Categories
ବିଶେଷ ଖବର ମନୋରଂଜନ ରାଜ୍ୟ ଖବର ସିନେମା

ଅଭିନେତା ରାଇମୋହନ ପରିଡାଙ୍କ ଆତ୍ମହତ୍ୟାକୁ ବିଶ୍ବାସ କରିପାରୁ ନାହାଁନ୍ତି ସାଥୀ କଳାକାର

ଭୁବନେଶ୍ଵର: ବରିଷ୍ଠ ଅଭିନେତା ରାଇମୋହନ ପରିଡାଙ୍କ ପରଲୋକରେ ଓଡିଆ ସିନେମା ଜଗତ ଏବଂ ସିନେପ୍ରେମୀ ସ୍ତବ୍ଧ ହୋଇପଡିଛି। ସେ ଆଜି ଆତ୍ମହତ୍ୟା କରିଥିବା ଜଣାପଡିଛି। ସେ ତାଙ୍କ ପଳାଶୁଣି ପ୍ରାଚୀ ବିହାର ଘରେ ଆତ୍ମହତ୍ୟା କରିଛନ୍ତି। ହେଲେ ଆତ୍ମହତ୍ୟାର କାରଣ ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

୯୦ ରୁ ଅଧିକ ଓଡିଆ ଚଳଚ୍ଚିତ୍ରରେ ରାଇମୋହନ ପରିଡା ଅଭିନୟ କରିଥିବା ବେଳେ ଯାତ୍ରାରେ ମଧ୍ୟ ଅନେକ ନାଟକରେ ନିଜର କଳା ପ୍ରଦର୍ଶନ କରିଛନ୍ତି। ରାଇମୋହନ ୧୫ ରୁ ଅଧିକ ବଙ୍ଗାଳୀ ସିନେମାରେ ମଧ୍ୟ ଅଭିନୟ କରିଛନ୍ତି।

ସେ ୧୯୬୩ ମସିହା ଜୁଲାଇ ୧୦ ତାରିଖରେ କେନ୍ଦୁଝର ଜିଲ୍ଲାରେ ଜନ୍ମଗ୍ରହଣ କରିଥିଲେ। ସେ ୧୯୮୫ ମସିହାରୁ ଅଭିନୟରେ ପାଦ ଥାପିଥିଲେ। ଓଡିଶା ଆଉ ପଶ୍ଚିମବଙ୍ଗରେ ରାଇମୋହନ ଘରେ ଘରେ ଲୋକପ୍ରିୟ ଥିବା ବେଳେ ଏଭଳି ଘଟଣା ଶୁଣି ସବୁଆଡେ ଶୋକର ଛାୟା ଖେଳିଯାଇଛି।

ସିଦ୍ଧାନ୍ତ ମହାପାତ୍ର- ତାଙ୍କର ବିୟୋଗରେ ବରିଷ୍ଠ ଅଭିନେତା ସିଦ୍ଧାନ୍ତ ମହାପାତ୍ର ଶୋକ ପ୍ରକାଶ କରିଛନ୍ତି। ସେ ଏହି ଖବରକୁ କେବେ ବି ବିଶ୍ବାସ କରିପାରୁ ନାହାଁନ୍ତି। ସେ କହିଛନ୍ତି ଯେ. ତାଙ୍କ ସହିତ 10 ଦିନ ତଳେ ଦେଖା ହୋଇଥିଲା। ସେତେବେଳେ ସେ ମାନସିକ ସ୍ତରରେ ବେଶ୍ ଦୃଢ ଥିଲେ। ହେଲେ ସେ କାହିଁକି ଆତ୍ମହତ୍ୟା କଲେ ତାହାକୁ ସେ ବିଶ୍ବାସ କରିପାରୁ ନାହାଁନ୍ତି।

ଶ୍ରୀତମ ଦାସ- ଅନ୍ୟତମ ବରିଷ୍ଠ ଅଭିନେତା ଶ୍ରୀତମ ଦାସ ମଧ୍ୟ ଏହି ଖବରକୁ ବିଶ୍ବାସ କରିପାରୁ ନାହାଁନ୍ତି। ତାଙ୍କ ମତରେ ସେ କୌଣସି ଅସୁବିଧାରେ ନ ଥିଲେ। ଆର୍ଥିକ ଦୃଷ୍ଟିରୁ ହେଉ କିମ୍ବା ପାରିବାରିକ କଥା। ସେଥିରେ କୌଣସି ଅସୁବିଧା ନ ଥିଲେ। ହେଲେ ସେ ଆତ୍ମହତ୍ୟା କରିବେ ତାହା ଅବିଶ୍ବସନୀୟ। ଏହା ଉପରେ ତଦନ୍ତ ହେବା ଦରକାର।

ଉଷସୀ ମିଶ୍ର- ଅଭିନେତ୍ରୀ ଉଷସୀ ମିଶ୍ର ମଧ୍ୟ ବିଶ୍ବାସ କରିପାରୁ ନାହାଁନ୍ତି। ରାଇଭାଇ କାହିଁକି ଆତ୍ମହତ୍ୟା କରିବେ ଏହାକୁ ସେ ଜାଣିପାରୁ ନାହାଁନ୍ତି। ସେ କହିଛନ୍ତି ଯେ, ରାଇମୋହନ ଏପରି ଏକ କଳାକାର ଯେ କି ସିନେମା, ଯାତ୍ରା ଏବଂ ଟେଲିଭିଜନରେ ଅଭିନୟ କରିପାରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

୨୩ ବର୍ଷ ବୟସ୍କା ଓଡିଆ ଅଭିନେତ୍ରୀଙ୍କ ଆତ୍ମହତ୍ୟା, ପଙ୍ଖାରେ ଝୁଲୁଥିବା ଅବସ୍ଥାରେ ମିଳିଲା ମୃତଦେହ

ଭୁବନେଶ୍ଵର: ଲୋକପ୍ରିୟ ଓଡିଆ ଟେଲିଭିଜନ ଅଭିନେତ୍ରୀ ରଶ୍ମିରେଖା ଓଝାଙ୍କ ଦେହାନ୍ତ ହୋଇଛି। ତାଙ୍କ ମୃତଦେହ ଭୁବନେଶ୍ୱରର ଭଡା ଘରେ ଫ୍ୟାନରୁ ଝୁଲୁଥିବା ଦେଖିବାକୁ ମିଳିଛି। ସେ ନୟାପଲ୍ଲୀ ଅଞ୍ଚଳରେ ରହୁଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ଲିଭ-ଇନ୍ ପାର୍ଟନର ସନ୍ତୋଷ ପାତ୍ର ଏହି ମାମଲାରେ ଜଡିତ ଥିବାର ଅଭିନେତ୍ରୀଙ୍କ ପିତା ଆଶଙ୍କା କରିଛନ୍ତି। ସେ ପୋଲିସକୁ କହିଥିଲେ ଯେ, ସନ୍ତୋଷ ହିଁ ତାଙ୍କ ଝିଅର ମୃତ୍ୟୁ ବିଷୟରେ ସୂଚନା ଦେଇଥିଲେ।

ଏହି ଘଟଣା ୧୮ ଜୁନ୍ ରାତିରେ ଘଟିଥିଲା। ଶନିବାର ଦିନ ବାପା ରଶ୍ମୀଙ୍କୁ ଅନେକ ଥର କଲ କରିଥିଲେ କିନ୍ତୁ ଅଭିନେତ୍ରୀ ଫୋନ ଉଠାଇ ନଥିଲେ। ପରେ ସନ୍ତୋଷ ତାଙ୍କୁ ଡାକି କହିଥିଲେ ଯେ ରଶ୍ମୀଙ୍କର ଦେହାନ୍ତ ହୋଇଛି। ଘଟଣାସ୍ଥଳରେ ପହଞ୍ଚିବା ପରେ ସେମାନେ ଜାଣିବାକୁ ପାଇଲେ ଯେ ସନ୍ତୋଷ ଏବଂ ରଶ୍ମୀ ସେହି ଘରେ ସ୍ୱାମୀ-ସ୍ତ୍ରୀ ଭାବରେ ରହୁଥିଲେ। ଘରର ମାଲିକ ଏହି ସୂଚନା ଦେଇଛନ୍ତି। ରଶ୍ମିରେଖାଙ୍କ ପିତା ଏହା ମଧ୍ୟ କହିଛନ୍ତି ଯେ, ସେ ତାଙ୍କ ଝିଅର ଲିଭ-ଇନ୍ ରିଲେସନ ବିଷୟରେ ଜାଣି ନାହାଁନ୍ତି।

ଏନେଇ ପୋଲିସ ଏକ ଅପମୃତ୍ୟୁ ମାମଲା ପଞ୍ଜିକରଣ କରିଛି। ପୋଷ୍ଟମର୍ଟମ ରିପୋର୍ଟ ଆସିବାକୁ ପୋଲିସ ଅପେକ୍ଷା କରିଛି। ପୋଲିସର ସୂଚନାନୁସାରେ, ଏହା ଆତ୍ମହତ୍ୟା ମାମଲା ପରି ଦେଖାଯାଉଛି, କାରଣ ରଶ୍ମୀ ମଧ୍ୟ ଏକ ଆତ୍ମହତ୍ୟା ନୋଟ ଛାଡିଛନ୍ତି, ଯେଉଁଥିରେ ସେ କହିଛନ୍ତି ଯେ ତାଙ୍କ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଲୁଗାଁ: ପ୍ରେମ ସମ୍ପର୍କକୁ ନେଇ ଯୁବକ ଯୁବତୀଙ୍କ ଆତ୍ମହତ୍ୟା! କାରଣ ଅସ୍ପଷ୍ଟ

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି। ପ୍ରେମ ସମ୍ପର୍କକୁ ନେଇ ଦୁଇଜଣ ପ୍ରେମୀ ଯୁଗଳ ଆତ୍ମହତ୍ୟା କରିଥିବାର ସନ୍ଦେହ କରାଯାଉଛି।

ସୁଚାନା ଅନୁଯାୟୀ, ବାଲୁଗାଁ ଥାନା ଅନ୍ତର୍ଗତ ଇଂଜନପୁର ଗ୍ରାମର ନୈନା ବାରିକ ଓ ବାଣପୁର ଥାନା ଅନ୍ତର୍ଗତ ଵିଷ୍ଣୁଡିହ ଗ୍ରାମର ବିଘ୍ନେଶ ମାଝୀଙ୍କ ମଧ୍ୟରେ ଦୀର୍ଘ ଦିନ ଧରି ପ୍ରେମସମ୍ପର୍କ ଥିବା କୁହାଯାଉଛି। କିନ୍ତୁ ଉଭୟଙ୍କ ଆତ୍ମହତ୍ୟାର କାରଣ କଣ ହୋଇପାରେ ତାହାର କୌଣସି ସୂଚନା ମିଳିପାରିନାହିଁ। କିନ୍ତୁ ଉଭୟଙ୍କ ଆତ୍ମହତ୍ୟା ସମ୍ପର୍କରେ ବିଭିନ୍ନ ପ୍ରକାରର ଗୁଜବ ହେଉ ଥିବା ବେଳେ ପରିବାର ପକ୍ଷରୁ କୌଣସି ମତାମତ ମିଳିପାରିନାହିଁ।

ବାଲୁଗାଁ ଥାନା ଅନ୍ତର୍ଗତ ନୈନା ଓ ବାଣପୁର ଥାନା ଅନ୍ତର୍ଗତ ବିଘ୍ନେଶ ଦୁହେଁ ମିଶି ଵିଷ୍ଣୁଡିହ ଗ୍ରାମର ପାଣି ଟାଙ୍କି ନିକଟରେ ବିଷ ଖାଇ ଆତ୍ମହତ୍ୟା କରିଛନ୍ତି। ଉଭୟଙ୍କୁ ବାଲୁଗାଁ ଡାକ୍ତରଖାନାକୁ ଚିକିତ୍ସା ପାଇଁ ଭର୍ତ୍ତି କରା ଯାଇଥିଲା। କିନ୍ତୁ ଡାକ୍ତର ତାଙ୍କ ଭିତରୁ ଜଣଙ୍କୁ ଭୁବନେଶ୍ୱର ଓ ଆଉ ଜଣଙ୍କୁ ବ୍ରହ୍ମପୁର ଡାକ୍ତରଖାନାକୁ ସ୍ଥାନାନ୍ତର କରିଥିଲେ। ସେଠାରେ
କିନ୍ତୁ ଡାକ୍ତର ଦୁଇ ଜଣଙ୍କୁ ମୃତ ଘୋଷଣା କରିଥିଲେ।

ଦୁଇ ଜଣଙ୍କ ଶବ ବ୍ୟବଚ୍ଛେଦ କରିବା ପରେ ଶବ ଦାହ କରାଯାଇଛି। ଏହାକୁ ନେଇ ଉଭୟ ଗ୍ରାମରେ ଏକ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି। କିନ୍ତୁ ଆଶ୍ଚର୍ଯ୍ୟର କଥା ଏ ନେଇ ଉଭୟ ବାଣପୁର ଓ ବାଲୁଗାଁ ଥାନାରେ କୌଣସି ଅଭିଯୋଗ ହୋଇନଥିବା ଜଣାପଡିଛି।

Categories
ଅପରାଧ ଆଜିର ଖବର ଜାତୀୟ ଖବର

ତିନି କୃଷକଙ୍କ ଆତ୍ମହତ୍ୟା: ବାତ୍ୟା ଜୱାଦ ଯୋଗୁଁ ଫସଲ କ୍ଷତି ସହ୍ୟ କରିନପାରିଥିବା ଅଭିଯୋଗ

ବର୍ଦ୍ଦମାନ: ପଶ୍ଚିମବଙ୍ଗର ପୂର୍ବ ବର୍ଦ୍ଧମାନ ଜିଲ୍ଲାରେ ଗତ ଦୁଇ ଦିନ ମଧ୍ୟରେ ତିନିଜଣ ଚାଷୀଙ୍କ ମୃତଦେହ ମିଳିଛି। ପୋଲିସ ଆଜି ଏହି ସୂଚନା ଦେଇଛି। ମୃତ କୃଷକଙ୍କ ପରିବାର ଦାବି କରିଛନ୍ତି ଯେ, ଘୂର୍ଣ୍ଣିବଳୟ ଜୱାଦରେ ଲଗାଣ ବର୍ଷା ହେତୁ ଆଳୁ ଏବଂ ଧାନ ଫସଲ ନଷ୍ଟ ହେବା ପରେ ସେମାନେ ଆତ୍ମହତ୍ୟା କରିଛନ୍ତି। ଜିଲ୍ଲା ପ୍ରଶାସନ ଏହି ଘଟଣାର ଅନୁସନ୍ଧାନ କରୁଛି। ଶନିବାର ଦିନ ରାଇନା ପ୍ରଥାମ ମଣ୍ଡଳର ଦେବିପୁର ଏବଂ ବନ୍ତିର ଗ୍ରାମରେ ଦୁଇଜଣ ଚାଷୀଙ୍କୁ ଝୁଲୁଥିବା ଦେଖିବାକୁ ମିଳିଥିଲା। ଅନ୍ୟ ଜଣେ ଚାଷୀଙ୍କୁ ଶୁକ୍ରବାର ଦିନ କଲନା ଦ୍ୱିତୀୟ ମଣ୍ଡଳର ବିରୁହା ଗ୍ରାମରେ ଗୋଟିଏ ଘରେ ଝୁଲୁଥିବା ଦେଖିବାକୁ ମିଳିଥିଲା।

ଜଣେ ପୋଲିସ ଅଧିକାରୀ କହିଛନ୍ତି ଯେ, ମୃତଦେହକୁ ପୋଷ୍ଟମର୍ଟମ ପାଇଁ ବର୍ଦ୍ଧମାନ ମେଡିକାଲ କଲେଜ ଏବଂ ହସ୍ପିଟାଲକୁ ପଠାଯାଇଛି। ଜିଲ୍ଲା ମାଜିଷ୍ଟ୍ରେଟ ପ୍ରିୟଙ୍କା ସିଙ୍ଗଲା କହିଛନ୍ତି ଯେ, ଘଟଣାର ତଦନ୍ତ ଚାଲିଛି।

କୃଷି ଉପରେ ରାଜ୍ୟ ସରକାରଙ୍କ ପରାମର୍ଶଦାତା ପ୍ରଦୀପ ମଜୁମଦାର କହିଛନ୍ତି ଯେ, ଫସଲ ନଷ୍ଟ ହେତୁ କୃଷକମାନେ ଆତ୍ମହତ୍ୟା କରି ନଥାଇ ପାରନ୍ତି। କାରଣ ସେମାନେ ଏକ ସପ୍ତାହ ପୂର୍ବରୁ ‘କୃଷକ ବନ୍ଧୁ’ ଯୋଜନା ଅଧୀନରେ ଆର୍ଥିକ ସହାୟତା ପାଇଥିଲେ। ସ୍ଥାନୀୟ ବିଧାୟକ ଶମ୍ପା ଧାରା ମଧ୍ୟ ଦାବି କରିଛନ୍ତି ଯେ ଫସଲ ନଷ୍ଟ ହେତୁ କୌଣସି ମୃତ୍ୟୁ ହୋଇନାହିଁ।

Categories
ଅପରାଧ ଆଜିର ଖବର ରାଜ୍ୟ ଖବର

ବାଲୁଗାଁ: ଗ୍ରାମରୁ ବାସନ୍ଦ ବ୍ୟକ୍ତିଙ୍କ ଆତ୍ମହତ୍ୟା, ପୋଲିସର ତଦନ୍ତ ଜାରି

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ଛେଡାପଦର ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ଜଣେ ବ୍ୟକ୍ତି ବେକରେ ରଶି ଲଗାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।

ସୂଚନା ମୁତାବକ ଛେଡାପଦର ଗ୍ରାମର ବାଉରିବନ୍ଧୁ ଜାଲି (୬୫) ଗତକାଲି ସଂନ୍ଧ୍ୟାରେ ନିଜ ଘରେ ବେକରେ ଦୌଡ଼ି ଲଗାଇ ଆତ୍ମହତ୍ୟା କରିଛନ୍ତି। ତେବେ ମୃତ ବ୍ୟକ୍ତି ଜଣକ କିଛି ଦିନ ହେବ ପାରିବାରିକ କଳହ ସମସ୍ୟାକୁ ନେଇ ଦୁଶ୍ଚିନ୍ତାରେ ରହୁଥିଲେ। ଏପରିକି ପରିବାର କଳହକୁ ନେଇ ଗ୍ରାମ ସଭାରେ ମଧ୍ୟ ଆଲୋଚନା କରାଯାଇଥିଲା। ମାତ୍ର ନିଜ ଘର କଥା ଆମେ ନିଜେ ବୁଝିବୁ ଓ ଆପଣମାନେ ଏଥିରେ କୌଣସି ରାଜନୀତି ନ କରନ୍ତୁ କହି ଏହାର ଘୋର ବିରୋଧ କରିଥିଲେ ମୃତ ବାଉରିବନ୍ଧୁ। ଏଥିଲାଗି କଙ୍ଗାରୁ କୋର୍ଟ ପରି ବାଉରିବନ୍ଧୁଙ୍କୁ ଗ୍ରାମରୁ ବାସନ୍ଦ କରିଦିଆଯାଇଥିଲା। ଏପରିକି ନିଆଁ, ପାଣି ବାସନ୍ଦ ସାଙ୍ଗକୁ କାହା ସହ କଥାବାର୍ତ୍ତା ହେଲେ ଜରିମାନା ଦେବାକୁ ହେବ ବୋଲି ଫରମାନ ଜାରି କରାଯାଇଥିବା ଶୁଣିବାକୁ ମିଳିଛି।

ଯାହାଫଳରେ ବାଉରିବନ୍ଧୁ ମାନସିକ ଦୁଶ୍ଚିନ୍ତାରେ ଏଭଳି କରିଥିବା ନେଇ ସ୍ଥାନୀୟ ଜନସାଧାରଣ ଆଲୋଚନା କରୁଛନ୍ତି। ତେବେ ଏ ନେଇ ମୃତକଙ୍କ ପତ୍ନୀ କସ୍ତୁରୀ ଦେଇ ନାଭାଲ ଫାଣ୍ଡିରେ ଏକ ଲିଖିତ ଅଭିଯୋଗ କରିବାରୁ ଘଟଣାସ୍ଥଳରେ ଫାଣ୍ଡି ଅଧିକାରୀ ଦିଲୀପ ସାହୁ ପହଞ୍ଚି ଶବକୁ ଜବତ କରିବା ସହ କେସ ନମ୍ବର ୧୧/୨୧ ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଛନ୍ତି।

Categories
ଆଜିର ଖବର ରାଜ୍ୟ ଖବର

ସାଇକେଲ୍‌ରେ ୬୦ କି.ମି. ଯାତ୍ରା କରି ଲୋକଙ୍କୁ ଆତ୍ମହତ୍ୟା ବିରୋଧୀ ସଚେତନତା କଲେ ସମ୍ ଡାକ୍ତର

ଭୁବନେଶ୍ୱର: ଆତ୍ମହତ୍ୟା ଏକ ଅନାବଶ୍ୟକ ଚିନ୍ତା। ଜୀବନର ମୂଲ୍ୟ ବୁଝିବାକୁ ଅସମର୍ଥ ହୋଇ କେହି କେହି ଏପ୍ରକାର ଭୁଲ୍ ନିଷ୍ପତ୍ତି ନିଅନ୍ତି। ମାତ୍ର ସମାଜ ଆତ୍ମହତ୍ୟାକୁ ପ୍ରତିରୋଧ କରେ। ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ପ୍ରତିବର୍ଷ ସେପ୍ଟେମ୍ବର ୧୦ ତାରିଖକୁ ବିଶ୍ୱ ଆତ୍ମହତ୍ୟା ନିବାରଣ ଦିବସ ଭାବେ ପାଳନ କରାଯାଏ।

ଆତ୍ମହତ୍ୟାରେ ମାନସିକ ଚାପର ଏକ ପ୍ରମୁଖ ଭୂମିକା ରହିଛି। ସଂପ୍ରତି କୋଭିଡ୍‌-୧୯ର ବିଭୀଷିକା ଆତ୍ମହତ୍ୟାର ଏକ କାରଣ ପାଲଟିଛି। ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଘରେ ରହିବା, ଚାକିରୀ ହରାଇବା, ବ୍ୟବସାୟରେ କ୍ଷତି ସହ୍ୟ କରିବା, ସାଙ୍ଗ ସାଥୀଙ୍କ ଠାରୁ ଦୂରରେ ରହିବା, ପାରିବାରିକ ମତାନ୍ତର ଓ କଳହ ଇତ୍ୟାଦି କାରଣରୁ ସମସ୍ତେ ମାନସିକ ଚାପ ମଧ୍ୟରେ ରହୁଛନ୍ତି।

ଏହି ଦିବସ ଅବସରରେ ଭୁବନେଶ୍ୱରର ସୋଆ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ ମେଡିକାଲ୍ ସାଇନସେସ୍ ଆଣ୍ଡ ସମ୍ ହସ୍ପିଟାଲ୍ ର ଅଭିଜ୍ଞ ଡାକ୍ତର ମାନେ ଭୁବନେଶ୍ୱରରୁ କୋର୍ଣାକ ପର୍ଯ୍ୟନ୍ତ ଏକ ସାଇକେଲ୍ ରାଲି ରେ ଯାତ୍ରାକରି ଆତ୍ମହତ୍ୟା ବିରୁଦ୍ଧରେ ସଚେତନତା ସୃଷ୍ଟି କରିଛନ୍ତି।

ମାନସିକ ରୋଗ ବିଭାଗର ପ୍ରଫେସର ଡାକ୍ତର ଶୁଭେନ୍ଦୁ ନାରାୟଣ ମିଶ୍ରଙ୍କ ନେତୃତ୍ୱରେ ଡଃ. ଜିମି ନାରାୟଣ (ଗ୍ୟାଷ୍ଟ୍ରୋଏଣ୍ଟ୍ରୋଲୋଜି ବିଭାଗ ) ଓ ଡଃ. ବୁଲୁ ନାହାକ (ଇଏନଟି୍ ବିଭାଗ) ସାଇକେଲ୍‌ରେ ୬୦ କି.ମି. ଯାତ୍ରାକରି ଲୋକମାନଙ୍କୁ ଆତ୍ମହତ୍ୟା ବିରୁଦ୍ଧରେ ସଚେତନ କରାଇଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ଘରୋଇ କଳି ହେଲା କାଳ: ବେକରେ ରଶି ଲଗାଇ ଆତ୍ମହତ୍ୟା କଲେ ମହିଳା

କନ୍ଦର୍ପ ବେହେରା
ରେଢାଖୋଲ: ଆଜି ସକାଳେ ରେଢାଖୋଲ ଏନ୍‌ଏସି ର କେଳାକଟା ଗ୍ରାମରେ ଘରୋଇ କଳହକୁ ନେଇ ଜଣେ ମହିଳା ଆତ୍ମହତ୍ୟା କରିଥିବା ସୂଚନା ମିଳିଛି।

ପ୍ରକାଶ ଯେ, ରେଢାଖୋଲ ଥାନା କେଳାକଟା ଗ୍ରାମର ପ୍ରତିମା ବୈଠାରୁ ପାରିବାରିକ କଳହକୁ କେନ୍ଦ୍ରକରି ସକାଳେ ବେକରେ ରଶି ଦେଇ ଫଙ୍ଖାରେ ଝୁଲି ଆତ୍ମ ହତ୍ୟା କରିଥିଲେ। ଖବର ପାଇ ରେଢାଖୋଲ ପୋଲିସ୍ ଘଟଣା ସ୍ଥଳରେ ପହଂଚି ମୃତ ଦେହକୁ ଜବତ କରିବା ସହ ଏକ ମାମଲା ରୁଜୁ କରିଛି। ରେଢାଖୋଲ ଡାକ୍ତରଖାନାରେ ଶବ ବ୍ୟବଚ୍ଛେଦ ପାଇଁ ପୋଲିସ ପଠାଇଦେଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର: ହତ୍ୟା ନା ଆତ୍ମହତ୍ୟା!, କାରଣ ଅସ୍ପଷ୍ଟ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ସହରର ଦେହୁରିସାହିରେ ଜଣେ ଯୁବକ ଗତକାଲି ରାତିରେ ବେକରେ ରଶିଦେଇ ଆତ୍ମହତ୍ୟା କରିଥିବା ଜଣାପଡିଛି।

ପୋଲିସ୍ ସୂତ୍ରରୁ ପ୍ରକାଶ ଯେ, କିସିଣ୍ଡା ଥାନା ଗୋଗୁଆ ପଂଚାୟତ ମଙ୍ଗଳପୁର ଗ୍ରାମର ମୁଟୁ ସାହୁଙ୍କ ପୁଅ ପପୁନ୍ ସାହୁ (୨୧) ରେଢାଖୋଲ ଦେହୁରିସାହିରେ ଭଡା ଘରେ ରହୁଥିଲେ। ସେ ଜିଓ କଂପାନୀରେ କାମ କରୁଥିଲେ। ଗତକାଲି ରାତିରେ ସେ ଆତ୍ମ ହତ୍ୟା କରିଥିବା ପୋଲିସକୁ ସୂଚନା ମିଳିଥିଲା। ରାତି ସାରା ପୋଲିସ୍ ଜଗି ରହିଥିଲା। ଖବର ଲେଖା ହେବା (ପୂର୍ବାହ୍ନ ୧୧.୫୩ )ପର୍ଯ୍ୟନ୍ତ ଶବକୁ ଜବତ କରିପାରି ନ ଥିଲା ପୋଲିସ୍।

ସାଇନ୍ଟିଫିକ୍ ଟିମ୍ ଓ ମାଜିଷ୍ଟେଟ୍ ଆସିଲା ପରେ ଏହାର ତଦନ୍ତ କରାଯାଇ ଶବକୁ ଉଦ୍ଧାର କରାଯିବା ସହ ବ୍ୟବଚ୍ଛେଦ କରାଯିବ ବୋଲି ରେଢାଖୋଲ ଥାନାଧିକାରୀ ସୁରୁବାବୁ ଛତ୍ରିଆ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି। ପରିବାର ଲୋକେ ପୁଅକୁ ହତ୍ୟା କରାଯାଇ ବେକରେ ରଶି ଲଗାଇ ଆତ୍ମ ହତ୍ୟା ର ରୁପ ଦେଇଥିବା ଥାନାରେ ଅଭିଯୋଗ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଚିଲିକା: ଘର ଭିତରୁ ଯୁବକଙ୍କ ଝୁଲନ୍ତା ଶବ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ

ସୀତାରାମ ଅଗ୍ରୱାଲ

ଚିଲିକା: ଆଜି ସକାଳେ ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ବିଧାରପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ଜଣେ ଯୁବକ ବେକରେ ଦଉଡି ଲଗାଇ ଆତ୍ମହତ୍ୟା କରିଥିବାର ଅଭିଯୋଗ ହୋଇଛି।

ସୂଚନା ମୁତାବକ ଚିଲିକା ବ୍ଲକ ଅଠରବାଟିଆ ପଞ୍ଚାୟତ ଅନ୍ତର୍ଗତ ବିଧାରପୁର ଗ୍ରାମର ରଘୁନାଥ ଜେନାଙ୍କ ପୁତ୍ର ଆଲୋକ କୁମାର ଜେନା କୌଣସିକାରଣ ବଶତଃ ଆଜି ସକାଳେ ନିଜ ଘରେ ବେକରେ ଦଉଡି ଲଗାଇ ଦେଇଥିଲେ। ତେବେ ପରିବାର ଲୋକ ଏହା ଜାଣିଲା ପରେ ତୁରନ୍ତ ଆଲୋକଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇ ଯାଇଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରି ବାଲୁଗାଁ ପୋଲିସକୁ ଏନେଇ ସୂଚନା ଦେଇଥିଲେ।

ବର୍ତ୍ତମାନ ଘଟଣାସ୍ଥଳରେ ନାଭାଲ ଫାଣ୍ଡି ଅଧିକାରୀ ଦିଲୀପ ସାହୁ ପହଞ୍ଚି ଆଲୋକଙ୍କ ଶବ ଜବତ କରିବା ସହ କେସ ନମ୍ବର ୭/୨୧ରେ  ଏକ ଅପମୃତ୍ୟୁ ମାମଲା ରୁଜୁକରି ତଦନ୍ତ ଜାରିରଖିଛନ୍ତି। ମୃତ୍ୟୁର କାରଣ ଏଯାଏଁ ସ୍ପଷ୍ଟ ହୋଇନଥିବା ବେଳେ ତଦନ୍ତ ପରେ ଏହାର କାରଣ ଜଣାପଡିବ ବୋଲି ପୋଲିସ କହିଛି।

Categories
ଅପରାଧ ଆଜିର ଖବର ଜାତୀୟ ଖବର

ଧାରୁଆ ଅସ୍ତ୍ରରେ ହାଣି ପତ୍ନୀକୁ ହତ୍ୟା କଲା ଯୁବକ: ଆତ୍ମହତ୍ୟା ପୂର୍ବରୁ ନିଜ ଭଉଣୀକୁ କଲା ଗୁରୁତର

ନୂଆଦିଲ୍ଲୀ: ପତ୍ନୀକୁ ଧାରୁଆ ଅସ୍ତ୍ରରେ ହତ୍ୟା କରିବା ପରେ ଜନୈକ ଯୁବକ ନିଜେ ଆତ୍ମହତ୍ୟା କରିଛି। ଭାଉଜକୁ ବଞ୍ଚାଇବା ପାଇଁ ଆସିଥିବା ନିଜ ଭଉଣୀକୁ ମଧ୍ୟ ଯୁବକଜଣଙ୍କ ଧାରୁଆ ଅସ୍ତ୍ରରେ ଆକ୍ରମଣ କରିଛି। ଉତ୍ତରପ୍ରଦେଶର ମହୋବା ଜିଲ୍ଲା ଅନ୍ତର୍ଗତ ବିଜାନଗର ଗାଁରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି।

ପୋଲିସ ସୂଚନା ମୁତାବକ, ବିଜାନଗର ଗାଁର ସନ୍ତୋଷ ରେକୱାର (୩୫) ନାମକ ଯୁବକ ଜଣଙ୍କ ତାଙ୍କ ପତ୍ନୀ ଉପରକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା। ଭାଉଜକୁ ରକ୍ଷା କରିବାକୁ ଆସିଥିବା ଆରତୀ ଭାଇ ସନ୍ତୋଷକୁ ଅଟକାଇବାକୁ ଚେଷ୍ଟା କରିଥିଲା। ହେଲେ ଆରତୀ ମଧ୍ୟ ନିଜ ଭାଇର ଆକ୍ରମଣର ଶିକାର ହୋଇଥିଲା। ଧାରୁଆ ଅସ୍ତ୍ରରେ ଆକ୍ରମଣ ଦ୍ଵାରା ପତ୍ନୀ ସରସ୍ଵତୀର ମୃତ୍ୟୁ ହେବା ପରେ ସନ୍ତୋଷ ମଧ୍ୟ ଉକ୍ତ ଅସ୍ତ୍ର ଦ୍ଵାରା ନିଜକୁ କ୍ଷତବିକ୍ଷତ କରିଥିଲା। ଯାହାଫଳରେ ସନ୍ତୋଷର ମଧ୍ୟ ମୃତ୍ୟୁ ହୋଇଥିଲା।

ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ସ୍ଵାମୀ ସ୍ତ୍ରୀର ମୃତ ଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଦେଇଛି। ବର୍ତ୍ତମାନ ସନ୍ତୋଷର ଭଉଣୀ ଆରତୀ ଏବେ ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସିତ ହେଉଛନ୍ତି।

Categories
ଆଜିର ଖବର ଜାତୀୟ ଖବର

ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ଛାତରୁ ଡେଇଁ ଆତ୍ମହତ୍ୟା କଲେ କରୋନା ଆକ୍ରାନ୍ତ

ନୂଆଦିଲ୍ଲୀ: ଦେଶରେ କରୋନା ଏକ ଭୟଙ୍କର ରୂପ ନେଉଛି। ପ୍ରତ୍ୟେକ ଦିନ କରୋନା  ନୂଆ ନୂଆ ରେକର୍ଡ କରି ଚାଲିଛି। ଏହା ଭିତରେ ଜଣେ କରୋନା ଆକ୍ରାନ୍ତ ଚିକିତ୍ସାଧୀନ ଅବସ୍ଥାରେ ଆତ୍ମହତ୍ୟା କରିବା ଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି। ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌର ପିଜିଆଇ ହସ୍ପିଟାଲରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି।

ସୂଚନା ଅନୁଯାୟୀ, ସୀତାପୁର ଜିଲ୍ଲାର ଜୁଦାଇପୁର ନିବାସୀ କମଲ କିଶୋର ବହୁତ ଦିନ ଧରି ଯକୃତ ରୋଗରେ ପୀଡିତ ଥିଲେ। ଏପ୍ରିଲ ୧୬ ତାରିଖରେ କରୋନା ପଜିଟିଭ ଚିହ୍ନଟ ପରେ ତାଙ୍କୁ ପିଜିଆଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର କରୋନା ଚିକିତ୍ସା ସହ ଡାୟଲିସିସ ମଧ୍ୟ ଚାଲୁଥିଲା।

ହେଲେ ଦ୍ଵିତୀୟ ରିପୋର୍ଟ ପଜିଟିଭ ଆସିବା ପରେ ଏପ୍ରିଲ ୨୯ ତାରିଖରେ ଶୌଚାଳୟର ଝରକା ପଟେ ସେ ଡେଇଁବାକୁ ଚେଷ୍ଟା କରିଥିଲେ। ଫଳରେ ସେ ଛାତ ତଳେ ଯାଇ ପଡ଼ିଥିଲେ। ସେଠାରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପୁନଃ ହସ୍ପିଟାଲରେ ଭର୍ତ୍ତି କରାଯାଇଥିଲେ ମଧ୍ୟ ଡାକ୍ତର କମଲଙ୍କୁ ମୃତ ଘୋଷିତ କରିଥିଲେ।

Categories
ଅପରାଧ ଆଜିର ଖବର ଜାତୀୟ ଖବର

ଟ୍ରେନ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା: ଆଇପିଏସ୍ ପ୍ରାଚୀ ସିଂହଙ୍କ ଉପରେ ଆଣିଲେ ଏଭଳି ଅଭିଯୋଗ

ଲକ୍ଷ୍ନୌ: ଉତ୍ତରପ୍ରଦେଶର ଲକ୍ଷ୍ନୌରେ ଜଣେ ଯୁବକ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଥିବା ଖବର ହସ୍ତଗତ ହୋଇଛି। ଯୁବକ ଜଣଙ୍କ ଆତ୍ମହତ୍ୟା କରିବାର କାରଣ ଏକ ଚିଠି ମାଧ୍ୟମରେ ଛାଡିଥିଲା। ତାଙ୍କୁ ମିଥ୍ୟା କେସରେ ଫସାଇ ଆଇପିଏସ ଅଧିକାରୀ  ଜେଲ ପଠାଇଥିବା ଏହି ଚିଠି ମାଧ୍ୟମରେ ଅଭିଯୋଗ କରିଥିଲେ। ସୁଇସାଇଡ ନୋଟ ମିଳିଲା ପରେ ମୃତକଙ୍କ ଦ୍ଵାରା ହୋଇଥିବା ଅଭିଯୋଗକୁ ପୋଲିସ କମିଶନର ନିରାଧାର ବୋଲି କହିଛନ୍ତି।

ସୂଚନା ଯୋଗ୍ୟ ଯେ, ଜଣେ ଯୁବକ ପୋଲିସକୁ ଫୋନ କରି ହସନଗଞ୍ଜର ବିବେକାନନ୍ଦ ହସ୍ପିଟାଲ ରେଳବାଇ କ୍ରସିଂ ପାଖରେ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଥିଲେ। ଯୁବକ ଜଣକ ସଚିବାଳୟରେ କମ୍ପ୍ୟୁଟର ଅପରେଟର ଭାବେ କାର୍ଯ୍ୟ କରୁଥିଲେ। ସେ ରବିଦାସ ମନ୍ଦିର ନିକଟରେ ରହୁଥିଲେ। ନର୍ଥ ଜୋନର ଆଇପିଏସ ପ୍ରାଚୀ ସିଂହ ତାଙ୍କୁ ମିଥ୍ୟା କେସରେ ଜେଲ ପଠାଇଥିବା ନେଇ ଆତ୍ମହତ୍ୟା ଚିଠିରେ ଲେଖିଥିଲେ।

ମୃତକ ବିଶାଳ ସୋନୀ ସୁଇସାଇଡ ନୋଟରେ ଲେଖିଥିଲେ ଯେ, ମୁଁ ଆତ୍ମହତ୍ୟା କରିବାକୁ ଯାଉଛି। ଏଥିପାଇଁ ଆଇପିଏସ ପ୍ରାଚୀ ସିଂହ ଦାୟୀ ଅଟନ୍ତି। କାରଣ ସେ ମୋର କ୍ୟାରିଆର ଖରାପ କରିଦେଇଛନ୍ତି। ଯାହାଫଳରେ ମୁଁ ସମାଜ ଏବଂ ପରିବାର ଆଗରେ ମୁହଁ ଦେଖାଇ ପାରୁନି। ଏହାକୁ ମୁଁ ସହ୍ୟ କରିପାରୁ ନାହିଁ। ସେଥିପାଇଁ ମୁଁ ଆତ୍ମହତ୍ୟା କରିବାକୁ ଯାଉଛି। ଯାହାଫଳରେ ଅନ୍ୟ ନିର୍ଦ୍ଦୋଷ ଲୋଗଙ୍କୁ ଜେଲ ପଠାଯାଇ ପାରିବ ନାହିଁ।

ଉଲ୍ଲେଖ ଯୋଗ୍ୟ ଯେ, ଫେବୃୟାରୀ ୧୩ ତାରିଖରେ ଆଇପିଏସ ପ୍ରାଚୀ ସିଂହ ଇନ୍ଦିରା ନଗରରେ ଏକ ବିଉଟି ପାର୍ଲର ଏବଂ ସ୍ପା ସେନ୍ତରରେ ଚଢାଉ କରି ୫ ଜଣ ମହିଳାଙ୍କ ସମେତ ମୃତକ ବିଶାଳଙ୍କୁ ଗିରଫ ଗିରଫ କରିଥିଲା। ଜେଲରୁ ବାହାରିବା ପରେ ବିଶାଳ ମାନସିକ ଚାପରେ ରହୁଥିବାର ଦେଖିବାକୁ ମିଳିଥିଲା।

Categories
ଆଜିର ଖବର ଜାତୀୟ ଖବର

ସର୍ଭିସ ରିଭଲଭର ସାହାଯ୍ୟରେ ଆତ୍ମହତ୍ୟା କଲେ ଏଏସଆଇ

ନୂଆଦିଲ୍ଲୀ: ଶନିବାର ସକାଳେ ପଶ୍ଚିମ ଜିଲ୍ଲାର ମୋତି ନଗର ଅଂଚଳରେ ଦିଲ୍ଲୀ ପୋଲିସ ଏଏସଆଇ ତେଜପାଲ ସେବା ରିଭଲଭର ସାହାଯ୍ୟରେ ଗୁଳି ଚଳାଇଥିଲେ। ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ନିକଟସ୍ଥ ଡାକ୍ତରଖାନାରେ ଶବ ବ୍ୟବଚ୍ଛେଦ ପାଇଁ ସୁରକ୍ଷିତ ରଖିଥିଲା। ବର୍ତ୍ତମାନ ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି।

ପୋଲିସ ସୂଚନା ଅନୁସାରେ ମୃତ ବ୍ୟକ୍ତିଙ୍କ ନାମ ତେଜପାଲ (୫୫) ବୋଲି ଜଣାପଡ଼ିଛି। ୧୯୮୬ ମସିହାରେ ଏଏସଆଇ ତେଜପାଲ ଭର୍ତ୍ତି ହୋଇଥିଲେ। ସେ ବର୍ତ୍ତମାନ ପରିବାର ସହିତ ଗାଜିଆବାଦରେ ରହୁଥିଲେ ଏବଂ ସେ ପିସିଆରରେ କାର୍ଯ୍ୟ କରୁଥିଲେ। ଏହି ଘଟଣା ସକାଳ ପ୍ରାୟ ୭ଟା ବେଳେ ଘଟିଥିଲା। ଏହି ଘଟଣା ପରେ ପିସିଆରରେ କାର୍ଯ୍ୟରତ ଡ୍ରାଇଭର ଏଏସଆଇ ସହିତ ନିକଟସ୍ଥ ଡାକ୍ତରଖାନାରେ ପହଂଚିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ପ୍ରାଥମିକ ସୂଚନା ଅନୁଯାୟୀ ପାରିବାରିକ କଳହ ହେତୁ ଏଏସଆଇ ଏତେବଡ଼ ପଦକ୍ଷେପ ନେଇଛନ୍ତି। ତେବେ ପୋଲିସ ଅଧିକାରୀ ଏହା ପ୍ରମାଣ କରିନାହାନ୍ତି। ପୋଲିସ ଏହି ମାମଲାର ତଦନ୍ତ କରୁଛି।

Categories
ଅପରାଧ ଆଜିର ଖବର ରାଜ୍ୟ ଖବର

ପ୍ରେମକାହାଣୀର ଦୁଃଖଦ ଅନ୍ତ: ଭିଡ଼ିଓ କଲ୍ କରି ଆତ୍ମହତ୍ୟା କଲା ପ୍ରେମିକା

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: କୌଣସି ଏକ ଚଳଚ୍ଚିତ୍ରର ଦୁଃଖଦ ଅନ୍ତ ଭଳି ଏକ ଘଟଣା ବ୍ରହ୍ମପୁର ଅଂଚଳର ଦେଖିବାକୁ ମିଳିଛି। ଜନୈକ ପ୍ରେମିକା ନିଜ ପ୍ରେମିକକୁ ଭିଡ଼ିଓ କଲ୍ କରି ଆତ୍ମହତ୍ୟା କରିଥିବା ଭଳି ଏକ ଦୁଃଖଦାୟକ ଘଟଣାକୁ ଦେଖିଲେ ଏହା କୌଣସି ଚଳଚ୍ଚିତ୍ରଠାରୁ କମ୍ ନୁହେଁ ବୋଲି ଚର୍ଚ୍ଚା ହେଉଛି। ଘଟଣାଟି ଘଟିଛି ବୈଦ୍ୟନାଥପୁର ଅନନ୍ତ ନଗରଠାରେ ଥିବା ହଷ୍ଟ୍ରେଲ୍ ରୁମ୍‌ରେ। ପ୍ରେମିକା ସାଇସୁରି ପ୍ରେମିକ ସୁମନଙ୍କୁ ନିଜ ଜୀବନସାଥୀ ଭାବେ ନ ପାଇପାରି ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି।

ଘଟଣାରୁ ପ୍ରକାଶ ଯେ, କନ୍ଧମାଳ ଜିଲ୍ଲା ଦାରିଙ୍ଗିବାଡ଼ି ଅଂଚଳର ସାଇସୁରି ସରାଭ ନାମ୍ନି ଜଣେ ଯୁବତଙ୍କ ସହ ବ୍ରହ୍ମପୁର ଖାରବେଳନଗରରେ ରହୁଥିବା ସୁମନ ସାହୁଙ୍କ ସହ ପ୍ରେମସଂପର୍କ ଗଢ଼ି ଉଠିଥିଲା। ଉଭୟେ କଲେଜ ଅମଳର ବନ୍ଧୁତା ଥିବାରୁ ପ୍ରେମ ଅତି ନିବିଡ଼ ହୋଇଥିଲା। ସୁମନ କିଛି ଗୋଟେ ରୋଜଗାର କରିବା ପରେ ସାଇସୁରିକୁ ବିବାହ କରିବ ବୋଲି କଥା ଦେଇ ମିଳାମିଶା କରୁଥିଲା। ଇତିମଧ୍ୟରେ ଏହି ଖବର ସୁମନଙ୍କ ପରିବାର ଲୋକ ଜାଣିବା ପରେ ସାଇସୁରିଙ୍କୁ ନ ମିଶିବାକୁ ତାଗଦ୍ କରିବା ସହ ପୁଅକୁ ମଧ୍ୟ ବୁଝାଇଥିଲେ।

ଏଭଳି ଘଟଣା ଯୋଗୁଁ କିଛି ଦିନ ତଳେ ଉଭୟ ପ୍ରେମିକ-ପ୍ରେମିକା ମଧ୍ୟ ଝଗଡ଼ା ମଧ୍ୟ ହୋଇ କଥାକଟା କଟି ହୋଇଥିଲା। ଉଭୟେ କିଛି ମାସ ହେଲା କଥାବାର୍ତ୍ତା କରୁନଥିଲେ। କିନ୍ତୁ କିଛିଦିନ ତଳେ ଉଭୟେ କଥାବାର୍ତ୍ତା କରିବା ସହ ପୁଣି ପୁରୁଣା ପ୍ରେମକୁ ଆଗକୁ ବଢ଼ାଇଥିଲେ।

ତେବେ ସୁମନର ମା’ ଏହି ବିଷୟ ନେଇ ସାଇସୁରିକୁ ବହୁବାର ବୁଝାଇବା ସହ ସୁମନଠାରୁ ଭଲ ପୁଅ ତତେ ମିଳିବ କହି ଅନ୍ୟ କେଉଁଠି ବାହା ହେବାକୁ ମଧ୍ୟ କହୁଥିଲେ। ମଝିରେ ମଝିରେ ସେମାନେ ଘରୁ ଚାଲିଯିବାକୁ ମଧ୍ୟ ଚେଷ୍ଟା କରୁଥିଲେ ମଧ୍ୟ ସୁମନର କୌଣସି ରୋଜଗାର ନଥିବାରୁ ସୁମନ ଆଗକୁ ବଢ଼ି ପାରୁନଥିଲା। ସୋମବାର ଦିନ ପୁଣି ସାଇସୁରି ସୁମନଙ୍କ ମା’ଙ୍କୁ ଫୋନ୍ କରି ବାହାହେବା ପାଇଁ ଜିଦ୍ କରିବାରୁ ତାଙ୍କଠାରୁ ସଂପର୍କ ନ ରଖିବା ପାଇଁ ତାଗିଦ୍ କରିଥିଲେ। ଏହାପରେ ସାଇସୁରି ସିଧା ସୁମନକୁ ଭିଡ଼ିଓ କଲିଂ କରି ସେ ଆତ୍ମହତ୍ୟା କରିବାକୁ ଯାଉଛନ୍ତି କହି ବେକରେ ରଶି ଲଗାଇ ଲଟକି ଯାଓଥିଲେ। ସୁମନ ନେହେରା ହୋଇଥିଲେ ମଧ୍ୟ ସାଇସୁରି ଆତ୍ମହତ୍ୟା କରିଥିବା ସୁମନ କହିଛନ୍ତି।

ତେବେ ସଂଗେ ସଂଗେ ସୁମନ ନିକଟରେ ରହୁଥିବା ଅନ୍ୟ ଛାତ୍ରୀଙ୍କୁ ଜଣାଇବା ପରେ ଝିଅମାନେ ସାଇସୁରିର ହଷ୍ଟ୍ରେଲ୍‌ରେ ପହଞ୍ଚିଥିଲେ ମଧ୍ୟ ଭିତରପଟୁ କବାଟ ଦିଆଯାଇଥିବାରୁ ଆଉ ଖୋଲିପାରିନଥିଲେ। ପରେ ସୁମନ ସେଠାରେ ପହଞ୍ଚି କବାଟ ଭାଙ୍ଗିବା ସହ ଝୁଲନ୍ତା ଅବସ୍ଥାରେ ଉଦ୍ଧାର କରି ମେଡ଼ିକାଲ୍‌କୁ ନେଇଥିଲେ ମଧ୍ୟ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏନେଇ ବୈଦ୍ୟନାଥପୁର ଥାନାରେ ଅଭିଯୋଗ ହେବା ପରେ ମେଡ଼ିକାଲ୍ ଫାଣ୍ଡି ପ୍ରେମିକ ସୁମନ ସାହୁଙ୍କୁ ଅଟକ ରଖି ପଚରାଉଚରା କରୁଛି।

Categories
ଆଜିର ଖବର ଜାତୀୟ ଖବର ମନୋରଂଜନ

ମନୋରଞ୍ଜନ ଜଗତ ପାଇଁ ଆଉ ଏକ ଦୁଃଖଦ ଖବର: ଆତ୍ମହତ୍ୟା କଲେ ଏହି ପ୍ରସିଦ୍ଧ ଅଭିନେତ୍ରୀ

ନୂଆଦିଲ୍ଲୀ: ୨୦୨୦ ବର୍ଷ ପରି ନୂତନ ବର୍ଷରେ ମଧ୍ୟ ମନୋରଞ୍ଜନ ଜଗତରେ ଦୁଃଖଦ ଖବର ଦେଖିବାକୁ ମିଳୁଛି। ଆଉ ଜଣେ ଅଭିନେତ୍ରୀ ଆତ୍ମହତ୍ୟା କରିଛନ୍ତି। କନ୍ନଡ ଅଭିନେତ୍ରୀ ଏବଂ ବିଗ ବୋସ କନ୍ନଡର ପୂର୍ବ ପ୍ରତିଦ୍ଵନ୍ଦୀ ଜୟଶ୍ରୀ ରମେୟା ଆତ୍ମହତ୍ୟା କରିଛନ୍ତି। ଜୟଶ୍ରୀ ରମେୟା ବିଗ ବୋସ-୩ ର ପ୍ରତିଦ୍ଵନ୍ଦୀ ଥିଲେ। ଆଜି ଅପରାହ୍ନ ୨ ଟା ସମୟରେ ତାଙ୍କର ମୃତ ହୋଇଥିବା ଜଣାପଡିଥିଲା। ସେ ବେଙ୍ଗୁଲୁରୁସ୍ଥିତ ବୃଦ୍ଧ ଆଶ୍ରମରେ ରହୁଥିଲେ। ଅଭିନେତ୍ରୀ ଜଣଙ୍କ ପୂର୍ବରୁ ବହୁତ ଡିପ୍ରେସନରେ ଥିଲେ ଏବଂ ତାଙ୍କର ଚିକିତ୍ସା ମଧ୍ୟ ଚାଲିଥିଲା। ଏନେଇ ଜୟଶ୍ରୀ ସାମାଜିକ ଗଣମାଧ୍ୟମରେ ୨୦୨୦ ମସିହାରେ ସଂକେତ ଦେଇ ମାନସିକ ଭାବେ ଠିକ ଅନୁଭବ କରୁନଥିବା କହିଥିଲେ।

Categories
ଆଜିର ଖବର ରାଜ୍ୟ ଖବର

ବିବାହ ପାଇଁ ଯୁବତୀ ରାଜି ନ ହେବାରୁ ଲାଇଭ୍ ଭିଡିଓ କରି ଯୁବକର ଆତ୍ମହତ୍ୟା

କନ୍ଦର୍ପ ବେହେରା
ରେଢାଖୋଲ: ପ୍ରେମ ମାନେନା ବାଧା, ବନ୍ଧନ। ପ୍ରେମ ମାନେନା ଜାତି ଗୋତ୍ର। ଏଇ ପ୍ରେମ ପାଇଁ କେତେ ଯେ ପ୍ରେମିକ ପାଗଳ ବନିଛନ୍ତି ତାର ଇୟତା ନାହିଁ। ଏଇ ପ୍ରେମ ପାଇଁ କେଉଁଠି ପ୍ରେମିକ ଆତ୍ମ ହତ୍ୟା କରୁଛି ତ ଆଉ କେଉଁଠି ଯୁବତୀ ମଧ୍ୟ ଆତ୍ମହତ୍ୟା କରୁଛି। ସତରେ ଏଇ ଅଢେଇ ଅକ୍ଷର ପ୍ରେମ କେତେ ଯେ ଜୀବନ ନେଇଛି ତାର କଳନା ନାହିଁ। ସେମିତି ଏଇ ପ୍ରେମ ପାଇଁ ଜଣେ ଯୁବକ ଜୀବନ ହାରିଛି ବେକରେ ରଶି ଲଗାଇ।

ଘଟଣା ଘଟିଛି ରେଢାଖୋଲ ସବ୍‌ଡିଭିଜନର ଚାରମାଳ ଥାନା ଅଂଚଳରେ। ଗତକାଲି ରାତିରେ ଚାରମାଳ ଗ୍ରାମର ବିରେନ୍ଦ୍ର ଷଡଙ୍ଗୀ (୨୭)ନିଜ ପ୍ରେମିକାକୁ ଭିଡିଓ ଲାଇଭ କଲ୍ କରି ନିଜ ଘରେ ବେକରେ ରଶି ଲଗାଇ ଆତ୍ମ ହତ୍ୟା କରିଥିବା ପୋଲିସ୍ କହିଛି। ଏପରିକି ଚାରମାଳ ଅଂଚଳରେ ଏଇ ଘଟଣାଟି ଚାଂଚଲ୍ୟ ସୃଷ୍ଟି କରିଛି। ଯୁବକ ଜଣଙ୍କ ବ୍ରାହ୍ମଣ ଜାତିର ହୋଇଥିବା ବେଳେ ଝିଅଟି ମୁସଲିମ୍ ସଂପ୍ରଦାୟର ଥିଲା। ପିଲାଟି ଝିଅକୁ ଏତେ ପରିମାଣରେ ଭଲ ପାଉଥିଲା ଯେ ନିଜ ହାତରେ ଝିଅର ନାମକୁ ଖୋଦିତ କରିଥିଲା।

ହେଲେ ଶେଷରେ ଝିଅର ଅନ୍ୟତ୍ର ବିବାହକୁ ନେଇ ପିଲାଟି ଆତ୍ମହତ୍ୟା ଭଳି ଏକ ଚରମ ନିଷ୍ପତି ନେବାକୁ ପଛାଇ ନ ଥିଲା। ଏନେଇ ଝିଅର ପରିବାର ବିରୁଦ୍ଧରେ ଯୁବକର ପରିବାର ଚାରମାଳ ଥାନାରେ ଲିଖିତ ଅଭିଯୋଗ କରିଛନ୍ତି। ପୁଅକୁ ଝିଅ ଘର ମାନସିକ ନିର୍ଯ୍ୟାତନା ଦେଇ ଆସୁଥିଲେ। ଏପରିକି ପୂର୍ବରୁ ବିଧା ଗୋଇଠା ଆଦି ଅକଥନୀୟ ନର୍ଯ୍ୟାତନା ଦେଉଥିଲେ ବୋଲି ପୁଅର ପରିବାର ଚାରମାଳ ଥାନାରେ ଅଭିଯୋଗ କରିଛନ୍ତି। ଚାରମାଳ ପୋଲିସ୍ ଏକ କେସ୍ ରୁଜୁ କରିଥିବା ଚାରମାଳ ଥାନାଧିକାରୀ ବସନ୍ତ ଦଳେଇ ପ୍ରକାଶ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ଦୁଇଦିନ ପରେ କୁଜଙ୍ଗ ମହାନଦୀରୁ ଉଦ୍ଧାର ହେଲା ଇଂଜିନିୟରିଂ ଛାତ୍ରଙ୍କ ମୃତଦେହ

ରମେଶ ମହାନ୍ତି
ଜଗତସିଂହପୁର: ୨ଦିନ ପୂର୍ବେ ମହାନଦୀକୁ ଡେଇଁ ଆତ୍ମହତ୍ୟା କରିଥିବା ଇଂଜିନିୟରିଂ ଛାତ୍ରଙ୍କ ମୃତଦେହ ଆଜି (ଶନିବାର) ସକାଳେ ଉଦ୍ଧାର ହୋଇଛି। ସୂଚନାନୁଯାୟୀ ଗତ ଗୁରୁବାର ଦିନ ଅପରାହ୍ନ ସମୟରେରେ କୁଜଙ୍ଗ କୃଷି ଫାର୍ମ ନିକଟସ୍ଥ ମହାନଦୀର ଗଭୀର ଜଳକୁ ଲକ୍ଷ୍ମୀକାନ୍ତ ଡେଇଁ ପଡ଼ିଥିବା ଜଣା ପଡ଼ିଥିଲା। ତେବେ କୁଜଙ୍ଗ ଥାନା ଅନ୍ତର୍ଗତ କରତୁଠା ଗ୍ରାମର ଉମାକାନ୍ତ ନାୟକଙ୍କ ଏକମାତ୍ର ୨୧ ବର୍ଷର ପୁଅ ଲକ୍ଷ୍ମୀକାନ୍ତଙ୍କ ମୃତଦେହ ଆଜି ଉଦ୍ଧାର ହୋଇଛି। ୨ ଦିନ ଧରି ଅଗ୍ନିଶମ ବିଭାଗ ଓ ଓଡ୍ରାଫ ଟିମର ପ୍ରଚେଷ୍ଟା ଫଳରେ ଆଜି ଲକ୍ଷ୍ମୀକାନ୍ତଙ୍କ ମୃତଦେହ ଉଦ୍ଧାର କରାଯାଇଛି।

Categories
ଆଜିର ଖବର ରାଜ୍ୟ ଖବର

ବ୍ରହ୍ମପୁର ରେଳଷ୍ଟେସନରେ ଟ୍ରେନ ଆଗକୁ ଡ଼େଇଁ ଆତ୍ମହତ୍ୟା କଲେ ଯୁବକ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଆଜି ଜଣେ ଯୁବକ ବ୍ରହ୍ମପୁର ରେଳଷ୍ଟେସନ ମଧ୍ୟରେ ଟ୍ରେନ ଆଗକୁ ଡ଼େଇଁ ଆତ୍ମହତ୍ୟା କରିଥିବା ଭଳି ଏକ ଦୁଃଖଦାୟକ ଘଟଣା ଘଟିଯାଇଛି। ମୃତ ଯୁବକ ଜଣକ ହେଲେ ପାଟପୁର ଥାନା ଅନ୍ତର୍ଗତ ଗାଙ୍ଗପୁର ଜୁରା ଗ୍ରାମର ଡ଼ମ୍ବୁରୁ ଭୀମ ସାହୁ (୩୬)।

ଘଟଣାରୁ ପ୍ରକାଶ ଯେ ଡ଼ମ୍ବୁରୁ ଗ୍ରାମର କିଛି ବ୍ୟକ୍ତିଙ୍କ ସହ ଆନ୍ଧ୍ରପ୍ରଦେଶର ଏରଙ୍ଗଲ୍‌କୁ କାମ କରିବାକୁ ଯିବାକୁ କୋଣାର୍କ ଟ୍ରେନ ଧରିବାକୁ ଆସିଥିଲା। ଷ୍ଟେସନ ମଧ୍ୟରେ ଟ୍ରେନକୁ ସମସ୍ତେ ଅପେକ୍ଷା କରିଥିବାବେଳେ ଟ୍ରେନ ପହଞ୍ଚିବା ପୂର୍ବରୁ ଟ୍ରେନ ଆଗକୁ ଡ଼େଇଁ ପଡ଼ିଥିଲେ। ଫଳରେ ଘଟଣାସ୍ଥଳରେ ହିଁ ତା’ର ମୃତ୍ୟୁ ଘଟିଛି।

ରେଲୱେ ପୋଲିସ୍ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବାବେଳେ ଏକ ଥାନାରେ ଏକ ମାମଲା ରୁଜୁ ହୋଇଛି। ତେବେ ଦୁଃଖଦ ଘଟଣା କ୍ରମେ ଜଣେ ଦାଦନ ଖଟିବାକୁ ଯାଉଥିବା ଶ୍ରମିକ କେଉଁ କାରଣରୁ ଆତ୍ମହତ୍ୟା କରିଛି ତାହା ଅସ୍ପଷ୍ଟ ରହିଛି।

Categories
ଅପରାଧ ଆଜିର ଖବର ଜାତୀୟ ଖବର

ଆତ୍ମହତ୍ୟା ଉଦ୍ୟମ କଲେ ମୁଖ୍ୟମନ୍ତ୍ରୀଙ୍କ ରାଜନୈତିକ ସଚିବ, ରାଜନୈତିକ ମହଲରେ ଚର୍ଚ୍ଚା

ବାଙ୍ଗାଲୁରୁ, କର୍ଣ୍ଣାଟକର ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପାଙ୍କ ରାଜନୈତିକ ସଚିବ ଏନ.ଆର ସନ୍ତୋଷ ଆତ୍ମହତ୍ୟା ଉଦ୍ୟମ କରିଛନ୍ତି। କୁହାଯାଇଛି ଯେ ସନ୍ତୋଷ ଏକାଧିକ ନିଦ ବଟିକା ଖାଇ ଏହି ଆତ୍ମହତ୍ୟା ଉଦ୍ୟମ କରିଥିଲେ। ତାଙ୍କୁ ବେଙ୍ଗାଲୁରୁର ରାମାୟା ମେମୋରିଆଲ ହସ୍ପିଟାଲରେ ଭର୍ତ୍ତି କରାଯାଇଛି, ଏହା ପରେ ପୋଲିସ ମଧ୍ୟ ଡାକ୍ତରଖାନାରେ ପହଞ୍ଚିଛି।

ସନ୍ତୋଷ ଅପରେସନ୍ କମଲ ସମୟରେ ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପାଙ୍କୁ ବେଶ୍ ସହଯୋଗ କରିଥିଲେ। ରାଜ୍ୟରେ ଅପରେସନ୍ କମଲ ସମୟରେ ସେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ପ୍ରାଥମିକ ସୂଚନା ଅନୁଯାୟୀ, ଏହି ସମଗ୍ର ମାମଲାକୁ ନେଇ ସେ କୁଆଡେ ଚାପରେ ଥିଲେ ବୋଲି ଜଣାଯାଇଛି। ମୁଖ୍ୟମନ୍ତ୍ରୀ ୟେଦୁରୁପ୍ପା କହିଛନ୍ତି ଯେ ଏହାର କାରଣ ବିଷୟରେ କିଛି ଜାଣି ନାହାଁନ୍ତି। ମୁଁ ଜାଣେ ନାହିଁ କାହିଁକି ସେ ନିଦ ବଟିକା ଖାଇ ନିଜକୁ ମାରିବାକୁ ଚେଷ୍ଟା କରିଛନ୍ତି।

ସନ୍ତୋଷଙ୍କ ଅବସ୍ଥା ବର୍ତ୍ତମାନ ସ୍ଥିର ରହିଛି। ହେଲେ ସେ ଡାକ୍ତରଖାନାରେ ଆଉ କିଛିଦନ ରହିବେ ବୋଲି ଜଣାପଡିଛି। ସଚିବ ଏନ.ଆର ସନ୍ତୋଷ ୟେଦୁରୁପ୍ପାଙ୍କ ଅତି ନିକଟତର ବୋଲି ବିବେଚନା କରାଯାଇଛି। ସନ୍ତୋଶଙ୍କୁ ଚଳିତ ବର୍ଷ ମେ ମାସରେ ୟେଦୁରୁପ୍ପା ସଚିବ ଭାବରେ ନିଯୁକ୍ତ କରିଛନ୍ତି

Categories
ଆଜିର ଖବର ରାଜ୍ୟ ଖବର

ନିଜ ଦେହରେ କିରୋସିନ ଢାଳି ଆତ୍ମହତ୍ୟା କଲେ ୨୫ ବର୍ଷୀୟ ଯୁବକ

ବୀରମହାରାଜପୁର: ନିଜ ଦେହରେ କିରୋସିନ ଢାଳି ‌ଜଣେ ୨୫ ବର୍ଷୀୟ ଯୁବକ ଆତ୍ମହତ୍ୟା କରିଛନ୍ତି। ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ ଭାଲୁଡୁଙ୍ଗୁରି ଗ୍ରାମର ଏପରି ଏକ ଅଭାବନୀୟ ଘଟଣା ଘଟିଯାଇଛି।

ମିଳିଥିବା ସୂଚନା ଅନୁଯାୟୀ, ଭାଲୁଡୁଙ୍ଗୁରି ଗ୍ରାମର ତପନ ପଧାନ ଆଜି ସକାଳେ ହଠାତ ନିଜ ଦେହରେ କିରୋସିନି ଢାଳି ନିଆଁ ଲଗାଇଦେଇଥିଲେ। ତପନଙ୍କ ଦେହରେ ନିଆଁ ଜଳୁଥିବାର ଦେଖି ଘର ଲୋକ ନିଆଁ ଲିଭାଇବାକୁ ଚେଷ୍ଟା କରିଥିଲେ। ସେମାନେ ତପନଙ୍କୁ ଗୁରୁତର ଅବସ୍ଥାରେ ବୀରମହାରାଜପୁର ଡାକ୍ତରଖାନା ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। କିନ୍ତୁ ତାଙ୍କ ଅବସ୍ଥା ସଂକଟାପନ୍ନ ହେବାରୁ ଡାକ୍ତର ତାଙ୍କୁ ବୁର୍ଲା ବଡ ମେଡିକାଲକୁ ସ୍ଥାନାନ୍ତର କରିଥିଲେ। ହେଲେ ସେଠାରେ ତାଙ୍କର ମୃତ୍ୟୁ ହୋଇଥିଲା।

Categories
ଅପରାଧ ଆଜିର ଖବର ଜାତୀୟ ଖବର

ସରକାରୀ ଚାକିରି ପାଇବା ପରେ ଯୁବକ କଲେ ଆତ୍ମହତ୍ୟା, ଜାଣନ୍ତୁ କାରଣ କ’ଣ

ନୂଆଦିଲ୍ଲୀ : ସାଧାରଣତଃ ଯୁବକମାନେ ଚାକିରି ନ ପାଇ ଦୁଃଖରେ ଆତ୍ମହତ୍ୟା କରନ୍ତି । କିନ୍ତୁ ଜଣେ ସରକାରୀ ଚାକିରି ପାଇବା ପରେ ଆତ୍ମହତ୍ୟା କରିଛନ୍ତି । କଥାଟା ଅବିଶ୍ବାସ ହେଉଥିଲେ ବି ସତ । ତାମିଲନାଡୁର କନ୍ୟାକୁମାରୀଠାରେ ଏହିପରି ଏକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ଯୁବକ ସରକାରୀ ଚାକିରି ପାଇବା କାରଣରୁ ଆତ୍ମହତ୍ୟା କରିଛନ୍ତି ।

ଯୁବକ ଜଣକ ଭଗବାନଙ୍କ ନିକଟରେ ପ୍ରତିଜ୍ଞା ମାଗିଥିଲେ ଯେ, ଯଦି ତାଙ୍କର ସରକାରୀ ଚାକିରି ହେଇଯିବ ତେବେ ସେ ନିଜ ଜୀବନ ତ୍ୟାଗ କରି ଭଗବାନଙ୍କ ଶରଣକୁ ଚାଲିଯିବେ । ଯେଉଁଦିନ ତାଙ୍କର ପ୍ରତିଜ୍ଞା ପୂର୍ଣ୍ଣ ହେଲା ସେଦିନ ସେ ମୃତ୍ୟକୁ କୋଳେଇ ନେଲେ ।

ତାମିଲନାଡୁର କନ୍ୟାକୁମାରୀ ଜିଲ୍ଲା ନାଗରକୋଇଲ ଅଞ୍ଚଳରେ ରହୁଥିବା 32 ବର୍ଷୀୟ ଯୁବକ ନବୀନଙ୍କ ଏପରି ପଦକ୍ଷେପ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । ମୁମ୍ବାଇରେ ବ୍ୟାଙ୍କ ଅଫ୍‌ ଇଣ୍ଡିଆରେ ତାଙ୍କର ଚାକିରି ହୋଇଯାଇଥିଲା । ନବୀନଙ୍କୁ କୌଣସି ସରକାରୀ ଚାକିରି ମିଳୁନଥିବାରୁ ସେ ବହୁତ ବ୍ୟତିବ୍ୟସ୍ତ ରହୁଥିଲେ । ସେ ଶେଷରେ ଭଗବାନଙ୍କ ନିକଟରେ ଏପରି ପ୍ରତିଜ୍ଞା ନେଇଥିଲେ । ପ୍ରତିଜ୍ଞା କରିବାର କିଛି ଦି ପରେ ତାଙ୍କର ଚାକିରି ହୋଇଯାଇଥିଲା । ସେ ଚାକିରିରେ ଜଏନ କରିବା ସହ ସେଠାରେ 15 ଦିନ ରହିଥିଲେ । ଏହାପରେ ସେ ଶୁକ୍ରବାର ଦିନ ତ୍ରିଭେନ୍ଦମ୍‌କୁ ଆସିଥିଲେ । ସେଠାରେ ଏକ ରେଳଷ୍ଟେସନ ନିକଟରେ ଟ୍ରାକ୍‌ରେ ଶୋଇ ଜୀବନ ଦେଇଦେଇଥିଲେ । ମୃତକ ନବୀନଙ୍କ ନିକଟରୁ ମିଳିଥିବା ସୁଇସାଇଡ୍‌ ନୋଟ୍‌ରୁ ଏହି ଘଟଣା ସମ୍ପର୍କରେ ଜଣାପଡିଥିଲା । ଭଗବାନଙ୍କ ନିକଟରେ ପ୍ରତିଜ୍ଞା କରିଥିବାରୁ ସେ ଏପରି ପଦକ୍ଷେପ ନେଇଛନ୍ତି ବୋଲି ସୁଇସାଇଡ୍‌ ନୋଟ୍‌ରେ ଉଲ୍ଲେଖ ରହିଛି । (ଏଜେନ୍ସି)