Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଜିଲ୍ଲାରେ ପୂରଣ ହେଲା ସମସ୍ତ ଥାନାଧିକାରୀ ପଦବୀ: ଶୀଘ୍ର କାର୍ଯ୍ୟରେ ଯୋଗଦେବା ପାଇଁ ନିର୍ଦ୍ଦେଶ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ପୋଲିସ ଇନ୍ସପେକ୍ଟର ସ୍ତରରେ ଆଜି ଛୋଟ ଧରଣର ଅଦଳବଦଳ ହୋଇଛି। ନିକଟରେ ଜିଲ୍ଲା ପୋଲିସର ୧୦ ଜଣ ଇନ୍ସପେକ୍ଟରଙ୍କ ବଦଳି ହୋଇଥିବାରୁ ବିଭିନ୍ନ ଥାନା ଖାଲି ପଡିଥିଲା। ଏହି ପରିପ୍ରେକ୍ଷୀରେ ପୁର୍ବରୁ ଏକାଧିକ ଥାନାରେ ନୂତନ ଆଇଆଇସି ନିଯୁକ୍ତି ସରିଥିବା ବେଳେ ଆଜି ଖାଲି ପଡ଼ିଥିବା ଅନ୍ୟ ଥାନା ମାନଙ୍କରେ ନୂତନ ଆଇଆଇସି ମାନଙ୍କୁ ନିଯୁକ୍ତି ଦେଇଛନ୍ତି ଏସପି ସିଦ୍ଧାର୍ଥ କଟାରିଆ।

ଜିଲ୍ଲା ପୋଲିସ ମୁଖ୍ୟାଳୟ ଇନ୍ସପେକ୍ଟର ସୁଶାନ୍ତ କୁମାର ବେହେରାଙ୍କୁ ଟାଙ୍ଗୀ ଥାନା ଆଇଆଇସି, ଜ୍ୟୋତିପ୍ରକାଶ ପଣ୍ଡାଙ୍କୁ ବୋଲଗଡ଼ ଥାନା ଆଇଆଇସି, ସୁଚିତ୍ରା ଜେନାଙ୍କୁ ନିରାକାରପୁର ଥାନା ଆଇଆଇସି ଓ ସ୍ନିଗ୍ଧାମୟୀ ବରାଳଙ୍କୁ ଟାଉନ ଥାନା ଅତିରିକ୍ତ ଆଇଆଇସି ଭାବେ ନୂତନ ନିଯୁକ୍ତି ଦିଆଯାଇଥିବା ବେଳେ ଟାଉନ ଥାନା ଅତିରିକ୍ତ ଆଇଆଇସି ବନବିହାରୀ ପ୍ରଧାନଙ୍କ ଜିଲ୍ଲା ପୋଲିସ ମୁଖ୍ୟାଳୟକୁ ବଦଳି ହୋଇଛି।

ସମସ୍ତ ଅଧିକାରୀମାନଙ୍କୁ ତୁରନ୍ତ ସେମାନଙ୍କ ନୂତନ ସ୍ଥାନରେ ଯୋଗଦେବା ପାଇଁ ଏସପି ନିର୍ଦ୍ଦେଶ ଦେଇଛନ୍ତି।

Categories
ବିଶେଷ ଖବର ରାଜ୍ୟ ଖବର

ବିଜେଡିର ମିଶନ ଖୋର୍ଦ୍ଧା ଜିଲ୍ଲା, ଏଥର ଭୁବନେଶ୍ବର ଓ ଜଟଣୀ ଆସନ ଛଡାଇ ଆଣିବାକୁ ଯୋଜନା

ଭୁବନେଶ୍ବର: ନିର୍ବାଚନ ଯେତିକି ପାଖେଇ ଆସୁଛି ରାଜ୍ୟ ରାଜନୀତି ସେତିକି ଗରମ ହେବାରେ ଲାଗିଛି। ସେହି କ୍ରମରେ ବିଜେଡି ତାହାର ରଣନୀତି ଆରମ୍ଭ କରିବାରେ ଲାଗିଛି। ବିଭିନ୍ନ ସଂଗଠନର ନୂଆ କର୍ମକର୍ତ୍ତା ନିଯୁକ୍ତି ପରେ ଏବେ ଜିଲ୍ଲା ସ୍ତରୀୟ ସମୀକ୍ଷା ଆରମ୍ଭ ହୋଇଛି। ଗତକାଲି ଶଙ୍ଖ ଭବନରେ ଖୋର୍ଦ୍ଧା ଜିଲ୍ଲା ବିଜେଡି ସଂଗଠନ ମଜବୁତ ନେଇ ରଣନୀତି ପ୍ରସ୍ତୁତ ହୋଇଥିଲା।

ଭୁବନେଶ୍ବର ଉତ୍ତର ନିର୍ବାଚନ ମଣ୍ଡଳିର ବିଧାୟକ ସୁଶାନ୍ତ ରାଉତଙ୍କ ଅଧକ୍ଷ୍ୟତାରେ ବସିଥିଲା ଏହି ବୈଠକ। ଏଥିରେ ଖୋର୍ଦ୍ଧା ଜିଲ୍ଲା ତଥା ଭୁବନେଶ୍ବରର ସମସ୍ତ ବିଜେଡି ବିଧାୟକ ଏବଂ ନିର୍ବାଚିତ ପ୍ରତିନିଧି ଯୋଗଦେଇ ଆଗାମୀ ଦିନରେ ସଂଗଠନକୁ କିପରି ମଜବୁତ କରାଯିବ ସେ ନେଇ ଆଲୋଚନା ହୋଇଥିଲା। ଖୋର୍ଦ୍ଧା ଜିଲ୍ଲାରେ ଥିବା ହଜାରେ ବୁଥକୁ ମଜବୁତ କରିବା ପାଇଁ ଯୋଜନା ପ୍ରସ୍ତୁତ ହୋଇଥିଲା।

ଏଥିରେ ବିଜେଡି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ ନେତାମାନଙ୍କୁ ଆହୁରି ଦୃଢ ହୋଇ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ। ସେ କହିଥିଲେ ଯେ, ନବୀନ ପଟ୍ଟନାୟକ ଷଷ୍ଠ ଥର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ସେଥିପାଇଁ ଦଳର କର୍ମିମାନେ ଏକାକାର ହୋଇ ସଂଗଠନକୁ ମଜବୁତ କରିବା ଆବଶ୍ୟକ ରହିଛି ବୋଲି ପ୍ରଣବ କହିଥିଲେ।

ତେବେ ଏହି ବୈଠକରେ ଆଗାମୀ ନିର୍ବାଚନରେ ଖୋର୍ଦ୍ଧା ଜିଲ୍ଲାର ସମସ୍ତ ବିଧାନସଭା ଆସନ ଏବଂ ଭୁବନେଶ୍ବର ଲୋକସଭା ଆସନ ଯେପରି ବିଜେଡି ଅକ୍ତିଆର କରିବ ସେ ନେଇ ରଣନୀତି କରାଯାଇଥିଲା। ଖୋର୍ଦ୍ଧା ଜିଲ୍ଲାର କେବଳ ଜଟଣୀ ବିଧାନସଭା ଆସନ ଏବଂ ଭୁବନେଶ୍ବର ଲୋକସଭା ଆସନ ବ୍ୟତିତ ଅନ୍ୟ ସବୁ ଆସନରେ ବିଜେଡି ଜିତିଛି। ଏଥର ଏହି ଦୁଇ ଆସନକୁ କିପରି ଛଡାଇ ଆଣାଯିବ ସେ ପଦକ୍ଷେପ ଗ୍ରହଣ କରାଯିବ ବୋଲି ନିଷ୍ପତି ହୋଇଛି।

ଏହି ବୈଠକରେ ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀ, ଏକାମ୍ର ବିଧାୟକ ଅଶୋକ ପଣ୍ଡା, ଭୁବନେଶ୍ବର ମଧ୍ୟ ବିଧାୟକ ଅନନ୍ତ ନାରାୟଣ ଜେନା, ଜୟଦେବ ବିଧାୟକ ଅରବିନ୍ଦ ଢାଲି, ଖୋର୍ଦ୍ଧା ବିଧାୟକ ଜିତୁ ମିତ୍ର, ବେଗୁନିଆ ବିଧାୟକ ରାଜେନ୍ଦ୍ର ସାହୁ, ଭୁବନେଶ୍ବର ମେୟର ସୁଲୋଚନା ଦାସ, ଖୋର୍ଦ୍ଧା ଜିଲ୍ଲା ପର୍ଯ୍ୟବେକ୍ଷକ ରବିନ୍ଦ୍ର ଜେନା, ଖୋର୍ଦ୍ଧା ବିଜେଡି ସଭାପତି ବିଭୂତି ବଳବନ୍ତରାୟ, ସାଂସଦ ମାନସ ମଙ୍ଗରାଜ, ସାଂସଦ ମୁନ୍ନା ଖାଁ, ପୂର୍ବତନ ବିଧାୟକ ରଘୁ ସାହୁ ଏବଂ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ପତ୍ନୀ ସ୍ବାଗତିକା ଜଗଦ୍ଦେବ ପ୍ରମୁଖ ଯୋଗ ଦେଇଥିଲେ।

Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଜିଲ୍ଲା ପୋଲିସ ମୁଖ୍ୟାଳୟ ପରିଦର୍ଶନ କଲେ କେନ୍ଦ୍ରାଞ୍ଚଳ ଆଇଜି ଆଶିଷ ସିଂ

ଖୋର୍ଦ୍ଧା: ଆଜି କେନ୍ଦ୍ରାଞ୍ଚଳ ଆଇଜି ଆଶିଷ କୁମାର ସିଂ ଖୋର୍ଦ୍ଧା ଜିଲ୍ଲା ପୋଲିସ ମୁଖ୍ୟାଳୟ ପରିଦର୍ଶନ କରି ଜିଲ୍ଲାର ଅପରାଧିକ ସ୍ଥିତି ସମୀକ୍ଷା କରିଥିଲେ। ଦୀର୍ଘ ପାଞ୍ଚ ଘଣ୍ଟା ଧରି ଜାରି ରହିଥିବା ଉକ୍ତ ସମୀକ୍ଷା ବୈଠକରେ ଖୋର୍ଦ୍ଧା ଏସପି, ଦୁଇ ଏସଡିପିଓ ଏବଂ ସମସ୍ତ ଥାନାର ଆଇଆଇସି ମାନେ ଉପସ୍ଥିତ ଥିଲେ। ଆଇଆଇସି ମାନେ ନିଜ ନିଜ ଥାନା ଅଞ୍ଚଳର କ୍ରାଇମ ରିପୋର୍ଟ ଆଇଜିଙ୍କୁ ପ୍ରଦାନ କରିଥିଲେ।

ପୋଲିସ ବ୍ୟବସ୍ଥାରେ ଉନ୍ନତି ପାଇଁ ଏବଂ ମନିଟରିଂ ମେକାନିଜିମକୁ ସୁଦୃଢ କରିବା ସମ୍ବନ୍ଧରେ ଆଇଜି ଶ୍ରୀ ସିଂ ସମସ୍ତ ଅଧିକାରୀମାନଙ୍କୁ କିଛି ବହୁମୂଲ୍ୟ ଇନପୁଟ ପ୍ରଦାନ କରିଥିଲେ।  ଆଇଜି ଏନଡିପିଏସ୍, ସମ୍ପତ୍ତି ଅପରାଧ ଏବଂ ଜିଲ୍ଲାର ଗୁରୁତ୍ୱପୂର୍ଣ୍ଣ ମାମଲା ଉପରେ ଧ୍ୟାନ ଦେଇଥିଲେ। ଗତ ସମସ୍ତ ବର୍ଷର ସମାଧାନ ହୋଇପାରିନଥିବା ଗୁରୁତ୍ୱପୂର୍ଣ ମାମଲାଗୁଡିକ ବିଷୟରେ ବିସ୍ତୃତ ଭାବରେ ଆଲୋଚନା କରାଯାଇଥିଲା।

ଖୋର୍ଦ୍ଧା ଜିଲ୍ଲାର ଅସାମାଜିକ ଅପରାଧୀ ତଥା ନିଶା ବେପାରୀଙ୍କ ପାଇଁ ସ୍ୱତନ୍ତ୍ର ରଣନୀତି ଉକ୍ତ ବୈଠକରେ ପ୍ରସ୍ତୁତ କରାଯାଇଥିଲା। ଅନୁରୂପ ଭାବେ ଜନଅଭିଯୋଗର ସମାଧାନ ଏବଂ ନାଗରିକମାନେ କିପରି ବିନା ବାଧାରେ ପୋଲିସ୍ ଅନୁଷ୍ଠାନଗୁଡ଼ିକର ନିକଟତର ହେବେ ତାହା ଉପରେ ବିଶେଷ ଧ୍ୟାନ ଦିଆଯାଇଥିଲା।

ସାଧାରଣ ଜନତାଙ୍କ ପୋଲିସ ପ୍ରତି ବିଶ୍ୱାସ ଓ ଭରଷା ବଜାୟ ରଖିବା ପାଇଁ ପୋଲିସ ବ୍ୟବସ୍ଥାକୁ ସୁଦୃଢ କରିବା ସହ ପ୍ରଭାବଶାଳୀ ପାଟ୍ରୋଲିଂ ଏବଂ ଅପରାଧ ରୋକିବା ପାଇଁ ଆଶୁ ପଦକ୍ଷେପ ନେବାକୁ ସମସ୍ତ ଅଧିକାରୀମାନଙ୍କୁ ଆଇଜି ଶ୍ରୀ ସିଂ ପରାମର୍ଶ ଦେଇଥିଲେ।

Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଜିଲ୍ଲା ପ୍ରାକୃତିକ ବିପର୍ଯୟ ପାଇଁ ପ୍ରସ୍ତୁତି,ଖୋଲିଲା ନିୟନ୍ତ୍ରଣ କକ୍ଷ, ଜାରୀ ହେଲା ଟୋଲଫ୍ରି ନମ୍ବର

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲା ପ୍ରାକୃତିକ ବିପର୍ଯ୍ୟୟ କମିଟି ବୈଠକ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଅଧ୍ୟକ୍ଷତା କରିଥିବା ବେଳେ ଅତିରିକ୍ତ ଜିଲ୍ଲାପାଳ (ରାଜସ୍ବ )ସାଫଲ୍ୟ ମଣ୍ଡିତ ପ୍ରଧାନ ବୈଠକରେ ସ୍ୱାଗତ ଭାଷଣ ରଖିବା ସହ ବୈଠକ ପରିଚାଳନା ମଧ୍ୟ କରିଥିଲେ।

ଜିଲ୍ଲା ପରିଷଦ ଅଧ୍ୟକ୍ଷା ରୂପଶ୍ରୀ ରାଣୀ ଗୁମାନସିଂହ, ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ, ଚିଲିକା ବିଧାୟକ ପ୍ରଶାନ୍ତ କୁମାର ଜଗଦେବ , ଜିଲ୍ଲା ପରିଷଦ ଉପାଧ୍ୟକ୍ଷ ଗୋପୀନାଥ ମହାରଣା, ଜିଲ୍ଲା ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ ଦିଗନ୍ତ ରାଉତରାୟ ପ୍ରମୁଖ ଉପସ୍ଥିତ ଥିଲେ।

ଉକ୍ତ ବୈଠକରେ ପୂର୍ବ ଏଜେଣ୍ଡା ଅନୁସାରେ ବିସ୍ତୃତ ଭାବେ ଆଲୋଚନା କରାଯାଇଥିଲା । ପ୍ରଥମେ ବନ୍ୟା ବାତ୍ୟାର ମୁକାବିଲା ପାଇଁ ୨୪ ଘଣ୍ଟିଆ ନିୟନ୍ତ୍ରଣ କକ୍ଷ ଜିଲ୍ଲାପାଳଙ୍କ କାର୍ଯ୍ୟାଳୟ , ଉପ -ଜିଲ୍ଲାପାଳ ଙ୍କ କାର୍ଯ୍ୟାଳୟ, ଜିଲ୍ଲାର ସମସ୍ତ ତହସିଲଦାରଙ୍କ କାର୍ଯ୍ୟାଳୟ, ସମସ୍ତ ମଣ୍ଡଳ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟ ରେ ମେ ମାସ ପ୍ରଥମ ଦିବସ ଠାରୁ ନଭେମ୍ବର ମାସ ଶେଷ ପର୍ଯ୍ୟନ୍ତ ଚାଲୁ ରହିବା ପାଇଁ ସ୍ଥିର କରାଇଥିବାର ଉପସ୍ଥାପନା କରାଯାଇଥିଲା। ଜିଲ୍ଲା ନିୟନ୍ତ୍ରଣ କକ୍ଷର ଫୋନ ନମ୍ବର ୦୬୭୫୫ ୨୨୦୦୦୨ ଏବଂ ଜରୁରୀ କାଳୀନ ଉପ -ବିଭାଗର ଟୋଲ ଫ୍ରି ନମ୍ବର ୧୦୭୭ ଙ୍କୁ ଜରୁରୀ କାଳୀନ ବାର୍ତ୍ତା ପ୍ରଦାନ କରାଯାଇପାରିବ ବୋଲି ତଥ୍ୟ ପ୍ରଦାନ କରାଯାଇଥିଲା।

ବର୍ଷାଜଳ ପରିମାପକ କେନ୍ଦ୍ର ମରାମତି ଓ ନିର୍ଦ୍ଦିଷ୍ଟ ସମୟରେ ବୃଷ୍ଟିପାତ ବିବରଣୀ ପ୍ରେରଣ ସମ୍ପର୍କ ରେ ଆଲୋଚନା କରାଯାଇଥିଲା। ସେହିପରି ବିଧାୟକ ମାନେ ରାଜୁଆ ଏବଂ ଶାଳିଆ ନଦୀ ବନ୍ଧ ବିଷୟରେ ବିଭିନ୍ନ ଯନ୍ତ୍ରୀମାନଙ୍କୁ ତାଗିଦ କରିଥିଲେ। ପୋତି ହୋଇ ଯାଇଥିବା ଡ୍ରେନେଜ ଗୁଡିକର ଖୋଳେଇ କରି ପରିଷ୍କାର କରାଯିବାକୁ ଗୁରୁତ୍ୱ ଦିଆଯାଇ ଥିଲା। ଚେକ ଡ୍ୟାମ ଗୁଡିକର ମରାମତି ବିଷୟରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରାଯାଇଥିଲା।

ଦୁର୍ବଳ ନଦୀବନ୍ଧ ଓ କେନାଲ ବନ୍ଧ ର ଯୁଗ୍ମ ତଦନ୍ତ ଓ ଜଳସେଚନ ବିଭାଗର ଅଧିକାରୀମାନେ ସମ୍ଭାବ୍ୟ ବନ୍ୟା ପରିସ୍ଥିତି ମୁକାବିଲା ପାଇଁ ନେଇଥିବା ଆଗୁଆ ପଦକ୍ଷେପ ତଥା ଏଥି ପାଇଁ ଆବଶ୍ୟକ ଆର୍ଥିକ ଅନୁଦାନର ଆକଳନ କରାଯାଇଥିଲା। ବନ୍ୟା ଓ ବାତ୍ୟା ପ୍ରବଣ ଅଂଚଳରେ ୩୮୦ ଟି ଆଶ୍ରୟ ସ୍ଥଳ ଏବଂ ୫୦ ଟି ବହୁମୁଖୀ ବନ୍ୟା ଓ ବାତ୍ୟା ଆଶ୍ରୟ ସ୍ଥଳ ପ୍ରସ୍ତୁତ କରାଯାଇଥିବା ଏବଂ ଆଶ୍ରୟ ସ୍ଥଳୀ ଗୁଡିକୁ ଦିଆ ଯାଇଥିବା ଉପକରଣ ଗୁଡିକ ଯଥା ଆସ୍କାଲାଇଟ, ଚେନ ସ୍ୱ ଗୁଡିକ ନିକଟସ୍ଥ ଅଗ୍ନିଶମ ବିଭାଗକୁ ହସ୍ତାନ୍ତର, ଆଶ୍ରୟସ୍ଥଳୀରେ ଶୁଖିଲା ଖାଦ୍ୟ ମହଜୁଦ ରଖିବାକୁ ଏବଂ ରନ୍ଧା ଖାଦ୍ୟ ଓ ପିଇବା ପାଣି ର ବ୍ୟବସ୍ଥା ପାଇଁ , ସମସ୍ତ ମଣ୍ଡଳ ଉନ୍ନୟନ ଅଧିକାରୀ ଓ ପୌରାଞ୍ଚଳ ନିର୍ବାହୀ ଅଧିକାରୀଙ୍କୁ ପରାମର୍ଶ ଦିଆଯାଇଥିଲା ।

ଏହାଛଡା ସ୍ୱତନ୍ତ୍ର ରିଲିଫ କମିଶନରଙ୍କ ୮ଟି ପାୱାର ବୋଟ ମଧ୍ୟରୁ ୩ଟି ବାଲିପାଟଣା, ୨ଟି ବାଲିଅନ୍ତା, ୨ଟି ଖୋର୍ଦ୍ଧା ଏବଂ ୧ଟି ଜଟଣୀ ବ୍ଲକରେ କାର୍ଯ୍ୟକ୍ଷମ ଅବସ୍ଥାରେ ରଖାଯାଇଛି । ବନ୍ୟାଞ୍ଚଳରେ କୃଷି କାର୍ଯ୍ୟ ପାଇଁ ନିଆଯାଇଥିବା ଆଗୁ୍ଆ ପଦକ୍ଷେପ, ସ୍ୱାସ୍ଥ୍ୟ ବିଭାଗ, ପଶୁ ଚିକିତ୍ସା ବିଭାଗଙ୍କୁ ସତର୍କ ପଦକ୍ଷେପ, ରିଲିଫର ସୁପରିଚାଳନା ପାଇଁ ତାଲିମ ବ୍ୟବସ୍ଥା, ରିଲିଫ ଦଳଗଠନ, ସ୍ବେଛାସେବୀ ସଂଗଠନ ମାନଙ୍କର ଭୂମିକା, ଏନଡ଼ିଆରଏଫ ଏବଂ ଓଡ୍ରାଫ ଟିମକୁ ବିଡ଼ିଓମାନେ ଡିଜେଲ ଯୋଗାଇଦେବାକୁ ପରାମର୍ଶ ଦିଆଯାଇଥିଲା ।

ଉକ୍ତ ବୈଠକରେ ସିଡ଼ିଏମଓ ଡ଼ା. ଆର୍ତ୍ତବନ୍ଧୁ ନାୟକ , ଡ଼ିଏସଡବ୍ଲୁଓ, ଡିସିପିଓ ଵାଣିଶ୍ରୀ ପଟ୍ଟନାୟକ, ଏଆରଟିଓ ଅରବିନ୍ଦ ଚୌଧୁରୀ,ବିଡ଼ିଓ ଖିରାବ୍ଧି ତନୟା ସାହୁ, ଡ଼ିଆଇପିଆରଓ ଜ୍ୟୋତ୍ସ୍ନାମୟୀ ଆଚାର୍ଯ୍ୟ,ବିଭିନ୍ନ ବିଭାଗ ର ଅଧକାରୀ, କ୍ଷେତ୍ର ସ୍ତରୀୟ ଅଧିକାରୀ ଯୋଗଦେଇଥିଲେ । ଡେପୁଟି କଲେକ୍ଟର ମମତା ସାହୁ ବୈଠକ ପରିଚାଳନାରେ ସାହାଯ୍ୟ କରିଥିଲେ ।

Categories
ଆଜିର ଖବର ରାଜ୍ୟ ଖବର

ମାଟ୍ରିକ ପରୀକ୍ଷା ଫଳ ଅପଡେଟ୍: ଖୋର୍ଦ୍ଧା ଜିଲ୍ଲାରେ ପାସ ହେଲେ ୯୭.୪୮ ପ୍ରତିଶତ ପରୀକ୍ଷାର୍ଥୀ

ଖୋର୍ଦ୍ଧା: ଆଜି ରାଜ୍ୟରେ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି। ରାଜ୍ୟରେ ପାସ ହାର ଶତକଡା ୯୬.୪୦ ପ୍ରତିଶତ ରହିଥିବା ବେଳେ ଖୋର୍ଦ୍ଧା ଜିଲ୍ଲାରେ ପାସ ହାର ଶତକଡା ୯୭.୪୮ରହିଥିବା ଜଣାପଡିଛି। ଖୋର୍ଦ୍ଧା ଜିଲ୍ଲାର ସମୁଦାୟ ୩୩୩ ଗୋଟି ହାଇସ୍କୁଲରେ ୨୬୩୮୦ ଜଣ ପରୀକ୍ଷାର୍ଥୀ ମାଟ୍ରିକ ଫର୍ମ ଫିଲଅପ କରିଥିବା ବେଳେ ୩୦୨ ଜଣ ଅନୁପସ୍ଥିତ ଥିଲେ।

ସେହିପରି ଭାବେ ଜିଲ୍ଲାରେ ମାଲ ପ୍ରାକ୍ଟିସରେ ୯ ଜଣ ପରୀକ୍ଷାର୍ଥୀ ବୁକ ହୋଇଥିବା ବେଳେ ଏ-୧ ଗ୍ରେଡ଼ରେ ୨୮୮, ଏ-୨ ଗ୍ରେଡ଼ରେ ୧୪୬୨ , ବି-୧ ଗ୍ରେଡ଼ରେ ୩୩୯୯ ଏବଂ ବି-୨ ଗ୍ରେଡ଼ରେ ୫୬୦୦ ଜଣ ପରୀକ୍ଷାର୍ଥୀ ପାସ କରିଥିବା ଜଣାପଡିଛି।

ତେବେ ଖୋର୍ଦ୍ଧା ଜିଲ୍ଲା ମାଟ୍ରିକ ପରୀକ୍ଷାରେ ସମୁଦାୟ ୧୩୧୮୪ ଜଣ ଛାତ୍ର ଏବଂ ‍୧୨୫୩୦ ଜଣ ଛାତ୍ରୀ ପାସ ହୋଇଥିବା ଜଣାପଡିଛି।

Categories
ବିଶେଷ ଖବର ରାଜ୍ୟ ଖବର

ଖୋର୍ଦ୍ଧା ଜିଲ୍ଲା ପାଇଁ ବିଜେଡି ପ୍ରଭାରୀ ହେଲେ ରବିନ୍ଦ୍ର ଜେନା, କେଉଁଠୁ କରିବେ ଆରମ୍ଭ

ଭୁବନେଶ୍ବର: ଖୋର୍ଦ୍ଧା ଜିଲ୍ଲା ପ୍ରଭାରୀ ଭାବେ ଦାୟିତ୍ବ ନେବେ ବାଲେଶ୍ବରର ପୂର୍ବତନ ସାଂସଦ ରବିନ୍ଦ୍ର ଜେନା। ୨୦୧୪ ରେ ସାଂସଦ ଥିଲେ, ହେଲେ ୨୦୧୯ ରେ ସେ ହାରିଗଲେ। ସେ ପୂର୍ବରୁ ବିଜେଡିର ଜଣେ ସକ୍ରିୟ ନେତା ଥିଲେ। ହେଲେ ଗତ କିଛି ବର୍ଷ ଧରି ଦଳୀୟ କାର୍ଯ୍ୟରେ ତାଙ୍କର ସେପରି ବଳିଷ୍ଠ ଭୂମିକା ଦେଖିବାକୁ ମିଳି ନ ଥିଲା। ହେଲେ ହଠାତ ନବୀନ ତାଙ୍କ ଉପରେ ଭରସା କରି ଖୋର୍ଦ୍ଧା ପରି ଗୁରୁତ୍ବପୂର୍ଣ୍ଣ ଜିଲ୍ଲାର ଦାୟିତ୍ବ ଦେଇଛନ୍ତି।

ତେବେ ଏହି ଜିଲ୍ଲାରୁ ତାଙ୍କର ରଣନୀତି କେଉଁଠୁ ଆରମ୍ଭ କରିବେ ତାହା ସନ୍ଦେହଯୁକ୍ତ। କାରଣ ଏହି ଜିଲ୍ଲାରେ ରହିଛି ଆଠଟି ବିଧାନସଭା ନିର୍ବାଚନ ମଣ୍ଡଳୀ। ସେଗୁଡିକ ହେଲା ଭୁବନେଶ୍ବର ମଧ୍ୟ, ଭୁବନେଶ୍ବର ଉତ୍ତର, ଏକାମ୍ର, ଜୟଦେବ, ଖୋର୍ଦ୍ଧା, ଜଟଣୀ, ବେଗୁନିଆ ଏବଂ ଚିଲିକା। କେବଳ ଭୁବନେଶ୍ବରର ତିନୋଟି ନିର୍ବାଚନ ମଣ୍ଡଳୀକୁ ଛାଡି ଦେଲେ ଅନ୍ୟଠାରେ ରହିଛି ବହୁ ଦଳୀୟ ଅଡୁଆ। ଏପରି ଅଡୁଆକୁ ରବି ଜେନା କିପରି ମୁକାବିଲା କରିବେ ତାହା ପ୍ରଶ୍ନବାଚୀ ।

ସବୁଠାରୁ ବଡ ଅଡୁଆ ଚିଲିକା ନିର୍ବାଚନ ମଣ୍ଡଳୀରେ ରହିଛି। ଯାହାକୁ ସମାଧାନ କରିବା ରବି ଜେନାଙ୍କ ପକ୍ଷରେ କାଠିକର ପାଠ ହେବ। ଏହି ନିର୍ବାଚନ ମଣ୍ଡଳୀର ବିଧାୟକ ପ୍ରଶାନ୍ତ ଜଗଦ୍ଦେବ ଦଳରୁ ବହିସ୍କାର ହୋଇଛନ୍ତି। ଅନ୍ୟପକ୍ଷରେ ଆଇନ କଟକଣା ପାଇଁ ସେ ନିର୍ବାଚନ ମଣ୍ଡଳୀ ମଧ୍ୟ ଯାଇ ପାରୁ ନାହାଁନ୍ତି। ଫଳରେ ପୂର୍ବତନ ବିଧାୟକ ରଘୁନାଥ ସାହୁ ସେଠାରେ ମୁଣ୍ଡ ଟେକିଛନ୍ତି। ରଘୁ ବିଜେଡି ବନାମ ବିଧାୟକ ଜଗଦ୍ଦେବଙ୍କ ବିଜେଡି ପୁରା ମୁହାଁମୁହିଁ ଅବସ୍ଥାରେ ଅଛନ୍ତି।

ସେହିପରି ଜୟଦେବ ନିର୍ବାଚନ ମଣ୍ଡଳୀରେ ବିଜେଡି କର୍ମି କାହାକୁ ଭରସା କରିବେ ସେନେଇ ଦ୍ବନ୍ଦରେ ଅଛନ୍ତି। ସେଠାକାର ବିଜେଡି ବିଧାୟକ ଅରବିନ୍ଦ ଢାଲିଙ୍କ ହାତରେ ଆଉ ସଂଗଠନ ନାହିଁ। ତାଙ୍କୁ ଦଳୀୟ କର୍ମିମାନେ ବିରୋଧ କରିବାରେ ଲାଗିଛନ୍ତି। ନିର୍ବାଚନ ମଣ୍ଡଳୀ ଭିତରେ ତାଙ୍କ ଗସ୍ତକୁ କରୁଛନ୍ତି ବିରୋଧ। ସେଠାରେ ପୂର୍ବରୁ ବିଧାୟକ ଥିବା ଶଶିଭୂଷଣ ବେହେରାଙ୍କୁ ବଦଳାଇ ଦଳ ୨୦୧୯ ରେ ଢାଲିଙ୍କୁ ଟିକେଟ ଦେଇଥିଲା। ଏବେ ସେଠାରେ କିଏ ଟିକେଟ ପାଇବ ତାକୁ ନେଇ ଦ୍ବନ୍ଦରେ କର୍ମୀ।

ଖୋଦ ଖୋର୍ଦ୍ଧା ନିର୍ବାଚନ ମଣ୍ଡଳୀରେ ମଧ୍ୟ ବିଜେଡି ସଂଗଠନ ଏବଂ କର୍ମି ଦ୍ବନ୍ଦରେ ରହିଛନ୍ତି। କାରଣ ବର୍ତ୍ତମାନ ବିଧାୟକ ଥିବା ଜ୍ୟୋତିନ୍ଦ୍ରନାଥ ମିତ୍ର ବୟସ ଦୃଷ୍ଟିରୁ ଆଉ ନିର୍ବାଚନ ଲଢିବେ ନାହିଁ ବୋଲି ଶୁଣାଯାଉଛି। ଫଳରେ ସେହି ନିର୍ବାଚନ ମଣ୍ଡଳୀରେ ଆଖି ପକାଇଛନ୍ତି ସେଠାକାର ପୂର୍ବତନ ବିଧାୟକ ତଥା ବର୍ତ୍ତମାନ ବେଗୁନିଆ ବିଧାୟକ ରାଜେନ୍ଦ୍ର ସାହୁ ଏବଂ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ।  ବିଜେଡି କର୍ମିମାନେ କାହା ଉପରେ ଭରସା କରିବେ ସେ ନେଇ ଦ୍ବନ୍ଦରେ ଅଛନ୍ତି।

ଖୋର୍ଦ୍ଧା ଜିଲ୍ଲାର କେବଳ ଜଟଣୀ ଏବଂ ଭୁବନେଶ୍ବରର ତିନୋଟି ନିର୍ବାଚନ ମଣ୍ଡଳୀରେ ବିଜେଡି ସଂଗଠନ ଏକ ପ୍ରକାରର ସ୍ଥିର ରହିଛି କହିଲେ ଭୁଲ ହେବ ନାହିଁ। ହେଲେ ଜୟଦେବ, ଖୋର୍ଦ୍ଧା, ବେଗୁନିଆ ଏବଂ ଚିଲିକାରୁ ନୂଆ ପ୍ରଭାରୀ କେଉଁଠୁ ଏବଂ କିପରି ତାଙ୍କର ରଣନୀତି ଆରମ୍ଭ କରିବେ ତାହା ପ୍ରଶ୍ନବାଚୀ। କାରଣ ଏହି ନିର୍ବାଚନ ମଣ୍ଡଳୀଗୁଡିକରେ ନେତା ଅଛନ୍ତି ହେଲେ ନାହିଁ ନେତୃତ୍ବ।

Categories
ଆଜିର ଖବର ରାଜ୍ୟ ଖବର

ଜିଲ୍ଲାସ୍ତରୀୟ ଲୋକ ଅଦାଲତ ଅନୁଷ୍ଠିତ: ସମାଧାନ ହେଲା ୪୮,୨୪୪ ଟି ମାମଲା

ଭୁବନେଶ୍ୱର: ଖୋର୍ଦ୍ଧା ଜିଲ୍ଲା ଆଇନ ସେବା ପ୍ରାଧିକରଣ ଅଧ୍ୟକ୍ଷ ତଥା ଜିଲ୍ଲା ଓ ଦୌରା ଜଜ ନିଶିଥ ନିଶାକଙ୍କ ନିର୍ଦ୍ଦେଶକ୍ରମେ ଖୋର୍ଦ୍ଧା ଜିଲ୍ଲାର ସମସ୍ତ ବିଚାର ବିଭାଗୀୟ ଅଦାଲତ ଯଥା ଖୋର୍ଦ୍ଧା, ବାଣପୁର, ଚିଲିକା, ଜଟଣୀ ପରିସରରେ ଜିଲ୍ଲାସ୍ତରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି। ଏହି ଲୋକ ଅଦାଲତରେ ମୋଟ ୫୩,୪୫୨ ଟି ମାମଲା ସମସ୍ତ ବିଚାର ବିଭାଗୀୟ ଅଦାଲତଙ୍କ ପକ୍ଷରୁ ଆଗତ ପୂର୍ବକ ସେଥିମଧ୍ୟରୁ ମୋଟ ୪୮,୨୪୪ ଟି ମାମଲାର ଫଇସଲା କରାଯାଇ ସମୁଦାୟ ୩ କୋଟି ୮୬ ଲକ୍ଷ ୬୫ ହଜାର ୧୨ ଟଙ୍କା (ବୀମା, ରାଜସ୍ଵ  ଖାଉଟି ସମସ୍ୟା ସମ୍ପର୍କିତ ରାଜିନାମା) ସ୍ଵାକ୍ଷରିତ ହୋଇଥିଲା। ତନ୍ମଧ୍ୟରେ ଗାଡ଼ି ମୋଟର ଦୁର୍ଘଟଣା ସମ୍ପର୍କିତ ୧୬୦ ଟି ମାମଲା ମଧ୍ୟରୁ ୮ ଟି ର ଫଇସଲା କରାଯାଇ ୬୧ ଲକ୍ଷ ୯୦ ହଜାର ଟଙ୍କା ଦୁର୍ଘଟଣା କ୍ଷତିପୂରଣ ରାଶି ପୀଡିତମାନଙ୍କୁ ପ୍ରଦାନ ପାଇଁ ସମ୍ପୃକ୍ତ ବୀମା କମ୍ପାନୀମାନଙ୍କୁ ଅଦାଲତଙ୍କ ପକ୍ଷରୁ ଆଦେଶ ଦିଆଯାଇଛି।

ସେହିପରି ୧୪ଟି ଖାଉଟି ମାମଲା ଆଗତ ପୂର୍ବକ ସେଥିରୁ ଗୋଟିଏ ମାମଲାର ଫଇସଲା କରାଯାଇ ୪୩,୨୬୮ ଟଙ୍କା, ୪୩ ଟି ଜମି ଅଧିଗ୍ରହଣ ମାମଲା ରୁ ୧ ଟି, ୨୬୪ ଟି ପାରିବାରିକ ମାମଲାରୁ  ୩୪ଟି, ୫୨,୯୭୦ ଟି ରାଜସ୍ଵ  ମାମଲାରୁ ୪୮,୨୦୦ଟି ମାମଲାର ଫଇସଲା କରାଯାଇ ୩,୨୪,୩୧ ,୭୪୪ ଟଙ୍କା ରାଜସ୍ଵ ସଂଗ୍ରହ କରାଯାଇଥିଲା। ଏହି ଲୋକ ଅଦାଲତରେ ସଚିବ, ଜିଲ୍ଲା ଆଇନ ସେବା ପ୍ରାଧିକରଣ ସୌଦାମିନୀ ସିଂ, ଉପସ୍ଥିତ ରହି ଲୋକ ଅଦାଲତର ସଫଳତା ପାଇଁ ସମସ୍ତ ବିଚାର ବିଭାଗୀୟ ଅଧିକାରୀ, ରାଜସ୍ଵ  ଅଧିକାରୀ, କୋର୍ଟ କର୍ମଚାରୀ ଏବଂ ଜିଲ୍ଲା ଆଇନସେବା ପ୍ରାଧିକରଣଙ୍କ କର୍ମକର୍ତ୍ତାମାନଙ୍କୁ ଧନ୍ୟବାଦ ଅର୍ପଣ କରିବା ସହ ପରବର୍ତ୍ତୀ ଜାତୀୟ ଲୋକ ଅଦାଲତ ଆଗାମୀ ୧୩ ମଇ ୨୦୨୩ ରେ ଅନୁଷ୍ଠିତ ହେବା ସମ୍ପର୍କରେ ସୂଚନା ଦେଇ ଜନସାଧାରଣ ଏହାର ସୁବିଧା ନେବାକୁ ପରାମର୍ଶ ଦେଇଛନ୍ତି।

Categories
ଆଜିର ଖବର ରାଜ୍ୟ ଖବର

କୁହୁଡି: ରାସ୍ତା କଡରୁ ଉଦ୍ଧାର ହେଲା ନବଜାତ ଶିଶୁର ମୃତଦେହ

ସୀତାରାମ ଅଗ୍ରୱାଲ

କୁହୁଡି: ଖୋର୍ଦ୍ଧା ଜିଲ୍ଲା ୧୬ ନଂ ଜାତୀୟ ରାଜପଥ କୟଥ ପଲା ଛକ ନିକଟ ରାସ୍ତା କଡରୁ ନବଜାତ ଶିଶୁର ମୃତଦେହ ଉଦ୍ଧାର ହୋଇଛି। ନବଜାତ ଶିଶୁର ମୃତଦେହକୁ କୁହୁଡି ଫାଣ୍ଡି ପୋଲିସ୍ ଉଦ୍ଧାର କରିଛି।

ଆଜି ସକାଳ ସମୟରେ ଏକ ନଵ ଜାତକ ଶିଶୁ ପୁତ୍ର ଏକ ବ୍ୟାଗରେ ପଡି ଥିବାର ଲୋକେ ଦେଖିବାକୁ ପାଇଥିଲେ। ଏ ନେଇ କୁହୁଡି ଫାଣ୍ଡି ପୋଲିସ୍ କୁ ଖବର ଦେଇଥିଲେ। ଖବର ପାଇ କୁହୁଡି ଫାଣ୍ଡି ପୋଲିସ ଘଟଣା ସ୍ଥଳରେ ପହଂଚି ଶିଶୁ ପୁତ୍ର ଥିବା ବ୍ୟାଗକୁ ଜବତ କରିଥିଲା। ନବଜାତ ଶିଶୁକୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ସେଠାରେ ଡାକ୍ତର ଶିଶୁ ପୁତ୍ରକୁ ମୃତ ଘୋଷଣା କରିଥିଲେ।

ପୋଲିସ୍ ଶବ ଜବତ କରି ତଦନ୍ତ ଆରମ୍ଭ କରିଛି। ଶିଶୁ ପୁତ୍ର ଉଦ୍ଧାର ହେବା ଏହା ଦ୍ୱୀତିୟ ଘଟଣା। ଗତ ୩ ମାସ ତଳେ ଏହି ସମାନ ଢଙ୍ଗରେ ପୁତ୍ର ଉଦ୍ଧାର ହୋଇଥିଲା। ତେଣୁ
ଏହି ଘଟଣା ସ୍ଥାନୀୟ ଅଂଚଳରେ ଚାଂଚଲ୍ୟ ସୃଷ୍ଟି କରିଛି।

Categories
ଆଜିର ଖବର ରାଜ୍ୟ ଖବର

ଗଞ୍ଜାମ ଜିଲ୍ଲାର ପଞ୍ଚାୟତ ପ୍ରତିନିଧିମାନଙ୍କର ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଗସ୍ତ

ସୀତାରାମ ଅଗ୍ରୱାଲ

ବାଣପୁର: ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ତିନିଦିନ ଧରି ଚାଲିଥିବା ପଞ୍ଚାୟତ ସ୍ତରୀୟ ପ୍ରତିନିଧି ମାନଙ୍କର କର୍ମଶାଳା ଆଜି ସମାପ୍ତ ହୋଇଛି। ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲାର ପଞ୍ଚାୟତ ପ୍ରତିନିଧିମାନଙ୍କର ଏକ ପ୍ରତିନିଧି ମଣ୍ଡଳୀ ଆଜି ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଗସ୍ତ କରିଥିଲେ। ଏଥିରେ ଗଞ୍ଜାମ ଜିଲ୍ଲାର ପୋଲସରା, ହିଞ୍ଜିଳି ଓ ପାତ୍ରପୁର ବ୍ଲକର ଅଧ୍ୟକ୍ଷ ଓ ଅଧ୍ୟକ୍ଷାଙ୍କ ସମେତ ସରପଞ୍ଚ ଓ ସମିତି ସଭ୍ୟ ସମୁଦାୟ ୨୨ ଜଣ ପ୍ରତିନିଧି ଏହି କର୍ମଶାଳାରେ ଅଂଶ ଗ୍ରହଣ କରିଥିଲେ।

ପ୍ରତିନିଧି ମଣ୍ଡଳୀ ବାଣପୁର ବ୍ଲକ ଅଧିନସ୍ଥ ଗମ୍ଭାରୀମୁଣ୍ଡା ପଂଚାୟତରେ ପହଂଚିବା ପରେ ସରପଞ୍ଚ ପ୍ରେମାଞ୍ଜଳି ପଟ୍ଟନାୟକ ଓ ସମିତି ସଭ୍ୟା ମିନାକ୍ଷୀ ପ୍ରଧାନ, ବିଡିଓ ବୁଲବୁଲ ବେହେରା, ଜିଲ୍ଲା ପରିଷଦ ଉପସଭାପତି ଗୋପୀନାଥ ମହାରଣାଙ୍କ ସମେତ ସମସ୍ତ ୱାର୍ଡ ସଭ୍ୟମାନେ ଉପସ୍ଥିତ ରହି ପ୍ରତିନିଧି ମଣ୍ଡଳୀଙ୍କୁ ସ୍ୱାଗତ ସମ୍ବର୍ଦ୍ଧନା କରିଥିଲେ।

ପରେ ପ୍ରତିନିଧି ମଣ୍ଡଳୀ ବାଣପୁର ବ୍ଲକର ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ଗୁଡିକୁ ତଦାରଖ କରିଥିଲେ ଏବଂ ବୁଲି ଦେଖିଥିଲେ। ପ୍ରତିନିଧି ମଣ୍ଡଳୀ ପଙ୍କାଳ ସ୍ଥିତ ସଂଗ୍ରାମ ରଣାଙ୍କର ସମ୍ମିଳିତ କୃଷି ଉଦ୍ୟାନ ଯଥା ମତ୍ସ୍ୟ ଚାଷ, ଛତୁ ଚାଷ, କୁକୁଡ଼ା ଚାଷକୁ ବୁଲି ଦେଖିଥିଲେ।

ସେଠାରେ ମଧ୍ୟାହ୍ନ ଭୋଜନ କରି ଭେଟେଶ୍ୱର ଗ୍ରାମ ପଞ୍ଚାୟତ ଅଭିମୁଖେ ଯାଇଥିବା ବେଳେ ସେଠାରେ ସରପଞ୍ଚ ସାବିତ୍ରୀ ଭୋଳ, ସମିତି ସଭ୍ୟା ରଶ୍ମିତା ପ୍ରଧାନ ଓ ଗାଲୁଆ ସରପଞ୍ଚ ସୁରେଶ ବାରିକି ପ୍ରତିନିଧି ମଣ୍ଡଳୀଙ୍କୁ ସ୍ୱାଗତ କରିଥିଲେ। ପଞ୍ଚାୟତର ବାଂଳେଇ ଗ୍ରାମରେ ଥିବା ଆଦର୍ଶ ପୋଖରୀକୁ ବୁଲି ଦେଖିଥିଲେ।

ସମସ୍ତ କାର୍ଯ୍ୟକୁ ଦେଖିବା ପରେ ପ୍ରତିନିଧି ମଣ୍ଡଳୀ ଖୁସିବ୍ୟକ୍ତ କରି ମା’ ଭଗବତୀଙ୍କ ମନ୍ଦିର ପରିଦର୍ଶନ ପରେ ଗଞ୍ଜାମ ଫେରିଯାଇଥିଲେ। ଏ ସମସ୍ତ କାର୍ଯ୍ୟକ୍ରମକୁ ବାଣପୁର ବ୍ଲକ ତରଫରୁ ବିଡ଼ିଓ ବୁଲବୁଲ ବେହେରା, ଜେଇ ଭଞ୍ଜ କିଶୋର ପାଣି, ଜିପିଇଓ ମମତା ମଞ୍ଜରୀ ଚିନ୍ନାରା, ବିପିଏମ ଶିବ ନାରାୟଣ ଜାଲି, ପିଇଓ ନୃସିଂହ ଜେନା ପ୍ରମୁଖ ତ୍ୱରାନ୍ୱିତ କରିଥିଲେ।

Categories
ଆଜିର ଖବର ରାଜ୍ୟ ଖବର

ଜଂକିଆ: କୂଅରେ ପଡି ୮ ବର୍ଷ ନାବାଳକର ମୃତ୍ୟୁ

ଜଂକିଆ: ଖୋର୍ଦ୍ଧା ଜିଲ୍ଲା ଜଂକିଆ ଥାନା ଅନ୍ତର୍ଗତ ରମାବିଲି ଗାଁ ନିକଟରେ ଏକ ଅଭାବନୀୟ ଘଟଣା ଘଟିଯାଇଛି। କୂଅରେ ପଡି ଜଣେ ୮ବର୍ଷ ନାବାଳକର ମୃତ୍ୟୁ ହୋଇଥିବା ସୂଚନା ରହିଛି। ମୃତକ ଜଣଙ୍କ ଜଂକିଆ ଗ୍ରାମର ବାୟା ବେହେରାଙ୍କ ନାତି ବବୁଲ ବେହେରା ବୋଲି ଜଣା ପଡିଛି।

ନାବାଳକ ଜଣଙ୍କ ତାର ପରିବାର ଲୋକଙ୍କ ସହିତ ଶିବରାତ୍ରିରେ ମନ୍ଦିରକୁ ଦୀପ ଜାଳିବାକୁ ରମାବିଲି ମନ୍ଦିରକୁ ଯାଇଥିଲେ। ବାଳକ ଜଣଙ୍କ ରାସ୍ତା ଜାଣିନପାରି ମନ୍ଦିର ନିକଟରେ ଥିବା ଏକ କୂଅରେ ଖସିପଡିଥିଲେ। ବହୁ ଖୋଜା ଖୋଜି ପରେ ନାବାଳକଙ୍କୁ ନପାଇ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ। ଖବର ପାଇ ମନ୍ଦିର ନିକଟ କୂଅରୁ ସ୍ଥାନୀୟ ଲୋକେ ନାବାଳକକୁ ଉଦ୍ଧାର କରି ଖୋର୍ଦ୍ଧା ମେଡ଼ିକାଲକୁ ପଠାଇଥିବା ବେଳେ ଡାକ୍ତର ସେଠାରେ ମୃତ୍ୟୁ ଘୋଷଣା କରିଥିଲେ।

ଜଂକିଆ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖଛି। ମୃତଦେହ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣାପଡିବ ବୋଲି ପୋଲିସ କହିଛି। ନାଵାଳକର ମୃତ୍ୟୁରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି।

Categories
ଆଜିର ଖବର ରାଜ୍ୟ ଖବର

ସଡ଼କ ସୁରକ୍ଷା ସପ୍ତାହ ଉପଲକ୍ଷେ ଖୋର୍ଦ୍ଧା ଜିଲ୍ଲାରେ ସଚେତନତା ରଥର ଶୁଭାରମ୍ଭ

ଖୋର୍ଦ୍ଧା: ସଡକ ସୁରକ୍ଷା ସପ୍ତାହ ପାଳନ ଅବସରରେ ୩୦ ଟି ସଡକ ରଥ ଓଡିଶା ଦେଇ ସଡକ ସୁରକ୍ଷା ସଚେତନତା ବିସ୍ତାର କରିବ। ଜାତୀୟ ସଡକ ସୁରକ୍ଷା ଚଳଚ୍ଚିତ୍ର ସମ୍ପୃକ୍ତ ଜିଲ୍ଲା ଅନ୍ତର୍ଗତ ଛୋଟ ସହର ଓ ଗ୍ରାମରେ ପ୍ରଦର୍ଶିତ ହେବ। ଏହି ପରିପ୍ରେକ୍ଷୀରେ ଆଜି ସକାଳ ୯.୩୦ ମିନିଟ ସମୟରେ ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସଡକ ସୁରକ୍ଷା ସଚେତନତା ପାଇଁ ୨ ଗୋଟି ରଥର ଶୁଭାରମ୍ଭ, ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ, ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟାରିଆ, ଉପଜିଲ୍ଲାପାଳ ଦୀପ୍ତି ରଞ୍ଜନ ସେଠି, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀଣି ଜ୍ୟୋତ୍ସ୍ନାମୟୀ ଆଚାର୍ଯ୍ୟ ଏବଂ ଜିଲ୍ଲାର ଅନ୍ୟାନ୍ୟ ଅଧିକାରୀଙ୍କ ଉପସ୍ଥିତି ରେ ହୋଇଥିଲା।

ଉକ୍ତ ରଥକୁ ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକ ପତାକା ଦେଖାଇ ଶୁଭାରମ୍ଭ କରିଥିଲେ।  ଆଞ୍ଚଳିକ ପରିବହନ କାର୍ଯ୍ୟାଳୟ, ଭୁବନେଶ୍ୱର ୧ ଓ ୨ ର ଅଧିକାରୀ ବିକାଶ ଚନ୍ଦ୍ର ଚୌଧୁରୀ ଏବଂ ସନତ କୁମାର ଜେନା ପତାକା ଉତ୍ତୋଳନ ସମାରୋହର ଆୟୋଜନ କରିଥିଲେ।

Categories
Hockey Worldcup23 ଆଜିର ଖବର ରାଜ୍ୟ ଖବର

ପୁରୁଷ ହକି ବିଶ୍ଵକପ-୨୦୨୩ ଉପଲକ୍ଷେ ଖୋର୍ଦ୍ଧା ଜିଲ୍ଲାରେ ମିନି ମାରାଥନ ଦୌଡ ପ୍ରତିଯୋଗୀତା

ଖୋର୍ଦ୍ଧା: ଜିଲ୍ଲାପାଳଙ୍କ ସଦ୍ଭାବନା ଗୃହରେ ଆଜି ଅପରାହ୍ନ ୫ ଟାରେ ପୁରୁଷ ହକି ବିଶ୍ଵକପ-୨୦୨୩ ରେ ହେବାକୁ ଯାଉଥିବା ମିନି ମାରାଥନ ପ୍ରତିଯୋଗୀତାର ସୁପରିଚାଳନା ନିମନ୍ତେ ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

ଏହି ବୈଠକରେ ଏସପି ସିଦ୍ଧାର୍ଥ କାଟାରିଆ, ଏଡିଏମ ସାଫଲ୍ୟ ମଣ୍ଡିତ ପ୍ରଧାନ, ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଦିଗନ୍ତ ରାଉତରାୟ, ଉପ-ଜିଲ୍ଲାପାଳ ଦୀପ୍ତି ରଞ୍ଜନ ସେଠୀ, ଖୋର୍ଦ୍ଧା ମ୍ୟୁନିସିପାଲିଟି ନିର୍ବାହୀ ଅଧିକାରୀ ଈପ୍ସିତ ସାହୁ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜ୍ୟୋତ୍ସ୍ନାମୟୀ ଆଚାର୍ଯ୍ୟ, ଜିଲ୍ଲା ସଂସ୍କୃତି ଅଧିକାରୀ ଚୌଧୁରୀ ଅରବିନ୍ଦ ଦାସ, ବିଏସଏଫ କମାଣ୍ଡଣ୍ଟ, ଆଇଟିବିପି, ଜିଲ୍ଲା କ୍ରିଡା ସଂସଦର ସଭ୍ୟମାନେ, ଜିଲ୍ଲାର ସମସ୍ତ ବିଭାଗର ଜିଲ୍ଲାସ୍ତରୀୟ ଅଧିକାରୀମାନେଏହି ବୈଠକରେ ଯୋଗଦେଇଥିଲେ।

ବୈଠକରେ ଜିଲ୍ଲା କ୍ରୀଡା ଅଧିକାରୀଙ୍କ ତତ୍ତ୍ବାବଧାନରେ ତଥ୍ୟ ଉପସ୍ଥାପନ କରାଯାଇଥିଲା। କ୍ରୀଡା ଅଧିକାରୀଙ୍କ ଅନୁରୋଧକ୍ରମେ ଜିଲ୍ଲାପାଳ ବୈଠକରେ ସମସ୍ତଙ୍କ ମତାମତ ନେଇ କାର୍ଯ୍ୟକ୍ରମକୁ ଆଗେଇ ନେବାରେ ସହଯୋଗ କରିବା ସହ ପରାମର୍ଶ ଦେଇଥିଲେ।

ଶେଷରେ ଏହା ସ୍ଥିର କରାଯାଇଥିଲା ଯେ, ଜିଲ୍ଲା କ୍ରୀଡା ଅଧିକାରୀଙ୍କ କାର୍ଯ୍ୟଳୟରେ ଜାନୁୟାରୀ ୬ ତାରିଖ ୨୦୨୩ ସୁଦ୍ଧା ଏବଂ ପରେ ଜାନୁୟାରୀ ୮ ତାରିଖ ସକାଳ ୬ ଟାରେ ଇଚ୍ଛୁକ ପ୍ରାର୍ଥୀ ପ୍ରଥମେ ନାମ ପଞ୍ଜୀକରଣ କରିପାରିବେ। ସକାଳ ୭ ଟାରେ ଷ୍ଟାଡିୟମରୁ ମାରାଥନ ଆରମ୍ଭ ହୋଇ ଉକ୍ତ ସ୍ଥାନରେ ୮.୩୦ ମିନିଟରେ ଶେଷ କରିବାକୁ କୁହାଯାଇଛି।

ଏହି ଦୌଡରେ ପ୍ରାର୍ଥୀମାନଙ୍କୁ ୪ ଟି ପର୍ଯ୍ୟାୟରେ ଭାଗ ନେବା ପାଇଁ ସ୍ଥିର କରାଯାଇଛି।

୧- ୧୪ ବର୍ଷରୁ ଉର୍ଦ୍ଧ୍ଵ ବାଳକ

୨- ୧୪ ବର୍ଷରୁ ଉର୍ଦ୍ଧ୍ଵ ବାଳିକା

୩- ବିଏସଏଫ

୪- ୫୦ ବର୍ଷରୁ ଉର୍ଦ୍ଧ୍ଵ ସମସ୍ତ ନାଗରିକ ଏବଂ ମିଡିଆ ହାଉସ।

Categories
ଆଜିର ଖବର ରାଜ୍ୟ ଖବର

ବିଦ୍ୟାଳୟ ଓ ଗଣଶିକ୍ଷା ବିଭାଗ କମିଶନର ତଥା ସଚିବଙ୍କ ଖୋର୍ଦ୍ଧା ଜିଲ୍ଲାରେ ସମୀକ୍ଷା ବୈଠକ

ଖୋର୍ଦ୍ଧା: ବିଦ୍ୟାଳୟ ଓ ଗଣଶିକ୍ଷା ବିଭାଗ କମିଶନର ତଥା ସଚିବ, ଅଶ୍ଵଥି ଏସ୍. ଖୋର୍ଦ୍ଧା ଜିଲ୍ଲା ଗସ୍ତରେ ଆସି ବୁଧବାର ଜିଲ୍ଲାପାଳଙ୍କ କାର୍ଯ୍ୟ।ଳୟରେ ଅନୁଷ୍ଠିତ ସମୀକ୍ଷା ବୈଠକରେ ଯୋଗ ଦେଇଥିଲେ। ପ୍ରଥମେ ଜିଲ୍ଲାପାଳ, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଏବଂ ଜିଲ୍ଲା ଶିକ୍ଷା ଅଧିକାରୀଙ୍କ ଉପସ୍ଥିତିରେ ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ ଓ ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀଙ୍କ ସହ ୫-ଟି ଉଚ୍ଚ ବିଦ୍ୟାଳୟ ରୂପାନ୍ତରିକରଣ କାର୍ଯ୍ୟକ୍ରମର ସମୀକ୍ଷା କରିଥିଲେ। ଏହାପରେ ଜିଲ୍ଲା ସ୍ତରୀୟ ଶିକ୍ଷା ବିଭାଗର ସ୍ଵତନ୍ତ୍ର ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା।

ଏହି ବୈଠକରେ ଜିଲ୍ଲାପାଳ, କେ. ସୁଦର୍ଶନ ଚକ୍ରବର୍ତ୍ତୀ,ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ, ଦିଗନ୍ତ ରାଉତ, ମୋ ସ୍କୁଲ, ଚିଫ ଅପରେଟିଙ୍ଗ ଅଧିକାରୀ, ଅମରଜିତ ଜେନା ଏବଂ ତାଙ୍କର ସମସ୍ତ ଷ୍ଟାଫ,ଜିଲ୍ଲା ଶିକ୍ଷା ଅଧିକାରୀଙ୍କ ସହ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ (Establishment), ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ (Scheme/ Academic), ଅଧ୍ୟକ୍ଷ, ଜିଲ୍ଲା ଶିକ୍ଷା ଓ ଶିକ୍ଷକ ପ୍ରଶିକ୍ଷଣ ପ୍ରତିଷ୍ଠାନ, ସମଗ୍ର ଶିକ୍ଷାର ବିଭିନ୍ନ ବିଭାଗୀୟ ମୁଖ୍ୟ ଏବଂ ସମସ୍ତ ବ୍ଲକ ଶିକ୍ଷା ଅଧିକାରୀମାନେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ଜ୍ୟୋସ୍ନା ମୟୀ ଆଚାର୍ଯ୍ୟ ପ୍ରମୁଖ ଉପସ୍ଥିତ ଥିଲେ। କମିଶନର ତଥା ସଚିବଙ୍କ ନିର୍ଦ୍ଦେଶ କ୍ରମେ ସମଗ୍ର ଶିକ୍ଷା ଅନ୍ତର୍ଗତ ବିଭିନ୍ନ କାର୍ଯ୍ୟକ୍ରମର ଭୌତିକ ଏବଂ ଆର୍ଥିକ ଉପଲବ୍ଧି, ପୋଷାକ ବିତରଣ, ଭିନ୍ନକ୍ଷମ ଛାତ୍ରଛାତ୍ରୀଙ୍କ ବିକାଶ ନିମନ୍ତେ କାର୍ଯ୍ୟକ୍ରମ, ବୈଷୟିକ ଶିକ୍ଷା କାର୍ଯ୍ୟକ୍ରମ ଇତ୍ୟାଦି ବିଷୟରେ ଆଲୋଚନା କରଯାଇଥିଲା।

କମିଶନର ତଥା ସଚିବ, ମଧ୍ୟାହ୍ନ ଭୋଜନର ସୁପରିଚଳନା, ବିଦ୍ୟାଳୟରେ ପରିମଳ ବ୍ୟବସ୍ଥାକୁ ସୁଦୃଢ କରିବା ସହ କୌଣସି ଶିଶୁ ଯେପରି ଶିକ୍ଷାଲାଭରୁ ବଞ୍ଚିତ ନହୁଏ ସେ ଦିଗ ପ୍ରତି ଗୁରୁତ୍ଵ ଦେବା ନିମନ୍ତେ ଜିଲ୍ଲାପାଳଙ୍କୁ ପରାମର୍ଶ ଦେଇଥିଲେ।

ଉକ୍ତ ବୈଠକରେ ମୋ ସ୍କୁଲ ଅଭିଯାନର ବିଭିନ୍ନ ବିଭାଗୀୟ ଅଧିକାରୀ ଉପସ୍ଥିତ ରହି ସେମାନଙ୍କ ବିଦ୍ୟାଳୟ ପରିଦର୍ଶନର ବିବରଣୀ ଉପସ୍ଥାପନ କରିଥିଲେ ଏବଂ କମିଶନର ତଥା ସଚିବ ଏହା ଉପରେ ନିଜର ମନ୍ତବ୍ୟ ରଖି ଆବଶ୍ୟକ ସ୍ଥଳେ ଉପଯୁକ୍ତ କାର୍ଯ୍ୟ।ନୁଷ୍ଠାନ ନେବା ନିମନ୍ତେ ସମସ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ଏଥି ସହିତ ସବୁ ସ୍ତରରେ ବିଦ୍ୟାଳୟ ପରିଦର୍ଶନ ବ୍ୟବସ୍ଥାକୁ ଦୃଢୀଭୂତ କରିବା ସହ ସମସ୍ତ ବିଦ୍ୟାଳୟରେ ଗୁଣାତ୍ମକ ଶିକ୍ଷା ପ୍ରଦାନ ସୁନିଶ୍ଚିତ କରିବା ପାଇଁ ସମସ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ।

Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧାରେ ହେବ ନିଯୁକ୍ତି ମେଳା, ଯୋଗ୍ୟତା ୫ମ ରୁ ୧୦ମ ଫେଲ

ଭୁବନେଶ୍ୱର/ଖୋର୍ଦ୍ଧା:  ଓଡ଼ିଶା ଦକ୍ଷତା ବିକାଶ କର୍ତ୍ତୃପକ୍ଷ, ଓଡ଼ିଶାଙ୍କ ତରଫରୁ ଜିଲ୍ଲା ପ୍ରଶାସନ, ଖୋର୍ଦ୍ଧା ଆନୁକୂଲ୍ୟରେ ଚଳିତ ବର୍ଷ ଏକ କ୍ଷୁଦ୍ର ନିଯୁକ୍ତି ମେଳା ତଥା ପରାମର୍ଶ ଶିବିର ଆୟୋଜନ ହେବ। ଏହା ଆଗାମୀ ୫ ଜାନୁଆରୀ,୨୦୨୩ ପୂର୍ବାହ୍ନ. ୧୦ଟା ସମୟରେ ୟୁନିଟ – ୮ ଭୁବନେଶ୍ଵର ସ୍ଥିତ ସରକାରୀ ବାଳକ ଉଚ୍ଚ ବିଦ୍ୟାଳୟ ଠାରେ ଭୁବନେଶ୍ଵର ଅନୁଷ୍ଠିତ ହେବ ।

ଏହା ଭୁବନେଶ୍ଵର, ଜଟଣୀ ,ବାଲିଅନ୍ତା ଓ ବାଲିପାଟଣା ପଞ୍ଚାୟତ ସମିତି ଅନ୍ତର୍ଗତ ପ୍ରାର୍ଥୀ ,ପ୍ରାର୍ଥିନୀମାନଙ୍କ ନିମନ୍ତେ ଅନୁଷ୍ଠିତ ହେବ । ଏହି ନିଯୁକ୍ତି ମେଳାରେ ରାଜ୍ୟ ଓ ରାଜ୍ୟ ବାହାରର ବିଭିନ୍ନ ନିଯୁକ୍ତିଦାତା ସଂସ୍ଥାମାନେ ଯୋଗ ଦେବେ । ଏହା ବ୍ୟତୀତ ଓଡ଼ିଶା ଦକ୍ଷତା ବିକାଶ କର୍ତ୍ତୃପକ୍ଷ (ଓଏସଡିଏ) ସହ ବୁଝାମଣା ପତ୍ର (ଏମ୍ଓୟୁ) ସ୍ଵାକ୍ଷର କରିଥିବା ପ୍ରକଳ୍ପ କାର‌୍ୟ୍ୟକାରିଣୀ ସଂସ୍ଥା (ପିଆଇଏ)ମାନେ ମଧ୍ୟ ଯୋଗଦେବେ । ସମସ୍ତ ନିଯୁକ୍ତିଦାତା ସଂସ୍ଥାମାନଙ୍କରେ ସିଧାସଳଖ ନିଯୁକ୍ତିର ସୁଯୋଗ ରହିଅଛି ।

ପ୍ରକଳ୍ପ କାର୍ଯ୍ୟକାରିଣୀ ସଂସ୍ଥା ମାଧ୍ୟମରେ ପ୍ରାର୍ଥୀ ବା ପ୍ରାର୍ଥିନୀମାନେ ଜିଲ୍ଲା ମଧ୍ୟରେ ତାଲିମ ନେଇ ମଧ୍ୟ ନିଶ୍ଚିତ ନିଯୁକ୍ତିର ସୁଯୋଗ ହାସଲ କରିପାରିବେ । ସୁତୁରାଂ ଭୁବନେଶ୍ଵର,ଜଟଣୀ, ବାଲିଅନ୍ତା ଓ ବାଲିପାଟଣା ପଞ୍ଚାୟତ ସମିତି ଅନ୍ତର୍ଗତ ରୋଜଗାର ସନ୍ଧାନରେ ଥିବା ୫ମ ଶ୍ରେଣୀ ପାସ ଠାରୁ ଦଶମ ଶ୍ରେଣୀ ଫେଲ ପର୍ଯ୍ୟନ୍ତ ଏବଂ ମାଟ୍ରିକ ପାସ ଠାରୁ ସ୍ନାତକ ବା ଆଇ.ଟି.ଆଇ କିମ୍ବା ଡିପ୍ଲୋମା ବା ଏଏନମ, ଜିଏନମ ଉତ୍ତୀର୍ଣ୍ଣ ହୋଇଥିବା ଆଗ୍ରହୀ ଯୁବକ ବା ଯୁବତୀ ମାନେ ନିଯୁକ୍ତି ମେଳା ଦିନ ୟୁନିଟ-୮, ଭୁବନେଶ୍ଵର ସ୍ଥିତ ସରକାରୀ ବାଳକ ଉଚ୍ଚ ବିଦ୍ୟାଳୟ ଠାରେ ନିଜର ନାମ ପଞ୍ଜୀକୃତ କରି ଏହି ମେଳାରେ ଭାଗନେଇ ପାରିବେ ।

ଏଥିପାଇଁ ପ୍ରାର୍ଥୀ ପ୍ରାର୍ଥିନୀମାନେ ସେମାନଙ୍କ ଶିକ୍ଷାଗତ ଯୋଗ୍ୟତା, ବାସିନ୍ଦା ପ୍ରମାଣ ପତ୍ର, ଜାତିଗତ ପ୍ରମାଣ ପତ୍ର, ଆଧାର ପ୍ରମାଣ ପତ୍ର, ଡ୍ରାଇଭିଙ୍ଗ ଲାଇସେନ୍ସର ଏକକିତା ନକଲ ସହ ପାସପୋର୍ଟ ସାଇଜର ଫଟୋ ୬ଗୋଟି ସାଥିରେ ଆଣିବାକୁ ଅନୁରୋଧ କରାଯାଇଛି । ଏହି ପରିପ୍ରେକ୍ଷୀରେ ଜିଲ୍ଲା ପ୍ରଶାସନ, ଖୋର୍ଦ୍ଧା ତରଫରୁ ସମସ୍ତ ନିଯୁକ୍ତି ଆଶାୟୀ ପ୍ରାର୍ଥୀ, ପ୍ରାର୍ଥିନୀମାନଙ୍କୁ ଉକ୍ତ ନିଯୁକ୍ତି ମେଳା ତଥା ପରାମର୍ଶ ଶିବିରରେ ଯୋଗଦେଇ ଏହାର ସୁଯୋଗ ନେବାକୁ ଜିଲ୍ଲାପାଳ ଖୋର୍ଦ୍ଧା ଏବଂ ଆଂଚଳିକ ସହକାରୀ ନିୟୋଜନ ନିର୍ଦ୍ଦେଶକ,ଭୁବନେଶ୍ୱରଙ୍କ ତରଫରୁ ଏବଂ ଜିଲ୍ଲାପାଳ ଖୋର୍ଦ୍ଧାଙ୍କ ତରଫରୁ ସୂଚନା ପ୍ରଦାନ କରାଯାଇଛି ।

ପ୍ରକାଶ ଥାଉକି, ଏହି ନିଯୁକ୍ତି ମେଳା ତଥା ପରାମର୍ଶ ଶିବିରରେ ଅଂଶଗ୍ରହଣ କରୁଥିବା ନିଯୁକ୍ତିଦାତା ସଂସ୍ଥା ଏବଂ ପ୍ରକଳ୍ପ କାର‌୍ୟ୍ୟକାରିଣୀ ସଂସ୍ଥା ମାନଙ୍କର ସବିଶେଷ ତଥ୍ୟ ନିକଟସ୍ଥ ପଞ୍ଚାୟତ ସମିତି କାର‌୍ୟ୍ୟଳୟରେ ଉପଲବ୍ଧ ହେବ । ଭୁବନେଶ୍ଵର ମହାନଗର ନିଗମ ଏବଂ ଜଟଣୀ ପୌରପରିଷଦ , ଅନ୍ତର୍ଗତ ପ୍ରାର୍ଥୀ ଓ ପ୍ରାର୍ଥିନୀମାନେ ନିର୍ଦ୍ଧାରିତ ଦିବସ ଓ ସ୍ଥାନରେ ନିଜର ନାମ ପଞ୍ଜିକରଣ କରି ଏହି ମେଳାରେ ଭାଗ ନେଇ ପାରିବେ।

ଆଜି ଏହି ପରିପ୍ରେକ୍ଷୀରେ ପୂର୍ବାହ୍ନରେ ଏକ ବୈଠକ ଖୋର୍ଦ୍ଧା ଜିଲ୍ଲାପାଳଙ୍କ ଓସ୍ୱାନ୍ ସଭାଗୃହରେ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥିରେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଓ କାର‌୍ୟ୍ୟନିର୍ବାହୀ ଅଧିକାରୀ ଶ୍ରୀ ଦିଗନ୍ତ କୁମାର ରାଉତରାୟ, ଆଂଚଳିକ ସହକାରୀ ନିୟୋଜନ ନିର୍ଦ୍ଦେଶକଙ୍କ ସହିତ ଜିଲ୍ଲାର ଅନ୍ୟାନ୍ୟ ଅଧିକାରୀମାନେ ଉପସ୍ଥିତ ରହି ଏହି ନିଯୁକ୍ତିମେଳାର ଆୟୋଜନ ନିମନ୍ତେ ଆଲୋଚନାରେ ଅଂଶଗ୍ରହଣ କରିଥିଲେ ।

Categories
Hockey Worldcup23 ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଜିଲ୍ଲାରେ ପୁରୁଷ ହକି ବିଶ୍ଵକପ ଟ୍ରଫିକୁ ଭବ୍ୟ ସମ୍ବର୍ଦ୍ଧନା

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାର ବୋଲଗଡ଼ ପଞ୍ଚାୟତ ସମିତି ଠାରେ ପୁରୁଷ ହକି ବିଶ୍ୱକପ ଟ୍ରଫିକୁ ନୟାଗଡ ଜିଲ୍ଲାରୁ ସମ୍ମାନର ସହ ସ୍ୱାଗତ କରାଯାଇଛି। ପୂର୍ବ ପ୍ରସ୍ତୁତି ଅନୁସାରେ ଖୋର୍ଦ୍ଧା ଜିଲ୍ଲାର ବିଭିନ୍ନ ସହର ପରିକ୍ରମା କରାଯାଇଛି।

ବୋଲଗଡ ପଂଚାୟତ ସମିତିରେ ଏହାକୁ ସମ୍ବର୍ଦ୍ଧନା ଦିଆଯିବା ପରେ ପରେ ଟ୍ରଫି ଗାଡିକୁ ଖୋର୍ଦ୍ଧାର ଚଣ୍ଡି ଚୁଆଁ ଛକ ଠାରୁ ଟାଉନ ହଲ ଅଭିମୁଖେ ପ୍ରକ୍ସେସନ କରାଯାଇ ଅଣାଯାଇଥିଲା। ପ୍ରକ୍ସେସନରେ ଦୂଲଦୁଲି, ପାଇକ ନାଚ, ସଂକୀର୍ତ୍ତନ ଦଳ, ଘୋଡାନାଚ, ଆତସବାଜି ପ୍ରଦର୍ଶନ ହୋଇଥିଲା।

ଏଥିରେ ଜିଲ୍ଲାର ସମସ୍ତ ଅଧିକାରୀ, ସ୍କୁଲ, କଲେଜ, ସ୍ୱୟଂ ସହାୟକ ମହିଳା, ଜନସାଧାରଣ ବହୁ ସଂଖ୍ୟାରେ ଯୋଗ ଦେଇଥିଲେ। ସେହି ସ୍ଥାନରୁ ଟାଉନ ହଲ ଅଭିମୁଖେ ଯାତ୍ରା ଚାଲୁ ରହିଥିଲା। ଟାଉନ ହଲ ଠାରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ଏବଂ ଏକ ସଭାର ଆୟୋଜନ ହୋଇଥିଲା। ଜିଲ୍ଲାର ବିଧାୟକମାନେ ଯଥାକ୍ରମେ ଜଟଣୀ ବିଧାୟକ ସୁରେଶ କୁମାର ରାଉତରାୟ, ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ର, ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ଆରକ୍ଷୀ ଅଧିକ୍ଷକ ସିଦ୍ଧାର୍ଥ କାଟାରିଆ, ଅତିରିକ୍ତ ଜିଲ୍ଲାପାଳ ସାଫଲ୍ୟ ମଣ୍ଡିତ ପ୍ରଧାନ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଓ କାର୍ଯ୍ୟ ନିର୍ବାହୀ ଅଧିକାରୀ ଦିଗନ୍ତ ରାଉତରାୟ, ଉପ -ଜିଲ୍ଲାପାଳ ଦୀପ୍ତି ରଞ୍ଜନ ସେଠି, ତହସିଲଦାର, ବି. ଡି. ଓ, ସମସ୍ତ ଅଧିକାରୀ, ଏସ. ଏଚ. ଜି. ମହିଳା, ଜନ ସାଧାରଣ ବିପୁଳ ସଂଖ୍ୟାରେ ଯୋଗ ଦେଇ ଥିଲେ।

ମଞ୍ଚାସୀନ ସମସ୍ତ ଅତିଥି ସେମାନଙ୍କ ବକ୍ତବ୍ୟ ରଖିବା ପରେ ଧନ୍ୟବାଦ ପୂର୍ବକ ସଭା ସାଙ୍ଗ କରାଯାଇଥିଲା।

ମଧ୍ୟାହ୍ନ ଭୋଜନ ପରେ ଜିଲ୍ଲାପାଳ ଙ୍କ କାର୍ଯ୍ୟାଳୟ ଅଭିମୁଖେ ପ୍ରକସେସନ କରାଯାଇ ଅରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଚାଲୁ ରହିଥିଲା। ପରେ ପରେ ଟ୍ରଫିକୁ ଜଟଣୀ କାର୍ଯ୍ୟ ନିର୍ବାହୀ ଅଧିକାରୀ ଓ ଜଟଣୀ ବି. ଡି. ଓ ଙ୍କ ମାର୍ଫତରେ ସନ୍ଧ୍ୟା ୬.୩୦ ମିନିଟରେ ପୁରୀକୁ ହସ୍ତାନ୍ତର କରାଗଲା।

Categories
ଆଞ୍ଚଳିକ

ବାଣପୁର ବ୍ଲକରେ ୧୮୩୮ ପରୀକ୍ଷାର୍ଥୀ ଦେଲେ ଦଶମ ଶ୍ରେଣୀ ସମ୍ମେଟିଭ-୧ ପରୀକ୍ଷା

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକରେ ଚଳିତ ବର୍ଷ ଦଶମ ଶ୍ରେଣୀରେ ପଢ଼ୁଥିବା ଛାତ୍ରଛାତ୍ରୀଙ୍କର ବୁଧବାର ଠାରୁ ସମ୍ମେଟିଭ-୧ପରୀକ୍ଷା ଆରମ୍ଭ ହୋଇଛି। ଉକ୍ତ ପରୀକ୍ଷା ସରକାର ନୂତନ ଭାବେ ଚଳିତ ବର୍ଷଠାରୁ ଆରମ୍ଭ କରିଛନ୍ତି। ଯାହାକି ପିଲା ମାନକର ଦକ୍ଷତା ସମ୍ପର୍କରେ ସରକାରଙ୍କ ପାଖରେ ତଥ୍ୟ ରହିପାରିବ।

କରୋନା ଭଳି ମହାମାରୀ ସମୟରେ ପରୀକ୍ଷା ନ ହୋଇପାରିବାରୁ ପିଲାମାନଙ୍କର ଦକ୍ଷତା ମାପିବା ଶିକ୍ଷା ବିଭାଗ ଦ୍ଵାରା କଷ୍ଟକର ହୋଇପଡିଥିଲା। ତେଣୁ ଉକ୍ତ ପରୀକ୍ଷା ମାଧ୍ୟମରେ ପ୍ରତେକ ଛାତ୍ରଛାତ୍ରୀ ଙ୍କର ଦକ୍ଷତା ସରକାରଙ୍କ ପାଖରେ ମହଜୁଦ ରହିବ ବୋଲି ବିଇଓ କହିଛନ୍ତି।

ଏହି ପରିପ୍ରେକ୍ଷୀରେ ବାଣପୁର ବ୍ଲକରେ ସମୁଦାୟ ୮ଟି ସେଣ୍ଟର କରାଯିବା ସହ ବ୍ଲକର ସମୁଦାୟ ୧୮୫୯ ଛାତ୍ରଛାତ୍ରୀଙ୍କ ମଧ୍ୟରୁ ୧୮୩୮ଜଣ ପରୀକ୍ଷାରେ ଅଂଶ ଗ୍ରହଣ କରିଥିବା ବେଳେ ୨୧ଜଣ ଛାତ୍ରଛାତ୍ରୀ ପରୀକ୍ଷାରେ ଅଂଶ ଗ୍ରହଣ କରିନଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ବାଲୁଗାଁ ପୋଲିସ ସବଡିଭିଜନରେ ଡିଜେ ହେଲା ବ୍ୟାନ, ଏସଡିପିଓ ମାନସ ବାରିକ ଦେଲେ ନିର୍ଦ୍ଦେଶ

ସୀତାରାମ ଅଗ୍ରୱାଲା

ଚିଲିକା: ଖୋର୍ଦ୍ଧା ଜିଲ୍ଲା ବାଲୁଗାଁ ପୋଲିସ ସବଡିଭିଜନ ଅଧୀନରେ ଆସୁଥିବା ଚାରି ଗୋଟି ଥାନା ଅଞ୍ଚଳରେ ବ୍ୟାନ ହୋଇଛି ଡିଜେ। ସୂଚନା ଥାଉ କି ବାରମ୍ବାର ପୋଲିସର ଅନୁରୋଧ ସତ୍ବେ ବାଲୁଗାଁ ପୋଲିସ ସବଡିଭିଜନ ବିଭିନ୍ନ ଅଞ୍ଚଳରେ ବେଆଇନ ଭାବେ ବିଳମ୍ବିତ ରାତ୍ରି ଯାଏଁ ଉଚ୍ଚ ଶବ୍ଦରେ ଡିଜେ ବାଜୁଥିବାର ଅଭିଯୋଗ ହେଉଛି।

ନିକଟରେ ମଧ୍ୟ ଏସଡିପିଙ୍କ ନିର୍ଦେଶକ୍ରମେ ଚଳିତ ବର୍ଷ ଗଣେଶ ପୂଜା ଭସାଣି ସମୟରେ ଉଭୟ ବାଣପୁର ଓ ବାଲୁଗାଁ ପୋଲିସ ଏକାଧିକ ଡିଜେ ଗାଡ଼ି ଜବତ କରିଥିଲା। ତଥାପି ଉପଜିଲ୍ଲାପାଳଙ୍କ ବିନା ଅନୁମତି ପତ୍ରରେ ବେଆଇନ ଭାବେ ଉଚ୍ଚ ଶବ୍ଦରେ ଡିଜେ ବଜାଉଛନ୍ତି ଜନସାଧାରଣ ମାନେ। ଯାହାଦ୍ୱାରା ବୟସ ବ୍ୟକ୍ତି, ହୃଦରୋଗୀ, ଛୋଟ ଶିଶୁମାନେ ଗୁରୁତର ସମସ୍ୟାର ସମ୍ମୁଖୀନ ହେଉଛନ୍ତି।

ଗତକାଲି ବିଳମ୍ବିତ ରାତ୍ରିରେ ବାଣପୁର ଥାନା ଅଞ୍ଚଳରୁ ସମାନ ଅଭିଯୋଗ ଆସିବାପରେ ଆଜି ଏସଡିପିଓ ବାଣପୁର, ବାଲୁଗାଁ, ଟାଙ୍ଗୀ ଏବଂ ନିରାକାରପୁର ଥାନାଧିକାରୀଙ୍କୁ ଏପରି ନିର୍ଦେଶ ଦେଇଛନ୍ତି l ଯଦି ଉକ୍ତ ନିର୍ଦେଶନାମା ରେ ଖିଲାପ ହୁଏ ତେବେ ଆଇନ ଅନୁଯାୟୀ ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସଡିପିଓ ଶ୍ରୀ ବାରିକ କହିଛନ୍ତି।

Categories
ଆଜିର ଖବର ରାଜ୍ୟ ଖବର

ଟାଙ୍ଗୀ: ପୋଖରୀରେ ବୁଡି ଯୁବକ ମୃତ

ସୀତାରାମ ଅଗ୍ରୱାଲ

ଟାଙ୍ଗୀ: ପୋଖରୀରେ ବୁଡି ଜଣେ ଯୁବକଙ୍କ ମୃତ୍ୟୁ ହୋଇଛି। ମୃତକ ଯୁବକଙ୍କ ନାମ କୃଷ୍ଣ ଚନ୍ଦ୍ର ପ୍ରଧାନ (୨୭ ବର୍ଷ) ବୋଲି ଜଣାପଡିଥିବା ବେଳେ ତାଙ୍କ ଘର ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ମହୁଝର ଗ୍ରାମରେ ବୋଲି ସୂଚନା ମିଳିଛି।

ମିଳିଥିବା ସୂଚନା ଅନୁଯାୟୀ, ଶୌଚ ହେବା ଲାଗି କୃଷ୍ଣଚନ୍ଦ୍ର ଗାଁ ପୋଖରୀକୁ ଯାଇଥିଲେ। ହେଲେ ସେଠାରେ ତାଙ୍କର ଗୋଡ ଖସି ଯିବାରୁ ଗଭୀର ଜଳରେ ବୁଡି ଯାଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ୧୦୮ ଆମ୍ବୁଲାନସ ଯୋଗେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ସୁଦ୍ଧା ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ମେଡିକାଲରେ ପୋଲିସ୍ ପହଂଚି ଶବ ଜବତ କରିବା ସହ କେସ ନଂ ୩୮/୨୨ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି। ଏନେଇ ଟାଙ୍ଗୀ ଥାନା ଅଧିକାରୀ ଦିଗବିଜୟ ବିଶ୍ଵାଳ ସୂଚନା ଦେଇଛନ୍ତି।

Categories
ଆଜିର ଖବର ଖେଳ ରାଜ୍ୟ ଖବର

ଖୋର୍ଦ୍ଧା ଜିଲ୍ଲା ସ୍ତରୀୟ ଫିଫା ଫୁଟବଲ ଟୁର୍ଣ୍ଣାମେଣ୍ଟ: ତୃତୀୟ ଦିବସର ଫଳାଫଳ ଉଦ୍‌ଘାଟିତ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ସ୍ତରୀୟ ଫିଫା ଫୁଟବଲ ଟୁର୍ଣ୍ଣାମେଣ୍ଟରେ ପ୍ରତିଯୋଗୀ ବୋଲଗଡ଼ ବ୍ଲକ ବଙ୍କଳ ଦଳ ଜଟଣୀ ବ୍ଲକ ବଙ୍କଳ ଦଳଙ୍କୁ ୫-୩ ଗୋଲରେ ପରାସ୍ତ କରି ସେମି ଫାଇନାଲକୁ ଉର୍ତ୍ତୀର୍ଣ୍ଣ ହୋଇଛନ୍ତି। ସେହିପରି ଜଟଣୀର ବାଳିକା ଦଳ ବୋଲଗଡ଼ର ବାଳିକା ଦଳଙ୍କୁ ୨-୦ ଗୋଲରେ ପରାସ୍ତ କରି ସେମି ଫାଇନାଲକୁ ଉର୍ତ୍ତୀର୍ଣ୍ଣ ହୋଇଛନ୍ତି। ଅପରାହ୍ନ ଟୁର୍ଣ୍ଣାମେଣ୍ଟରେ ଭୁବନେଶ୍ୱର ମହାନଗର ନିଗମ ବାଳିକା ଦଳ ବେଗୁନିଆ ବାଳିକା ଦଳକୁ ୩-୦ ଗୋଲରେ ପରାସ୍ତ କରି ସେମି ଫାଇନାଲକୁ ଉର୍ତ୍ତୀର୍ଣ୍ଣ ହୋଇଛନ୍ତି।

ଆଜି ତୃତୀୟ ଦିବସର ଟୁର୍ଣ୍ଣାମେଣ୍ଟକୁ ପୂର୍ବତନ ଆରକ୍ଷୀ ଅଧିକ୍ଷକଙ୍କ କୁମାର ମଜୁମଦାର୍‌, ଶିକ୍ଷାବିତ୍ କିଶୋର ଚନ୍ଦ୍ର ପରମଗୁରୁ ବ୍ଲକ ଶିକ୍ଷାଧବକାରୀ ଡ଼ଃ ନିରଂଜନ ମହାନ୍ତି, ସଂଧ୍ୟାରାଣୀ ରାଉତ, ସନାତନ ଜାଲି, ଏବଂ ନଳିନୀକାନ୍ତ ମହାନ୍ତି, ଜିଲ୍ଳା କ୍ରୀଡ଼ା ନିରୀକ୍ଷକ ପଠାଣି ଆଗ୍ରାସିଂହ ଆନୁଷ୍ଠାନିକ ଭାବେ ପ୍ରତିଯୋଗିମାନଙ୍କୁ ପ୍ରୋତ୍ସାହିତ କରିବା ସହିତ ପ୍ରତିଯୋଗିତାର ଶୁଭାରମ୍ଭ କରିଥିଲେ।

ଆସନ୍ତା କାଲି ପୂର୍ବାହ୍ନରେ ବାଲିଅନ୍ତା ବ୍ଲକର ଉଭୟ ବଙ୍କଳ ଓ ବାଳିକା ଦଳ ଭୁବନେଶ୍ୱର ବ୍ଲକର ଉଭୟ ବାଳକ ଓ ବାଳିକା ଦଳ ଭୁବନେଶ୍ୱର ବ୍ଲକର ଉଭୟ ବାଳକ ଓ ବାଳିକା ଦଳଙ୍କ ମଧ୍ୟରେ ପ୍ରତିଯୋଗିତା ହେବାକୁ ସ୍ଥିର କରାଯାଇଛି।

ଆସନ୍ତା ତା ୧୬.୧୦.୨୦୨୨ ରିଖରେ ଟୁର୍ଣ୍ଣାମେଣ୍ଟର ଚୂଡ଼ାନ୍ତ ପ୍ରତିଯୋଗିତା କରାଯାଇ ଉଭୟ ବାଳକ ଓ ବାଳିକା ଦଳର ବିଜେତାଙ୍କୁ ଚମ୍ପିୟାନ୍ ସିଲ ଓ ରନର୍ ଅପ୍‌କପ୍ ଅତିଥିମାନଙ୍କ ଦ୍ୱାରା ପ୍ରଦାନ କରାଯିବାର କାର୍ଯ୍ୟକ୍ରମ ରହିଛି।

Categories
ଆଜିର ଖବର ରାଜ୍ୟ ଖବର

ଜିଲ୍ଲା ଖାଉଟି ସୁରକ୍ଷା ପରିଷଦ ପ୍ରଥମ ବୈଠକ ଅନୁଷ୍ଠିତ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ଖାଉଟି ସୁରକ୍ଷା ପରିଷଦ ପ୍ରଥମ ବୈଠକ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଛି। ଉପଭୋକ୍ତା ମାନଙ୍କ ଅଧିକାର ଉପରେ ଜିଲ୍ଲାପାଳ ଗୁରୁତ୍ବାରୋପ କରିଛନ୍ତି। ଉପଭୋକ୍ତା ମାନଙ୍କ ଅଧିକାର ଓ ଦାୟିତ୍ବ ସଂପର୍କରେ ବ୍ୟାପକ ସଚେତନତା ସୃଷ୍ଟି କରାଯିବା ଆବଶ୍ୟକତା ରହିଛି। ବଜାରରୁ ବିଭିନ୍ନ ସାମଗ୍ରୀ କ୍ରୟବେଳେ ଉପଭୋକ୍ତା ମାନେ ଏହାର ମାନ, ଗୁଣବତ୍ତା, ବ୍ୟବହାର୍ଯ୍ୟ ତାରିଖ ଆଦି ଯାଞ୍ଚ କରିବା ନିମନ୍ତେ ଶ୍ରୀ ଚକ୍ରବର୍ତ୍ତୀ ପରାମର୍ଶ ଦେଇଥିଲେ।

ଏହି ଅବସରରେ ଖୋରଧା ମାନ୍ୟବର ବିଧାୟକ ଜ୍ୟୋତିରିନ୍ଦ୍ର ମିତ୍ର ଯୋଗଦେଇ ଉପଭୋକ୍ତା ମାନଙ୍କ ଥିବା ବିଭିନ୍ନ ଅଧିକାର ସଂପର୍କରେ ଆଲୋଚନା କରିଛନ୍ତି। ଖାଉଟି ବଜାରର ପରିସୀମା ସମୟକ୍ରମେ ବ୍ୟାପକ ହେଉଥିବାରୁ ଅନେକ ନକଲି ସାମଗ୍ରୀ ଉପଲବ୍ଧ ହେଉଥିବାରୁ ଗ୍ରାହକ ମାନେ ସଚେତନ ହେବା ନେଇ ମତାବ୍ୟକ୍ତ କରିଥିଲେ। ଖାଉଟି ମାନେ କୌଣସି ସ୍ଥାନରେ ଠକାମିର ଶିକାର ହେଲେ ସଂପୃକ୍ତ ସଂସ୍ଥା ବିରୁଦ୍ଧରେ ଅଭିଯୋଗ କରିପାରିବେ ବୋଲି ଶ୍ରୀ ମିତ୍ର ମତବ୍ୟକ୍ତ କରିଛନ୍ତି। ପ୍ରାରମ୍ଭରେ ଜିଲ୍ଲା ଖାଉଟି ସୁରକ୍ଷା ପରିଷଦର ଆବାହକ ତଥା ଅତିରିକ୍ତ ଜିଲ୍ଲାପାଳ ମନୋଜ କୁମାର ପାଢୀ ସମସ୍ତ ସଭ୍ୟମାନଙ୍କୁ ସ୍ବାଗତ କରିଥିଲେ। ଉପଭୋକ୍ତା ମାନେ ସାମଗ୍ରୀ କ୍ରୟ ବେଳେ ବୈଧ ରସିଦ ସଂଗ୍ରହ କରିବାକୁ ସେ ପରାମର୍ଶ ଦେଇଛନ୍ତି।

ସେହିଭଳି ଖୋର୍ଦ୍ଧା ପୌର ପରିଷଦ ଅଧ୍ୟକ୍ଷା କନକଲକ୍ଷ୍ମୀ ମହାନ୍ତି, ଜିଲ୍ଲା ଯୋଗାଣ ଅଧିକାରୀ ସୁଗଡା ମୁର୍ମୁ ଯୋଗଦେଇ ବିଭିନ୍ନ ସାମଗ୍ରୀ କ୍ରୟ ବେଳେ ସରକାରଙ୍କ ପକ୍ଷରୁ ସ୍ବୀକୃତି ଥିବା ଚିହ୍ନକୁ ଯାଞ୍ଚ କରିବା ଆବଶ୍ୟକତା ରହିଥିବା କହିଥିଲେ। ଖାଉଟି ମାନେ ସଚେତନ ହେଲେ ଶଠ ସଂସ୍ଥା ଗୁଡିକ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯାଇପାରିବ ବୋଲି ସେମାନେ ମତବ୍ୟକ୍ତ କରିଥିଲେ।

ଏହି ଅବସରରେ ଉପସ୍ଥିତ ଏସଡିପିଓ ଦିଲ୍ଲିପ କୁମାର ଦାସ, ବୈଧ ଓଜନ ମାପ ବିଜ୍ଞାନ ଅଧିକାରୀ, ଭାରତୀୟ ତୈଳ ନିଗମ ପ୍ରତିନିଧି, ଓକିଲ, ସାମ୍ବାଦିକ, ସ୍ବେଚ୍ଛାସେବୀ, ବୁଦ୍ଧିଜିବୀ ପ୍ରମୁଖ ଯୋଗଦେଇ ଖାଉଟି ଅଧିକାର ଓ ସୁରକ୍ଷା ଉପରେ ମଧ୍ୟ ମତବ୍ୟକ୍ତ କରିଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ଭିଜିଲାନ୍ସ ଜାଲରେ ଖୋର୍ଦ୍ଧା ଜିଲ୍ଲା ଅତିରିକ୍ତ ଯୋଗାଣ ଅଧିକାରୀ

ଖୋର୍ଦ୍ଧା: ଆଜି ଭିଜିଲାନ୍ସ ଜାଲରେ ଛନ୍ଦି ହୋଇଛନ୍ତି ଖୋର୍ଦ୍ଧା ଜିଲ୍ଲାର ଅତିରିକ୍ତ ଯୋଗାଣ ଅଧିକାରୀ ବିଷ୍ଣୁ ଚରଣ ପରିଡ଼ା। ସୂଚନା ଅନୁଯାୟୀ ଶ୍ରୀ ପରିଡ଼ା ଏକ ଧାନ ମିଲ କାର୍ଯ୍ୟକ୍ଷମ କରିବା ନିମନ୍ତେ ଜଣେ ବ୍ୟବସାୟୀଙ୍କ ନିକଟରୁ ୫୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଆଜି ତାଙ୍କୁ ଗିରଫ କରିଛି ଭୁବନେଶ୍ୱର ଭିଜିଲାନ୍ସ ଟିମ। ଲାଞ୍ଚ ଟଙ୍କା ଭିଜିଲାନ୍ସ ଜବତ କରିବା ସହ ଭୁବନେଶ୍ୱର ଭୋଇନଗର ସ୍ଥିତ ତାଙ୍କ ସରକାରୀ ବାସଭବନରେ ଚଢ଼ାଉ ଜାରି ରଖିଛି।