Categories
ଆଜିର ଖବର ଜାତୀୟ ଖବର ବ୍ୟବସାୟ ମନୋରଂଜନ

ପାନ ମସାଲାର ବିଜ୍ଞାପନରୁ ନିଜକୁ ଦୂରେଇ ରଖିଲେ ଅମିତାଭ ବଚ୍ଚନ: ଫେରାଇଲେ ଦେଲେ ପ୍ରଚାର ରାଶି

ମୁମ୍ବାଇ: ବଲିଉଡ ମେଗାଷ୍ଟାର ଅମିତାଭ ବଚ୍ଚନ ପାନ ମସାଲା ବ୍ରାଣ୍ଡ ପାଇଁ ବିଜ୍ଞାପନରୁ ନିଜକୁ ଦୂରେଇ ରଖିଛନ୍ତି। ଏହାର ପ୍ରଚାର ପାଇଁ ସେ ଯେଉଁ ରାଶି ପାଇଛନ୍ତି, ତାକୁ ମଧ୍ୟ ଅମିତାଭ ଫେରସ୍ତ କରିଛନ୍ତି। ୭୯ ବର୍ଷିୟା ଅଭିନେତା ଏକ ପାନ୍ ମସାଲା ବ୍ରାଣ୍ଡର ପ୍ରଚାର ପାଇଁ ସମାଲୋଚନାର ସମ୍ମୁଖୀନ ହୋଇଛନ୍ତି। ତାଙ୍କର ଅନେକ ପ୍ରଶଂସକ ଏ ବିଷୟରେ ନିରାଶ ହୋଇଥିଲେ। ‘ଅମିତାଭ ବଚ୍ଚନ କାର୍ଯ୍ୟାଳୟ’ ଦ୍ୱାରା ପ୍ରକାଶିତ ଏକ ବ୍ଲଗ୍ ପୋଷ୍ଟରେ ରବିବାର ରାତିରେ କୁହାଯାଇଛି ଯେ, ସେ ଆଉ ଏହି ପ୍ରଚାର ସହ ଜଡିତ ନୁହଁନ୍ତି।

Categories
ଅପରାଧ ଆଜିର ଖବର ଜାତୀୟ ଖବର

ପୋଲିସ ନିୟନ୍ତ୍ରଣ କକ୍ଷକୁ ଆସିଲା ଫୋନ: ଅମିତାଭ ବଚ୍ଚନଙ୍କ ବଙ୍ଗଳା ସମେତ ୩ଟି ରେଳ ଷ୍ଟେସନରେ ଖଞ୍ଜା ଯାଇଛି ବୋମା

ମୁମ୍ବାଇ: ଗୋଟିଏ ଅଜଣା ଫୋନ୍ କଲ ଆସିବା ପରେ ମହାରାଷ୍ଟ୍ରର ରାଜଧାନୀ ମୁମ୍ବାଇର ପୋଲିସ ନିୟନ୍ତ୍ରଣ କକ୍ଷରେ ଉତ୍ତେଜନା ପ୍ରକାଶ ପାଇଛି। ଫଳରେ ମୁମ୍ବାଇରେ ସୁରକ୍ଷାକୁ କଡାକଡି କରାଯାଇଛି। ସୂଚନା ଅନୁଯାୟୀ, ମୁମ୍ବାଇର ଚାରିଟି ସ୍ଥାନରେ ବୋମା ଲଗାଯାଇଥିବା ଧମକ ଦେଇ ଶୁକ୍ରବାର ରାତିରେ ମୁମ୍ବାଇ ପୋଲିସ କଣ୍ଟ୍ରୋଲ ରୁମକୁ ଏକ ଫୋନ୍ କଲ ଆସିଥିଲା। ମୁମ୍ବାଇର ତିନୋଟି ପ୍ରମୁଖ ରେଳ ଷ୍ଟେସନ ଏବଂ ଅଭିନେତା ଅମିତାଭ ବଚ୍ଚନଙ୍କ ବଙ୍ଗଳାରେ ବୋମା ଲଗାଯିବା ସମ୍ପର୍କରେ ସୂଚନା ମିଳିଥିଲା। ଏହାପରେ ତୁରନ୍ତ ଏହି ସ୍ଥାନଗୁଡିକରେ ସୁରକ୍ଷାକୁ ବୃଦ୍ଧି କରାଯାଇଛି। ତେବେ ଅନୁସନ୍ଧାନ ବେଳେ ଏହି କଲ୍ ନକଲି ବୋଲି ଜଣାପଡିଛି। ଏବେ ପୋଲିସ ଫୋନ କରିଥିବା ବ୍ୟକ୍ତି ଏବଂ ତାଙ୍କ ଅବସ୍ଥାନକୁ ଖୋଜିବାକୁ ଚେଷ୍ଟା କରୁଛି।

ତେବେ ଯାଞ୍ଚ ସମୟରେ କୌଣସି ସନ୍ଦେହଜନକ ପଦାର୍ଥ ମିଳିନାହିଁ ବୋଲି ଜଣେ ପୋଲିସ ଅଧିକାରୀ କହିଛନ୍ତି। ଶୁକ୍ରବାର ରାତିରେ ମୁମ୍ବାଇ ପୋଲିସର ମୁଖ୍ୟ କଣ୍ଟ୍ରୋଲ ରୁମକୁ ଏକ କଲ ଆସିଥିଲା ​​ଯେଉଁଥିରେ କଲ୍ କରିଥିବା ବ୍ୟକ୍ତି କହିଛନ୍ତି ଯେ ଛତ୍ରପତି ଶିବାଜୀ ମହାରାଜ ଟର୍ମିନାସ (ସିଏସଏମଟି), ଭାୟଖଲା, ଦାଦର ରେଳ ଷ୍ଟେସନ ଏବଂ ଜୁହୁରେ ଅଭିନେତା ଅମିତାଭ ବଚ୍ଚନଙ୍କ ବଙ୍ଗଳା ଉପରେ ବୋମା ଲଗାଯାଇଛି।

ପୋଲିସ ଅଧିକାରୀ କହିଛନ୍ତି ଯେ ଏହି କଲ ପାଇବା ପରେ ସରକାରୀ ରେଳ ପୋଲିସ, ରେଳ ସୁରକ୍ଷା ବଳ ସହିତ ବମ୍ ଡିସପୋଜାଲ ସ୍କ୍ବାଡ, କୁକୁର ତଦନ୍ତ କାରୀ ଟିମ ଏବଂ ସ୍ଥାନୀୟ ପୋଲିସ ଏହି ସ୍ଥାନରେ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଥିଲେ। ଏପର୍ଯ୍ୟନ୍ତ ଏହି ଜାଗାରେ କୌଣସି ସନ୍ଦେହଜନକ ପଦାର୍ଥ ମିଳିନାହିଁ କିନ୍ତୁ ସେଠାରେ ବହୁ ସଂଖ୍ୟକ ପୋଲିସ କର୍ମଚାରୀ ନିୟୋଜିତ ହୋଇଛନ୍ତି। ଏହି ଘଟଣାର ତଦନ୍ତ କରାଯାଉଛି ବୋଲି ସେ କହିଛନ୍ତି।

Categories
ଆଜିର ଖବର ଜାତୀୟ ଖବର ମନୋରଂଜନ

୭୮ ବର୍ଷ ବୟସରେ ପଦାର୍ପଣ କଲେ ଅମିତାଭ ବଚ୍ଚନ, ଜନ୍ମଦିନରେ ପ୍ରଶଂସକଙ୍କ ପାଇଁ କଣ କଲେ ଜାଣନ୍ତୁ

ମୁମ୍ବାଇ, ଆଜି ବିଗ ବି, ସେହେନଂସା, କୁଲି ଯାହା ବି କହନ୍ତୁ, ଅମିତାଭ ବଚ୍ଚନ ୭୮ ବର୍ଷ ବୟସରେ ପଦାର୍ପଣ କରିଛନ୍ତି। ଭାରତୀୟ ସିନେମା ଜଗତ ପାଇଁ ଅମିତାଭଙ୍କ ଯେଉଁ ଅବଦାନ ତାହା ସାରା ବିଶ୍ବରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି। ତାଙ୍କର ଏହି ଜନ୍ମ ଦିବସରେ ବିଭିନ୍ନ ମହଲରୁ ଶୁଭେଚ୍ଛାର ବାର୍ତ୍ତା ପହଁଚିବାରେ ଲାଗିଛି। ତେବେ ଏହି ବାର୍ତ୍ତା ପହଁଚିବା ସହିତ ତୁରନ୍ତ ଅମିତାଭ ତାଙ୍କର ପ୍ରତିକ୍ରିୟା ପ୍ରକାଶ କରିଛନ୍ତି।

ଟ୍ବୁଇଟରେ ସେ ଜନ୍ମଦିନ ଉପଲକ୍ଷେ ଯେଉଁମାନେ ଶୁଭେଚ୍ଛା କରିଛନ୍ତି ସେମାନଙ୍କୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ତେବେ ଏହି ଧନ୍ୟବାଦ ସାଧାରଣ ଭାବେ ଦିଆଯାଇ ନାହିଁ। ଏଥିପାଇଁ ଅମିତାଭ ଧନ୍ୟବାଦ ଲେଖାଥିବା ତିନୋଟି ଟେମ୍ପଲେଟ ତିଆରି କରି ପୋଷ୍ଟିଂ କରିଛନ୍ତି। ଗୋଟିଏରେ ଧନ୍ୟବାଦ ଶଦ୍ଦର ବିଭିନ୍ନ ବିକଳ୍ପ ଶଦ୍ଦ ଲେଖି ନିଜର ନମସ୍କାର ଭଙ୍ଗିର ଏକ ଟେମ୍ପଲେଟ କରିଛନ୍ତି। ସେହିପରି ଆଉ ଦୁଇଟି ଇଂରାଜୀ ଓ ହିନ୍ଦିରେ ଧନ୍ୟବାଦ ଲେଖାଥିବା ଫଟୋ କରିଛନ୍ତି।