Tag: ଖୋର୍ଦ୍ଧା ଜିଲ୍ଲା

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲା ସ୍ବାସ୍ଥ୍ୟ ସମିତି ଏବଂ ଜିଲ୍ଲା ଏଡସ୍ ପ୍ରତିରୋଧ ଓ ନିୟନ୍ତ୍ରଣ କକ୍ଷର ମିଳିତ ଆନୁକୁଲ୍ୟରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ କାର୍ଯ୍ୟାଳୟରୁ ବିଭିନ୍ନ ମହାବିଦ୍ୟାଳୟ ଓ ନର୍ସିଂ ଛାତ୍ର, ଛାତ୍ରୀ ନେଇ ଏକ ଏଚଆଇଭି/ଏଡସ୍ ସଚେତନ ଶୋଭାଯାତ୍ରା ସହର ପରିକ୍ରମା କରିଥିଲା। ଏହାକୁ ଜିଲ୍ଲା ପରିବାର କଲ୍ୟାଣ ଅଧିକାରୀ ଡା. ବିଶ୍ବନାଥ ପାଢୀ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ତତ୍ପରେ କାର୍ଯ୍ୟାଳୟ ସମିଳନୀ କକ୍ଷରେ ଡା. ପାଢୀ ଙ୍କ ସଭାପତିତ୍ବରେ ଏକ ସଭା ଅନୁଷ୍ଠିତ ହୋଇଥିଲା।

ଚଳିତ ବର୍ଷର ବିଷୟ ବସ୍ତୁ “ଅଧିକାରର ସଠିକ୍ ମାର୍ଗ ଅନୁସରଣ କରିବା” ଉପରେ ଆଲୋଚନା କରଯାଇଥିଲା। ମୁଖ୍ୟ ବକ୍ତା ଭାବେ ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟର ଅଧ୍ୟାପକ ଶ୍ରୀ ଜଗଦେବ, କବି ପ୍ରସନ୍ନ ପାଟ୍ଟସାଣି ଆଞ୍ଚଳିକ ମହାବିଦ୍ୟାଳୟର ଅଧ୍ୟାପକ ଶ୍ରୀ ଜୟସିଂ ଓ ଖୋର୍ଦ୍ଧା ନର୍ସିଂ ସ୍କୁଲର ସ୍ଵର୍ଣ୍ଣ ପ୍ରଭା ସାହୁ ଏଚଆଇଭି/ଏଡସ୍ ସମ୍ବନ୍ଧୀୟ ସଚେତନ ବାର୍ତ୍ତା ପ୍ରଦାନ କରିଥିଲେ।

ସଭାପତି ଡା. ପାଢୀ ନିଜ ଉଦବୋଧନରେ ଏଚଆଇଭି/ଏଡସ୍ ର କାରଣ, ନିରାକରଣ, ପ୍ରତିକାର ଓ ଏ ବର୍ଷର ବିଷୟ ବସ୍ତୁ “ଅଧିକାରର ସଠିକ୍ ମାର୍ଗ ଅନୁସରଣ କରିବା’ ଉପରେ ପୁଙ୍ଖାନୁପୁଙ୍ଖ ଆଲୋଚନା କରିବା ସ‌ହିତ ଉପସ୍ଥିତ ଛାତ୍ର ଛାତ୍ରୀ ନିଜ ଜୀବନରେ ଏହାକୁ ଅନୁସରଣ କରିବାକୁ ପରାମର୍ଶ ଦେଇଥିଲେ।

ସର୍ବଶେଷରେ ଜିଲ୍ଲା ପ୍ରକଳ୍ପ ପରିଚାଳକ ବିଧାନ ଚନ୍ଦ୍ର ନାୟକ ସାମାଜିକ ଯୋଗଯୋଗ ମାଧ୍ଯମ (ଫେସବୁକ, ଇନଷ୍ଟାଗ୍ରାମ, ୟୁଟୁବ) କୁ ପ୍ରାଧାନ୍ୟ ଦେଇ ଏହାର ପୃଷ୍ଠାରେ ଆସୁଥିବା ବାର୍ତ୍ତାକୁ ବହୁଳ ଭାବେ ପ୍ରଚାର, ପ୍ରସାର ଓ ଅନୁସରଣ କରିବା ସହିତ ନିଶୁଳ୍କ ନମ୍ୱର- ୧୦୯୭ ରେ ଯୋଗାଯୋଗ କରି ଏଡସ୍ ସମ୍ବନ୍ଧୀୟ ଅଧିକ ବିବରଣୀ ଜାଣିବା ପାଇଁ ଛାତ୍ର ଛାତ୍ରୀ ମାନଙ୍କୁ ପରାମର୍ଶ ଦେବା ସଙ୍ଗେ ସଙ୍ଗେ ଧନ୍ୟବାଦ ଅର୍ପଣ କରିଥିଲେ l ଉକ୍ତ ସଭାରେ ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟ ଖୋର୍ଦ୍ଧା, କବି ପ୍ରସନ୍ନ ପାଟ୍ଟସାଣି ଆଞ୍ଚଳିକ ମହାବିଦ୍ୟାଳୟ ମଳିପଡା, ଖୋର୍ଦ୍ଧା ନର୍ସିଂ ସ୍କୁଲ ର ଅଧ୍ୟାପିକା, ଅଧ୍ୟାପକ ଓ ଛାତ୍ରଛାତ୍ରୀ ଯୋଗ ଦେଇଥିଲେ।

କାର୍ଯ୍ୟକ୍ରମକୁ ଜିଲ୍ଲା ଏଡସ୍ ପ୍ରତିରୋଧ ଓ ନିୟନ୍ତ୍ରଣ କକ୍ଷର କର୍ମଚାରୀ କିଶୋର କୁମାର କାନୁନଗୋ, ଅଶୋକ କୁମାର ଦାସ, ଜୟନ୍ତୀ ବାଳା ସାମନ୍ତରାୟ, ବିମଲ ଚନ୍ଦ୍ର ମାନସିଂହ, ଡ଼ିଆରପି ଓ ଆଇସିଟିସିର ପରାମର୍ଶ ଦାତା, ଦାତ୍ରୀ ମାନେ କାର୍ଯ୍ୟରେ ସହୋଯୋଗ କରିଥିଲେ।

ଖୋର୍ଦ୍ଧା: କେନ୍ଦ୍ର ସରକାର ନୂଆଦିଲ୍ଲୀରେ ଦେଶବ୍ୟାପୀ ‘ବାଲ୍ୟ ବିବାହ ମୁକ୍ତ ଭାରତ’ ଅଭିଯାନ ଆରମ୍ଭ କରିଥିବା ବେଳେ ବାଲ୍ୟ ବିବାହ ବିରୋଧରେ ଖୋର୍ଦ୍ଧା ଜିଲ୍ଲା ପ୍ରଶାସନ ପକ୍ଷରୁ ଓ ରୁଚିକା ସମାଜ ମଙ୍ଗଳ ସଂଗଠନର ମିଳିତ ସହଯୋଗରେ ଏକ ଶୋଭାଯାତ୍ରା ଓ ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଯାଇଛି। ସମାରୋହରେ ଉପସ୍ଥିତ ଥିବା ଜିଲ୍ଲାପାଳ ଚଞ୍ଚଳ ରଣା ଜିଲାକୁ ବାଲ୍ୟ ବିବାହ ମୁକ୍ତ କରିବାକୁ ସଂକ‌ଳ୍ପ ନେଇଥିଲେ।

ଜିଲ୍ଲାପାଳ ଚଞ୍ଚଳ ରଣା ଏହି ସମାରୋହରେ ଯୋଗ ଦେଇ ଖୋର୍ଦ୍ଧା ଜିଲ୍ଲାର ମହିଳା ନେତ୍ରିମାନଙ୍କୁ ବାଲ୍ୟ ବିବାହ ବିରୋଧରେ ଶପଥ ପାଠ କରାଇଥିଲେ। ଜିଲ୍ଲାର ୩୦୦ ରୁ ଉର୍ଦ୍ଧ ଗ୍ରାମବାସୀ, ଗ୍ରାମ ମୁଖୀଆ, ବାଲ୍ୟ ବିବାହ ସୁରକ୍ଷା ଅଧିକାରୀ (CMPO), ଆଶା କର୍ମୀ, ଅଙ୍ଗନବାଡି କର୍ମୀ, ଶିକ୍ଷୟିତ୍ରୀ ଓ ମହିଳାମାନେ ଶପଥ ନେଇ ଜିଲ୍ଲାବ୍ୟାପୀ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।

ବାଲ୍ୟ ବିବାହ ଉଚ୍ଛେଦ ପାଇଁ ମହିଳା ଓ ଶିଶୁ ବିକାଶ ମନ୍ତ୍ରୀ ଅନ୍ନପୂର୍ଣା ଦେବୀ ନଭେମ୍ବର ୨୭ ତାରିଖରେ ଘୋଷଣା କରିଥିବା ବାଲ୍ୟ ବିବାହ ମୁକ୍ତ ଭାରତ ଅଭିଯାନର ପ୍ରତିକ୍ରିୟାରେ ଜିଲ୍ଲାରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା। ସେ ଦେଶର ସମସ୍ତ ଗ୍ରାମ ପଞ୍ଚାୟତ ଓ ବିଦ୍ୟାଳୟକୁ ବାଲ୍ୟ ବିବାହ ବିରୋଧରେ ଶପଥ ପାଠ କରାଇଥିଲେ ଏବଂ ଏହି ଅଭିଯାନ ୨୫ କୋଟି ଲୋକଙ୍କ ପାଖରେ ପହଞ୍ଚିବ ବୋଲି ଆଶା କରାଯାଉଛି। ଉନ୍ମୋଚନ ସମୟରେ ବାଲ୍ୟ ବିବାହକୁ ସହଜରେ ରିପୋର୍ଟ କରିବା ପାଇଁ ଏକ ଜାତୀୟ ପୋର୍ଟାଲ ମଧ୍ୟ ଉନ୍ମୋଚନ କରାଯାଇଥିଲା।

ଏହି ଅବସରରେ ଜିଲ୍ଲାପାଳ ଶ୍ରୀ ରାଣା କହିଲେ, “ଖୋର୍ଦ୍ଧା ଜିଲ୍ଲାକୁ ବାଲ୍ୟବିବାହ ମୁକ୍ତ କରିବାକୁ ଜିଲ୍ଲା ପ୍ରଶାସନ ପ୍ରତିଶ୍ରୁତି ବଦ୍ଧ।”

ଦେଶବ୍ୟାପୀ ଅଭିଯାନ ଏବଂ ଏହା କିପରି ସେମାନଙ୍କ କାର୍ଯ୍ୟକୁ ତ୍ବରାନ୍ବିତ କରିବ ସେ ବିଷୟରେ ରୁଚିକାର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଡକ୍ଟର ବେଣୁଧର ସେନାପତି କହିଛନ୍ତି, ବାଲ୍ୟ ବିବାହ ବିଷୟରେ ସଚେତନତା ସୃଷ୍ଟି କରିବା, ଏପରି କୌଣସି ବିବାହକୁ ରୋକିବା ପାଇଁ ଆମେ ସରକାରୀ କର୍ତ୍ତୃପକ୍ଷ ଏବଂ ସ୍ଥାନୀୟ ମୁଖ୍ୟଙ୍କ ସହ ଜିଲ୍ଲାରେ କାର୍ଯ୍ୟ କରୁଥିବା ବେଳେ ସରକାରଙ୍କ ଏହି ଅଭିଯାନ ଏହି ଲଢ଼େଇରେ ଏକ ନୂତନ ଶକ୍ତି ଏବଂ ସମର୍ଥନ ଦେବ। ବାଲ୍ୟ ବିବାହ ଅପରାଧରେ ଆଉ ନିରବ ରହିବେ ନାହିଁ ବୋଲି ଭାରତ ବିଶ୍ୱକୁ ଦେଖାଇଦେଇଛି ଏବଂ ପ୍ରତ୍ୟେକ ପିଲାଙ୍କ ପାଇଁ ଏକ ଉପଯୁକ୍ତ ଶୈଶବ ସୁନିଶ୍ଚିତ କରିବା ପାଇଁ ଆମେ ଆମ ସାମର୍ଥ୍ୟ ଅନୁଯାୟୀ ସବୁ କିଛି କରିବୁ।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଖୋର୍ଦ୍ଧା ଜିଲ୍ଲାର ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା, ସମାଜ କଲ୍ୟାଣ ଅଧିକାରୀ କୁସୁମ କୁମାରୀ ପ୍ରହରାଜ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ବାଣିଶ୍ରୀ ପଟ୍ଟନାୟକ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜୋତ୍ସ୍ନାମୟୀ ଆଚାର୍ଯ୍ୟ, ଅତିରିକ୍ତ ସମାଜ କଲ୍ୟାଣ ଅଧିକାରିଣୀ ସୁଷମା ମହାନ୍ତି ,ଜିଲ୍ଲା ପ୍ରୋଗ୍ରାମ ଅଧିକାରୀ ସୌଦାମିନି ଦାଶ, ଆକ୍ସନ ଏଡ଼ର ବାଲ୍ୟ ବିବାହ ନିରାକରଣ ଜିଲ୍ଲା ସଂଯୋଜକ ଉତ୍କଳ ମାଇତି, ବିଶ୍ୱ ଜୀବନ ସେବା ସଂଘ, ଭୈରବୀ କ୍ଲବ କର୍ମକର୍ତ୍ତାମାନେ ଯୋଗଦେଇ ମହିଳା ନେତ୍ରୀମାନଙ୍କୁ ଉତ୍ସାହିତ କରିଥିଲେ।

ଖୋର୍ଦ୍ଧା: ଶୁକ୍ରବାର ଅପରାହ୍ନ ୪ ଘଣ୍ଟାରେ ଖୋର୍ଦ୍ଧା ଜିଲ୍ଲାପାଳଙ୍କ ଅଧ୍ୟକ୍ଷତ।ରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଭାରତ ସରକାରଙ୍କ ରାଷ୍ଟ୍ରୀୟ ଅନୁସୂଚିତ ଜାତି ଆୟୋଗ କୋଲକାତା ଲଭ କୁଶ କୁମାରଙ୍କ ଖୋର୍ଦ୍ଧା ଜିଲ୍ଲାର ଅନୁସୂଚିତ ଜାତି ସମ୍ବନ୍ଧୀୟ ଯୋଜନା ଗୁଡିକର ସମୀକ୍ଷା କରିଥିଲେ। ଏହି ବୈଠକରେ ଶରତ କୁମାର ଗର୍ଗ, ପ୍ରାଇଭେଟ ସେକ୍ରେଟାରୀ, ଷ୍ଟେଟ ଗେଷ୍ଟ/ ସୋନାଲୀ ଦତ୍ତ, ଡିରେକ୍ଟର, ଅନୁସୂଚିତ ଜାତି ଆୟୋଗ ଉପସ୍ଥିତ ଥିଲେ।

ସମୀକ୍ଷାରେ ଉଭୟ କେନ୍ଦ୍ରୀୟ ଓ ରାଜ୍ୟ ସରକାରଙ୍କ ବିଭିନ୍ନ ଯୋଜନାରେ  ଅନୁସୂଚିତ ଜାତି ଅନ୍ତର୍ଗତ  ହିତାଧିକାରୀ ମାନଙ୍କର  ଟିକିନିଖ ଆଲୋଚନା  କରଯାଇଥିଲା। ଏହି ଯୋଜନା ଗୁଡିକ ହେଉଛି ପ୍ରଧାନ ମନ୍ତ୍ରୀ ଆବାସ ଯୋଜନା, ଗ୍ରାମୀଣ ସ୍ବାସ୍ଥ୍ୟ ମିଶନ, ମୁଦ୍ରା ଯୋଜନା, RWSS ଙ୍କର ନଳକୂପ ଖନନ, ଛାତ୍ରବ।ସରେ ରହୁଥିବା ଛାତ୍ରୀ ଛାତ୍ର ମାନଙ୍କ ବିଭିନ୍ନ ବ୍ୟବସ୍ଥା, ପ୍ରାକ ଏବଂ ପରବର୍ତ୍ତୀ ମାଟ୍ରିକ ଛାତ୍ର ବୃତ୍ତି, କୃଷି ଜମା ପଟ୍ଟା ପ୍ରଦାନ, ଉଜ୍ଜଳା ଯୋଜନାର ହିତାଧିକାରୀ, ବିଭିନ୍ନ ଯୋଜନାରେ କେନ୍ଦ୍ରୀୟ ଓ ରାଜ୍ୟ ସରକାରଙ୍କର ଅନୁଦାନ ଉପରେ ଆଲୋଚନା କରଯାଇଥିଲା।

ଖୋର୍ଦ୍ଧା SP ଏବଂ ଭୂବନେଶ୍ବର DCPଙ୍କ ଅନ୍ତର୍ଗତ କ୍ରାଇମର  ବିଭିନ୍ନ ତଥ୍ୟ ଯଥା ମର୍ଡର, ରେଫ, ଆରର୍ସନ ଇତ୍ୟାଦି, ଆନ୍ତଃଜାତି ବିବାହକୁ ଆର୍ଥିକ ପ୍ରୋତ୍ସାହନ, atrocity ବାବଦରେ victimମାନଙ୍କୁ ତାଙ୍କର ସମୟ ସୀମା ମଧ୍ୟରେ ଉଚିତ ଆର୍ଥିକ ସହାୟତା ପ୍ରଦାନ କରାଯିବା ସହିତ  ସଠିକ ପଦକ୍ଷେପ ଗ୍ରହଣ କରିବାକୁ ଖୋର୍ଦ୍ଧା SP , ଭୂବନେଶ୍ବର DCP ଏବଂ DWO ଖୋର୍ଦ୍ଧାଙ୍କୁ ନିର୍ଦ୍ଦେଶ ଦିଆଯାଇଥିଲା।

ଏହି ବୈଠକରେ ଖୋରଧାର ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା ଏବଂ ସାଫଲ୍ୟମଣ୍ଡିତ ପ୍ରଧାନ, ଅତିରିକ୍ତ ଆରକ୍ଷୀ ଅଧିକ୍ଷକ ସୁରେନ୍ଦ୍ର ନାଥ ମୁର୍ମୁ, ଖୋରଧା ଉପଜିଲ୍ଲାପାଳ ଦୀପ୍ତିରଞ୍ଜନ ସେଠୀ, ଅତିରିକ୍ତ ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ କସ୍ତୂରିବାଳା  ଜେନା, ସି ଡି ଏମ ଓ , ଖୋର୍ଦ୍ଧା /ଜିଲ୍ଲା ମଙ୍ଗଳ ଅଧିକାରୀ ଏବଂ ବିଭିନ୍ନ ବିଭାଗୀୟ ଅଧିକାରୀ ପ୍ରମୁଖ ଯୋଗ ଦେଇଥିଲେ। ଶେଷରେ ଧନ୍ୟବାଦ ଦିଆଯାଇ ବୈଠକ ସାଙ୍ଗ କରଯାଇଥିଲା।

ବାଣପୁର: ସଜେଇ ହେଉଛି ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳର ପୁରାତନ ଶିକ୍ଷାନୁଷ୍ଠାନ ଗୋଦାବରୀଶ ମହାବିଦ୍ୟାଳୟ। ଦୀର୍ଘ ୧୮ ବର୍ଷ ପରେ ମହାବିଦ୍ୟାଳୟ ପରିଦର୍ଶନକୁ ଆସିବ ‘ନାକ’ ଟିମ। ଚଳିତ ୧୨ ଏବଂ ୧୩ ତାରିଖରେ ଦୁଇ ଦିନଆ ଗସ୍ତରେ ଆସି ମହାବିଦ୍ୟାଳୟର ଭିତ୍ତିଭୂମି, ଶିକ୍ଷାର ଗୁଣବତ୍ତା, ପ୍ରଶାସନିକ ବ୍ୟବସ୍ଥା ଓ ଛାତ୍ରଛାତ୍ରୀଙ୍କ ଶିକ୍ଷା ନିମନ୍ତେ ଉପଲବ୍ଧ ଥିବା ବିଭିନ୍ନ ସୁବିଧା ଗୁଡିକ ପରଖିବ ଏହି ଟିମ। ସେମାନଙ୍କ ରିପୋର୍ଟ ଆଧାରରେ ମହାବିଦ୍ୟାଳୟକୁ ମିଳିବ ନାକ୍‌ ଗ୍ରେଡ୍।

ତେବେ ନାକ୍‌ ଟିମ୍ ଗସ୍ତକୁ ଦୃଷ୍ଟିରେ ରଖି ମହାବିଦ୍ୟାଳୟରେ ପ୍ରସ୍ତୁତି ଜୋରଦାର ଚାଲିଛି। ଏଥିପାଇଁ ସ୍ବତନ୍ତ୍ର କମିଟି ଗଠନ କରାଯାଇ ଦାୟିତ୍ବ ଦିଆଯାଇଛି। ବିଶେଷକରି ଚଳିତ ବର୍ଷ ଯୁଦ୍ଧକାଳୀନ ଭିତ୍ତିରେ ନୂତନ ଭାବେ ଗଠିତ ମହାବିଦ୍ୟାଳୟର ପୁରାତନ ଛାତ୍ର ସଂଘକୁ ପଞ୍ଜିକୃତ କରାଯାଇଛି।

ଉକ୍ତ ସଂଘର ସଭାପତି ଜିତେନ୍ଦ୍ର ଭୋଳ, ଉପ ସଭାପତି ଅମରେନ୍ଦ୍ର ରଣସିଂହ, ମହାବିଦ୍ୟାଳୟ ଅଧ୍ୟକ୍ଷ ପ୍ରଫେସର ବିନାୟକ ହୋତା, ନାକ ଟିମ କୋଡ଼ିନେଟର ଡ଼ ସୁର ପ୍ରସାଦ ନରେନ୍ଦ୍ର ସିଂ ବର୍ମା, ମୁଖ୍ୟ କିରାଣୀ ଦୁର୍ଯ୍ୟୋଧନ ସାହୁଙ୍କ ସମେତ ମହାବିଦ୍ୟାଳୟର ସମସ୍ତ କର୍ମକର୍ତ୍ତା ମାନେ ନାକ ଟିମ ଗସ୍ତକୁ ଦୃଷ୍ଟିରେ ରଖି ମହାବିଦ୍ୟାଳୟକୁ କିପରି ଉନ୍ନତ ଗ୍ରେଡ୍ ମିଳିବ ସେ ଦିଗରେ ଅହରହ କାର୍ଯ୍ୟ ଜାରି ରଖିଛନ୍ତି।

ତେବେ ଗୋଦାବରୀଶ ମହାବିଦ୍ୟାଳୟକୁ ଉନ୍ନତମାନର ନାକ ଗ୍ରେଡ଼ ମିଳିବାପାଇଁ ମହାବିଦ୍ୟାଳୟ କର୍ତ୍ତୃପକ୍ଷଙ୍କୁ ସମସ୍ତ ସହଯୋଗ ଜାରି ରଖିଛନ୍ତି ଆଇନ ମନ୍ତ୍ରୀ ତଥା ସ୍ଥାନୀୟ ବିଧାୟକ ପୃଥ୍ୱୀରାଜ ହରିଚନ୍ଦନ। ଏଥିନିମନ୍ତେ ମାନ୍ୟବର ମନ୍ତ୍ରୀଙ୍କୁ ମହାବିଦ୍ୟାଳୟ କର୍ମକର୍ତ୍ତା ଓ ପୁରାତନ ଛାତ୍ର ସଂଘ କୃତଜ୍ଞତା ଜଣାଇଛନ୍ତି।

ସୂଚନାଯୋଗ୍ୟ, ୧୯୬୩ ମସିହାରେ ସ୍ଥାପିତ ଉକ୍ତ ମହାବିଦ୍ୟାଳୟ ରାଜ୍ୟର ଏକ ପ୍ରମୁଖ ମହାବିଦ୍ୟାଳୟ ହୋଇଥିବାବେଳେ ଏଠାରେ ବର୍ତ୍ତମାନ ପାଖାପାଖି ୨ହଜାର ୬୦୦ ବିଦ୍ୟାର୍ଥୀ ଅଧ୍ୟୟନ କରୁଛନ୍ତି। ତେବେ ଶେଷଥର ପାଇଁ ୨୦୦୬ ମସିହାରେ ଉକ୍ତ ମହାବିଦ୍ୟାଳୟକୁ ନାକ ଟିମ ପରିଦର୍ଶନରେ ଆସି ଏହାକୁ ‘ବି’ ଗ୍ରେଡ଼ ପ୍ରଦାନ କରିଥିଲେ।

ଖୋର୍ଦ୍ଧା: ଆଜି ଖୋର୍ଦ୍ଧା ବିଜେପିର ସଂଗଠନ ପର୍ବ ଓ ଜିଲ୍ଲା କର୍ମଶାଳା ଜୟୀ ରାଜଗୁରୁ ଟାଉନ ହଲ ଠାରେ ଅନୁଷ୍ଠିତ ହୋଇଯାଇଛି। ବିଜେପି ଜିଲ୍ଲା ସଭାପତି ରଶ୍ମିରଞ୍ଜନ ମହାପାତ୍ରଙ୍କ ଅଧ୍ୟକ୍ଷତାରେ ଅତିଥି ରୂପେ ଉକ୍ତ କର୍ମଶାଳାରେ ପୂର୍ତ୍ତ, ଅବକାରୀ ଓ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ, ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ, ରାଜ୍ୟ ଉପ ନିର୍ବାଚନ ଅଧିକାରୀ ସୁକେଶି ଓରାମ, ବିଜେପି ଖୋର୍ଦ୍ଧା ଜିଲ୍ଲା ନିର୍ବାଚନ ଅଧିକାରୀ ତଥା ପୂର୍ବତନ ମନ୍ତ୍ରୀ ସମୀର ଦାସ, ରାଜ୍ୟ ସଂଗଠକ ଗୋଲଖ ବିହାରୀ ମହାପାତ୍ର, ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦ୍ଦେବ, ଭାଜପା ମୁଖପାତ୍ର ସୁଦୀପ୍ତ ରାୟ, ଜଟଣୀ ବିଧାୟକ ପ୍ରାର୍ଥୀ ବିଶ୍ୱରଞ୍ଜନ ବଡ଼ଜେନା, ବେଗୁନିଆ ବିଧାୟକ ପ୍ରାର୍ଥୀ ପ୍ରକାଶ ରଣବିଜୁଳି, ଜୟଦେବ ବିଧାୟକ ପ୍ରାର୍ଥୀ ଅରବିନ୍ଦ ଢ଼ାଲି, ଜିଲ୍ଲା ସାଧାରଣ ସମ୍ପାଦକ ଦୁଷ୍ମନ୍ତ ହରିଚନ୍ଦନ ପ୍ରମୁଖ ଯୋଗ ଦେଇଥିଲା ବେଳେ ଜିଲ୍ଲାରେ ଦଳକୁ କିଭଳି ମଜବୁତ କରାଯିବ, ଦଳରେ ସକ୍ରିୟ ସଭ୍ୟ ଗ୍ରହଣ ଏବଂ ଯେଉଁମାନେ ବିଜେପି ରେ ସାମିଲ ହେବାକୁ ଚାହୁଁଛନ୍ତି ସେମାନଙ୍କୁ ସମ୍ମାନର ସହିତ ଦଳକୁ ସ୍ୱାଗତ କରାଯିବ ତାହା ଉପରେ ଆଲୋଚନା ହୋଇଥିଲା।

ଉକ୍ତ କର୍ମଶାଳାରେ ଜିଲ୍ଲାର ୫୦୦ ରୁ ଉର୍ଦ୍ଧ୍ବ ସକ୍ରିୟ କର୍ମୀ ଯୋଗ ଦେଇଥିବାବେଳେ ନିଜ ନିଜ ଅଞ୍ଚଳର ବିଭିନ୍ନ ସମସ୍ୟା ଏବଂ ତାହାର ସମାଧାନ ଉପରେ ଦଳର ନେତୃତ୍ୱ ଙ୍କୁ କହିଥିଲେ।

ଖୋର୍ଦ୍ଧା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷକ ମାନଙ୍କୁ ୧୮ ତମ ପ୍ରଧାନମନ୍ତ୍ରୀ କିଷାନ ନିଧି ସମ୍ମାନ (ପିଏମ କିଷାନ) ସହାୟତା ଅର୍ଥ ସିଧାସଳଖ ପ୍ରଦାନ କରିଥିଲା ବେଳେ ଏ ନେଇ ଭାରତ ବର୍ଷର ସମସ୍ତ ଚାଷୀ ମାନଙ୍କୁ ସମ୍ବୋଧିତ କରି ଏହି ସହାୟତା ରାଶିର ସଦବିନିଯୋଗ କରିବାକୁ କହିଛନ୍ତି। ଏହି ଅବସରେ ଖୋର୍ଦ୍ଧା ଜିଲ୍ଲାପାଳଙ୍କ ସଭାଗୃହରେ ଜିଲ୍ଲାର ୧୦୦ ରୁ ଉର୍ଦ୍ଧ୍ବ ଚାଷୀଙ୍କୁ ନେଇ ଜିଲ୍ଲା ସ୍ତରୀୟ କିଷାନ ସମ୍ମାନ ସହାୟତା ଉତ୍ସବ ଆୟୋଜନ ହୋଇଥିଲା ବେଳେ ଚାଷୀମାନେ ଲାଇଭ ଟେଲିକାଷ୍ଟ ମାଧ୍ୟମରେ ପ୍ରଧାନମନ୍ତ୍ରୀଙ୍କ ସୁବାର୍ତ୍ତା ଗ୍ରହଣ କରିଥିଲେ।

ତେବେ ଜିଲ୍ଲା ମୁଖ୍ୟ କୃଷି ଅଧିକାରୀ ରବିନାରାୟଣ ସେନାପତିଙ୍କ ସୂଚନା ଅନୁସାରେ ଚଳିତ ୧୮ ତମ କିସ୍ତିରେ ଜିଲ୍ଲାରେ ମୋଟ ୬୭ ହଜାର ୫୦୨ ଜଣ କୃଷକ ପିଏମ କିଷାନ ସହାୟତା ପାଇଥିବା ବେଳେ ଜିଲ୍ଲାରେ ୯୩ ହଜାରରୁ ପଞ୍ଜିକରଣ କରିଥିଲେ। ତେବେ ଗତ ୧୭ ତମ କିସ୍ତି ବେଳେ ଖୋର୍ଦ୍ଧା ଜିଲ୍ଲାରେ ୬୨ ହଜାର ଜଣ କୃଷକ ପିଏମ କିଶନ ସହାୟତା ପାଇଥିଲା ବେଳେ ଚଳିତ ଥର ୫ ହଜାର ଜଣ କୃଷକ ଅଧିକ ଏହି ସହାୟତା ରାଶି ପାଇଛନ୍ତି।

ତେବେ ଜିଲ୍ଲାର ସମସ୍ତ ଯୋଗ୍ୟ ହିତାଧିକାରୀ EKYC କରିବା ବ୍ୟାଙ୍କ ଆକାଉଣ୍ଟରେ ଆଧାର ଲିଙ୍କ, ମୋବାଇଲ ଲିଙ୍କ ଓ ବ୍ୟାଙ୍କରେ NPCL ଲିଙ୍କ କରି ସଠିକ ରୂପେ ଆବେଦନ କରିବାକୁ ଜିଲ୍ଲା କୃଷି ଅଧିକାରୀ ରବିନାରାୟଣ ସେନାପତି ପ୍ରକାଶ କରିଛନ୍ତି।

ଏହି ଟେଲିକାଷ୍ଟ ଉତ୍ସବ ପାଳନ ଅବସରେ ଖୋର୍ଦ୍ଧା ଜିଲ୍ଲାର ବିଭିନ୍ନ ବ୍ଲକର ଚାଷୀମାନେ ଉପସ୍ଥିତ ଥିଲା ବେଳେ କୃଷି ଜ଼ିଲ୍ଲା ଅଧିକାରୀ, ଖୋର୍ଦ୍ଧା ପ୍ରଦୀପ୍ତ କୁମାର ପଣ୍ଡା,ସହକାରୀ କୃଷି ନିର୍ଦେଶକ,ବିଭୁଦତ୍ତ ସାହୁ, ସହକାରୀ କୃଷି ଅଧିକାରୀ ମଧୁସ୍ମିତା ଶତପଥୀ,ପଲ୍ଲବୀ ସାହୁ,ତୁଷାରକାନ୍ତ ସାହୁ, ବବିତା ସା, ବରସାହି ସରପଞ୍ଚ ଶରତ କୁମାର ବେହେରା ପ୍ରମୁଖ ଙ୍କ ସହିତ କୃଷି ବିଭାଗର ଷ୍ଟାଫଉପସ୍ଥିତ ରହି ସହଯୋଗ କରିଥିଲେ।

ସେହିପରି ଜିଲ୍ଲାର ସମସ୍ତ ବ୍ଲକ ରେ ଏହି ଉତ୍ସବ ପାଳନ ହୋଇଥିଲା ବେଳେ ସ୍ଥାନୀୟ କୃଷି ଅଧିକାରୀ, ଗ୍ରାମ୍ୟ କୃଷି କର୍ମୀ ଓ ସ୍ଥାନୀୟ ଚାଷୀ ମାନେ ଉପସ୍ଥିତ ଥିଲେ।

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାରେ ନୂତନ ଏସପି ଭାବେ ଆଇପିଏସ ସାଗରିକା ନାଥ କାର୍ଯ୍ୟରେ ଯୋଗଦେଇଛନ୍ତି। ସେ ଓଡିଶା ପୋଲିସର ଜଣେ ଦକ୍ଷ ଅଧିକାରୀଣି ତଥା ‘ଲେଡି ସିଂଘମ’ ଭାବେ ପରିଚିତ। ତେବେ ଖୋର୍ଦ୍ଧା ଜିଲ୍ଲାରେ ଆଇନ ଶୃଙ୍ଖଳା ପରିସ୍ଥିତିକୁ ସୁଧାରିବା ସହ ବ୍ରାଉନ ସୁଗାର କାରବାରକୁ ସମ୍ପୂର୍ଣ୍ଣ ବନ୍ଦ କରିବା ତାଙ୍କର ପ୍ରାଥମିକତା ରହିବ ବୋଲି ଗଣମାଧ୍ୟମକୁ କହିଛନ୍ତି ନୂତନ ଏସପି। ବ୍ରାଉନସୁଗାର ହବ ଭାବେ ପରିଚିତ ଖୋର୍ଦ୍ଧା ଜିଲ୍ଲାରୁ ଏହାକୁ ସମ୍ପୂର୍ଣ୍ଣ ବନ୍ଦ କରିବା ପାଇଁ ଖୁବ ଶୀଘ୍ର ଆଣ୍ଟି ନାରକୋଟୀକ୍ସ ଟାକ୍ସ ଫୋର୍ସ ଗଠନ ହେବ ବୋଲି କହିଛନ୍ତି ଏସପି।

ତତସହିତ ଚଳିତ ପାର୍ବଣ ଋତୁକୁ ସୁରୁଖୁରୁରେ ପରିଚାଳନା କରିବା ପାଇଁ ଜିଲ୍ଲାରେ ଛୋଟ ଛୋଟ ଶାନ୍ତି କମିଟିର ସମସ୍ତ ଥାନା ଅଞ୍ଚଳରେ ହ୍ୱାଟ୍ସଅପ ଗ୍ରୁପ ତିଆରି ହୋଇଥିବା ଏସପି କହିଛନ୍ତି। ଖୋର୍ଦ୍ଧାରେ ଟ୍ରାଫିକ ସମସ୍ୟା ଦୂର କରିବା, ଜବରଦଖଲ ମୁକ୍ତ କରିବା ଦିଗରେ ସେ କାମ କରିବେ।

ପୋଲିସ ଓ ଜନସାଧାରଣଙ୍କ ମଧ୍ୟରେ ଉତ୍ତମ ସମ୍ପର୍କ ରକ୍ଷା କରି ଜିଲ୍ଲାରେ ବିଭିନ୍ନ ଗଠନମୂଳକ କାମ ଜାରି ରହିବ ବୋଲି କହିଛନ୍ତି ନୂତନ ଏସପି। ତେବେ ସାଗରିକା ନାଥ ଜଣେ ଦକ୍ଷ ପୋଲିସ ଅଧିକାରୀଣି ହୋଇଥିବାରୁ ଖୋର୍ଦ୍ଧା ଜିଲ୍ଲାବାସୀ ତାଙ୍କ ଠାରୁ ବହୁତ କିଛି ଆଶା ରଖିଛନ୍ତି।

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଜିଲ୍ଲାପାଳ ଚଞ୍ଚଳ ରାଣାଙ୍କ ସଭାପତିତ୍ୱରେ ଜିଲ୍ଲା ନିଷ୍ଠୁରତା ନିରୋଧ ସମିତିର (SPCA ) ର ବାର୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି। ଏହି ସଭାରେ ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା, ଅତିରିକ୍ତ ଜିଲ୍ଲା ଆରକ୍ଷୀ ଅଧିକାରୀ ସୁରେନ୍ଦ୍ର ନାଥ ମୁର୍ମୁ ଏଵଂ ଖୋର୍ଦ୍ଧା, ବାଣପୁର, ବାଲୁଗାଁ ଓ ଜଟଣୀ ପୌରାଞ୍ଚଳର ନିର୍ବାହୀ ଅଧିକାରୀ ଏବଂ DIPRO , ଖୋର୍ଦ୍ଧା ଯୋଗ ଦେଇଥିଲେ। ଜିଲ୍ଲାର ବିଭିନ୍ନ ପ୍ରାଣୀମଙ୍ଗଳ ଅନୁଷ୍ଠାନର ପ୍ରତିନିଧି SPCA ସଦସ୍ୟଗଣ ଓ ଜିଲ୍ଲାରେ ଥିବା ବିଭିନ୍ନ ଗୋଶାଳାର ପ୍ରତିନିଧି ମାନେ ଯୋଗ ଦେଇଥିଲେ।

ଜିଲ୍ଲା ମୁଖ୍ୟ ପ୍ରାଣିଚିକିତ୍ସା ଅଧିକାରୀ ତଥା ଜିଲ୍ଲା SPCA ସମ୍ପାଦକ ଡ଼. ଦେବୀଦତ୍ତ ମାଝି ପ୍ରାରମ୍ଭରେ ସଭାର ଆଭିମୁଖ୍ୟ ବିଷୟରେ ଆଲୋକପାତ କରିଥିଲେ। ଅତିରିକ୍ତ ଜିଲା ପ୍ରାଣିଚିକିତ୍ସା ଅଧିକାରୀ ଡ଼. ସଞ୍ଜିବନୀ ପଟେଲ ଜିଲ୍ଲା ପ୍ରାଣୀ ମଙ୍ଗଳ ସମିତି ଆନୁକୂଲ୍ୟରେ ଚାଲିଥିବା ବିଭିନ୍ନ ସରକାରୀ ଯୋଜନା ବିଷୟରେ ବିସ୍ତୃତ ବିବରଣୀ ପ୍ରଦାନ କରିଥିଲେ। ଜିଲ୍ଲାରେ ପ୍ରତ୍ୟେକ ଗ୍ରାମପଞ୍ଚାୟତରେ ବୁଲା ଗାଈଗୋରୁ ଓ ଦୁର୍ଘଟଣାରେ ସମ୍ମୁଖୀନ ହୋଇଥିବା ଗାଈଗୋରୁଙ୍କ ଆଶ୍ରୟ ପାଇଁ ଗୋଶାଳା ମାନ ପ୍ରତିଷ୍ଠା ହେବା ଦିଗରେ ବିସ୍ତୃତ ଆଲୋଚନା ହୋଇଥିଲା। ଭୁବନେଶ୍ୱର ମହାନଗର ନିଗମ ଅନ୍ତର୍ଭୁକ୍ତ “ବୁଲା କୁକୁର ବନ୍ଧ୍ୟାକରଣ” (Animal Birth Control) କାର୍ଯ୍ୟକ୍ରମ ସ୍ଥଗିତ ରହିଥିବା ଯୋଗୁଁ ବୁଲା କୁକୁରଙ୍କ ସଂଖ୍ୟା ବଢିଯିବା ନେଇ ସଦସ୍ୟ ମାନେ ଚିନ୍ତା ପ୍ରକଟ କରିଥିଲେ। ଜିଲ୍ଲାପାଳ ଡେପୁଟି କମିଶନର ଭୁବନେଶ୍ୱର ମହାନଗର ନିଗମକୁ ଆବଶ୍ୟକୀୟ ପଦକ୍ଷେପ ନେବାପାଇଁ ନିର୍ଦ୍ଦେଶ ଦେଇଥିଲେ।

ବୈଠକର ବିଭିନ୍ନ ସଦସ୍ୟଙ୍କ ମତାମତ ଗ୍ରହଣ କରାଯାଇ ତାର ଉପଯୁକ୍ତ ସମାଧାନ ପାଇଁ ଜିଲ୍ଲାପାଳ ଆଶ୍ୱାସନା ଦେଇଥିଲେ।

ଖୋର୍ଦ୍ଧା ଜିଲ୍ଲା ଜିଲ୍ଲାପାଳ ଜୀବେ ନିଷ୍ଟୁରତା ନିରୋଧ ସମିତିର ସମସ୍ତ ସଦସ୍ୟ ମାନଙ୍କୁ ବିଭିନ୍ନ ଜୀବେ କଲ୍ୟାଣ କାର୍ଯ୍ୟକ୍ରମକୁ ଜିଲ୍ଲାରେ ତ୍ଵରାନିତ କରିବା ପାଇଁ ଅନୁରୋଧ କରିଥିଲେ।

ଭୁବନେଶ୍ୱର:  କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଅଧୀନ କେନ୍ଦ୍ରୀୟ ସଂଚାର ବ୍ୟୁରୋ, ଭୁବନେଶ୍ବର ପକ୍ଷରୁ ଖୋର୍ଦ୍ଧା ଜିଲ୍ଲାର ବୋଲଗଡଠାରେ ବିଭାଜନ ବିଭିଷୀକା ସ୍ମୃତି ଦିବସ ପାଳିତ ହୋଇଯାଇଛି। ବାଚସ୍ପତି ସୁରମା ପାଢୀ କାର୍ଯ୍ୟକ୍ରମକୁ ଉଦଘାଟନ କରି ଦେଶ ବିଭାଜନରେ କଷ୍ଟଯନ୍ତ୍ରଣା ସହିଥିବା ଅଗଣିତ ଲୋକଙ୍କ ବଳିଦାନକୁ ମନେ ପକାଇଥିଲେ । ବାଚସ୍ପତି କହିଥିଲେ, ଭବିଷ୍ୟତରେ ଆଗକୁ ବଢ଼ିବାକୁ ହେଲେ ଅତୀତର ଦୁଃଖଦାୟକ ଓ ପ୍ରେରଣାଦାୟୀ ସ୍ମୃତିକୁ ସାଥୀରେ ନେଇ ଚାଲିବାକୁ ହେବ। ଆଜିର ଯୁବପିଢ଼ି ଅଖଣ୍ଡ ଭାରତର ବିଭାଜନ କାହାଣୀକୁ ମନେ ପକାଇ ଆଗକୁ ବଢ଼ିବ। ବିଭାଜନ ପାଇଁ କେଉଁମାନେ ଦାୟୀ ତାହା ବର୍ତ୍ତମାନର ପିଢ଼ି ଜାଣିବା ଆବଶ୍ୟକ ବୋଲି ଶ୍ରୀମତୀ ପାଢ଼ୀ କହିଥିଲେ।

ଅନ୍ୟ ଅତିଥିମାନେ ଦେଶ ବିଭାଜନ ସମୟରେ ପ୍ରାଣ ହରାଇଥିବା ଲୋକମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। କାର୍ଯ୍ୟକ୍ରମ ଅବସରରେ ତ୍ରିରଙ୍ଗା ପଦଯାତ୍ରା ଆୟୋଜନ କରାଯାଇଥିଲା। ଏଥିରେ ବହୁସଂଖ୍ୟାରେ ସ୍ଥାନୀୟ ଜନସାଧାରଣ ଓ ସ୍କୁଲ କଲେଜର ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ଏକ ବିଶାଳ ତ୍ରିରଙ୍ଗା ପତାକା ଧରି ସ୍ଥାନୀୟ ଜନସାଧାରଣ ଦେଶପ୍ରେମର ବାର୍ତ୍ତା ଦେଇଥିଲେ ଏବଂ ‘ହର ଘର ତ୍ରିରଙ୍ଗା’ ଅଭିଯାନରେ ସାମିଲ ହେବାକୁ ପ୍ରେରିତ କରିଥିଲେ । କାର୍ଯ୍ୟକ୍ରମରେ କେନ୍ଦ୍ରୀୟ ସଂଚାର ବ୍ୟୁରୋର ନିର୍ଦ୍ଦେଶକ ଡକ୍ଚର ଗିରିଶ ଚନ୍ଦ୍ର ଦାସ, କ୍ଷେତ୍ର ପ୍ରଚାର ଅଧିକାରୀ ମହେନ୍ଦ୍ର ପ୍ରସାଦ ଜେନାଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତିମାନେ ସାମିଲ ହୋଇଥିଲେ।

ଖୋର୍ଦ୍ଧା: ଆଜି ପୂର୍ବାହ୍ନ ୧୦:୩୦ ମିନିଟ ସମୟରେ ମାନ୍ୟବର ଆଇନ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନଙ୍କ ଅଧ୍ୟକ୍ଷତାରେ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ପୋଷଣ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଭୁବନେଶ୍ବରର ଏକାମ୍ର ବିଧାୟକ ବାବୁ ସିଂ, ଜଟଣୀ ବିଧାୟକ ବିଭୁତି ଭୂଷଣ ବଲବନ୍ତରାୟ, ଜୟଦେବ ବିଧାୟକ ନବ କିଶୋର ମଲ୍ଲିକ, ବେଗୁନିଆ ବିଧାୟକ ପ୍ରଦୀପ କୁମାର ସାହୁ, ଜିଲ୍ଲା ପରିଷଦ ଅଧ୍ୟକ୍ଷା ରୁପଶ୍ରୀ ରାଣୀ ଗୁମାନସିଂହ ପ୍ରମୁଖ ଅତିଥିମାନେ ଯୋଗ ଦେଇଥିଲେ। ଜିଲ୍ଲାପାଳ ଚଞ୍ଚଳ ରାଣା ସଭାପତିତ୍ବ କରିଥିବା ବେଳେ ବୈଠକରେ ସ୍ବାଗତ ଭାଷଣ ରଖିଥିଲେ କୁସୁମ କୁମାରୀ ପ୍ରହରାଜ।

ଏହି ବୈଠକର ମୁଖ୍ୟ ଉଦ୍ଦେଶ୍ୟ ହେଉଛି ‘କୁପୋଷଣ (ପୁଷ୍ଟି ହୀନତା )ମୁକ୍ତ ଭାରତ’ ଗଠନ। ଏହି କାର୍ଯ୍ୟକ୍ରମ ପ୍ରଧାନମନ୍ତ୍ରୀଙ୍କର ଗୁରୁତ୍ଵପୂର୍ଣ୍ଣ ସାମଗ୍ରୀକ ପୋଷଣ କାର୍ଯ୍ୟକ୍ରମ। ପିଲା ମାନଙ୍କର ଉଚ୍ଚତା ଏବଂ ଓଜନ ମାଧ୍ୟମରେ ପୁଷ୍ଟି ହୀନତା ବିଷୟରେ ଜଣାଯିବା।

ଆଜି ବୈଠକରେ ଉପସ୍ଥିତ ଥିବା ସମସ୍ତ ସଦସ୍ୟ ସେମାନଙ୍କର ଅଭିବ୍ୟକ୍ତି ରଖିଥିଲେ। ଜିଲ୍ଲାପାଳ ତାଙ୍କ ବକ୍ତବ୍ୟରେ କହିଥିଲେ ଶିଶୁ ହେଉଛନ୍ତି ଦେଶର ଭବିଷ୍ୟତ। ଅଙ୍ଗନବାଡି କର୍ମୀ, ଆଶା କର୍ମୀ ମା’ ମାନେ ନିଷ୍ଠାପର ଭାବେ ପୁଷ୍ଟି ହିନ ଶିଶୁଙ୍କୁ ଚିହ୍ନଟକରଣ କରିବାରେ ଉଦ୍ୟମ କରିବା ଏବଂ ଖୋର୍ଦ୍ଧା ଜିଲ୍ଲାରେ ଶୂନ୍ୟ ପୁଷ୍ଟି ହିନ ପାଇଁ ତତ୍ପର ରହିବାକୁ ସମସ୍ତଙ୍କୁ ଆହ୍ୱାନ କରିଥିଲେ।

ମାନ୍ୟବର ମନ୍ତ୍ରୀ ତାଙ୍କ ଅଭିବ୍ୟକ୍ତିରେ କହିଥିଲେ ଯେ, ମାନ୍ୟବର ପ୍ରଧାନମନ୍ତ୍ରୀଙ୍କର ଏହା ଏକ ଗୁରୁତ୍ବ ଦିଆ ଯାଇଥିବା ଜାତୀୟ ପୁଷ୍ଟି ହୀନତାର ପୋଷଣ କାର୍ଯ୍ୟକ୍ରମ। ପୁଷ୍ଟିହିନ ଶିଶୁଙ୍କୁ ସକ୍ଷମ କରିବା ଏହି ଯୋଜନାର ଏକ ବିରାଟ ବଡ ଲକ୍ଷ ଏବଂ ଦେଶରେ ଆଗାମୀ ଭବିଷ୍ୟତ ସକ୍ଷମ ଭାରତ ବର୍ଷ ସକ୍ଷମ ଶିଶୁ ଏବଂ ସକ୍ଷମ କିଶୋର ମାନଙ୍କର ଆବଶ୍ୟକ‌ତା ରହିଛି। ସେ ଉଦାହରଣ ଦେଇ ପୁଷ୍ଟି ହୀନତାର ଶିକାର ହୋଇଥିବା ‘ନଗଡା’ ଭଳି ଦୁଃଖଦାୟକ ଘଟଣା ବର୍ଣ୍ଣନା କରି ଦୁଃଖ ପ୍ରକାଶ କରିଥିଲେ। ସେ କହିଥିଲେ କେହି ଜାଣି ଶୁଣି ଅପପୁଷ୍ଟିର ଶିକାର ହୋଇନଥାନ୍ତି, ମୁଖ୍ୟତଃ ଦାରିଦ୍ର୍ୟ ଯୋଗୁଁ ଶିଶୁମାନେ ଅପ‌ପୁଷ୍ଟିର ଶିକାର ହୋଇଥାନ୍ତି। ତେଣୁ ସେମାନଙ୍କୁ ସହାୟତାର ହାତ ବଢାଇ ଦାରିଦ୍ର୍ୟ ଦୂରୀକରଣ କରା ଯାଇପାରିବ। ଉଚ୍ଚତା ଏବଂ ଓଜନ ଏହି ଦୁଇଟି ବଡ ଟାର୍ଗେଟ ପୋଷଣ ଟ୍ରାକର। ଏକ ଡାଟାବେସ୍ ରେ ପରିବାରର ସଦସ୍ୟମାନଙ୍କର ଙ୍କର ପୁଷ୍ଟି ହୀନତାର ମାତ୍ରା ଚିହ୍ନଟିକରଣ କରାଗଲେ ପୁଷ୍ଟି ହୀନତା ସଂପୂର୍ଣ୍ଣ ଭାବେ ନିରାକରଣ କରାଯାଇପାରିବ।

ଆସନ୍ତା ୨ ବର୍ଷ ଭିତରେ ଆମ ଜିଲ୍ଲାରେ ଗୋଟିଏ ପରିବାର ପୁଷ୍ଟି ହୀନତାର ଶିକାର ନ ହେଉ ଏବଂ ଆମ ଜିଲ୍ଲା ‘ଶୂନ ଅପପୁଷ୍ଟି ‘ଜିଲ୍ଲା ଭାବେ ପରିଚିତ କରିବା ଆମର ଲକ୍ଷ ହେଉ। ସବୁ ପରିବାରଙ୍କୁ ସହାୟତାର ହାତ ବଢାଇ ପାରିଲେ ଏବଂ ସଚେତନିତାର ବାର୍ତ୍ତା ଜାହିର ରଖା ଗଲେ, ମା ମାନେ ସଚେତନ ହେଲେ ପୁଷ୍ଟି ହୀନତା ଦୂର କରା ଯାଇ ପାରିବ।

ଏହା ଛଡା ମାନ୍ୟବର ମନ୍ତ୍ରୀ କହିଲେ, ମା’ ମାନେ ସଚେତନ ହେଲେ ପିଲା ମାନଙ୍କୁ ସଠିକ ଭାବେ ଟୀକାକରଣ କରା ଯାଇପାରିବ ଏବଂ ଏହାଛଡା ଜିଲ୍ଲାରେ ନିୟମିତ ମନିଟରିଂ ଏବଂ ଟ୍ରାକି” ପ୍ରକ୍ରିୟାରେ ଆମ ଅଞ୍ଚଳରେ ସମ୍ପୂର୍ଣ୍ଣ ଅପପୁଷ୍ଟି ଦୂରୀକରଣ କରା ଯାଇପାରିବ। ଉତ୍ତର ପିଢୀଙ୍କୁ ସମାଜ ସହିତ ଯୋଡ଼ା ଯାଇ ପାରିଲେ ଆମ ଜୀବନ ସାର୍ଥକ ହେବ।

ଏହି କାର୍ଯ୍ୟକ୍ରମ ପରିଚାଳନା କରିଥିଲେ ଜିଲ୍ଲା ସମାଜ ମଙ୍ଗଳ କାର୍ଯ୍ୟାଳୟର ସ୍ବାତି ମିଶ୍ର। ଏହା ଛଡା ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ମୁଖ୍ୟ ଉନ୍ନୟନ ତଥା କାର୍ଯ୍ୟନିର୍ବାହୀ ଅଧିକାରୀ ବାଦଲ ମହାନ୍ତି, ରାଜ୍ୟ ସ୍ଥରୀୟ ସମୀକ୍ଷକ ଶୀତାଂଶୁ ସିଂ, ସୌରଭ ଭଟ୍ଟାଚାର୍ଯ୍ୟ, ବିନାୟକ କନ୍ଧପାନ, ଜିଲ୍ଲାର ସମସ୍ତ ଆଇ ସିଡି ଏସ ସୁପର ଭାଇଜର, ସମସ୍ତ ବିଭାଗୀୟ ଅଧିକାରୀ ଉପସ୍ଥିତ ଥିଲେ। ଶେଷରେ ଧନ୍ୟବାଦ ସହକାରେ ସଭା ସାଙ୍ଗ କରା ଯାଇଥିଲା।

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲା, ଜିଲ୍ଲା ଶିକ୍ଷା କାର୍ଯ୍ୟାଳୟର ସମ୍ମିଳନୀ ବୈଠକ ଗୃହ ମଧ୍ୟରେ ସମ୍ପୂର୍ଣ୍ଣ ଜିଲ୍ଲାରେ ଶିକ୍ଷକ ଶିକ୍ଷୟିତ୍ରୀମାନଙ୍କର ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଏହି ଅବସରରେ ଶିକ୍ଷକ ଶିକ୍ଷୟିତ୍ରୀମାନଙ୍କୁ ପୂର୍ଣ୍ଣାଙ୍ଗ ପେନସନ୍ ପ୍ରଦାନ କରାଯାଇଛି।

ଜିଲ୍ଲାରେ ଥିବା ଲବଙ୍ଗିରି ସରକାରୀ ଉଚ୍ଚବିଦ୍ୟାଳୟର ପ୍ରଧାନ ଶିକ୍ଷକ ମୁରଲିଧର ପରିଡା, କ୍ଷେତ୍ରପଲି ସରକାରୀ ଉଚ୍ଚବିଦ୍ୟାଳୟର ଅକ୍ଷୟ କୁମାର ପାତ୍ର, ଗୋପିନାଥ ଦେବ ରସୁଲଗଡ଼ ସ୍କୁଲର ଶିକ୍ଷୟତ୍ରୀ ସବିତା କୁମାରୀ ମହାନ୍ତି, କୁଦିୟାରି ସ୍କୁଲର ଉଷାରାଣୀ ମିଶ୍ର, ଦାରୁଠେଙ୍ଗ ଉଚ୍ଚବିଦ୍ୟାଳୟର ପି. ଇ. ଟି ଭରତ ଚନ୍ଦ୍ର ପରିଡା, ବନମାଳୀପୁର ସ୍କୁଲର ମନୋରମା ବରାଳ, କେ ସି ଜି ସଂସ୍କୃତ ବିଦ୍ୟାପୀଠର ମୀନତି ଦାସ, କ୍ଷେତ୍ରପଲି କୁହ ବିଦ୍ୟାଳୟର ଅମୂଲ୍ୟ କୁମାର ସେନାପତି, କୁହୁଡ଼ି ବାଳିକା ଉଚ୍ଚବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବିଶ୍ୱକଲ୍ୟାଣୀ ପଣ୍ଡା, ଟାଙ୍ଗୀ ସରକାରୀ ବାଳିକା ଉଚ୍ଚବିଦ୍ୟାଳୟର ତିଳୋତ୍ତମା ଦେବୀ ଏବଂ ବାପୁଜୀ ବିଦ୍ୟାପୀଠ ବାରିମୁଣ୍ଡାର କୈଳାସ ଚନ୍ଦ୍ର ସାହୁ ପ୍ରମୁଖ ୧୧ ଜଣ ଶିକ୍ଷକ ଶିକ୍ଷୟିତ୍ରୀ ଏବଂ ଚତୁର୍ଥଶ୍ରେଣୀଙ୍କୁ ଖୋର୍ଦ୍ଧାଜିଲା ଡି.ଇ.ଓ ବିଶ୍ୱନାଥ ତରେଇ ଏବଂ ଏ.ଡି.ଇ.ଓ ସ୍ନିଗ୍ଧାରାଣୀ ମିଶ୍ର ଅବସର କାଳୀନ ସମ୍ବର୍ଦ୍ଧନା ଜଣାଇ ଅବସର ଦିନରେ ସମ୍ପୂର୍ଣ୍ଣ ପେନସନ୍ ପ୍ରଦାନ କହିଛନ୍ତି।

ତେବେ ଆଗରୁ ଏହି ବିଭାଗରେ ସରକାରୀ କର୍ମଚାରୀମାନେ ଅବସର ପରେ ପେନସନ୍ ପାଇବାରେ ଅନେକ ବିଳମ୍ବ ଏବଂ ବିଫଳତାର ସମୂଖୀନ ହେଉଥିବାର ନଜିର ରହିଛି କିନ୍ତୁ ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀ ଶ୍ରୀଯୁକ୍ତ ତରାଇ ଭବିଷ୍ୟତ ରେ ଅବସର ନେବାକୁ ଥିବା ଜିଲା ଶିକ୍ଷାବିଭାଗର କର୍ମଚାରୀମାନଙ୍କର ୪ ମାସ ପୂର୍ବରୁ ଦସ୍ତାବିଜ୍ କାଗଜ ପତ୍ର ସଂଗ୍ରହ କରି କର୍ମଚାରୀ ନେବାକୁଥିବା ଅବସର ଦିବସରେ ସମ୍ପୂର୍ଣ୍ଣ ପେନସନ୍ ଯୋଗାଇ ଦେବାରେ ସଫଳ ହୋଇଛନ୍ତି। ଏହା ଖୋର୍ଦ୍ଧାଜିଲ୍ଲା ରେ ପ୍ରଥମ କରି ଶ୍ରୀଯୁକ୍ତ ତରାଇ ଆରମ୍ଭ କରିଥିବାରୁ ଶିକ୍ଷକ ମହଲରେ ପ୍ରସଂଶା ସାଉଁଟିଛନ୍ତି।