Categories
ଆଜିର ଖବର ସ୍ବାସ୍ଥ୍ୟ

ବର୍ତ୍ତମାନ ୬ ରୁ ୧୨ ବର୍ଷର ପିଲାମାନେ ମଧ୍ୟ ପାଇବେ ଟିକା, କୋଭାକ୍ସିନକୁ ମିଳିଲା ଅନୁମୋଦନ

ନୂଆଦିଲ୍ଲୀ: ଦେଶରେ ବଢୁଥିବା କରୋନା ମାମଲା ମଧ୍ୟରେ ପିଲାମାନଙ୍କ ଟୀକାକରଣ ସହ ଜଡିତ ଏକ ଖୁସି ଖବର ମିଳିଛି। ବର୍ତ୍ତମାନ ୬ ରୁ ୧୨ ବର୍ଷର ପିଲାମାନେ କରୋନା ଟିକା ପାଇବେ। ଏହି ଟୀକାକରଣ ପାଇଁ କୋଭାକ୍ସିନ୍ କୁ ଅନୁମୋଦନ କରାଯାଇଛି। ଡିସିଜିଆଇ ପକ୍ଷରୁ ଏହାକୁ ଅନୁମୋଦନ ମିଳିଛି।

Categories
ବିଶେଷ ଖବର

କୋଭାକ୍ସିନ ଓ କୋଭିଶିଲ୍ଡକୁ ‘‘ସର୍ତ୍ତମୂଳକ ବଜାର ଅନୁମତି’’ ଦେଲା ଡିସିଜିଆଇ

ନୂଆଦିଲ୍ଲୀ: ଦେଶରେ ପ୍ରଚଳିତ ଦୁଇଟି କୋଭିଡ ୧୯ ଟିକା –କୋଭାକ୍ସିନ ଓ କୋଭିଶିଲ୍ଡକୁ ଆଜି ‘‘ସର୍ତ୍ତମୂଳକ ବଜାର ଅନୁମତି’’ ପ୍ରଦାନ କରାଯାଇଛି। ଜାତୀୟ ନିୟାମକ ଡ୍ରଗ୍ସ କଣ୍ଟ୍ରୋଲର ଜେନେରାଲ୍‌ ଅଫ ଇଣ୍ଡିଆ (ଡିସିଜିଆଇ) ଏହି ପ୍ରସ୍ତାବକୁ ମଞ୍ଜୁର କରିଛନ୍ତି। ସେଣ୍ଟ୍ରାଲ ଡ୍ରଗ୍ସ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନ (ସିଡିଏସସିଓ)ର ବିଷୟ ବିଶେଷଜ୍ଞ ସମିତି (ଏସଇସି) ଏହି ଦୁଇଟି ଟିକାର ବ୍ୟବହାରକୁ ନେଇ ରହିଥିବା ନିୟମକୁ ଅଧିକ କୋହଳ କରିବାକୁ ମଞ୍ଜୁରି ଦେଇଥିଲା। ପୂର୍ବରୁ କେବଳ ବିଶେଷ ଜରୁରିକାଳୀନ ସ୍ଥିତିରେ ଟିକା ବ୍ୟବହାରକୁ ମଞ୍ଜୁରି ମିଳିଥିବା ବେଳେ ୧୯ ଜାନୁଆରୀ ୨୦୨୨ ଠାରୁ ବୟସ୍କ ଜନସଂଖ୍ୟାଙ୍କ ଉପରେ ଟିକାର ପ୍ରୟୋଗ ପାଇଁ ନୂଆ କରି ସର୍ତ୍ତମୂଳକ ମଞ୍ଜୁରି ପ୍ରଦାନ କରାଯାଇଥିଲା।

ବର୍ତ୍ତମାନ ନିମ୍ନ ସର୍ତ୍ତଗୁଡ଼ିକ ଆଧାରରେ ଡିସିଜିଆଇ ଦେଶରେ ଦୁଇଟି କୋଭିଡ ୧୯ ଟିକା କୋଭାକ୍ସିନ ଏବଂ କୋଭିଶିଲ୍ଡକୁ ବଜାର ଅନୁମତି ପ୍ରଦାନ କରିଛି:

– ଫାର୍ମଗୁଡ଼ିକ ଛଅ ମାସ ଆଧାରରେ କିମ୍ବା ଯେତେବେଳେ ଉପଲବ୍ଧ ହେବ, ଯାହା ଶୀଘ୍ର ହୋଇଥିବ, ସେମାନଙ୍କ ଟିକାର ବିଦେଶରେ ଜାରି ରହିଥିବା କ୍ଲିନିକାଲ ପରୀକ୍ଷଣ ସଂକ୍ରାନ୍ତ ତଥ୍ୟ ଦାଖଲ କରିବେ।

– ଟିକାଗୁଡ଼ିକ ପ୍ରୋଗ୍ରାମେଟିକ୍ ସେଟିଂ ପାଇଁ ଯୋଗାଣ କରାଯିବ ଏବଂ ଦେଶ ଭିତରେ ହେଉଥିବା ସମସ୍ତ ଟିକାକରଣର ରେକର୍ଡ କୋୱିନ୍‌ ପ୍ଲାଟଫର୍ମରେ ରହିବ। ଟିକା ନେବା ପରେ କୌଣସି ପ୍ରତିକ୍ରିୟା ଅର୍ଥାତ୍‌ ଆଡଭର୍ସ ଇଭେଣ୍ଟ ଫଲୋଇଂ ଇମ୍ୟୁନାଇଜେସନ (ଏଇଏଫଆଇ), ଆଡଭର୍ସ ଇଭେଣ୍ଟ ଅଫ୍‌ ସ୍ପେଶାଲ ଇଣ୍ଟରେଷ୍ଟ (ଏଇଏସଆଇ)କୁ ଗମ୍ଭୀରତାର ସହିତ ଅନୁଧ୍ୟାନ କରାଯିବ। ଏନଡିସିଟି ନିୟମାବଳୀ ୨୦୧୯ ଅନୁଯାୟୀ, ଛଅ ମାସ ଆଧାରରେ କିମ୍ବା ଯେତେବେଳେ ଉପଲବ୍ଧ ହେବ, ଯାହା ଶୀଘ୍ର ହୋଇଥିବ, ଫାର୍ମଗୁଡ଼ିକ ଏଇଏଫଆଇ ଓ ଏଇଏସଆଇ ସମେତ ସେମାନଙ୍କର ସୁରକ୍ଷା ତଥ୍ୟ ଦାଖଲ କରିବେ।

କୋଭିଡ ୧୯ ମହାମାରୀ ମୁକାବିଲା ପ୍ରତି ଭାରତ ସରକାର ସଦାସର୍ବଦା ସକ୍ରିୟ ଆଭିମୁଖ୍ୟ ପୋଷଣ କରିବା ସହ ତ୍ବରିତ ପଦକ୍ଷେପ ଗ୍ରହଣ କରିଆସିଛନ୍ତି। ଦୁଇଟି କୋଭିଡ ଟିକାକୁ ଡିସିଜିଆଇ ପକ୍ଷରୁ ମିଳିଥିବା ସର୍ତ୍ତମୂଳକ ବଜାର ଅନୁମତି ସରକାରଙ୍କ ଏହି ସକ୍ରିୟତା ଏବଂ ସମୟୋପଯୋଗୀ ମଞ୍ଜୁରି ଆଭିମୁଖ୍ୟକୁ ଦର୍ଶାଉଛି। ମହାମାରୀ ସମୟରେ ଆବଶ୍ୟକତାକୁ ଦୃଷ୍ଟିରେ ରଖି ସରକାର ଏହିପରି ଭାବେ ଜନସ୍ବାସ୍ଥ୍ୟ ମୁକାବିଲା ଏବଂ ଗୁରୁତ୍ବପୂର୍ଣ୍ଣ ନିଷ୍ପତ୍ତି ଗ୍ରହଣ କରି ଆସିଛନ୍ତି।

ଏଠାରେ ସୂଚନାଯୋଗ୍ୟ ଯେ ବିଶ୍ବସ୍ତରୀୟ ନିୟାମକ ସଂସ୍ଥାଗୁଡ଼ିକ ମଧ୍ୟରେ ଆମେରିକାର ଫୁଡ୍‌ ଆଣ୍ଡ ଡଗ୍ରସ୍‌ ଆଡମିନିଷ୍ଟ୍ରେସନ (ୟୁଏସଏଫଡିଏ) ଏବଂ ବ୍ରିଟେନର ମେଡ଼ିସିନ୍ସ ଏଣ୍ଡ ହେଲ୍‌ଥ୍‌କେୟାର ପ୍ରଡକ୍ଟସ୍‌ ରେଗୁଲେଟରୀ ଏଜେନ୍ସି (ଏମଏଚଆରଏ) ପକ୍ଷରୁ ଯଥାକ୍ରମେ ଫାଇଜର ଓ ଆଷ୍ଟ୍ରାଜେନେକା କୋଭିଡ ୧୯ ଟିକାକୁ ‘‘ସର୍ତ୍ତମୂଳକ ବଜାର ଅନୁମତି’’ ପ୍ରଦାନ କରାଯାଇଛି।

‘‘ସର୍ତ୍ତମୂଳକ ବଜାର ଅନୁମତି’’ ଏକ ନୂଆ ଶ୍ରେଣୀର ବଜାର କାରବାର ମଞ୍ଜୁରି ଯାହା ବର୍ତ୍ତମାନର କୋଭିଡ ୧୯ ବିଶ୍ବ ମହାମାରୀ ସ୍ଥିତିରେ ଦେଖିବାକୁ ମିଳିଛି। ଔଷଧ ଏବଂ ଟିକା ଚାହିଦା ପୂରଣ କରିବା ଲାଗି କେତେକ ଔଷଧ ଓ ଟିକାର ସହଜ ଉପଲବ୍ଧତା ବଢ଼ାଇବା ନିମନ୍ତେ ନିର୍ଦ୍ଦିଷ୍ଟ ସର୍ତ୍ତ ସହିତ ତ୍ବରିତ ଭାବେ ଏହି ମଞ୍ଜୁରି ଦିଆଯାଇଥାଏ।

ଭାରତର ରାଷ୍ଟ୍ରବ୍ୟାପୀ କୋଭିଡ ୧୯ ଟିକାକରଣ କାର୍ଯ୍ୟକ୍ରମ ୧୬ ଜାନୁଆରୀ, ୨୦୨୧ରେ ଆରମ୍ଭ କରାଯାଇଥିଲା। ବର୍ତ୍ତମାନ ସୁଦ୍ଧା ୧୬୦ କୋଟିରୁ ଅଧିକ ଡୋଜ୍‌ ଦିଆଯାଇସାରିଲାଣି। ସାରା ଦେଶରେ କୋଭିଡ ୧୯ ଟିକାକରଣକୁ ତ୍ବରାନ୍ବିତ କରିବା ଏବଂ ଏହାର ପରିସରକୁ ବଢ଼ାଇବା ଲାଗି କେନ୍ଦ୍ର ସରକାର ସଂକଳ୍ପବଦ୍ଧ। ୩ ଜାନୁଆରୀ ୨୦୨୨ ଠାରୁ କୋଭିଡ ୧୯ ଟିକାକରଣରେ ନୂଆ ବର୍ଗର ଜନସଂଖ୍ୟାକୁ ସାମିଲ କରାଯାଇଛି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ପିଲାଙ୍କୁ ଦିଆଯିବ କୋଭିଡ ଟୀକା: କୋଭାକ୍ସିନକୁ ମିଳିଲା ଅନୁମତି

ନୂଆଦିଲ୍ଲୀ: କୋଭିଡ ଟୀକାକୁ ନେଇ ଏବେ ଏକ ଖୁସି ଖବର ମିଳିଛି। ଏଣିକି ପିଲାଙ୍କୁ କୋଭିଡ ଟୀକା ମିଳିବ। ୧୨ ରୁ ୧୮ ବର୍ଷ ବୟସର ପିଲାମାନଙ୍କୁ କୋଭିଡ ଟୀକା ପାଇଁ ଅନୁମତି ମିଳିଛି। ଭାରତ ବାୟୋଟେକ୍ ର କୋଭାକ୍ସିନ ଟୀକାକୁ ଜରୁରୀକାଳିନ ବ୍ୟବହାର ପାଇଁ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ ଅନୁମତି ଦେଇଛି। ତେବେ ଏହି ଟୀକା ଡୋଜର ବ୍ୟବଧାନ ୨୮ ଦିନ ରହିଥିବା ଜଣାପଡିଛି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

କୋଭାକ୍ସିନକୁ ମିଳିବ ମଞ୍ଜୁରୀ!: ଏହି ସପ୍ତାହରେ ବିଶ୍ୱ ସ୍ୱାସ୍ଥ୍ୟ ସଂଗଠନ କରିପାରେ ଘୋଷଣା

ନୂଆଦିଲ୍ଲୀ: ଏହି ସପ୍ତାହରେ ଭାରତ ବାୟୋଟେକର କରୋନାଭାଇରସ୍ ଟିକା କୋଭାକ୍ସିନକୁ ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ମଞ୍ଜୁରୀ ଦେଇପାରେ। ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କୋଭାକ୍ସିନ୍ ଟୀକାକୁ ଏପର୍ଯ୍ୟନ୍ତ ଜରୁରୀକାଳୀନ ବ୍ୟବହାର ତାଲିକାରେ ସ୍ଥାନ ଦେଇନାହିଁ।

ଏଥିପାଇଁ ଭରତ ବାୟୋଟେକ ଜୁଲାଇ ମାସରେ ଡବ୍ଲୁଏଚଓ ସମ୍ମୁଖରେ ପରୀକ୍ଷା ସମ୍ବନ୍ଧୀୟ ସମସ୍ତ ଆବଶ୍ୟକୀୟ ଦଲିଲ ଏବଂ ତଥ୍ୟ ଉପଲବ୍ଧ କରାଇଥିଲା। ବର୍ତ୍ତମାନ ସୂତ୍ରରୁ ପ୍ରକାଶ ଯେ, ଡବ୍ଲୁଏଚଓ ଏହି ସପ୍ତାହରେ କୋଭାକ୍ସିନ ଟିକାକୁ ଅନୁମତି ଦେଇପାରେ।

ଜରୁରୀକାଳୀନ ବ୍ୟବହାର ପାଇଁ ବୈଷୟିକ ବିଶେଷଜ୍ଞଙ୍କ ଦ୍ଵାରା ଏହି ଟିକା ସମୀକ୍ଷା କରାଯାଉଥିଲା। ଜୁଲାଇ ମାସରେ ଦକ୍ଷିଣ-ପୂର୍ବ ଏସିଆର ଡବ୍ଲୁଏଚଓ ର ଆଞ୍ଚଳିକ ନିର୍ଦ୍ଦେଶକ ଡା. ପୁନମ୍ କ୍ଷେତ୍ରପାଲ ସିଂ କହିଥିଲେ ଯେ, ବୈଷୟିକ ବିଶେଷଜ୍ଞ କମିଟି ଏହି ଡୋଜିୟରର ସମୀକ୍ଷା କରୁଛନ୍ତି।

ସେ କହିଥିଲେ, “ଫାଇଜର, ଆଷ୍ଟ୍ରା ଜେନେକା, ମୋଡର୍ନା, ଜନସନ ଆଣ୍ଡ ଜନସନ, ସିନୋଭାକ ଏବଂ ସିନୋଫାର୍ମକୁ ବିଶ୍ଵ ସ୍ୱାସ୍ଥ୍ୟ ସଂଗଠନ ଜରୁରୀକାଳୀନ ବ୍ୟବହାର ପାଇଁ ଅନୁମତି ଦେଇଛି।

ଉଲ୍ଲେଖ ଯୋଗ୍ୟ ଯେ, ସ୍ଵଦେଶୀ କମ୍ପାନୀ ଭାରତ ବାୟୋଟେକ୍ କୋଭିଡ -୧୯ ଟିକା ତୃତୀୟ ପର୍ଯ୍ୟାୟର ପରୀକ୍ଷା ତଥ୍ୟ ଡିସିଜିଆଇ ରେ ଦାଖଲ କରିଥିଲା। ଏହାପୂର୍ବରୁ, ଜାନୁଆରୀ ମାସରେ ପ୍ରଥମ ପର୍ଯ୍ୟାୟ ଏବଂ ଦ୍ୱିତୀୟ ପର୍ଯ୍ୟାୟ ପରୀକ୍ଷା ତଥ୍ୟ ଆଧାରରେ ଡିସିଜିଆଇ ଭାରତରେ କୋଭାକ୍ସିନ ଟୀକାର ଜରୁରୀକାଳୀନ ବ୍ୟବହାର ପାଇଁ ଅନୁମତି ଦେଇଥିଲା। ଏହି ପରୀକ୍ଷା ଭାରତର ୨୫ଟି ସ୍ଥାନରେ କରାଯାଇଥିଲା।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

୧୮ ରୁ ୪୪ ବର୍ଷ ବର୍ଗର ବ୍ୟକ୍ତିଙ୍କ ପାଇଁ ଆଜି ଓଡ଼ିଶାକୁ ଆସୁଛି ୧ ଲକ୍ଷ ଡୋଜ ଟୀକା

ଭୁବନେଶ୍ବର: ଆଜି ଓଡିଶାକୁ ଆଉ ୧ ଲକ୍ଷ ଟୀକା ଡୋଜ ଆସିବ। ଆଜି ୫୦ ହଜାର କୋଭାକ୍ସିନ ଏବଂ ୫୦ ହଜାର କୋଭିଶିଲ୍ଡ ଟୀକା ଓଡିଶାରେ ପହଞ୍ଚିବ। ୧୮ ରୁ ୪୪ ବର୍ଷ ବର୍ଗର ବ୍ୟକ୍ତିଙ୍କୁ ଏହି ଟୀକା ଦିଆଯିବ। ଏସବୁ ଟୀକା ଡୋଜ ଓଡିଶାକୁ କେନ୍ଦ୍ର ସରକାର ଦେଉଛି।

ତେବେ ଜୁନ୍ ୭ ତାରିଖ ସୁଦ୍ଧା ୨୬,୦୦୦ ଡୋଜ୍ କୋଭାକ୍ସିନ ରାଜ୍ୟ ସରକାର କିଣିବାକୁ ଥିବା ବେଳେ ଜୁନ୍ ୯ ସୁଦ୍ଧା ୨,୨୭,୭୫୦ ଡୋଜ କୋଭିଶିଲ୍ଡ ଟିକା କିଣିବାକୁ ଯାଉଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସ୍ବାସ୍ଥ୍ୟ

୨ ରୁ ୧୮ ବର୍ଷ ବର୍ଗର ପିଲାଙ୍କ ଉପରେ ହେବ ଟୀକା ପରୀକ୍ଷା: ଭାରତ ବାୟୋଟେକକୁ ମିଳିଲା ଅନୁମତି

ନୂଆଦିଲ୍ଲୀ: ଗତକାଲି ଭାରତରେ ୨ ରୁ ୧୮ ବର୍ଷ ବର୍ଗର ପିଲାଙ୍କ ଉପରେ କୋଭାକ୍ସିନ ଟୀକା ପରୀକ୍ଷା ପାଇଁ ଏକ ବିଶେଷଜ୍ଞ କମିଟି ଅନୁମତି ଦେଇଛି। ଏହି ପରୀକ୍ଷା ଦିଲ୍ଲୀ, ପାଟଣା ଏମ୍ସ ଏବଂ ନାଗପୁରସ୍ଥିତ ମେଡିଟ୍ରିନା ଚିକିତ୍ସା ବିଜ୍ଞାନ ସଂସ୍ଥା ସମତେ ବିଭିନ୍ନ ସ୍ଥାନ ଦ୍ଵାରା କରାଯିବ। ଏହି ବର୍ଗର ପିଲାଙ୍କ ଉପରେ ଟୀକା ପରୀକ୍ଷଣ ପାଇଁ ପୂର୍ବରୁ ଭାରତ ବାୟୋଟେକ ଆବେଦନ କରିଥିଲା। ୨ ରୁ ୧୮ ବର୍ଷ ପିଲାଙ୍କ ସୁରକ୍ଷା ଏବଂ ରୋଗ ପ୍ରତିରୋଧକ କ୍ଷମତା ବୃଦ୍ଧି ସମେତ ଅନ୍ୟ ବିଷୟରେ ଆକାଳନ କରିବା ପାଇଁ ଦ୍ଵିତୀୟ-ତୃତୀୟ ପର୍ଯ୍ୟାୟ ପରୀକ୍ଷା ଲାଗି ଭାରତ ବାୟୋଟେକ ଅନୁମତି ମାଗିଥିଲା।

ତେବେ ସିଡିଏସସିଓ ର କୋଭିଡ-୧୯ ବିଶେଷଜ୍ଞ କମିଟି ଗତକାଲି ଏହା ଉପରେ ଆଲୋଚନା କରି ଭାରତ ବାୟୋଟେକକୁ ଟୀକା ପରୀକ୍ଷା ପାଇଁ ଅନୁମତି ଦେଇଛି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

୧୮ ରୁ ୪୪ ବର୍ଷର ଲୋକଙ୍କ ପାଇଁ ପହଞ୍ଚିଲା କୋଭାକ୍ସିନ: ସୋମବାରଠୁ ଆରମ୍ଭ ହେବ ଟୀକାକରଣ

ଭୁବନେଶ୍ବର: ଓଡିଶା କିଣିଥିବା ୧.୫ ଲକ୍ଷ କୋଭାକ୍ସିନ ଟୀକା ଡ଼ୋଜ ଭୁବନେଶ୍ବର ପହଞ୍ଚିଛି। ୧୮ ରୁ ୪୪ ବର୍ଷ ବର୍ଗର ଟୀକାକରଣ ପାଇଁ କୋଭାକ୍ସିନ ଭୁବନେଶ୍ବରରେ ପହଞ୍ଚିଛି। ରାତି ୯ ଟାରେ ଏହି ଟୀକା ଭୁବନେଶ୍ବର ବିମାନ ବନ୍ଦରରେ ପହଞ୍ଚିଛି।

ତେବେ କେବଳ ଭୁବନେଶ୍ବର ମହାନଗର ଅଞ୍ଚଳରେ ଏହି ଟୀକା ଦିଆଯିବ ବୋଲି ସୂଚନା ରହିଥିବା ବେଳେ ମେ’ ୧ ତାରିଖରୁ କିଛି ସ୍ଥାନରେ ପରୀକ୍ଷାମୂଳକ ଭାବେ ଏହି ଟୀକା ଦିଆଯିବ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସ୍ବାସ୍ଥ୍ୟ

ଏଥର ୩ ଥର ଦିଆଯିବ କରୋନା ଟିକା: କୋଭାକ୍ସିନର ବୁଷ୍ଟର ଡୋଜକୁ ମିଳିଲା ଅନୁମତି

ନୂଆଦିଲ୍ଲୀ: ଦେଶରେ କରୋନା ଟିକାରେ ତୃତୀୟ ଡୋଜର ପ୍ରସ୍ତୁତି ଜାରି ରହିଛି। ବିଶେଷଜ୍ଞଙ୍କ ଏକ ପ୍ୟାନେଲରେ ଭାରତ ବାୟୋଟେକ ଟିକାର ତୃତୀୟ ଡୋଜ ପାଇଁ ଅନୁମତି ଦିଆଯାଇଛି। ଏହି ତୃତୀୟ ବୁଷ୍ଟର ଡୋଜଟି ଦ୍ଵିତୀୟ ଡୋଜର ୬ ମାସ ପରେ ଦିଆଯିବ। ଏଥିରେ କରୋନାର ନୂଆ ବ୍ୟାରିଏଣ୍ଟରୁ ରକ୍ଷା ମିଳିବା ସହ ମ୍ୟୁଟେସନ କରି ନୂଆ ଷ୍ଟ୍ରେନ ସୃଷ୍ଟି ହୋଇପାରିବ ନାହିଁ। ଏହା ଦ୍ଵାରା ଶରୀରରେ ଇମ୍ୟୁନିଟି କିଛି ବର୍ଷ ପର୍ଯ୍ୟନ୍ତ ବଢିଯିବ ବୋଲି ବିଶେଷଜ୍ଞ ମତ ରଖିଛନ୍ତି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଦେଶରେ ଦ୍ଵିତୀୟ କରୋନା ଟିକା ଭାବେ କୋଭାକ୍ସିନକୁ ଜରୁରୀ ବ୍ୟବହାର ପାଇଁ ମିଳିଲା ଅନୁମତି

ନୂଆଦିଲ୍ଲୀ: ଭାରତରେ ନୂଆବର୍ଷର ଦ୍ଵିତୀୟ ଦିନରେ କ୍ରମାଗତ ଦୁଇଟି କରୋନା ଟିକା ଅନୁମତି ମିଳିଛି। ମାନବ ଦେହରେ ଜରୁରୀ ବ୍ୟବହାର ପାଇଁ ଅନୁମତି ମିଳିଛି। ଭାରତରେ ଦ୍ଵିତୀୟ ଟିକା ଭାବେ କୋଭାକ୍ସିନକୁ ମିଳିଲା ମଞ୍ଜୁରୀ। ଗତକାଲି ସେରମ ପ୍ରସ୍ତୁତ କୋଭାସିଲ୍ଡକୁ ମଞ୍ଜୁରୀ ମିଳିଥିଲା। ସଂପୂର୍ଣ୍ଣ ସ୍ଵଦେଶ ଜ୍ଞାନ କୌଶଳରେ କୋଭାକ୍ସିନ ଟିକାକୁ ପ୍ରସ୍ତୁତ ପ୍ରସ୍ତୁତ କରାଯାଇଛି। ଭାରତ ବାୟୋଟେକ ଦ୍ଵାରା ଏହି ଟିକା ବିକଶିତ ହୋଇଛି। ବହୁ ତର୍ଜ୍ଜମା ପରେ ଏହି ଟିକା ମାନବ ଦେହରେ ବ୍ୟବହାର ଉପଯୋଗୀ ବୋଲି ବିଶେଷଜ୍ଞମାନେ କହିଛନ୍ତି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

କାଲିଠୁ ଦିଲ୍ଲୀ AIIMSରେ ଦେଶର ପ୍ରଥମ କରୋନା ଟିକା ‘କୋଭାକ୍ସିନ’ର ପରୀକ୍ଷଣ

ନୂଆଦିଲ୍ଲୀ: ଆସନ୍ତାକାଲିଠାରୁ ଅଖିଳ ଭାରତ ଆୟୁର୍ବିଜ୍ଞାନ ପ୍ରତିଷ୍ଠାନ (ଏମସ)ରେ ଦେଶର ପ୍ରଥମ କରୋନା ଟିକା ‘କୋଭାକ୍ସିନ’ର ମାନବ ପରୀକ୍ଷଣ ଆରମ୍ଭ ହେବ। ଏମ୍ସ ର ଏକ ବିଶେଷ କମିଟି ଶନିବାର ଦିନ କରୋନା ଭୂତାଣୁ ପାଇଁ ସ୍ୱଦେଶୀ ଟିକା କୋଭାକ୍ସିନର ମାନବ ପରୀକ୍ଷଣକୁ ଅନୁମତି ଦେଇ ସାରିଛି। ଏମ୍ସରେ କମ୍ୟୁନିଟି ମେଡିସିନ୍ ସେଣ୍ଟରର ପ୍ରଫେସର ସଞ୍ଜୟ ରାୟ କହିଛନ୍ତି ଯେ, ଡାକ୍ତରଖାନାରେ ସୋମବାରଠାରୁ ଏହି ପରୀକ୍ଷା ପାଇଁ ସୁସ୍ଥ ଲୋକଙ୍କୁ ପଞ୍ଜୀକରଣ କରାଯିବ।

‘କୋଭାକ୍ସିନ’ର ମାନବ ପରୀକ୍ଷଣ ପାଇଁ ଅନୁମୋଦନ ମିଳିସାରିଛି | ଯେଉଁମାନେ ଏ ପର୍ଯ୍ୟନ୍ତ କରୋନା ଆକ୍ରାନ୍ତ ହୋଇନାହାନ୍ତି ସେମାନଙ୍କୁ ନେଇ ପରୀକ୍ଷା କରାଯିବ | ଏହି ଅନୁସନ୍ଧାନରେ ୧୮ରୁ ୫୫ ବର୍ଷ ବୟସ୍କ ବ୍ୟକ୍ତି ପଞ୍ଜିକୃତ ହୋଇପାରିବେ।

ପ୍ରଫେସର ସଞ୍ଜୟ ରାୟଙ୍କ କହିବା ମୁତାବକ, ଯେ କୌଣସି ସୁସ୍ଥ ବ୍ୟକ୍ତି ଯିଏ ଏହି ପରୀକ୍ଷଣରେ ଭାଗ ନେବାକୁ ଚାହାଁନ୍ତି, ସେ ତାଙ୍କ ଆବେଦନକୁ ଇମେଲ ମାଧ୍ୟମରେ ପଠାଇ ପାରିବେ | ତାଙ୍କୁ ctaims.covid-19@gmail.comକୁ ମେଲ୍ କରିବାକୁ ପଡିବ କିମ୍ବା ସେ ୭୪୩୮୮୪୭୪୯୯କୁ ମେସେଜ୍ କିମ୍ବା କଲ ମଧ୍ୟ କରିପାରିବେ |

ଏହି ପରୀକ୍ଷଣର ପ୍ରଥମ ଏବଂ ଦ୍ୱିତୀୟ ପର୍ଯ୍ୟାୟରେ ୧୦୦ ଜଣ ଲୋକ ସାମିଲ ହେବେ | ସୋମବାରଠାରୁ ଏକ ସ୍ବତନ୍ତ୍ର ଟିମ୍ ଏହି ଲୋକଙ୍କ ସ୍ୱାସ୍ଥ୍ୟ ପରୀକ୍ଷା ଆରମ୍ଭ କରିବ, ଯାହା ପରେ ସେମାନଙ୍କୁ ଏହି ଟିକା ଦିଆଯିବ | ୧୨ଟି ସ୍ଥାନରେ ପରୀକ୍ଷା କରାଯିବ।