Categories
ଆଜିର ଖବର ଜାତୀୟ ଖବର ନିର୍ବାଚନ ଖବର ରାଜ୍ୟ ଖବର

ବିଜେପିରେ ମିଶିଲେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ

ଭୁବନେଶ୍ବର: ଶେଷରେ ବିଜେପିରେ ମିଶିଲେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ। ଆଜି ସେ ବିଜେପି କାର୍ଯ୍ୟାଳୟରେ ପହଞ୍ଚି ଦଳରେ ସାମିଲ ହୋଇଛନ୍ତି। ଓଡିଶା ବିଜେପିର ନିର୍ବାଚନ ସହ ପ୍ରଭାରୀ ଲତା ଉସେଣ୍ଡି ତାଙ୍କୁ ଉତ୍ତରୀୟ ପିନ୍ଧାଇ ଦଳରେ ସାମଲ କରାଇଥିଲେ। ସେହିପରି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ତାଙ୍କୁ ଦଳିୟ ଟୋପି ପିନ୍ଧାଇଥିଲେ।

ଏହି ମିଶ୍ରଣ ପର୍ବରେ ଖୋର୍ଦ୍ଧା ଜିଲ୍ଲାର ବହୁ ବିଜେଡି କର୍ମି ମଧ୍ୟ ସାମିଲ ହୋଇଥିଲେ। ଏହି ସମାରୋହରେ ବିଜେପିର ପୂର୍ବତନ ସଭାପତି ସମୀର ମହାନ୍ତି, ବରିଷ୍ଠ ନେତା ପୃଥୀରାଜ ହରିଚନ୍ଦନ, ଭୃଗୁ ବକ୍ସିପାତ୍ର ପ୍ରମୁଖ ଯୋଗଦେଇଥିଲେ। ତାଙ୍କର ଯୋଗଦାନ ଖୋର୍ଦ୍ଧା ଜିଲ୍ଲାର ସଂଗଠନ ବେଶ ମଜବୁତ ହେବ ବୋଲି ଅପରାଜିତା କହିଛନ୍ତି।

Categories
ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

ଭୁବନେଶ୍ୱର ଲୋକସଭା: ଅପରାଜିତାଙ୍କୁ ରୋକିବା ସ୍ଥିତିରେ ନାହିଁ ବିଜେଡି!

ଭୁବନେଶ୍ୱର: ଜୟଦେବ, ଭୁବନେଶ୍ୱର ମଧ୍ୟ, ଭୁବନେଶ୍ୱର ଏକାମ୍ର, ଭୁବନେଶ୍ୱର ଉତ୍ତର, ଜଟଣୀ, ଖୋର୍ଦ୍ଧା, ବେଗୁନିଆ ବିଧାନସଭା ଆସନକୁ ନେଇ ଗଠିତ ଭୁବନେଶ୍ୱର ଲୋକସଭା ନିର୍ବାଚନ ମଣ୍ଡଳୀ ଏବେ ବିଜେପି ହାତରେ ରହିଛି। ଆଗାମୀ ନିର୍ବାଚନରେ ଶାସକ ଦଳ ବିଜେଡି ପକ୍ଷରୁ ଯେଉଁ ନେତ୍ରୀଙ୍କୁ ଏଠାରୁ ପ୍ରାର୍ଥୀ କରାଯିବ ବୋଲି କୁହାଯାଉଛି ସେ ବିଜେପି ସାଂସଦ ଅପରାଜିତା ଷଡ଼ଙ୍ଗୀଙ୍କୁ ମୁକ୍କାବିଲା କରିପାରିବେ କି ନାହିଁ ତାକୁ ନେଇ ମତଦାତାଙ୍କ ମହଲରେ ସନ୍ଦେହ ରହିଛି। ଗତଥର ଏଠାରୁ କଂଗ୍ରେସ ନିର୍ବାଚନ ଲଢ଼ି ନାହିଁ, ଏହାର ମେଣ୍ଟ ଦଳ ନିର୍ବାଚନ ଲଢ଼ି ମାତ୍ର ୨୩, ୦୨୬ ଭୋଟ ସହିତ ଦୟନୀୟ ସ୍ଥିତିରେ ଥିଲେ।

୧୯୫୨ରୁ ଗଠିତ ଏହି ନିର୍ବାଚନ ମଣ୍ଡଳୀରେ କଂଗ୍ରେସ ୮ଥର ବିଜୟୀ ହୋଇଥିଲାବେଳେ ବିଜେଡି ୫ଥର ଓ ସିପିଏମ ୩ଥର ବିଜୟୀ ହୋଇଛି। ରାଜ୍ୟର ଶାସନ କ୍ଷମତାରେ ଥିବା ବିଜେଡି ପ୍ରାର୍ଥୀ ପ୍ରସନ୍ନ କୁମାର ପାଟଶାଣୀ ଏଠାରୁ ଲଗାତାର ୫ଥର ବିଜୟ ଲାଭ କରିଛନ୍ତି।କିନ୍ତୁ ଗତ ନିର୍ବାଚନରେ ବିଜେଡି ପକ୍ଷରୁ ପ୍ରସନ୍ନ କୁମାର ପାଟଶାଣୀଙ୍କୁ ଏଠାରୁ ପ୍ରାର୍ଥୀ କରାନଯାଇ ମୁମ୍ବାଇର ପୂର୍ବତନ ପୁଲିସ କମିଶନର ଅରୂପ ପଟ୍ଟନାୟକଙ୍କୁ ପ୍ରାର୍ଥୀ କରାଯାଇଥିଲା। ବିଜେଡି ଆଶା କରୁଥିଲା ଯେ ଦଳର ଭାବମୂର୍ତ୍ତିରେ ଦଳୀୟ ପ୍ରାର୍ଥୀ ଶ୍ରୀ ପଟ୍ଟନାୟକ ସହଜରେ ବିଜୟ ଲାଭ କରିବେ। କିନ୍ତୁ ତାହା ହୋଇନଥିଲା। ନିର୍ବାଚନ ମଇଦାନରେ ବିଜେଡି ଓ ବିଜେପି ପକ୍ଷରୁ ଦୁଇ ନବାଗତ ଥିଲେ ହେଁ ମତଦାତାମାନେ ବିଜେପି ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କୁ ବିଜୟୀ କରାଇଥିଲେ।

ଗତ ୨୦୧୯ ନିର୍ବାଚନରେ ବିଜେପି ସପକ୍ଷରେ କୌଣସି ଲହର ନ ଥିବାବେଳେ ଅପରାଜିତା ଷଡ଼ଙ୍ଗୀ ବିଜୟୀ ହେବାରେ ସକ୍ଷମ ହୋଇଛନ୍ତି। ଗତ ୫ବର୍ଷ ମଧ୍ୟରେ ସାଂସଦ ଅପରାଜିତା ଷଡ଼ଙ୍ଗୀ ନିର୍ବାଚନ ମଣ୍ଡଳୀରେ ନିରନ୍ତର ଗସ୍ତ କରିବା ସହିତ ନିଜର ଲୋକପ୍ରିୟତା ବୃଦ୍ଧି କରିବାରେ ଲାଗିଛନ୍ତି।

ବିଜେପି ସାଂସଦ ଅପରାଜିତାଙ୍କ ମୁକ୍କାବିଲା କରିବା ପାଇଁ ନାରୀ ନେତ୍ରୀ ଶ୍ରୀମୟୀ ଶ୍ୱେତସ୍ନିଗ୍ଧା ମିଶ୍ରଙ୍କୁ ଛାଡ଼ିଛି। ଜଣେ ନାରୀ ନେତ୍ରୀ ହିସାବରେ ସେ ସମଗ୍ର ନିର୍ବାଚନ ମଣ୍ଡଳୀରେ ବୁଲୁଥିଲେ ହେଁ ଅପରାଜିତାଙ୍କ ଭଳି ଜନସମର୍ଥନ ପାଉନଥିବା ଦେଖିବାକୁ ମିଳୁଛି। କାରଣ ଭୁବନେଶ୍ୱରରେ ଥିବା ୩ଟି ନିର୍ବାଚନମଣ୍ଡଳୀରେ ବିଜେଡି ବିଧାୟକଙ୍କ ମଧ୍ୟରେ ସମନ୍ୱୟ ନାହିଁ। ଜଟଣୀ, ଖୋର୍ଦ୍ଧା ଓ ବେଗୁନିଆରେ ମଧ୍ୟ ଦଳୀୟ କନ୍ଦଳ ଚାଲିଛି।

ଭୁବନେଶ୍ୱର ଲୋକସଭା ଅଧୀନରେ ଥିବା ବିଧାନସଭା ଆସନର କୌଣସିଟିରେ ବିଜେପି ପ୍ରାର୍ଥୀମାନେ ଗତ ନିର୍ବାଚନରେ ଜିତିବାରେ ସକ୍ଷମ ହୋଇପାରନାହାନ୍ତି। ବିଗତ ବର୍ଷମାନଙ୍କରେ ଦଳୀୟ ନେତାମାନେ ଅପରାଜିତାଙ୍କୁ ସହଯୋଗ କରୁ ନ ଥିଲେ। କିନ୍ତୁ ଅପରାଜିତା ଏଥିରେ ଦବି ନ ଯାଇ ନିଜର ଜନ ସମ୍ପର୍କ ଜାରୀ ରଖିଥିଲେ। ମନମୋହନ ସାମଲ ଦଳର ରାଜ୍ୟ ସଭାପତି ହେବା ପରଠାରୁ ସେ ଅପରାଜିତାଙ୍କୁ ସହଯୋଗ କରିବା ସହିତ ଦଳୀୟ କାର୍ଯ୍ୟକ୍ରମରେ ସାମିଲ କରୁଥିବା ଦେଖିବାକୁ ମିଳୁଛି। ଏତଦ୍‍ଭିନ୍ନ ବର୍ତ୍ତମାନ ଦେଶରେ ଯେପରି ମୋଦିଙ୍କ ଲହର ଆରମ୍ଭ ହୋଇଛି ସେଥିରୁ ବିଜେପି ସାଂସଦ ଅପରାଜିତାଙ୍କୁ ରୋକିବା ବଜଦ ପାଇଁ କଷ୍ଟକର ହେବ ବୋଲି ରାଜନୀତିକ ମହଲରେ ଆଲୋଚନା ହେଉଛି।

ଭୁବନେଶ୍ୱର ଲୋକସଭା ଆସନରୁ ୮ଥର ବିଜୟୀ ହୋଇଥିବା କଂଗ୍ରେସ ଦଳ ପ୍ରାର୍ଥୀ ଦେବା ସ୍ଥିତିରେ ନାହିଁ। ଯାହାଫଳରେ ଗତ ନିର୍ବାଚନରେ କଂଗ୍ରେସ ଏହି ଆସନଟି ସିପିଏମକୁ ଛାଡ଼ି ଦେଇଥିଲା। ସିପିଏମ ପ୍ରାର୍ଥୀ ଜନାର୍ଦ୍ଦନ ପତି ୨୩,୦୨୬ଭୋଟ ହାସଲ କରିଥିଲେ। ଗତ କିଛି ବର୍ଷ ହେଲା ରାଜ୍ୟରେ କଂଗ୍ରେସ ସଂଗଠନ ଯେପରି ଦୟନୀୟ ସ୍ଥିତିରେ ରହିଥିବାରୁ ଆଗାମୀ ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରିପାରିବ କି ନାହିଁ ତାହା ସନ୍ଦେହ ଘେରରେ ରହିଛି।

ସମସ୍ତେ ଆଶା କରୁଥିଲେ ଯେ ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା ଓଡ଼ିଶା ଦେଇ ଗସ୍ତ କରିବା ପରେ କଂଗ୍ରେସ ସଂଗଠନ ନୂଆ ଶକ୍ତି ହାସଲ କରିବ। କିନ୍ତୁ ତାହା ହୋଇନାହିଁ। ଏବେ ଦଳର ବରିଷ୍ଠ ନେତାମାନେ ନିଜର ଭବିଷ୍ୟତ ପାଇଁ ଦଳରେ ପଡ଼ି ରହିବା ଅପେକ୍ଷା ବିଜେଡି ଓ ବିଜେପିରେ ଯୋଗଦେବାକୁ ଶ୍ରେ୍ର ମନେକରୁଛନ୍ତି। ଏଭଳି ସ୍ଥିତିରେ କଂଗ୍ରେସଠାରୁ ପ୍ରତିଦ୍ୱନ୍ଦ୍ୱୀତା କରିବାର ଆଶା ବୃଥା ବୋଲି ଆଲୋଚନା ହେଉଛି।

Categories
ଜାତୀୟ ଖବର ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

ଲୋକସଭା ପାଇଁ ଓଡିଶାର ପାଞ୍ଚ ଜଣ ପ୍ରାର୍ଥୀଙ୍କ ନାମ ଚୁଡାନ୍ତ କଲା ବିଜେପି, କେବଳ ଘୋଷଣାକୁ ଅପେକ୍ଷା

ଭୁବନେଶ୍ବର: ବର୍ତ୍ତମାନ କେବେ ନିର୍ବାଚନ ହେବ ତାହା ଘୋଷଣା ହୋଇ ନାହିଁ। ହେଲେ କିଏ ଆଗୁଆ ଲୋକସଭା ପ୍ରାର୍ଥି ଘୋଷଣା କରିବ ସେ ନେଇ ରାଜନୈତିକ ଦଳ ଭିତରେ ଆରମ୍ଭ ହୋଇଯାଇଛି ପ୍ରତିଦ୍ବନ୍ଦିତା। ଏହା ବିଶେଷ କରି ଜାତୀୟ ରାଜୈନିତକ ଦଳ ଭିତରେ ବେଶୀ ପରିଲକ୍ଷିତ ହୋଇଛି। ଓଡିଶା ଲୋକସଭା ପାଇଁ ଖୁବ ଶିଘ୍ର କଂଗ୍ରେସ ପ୍ରାର୍ଥୀ ଘୋଷଣା କରିବ ବୋଲି କହିସାରିଛି।

ଏହାପରେ ଅନ୍ୟତମ ଜାତୀୟ ଦଳ ବିଜେପି ମଧ୍ୟ ଖୁବ ଶିଘ୍ର ପ୍ରାର୍ଥୀ ଘୋଷଣା କରୁଛି ବୋଲି ଜଣାପଡିଛି। ଆସନ୍ତା ସପ୍ତାହରେ ବିଜେପି ଦେଶର ପ୍ରାୟ ଶହେଟି ଆସନ ପାଇଁ ପ୍ରାର୍ଥୀ ଘୋଷଣା କରିବ ବୋଲି ଚର୍ଚ୍ଚା ଚାଲିଛି। ସେହି ଅନୁସାରେ ବିଜେପି ଓଡିଶାର ପାଞ୍ଚଟି ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିବ ବୋଲି ଜଣାପଡିଛି।

ତେବେ ଓଡିଶାର କେଉଁ ପାଞ୍ଚଟି ଆସନ ପାଇଁ ବିଜେପି ପ୍ରାର୍ଥୀ ଘୋଷଣା କରିବ ସେ ନେଇ ରାଜ୍ୟନୈତିକ ଦଳ ଭିତରେ ଆରମ୍ଭ ହୋଇଯାଇଛି ତର୍କ ବିତର୍କ। ବିଶେଷ କରି ବିଜେପି ନେତାମାନେ ବଡ ଆତଙ୍କିତ ଅବସ୍ଥାରେ ଅଛନ୍ତି। କାରଣ ଦିଲ୍ଲୀ ନେତାମାନେ ତାଙ୍କୁ ଟିକେଟ ଦେବେ ନା କାଟିବେ ସେ ନେଇ ସନ୍ଦେହ ମଧ୍ୟରେ ଅଛନ୍ତି। ବିଶେଷ କରି ଯେଉଁମାନେ ଲୋକସଭା ପ୍ରାର୍ଥୀ ହେବା ପାଇଁ ଆଶା କରିଛନ୍ତି ସେମାନଙ୍କର ଏବେ ନିଦ ହଜିଯାଇଛି।

କେବଳ ବିଜେପି ନେତା ନୁହଁନ୍ତି ଅନ୍ୟଦଳର ଲୋକସଭା ପ୍ରାର୍ଥୀମାନେ ମଧ୍ୟ ପ୍ରମାଦ ଗଣିବା ଆରମ୍ଭ କରିଦେଇଛନ୍ତି। କାରଣ ତାଙ୍କ ଆସନରେ ବିଜେପି କାହାକୁ ପ୍ରାର୍ଥୀ କରିବ ସେମାନେ ଅନେଇ ବସିଛନ୍ତି। ତାଙ୍କ ବିରୋଧରେ ଟାଣୁଆ ନେତାଙ୍କୁ ଟିକେଟ ମିଳୁଛି ନା ଦୁର୍ବଳ ପ୍ରାର୍ଥୀ ଲଢେଇ କରିବେ ଅପେକ୍ଷା କରିଛନ୍ତି। ସେହି ଅନୁସାରେ ସେମାନେ ତାଙ୍କର ହିସାବ କିତାବ କରିବେ। ସେହି ଅନୁସାରେ ନିର୍ବାଚନ ପାଣ୍ଠି ମଧ୍ୟ ପରିବର୍ତ୍ତନ କରିବାକୁ ପଡିବ।

ତେବେ ଦିଲ୍ଲୀ ସୁତ୍ର ଅନୁସାରେ ଓଡିଶାର ଯେଉଁ ପାଞ୍ଚଟି ଲୋକସଭା ଆସନ ପାଇଁ ପ୍ରାର୍ଥୀଙ୍କ ନାମ ଆଗୁଆ ଘୋଷଣା ହେବ ସେଗୁଡିକ ହେଉଛି ଭୁବନେଶ୍ବର, ପୁରୀ, ବଲାଙ୍ଗିର, ସମ୍ବଲପୁର ଏବଂ ସୁନ୍ଦରଗଡ। ଆଉ ପ୍ରାର୍ଥୀମାନେ ହେଲେ ଭୁବନେଶ୍ବରରୁ ଅପରାଜିତା ଷଡଙ୍ଗୀ, ପୁରୀରୁ ସମ୍ବିତ ପାତ୍ର ଏବଂ ବଲାଙ୍ଗିରରୁ ସଙ୍ଗୀତା କୁମାରୀ ସିଂହଦେଓ।

ସେହିପରି ସମ୍ବଲପୁର ଆସନଟି ବହୁ ଦିନ ହେଲା ଚର୍ଚ୍ଚାରେ ରହିଛି। କାରଣ ସେଠାରୁ ପ୍ରାର୍ଥୀ ହେଉଛନ୍ତି ଧର୍ମେନ୍ଦ୍ର ପ୍ରଧାନ। ସେଥିପାଇଁ ଧର୍ମେନ୍ଦ୍ର ବହୁ ପୂର୍ବରୁ ସମ୍ବଲପୁରରେ ଡେରା ପକାଇ ବସି ରହିଛନ୍ତି। ସେ ସେଠାରୁ ପ୍ରାର୍ଥୀ ହେବେ ବୋଲି ଚୁଡାନ୍ତ ହୋଇସାରିଛି। ସେହିପରି ସୁନ୍ଦରଗଡରୁ ଜୁଏଲ ଓରାମ ପ୍ରାର୍ଥୀ ହେବେ ବୋଲି ସ୍ପଷ୍ଟ ହୋଇଛି। କେବଳ ଘୋଷଣାକୁ ଅପେକ୍ଷା କରାଯାଇଛି ବୋଲି ଜଣାପଡିଛି।

ଏହି ପାଞ୍ଚଟି ଆସନ ବିଜେପିର ପ୍ରଥମ ପସନ୍ଦ ଆସନ ବୋଲି କୁହାଯାଉଛି। କାରଣ ଏହି ଆସନରେ ଦଳ ନିଶ୍ଚିତ ବିଜୟ ଲାଭ କରିବ ବୋଲି ଧରିନେଇଛି। ସେଥିପାଇଁ ବହୁ ପୂର୍ବରୁ ଏହି ପ୍ରାର୍ଥୀମାନେ ସେମାନଙ୍କର ପ୍ରଚାର ଆରମ୍ଭ କରିଦେଇଛନ୍ତି। ତେବେ ଏମାନଙ୍କ ବିରୋଧରେ ବିଜେଡି କେଉଁ ପ୍ରକାରର ପ୍ରାର୍ଥୀ ଦେବ ତାହାକୁ ନେଇ ହାରିବା ଜିତିବା ନିର୍ଭର କରୁଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଖେଳ କରିଦେଇ ହସିଲେ ସାଂସଦ ଅପରାଜିତା, ସମ୍ବଲପୁର ପରେ ଭୁବନେଶ୍ବରକୁ ମଧ୍ୟ ଆସିବେ ମୋଦି

ଭୁବନେଶ୍ବର: ରାଜ୍ୟ ବିଜେପିରେ ଚାଲିଛି ଭିତିରିଆ ଟକ୍କରା ଟକ୍କରି। ଏକଥା ପଦାକୁ କେହି କହୁ ନ ଥିଲେ ମଧ୍ୟ ତାହା ସ୍ପଷ୍ଟ ବାରି ହୋଇପଡୁଛି। ଦଳରେ ଦୁଇ ଟାଣୁଆ ନେତା ଧର୍ମେନ୍ଦ୍ର ପ୍ରଧାନ ଏବଂ ଅପରାଜିତା ଷଡଙ୍ଗୀଙ୍କ ମଧ୍ୟରେ ଚାଲିଛି ଛକାପଞ୍ଚା। ଏବେ ନୁହେଁ ଅପରାଜିତା ବିଜେପିରେ ଯୋଗଦେବା ପରଠାରୁ ଉଭୟଙ୍କ ମଧ୍ୟରେ ଭଲ ପଡୁ ନାହିଁ ତାହା ସମସ୍ତଙ୍କୁ ଜଣା।

ବର୍ତ୍ତମାନ ସଦ୍ୟ ପ୍ରସଂଗକୁ ଆସିବା। ପ୍ରଥମେ ଫେବୃୟାରୀ ତିନି ତାରିଖରେ ସମ୍ବଲପୁର ଗସ୍ତରେ ମୋଦି ଆସିବେ ବୋଲି ଘୋଷଣା ହେଲା। ସେଠାରେ ସେ ଆଇଆଇଏମ ର ସମାବର୍ତ୍ତନ ଉତ୍ସବରେ ଯୋଗ ଦେବା ସହିତ ଦଳିୟ କାର୍ଯ୍ୟକ୍ରମରେ ମଧ୍ୟ ସାମିଲ ହେବେ। ଧର୍ମେନ୍ଦ୍ର ସମ୍ବଲପୁରରୁ ଲୋକସଭା ପ୍ରାର୍ଥୀ ହେଉଛନ୍ତି। ସେଥିପାଇଁ ସେ ବହୁ ପରିଶ୍ରମ କରି ମୋଦିଙ୍କୁ ଆଣି ତାଙ୍କ ସପକ୍ଷରେ ପ୍ରଚାର କରାଇବେ। ଯାହାକୁ ନେଇ ସେ ବେଶ ଖୁସି ହୋଇପଡିଥିଲେ।

ହେଲେ ଏ କଥା ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କର ହଜମ ହେଲା ନାହିଁ। ସେ କିପରି ମୋଦିଙ୍କୁ ଭୁବନେଶ୍ବର ଆଣିବେ ଆରମ୍ଭ କଲେ ପ୍ରଚେଷ୍ଠା। ସାଥ୍ ଦେଲେ ରାଷ୍ଟ୍ରୀୟ ମହିଳା ମୋର୍ଚ୍ଚା ପ୍ରଭାରୀ ବୈଜୟନ୍ତ ପଣ୍ଡା। ଉଭୟଙ୍କ ପ୍ରଚେଷ୍ଠାରେ ଭୁବନେଶ୍ବରରେ ଏକ ମହିଳା ସମ୍ମିଳନୀରେ ଆୟୋଜନ ହେବାକୁ ନିଷ୍ପତି ହେଲା। ଆଉ ସେଥିରେ ମୋଦି ଯୋଗ ଦେବେ ବୋଲି ସ୍ବୀକୃତ ଦେଲେ।

ସେହି ଅନୁସାରେ ଓଡିଶା ବିଜେପି ସଭାପତି ମନମୋହନ ସାମଲ ପୁଣି ଥରେ ଘୋଷଣା କଲେ ଯେ, ମୋଦି ଫେବୃୟାରୀ 10 ତାରିଖରେ ମଧ୍ୟ ଓଡିଶା ଆସିବେ। ଭୁବନେଶ୍ବରରେ ଆୟୋଜିତ ହେବାକୁ ଥିବା ଜାତୀୟ ମହିଳା ସମ୍ମିଳନୀରେ ଯୋଗଦେବେ। ଏହାପରେ ଅପରାଜିତା କୁଆଡେ ଖୁସିରେ ହସିଲେ ବୋଲି କୁହାଯାଉଛି।

ଏହି ଖବର ପରେ ବିଜେପି ଦଳ ଭିତରେ ଆରମ୍ଭ ହେଲା ଟୁପୁରୁଟାପର। କାରଣ ଫେବୃୟାରୀ 10 ତାରିଖରେ କାର୍ଯ୍ୟକ୍ରମ ହେବ ବୋଲି ସ୍ଥିର ହୋଇ ନ ଥିଲା। ହେଲେ ସମ୍ବଲପୁର ପରେ ଭୁବନେଶ୍ବର କାର୍ଯ୍ୟକ୍ରମ ସ୍ଥିର ହୋଇଥିବାରୁ ସମସ୍ତେ ଏହାର ଗୁଢ ରହସ୍ୟ ଜାଣିପାରିଲେ।ମ୍ୟାଡମ ଅପରାଜିତ ଧର୍ମେନ୍ଦ୍ରଙ୍କୁ ଟକ୍କର ଦେବା ପାଇଁ ଏହା ଏକ ବଡ ଖେଳ ବୋଲି ସମସ୍ତେ ଅନୁଭବ କଲେ।

ସମ୍ବଲପୁରରେ ସରକାରୀ ସହିତ ଦଳିୟ କାର୍ଯ୍ୟକ୍ରମ ମଧ୍ୟ ରହିଛି। ହେଲେ ଭୁବନେଶ୍ବରରେ ପୁରା ଦଳୀୟ କାର୍ଯ୍ୟକ୍ରମ ହେବ ବୋଲି ଜଣାପଡିଛି। କାରଣ ଭୁବନେଶ୍ବରରେ ଅନ୍ୟ କୌଣସି ସରକାରୀ କାର୍ଯ୍ୟକ୍ରମ ଅଛି ବୋଲି ଏ ପର୍ଯ୍ୟନ୍ତ ଜଣାପଡି ନାହିଁ। ଆଉ ଏହି କାର୍ଯ୍ୟକ୍ରମରେ ମୁଖ୍ୟ ପୁରଧା ସାଜିବେ ଉଭୟ ସାଂସଦ ଅପରାଜିତା ଷଡଙ୍ଗୀ ଏବଂ ବୈଜୟନ୍ତ ପଣ୍ଡା। ତେବେ ଏଥିରେ ଧର୍ମେନ୍ଦ୍ରଙ୍କ ଯୋଗଦାନ ରହିବ କି ନାହିଁ ତାହା ଜଣାପଡି ନାହିଁ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ସାଂସଦ ଅପରାଜିତା ଷଡଙ୍ଗୀଙ୍କ ନୂଆବର୍ଷ ଅଭିନନ୍ଦନ ପୋଷ୍ଟରରୁ ଧର୍ମେନ୍ଦ୍ର ଆଉଟ

ଭୁବନେଶ୍ବର: ନିର୍ବାଚନ ଯେତିକି ପାଖେଇବାରେ ଲାଗିଛି ଓଡିଶା ରାଜନୀତିରେ ସେତିକି ରୋଚକ କଥା ଦେଖିବାକୁ ମିଳିଛି। ସେହିପରି ଏକ ଘଟଣା  ଭୁବନେଶ୍ବର ଲୋକସଭା ନିର୍ବାଚନ ମଣ୍ଡଳୀରେ ପରିଲକ୍ଷିତ ହୋଇଛି। ତାହା ହେଲା ଅପରାଜିତାଙ୍କ ନୂଆବର୍ଷ ଅଭିନନ୍ଦନ ପୋଷ୍ଟର। ବିଭିନ୍ନ ସ୍ଥାନରେ ସେ ଏହି ଅଭିନନ୍ଦନ ପୋଷ୍ଟର ମାରିଛନ୍ତି। ହେଲେ ଆଶ୍ଚର୍ଯ୍ୟର କଥା ସେହି ପୋଷ୍ଟରରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଉଟ ହୋଇଯାଇଛନ୍ତି।

ଅପରାଜିତା ମାରିଥିବା ପୋଷ୍ଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବଡ ଫଟୋ ରହିଛି। ପୁରା ଉପରେ ରାଜ୍ୟ ସଭାପତି ମନମୋହନ ସାମଲ, ରାଷ୍ଟ୍ରୀୟ ସଭାପତି ଜେ ପି ନଡ୍ଡା ଏବଂ ଗୃହମନ୍ତ୍ରୀ ଅମିତ ସାହାଙ୍କ ଫଟୋ ରହିଛି। ତଳକୁ ଅପରାଜିତାଙ୍କ ବଡ ସୁନ୍ଦର ଫଟୋଟିଏ ରହିଛି। ହେଲେ କେଉଁଠି ହେଲେ ସେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସ୍ଥାନିତ କରି ନାହାଁନ୍ତି। ଯାହାକୁ ନେଇ ରାଜଧାନୀ ରାଜନୀତିରେ ବେଶ ଚର୍ଚ୍ଚା ଚାଲିଛି।

ପୂର୍ବରୁ ନୂଆବର୍ଷ ପୋଷ୍ଟରରେ ଅପରାଜିତା ଧର୍ମେନ୍ଦ୍ରଙ୍କୁ ସ୍ଥାନିତ କରିଥିଲେ। ହେଲେ ତାହା ପାସପୋର୍ଟ ସାଇଜର ଫଟୋ ରହିଥିଲା। ଯାହାକୁ ନେଇ ସେତେବେଳେ ମଧ୍ୟ ବେଶ ଚର୍ଚ୍ଚା ହୋଇଥିଲା। ସେଥିପାଇଁ ଅପରାଜିତାଙ୍କ ଧର୍ମେନ୍ଦ୍ରଙ୍କ ସହିତ ସଂପର୍କ ଭଲ ନାହିଁ ବୋଲି ସାଧାରଣରେ ଧାରଣା ସୃଷ୍ଟି ହୋଇଥିଲା। ସେତିକି ନୁହେଁ ବିଭିନ୍ନ ସମୟରେ ଅନେକ ଘଟଣାକୁ ନେଇ ଅପରାଜିତା ଧର୍ମେନ୍ଦ୍ରଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ମଧ୍ୟ ପରିଲକ୍ଷିତ ହୋଇଛି।

ଅନ୍ୟପକ୍ଷରେ ଅପରାଜିତା ସାରା ଓଡିଶାରେ ବୁଲିବୁଲି କାର୍ଯ୍ୟକ୍ରମ କରିଥିଲେ ମଧ୍ୟ ସେ କେବେ ଧର୍ମେନ୍ଦ୍ର କିମ୍ବା ତତକାଳିନ ସଭାପତି ସମୀର ମହାନ୍ତିଙ୍କୁ ସାଥିରେ ନେଉ ନ ଥିଲେ। ଫଳରେ ବିଜେପିରେ ଦୁଇ ଫାଳ ହୋଇଛି ବୋଲି ଜଣାପଡିଥିଲା। ପରବର୍ତ୍ତି ସମୟରେ ମନମୋହନ ସାମଲ ସଭାପତି ହେବା ପରେ ଅପରାଜିତା ତାଙ୍କୁ ନେଇ କେତେକ କାର୍ଯ୍ୟକ୍ରମ କରିଥିଲେ। ହେଲେ ପରବର୍ତ୍ତି ସମୟରେ କଣ ହେଲା କେଜାଣି ତାଙ୍କୁ ମଧ୍ୟ ଆଉ ନେଲେ ନାହିଁ।

ତେବେ ବର୍ତ୍ତମାନ ନିର୍ବାଚନ ପାଖେଇ ଆସୁଥିବାରୁ ସମସ୍ତେ ଏକଜୁଟ ହୋଇ କାମ କରିବେ ବୋଲି ଆଶା କରାଯାଉଥିଲା। ହେଲେ ବର୍ତ୍ତମାନ ନୂଆବର୍ଷ ପୋଷ୍ଟରରୁ ଏହା ପୂର୍ବପରି ସ୍ଥିତି ରହିଛି ବୋଲି ପ୍ରମାଣିତ ହୋଇଛି। ଏପରିକି ଅପରାଜିତାଙ୍କ ଏହି ପୋଷ୍ଟରରକୁ ନେଇ ଧର୍ମେନ୍ଦ୍ରଙ୍କ ବିରୋଧୀ ଗୋଷ୍ଠୀ ବେଶ ଖୁସି ପ୍ରକଟ କରିଛନ୍ତି। ହେଲେ ନିଜ ଭିତରେ ଏପରି ରାଜନୀତି ଚାଲିଲେ ଦଳ ଚଳିତ ନିର୍ବାଚନରେ କିପରି ବିଜେଡି ସହିତ ଲଢେଇ କରିବ ତାହାକୁ ନେଇ ସନ୍ଦେହ ସୃଷ୍ଟି ହେଲାଣି।

 

Categories
ଆଜିର ଖବର ଜାତୀୟ ଖବର

‘ଅହଂକାରୀ …’, ମହୁଆ ମୋଇତ୍ରାଙ୍କ ଅଭିଯୋଗ ଉପରେ କ’ଣ କହିଲେ ଭୁବନେଶ୍ଵର ସାଂସଦ ଅପରାଜିତା?

ନୂଆଦିଲ୍ଲୀ: ଗୁରୁବାର ଦିନ ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା ଲୋକସଭାର ନୈତିକତା କମିଟି ସମ୍ମୁଖରେ ହାଜର ହୋଇଥିଲେ। କମିଟି ବୈଠକରେ ବ୍ୟକ୍ତିଗତ, ଅନୈତିକ ଏବଂ ଅଶ୍ଳୀଳ ପ୍ରଶ୍ନ ପଚାରିବାରୁ ଅଧ୍ୟକ୍ଷଙ୍କ ବିରୋଧରେ ମହୁଆ ଏବଂ ଅନ୍ୟ ବିରୋଧୀ ସଦସ୍ୟମାନେ ଗୁରୁତର ଅଭିଯୋଗ ଆଣିଥିଲେ।

ଏହି ପ୍ରସଙ୍ଗରେ ଏକ ରାଜନୈତିକ ଯୁଦ୍ଧ ଚାଲିଛି ଏବଂ ଅନେକ ଅଭିଯୋଗ ଓ ପ୍ରତିବାଦ କରାଯାଉଛି। ବର୍ତ୍ତମାନ ବିଜେପି ସାଂସଦ ତଥା କମିଟି ସଦସ୍ୟ ଅପରାଜିତା ଷଡଙ୍ଗୀ ମହୁଆ ମୋଇତ୍ରାଙ୍କୁ ଅତ୍ୟନ୍ତ ଅହଂକାରୀ, ଅସଭ୍ୟ ବ୍ୟବହାର ତଥା ଅତ୍ୟନ୍ତ ତିକ୍ତ ବୋଲି କହିଛନ୍ତି।

ଗଣମାଧ୍ୟମ ଅନୁଯାୟୀ, ଅପରାଜିତା ଷଡଙ୍ଗୀ ଟିଏମସି ସାଂସଦଙ୍କ ବିଷୟରେ କହିଛନ୍ତି ଯେ, “ସେ କମିଟି ଆଗରେ ନିଜକୁ କିପରି ପ୍ରକାଶ କରିବେ ତାହା ଜାଣି ନଥିଲେ, କାରଣ ସେ ବହୁତ କ୍ରୋଧିତ ଥିଲେ। କ୍ରୋଧ ହେତୁ ସେ ଏହି ସଭାରେ ଅସାମ୍ବିଧାନିକ ଭାଷା ବ୍ୟବହାର କରିଥିଲେ।”

ଶ୍ରୀମତୀ ଷଡଙ୍ଗୀ କହିଛନ୍ତି ଯେ, ସେ ଅଧ୍ୟକ୍ଷ ତଥା କମିଟିର ଅନ୍ୟ ସଦସ୍ୟଙ୍କ ବିରୋଧରେ ବ୍ୟବହାର କରିଥିବା ଶବ୍ଦ ସର୍ବସାଧାରଣରେ କୁହାଯାଇପାରିବ ନାହିଁ। କେବଳ ମହୁଆ ମୋଇତ୍ରା ନୁହଁନ୍ତି, ନୈତିକତା କମିଟି ପ୍ୟାନେଲରେ ଥିବା ଅନ୍ୟ ସମସ୍ତ ବିରୋଧୀ ସଦସ୍ୟ ମଧ୍ୟ ସେମାନଙ୍କ ସଂଯମତା ହରାଇଛନ୍ତି। ସେ କେବଳ ଚେୟାର ଏବଂ ଟେବୁଲକୁ ପିଟିଲେ ନାହିଁ ବରଂ କମିଟିର ସଦସ୍ୟ ଥିବା ସମସ୍ତଙ୍କୁ ଅପମାନିତ କରିଥିଲେ।

‘ଅତ୍ୟଧିକ ଆକ୍ରୋଶ, ଅହଂକାର, ଅଭଦ୍ରତା ସ୍ୱାସ୍ଥ୍ୟ ପାଇଁ ଭଲ ନୁହେଁ’

ଦୁଃଖ ପ୍ରକାଶ କରି ଅପରାଜିତା ଷଡଙ୍ଗୀ କହିଛନ୍ତି ଯେ, ମହୁଆ ମୋଇତ୍ରାଙ୍କ ଠାରୁ ଏହିପରି ଆଚରଣ ଆଦୌ ଆଶା କରାଯାଇନଥିଲା। ସେ ଭଲ ବ୍ୟବହାର କରିବା ଉଚିତ୍। ତାଙ୍କୁ ଅତ୍ୟଧିକ ଆକ୍ରମଣାତ୍ମକ, ଅତ୍ୟଧିକ ଅହଂକାରୀ ଏବଂ ଅତ୍ୟଧିକ ଅଭଦ୍ର ବ୍ୟବହାର କରିବା ଉଚିତ୍ ନୁହେଁ, ଏହା ତାଙ୍କ ସ୍ୱାସ୍ଥ୍ୟ ପାଇଁ ଭଲ ନୁହେଁ।

ସୂଚନାଯୋଗ୍ୟ ଯେ, ଲାଞ୍ଚ ନେଇ ସଂସଦରେ ପ୍ରଶ୍ନ ପଚାରିବାରୁ ମହୁଆ ମୋଇତ୍ରାଙ୍କୁ ଗୁରୁତର ଅଭିଯୋଗର ସମ୍ମୁଖୀନ ହେବାକୁ ପଡିଛି। ଏହାର ଯାଞ୍ଚ ପାଇଁ କମିଟି ନଭେମ୍ବର ୨ ତାରିଖରେ ତାଙ୍କୁ ଡକାଇଥିଲା, କିନ୍ତୁ ବୈଠକରେ ପଚରାଯାଇଥିବା ପ୍ରଶ୍ନକୁ ନେଇ ଉତ୍ତେଜନା ଦେଖାଦେଇଥିଲା। ଏହା ପରେ କମିଟିର ଅନ୍ୟ ବିରୋଧୀ ସଦସ୍ୟମାନେ ବୈଠକକୁ ବର୍ଜନ କରିଥିଲେ।

Categories
ଆଜିର ଖବର ଖେଳ ରାଜ୍ୟ ଖବର

ଏକାମ୍ର ଭୁବନେଶ୍ଵରରେ ଅପରାଜିତାଙ୍କ ‘ସାଂସଦ କ୍ରୀଡା ସମ୍ମାନ’: ଖେଳାଳିଙ୍କୁ ମିଳିଲା କ୍ରୀଡା ସାମଗ୍ରୀ

ଭୁବନେଶ୍ଵର: କ୍ରୀଡା ଆଉ କ୍ରୀଡାବୀତମାନଙ୍କୁ ଉତ୍ସାହିତ କରିବା ପାଇଁ ଭୁବନେଶ୍ଵର ସାଂସଦ ଅପରାଜିତା ଷଡଙ୍ଗୀ ଏକ ଅଭିଯାନ ଆରମ୍ଭ କରିଛନ୍ତି। ଏହି ଅଭିଯାନ ଅନ୍ତର୍ଗତ ଗ୍ରାମାଞ୍ଚଳ ଠାରୁ ସାହାରାଞ୍ଚଳ ପର୍ଯ୍ୟନ୍ତ ସମସ୍ତ ଯୁବ କ୍ରୀଡାବୀତଙ୍କ ନିକଟରେ ପହଞ୍ଚିବା ପାଇଁ ସାଂସଦ ଅପରାଜିତା କରୁଛନ୍ତି।

ଏହି ଅଭିଯାନ ଅନ୍ତର୍ଗତ ଭୁବନେଶ୍ଵର ସଂସଦୀୟ କ୍ଷେତ୍ରରେ ‘ସାଂସଦ କ୍ରୀଡା ସମ୍ମାନ ଉତ୍ସବ’ ଆୟୋଜନ କାରାଯାଉଛି। ତେବେ ଏହି ପ୍ରରିପ୍ରେକ୍ଷୀରେ ବୁଧବାର ଦିନ ଏକାମ୍ର ଭୁବନେଶ୍ଵରରେ ‘ସାଂସଦ କ୍ରୀଡା ସମ୍ମାନ ଉତ୍ସବ’ ଆୟୋଜିତ ହୋଇଯାଇଛି। ଏଥିରେ ୨୮ ଟି ସ୍ପୋର୍ଟ୍ସ ଆସୋସିଏସନକୁ ସମ୍ମାନିତ କରାଯାଇଛି। ଭୁବନେଶ୍ବର ନିର୍ବାଚନମଣ୍ଡଳୀରେ ଥିବା ବିଭିନ୍ନ କ୍ରୀଡାର ଖେଳାଳିମାନେ ଅଂଶଗ୍ରହଣ କରି ସାଂସଦ ଅପରାଜିତାଙ୍କ ଠାରୁ ଖେଳ ସାମଗ୍ରୀ ଗ୍ରହଣ କରିଛନ୍ତି।

ଏହି ଅବସରରେ ବିଜେପି ନେତା ବାବୁ ସିଂ ଯୋଗ ଦେଇ ଯୁବ ଖେଳାଳିମାନଙ୍କୁ ଖେଳ ଉପରେ ଗୁରୁତ୍ଵ ଦେବା ଲାଗି ଆହ୍ଵାନ ଦେଇଥିଲେ। ଏହି ସମୟରେ ଶ୍ରୀ ସିଂ ପ୍ରଧାନମନ୍ତ୍ରୀଙ୍କ ବକ୍ତବ୍ୟକୁ ଉଲ୍ଲେଖ କରି କହିଥିଲେ ଯେ, “ଆମେ ସମସ୍ତେ ନିଶା ଠାରୁ ଦୂରେଇ ରହିବା ପାଇଁ ଏକ ସଂକଳ୍ପ ନେବା ଏବଂ ନିଶା ମୁକ୍ତ ସମାଜ ଗଢିବା ପାଇଁ ପ୍ରୟାସ କରିବା। ଯଦି ଆମକୁ ଏଥିପାଇଁ ବିରୋଧ କରିବା ପାଇଁ ଆବଶ୍ୟକ ପଡେ, ତେବେ ଆମେ ନିଶ୍ଚିତ ବିରୋଧ କରିବା। ସେଥିପାଇଁ ଆମେ ସ୍ଥାନୀୟ ପୋଲିସ ଆଉ ପ୍ରଶାସନର ସାହାଯ୍ୟ ଲୋଡିବା।”

ସେହିଭଳି ସାଂସଦ ଅପରାଜିତା ଷଡଙ୍ଗୀ ମଧ୍ୟ ତାଙ୍କ ଅଭିଭାଷଣରେ ଖେଳାଳିମାନଙ୍କୁ ଉତ୍ସାହିତ କରିଥିଲେ। ସେ ଆଗାମୀ ଦିନରେ କ୍ରୀଡାବୀତମାନଙ୍କୁ ଅଧିକରୁ ଅଧିକ କ୍ରୀଡା ସାମଗ୍ରୀ ଯୋଗାଇଦେବା ଲାଗି ଘୋଷଣା କରିଥିଲେ। ଏହି ସମୟରେ ସେ ବଡ ଘୋଷଣା କରି କହିଥିଲେ ଯେ, କ୍ରୀଡା ସାମଗ୍ରୀ ନଷ୍ଟ ହୋଇଗଲେ ମଧ୍ୟ ପ୍ରତ୍ୟେକ ଦଳକୁ କ୍ରୀଡା ସାମଗ୍ରୀ ପୁନର୍ବାର ଯୋଗାଇଦିଆଯିବ। ତେବେ ଏହା କିଏ ଦେଉଛି, କାହା ମାଧ୍ୟମରେ ଖେଳାଳିମାନଙ୍କ ପାଖରେ ଏହା ପହଞ୍ଚିବ, ଏହା କେଉଁଠାରୁ ଆସୁଛି, ତାହା ଉପରେ ମଧ୍ୟ ପୁଙ୍ଖାନୁପୁଙ୍ଖ ଭାବରେ ଶ୍ରୀମତୀ ଷଡଙ୍ଗୀ କହିଥିଲେ। ଏହି ସମୟରେ ପ୍ରତ୍ୟେକ ଖର୍ଚ୍ଚର ହିସାବ ମଧ୍ୟ ସେ ଦେଇଥିଲେ।

Categories
ଆଜିର ଖବର ରାଜ୍ୟ ଖବର

ସଫେଇ ଅଭିଯାନରେ ସାମିଲ ହେଲେ ଓଡ଼ିଶା ରାଜ୍ୟପାଳ ଏବଂ ଭୁବନେଶ୍ୱର ସାଂସଦ

ଭୁବନେଶ୍ଵର: ମହାତ୍ମା ଗାନ୍ଧୀଙ୍କ ୧୫୪ ତମ ଜନ୍ମ ଜୟନ୍ତୀ ୨ ଅକ୍ଟୋବର ୨୦୨୩ରେ ପରିପ୍ରେକ୍ଷୀରେ ସ୍ଵଚ୍ଛତା ହିଁ ସେବା ଉପଲକ୍ଷରେ ୧ ଅକ୍ଟୋବର ୨୦୨୩ ଦିବା ୧୦ ଘଟିକା ଠାରୁ ୧୧ ଘଟିକା ପର୍ଯ୍ୟନ୍ତ ଏକ ବୃହତ ସଫେଇ ଅଭିଯାନ ଭାରତୀୟ ଭୂବୈଜ୍ଞାନିକ ସର୍ବେକ୍ଷଣର ଓଡ଼ିଶା ରାଜ୍ୟ କାର୍ଯ୍ୟାଳୟ ତଥା ଭାରତୀୟ ପ୍ରତ୍ନତାତ୍ତ୍ଵିକ ସର୍ବେକ୍ଷଣ ଭୁବନେଶ୍ୱର ମଣ୍ଡଳ ତରଫରୁ ମିଳିତ ଭାବରେ ଆୟୋଜନ କରାଯାଇଥିଲା। ଏହି ସଫେଇ ଅଭିଯାନରେ ଓଡ଼ିଶା ରାଜ୍ୟପାଳ ପ୍ରଫେସର ଗଣେଶୀ ଲାଲ, ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ମହୋଦୟା, ଭୁବନେଶ୍ୱର ମହାନଗର ନିଗମର କମିଶନର ବିଜୟ ଅମୃତ କୁଳାଙ୍ଗେ, ଆଇଏଏସ ଯୋଗଦାନ କରିଥିଲେ।

ଭାରତୀୟ ଭୂବୈଜ୍ଞାନିକ ସର୍ବେକ୍ଷଣ, ଭାରତୀୟ ପ୍ରତ୍ନତାତ୍ତ୍ଵିକ ସର୍ବେକ୍ଷଣ, ଭୁବନେଶ୍ୱର ମହାନଗର ନିଗମ ଏବଂ କେନ୍ଦ୍ରୀୟ ଭୂତଳ ଜଳ ବୋର୍ଡର ଅଧିକାରୀ ଏବଂ କର୍ମଚାରୀ ଏହି ସଫେଇ ଅଭିଯାନରେ ଅଂଶଗ୍ରହଣ କରିଥିଲେ। ଏତଦ ବ୍ୟତୀତ ଖଣ୍ଡଗିରି ବିହାର ଉନ୍ନୟନ ସମିତି, ଖଣ୍ଡଗିରି ବୟସ୍କ ନାଗରିକ ମଞ୍ଚ, ଯୂଥ ଫର ସେବା, ଜୟଦେବ ପଥଚାରୀ କ୍ଲବ ଆଦି ଅନେକ ସାମାଜିକ ସଂଗଠନ ଏହି ସଫେଇ ଅଭିଯାନରେ ସାମିଲ ହେଇଥିଲେ। କେନ୍ଦ୍ରୀୟ ବିଦ୍ୟାଳୟର ଏନସିସି  ଏବଂ ଭାରତ ସ୍କାଉଟ ଏବଂ ଗାଇଡ ସଦସ୍ୟ ମାନେ ମଧ୍ୟ ଏହି କାର୍ଯ୍ୟକ୍ରମରେ ଆନ୍ତରିକତା ସହ ଭାଗ ନେଇ ସାମିଲ ହେଇଥିଲେ ଆଉ ଏକ ଘଣ୍ଟା ଶ୍ରମଦାନ କରିଥିଲେ।

ଏକ ତାରିଖ – ଏକ ଘଣ୍ଟା – ଏକା ସଙ୍ଗେ ବିଷୟ ବସ୍ତୁ ଉପରେ ଆଧାରିତ ଏହି ବୃହତ ସଫେଇ କାର୍ଯ୍ୟକ୍ରମରେ ୬୦୦ ରୁ ଅଧିକ ସ୍ଵେଚ୍ଛାସେବୀ ଅଂଶଗ୍ରହଣ କରିଥିଲେ। ଏହି ବୃହତ ସଫେଇ ଅଭିଯାନକୁ ସ୍ଥାନୀୟ ବାସିନ୍ଦା ଏବଂ ଉପସ୍ଥିତ ପର୍ଯ୍ୟଟକମାନେ ଭୂୟସୀ ପ୍ରଶଂସା କରିଥିଲେ।

Categories
ବିଶେଷ ଖବର ରାଜ୍ୟ ଖବର

ଅପରାଜିତାଙ୍କ ଆଡକୁ ଢଳିଲେଣି ସମୀର ମହାନ୍ତି !! ବଦଳିବାରେ ଲାଗିଛି ରାଜନୈତିକ ପାଣିପାଗ

ଭୁବନେଶ୍ବର: ରାଜ୍ୟ ବିଜେପି ସଭାପତି ପଦ ଯିବା ପରେ ଏବେ ପ୍ରାୟ ଅଲୋଡା ହୋଇପଡିଛନ୍ତି ନେତା ସମୀର ମହାନ୍ତି। ସେ ସଭାପତି ଥିବା ବେଳେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମସ୍ତ ନିର୍ଦ୍ଦେଶକୁ ପାଳନ କରି କାର୍ଯ୍ୟକାରୀ କରୁଥିଲେ। ହେଲେ ସେହି ଧର୍ମେନ୍ଦ୍ର ତାଙ୍କର ସଭାପତି ପଦକୁ ଆଉ ରଖିପାରିଲେ ନାହିଁ। ଫଳରେ ସଭାପତି ପଦ ଯିବା ପରେ ବର୍ତ୍ତମାନ ସେ ଦଳରେ ଜଣେ ଗୁରତ୍ବହୀନ ନେତା ହୋଇପଡିଛନ୍ତି। ଏପରିକି ଧର୍ମେନ୍ଦ୍ର ମଧ୍ୟ ତାଙ୍କୁ ସେମିତି କିଛି ବଡ ପଦପଦବୀ ଦେଇ ଥଇଥାନ କରିପାରିଲେ ନାହିଁ।

ଏପରି ପରିସ୍ଥିତିରେ ବର୍ତ୍ତମାନ ସମୀର ମହାନ୍ତି ସାଂସଦ ଅପରାଜିତାଙ୍କୁ ସମର୍ଥନ ଦେବା କାମରେ ନିଜକୁ ନିୟୋଜିତ କରିବା ଆରମ୍ଭ କରିଦେଇଛନ୍ତି। କାରଣ ସେ ଅନୁଭବ କରିସାରିଲେଣି ଯେ, ବର୍ତ୍ତମାନ ରାଜ୍ୟ ବିଜେପିରେ ଅପରାଜିତାଙ୍କ ଦବଦବା ବଢିବାରେ ଲାଗିଛି। ସେଥିପାଇଁ ଗତକାଲି ସାଂସଦ ଅପରାଜିତା ଷଡଙ୍ଗୀଙ୍କ ଗସ୍ତବେଳେ ହୋଇଥିବା ଗଣ୍ଡଗୋଳକୁ ତୀବ୍ର ବିରୋଧ କରିଛନ୍ତି ସମୀର। ନିଜ ଟୁଇଟରରେ ସେ ଏହାକୁ ନିନ୍ଦା କରିବା ସହିତ ରାଜ୍ୟ ସରକାର ଜଣେ ସାଂସଦଙ୍କୁ ସୁରକ୍ଷା ଦେବାରେ ବିଫଳ ହୋଇଛନ୍ତି ବୋଲି କହିଛନ୍ତି।

ପୂର୍ବରୁ ସମୀର ମହାନ୍ତି କେବେ ବି ଅପରାଜିତାଙ୍କ ସପକ୍ଷରେ ବୟାନ ଦେବାର ପରିଲକ୍ଷିତ ହୋଇ ନାହିଁ। ସେ ଗୋଟାପଣ ଧର୍ମେନ୍ଦ୍ରଙ୍କର ଥିବାରୁ ଅପରାଜିତାଙ୍କୁ ହେୟଜ୍ଞାନ କରି ଆସୁଥିଲେ। ଏପରିକି ତାଙ୍କ ସଭାପତି ସମୟରେ ଦଳିୟ କର୍ମିଙ୍କୁ ଅପରାଜିତାଙ୍କ ସଭାରେ ସାମିଲ ହେବା ପାଇଁ ବାରଣ କରାଯାଉଥିଲା। ସେତିକି ନୁହେଁ ତାଙ୍କ ସଭାପତି ସମୟରେ ଅପରାଜିତାଙ୍କ ସଭାରେ କେହି ଯୋଗ ଦେଲେ ତାଙ୍କୁ ଦଳରୁ ନିଲମ୍ବନ ମଧ୍ୟ କରାଯାଉଥିଲା।

ସେହିପରି ଖୋର୍ଦ୍ଧା ଜିଲ୍ଲା ବିଜେପି ସଭାପତିଙ୍କୁ ନେଇ ଏକ ହାସ୍ୟସ୍ପଦ ଘଟଣା ମଧ୍ୟ ସମୀର ମହାନ୍ତିଙ୍କ ସଭାପତିତ୍ବ ବେଳେ ଘଟିଛି। ସେତେବେଳେ ଅପରାଜିତାଙ୍କ ସମର୍ଥକ ରଶ୍ମୀରଂଜନ ମହାପାତ୍ରଙ୍କୁ ହଟାଇ ଯତୀନ ମହାନ୍ତିଙ୍କୁ ସଭାପତି କରାଗଲା ବୋଲି ଘୋଷଣା କରାଯାଇ ଥିଲା। ହେଲେ ଏଥିରେ ଅପରାଜିତା ଖଡ୍ଗ ହସ୍ତ ହୋଇ ଉପର ସ୍ତରରେ କଥା ହେଲେ। କିଛି ସମୟ ପରେ ସେହି ସମୀର ମହାନ୍ତିଙ୍କ ଦସ୍ତଖତରେ ପୁଣି ରଶ୍ମୀରଂଜନଙ୍କୁ ସଭାପତି କରାଗଲା ବୋଲି ଘୋଷଣା କରାଯାଇଥିଲା।

ତାଙ୍କ ସଭାପତିତ୍ବ ସମୟରେ ଅପରାଜିତାଙ୍କୁ ଦଳୀୟ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ ନ କରାଇବା। ଭୁବନେଶ୍ବରରେ ହେଉଥିବା ବିଭିନ୍ନ ଦଳୀୟ କାର୍ଯ୍ୟକ୍ରମରେ ତାଙ୍କୁ ସାଂସଦ ହିସାବରେ ନ ଡାକିବା ପ୍ରଭୃତି କାର୍ଯ୍ୟ କରାଯାଇଛି। ଏପରି ପରିସ୍ଥିତି ଦେଖି ଅପରାଜିତା ମଧ୍ୟ ସେତେବେଳେ ଦଳୀୟ କାର୍ଯ୍ୟକ୍ରମକୁ ଏଡାଇଯାଇ ନିଜ ଏନଜିଓ ବା ସଂସ୍ଥା ମାଧ୍ୟମରେ ସଭା ସମିତି ବା ବୈଠକ କରି ନିଜର ରାଜନୈତିକ ପତିୟାରା ଜାହିର କରୁଥିଲେ।

ହେଲେ ଏବେ ସମୟ ବଦଳି ଯାଇଛି। ସମୀର ମହାନ୍ତି ଭାବି ଥିଲେ ଯେ, ସେ ପୁଣି ସଭାପତି ହୋଇ ଏଥର ନିର୍ବାଚନକୁ ପରିଚାଳନା କରିଥାଆନ୍ତେ। ହେଲେ ତାହା ଆଉ ଧର୍ମେନ୍ଦ୍ରଙ୍କ ଦ୍ବାରା ହୋଇପାରିଲା ନାହିଁ। ଏପରିକି ସଭାପତି ପଦ ଯିବା ପରେ ମଧ୍ୟ ଦଳରେ ତାଙ୍କୁ ଆଉ କେହି ଗୁରୁତ୍ବ ମଧ୍ୟ ଦେଉ ନାହାଁନ୍ତି। ଫଳରେ ପରିସ୍ଥିତି ଦେଖି ସେ ଏବେ ଧିରେଧିରେ ଅପରାଜିତା ମୁହାଁ ହେବାରେ ଲାଗିଛନ୍ତି। ହେଲେ ଅପରାଜିତା ଷଡଙ୍ଗୀ ସମୀର ମହାନ୍ତିଙ୍କୁ କେତେ ଗୁରୁତ୍ବ ଦେବେ ତାହାର କୌଣସି ଆଭାସ ଏ ପର୍ଯ୍ୟନ୍ତ ମିଳିପାରି ନାହିଁ।

Categories
ଆଜିର ଖବର ରାଜ୍ୟ ଖବର

ଚିଲିକା ଖନନ କାର୍ଯ୍ୟ ତଦାରଖ କଲେ ଭୂବନେଶ୍ୱର ସାସଂଦ

ଚିଲିକା (ସୀତାରାମ ଅଗ୍ରୱାଲ): ଚିଲିକା ଉପକୂଳବର୍ତ୍ତୀ ମତ୍ସ୍ୟଜୀବୀଙ୍କ ଆବଶ୍ୟକତା ଏବଂ ଅନୁରୋଧକ୍ରମେ ଭୂବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଭୂଷଣ୍ଡପୁର, ମଗଂଳାଯୋଡି, ସୁନ୍ଦରପୁର ଅଞ୍ଚଳ ପରିଦର୍ଶନ କରି ମତ୍ସ୍ୟଜୀବୀ ମାନଙ୍କ ସମସ୍ୟା ବୁଝିଥିଲେ। ଏହା ପୂର୍ବରୁ ସମସ୍ୟା ସମାଧାନ ପାଇଁ କେନ୍ଦ୍ର ମନ୍ତ୍ରୀ ଭେପେନ୍ଦ୍ର ଯାଦବଙ୍କୁ ଚିଠି ଲେଖି ସାକ୍ଷତ କରିଥିଲେ।

ପରବର୍ତ୍ତୀ ସମୟରେ ଭୂବନେଶ୍ୱର ସାଂସଦଙ୍କ ନିୟମିତ ପ୍ରୟାସ ଏବଂ କର୍ତ୍ତବ୍ୟବୋଧ ଯୋଗୁଁ ୨୩ କୋଟି ୫୦ ଲକ୍ଷ ଟଙ୍କା ମଞ୍ଜୁରୀ ହେବା ସହ ପ୍ରଥମ ପର୍ଯ୍ୟାୟରେ ଆବଶ୍ୟକୀୟ ଅର୍ଥ ପ୍ରଦାନ କରାଯାଇ କାର୍ଯ୍ୟ ଆରମ୍ଭ କରାଯାଇଛି। ଚିଲିକା ନାଳ ଖନନ କାର୍ଯ୍ୟ କିପରି ଚାଲିଛି ଭୂବନେଶ୍ୱର ସାସଂଦ ଅପରାଜିତା ଷଡ଼ଙ୍ଗୀ ନିଜେ ଓ ମତ୍ସ୍ୟଜୀବୀ ମାନଙ୍କୁ ସାଥିରେ ନେଇ ବାଲିପାଟପୁର ଜେଟି ଠାରୁ ଡଗାଂରେ ଯାଇ କାର୍ଯ୍ୟ ତଦାରଖ କରିଛନ୍ତି।

ଚିଲିକା ନାଳ ଖନନ ହେଲେ ୨୫ ହଜାରରୁ ଉର୍ଦ୍ଧ୍ଵ ମତ୍ସ୍ୟଜୀବୀ ପରିବାର ଅର୍ଥାତ ଏକଲକ୍ଷରୁ ଉର୍ଦ୍ଧ୍ଵ ଲୋକେ ଉପକୃତ ହେବେ। ମତ୍ସ୍ୟଜୀବୀ ମାନଙ୍କ ସୁବିଧା ପାଇଁ କେନ୍ଦ୍ର ସରକାର ଅନୁଦାନ ଦେଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବିଭାଗୀୟ ମନ୍ତ୍ରୀ ଭୂପେନ୍ଦ୍ର ଯାଦବଙ୍କୁ ସାସଂଦ ଅପରାଜିତା ଷଡ଼ଙ୍ଗୀ ଧନ୍ୟବାଦ ଓ କୃତଜ୍ଞତା ଜଣାଇଛନ୍ତି।

ମତ୍ସ୍ୟଜୀବିମାନେ ଏକ ୭ ଜଣିଆ ତଦାରଖ କମିଟି ଗଠନ କରି ଚିଲିକା ଡେଭଲପମେଣ୍ଟ ଅଥରିଟି ସହିତ ଆଲୋଚନା କରି କିଭଳି ଭଲ କାମ ହୋଇପାରିବ ସେ ସଂମ୍ପର୍କରେ ଆଲୋଚନା କରିଛନ୍ତି।

Categories
ବିଶେଷ ଖବର ରାଜ୍ୟ ଖବର

ନିଜ ଭୋଟରଙ୍କୁ ଅପରାଧି କହିଲେ ସାଂସଦ ଅପରାଜିତା: ବିଜେଡିର ଅଭିଯୋଗ

ଭୁବନେଶ୍ୱର: ଗତ ସାଢେ ଚାରି ବର୍ଷ ମଧ୍ୟରେ ସାଂସଦ ଶ୍ରୀମତୀ ଅପରାଜିତା ଷଡଙ୍ଗୀ ଭୁବନେଶ୍ୱରର ଲୋକଙ୍କ ସହ ନାହାଁନ୍ତି କିମ୍ବା ସେମାନଙ୍କ ଚିନ୍ତା ଏବଂ ବିକାଶ ପାଇଁ ଏକ ମିନିଟ୍ ସମୟ ଦେଇ ନାହାଁନ୍ତି ବୋଲି କହିଛନ୍ତି ବିଜେଡି ପ୍ରବକ୍ତା ଶ୍ରୀମତୀ ଶ୍ରୀମୟୀ ମିଶ୍ର ।

ଗଣମାଧ୍ୟମକୁ ସୂଚନା ଦେଇ ଶ୍ରୀମତୀ ମିଶ୍ର କହିଛନ୍ତି ଯେ ଏହା ସ୍ୱାଭାବିକ ଯେ ଯେତେବେଳେ ନିର୍ବାଚନ ପାଖେଇ ଆସୁଛି ଏବଂ ଶ୍ରୀମତୀ ଷଡଙ୍ଗୀ ତାଙ୍କ ଭୁବନେଶ୍ୱର ଲୋକସଭା ନିର୍ବାଚନମଣ୍ଡଳୀକୁ ସାଢେ ଚାରି ବର୍ଷ ପରେ ପରିଦର୍ଶନ କରୁଛନ୍ତି, ନିର୍ବାଚନମଣ୍ଡଳୀର ମହିଳା ଏବଂ ପୁରୁଷମାନେ ତାଙ୍କୁ ପ୍ରଶ୍ନ ପଚାରୁଛନ୍ତି ଯେ ସେ ଗତ ସାଢେ ଚାରି ବର୍ଷ ଧରି କେଉଁଠାରେ ଥିଲେ ଏବଂ ନିର୍ବାଚନ ପାଖେଇ ଆସୁଥିବା ବେଳେ ସେ କାହିଁକି ଆସୁଛନ୍ତି?

ଭୁବନେଶ୍ୱରର ମହିଳା ତଥା ସାଧାରଣ ଲୋକଙ୍କ ପ୍ରକୃତ ପ୍ରଶ୍ନର ଉତ୍ତର ଦେବା ପରିବର୍ତ୍ତେ ସେ କହୁଛନ୍ତି ଯେ ଭୁବନେଶ୍ୱରର ଲୋକେ ତଥା ଅପରାଧୀମାନେ ତାଙ୍କ ସଭାରେ ବ୍ୟାଘାତ ସୃଷ୍ଟି କରୁଛନ୍ତି ।

ଶ୍ରୀମତୀ ଷଡଙ୍ଗୀଙ୍କୁ ଦେଖି ଆଶ୍ଚର୍ଯ୍ୟ ଲାଗୁଛି ଯେ ଗତ ନିର୍ବାଚନରେ ଯେଉଁମାନେ ତାଙ୍କୁ ଭୋଟ୍ ଦେଇ ସାଂସଦ କରିଥିଲେ, ବିଶେଷକରି ଭୁବନେଶ୍ୱରର ମହିଳା, ମା’ ଏବଂ ଭଉଣୀ, ସେମାନଙ୍କୁ ଆଜି ସେ ଅପରାଧୀ ବୋଲି କହୁଛନ୍ତି । ଯେଉଁମାନେ ତାଙ୍କୁ ଭୋଟ୍ ଦେଇଛନ୍ତି ସେମାନଙ୍କୁ ଅପରାଧୀ ବୋଲି ଜଣେ ସାଂସଦ କିପରି କହିବେ? ସେ କିପରି ଜଣେ ମହିଳା ଭାବରେ ଭୁବନେଶ୍ୱରର ମହିଳାମାନଙ୍କୁ ଅପରାଧୀ ବୋଲି କହିପାରିବେ?

ନିଜ ସାଂସଦଙ୍କୁ ସାମାନ୍ୟ ପ୍ରଶ୍ନ ପଚାରିଥିବା ଭୁବନେଶ୍ୱର ଲୋକଙ୍କୁ ଶ୍ରୀମତୀ ଷଡଙ୍ଗୀ ଯେଭଳି ଅପରାଧି ବୋଲି କହୁଛନ୍ତି ଆମେ ତାହାକୁ ନିନ୍ଦା କରୁଛୁ ବୋଲି ଶ୍ରୀମତୀ ମିଶ୍ର କହିଛନ୍ତି ।

Categories
ବିଶେଷ ଖବର ରାଜ୍ୟ ଖବର

ଅପରାଜିତାଙ୍କ ସଂସଦୀୟ କ୍ଷେତ୍ରରେ ଭି କେ ପାଣ୍ଡିଆନଙ୍କ ଗର୍ଜ୍ଜନ, ସାଂସଦଙ୍କ ମୁଣ୍ଡ ଖରାପ

ଭୁବନେଶ୍ବର: ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଦିନେ 5T ସଚିବଙ୍କ ବିରୋଧରେ ଗର୍ଜ୍ଜନ କରୁଥିଲେ। ସେ କାହିଁକି ବିଭିନ୍ନ ଜିଲ୍ଲା ଗସ୍ତ କରୁଛନ୍ତି ବୋଲି ପ୍ରଶ୍ନ କରିଥିଲେ। ସେତିକି ନୁହେଁ ତାଙ୍କୁ ଜଣେ ନିମ୍ନ ଅଧିକାରୀ ବୋଲି କହି ତାଙ୍କ ବିରୋଧରେ କେନ୍ଦ୍ରରେ ଅଭିଯୋଗ ଆଣିଥିଲେ। ସେହି ଆଧାରରେ କେନ୍ଦ୍ର ସରକାରଙ୍କ କାର୍ମିକ ବିଭାଗରୁ ନାମ ନ ଥିବା ଏକ ଚିଠି କାର୍ଯ୍ୟାନୁଷ୍ଠାନ ନେବାକୁ ଆସିଲା। ହେଲେ ଏହାପରେ ସବୁ ବନ୍ଦ।

ବିରୋଧୀ ଭାବି ଥିଲେ ଯେ ସାଂସଦ ଅପରାଜିତା 5T ସଚିବ ପାଣ୍ଡିଆନଙ୍କ ବିରୋଧରେ ଏପରି କଲେ ତାଙ୍କ ଜିଲ୍ଲା ଗସ୍ତ ବନ୍ଦ ହୋଇଯିବ। ହେଲେ ବନ୍ଦ ନୁହେଁ ବରଂ ଅପରାଜିତାଙ୍କ ଅଭିଯୋଗ ପରେ ପାଣ୍ଡିଆନଙ୍କ ଗସ୍ତ କାର୍ଯ୍ୟକ୍ରମ ବଢିବାକୁ ଲାଗିଲା। ପୂର୍ବରୁ ଗୋଟିଏ କିମ୍ବା ଦୁଇଟି ସ୍ଥାନରେ ସେ ବଡ ସଭା କରୁଥିଲେ। ଏହାପରେ ସେ ତିନି ଚାରିଟି ସ୍ଥାନରେ ଜନସଭା କରିବାକୁ ଲାଗିଲେ। ପୂର୍ବରୁ ଜିଲ୍ଲା ସ୍ତରୀୟ ଗସ୍ତ କରୁଥିଲେ ଏବେ ନିର୍ବାଚନ ମଣ୍ଡଳୀ ସ୍ତରୀୟ ଗସ୍ତ କଲେଣି।

ତେବେ ସେ ଯେଉଁଠାକୁ ଗସ୍ତ କରନ୍ତୁ କି ନାହିଁ, ହେଲେ ଗତ ତିନିଦିନର ଗସ୍ତ ଥିଲା ସବୁଠାରୁ ଗୁରୁତ୍ବ ପୂର୍ଣ୍ଣ। କାରଣ ଏହି ଅଗଷ୍ଟ ୨୧, ୨୨ ଓ ୨୩ ତାରିଖରେ ସେ ଖୋଦ ଅପରାଜିତାଙ୍କ ସଂସଦୀୟ କ୍ଷେତ୍ରରେ ପ୍ରବେଶ କରିଥିଲେ। ଭୁବନେଶ୍ବରରେ ଖୋର୍ଦ୍ଧା ଜିଲ୍ଲା ଛାତ୍ର ସମ୍ମିଳନୀ, ଏହାପରେ ଖୋର୍ଦ୍ଧା, ଜଟଣୀ, ବାଲିପାଟଣା, ବାଲିଅନ୍ତା, ବେଗୁନିଆ ପ୍ରଭୃତି ସ୍ଥାନ ଗସ୍ତ କରି ସେ ଜନସମାଗମକୁ ଉଦବୋଧନ ଦେଇଥିଲେ।

ପାଣ୍ଡିଆନଙ୍କ ଗସ୍ତ କାର୍ଯ୍ୟକ୍ରମକୁ ଅନୁଧ୍ୟାନ କଲେ ପରିଲକ୍ଷିତ ହେବ ଯେ, ସେ ଅନ୍ୟ ସ୍ଥାନରେ ଯେପରି କହୁଥିଲେ ଅପରାଜିତାଙ୍କ ରାଇଜରେ ତାହାଠାରୁ ଜୋରରେ କହିଛନ୍ତି। ସେ ଅପରାଜିତାଙ୍କ ସଂସଦୀୟ ଲୋକଙ୍କ ସହିତ ମଞ୍ଚ ଉପରୁ ସିଧା ଆଲୋଚନା କରିଛନ୍ତି। ମଞ୍ଚ ଉପରୁ ଲୋକଙ୍କୁ ବିଭିନ୍ନ କଥା ପଚାରି ତାହା ଉତ୍ତର ସେ ନେଇଛନ୍ତି। ସେହି ଭିତରେ ଟିକିଏ ଜୋରରେ କୁହନ୍ତୁ ବୋଲି ସେ ମଝିରେ ମଝିରେ ଲୋକଙ୍କୁ ଆହ୍ବାନ କରୁଥିଲେ। ଏ କଥା ଶୁଣି ଲୋକେ ମଞ୍ଚ ଉପରେ ଜୋରରେ ପାଟି କରି ‘ହଁ’ କିମ୍ବା ‘ନାହିଁ’ କରୁଥିଲେ।

ଅବଶ୍ୟ ଅପରାଜିତାଙ୍କ ସଂସଦୀୟ କ୍ଷେତ୍ରରେ ପାଣ୍ଡିଆନ ଜାଣି ଶୁଣି କି ଅଜଣାତରେ ଏପରି କରୁଥିଲେ ତାହା ଭିନ୍ନ କଥା। ହେଲେ ଏହା ଦ୍ବାରା ଅପରାଜିତାଙ୍କ ମୁଣ୍ଡ ଖରାପ ହେବା ନିଶ୍ଚିତ। ସେ ଯେତେବେଳେ ପାଣ୍ଡିଆନ ଏବଂ ଲୋକଙ୍କ ଗର୍ଜ୍ଜନର ଭିଡିଓ ଦେଖୁଥିବେ ସେତେବେଳେ ଅପରାଜିତା ପାଗଳ ପ୍ରାୟ ହୋଇଯାଉଥିବେ। ଯେଉଁ ପାଣ୍ଡିଆନ ବିରୋଧରେ ସେ ଏତେ କଥା କଲେ, ଶେଷରେ ସେହି ପାଣ୍ଡିଆନ ଆସି ମୋ ଘରେ ଗର୍ଜ୍ଜନ କରୁଛି ବୋଲି ସେ ମନେ ମନେ ଭାବୁ ଥିବେ।

ଖାଲି ଅପରାଜିତା ନୁହଁନ୍ତି ବିଜେପିର ସବୁ ନେତା ପ୍ରାୟ ନିଶ୍ଚିତ ହୋଇସାରିଲେଣି ଯେ, ପାଣ୍ଡିଆନ ଗସ୍ତକୁ ବର୍ତ୍ତମାନ କୌଣସି ଶକ୍ତି ରୋକିପାରିବ ନାହିଁ। ଯେତେ କାଳି ତଥା କଳା ପତାକା ଦେଖାଇଲେ ମଧ୍ୟ ସେଥିରେ କୌଣସି ପ୍ରତିବନ୍ଧକ ସୃଷ୍ଟି ହୋଇପାରିବ ନାହିଁ। କାରଣ 5T ସଚିବ ଭି କେ ପାଣ୍ଡିଆନ ତାଙ୍କ ଚାରିପଟେ ଏକ ଶକ୍ତିଶାଳି ବଳୟ ତିଆରି କରିଛନ୍ତି।ତାହାକୁ ବିରୋଧୀ ଭେଦ କରିବା ଦୂରେ ଥାଉ ଏହା କଣ ବୋଲି ବୁଝିବା ମଧ୍ୟ କଷ୍ଟକର ହେବ।

Categories
ଆଜିର ଖବର ରାଜ୍ୟ ଖବର

ଆଗୁଆ ନିର୍ବାଚନ ନେଇ ବିଜେଡିକୁ ସମାଲୋଚନା କଲେ ଅପରାଜିତା, କହିଲେ ଏପରି କଥା

ଭୁବନେଶ୍ବର: ଓଡିଶାରେ ଆଗୁଆ ନିର୍ବାଚନ ହେବ। ଏ ନେଇ ରାଜ୍ୟ ରାଜନୀତି ସରଗରମ ହେବାରେ ଲାଗିଛି। ଏହି ଖବର ଜଣାପଡିବା ପରେ ସବୁ ରାଜନୈତିକ ଦଳ ପ୍ରସ୍ତୁତ ବୋଲି କହିଛନ୍ତି। ତେବେ ଏହି ଆଗୁଆ ନିର୍ବାଚନ ନେଇ ଭୁବନେଶ୍ବର ସାଂସଦ ଭିନ୍ନ ମତ ରଖିଛନ୍ତି।

ଅପରାଜିତା ଆଗୁଆ ନିର୍ବାଚନ ନେଇ କହିଛନ୍ତି ଯେ, ବିଜେଡି କଣ ପାଇଁ ଆଗୁଆ ନିର୍ବାଚନ କରିବାକୁ ତରତର ହେଉଛି। ଓଡିଶାର ଜନସାଧାରଣ ବିଜେଡିକୁ ପାଞ୍ଚ ବର୍ଷ ପାଇଁ ଶାସନ କରିବାକୁ ଦେଇଛନ୍ତି। ହେଲେ ସେ ତା ପୂର୍ବରୁ ସରକାର ଭାଙ୍ଗିବା କାରଣ କଣ ବୋଲି ସେ ପ୍ରଶ୍ନ କରିଛନ୍ତି।

ସେହିପରେ ସେ କହିଛନ୍ତି ଯେ, ବିଜେପି ଓଡିଶାରେ ଏକ ଲଢେଇ କରିବ। କାହା ସହିତ ମେଣ୍ଟ କରିବାର ପ୍ରଶ୍ନ ଉଠୁ ନାହିଁ। ଅମିତା ସାହା ଓଡିଶା ଆସି ଆମର ରଣନୀତି ଉପରେ ପରାମର୍ଶ ଦେଇଛନ୍ତି। ସେହି ଅନୁସାରେ ବିଜେପି ବର୍ତ୍ତମାନ ତୃଣମୂଳ ସ୍ଥରରେ କାର୍ଯ୍ୟ କରୁଛି। ବିଜେଡି ସହିତ ମେଣ୍ଟ କରିବାର ପ୍ରଶ୍ନ ଉଠୁ ନାହିଁ ବୋଲି ଅପରାଜିତା ସ୍ପଷ୍ଟ କରିଛନ୍ତି।

Categories
ବିଶେଷ ଖବର ରାଜ୍ୟ ଖବର

ମନମୋହନ ସାମଲଙ୍କ ନୂଆ ଟିମ: ପୃଥୀରାଜ ଓ ଭ୍ରୁଗୁ ଆଉଟ୍ ; ଅପରାଜିତା ଷଡଙ୍ଗୀ ଇନ୍

ଭୁବନେଶ୍ବର: ବହୁ ହସ୍ତସନ୍ତ ପରେ ବିଜେପି ସଭାପତି ମନମୋହନ ସାମଲ ତାଙ୍କର ନୂଆ ଟିମ ଗଠନ କରିଛନ୍ତି। ବିଜେପିର ଚାଣକ୍ୟ ଅମିତ ସାହା ଓଡିଶା ଆସିବା ପୂର୍ବରୁ ଏହି ନୂଆ ଟିମର ନାମ ଘୋଷଣା କରାଯାଇଛି। ମନମୋହନ ସଭାପତି ଭାବେ ଦାୟିତ୍ବ ନେବାର ବହୁଦିନ ହୋଇଥିଲେ ମଧ୍ୟ ସେ ନୂଆ ଟିମ ଗଠନ କରିବାରେ ସକ୍ଷମ ହୋଇପାରୁ ନ ଥିଲେ। କୁହାଯାଉଥିଲା ଯେ, ଏଥିରେ କୁଆଡେ ପେଞ୍ଚ ପଶିଯାଉଥିଲା।

ତେବେ ବହୁ ସଂଘର୍ଷ ତଥା ହତସନ୍ତ ପରେ ସେ ଟିମ ଗଠନ କରିଛନ୍ତି। ଆଉ ଏହି ଟିମକୁ ନେଇ ବର୍ତ୍ତମାନ ଆରମ୍ଭ ହୋଇ ଯାଇଛି ଚର୍ଚ୍ଚା। କାରଣ ଏଥିରେ ବିଜେପିର ବହୁ ମଙ୍ଗୁଆଳ ଆଉଟ ହୋଇଯାଇଛନ୍ତି। ପୂର୍ବରୁ ଦଳରେ ସାଧାରଣ ସଂପାଦକ ଥିବା ପୃଥୀରାଜ ହରିଚନ୍ଦନ ଏବଂ ଉପସଭାପତି ଭୃଗୁ ବକ୍ସିପାତ୍ରଙ୍କୁ ନୂଆ ଟିମରେ ନିଆଯାଇ ନାହିଁ। ପୃଥୀରାଜ ବିଭିନ୍ନ ସମୟରେ ସାମ୍ବାଦିକ ସମ୍ମିଳନୀ କରି ଦଳର ଭାବମୂର୍ତ୍ତି ଠିକ ରଖୁଥିଲେ ମଧ୍ୟ ତାଙ୍କୁ ନୂଆ ଟିମରେ ଗ୍ରହଣ କରା ନ ଯିବା ଅନେକଙ୍କୁ ଆଶ୍ଚର୍ଯ୍ୟ କରିଛି।

ଏହି ନୂଆ ଟିମରେ ଲେଖାଶ୍ରୀ ସାମନ୍ତସିଂହାର ଏବଂ ଗୋଲଖ ମହାପାତ୍ରଙ୍କୁ ନିଆଯିବା ମଧ୍ୟ ଅନେକଙ୍କୁ ଆଶ୍ଚର୍ଯ୍ୟ କରିଛି। କାରଣ ଏହି ଦୁଇ ଜଣ ଧର୍ମେନ୍ଦ୍ରଙ୍କ ଖାସ ସମର୍ଥକ ହୋଇଥିଲେ ମଧ୍ୟ ମନମୋହନ ସାମଲ କିପରି ନେଲେ ସେ ନେଇ ସମସ୍ତେ ଆଲୋଚନା କରିବାରେ ଲାଗିଛନ୍ତି। ଯଦି ଲେଖାଶ୍ରୀ ଓ ଗୋଲଖଙ୍କୁ ନିଆଗଲା ତେବେ ପୃଥୀରାଜ ଓ ଭ୍ରୁଗୁଙ୍କୁ କାହିଁକି ଟିମରେ ସାମିଲ କରାଗଲା ନାହିଁ ବୋଲି ଦଳ ଭିତରେ ଚାଲିଛି ଚର୍ଚ୍ଚା।

ସେହିପରି ବଡ କଥା ହେଲା ଏହି ନୂଆ ଟିମରେ ପ୍ରବେଶ କରିଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ। ତାଙ୍କୁ ଦଳ ଉପସଭାପତି ଭାବେ ନିଯୁକ୍ତି ଦେଇଛି। ସେ ପୂର୍ବରୁ ଦଳର ରାଷ୍ଟ୍ରୀୟ ପ୍ରବକ୍ତା ଅଛନ୍ତି। ଦଳ ପୁଣିଥରେ ତାଙ୍କୁ ଗୁରୁତ୍ବ ଦେଇ ଦ୍ବିତୀୟ ନମ୍ବର ପଦବୀରେ ବସାଇଛି। ହେଲେ ଅନ୍ୟପଟେ ଏହି ଟିମରୁ ବାଦ ପଡିଛନ୍ତି ସାଂସଦ ସଂଗୀତା ସିଂହଦେଓ।ତାଙ୍କୁ ଦଳ କୌଣସି ଗୁରୁତ୍ବ ମନେ କରିଲା ନାହିଁ।

ତେବେ ମନମୋହନଙ୍କ ଏହି ନୂଆ ଟିମରେ ଆଉ କୌଣସି ସାଂସଦକୁ କୌଣସି ପଦପଦବୀ ଦିଆଯାଇ ନ ଥିବା ବେଳେ ଅପରାଜିତାଙ୍କୁ କିନ୍ତୁ ଦୁଇ ଦୁଇଟି ପଦବୀରେ ଦଳ ବସାଇଛି। ଯଦି ଅପରାଜିତାଙ୍କୁ ଉପସଭାପତି କରାଗଲା ତେବେ ଅନ୍ୟ ସାଂସଦଙ୍କୁ କାହିଁକି ବାଦ ଦିଆଗଲା ବୋଲି ଦଳ ଭିତରେ ପ୍ରଶ୍ନ ଉଠିଛି। ସେଥିପାଇଁ ଦଳ ଭିତରେ ବର୍ତ୍ତମାନ ଅପରାଜିତା ଷଡଙ୍ଗୀଙ୍କ ଦବଦବା ପୁରା ପରିଲକ୍ଷିତ ହୋଇଛି।

ମନମୋହନଙ୍କ ଏହି ନୂଆ ଟିମ୍ ଆସନ୍ତା ନିର୍ବାଚନକୁ ସମ୍ମୁଖୀନ ହେବେ। ହେଲେ ଏହି ଟିମରୁ ଟାଣୁଆ ନେତାଙ୍କୁ ବାଦ ଦିଆଯିବାକୁ ନେଇ ଚର୍ଚ୍ଚା ଚାଲିଛି। ଏହି ନୂଆ ଟିମ୍ ବିଜେଡି ବିରୋଧରେ କେମିତି ଲଢେଇ କରିବ ତାହା ସନ୍ଦେହ ସୃଷ୍ଟି କରିଛି। ଏହି ଟିମ ଗଠନରେ ଯେତେବେଳେ ବିଳମ୍ବ ହେଲା, ସେତେବେଳେ ସମସ୍ତ ଆଶା କରିଥିଲେ ଯେ, ନିର୍ବାଚନ ପାଇଁ ମନମୋହନ ଏକ ବଡ ଟାଣୁଆ ଟିମ ଗଠନ କରିବେ। ହେଲେ ଏହି ତାଲିକାରୁ ସେମିତି କିଛି ସ୍ପଷ୍ଟ ଜଣାପଡୁ ନାହିଁ।

Categories
ବିଶେଷ ଖବର

ଓଡିଶା ବିଜେପି ପାଇଁ ନୂଆ ଟିମ ଗଠନ କଲେ ରାଜ୍ୟ ସଭାପତି: ଅପରାଜିତା ଷଡଙ୍ଗୀଙ୍କୁ ମିଳିଲା ବଡ ଦାୟିତ୍ଵ

ଭୁବନେଶ୍ଵର: ଭାରତୀୟ ଜନତା ପାର୍ଟି ରାଜ୍ୟ ସଭାପତି ମନମୋହନ ସାମଲଙ୍କ ଅନୁମୋଦନ କ୍ରମେ ଆଜି ରାଜ୍ୟ ପଦାଧିକାରୀ ଏବଂ ମୋର୍ଚ୍ଚା ସଭାପତିମାନଙ୍କ ନାମ ଘୋଷଣା କରାଯାଇଛି। ଏଥିରେ ମନମୋହନ ସାମଲ ୩୫ ଜଣିଆ ତାଲିକା ଘୋଷଣା କରିଛନ୍ତି। ଏହି ତାଲିକାରେ ୧୦ଜଣ ଉପସଭାପତି ଓ ୫ଜଣ ସାଧାରଣ ସମ୍ପାଦକ ସାମିଲ ହୋଇଛନ୍ତି। ତେବେ ଉପସଭାପତି ଭାବେ ନାଉରୀ ନାୟକ, ଅପରାଜିତା ଷଡଙ୍ଗୀ, ରବି ନାଏକ, ପୂର୍ଣ୍ଣଚନ୍ଦ୍ର ମହାପାତ୍ର, ଲଳିତେନ୍ଦୁ ବିଦ୍ୟାଧର ମହାପାତ୍ର, ଗୋଲକ ମହାପାତ୍ର, କୁସୁମ ଟେଟେ, ଲେଖାଶ୍ରୀ ସାମନ୍ତସିଂହାର, ସୁକେଶି ଓରାମ, ବିରଞ୍ଚି ନାରାୟଣ ତ୍ରିପାଠୀଙ୍କୁ ସାମିଲ କରାଯାଇଛି।

Image

Image

Categories
ଆଜିର ଖବର ରାଜ୍ୟ ଖବର

ଟାଙ୍ଗୀରେ ‘ମୋ ବୁଥ ସବୁଠୁ ମଜବୁତ’ କାର୍ଯ୍ୟକ୍ରମ ଯୋଗଦେଲେ ବିଜେପି ରାଜ୍ୟ ସଭାପତି

ସୀତାରାମ ଅଗ୍ରୱାଲ

ଟାଙ୍ଗୀ: ଆଗକୁ ଆସୁଛି ସାଧାରଣ ନିର୍ବାଚନ। ନିର୍ବାଚନକୁ ଆଖି ଆଗରେ ରଖି ବିଜେପି ତାର ସଂଗଠନକୁ ସୁଦୃଢ କରିବା ପାଇଁ ପ୍ରତି ନିର୍ବାଚନ ମଣ୍ଡଳୀରେ ବିଭିନ୍ନ କାର୍ଯ୍ୟକ୍ରମ କରୁଛି।କେନ୍ଦ୍ରରେ ମୋଦି ସରକାରଙ୍କ ୯ବର୍ଷ ପୂର୍ତ୍ତି ଓ କେନ୍ଦ୍ର ସରକାରଙ୍କ ବିଭିନ୍ନ ଲୋକାଭିମୁଖୀ କାର୍ଯ୍ୟକ୍ରମକୁ ଲୋକଙ୍କ ପାଖରେ ପହଞ୍ଚିବା ପାଇଁ ବିଜେପି ପ୍ରୟାସ ଜାରି ରଖିଛି। ଏହି ଅବସରରେ ଖୋର୍ଦ୍ଧା ବିଜେପି ପକ୍ଷରୁ ମୋ ବୁଥ ସବୁଠୁ ମଜବୁତ ସମାବେଶ ଓ ସମ୍ବର୍ଦ୍ଧନା କାର୍ଯ୍ୟକ୍ରମ ଆଜି ଅନୁଷ୍ଠିତ ହୋଇଛି।

ଖୋର୍ଦ୍ଧା ନିର୍ବାଚନ ମଣ୍ଡଳୀ ଟାଙ୍ଗୀ ବ୍ଲକ କଲେଜ ପଡିଆ ଠାରେ ବିଶାଳ ସମାବେଶ ହୋଇଛି। ବିଜେପି ରାଜ୍ୟ ସଭାପତି ମନମୋହନ ସାମଲ, ଭୂବନେଶ୍ୱର ସାସଂଦ ଅପରାଜିତା ଷଡ଼ଙ୍ଗୀ, ରାଜ୍ୟ କାର୍ଯ୍ୟକାରିଣୀ ସଦସ୍ୟ କାଳୁଚରଣ ଖଣ୍ଡାୟତରାୟ, ବିଜେପି ଜିଲ୍ଲା ସଭାପତି ରଶ୍ମିରଞ୍ଜନ ମହାପାତ୍ର ପ୍ରମୁଖଙ୍କ ସହିତ ଶତାଧିକ ବିଜେପି କର୍ମୀ ଏହି ସମାବେଶରେ ଯୋଗଦେଇଛନ୍ତି।

ବିଜେପି ରାଜ୍ୟ ସଭାପତି ମନମୋହନ ସାମଲ ଓ ଭୂବନେଶ୍ୱର ସାସଂଦ ଅପରାଜିତା ଷଡ଼ଙ୍ଗୀଙ୍କୁ କର୍ମୀମାନେ ସ୍ୱାଗତ କରିବା ପରେ ଟାଙ୍ଗୀ ମଧୁମଙ୍ଗଳ ପଡିଆଠାରୁ ପଦଯାତ୍ରାରେ ଏକ ବିରାଟ ପଟୁଆରରେ ଆସି ସଭା ସ୍ଥଳରେ ପହଞ୍ଚିଥିଲେ। ସଭା ମଞ୍ଚରେ ଉଭୟ ନେତାଙ୍କ ସହିତ ଅନ୍ୟାନ୍ୟ ନେତୃବୃନ୍ଦ ଯୋଗଦେଇଥିଲେ।

ସାସଂଦ ଅପରାଜିତା ଷଡ଼ଙ୍ଗୀ ରାଜ୍ୟ ସରକାରଙ୍କ ଉପରେ ଉକ୍ତ ସଭାରେ ବର୍ଷିଥିଲେ। ରାଜ୍ୟର ମୁଖ୍ୟମନ୍ତ୍ରୀ ଗୃହବନ୍ଦୀ। ସରକାରଙ୍କ ଜଣେ ସଚିବ କିଭଳି ଭାବରେ ସରକାରୀ ଟଙ୍କା ଖର୍ଚ୍ଚ କରି ଦଳୀୟ କାର୍ଯ୍ୟ କରୁଛନ୍ତି ତାହାକୁ ନେଇ ପ୍ରଶ୍ନ ଉଠାଇଛନ୍ତି ଭୂବନେଶ୍ୱର ସାସଂଦ। ଚନ୍ଦକା ଅଞ୍ଚଳରେ ଜଣେ ଅଣ ଓଡ଼ିଆ ମହିଳା ଲୋକଙ୍କ ଠାରୁ ଶାଗମାଛ ଦରରେ ଜମି କିଣି ନିଜ ଅକ୍ତିଆରକୁ ନେଉଥିବା ଏକ ଦସ୍ତାବିଜ ଦେଖାଇଛନ୍ତି। ସେ ମହିଳା ଜଣଙ୍କ କିଏ ତାଙ୍କୁ ସରକାରୀ କର୍ମଚାରୀ, ବିଧାୟକ, ମନ୍ତ୍ରୀ ସମସ୍ତେ ସହଯୋଗ କରୁଥିବା କହିଛନ୍ତି।

ରାଜ୍ୟରେ ରାଜ୍ୟ ସରକାର ୨୩ବର୍ଷ ଶାସନ କରିବା ମଧ୍ୟରେ କଣ ବିକାଶ ହୋଇଛି ରାଜ୍ୟ ସରକାରଙ୍କ ଉପରେ ଅଙ୍ଗୁଳି ନିର୍ଦ୍ଦେଶ କରିଛନ୍ତି। ବିଜେପି ରାଜ୍ୟ ସଭାପତି ବିଜେଡି ୨୩ ବର୍ଷ ମଧ୍ୟରେ ଯାହା କରିନାହିଁ ବିଜେପି କୁ ୫ବର୍ଷ ସୁଯୋଗ ଦିଅନ୍ତୁ, ବିଜେପି ୫ବର୍ଷ ମଧ୍ୟରେ ତାହା କରି ଦେଖାଇଦେବ ବୋଲି କହିଥିଲେ। ଟାଙ୍ଗୀ ବ୍ଲକକୁ ଏନଏସି ମାନ୍ୟତା ପ୍ରଦାନ କରିବା ସହିତ ଗିରି ଗୋବର୍ଦ୍ଧନ ପର୍ବତକୁ ପର୍ଯ୍ୟଟନ ସ୍ଥଳର ମାନ୍ୟତା ପ୍ରଦାନ, କାଳୁପଡା ଷ୍ଟେସନରେ ପ୍ରଶାନ୍ତି ଏକ୍ସପ୍ରେସ ରହଣି ପାଇଁ ପ୍ରତିଶ୍ରୁତି ଦେଇଛନ୍ତି ଉଭୟ ନେତା।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ସାଂସଦ ଅପରାଜିତାଙ୍କ କବଜାରେ ବିଜେପି ରାଜ୍ୟ କାର୍ଯ୍ୟାଳୟ ସହ ସଭାପତି ମନମୋହନ ସାମଲ

ଭୁବନେଶ୍ବର: ଧିରେଧିରେ ଭୁବନେଶ୍ବର ସାଂସଦ ତଥା ବିଜେପି ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡଙ୍ଗୀଙ୍କ ରାଜ୍ୟର ଦଳିୟ ବ୍ୟାପାରରେ ହସ୍ତକ୍ଷେପ ଜୋରଦାର ହେବାରେ ଲାଗିଲାଣି। ଏପରିକି ସେ ରାଜ୍ୟ କାର୍ଯ୍ୟାଳୟକୁ ମଧ୍ୟ ନିଜ କବଜାକୁ ନେଇ ସାରିଲେଣି। ପୂର୍ବରୁ ଏହି କାର୍ଯ୍ୟାଳୟର ହର୍ତାକର୍ତ୍ତା ଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏବେ ସେହିପରି ଅପରାଜିତା ମଧ୍ୟ ବିଜେପି ଅଫିସକୁ ଦଖଲ କରିବାକୁ ବସିଲେଣି।

ଦଳୀୟ କର୍ମିଙ୍କ ଅନୁସାରେ ମନମୋହନ ସାମଲ ସଭାପତି ହେବା ପରେ ଅପରାଜିତାଙ୍କ ଏହି ଦଖଲ ଜୋରଦାର ହୋଇଯାଇଛି। ପୂର୍ବରୁ ସେ ବହୁ ଚେଷ୍ଠା କରି ମଧ୍ୟ ଧର୍ମେନ୍ଦ୍ରଙ୍କ ପତିୟାରାରେ ତାହା କରିପାରୁ ନ ଥିଲେ। ହେଲେ ଏବେ ସେହି ମିଶନ ସଫଳ ହୋଇଯାଇଛି। ଯାହାକୁ ନେଇ ବିଜେପି ନେତା ତଥା କର୍ମିଙ୍କ ମହଲରେ ବେଶ ଚର୍ଚ୍ଚା ଆରମ୍ଭ ହୋଇଯାଇଛି। କେହି ମୁହଁ ଖୋଲୁ ନ ଥିଲେ ମଧ୍ୟ ଭୁବନେଶ୍ବର କାର୍ଯ୍ୟାଳୟରେ ତାଙ୍କର ଆଧିପତ୍ୟକୁ ସମସ୍ତେ ଅନୁଭବ କରିସାରିଲେଣି।

ଖବର ଅନୁସାରେ ଅପରାଜିତାଙ୍କ ପ୍ରାୟ ପାଞ୍ଚରୁ ସାତ ଜଣ କର୍ମି ପ୍ରତିଦିନ ଭୁବନେଶ୍ବର କାର୍ଯ୍ୟାଳୟରେ ପଇଁତରା ମାରୁଛନ୍ତି। ଗୋଟିଏ ଦଳ ମଧ୍ୟାହ୍ନ ପର୍ଯ୍ୟନ୍ତ ପଇଁତରା ମାରୁଥିବା ବେଳ ଆଉ ଏକ ଦଳ ଅପରାହ୍ନରେ ଆସି ସେଠାରେ ଉପସ୍ଥିତ ହେଉଛନ୍ତି। ଅଫିସକୁ କିଏ ଆସିଲା, କାହା ସହିତ କିଏ କଥା ହେଲା ତାହାର ଟିକିନିଖି ଖବର ସେମାନେ ରଖୁଛନ୍ତି। ଏପରିକି ସେମାନେ ଚାହିଁଲେ କାହାକୁ ଅଫିସ ବାହାରକୁ ମଧ୍ୟ ବାହାର କରିବାର କ୍ଷମତା ରହିଛି।

ସେତିକି ନୁହେଁ ଅପରାଜିତାଙ୍କ କବଜାରେ ମଧ୍ୟ ଅଛନ୍ତି ଖୋଦ ରାଜ୍ୟ ବିଜେପି ସଭାପତି ମନମୋହନ ସାମଲ। ଯାହାର ଗଣ୍ଡାଗଣ୍ଡା ପ୍ରମାଣ ନେତା ଓ କର୍ମିଙ୍କ ପାଖରେ ରହିଛି। ନିକଟରେ ଭି କେ ପାଣ୍ଡିଆନଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଉଭୟ କେନ୍ଦ୍ରକୁ ଚିଠି ଲେଖିଥିଲେ। ଜଣେ ରାଜ୍ୟ ସଭାପତି ଭାବେ ସେ ନିଜେ ଲେଖିବା ଉଚିତ କିମ୍ବା ଅପରାଜିତାଙ୍କ ଦ୍ବାରା ଲେଖାଇବା ଉଚିତ। ହେଲେ ସେହି ଚିଠିରେ ଅପରାଜିତା ଆଗେ ଦସ୍ତଖତ କରିବା ପରେ ତଳେ ସାମଲ ଦସ୍ତଖତ କରିଛନ୍ତି।

ଏହି ଚିଠିକୁ ନେଇ ଦଳୀୟ ନେତାମାନଙ୍କ ଭିତରେ ଭିତରେ ବେଶ ଟୁପୁରୁଟାପର ଚାଲିଛି।  ସଭାପତିଙ୍କ କାନ୍ଧରେ ବନ୍ଧୁକ ରଖି ଅପରାଜିତା ଗୁଳି ଫୁଟାଉଛନ୍ତି ବୋଲି କୁହାଯାଉଛି। କାରଣ ବର୍ତ୍ତମାନ କେନ୍ଦ୍ର ସରକାର ପାଣ୍ଡିଆନଙ୍କ ଉପରେ କୌଣସି ପଦକ୍ଷେପ ନେବ ନାହିଁ। ଫଳରେ ଏକା ଚିଠି ଲେଖି ଅପରାଜିତା ଲୋକହସା ହେବା ଅପେକ୍ଷା ସେ ସଭାପତିଙ୍କ ନାମକୁ ମଧ୍ୟ ସେଥିରେ ଯୋଡିଦେଲେ।

ସେହିପରି ସଭାପତି ଯେତେବେଳେ ରାଜ୍ୟ କାର୍ଯ୍ୟାଳୟରେ ବସୁଛନ୍ତି ତାଙ୍କ ଦ୍ବାର ପାଖରେ ଅପରାଜିତାଙ୍କ ଲୋକ ଜଗି ରହୁଛନ୍ତି। ତାଙ୍କ ପାଖକୁ ଯିଏ ଯାଉଛି ତାଙ୍କର ପରିଚୟ କଣ ଏବଂ କାହିଁକି ଭେଟିବେ ପରି ବିଭିନ୍ନ ପ୍ରଶ୍ନ ପଚାରିବା ପରେ ଭିତରକୁ ଛାଡୁଛନ୍ତି। ବାହାରକୁ ଆସିବା ପରେ ମଧ୍ୟ କଣ କଥା ହେଲେ ବୋଲି ସେମାନେ ଖବର ରଖୁଛନ୍ତି। ଏକଥା ନିଜେ ମନମୋହନ ଜାଣୁଥିଲେ ମଧ୍ୟ କିଛି କହିପାରୁ ନାହାଁନ୍ତି। ସେ କୁଆଡେ ଅପରାଜିତାଙ୍କୁ ଭୟ କରୁଛନ୍ତି ବୋଲି କର୍ମିଙ୍କ ମହଲରେ ଆଲୋଚନା ଚାଲିଛି।

ଅପରାଜିତାଙ୍କ ଏପରି ଅପରେସନ ଦେଖି ବର୍ତ୍ତମାନ ଦଳର ବରିଷ୍ଠ ନେତାମାନେ ଅସନ୍ତୋଷ ହେବାରେ ଲାଗିଛନ୍ତି। ସେମାନେ ମଧ୍ୟ ସଭାପତିଙ୍କୁ ଦେଖା କରିବାକୁ ଗଲେ ଅପରାଜିତାଙ୍କ ଲୋକଙ୍କର ସମ୍ମୁଖୀନ ହେବାକୁ ପଡୁଛି। ଏହାକୁ ସହଜରେ ସେମାନେ ହଜମ କରିପାରୁ ନାହାଁନ୍ତି କି କିଛି ମଧ୍ୟ କହିପାରୁ ନାହାଁନ୍ତି। କେବଳ ଭବିଷ୍ୟତକୁ ଅପେକ୍ଷା କରି ବସି ରହିଛନ୍ତି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଖୁବ ଶିଘ୍ର କେନ୍ଦ୍ର ମନ୍ତ୍ରୀମଣ୍ଡଳ ଅଦଳବଦଳ, ଧର୍ମେନ୍ଦ୍ର ହଟିବେ, ଚର୍ଚ୍ଚାରେ ଓଡିଶାର ଦୁଇ ସାଂସଦ

ଭୁବନେଶ୍ବର: ସାଧାରଣ ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେନ୍ଦ୍ର ମନ୍ତ୍ରୀ ମଣ୍ଡଳରେ ଅଦଳବଦଳ କରିବେ। ଏ ନେଇ ଚର୍ଚ୍ଚା ଦୀର୍ଘଦିନ ଧରି ଚାଲିଛି। ହେଲେ ଗତ କିଛିଦିନ ଧରି ଏହି ଚର୍ଚ୍ଚା ଜୋରଦାର ହେବାରେ ଲାଗିଛି। ବିଶେଷ କରି ଜାତୀୟ ଗଣମାଧ୍ୟମରେ ମନ୍ତ୍ରୀ ମଣ୍ଡଳରେ କିଏ ଯିବ କିଏ ଆସିବ ସେ ନେଇ ଆଲୋଚନା ଚାଲିଛି।

ସେହି ଆଲୋଚନା ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚଳିତ ମୌସୁମୀ ଅଧିବେସନ ପୂର୍ବରୁ ଏହି ଅଦଳବଦଳ କରିବେ। ଏହାର କାରଣରେ କୁହାଯାଇଛି ଯେ, ସାଧାରଣ ନିର୍ବାଚନକୁ ଦୃଷ୍ଟିରେ ରଖି କେତେକ ଆଯୋଗ୍ୟ ମନ୍ତ୍ରୀଙ୍କୁ ବାହାର କରାଯିବ। ତାଙ୍କ ବଦଳରେ ବିଧାନସଭା ନିର୍ବାଚନ ହେବାକୁ ଥିବା ରାଜ୍ୟ ଗୁଡିକର ସାଂସଦଙ୍କୁ ମନ୍ତ୍ରୀ କରାଯିବ।

ତେବେ ଓଡିଶା ପ୍ରସଂଗରେ ଦେଖିବାକୁ ଗଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମନ୍ତ୍ରୀ ପଦ ଚାଲିଯିବ ବୋଲି ଚର୍ଚ୍ଚା ଚାଲିଛି। ପୂର୍ବରୁ ସେ ବେଶ ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ ଥିଲେ। ପରବର୍ତ୍ତି ସମୟରେ ସେଥିରୁ ଖସି ଶିକ୍ଷା ବିଭାଗକୁ ଆସିଲେ। ବର୍ତ୍ତମାନ ସେ ପୁରା ମନ୍ତ୍ରୀମଣ୍ଡଳରୁ ବିଦା ହେବାର ସମ୍ଭାବନା ସୃଷ୍ଟି ହୋଇଛି। ମୁଖ୍ୟତଃ ଧର୍ମେନ୍ଦ୍ରଙ୍କ ରାଜନୈତିକ ଗୋଟିଚାଳନାକୁ ନେଇ କେନ୍ଦ୍ର ଖୁସି ନାହିଁ। ତାଙ୍କ ଦ୍ବାରା ଓଡିଶାରେ ସଂଗଠନ ହୋଇପାରିବ ନାହିଁ ବୋଲି ରାଷ୍ଟ୍ରୀୟ ନେତୃତ୍ବ ଅନୁଭବ କରିସାରିଲେଣି।

ସେହିପରି ଓଡିଶାରୁ ରାଜ୍ୟସଭାକୁ ଯାଇ ମନ୍ତ୍ରୀ ହୋଇଥିବା ଅଶ୍ବିନୀ ବୈଷ୍ଣବଙ୍କ ପରିସ୍ଥିତ ମଧ୍ୟ ଭଲ ନାହିଁ। ହେଲେ ସେ ମନ୍ତ୍ରୀ ମଣ୍ଡଳରୁ ବିଦା ନ ହୋଇ ତାଙ୍କର ଗୁରୁତ୍ବପୂର୍ଣ୍ଣ ରେଳ ବିଭାଗ ବାହାର କରିନିଆଯିବ ବୋଲି କୁହାଯାଉଛି। କାରଣ ବାହାନଗା ରେଳ ଦୁର୍ଘଟଣା ପରେ ସେ ବିବାଦୀୟ ହୋଇପଡିଛନ୍ତି। ଅନ୍ୟପକ୍ଷରେ ଅଶ୍ବିନୀଙ୍କ କାର୍ଯ୍ୟଦକ୍ଷତା ଦଳୀୟ ରାଜନୀତି ପାଇଁ କୌଣସି କାମରେ ଆସିପାରୁ ନାହିଁ। ସେଥିପାଇଁ ତାଙ୍କୁ କମ ଗୁରୁତ୍ବ ଥିବା ବିଭାଗର ମନ୍ତ୍ରୀ କରାଯିବ ବୋଲି ଅନୁମାନ କରାଯାଉଛି।

ତେବେ ଧର୍ମେନ୍ଦ୍ର ପ୍ରଧାନ ମନ୍ତ୍ରୀ ପଦରୁ ଯିବା ପରେ ଆଉ ଜଣଙ୍କୁ ମନ୍ତ୍ରୀ ପଦ ଦିଆଯିବ ବୋଲି ଚର୍ଚ୍ଚା ଚାଲିଛି। ତେବେ ଏଥିରେ ଦୁଇ ଜଣଙ୍କ ନାମ ବେଶ ଚର୍ଚ୍ଚାକୁ ଆସୁଛି। ସେମାନେ ହେଲେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଏବଂ ସୁନ୍ଦରଗଡ ସାଂସଦ ଜୁଏଲ ଓରାମ। ଏହି ଦୁଇଜଣଙ୍କ ମଧ୍ୟରୁ ଜୁଏଲଙ୍କ ନାମ ଅଧିକ ଚର୍ଚ୍ଚା ଚାଲିଛି।

ତେବେ ଏହି ମନ୍ତ୍ରୀମଣ୍ଡଳ ଅଦଳବଦଳରେ ଅର୍ଥ, ଗୃହ, ପ୍ରତିରକ୍ଷା ଏବଂ ବୈଦେଶିକ ବ୍ୟାପାର ବିଭାଗରେ କୌଣସି ପରିବର୍ତ୍ତନ ହେବ ନାହିଁ। ଏଥିସହିତ ନୂଆ ଭାବେ ପ୍ରଫୁଲ ପଟେଲ ଏବଂ ଚିରାଗ ପାଶୱାନଙ୍କୁ ଏଥର ମନ୍ତ୍ରୀମଣ୍ଡଳରେ ସାମିଲ କରାଯିବ ବୋଲି ଚର୍ଚ୍ଚା ଚାଲିଛି। ତେବେ ଏହି ନୂଆ ମନ୍ତ୍ରୀ ମଣ୍ଡଳର ମନ୍ତ୍ରୀମାନଙ୍କୁ ନିର୍ଦ୍ଦିଷ୍ଟ ଭାବେ କେତେକ ଦଳିୟ କାର୍ଯ୍ୟରେ ନିୟୋଜିତ ହେବା ପାଇଁ ଟାସ୍କ ଦିଆଯିବ ବୋଲି ଜଣାପଡିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଖୋର୍ଦ୍ଧାରେ ସାଂସଦ ଅପରାଜିତା ଷଡଙ୍ଗୀଙ୍କୁ ବିଜେପି କର୍ମିଙ୍କ ତୀବ୍ର ବିରୋଧ, ଦେଖନ୍ତୁ ଭିଡିଓ

ଭୁବନେଶ୍ବର: ସାଂସଦ ଅପରାଜିତା ଷଡଙ୍ଗୀଙ୍କୁ ପ୍ରବଳ ବିରୋଧ କରାଯାଇଛି। ତାହାପୁଣି ତାଙ୍କର ସଂସଦୀୟ କ୍ଷେତ୍ରରେ ହୋଇଛି ବିରୋଧ। ଆଶ୍ଚର୍ଯ୍ୟର କଥା ଯେଉଁମାନେ ବିରୋଧ କରିଛନ୍ତି ସେମାନେ ସମସ୍ତେ ହେଉଛନ୍ତି ବିଜେପି କର୍ମି। ପରିସ୍ଥିତି ଏପରି ହେଲା ଯେ, ସାଂସଦ ଅପରାଜିତା ସଭା କରି ନ ପାରି ହଟହଟା ହୋଇ ଭୁବନେଶ୍ବର ଫେରିବାକୁ ବାଧ୍ୟ ହୋଇଛନ୍ତି।

ଏହି ଘଟଣାଟି ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକର ଓଳସିଂ ଗ୍ରାମରେ ଘଟିଛି। ଶନିବାର ସଂଧ୍ୟାରେ ସାଂସଦ ଅପରାଜିତା ସେଠାରେ ଏକ ଦଳୀୟ ସଭା କରିବାର ଥିଲା। ଏହି ସଭାକୁ ଆୟୋଜନ କରିଥିଲେ ଖୋର୍ଦ୍ଧା ଜିଲ୍ଲା ସଭାପତି ରଶ୍ମୀ ରଂଜନ ମହାପାତ୍ର। ତେବେ ଏହି ସଭା କରାଇ ନ ଦେବାକୁ ସେଠାକାର ବିଜେପି କର୍ମିମାନେ ଅଡି ବସିଥିଲେ।

 

ସାଂସଦ ଅପରାଜିତା ଷଡଙ୍ଗୀ ଯେତେବେଳେ ସଭାସ୍ଥଳକୁ ଆସୁଥିଲେ ସେତେବେଳେ ରାସ୍ତାରେ ତାଙ୍କୁ ହେଲା ପ୍ରବଳ ବିରୋଧ। ବିଜେପି କର୍ମିମାନେ ରାସ୍ତାରେ ପଥର ପକାଇ ସାଂସଦଙ୍କୁ ଅବରୋଧ କଲେ। ଅପରାଜିତା ଗୋ ବ୍ୟାକ୍… ଅପରାଜିତା ଗୋ ବ୍ୟାକ୍ .. କହି ତାଙ୍କୁ ଛାଡି ଦେଲେ ନାହିଁ।

ସେଠାରେ ଅପରାଜିତାଙ୍କ ସମର୍ଥକ ତଥା ଜିଲ୍ଲା ସଭାପତି ଯେତେ ବୁଝାଇଲେ ମଧ୍ୟ କେହି ବୁଝିଲେ ନାହିଁ।  ଖୋଦ ସାଂସଦ ଗାଡିରୁ ଓହ୍ଲାଇ ସେମାନଙ୍କୁ ବୁଝାସୁଝା କରିବାକୁ ଉଦ୍ୟତ ହେବାରୁ କର୍ମିମାନେ ଆହୁରି ଉତ୍ୟେକ୍ତ ହେଲେ। ଏପରିକି ସେଠାରେ ଧସ୍ତାଧସ୍ତି ପରିସ୍ଥିତି ମଧ୍ୟ ସୃଷ୍ଟି ହେଲା। ଏହାକୁ ଦେଖି ଅପରାଜିତା ସେଠାରୁ ଖସି ଚାଲି ଆସିଲେ।

କର୍ମାମାନଙ୍କର ଅଭିଯୋଗ ହେଲା ଯେ, ଅପରାଜିତ ସାଂସଦ ହେବା ପରଠାରୁ ସେ କେବେ ହେଲେ ସେହି ଅଞ୍ଚଳକୁ ଆସି ନାହାଁନ୍ତି। ଚାରି ବର୍ଷ ହେଲା ସେ କୁଆଡେ ଯାଇଥିଲେ ବୋଲି ପ୍ରଶ୍ନ କରିଥିଲେ। ଅପରାଜିତାଙ୍କ ପାଇଁ ସେଠାକାର ବିଜେପି କୁଆଡେ ଦୁଇ ଭାଗ ହୋଇଗଲା ବୋଲି ସେମାନେ ଅଭିଯୋଗ କରିଥିଲେ।

ନିଜ ନିର୍ବାଚନ ମଣ୍ଡଳୀରେ ଅପରାଜିତାଙ୍କ ଏପରି ଅବସ୍ଥା ଦେଖି ଓଡିଶା ରାଜନୀତିରେ ଚର୍ଚ୍ଚା ପାଇଁ ବେଶ୍ ଖୋରାକ ଯୋଗାଇଛି। କାରଣ ଅପରାଜିତା ସାରା ଓଡିଶାରେ ବଡବଡ ସଭା କରି ଲୋକଙ୍କ ସମର୍ଥନ ଯୋଗାଡ କରୁଥିବା ବେଳେ ନିଜ ନିର୍ବାଚନ ମଣ୍ଡଳୀରେ ନିଜ କର୍ମିମାନଙ୍କ ଦ୍ବାରା ବିରୋଧର ସମ୍ମୁଖୀନ ହେବା ତାଙ୍କ ଜନସଂପର୍କ ଉପରେ ପ୍ରଶ୍ନବାଚୀ ସୃଷ୍ଟି କରିଛି।

Categories
ଆଜିର ଖବର ରାଜ୍ୟ ଖବର

ସ୍ବାମୀଙ୍କ ମଙ୍ଗଳ ପାଇଁ ସାବିତ୍ରୀ ପୂଜା କଲେ ସାଂସଦ ଅପରାଜିତା ଷଡଙ୍ଗୀ

ଭୁବନେଶ୍ବର: ଆଜି ହେଉଛି ସାବିତ୍ରୀ ବ୍ରତ ବା ପୂଜା। ହିନ୍ଦୁ ପୁରାଣରେ ସତ୍ୟବାନ ସାବିତ୍ରୀ ଉପାଖ୍ୟାନକୁ ନେଇ ସାରା ଦେଶରେ ପାଳନ ହେଉଛି ଏହି ସାବିତ୍ରୀ ପୂଜା। ବିଶ୍ବାସ ରହିଛି ଜ୍ୟେଷ୍ଠ ଅମବାସ୍ୟାରେ ମା ସାବିତ୍ରୀଙ୍କୁ ପୂଜା କଲେ ସ୍ବାମୀଙ୍କର ମଙ୍ଗଳ ହୁଏ। ସେଥିପାଇଁ ହିନ୍ଦୁ ଧର୍ମର ସମସ୍ତ ସଧବା ନାରୀ ଏହି ଦିନ ବ୍ରତ କରିଥାନ୍ତି।

ଏହି ପରିପ୍ରେକ୍ଷାରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ମଧ୍ୟ ସାବିତ୍ରୀ ଓଷା ପାଳନ କରିଛନ୍ତି। ସେ ନିଜ ଘରେ ଥିବା ମାଙ୍କ ନିକଟରେ ବିଭିନ୍ନ ପ୍ରକାରର ଭୋଗ ସାମଗ୍ରୀ ଥୋଇ ଏହି ପୂଜା କରିଛନ୍ତି। ଏ ନେଇ ଅପରାଜିତା ନିଜ ଟୁଇଟରରେ ପୂଜା କରୁଥିବାର ଫଟୋ ମଧ୍ୟ ପୋଷ୍ଟ କରିଛନ୍ତି।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଭୁବନେଶ୍ବରର କପିଳେଶ୍ବର ମନ୍ଦିର ସଂରକ୍ଷଣ ପାଇଁ ସଂସ୍କୃତି ମନ୍ତ୍ରୀଙ୍କୁ ସାକ୍ଷାତ କଲେ ଅପରାଜିତା

ଭୁବନେଶ୍ବର: ପୁରୁଣା ଭୁବନେଶ୍ୱର ସ୍ଥିତ କପିଳେଶ୍ବର ମନ୍ଦିର ସମସ୍ତଙ୍କର ଆସ୍ଥାର କେନ୍ଦ୍ର ଦେବଦେବ ମହାଦେବଙ୍କ ପୁରାତନ ଏବଂ ପ୍ରସିଦ୍ଧ ଶୈବପୀଠ। ଯାହା ଭାରତୀୟ ପ୍ରତ୍ନତତ୍ତ୍ୱ ବିଭାଗ  ଦ୍ୱାରା ସଂରକ୍ଷିତ ହେବାର ଆବଶ୍ୟକତା ରହିଛି। ସେ ନେଇ କେନ୍ଦ୍ର ସଂସ୍କୃତି ମନ୍ତ୍ରୀଙ୍କୁ ସାକ୍ଷାତ କଲେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ।

ଆଜି କେନ୍ଦ୍ର ପର୍ଯ୍ୟଟନ ମନ୍ତ୍ରୀ ଶ୍ରୀ ଜି କିଶାନ ରେଡ୍ଡୀଙ୍କୁ ସାକ୍ଷାତ କରି କାହିଁକି ମନ୍ଦିର ASI ରେ ସାମିଲ ହେବ ସେ ନେଇ ଅପରାଜିତା ବ୍ୟାପକ ତଥ୍ୟ ରଖିଥିଲେ। ଏ ନେଇ ମନ୍ତ୍ରୀ ସକାରାତ୍ମକ ଭାବେ ସହଯୋଗ ପାଇଁ ସ୍ପଷ୍ଟ କରିଛନ୍ତି ବୋଲି ସାଂସଦ ଅପରାଜିତା କହିଛନ୍ତି। ଖୁବ ଶୀଘ୍ର ଏହା ASI ସଂରକ୍ଷିତ ସୂଚୀ ସ୍ଥାନ ପାଇବ ଏବଂ ମନ୍ଦିରର ରକ୍ଷଣା ବେକ୍ଷଣ,ବିକାଶ କାର୍ଯ୍ୟ,ସୌନ୍ଦର୍ଯ୍ୟ କରଣ ହୋଇ ପାରିବ ବୋଲି ଅଶା କରାଯାଉଛି।