କ କାର୍ଯ୍ୟାଳୟକୁ ସିଲ୍‌ କରିଥିଲା ।

Categories
ଆଜିର ଖବର ରାଜ୍ୟ ଖବର

ଅଫିସ ସିଲ୍‌ କରିବା ବେଆଇନ୍‌ : ଅପରାଜିତା

ଭୁବନେଶ୍ୱର : ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ସାଂସଦ ଅପରାଜିତା ଷଡଙ୍ଗୀ। ତାଙ୍କ କାର୍ଯ୍ୟାଳୟ ସିଳ୍‌ କରିବା ବିଏମ୍‌ସିର ବେଆଇନ ପଦକ୍ଷେପ ବୋଲି କହିଛନ୍ତି ଅପରାଜିତା । ତେବେ ଏଥିପାଇଁ ସେ ବିଏମସିକୁ ଦାୟୀ ନକରି ସରକାରଙ୍କୁ ଦାୟୀ କରିଛନ୍ତି । ଗୃହମନ୍ତ୍ରାଳୟର ଗାଇଡ୍‌ ଲାଇନ୍‌ ଉଲ୍ଲଂଘନ କରି ତାଙ୍କଅଫିସ୍‌ ସିଲ୍‌ କରାଯାଇଛି । ଅଫିସ ସିଲ ଯୋଗୁଁ ତାଙ୍କର ଆର୍ଥିକ କ୍ଷତି ଘଟିଛି, ସେ ମାନସିକ ନିର୍ଯ୍ୟାତନା ଭୋଗିଛନ୍ତି  । ଏନେଇ ସେ କୋର୍ଟ ଯିବା ପାଇଁ ଚିନ୍ତା କରୁଛନ୍ତି ବୋଲି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ କହିଛନ୍ତି  । ଅପରାଜିତା କହିଛନ୍ତିଯେ, ତାଙ୍କର ଅଫିସ ସିଲ କରିବା ସଂପୂର୍ଣ୍ଣ ବେଆଇନ  । ତାଙ୍କଅଫିସ୍‌ରେ କେହି କୋଭିଡ୍‌ ଆକ୍ରାନ୍ତ ଚିହ୍ନଟ ହୋଇନାହାନ୍ତି । ଆକ୍ରାନ୍ତ ଚିହ୍ନଟ ନ ହେବା ସତ୍ତ୍ବେ ପୂରା ଅଫିସ୍‌କୁ କିପରି ସିଲ୍‌ କରାଗଲା ବୋଲି ପ୍ରଶ୍ନପଚାରିଛନ୍ତି ଅପରାଜିତା ।ଏହା ହେଉଛି ସରକାରଙ୍କ ଆକ୍ରୋଶମୂଳକ ପଦକ୍ଷେପ । ଛବି ମଳିନ କରିବାକୁ ସରକାର ଚେଷ୍ଟା ଚଳାଇଛନ୍ତି ।  କୋଭିଡ଼ ମହାମାରୀ  ନେଇ ଯେଉଁ ଗାଇଡ଼ଲାଇନ ରହିଛି ଏହା ତାହାର ଉଲ୍ଳଂଘନ କରୁଛି  । ଏନେଇ ସେ ବିଏମସି କମିଶନରଙ୍କୁ ସେ ଚିଠି ଲେଖି ଅବଗତ କରାଇଛନ୍ତି  । ମହାରଥୀଙ୍କ ଶେଷଯାତ୍ରାରେ କୋଭିଡ୍‌ ଲାଇନ୍‌ର ଉଲ୍ଲଂଘନ ହୋଇଥିଲା କିନ୍ତୁ ସେହି ଘଟଣାରେ ସରକାର କୌଣସି ପଦକ୍ଷେପ ନେଇନାହାନ୍ତି । ସରକାର ପାତର ଅନ୍ତର ନୀତି ଆପଣାଉଛନ୍ତି, କହିବାର ନୈତିକତା କରାଇଛନ୍ତି ବୋଲି କହିଛନ୍ତି ଅପରାଜିତା । ତେବେ ସେ ଏନେଇ ସେ କୋର୍ଟଙ୍କ ଦ୍ବାରସ୍ଥ ହେବାକୁ ଚିନ୍ତା କରୁଛନ୍ତି ବୋଲି କହିଛନ୍ତି ଅପରାଜିତା ।

Categories
ଆଜିର ଖବର ରାଜ୍ୟ ଖବର

ସିଲ୍ ହେଲା ସାଂସଦ ଅପରାଜିତା ଷଡ଼ଙ୍ଗୀଙ୍କ ଅଫିସ୍‌

ଭୁବନେଶ୍ୱର: ସାଂସଦ ଅପରାଜିତା ଷଡଙ୍ଗୀଙ୍କ କାର୍ଯ୍ୟାଳୟକୁ ସିଲ୍‌ କରାଯାଇଛି। ଭୁବନେଶ୍ୱର ମହାନଗର ନିଗମ ପକ୍ଷରୁ ସାଂସଦଙ୍କ ପଳାସପଲ୍ଲୀ ସ୍ଥିତ କାର୍ଯ୍ୟାଳୟକୁ ସିଲ୍ କରାଯାଇଛି। କମିଶନରେଟ ପୋଲିସ ସହାୟତାରେ କାର୍ଯ୍ୟାଳୟ ସିଲ୍‌ କରିଛି। କାର୍ଯ୍ୟାଳୟରେ କୋଭିଡ୍ ନିୟମ ଉଲଂଘନ ଜନ୍ମଦିନ ପାଳନ କରିଥିଲେ ସାଂସଦ। ଏନେଇ ସାଂସଦ ଅପରାଜିତାଙ୍କ ନାଁରେ କୋଭିଡ୍‌ ଯୋଦ୍ଧା ଅଭିଯୋଗ ଆଣିଛନ୍ତି । ଜନ୍ମଦିନ ପାର୍ଟିରେ ସମର୍ଥକଙ୍କ ସହ ମାସ୍କ ନପିନ୍ଧି ନାଚ, ଗୀତ ଓ ଗହଳି ଭିତରେ ସାମିଲ ହୋଇଥିଲେ ଅପରାଜିତା ବୋଲି ମଧ୍ୟ ଅଭିଯୋଗ ହୋଇଛି । ଏନେଇ କୋଭିଡ୍ ଯୋଦ୍ଧା ଲିଖିତ ଭାବେ ଭୁବନେଶ୍ୱର ଡିସିପିଙ୍କ ନିକଟରେ ଲିଖିତ ଅଭିଯୋଗ କରିଥିଲେ । ମେଡିକାଲ ଷ୍ଟାଫ୍‌, ସଫେଇ କର୍ମଚାରୀ, ଆଶା କର୍ମୀ ଓ କୋଭିଡ୍‌ ସଚେତକମାନେ ଫେରାଦ ହୋଇଥିଲେ। ସାଂସଦଙ୍କ ବେପରୁଆ କାର୍ଯ୍ୟ ଅନ୍ୟମାନଙ୍କ ଜୀବନକୁ ବିପଦରେ ପକାଇଛି। ସାଂସଦଙ୍କ ବିରୋଧରେ କ‌‌ଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି।

Categories
ଜାତୀୟ ଖବର ବିଶେଷ ଖବର

ଅପରାଜିତା ଷଡଙ୍ଗୀଙ୍କୁ ସ୍ବାଗତ କରିବା ପାଇଁ ଚାଲିଲା ଜୋରଦାର ପ୍ରସ୍ତୁତି, ହେଲେ କାରଣ କଣ?

ଭୁବନେଶ୍ବର, ସାଂସଦ ଅପରାଜିତା ଷଡଙ୍ଗୀ ଆସନ୍ତା ସାତ ତାରିଖରେ ଭୁବନେଶ୍ବର ଆସୁଛନ୍ତି। ତେବେ ଏଥିରେ ଆଶ୍ଚର୍ଯ୍ୟ ହେବାର କିଛି ନାହିଁ। କାରଣ ସେ ଭୁବନେଶ୍ବର ସାଂସଦ, ଘର ଭୁବନେଶ୍ବରରେ ଏଥିରେ ଆସିବାରେ ଅସୁବିଧା କେଉଁଠି ରହିଲା। ତାଙ୍କ ନିର୍ବାଚନ ମଣ୍ଡଳୀକୁ ଆସିବେ ନାହିଁ ତ ଆଉ କେଉଁଠିକି ଆସିବେ। ହେଲେ କଥାଟି ତାହା ନୁହେଁ। ଘଟଣାଟି ହେଉଛି ଯେ, ସେ ଭୁବନେଶ୍ବର ଆସୁଛନ୍ତି ବୋଲି ବିମାନ ବନ୍ଦରରୁ ଲିଙ୍ଗରାଜ ମନ୍ଦିର ପର୍ଯ୍ୟନ୍ତ ଏକ ବିରାଟ ଶୋଭାଯାତ୍ରା କରାଯାଉଛି।

ତେବେ କାହିଁକି, ଅପରାଜିତା କଣ ମନ୍ତ୍ରୀ ପଦ ପାଇଲେ କି ?  ତାହା ତ ନୁହେଁ। ହଁ ସେ ରାଷ୍ଟ୍ରୀୟ ପ୍ରବକ୍ତା ହୋଇଛନ୍ତି। ସେଠୁ କଣ ହେଲା। ଏହା ପୂର୍ବରୁ ସମ୍ବିତ ପାତ୍ର ମଧ୍ୟ ପ୍ରବକ୍ତା ଥିଲେ ଏବେ ବି ଅଛନ୍ତି। ଏହା ତ କୌଣସି ସରକାରୀ ପଦବୀ ନୁହେଁ। ଏହା ହେଉଛି ସଂପୂର୍ଣ୍ଣ ଭାରତୀୟ ଜନତା ପାର୍ଟିର ଦଳୀୟ ପଦବୀ। ତେଣୁ ଦଳୀୟ ପଦବୀ ପାଇବା କଣ ଏକ ବଡ କଥା ଯେ ବିମାନ ବନ୍ଦରରୁ ଶୋଭାଯାତ୍ରା ହେବ!

ଆମେ ଅପରାଜିତାଙ୍କ ଜଣେ ପାଖ ଲୋକଙ୍କୁ ପଚାରିଲୁ। ଭାଇ ମ୍ୟାଡମ କେବେ ଆସୁଛନ୍ତି। ସା’ରେ ମ୍ୟାଡମ ସାତ ତାରିଖରେ ଆସୁଛନ୍ତି। ଆମେ ଏକ ବଡ ଶୋଭାଯାତ୍ରାର ପ୍ରସ୍ତୁତ କରୁଛୁ। ସେଥିପାଇଁ ଟିକିଏ ବ୍ୟସ୍ତ ଅଛୁ। ଆମେ ପଚାରିଲୁ କାହିଁକି, ଏପରି ଶୋଭଯାତ୍ରା କରିବାର ମାନେ କଣ। ଆପଣ କଣ ବୁଝିପାରୁ ନାହିଁନ୍ତି। ସେମାନେ ମନ୍ତ୍ରୀ ହୋଇ ଆସିଲେ ଡିଣ୍ଡିମ ପିଟୁଛନ୍ତି। ଆମେ କାହିଁକି କରିବୁନି।

ଘଟଣାଟି ହେଲା ସେଇୟା। ସେମାନେ ଅର୍ଥଟା ଆମେ ବୁଝିଗଲୁ, ତେଣୁ ପ୍ରଶ୍ନ ପଚାରିଲୁ ନାହିଁ। ତେଣୁ ନିଶ୍ଚିତ ହେଲୁ ଯେ ବିମାନ ବନ୍ଦରରେ ସେମାନେ ଯେଉଁ ଢୋଲ ଢାଉଁ ଢାଉଁ କରି ପିଟିବେ ତାହା ଆଉ ଜଣଙ୍କ ହୃଦୟ ଯେପରି ଠକଠକ ହୋଇ ଫାଟି ପଡିବ। ତାହା ହିଁ କରିବାର ଉଦ୍ଦେଶ୍ୟ। ଭିତର କଥା ହେଲା ଅପରାଜିତାଙ୍କୁ କୌଣସି ଦଳୀୟ ପଦବୀ ଦିଆ ନ ଯାଉ ତାହା ଚେଷ୍ଠା କରାଯାଇ ଥିଲା। ହେଲେ ତାଙ୍କ ଆଖିରେ ଆଙ୍ଗୁଠି ଗେଞ୍ଜି ଯେତେବେଳେ ଏହି ପଦବୀଟି ମିଳିଛି ତାଠାରୁ ବଡ କଣ ହୋଇପାରେ। କେନ୍ଦ୍ରମନ୍ତ୍ରୀ ପଦଠାରୁ ଏହା ବେଶ୍ ବଡ ତାଙ୍କ ପାଇଁ।

ସେଥିପାଇଁ ଟିମ୍ ଅପରାଜିତା ପୁରା ଦମରେ ଲାଗିପଡିଛନ୍ତି କିପରି ତାଙ୍କ ଆସିବାଟା ସାରା ଓଡିଶାରେ ପ୍ରଭାବ ପକାଇବ। ସେଥିପାଇଁ ବଡ ନେତାଙ୍କ ପରି ସେ ଶୋଭାଯାତ୍ରାରେ ଭୁବନେଶ୍ବର ବିମାନ ବନ୍ଦରରୁ ବାହାରି ଲିଙ୍ଗରାଜ ମନ୍ଦିର ଆସିବେ। ସେଠାରେ ସେ ପ୍ରଭୁ ଲିଙ୍ଗରାଜଙ୍କୁ ମୁଣ୍ଡିଆଟିଏ ମାରିବେ। ଏହାପରେ ସେ ପୁରୀ ଯିବେ, ସେଠାରେ ମଧ୍ୟ ମନ୍ଦିର ସମ୍ମୁଖରେ ଜଗନ୍ନାଥଙ୍କୁ ପ୍ରଣାମ କରିବେ। ଏହାକୁ ଟେଲିଭିଜନ ଏବଂ ସୋସିଆଲ ମିଡିଆରେ ଯେପରି ଜୋରସୋରରେ ପ୍ରଚାର ପ୍ରସାର କରାଯିବ ତାହାର ମଧ୍ୟ ବନ୍ଦୋବସ୍ତ ଚାଲିଛି।

ଏହି ପ୍ରସ୍ତୁତି ଭିତରେ ଆମେ ଦେଖିଲୁ ଏକ ଆଶ୍ଚର୍ଯ୍ୟ। ତାହା ହେଲା ତାଙ୍କର ଯେଉଁ ପୋଷ୍ଟର ବ୍ୟାନର ତିଆରି ଚାଲିଛି ସେଥିରେ ଓଡିଶାର କୌଣସି ନେତାଙ୍କ ଫଟୋ ନାହିଁ। କେବଳ ଅପରାଜିତାଙ୍କ ସହିତ ପ୍ରଧାନମନ୍ତୀ, ଅମିତ ସାହା ଏବଂ ଜେ.ପି ନଡ୍ଡାଙ୍କ ଫଟୋ ରହିଛି। ଏହି ଫୋଟରୁ ଯେଉଁମାନେ ବୁଝିବା କଥା ବୁଝିପାରିବେ। ଆମେ ମୁଣ୍ଡ ଖେଳାଇବା ଆବଶ୍ୟକ ନାହିଁ।

ସେଥିପାଇଁ ଆମେ ପୂର୍ବରୁ ଏହି ସମୀକ୍ଷାର ଏକ ସମୀକ୍ଷାରେ କହିଥୁଲୁ ଯେ, ‘ଡେଣା ମେଲାଇଲେ ସାଂସଦ ଅପରାଜିତା ଷଡଙ୍ଗୀ’।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ନଡ୍ଡାଙ୍କ ଟିମ୍‌ରେ ଚାରି ଓଡ଼ିଆ : ଉପାଧ୍ୟକ୍ଷ ପଦବୀରେ ରହିଲେ ବୈଜୟନ୍ତ, ଅପରାଜିତା ଓ ସମ୍ବିତ ପାତ୍ର  ରାଷ୍ଟ୍ରୀୟ ପ୍ରବକ୍ତା

ନୂଆଦିଲ୍ଲୀ: ଭାରତୀୟ ଜନତା ପାର୍ଟି(ବିଜେପି)ର ପଦାଧିକାରୀଙ୍କ ନୂତନ ଟିମ୍ ଘୋଷଣା କରିଛି। ଦଳର ସଭାପତି ଜଗତ ପ୍ରକାଶ ନଡ୍ଡା କିଛି ସମୟ ପୂର୍ବେ ଏହାର ଘୋଷଣା କରିଛନ୍ତି। ଏଥର ବିଜେପିର ନୂତନ ଟିମ୍‌ରେ ସମସ୍ତ ରାଜ୍ୟର ଯୁବକ ଓ ମହିଳାଙ୍କୁ ସୁଯୋଗ ଦିଆଯାଇଛି।

ନଡ୍ଡାଙ୍କ ଟିମ୍‌ରେ 12 ଉପସଭାପତି, 8 ସାଧାରଣ ସଂପାଦକ, 13ରାଷ୍ଟ୍ରୀୟ ସଂପାଦକ ରହିଛନ୍ତି। ନଡ୍ଡାଙ୍କ ଟିମ୍‌ରେ ଚାରି ଓଡିଆଙ୍କୁ ସ୍ଥାନ ମିଳିଛି। ଘୋଷିତ 23 ଜଣିଆ ରାଷ୍ଟ୍ରୀୟ ପ୍ରବକ୍ତା ଓଡିଶାର ସମ୍ବିତ ପାତ୍ର ପୂର୍ବଭଳି ନିଜ ଦାୟିତ୍ଵରେ ଥିବା ବେଳେ ଭୁବନେଶ୍ଵର ସାଂସଦ ଅପରାଜିତ ଷଡଙ୍ଗୀଙ୍କୁ ରାଷ୍ଟ୍ରୀୟ ପ୍ରବକ୍ତା ମଧ୍ୟରେ ସ୍ଥାନ ମିଳିଛି। ଘୋଷିତ 13 ରାଷ୍ଟ୍ରୀୟ ସଂପାଦକ ମଧ୍ୟରେ ଓଡିଶାର ମୟୂରଭଞ୍ଜ ସାଂସଦ ବିଶେଶ୍ଵର ଟୁଡୁ ରହିଛନ୍ତି। ସେହିପରି ବୈଜୟନ୍ତ ପଣ୍ଡା ରାଷ୍ଟ୍ରୀୟ ଉପାଧ୍ୟକ୍ଷ ପଦ ବଜାୟ ରଖିଛନ୍ତି ।

ରମଣ ସିଂହ, ବସୁନ୍ଧରା ରାଜେ ସିନ୍ଧିଆ, ରାଧାମୋହନ ସିଂ, ରଘୁବର ଦାସ, ମୁକୁଲ ରାୟ, ରେଖା ବର୍ମା, ଅନ୍ନପୂର୍ଣ୍ଣା ଦେବୀ, ଭାରତୀ ବେନ୍‌ ସିୟାଲ୍‌, ଡିକେ ଅରୁଣା, ଏମ୍‌. ଚୌବା ଏଓ, ଅବଦୁଲ୍ଲା କୁଟ୍ଟିଙ୍କୁ ଉପାଧ୍ୟକ୍ଷ ଦାୟିତ୍ବ ମିଳିଛି । ଭୂପେନ୍ଦ୍ର ଯାଦବ, ଅରୁଣ ସିଂହ, କୈଳାସ ବିଜୟବର୍ଗୀୟ, ଦୁଷ୍ୟନ୍ତ ଗୌତମ, ଡି. ପୁରନ୍ଦେଶ୍ଵରୀ, ସିଟି ରବି, ତରୁଣ ଚୁଗ, ଦିଲ୍ଲୀପ ସାଇକିଆଙ୍କୁ ସାଧାରଣ ସଂପାଦକ ଦାୟିତ୍ଵ ଦିଆଯାଇଛି। ବିଏଲ ସନ୍ତୋଷଙ୍କୁ ଗୁରୁତ୍ଵପୂର୍ଣ୍ନ ରାଷ୍ଟ୍ରୀୟ ସଂଗଠନ ମହାମନ୍ତ୍ରୀ ଦାୟିତ୍ଵ ଦିଆଯାଇଛି। ବି ସତିଶ, ସୌଦାନ ସିଂହ, ଶିବ ପ୍ରକାଶଙ୍କୁ ସହ ସଂଗଠନ ମହାମନ୍ତ୍ରୀ ଦାୟିତ୍ଵ ଦିଆଯାଇଛି।

ସେହିପରି ରାଜେଶ ଅଗ୍ରଓ୍ବାଲଙ୍କୁ କୋଷାଧ୍ୟକ୍ଷ ଦାୟିତ୍ବ ମିଳିଥିବାବେଳେ ସୁଧୀର ଗୁପ୍ତାଙ୍କୁ ସହ କୋଷାଧ୍ୟକ୍ଷ ଦାୟିତ୍ବ ମିଳିଛି ।

ସେହିପରି ସମ୍ବିତ ପାତ୍ର ବିଜେପି ରାଷ୍ଟ୍ରୀୟ ପ୍ରବକ୍ତା ପଦ ବଜାୟ ରଖିଥିବାବେଳେ 23 ଜଣ ପ୍ରବକ୍ତାଙ୍କ ଭିତରେ ସ୍ଥାନ ପାଇଛନ୍ତି ଅପରାଜିତା ଷଡଙ୍ଗୀ । ଅନିଲ୍‌ ବଲ୍ଲୁନି, ସାହାନାଓ୍ବାଜ୍‌ ହୁସେନ୍‌, ରାଜୀବ ପ୍ରତାପ ରୁଡ୍ଡୀ ରହିଛନ୍ତି ।

କର୍ଣ୍ଣାଟକର ତେଜସ୍ବୀ ସୂର୍ଯ୍ୟା ହେଲେ ବିଜେପି ଯୁବମୋର୍ଚ୍ଚା ଅଧ୍ୟକ୍ଷ । କେ. ଲକ୍ଷଣ ଓବିସି ମୋର୍ଚ୍ଚ ଅଧ୍ୟକ୍ଷ ହୋଇଥିବାବେଳେ ରାଜକୁମାର ଚାହରଙ୍କୁ କୃଷକ ମୋର୍ଚ୍ଚା ଅଧ୍ୟକ୍ଷ ଦାୟିତ୍ବ ମିଳିଛି । ଲାଲ୍‌ ସିଂ ଆର୍ଯ୍ୟଙ୍କୁ ଏସ୍‌ସି ମୋର୍ଚ୍ଚା ଅଧ୍ୟକ୍ଷ, ସମୀର ଓରାଓଁଙ୍କୁ ଜନଜାତି ମୋର୍ଚ୍ଚା ଅଧ୍ୟକ୍ଷ ଦାୟିତ୍ବ ମିଳିଥିବାବେଳେ ଜମାଲ ସିଦ୍ଧିକି ହେଲେ ବିଜେପି ସଂଖ୍ୟାଲଘୁ ମୋର୍ଚ୍ଚା ଅଧ୍ୟକ୍ଷ ।