Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

୨ ଟି ବିଦ୍ୟାଳୟର ୬ ଜଣ ଛାତ୍ର ପଜିଟିଭ୍, ୩ ଦିନ ପାଇଁ ବନ୍ଦ ହେଲା ସ୍କୁଲ

ଗାଜିଆବାଦ: ଉତ୍ତରପ୍ରଦେଶର ଗାଜିଆବାଦରେ ୨ ଟି ବଡ ସରକାରୀ ବିଦ୍ୟାଳୟର ୬ ଜଣ ପିଲା କରୋନା ସଂକ୍ରମିତ ହୋଇଥିବା ଜଣାପଡିଛି। ଯାହା ପରେ ଏହି ବିଦ୍ୟାଳୟଗୁଡ଼ିକ ତିନି ଦିନ ପାଇଁ ବନ୍ଦ କରାଯାଇଛି। ବର୍ତ୍ତମାନ ପର୍ଯ୍ୟନ୍ତ ଏହି ବିଦ୍ୟାଳୟଗୁଡ଼ିକରେ ଅନଲାଇନ୍ କ୍ଲାସ୍ ଚାଲିବ।
ଉଲ୍ଲେଖନୀୟ ବିଷୟ ହେଉଛି, ସୋମବାର ଦିନ ଗାଜିଆବାଦର ଏହି ଘରୋଇ ବିଦ୍ୟାଳୟରେ କରୋନା ପରୀକ୍ଷା କରାଯାଇଥିଲା। ଯେଉଁଥିରେ ତୃତୀୟରୁ ନବମ ଶ୍ରେଣୀର ଦୁଇଜଣ ଛାତ୍ରଙ୍କ ରିପୋର୍ଟ ପଜିଟିଭ୍ ଆସିଥିଲା। ପରେ ସତର୍କତାମୂଳକ ପଦକ୍ଷେପ ଭାବରେ ତିନି ଦିନ ପାଇଁ ସ୍କୁଲକୁ ବନ୍ଦ କରାଯାଇଛି।

Categories
ଆଜିର ଖବର ଜାତୀୟ ଖବର

ଚିତ୍ତୁରରୁ ଗାଜିଆବାଦ ଯାଉଥିବା ମାଲବାହୀ ଟ୍ରେନ୍ ଲାଇନଚ୍ୟୁତ: ବହୁ ଟ୍ରେନ ବାଧାପ୍ରାପ୍ତ

ମଥୁରା: ଉତ୍ତରପ୍ରଦେଶର ମଥୁରା ଜିଲ୍ଲାର ଦିଲ୍ଲୀ-ମଥୁରା ରେଳ ବିଭାଗରେ ଗତକାଲି ରାତିରେ ଭୂତେଶ୍ୱର ଏବଂ ବୃନ୍ଦାବନ ରୋଡ ଷ୍ଟେସନ ମଧ୍ୟରେ ଏକ ଟ୍ରେନ ଲାଇନଚ୍ୟୁତ ହୋଇଛି। ଫଳରେ ରେଳ ଚଳାଚଳ ସମ୍ପୂର୍ଣ୍ଣ ବ୍ୟାହତ ହୋଇଛି।

ଆଗ୍ରା ଡିଭିଜନାଲ ରେଲୱେ ମ୍ୟାନେଜରଙ୍କ କାର୍ଯ୍ୟାଳୟର ଲୋକସମ୍ପର୍କ ଅଧିକାରୀ (PRO) ଏସ.କେ ଶ୍ରୀବାସ୍ତବ କହିଛନ୍ତି ଯେ, ଏହି ମାଲବାହୀ ଟ୍ରେନ୍ ଚିତ୍ତୋର ନିମ୍ବା ଷ୍ଟେସନରୁ ଗାଜିଆବାଦକୁ ସିମେଣ୍ଟ ଲୋଡ୍ କୋଚ୍ ସହିତ ମଥୁରା ଦେଇ ଯାଉଥିଲା। ରାତି ପ୍ରାୟ ୧୧.୩୦ ସମୟରେ ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣା ହେତୁ ମଥୁରା ଠାରୁ ପାଲୱଲ ପର୍ଯ୍ୟନ୍ତ ତୃତୀୟ ରେଳ ଲାଇନ ମଧ୍ୟ ବ୍ୟାହତ ହୋଇଛି।

ସେ କହିଛନ୍ତି ଯେ, ସିମେଣ୍ଟ କ୍ୟାନଗୁଡିକ ହଟାଇବା ପାଇଁ ୩୦୦ରୁ ଅଧିକ ଶ୍ରମିକ ଯୁଦ୍ଧକାଳୀନ ଭିତ୍ତିରେ ନିରନ୍ତର କାର୍ଯ୍ୟ କରୁଛନ୍ତି। ଟ୍ରେନର ୧୫ ଟି କୋଚ୍ ଖସିଯିବା ପରେ ସମସ୍ତ ତିନୋଟି ରେଳ ଲାଇନ ବ୍ୟାହତ ହୋଇଛି। ଯାହାକୁ ଶୀଘ୍ର ସଫା କରିବା ପାଇଁ ଉଦ୍ୟମ କରାଯାଉଛି। ସନ୍ଧ୍ୟା ସୁଦ୍ଧା ଟ୍ରାଫିକ୍ ପୁନରୁଦ୍ଧାର ହେବ ବୋଲି ସେ ଆଶା ପ୍ରକଟ କରିଛନ୍ତି।

ଶ୍ରୀବାସ୍ତବ କହିଛନ୍ତି ଯେ ଏହି ଦୁର୍ଘଟଣା ଯୋଗୁଁ ରାଜଧାନୀ, ଶତାବ୍ଦୀ, ସାପ୍ତାହିକ ଟ୍ରେନ୍, ଯୁବା ସ୍ପେସିଆଲ୍ ଇତ୍ୟାଦି ୧୦ ଟି ଗୁରୁତ୍ୱପୂର୍ଣ୍ଣ ଟ୍ରେନ୍ ର ପଥକୁ ପରିବର୍ତ୍ତନ କରାଯାଇଛି। ଏହା ବ୍ୟତୀତ ଅନ୍ୟ ୧୦ ଟି ଟ୍ରେନ୍ ବାତିଲ କରାଯାଇଛି।

Categories
ଆଜିର ଖବର ଜାତୀୟ ଖବର

କୌଣସି ପରିସ୍ଥିତିରେ ବିଦେଶୀ ଆକ୍ରମଣକୁ ଅନୁମତି ଦିଆଯିବ ନାହିଁ: ବାୟୁସେନା ମୁଖ୍ୟ

ନୂଆଦିଲ୍ଲୀ: ଭାରତୀୟ ବାୟୁସେନା ଆଜି ୮୯ ତମ ସ୍ଥାପନା ଦିବସ ପାଳନ କରୁଛି। ଏହି ଅବସରରେ ଗାଜିଆବାଦର ହିନ୍ଦନ ଏୟାରବେସରେ ଭାରତୀୟ ବାୟୁସେନା ନିଜର କୌଶଳ ପ୍ରଦର୍ଶନ କରିଛନ୍ତି। ଏହି ସମୟରେ ବାୟୁସେନା ମୁଖ୍ୟ ମାର୍ଶଲ ଭି.ଆର ଚୌଧୁରୀ କହିଛନ୍ତି ଯେ, କୌଣସି ପରିସ୍ଥିତିରେ ଆମେ ବାହ୍ୟ ବାହିନୀକୁ ଆମର ଆକାଶ ସୀମା ଉଲ୍ଲଂଘନ କରିବାକୁ ଦେବୁ ନାହିଁ।

ଚୌଧୁରୀ ତାଙ୍କ ସମ୍ବୋଧନରେ କହିଛନ୍ତି ଯେ, ମୁଁ ଚ୍ୟାଲେଞ୍ଜପୂର୍ଣ୍ଣ ସମୟରେ ବାୟୁସେନା ମୁଖ୍ୟ ଭାବରେ ଦାୟିତ୍ଵ ଗ୍ରହଣ କରିଛି। କୌଣସି ପରିସ୍ଥିତିରେ ଭାରତୀୟ ବାୟୁସେନାର ବିଦେଶୀ ଆକ୍ରମଣକୁ ଅନୁମତି ଦିଆଯିବ ନାହିଁ। ପୂର୍ବ ଲଦାଖ ଘଟଣାର ତୁରନ୍ତ କାର୍ଯ୍ୟାନୁଷ୍ଠାନ ଭାରତୀୟ ବାୟୁସେନାର ଯୁଦ୍ଧ ପ୍ରସ୍ତୁତିର ବଡ ପ୍ରମାଣ ବୋଲି ବାୟୁସେନା ମୁଖ୍ୟ କହିଛନ୍ତି।

Categories
ଅପରାଧ ଆଜିର ଖବର ଜାତୀୟ ଖବର ମନୋରଂଜନ

ଗାଜିଆବାଦ ବୃଦ୍ଧଙ୍କୁ ମାରପିଟ ଘଟଣା: ବିବାଦୀୟ ଟ୍ବିଟ କରିବା ଅଭିଯୋଗରେ ଅଭିନେତ୍ରୀ ସ୍ଵରା ଭାସ୍କରଙ୍କ ନାଁରେ ଥାନାରେ ଏତଲା

ନୂଆଦିଲ୍ଲୀ: ଉତ୍ତରପ୍ରଦେଶର ଗାଜିଆବାଦରେ ମୁସଲିମ ବୃଦ୍ଧଙ୍କ ଦାଢି କାଟିବା ମାମଲାରେ ବଲିଉଡ ଅଭିନେତ୍ରୀ ସ୍ଵରା ଭାସ୍କରଙ୍କ ବିରୋଧରେ ଥାନାରେ ଅଭିଯୋଗ ହୋଇଛି। ସ୍ଵରା ଭାସ୍କରଙ୍କ ସମେତ ଅରଫା ଖାନମ ଶେଖାନୀ, ଆସିଫ ଖାନ, ଟ୍ବିଟର ଇଣ୍ଡିଆ ଏବଂ ଟ୍ବିଟର ଇଣ୍ଡିଆର ମୁଖ୍ୟ ମନୀଷ ମହେଶ୍ଵରଙ୍କ ନାମରେ ମଧ୍ୟ ଏହି ଘଟଣାରେ ପୋଲିସ ଅଭିଯୋଗ ଆଣିଛି।

ଅଭିଯୋଗ ଅନୁଯାୟୀ, ବିବାଦୀୟ ଟ୍ବିଟ କରିବା ଯୋଗୁଁ ସମସ୍ତଙ୍କ ନାମରେ ଥାନାରେ ଅଭିଯୋଗ ହୋଇଛି। ସମସ୍ତେ ମୁସଲିମ ବୃଦ୍ଧଙ୍କ ଦାଢି କାଟିବାକୁ ବିରୋଧ କରି ଟ୍ବିଟ କରିଥିଲେ। ଯାହାଫଳରେ ଅନେକ ଲୋକ ଏହାକୁ ରିଟ୍ବିଟ କରିଥିଲେ। ଓକିଲ ଅମିତ ଆଚାର୍ଯ୍ୟ ଏମାନଙ୍କ ବିରୋଧରେ ଦିଲ୍ଲୀର ତିଲକ ମାର୍ଗ ଥାନାରେ ଅଭିଯୋଗ କରିଛନ୍ତି। ହେଲେ ବର୍ତ୍ତମାନ ଏତଲା ରୁଜୁ ହୋଇନାହିଁ। ପୋଲିସ ଏହି ଘଟଣା ଉପରେ ତଦନ୍ତ ଜାରି ରଖିଛି।

ଏହା ପୂର୍ବରୁ କେତେଜଣ ସାମ୍ବାଦିକ ଏବଂ ନେତାଙ୍କ ବିରୋଧରେ ମାମଲା ରୁଜୁ ହୋଇଛି। ସାମ୍ବାଦିକ ରାଣା ଆୟୁବ, ସବା ନକବୀ, ଶମା ମହମ୍ମଦ, କଂଗ୍ରେସ ନେତା ସଲମନ ନିଜାମୀଙ୍କ ସମେତ ଅନେକ ଲୋକଙ୍କ ଉପରେ ଭ୍ରମିତ ପୋଷ୍ଟ କରିବାକୁ ନେଇ ପୋଲିସ ମାମଲା ରୁଜୁ କରିଛି।

ଉଲ୍ଲେଖ ଯୋଗ୍ୟ ଯେ, ଗାଜିଆବାଦର ଜଣେ ବୃଦ୍ଧଙ୍କୁ ମାରପିଟ ମାମଲାରେ ପୋଲିସ ୪ ଜଣଙ୍କୁ ଗିରଫ କରିଛି। ଅଭିଯୁକ୍ତମାନେ ‘ଜୟ ଶ୍ରୀ ରାମ’ କହିବା ପାଇଁ ବାଧ୍ୟ କରିଥିବା ପୀଡିତ ବ୍ୟକ୍ତି ଅଭିଯୋଗ କରିଥିଲେ। ହେଲେ ଏହା କୌଣସି ସମ୍ପ୍ରଦାୟିକ ମାମଲା ହୋଇଥିବା ପୋଲିସ ମନା କରିଦେଇଛି।

ପୋଲିସ କହିବା ଅନୁଯାୟୀ, ୬ ଜଣ ହିନ୍ଦୁ-ମୁସଲିମ ଲୋକ ମିଶି ସୁଫି ଅବଦୁଲ ସମଦଙ୍କୁ ପିଟିବାରେ ସାମିଲ ଥିଲେ। ଅବଦୁଲ ବିକୁଥିବା ତାବିଜକୁ ନେଇ ଅଭିଯୁକ୍ତମାନେ ଅସନ୍ତୋଷ ଥିଲେ।