Categories
ଅପରାଧ ଆଜିର ଖବର ଜାତୀୟ ଖବର

ନୁପୁର ଶର୍ମାଙ୍କୁ ସମର୍ଥନ କରିବା ପଡିଲା ମହଙ୍ଗା: ବଜରଙ୍ଗ ଦଳର ନେତାଙ୍କ ଉପରକୁ ହେଲା ଆକ୍ରମଣ

ଭୋପାଳ: ମଧ୍ୟପ୍ରଦେଶର ଆଗର ମାଲୱାରେ ନୁପୁର ଶର୍ମାଙ୍କୁ ସମର୍ଥନ ଜଣାଇଥିବା ବଜରଙ୍ଗ ଦଳର ନେତା ଆୟୁଷ ମାଲିଙ୍କ ଉପରକୁ ଆକ୍ରମଣ ମାମଲା ଭୋପାଳରେ ପହଞ୍ଚିଛି। ଏହାକୁ ଗୁରୁତର ସହ ଗ୍ରହଣ କରି ଗୃହମନ୍ତ୍ରୀ ନରୋତ୍ତମ ମିଶ୍ର କହିଛନ୍ତି ଯେ, ଏହି ଆକ୍ରମଣ କରିଥିବା ସମସ୍ତ ଅଭିଯୁକ୍ତଙ୍କ ବିରୋଧରେ ଏଫଆଇଆର ପଞ୍ଜୀକୃତ ହୋଇଛି। ଏଥିମଧ୍ୟରୁ ୮ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଅବଶିଷ୍ଟ ୫ ଜଣଙ୍କୁ ଆସନ୍ତାକାଲି ଗିରଫ କରାଯିବ।

ଗୃହମନ୍ତ୍ରୀଙ୍କ କହିବାନୁସାରେ, ମଧ୍ୟପ୍ରଦେଶ ଏକ ଶାନ୍ତି ରାଜ୍ୟ ଏବଂ ଏଠାରେ ଶାନ୍ତି ଭଙ୍ଗ କରିବାକୁ କାହାକୁ ଅନୁମତି ଦିଆଯିବ ନାହିଁ। କେବଳ ଏତିକି ନୁହେଁ, ଏହି ମାମଲାରେ ନିଆଯାଇଥିବା କାର୍ଯ୍ୟ ସମ୍ପର୍କରେ ସୂଚନା ଦେବାବେଳେ ଗୃହମନ୍ତ୍ରୀ କହିଛନ୍ତି ଯେ, ଧାରା ୩୦୭ଅନୁଯାୟୀ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହୋଇଛି।

ଏଥିସହ ଆକ୍ରମଣ କରିଥିବା ଅଭିଯୁକ୍ତଙ୍କ ବିରୋଧରେ ବୁଲଡୋଜର ଚଳାଇବାକୁ ମଧ୍ୟ ପ୍ରସ୍ତୁତି ଚାଲିଛି। ଗିରଫ ହୋଇଥିବା ୮ ଅଭିଯୁକ୍ତଙ୍କ ଘରେ ବୁଲଡୋଜର ଚଲାଯିବ। ଏ ସମ୍ପର୍କରେ ସୂଚନା ଦେଇ ନରୋତ୍ତମ ମିଶ୍ର କହିଛନ୍ତି ଯେ, ଏ ସମ୍ପର୍କରେ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି। ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

Categories
ଆଜିର ଖବର ଜାତୀୟ ଖବର

ରାହୁଲ ଗାନ୍ଧୀଙ୍କୁ ଟାର୍ଗେଟ କଲେ ନରୋତ୍ତମ ମିଶ୍ର, କହିଲେ ଯଦି ନିର୍ଦ୍ଦୋଷ ତେବେ ଏତେ ଭୟଭୀତ କାହିଁକି?

ନୂଆଦିଲ୍ଲୀ: ନ୍ୟାସନାଲ ହେରାଲ୍ଡ ମାମଲାରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ୩ ଦିନ ଧରି ପ୍ରାୟ ୩୦ ଘଣ୍ଟା ପର୍ଯ୍ୟନ୍ତ ଜେରା କରାଯାଇଛି। ଯାହାକୁ ନେଇ ସାରା ଦେଶରେ କଂଗ୍ରେସ ପକ୍ଷରୁ ବିରୋଧ କରାଯାଉଛି। କିନ୍ତୁ ଏହି ମାମଲା ବିଷୟରେ ରାହୁଲଙ୍କୁ ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ଟାର୍ଗେଟ କରିଛନ୍ତି।

ନରୋତ୍ତମ କହିଛନ୍ତି ଯେ, ଯଦି ରାହୁଲ ନିର୍ଦ୍ଦୋଷ ତେବେ ଆତଙ୍କିତ କାହିଁକି ଏବଂ ଯଦି ଭୟ ନାହିଁ ତେବେ ଏହି ବିରୋଧ କାହିଁକି? ଯଦି ଆପଣ ଇଟାଲୀ, ବ୍ୟାଙ୍କକକ୍ ଏବଂ ଥାଇଲ୍ୟାଣ୍ଡରୁ ଆସନ୍ତି, ତେବେ ଆପଣ ସେତେବେଳେ ଏକାକୀ ଆସନ୍ତି, କିନ୍ତୁ ଇଡି ସାମ୍ନାରେ ଭିଡ଼ ନେବା କାହିଁକି ଆବଶ୍ୟକ ପଡୁଛି? ଦୁର୍ନୀତି ପ୍ରସଙ୍ଗକୁ ରାଜନୈତିକ କରିବା ପାଇଁ କଂଗ୍ରେସର ଏହା ଏକ ଘୃଣ୍ୟ ପ୍ରୟାସ। କିନ୍ତୁ ଦେଶର ଲୋକମାନଙ୍କୁ ଏସବୁ ବିଷୟରେ ଭଲଭାବେ ଜଣା ପଡିଯାଇଛି।

Categories
ଆଜିର ଖବର ଜାତୀୟ ଖବର

ୟୁପି ପରି ମଧ୍ୟପ୍ରଦେଶ ମଦ୍ରାସାଗୁଡ଼ିକରେ ଜାତୀୟ ସଂଗୀତ ହେବ ବାଧ୍ୟତାମୂଳକ!, ଗୃହମନ୍ତ୍ରୀ ଦେଲେ ସଙ୍କେତ

ଭୋପାଳ: ଉତ୍ତରପ୍ରଦେଶର ସମସ୍ତ ମଦ୍ରାସାଗୁଡ଼ିକରେ ଜାତୀୟ ସଂଗୀତ ଗାନ କରିବା ବାଧ୍ୟତାମୂଳକ ହୋଇଛି। ମଧ୍ୟପ୍ରଦେଶରେ ମଧ୍ୟ ଏହି ପଦକ୍ଷେପ ନିଆଯାଇପାରେ ବୋଲି ଗୃହମନ୍ତ୍ରୀ ନରୋତ୍ତମ ମିଶ୍ର କହିଛନ୍ତି। ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେବାବେଳେ ନରୋତ୍ତମ ମିଶ୍ର ଏହା କହିଛନ୍ତି। ଅନ୍ୟ ଏକ କାର୍ଯ୍ୟକ୍ରମରେ ଯୋଗ ଦେଇ ମଧ୍ୟପ୍ରଦେଶ ବିଜେପି ମୁଖ୍ୟ ବିଷ୍ଣୁ ଦତ୍ତ ଶର୍ମା କହିଛନ୍ତି ଯେ, ଦେଶର ସମସ୍ତ ଶିକ୍ଷାନୁଷ୍ଠାନରେ “ଜନ ଗଣ ମନ” ପାଠ କରାଯିବା ଉଚିତ୍। ଏଠାରେ ଉଲ୍ଲେଖଯୋଗ୍ୟ ଯେ, ଗୁରୁବାର ଠାରୁ ଉତ୍ତରପ୍ରଦେଶର ସମସ୍ତ ମଦ୍ରାସାରେ ଜାତୀୟ ସଂଗୀତ “ଜନ ଗଣ ମନ” ଗାନ କରିବା ବାଧ୍ୟତାମୂଳକ କରାଯାଇଛି। ୟୁପି ମଦ୍ରାସା ଶିକ୍ଷା ବୋର୍ଡର ରେଜିଷ୍ଟ୍ରାର ସମସ୍ତ ଜିଲ୍ଲା ସଂଖ୍ୟାଲଘୁ କଲ୍ୟାଣ ଅଧିକାରୀଙ୍କୁ ଏହି ନିର୍ଦ୍ଦେଶ ଦେଇଛନ୍ତି।

ଏ ବାବଦରେ ପଚରାଯାଇଥିବା ପ୍ରଶ୍ନର ଉତ୍ତରରେ ମଧ୍ୟପ୍ରଦେଶ ଗୃହମନ୍ତ୍ରୀ ମିଶ୍ର କହିଛନ୍ତି ଯେ, ସର୍ବତ୍ର ଜାତୀୟ ସଂଗୀତ ଗାନ କରାଯିବା ଉଚିତ। ସେ କହିଥିଲେ ଯେ, ‘ଏହା ଏକ ଭଲ କଥା। ଏହା ହେଉଛି ଜାତୀୟ ସଂଗୀତ ଏବଂ ଯେକୌଣସି ଠାରେ ଗାନ କରାଯାଇପାରେ। ମଧ୍ୟପ୍ରଦେଶରେ ଏଭଳି ନିଷ୍ପତ୍ତି କାର୍ଯ୍ୟକାରୀ ହୋଇପାରିବ କି ବୋଲି ପଚରାଯିବାରୁ ମିଶ୍ର କହିଛନ୍ତି ଯେ, ଏହାକୁ ବିଚାର କରାଯାଇପାରେ।

ଅନ୍ୟପକ୍ଷରେ ମଧ୍ୟପ୍ରଦେଶ ବିଜେପି ସଭାପତି ବିଷ୍ଣୁ ଦତ୍ତ ଶର୍ମା ମଧ୍ୟ ରାଜ୍ୟର ମଦ୍ରାସାରେ ଜାତୀୟ ସଙ୍ଗୀତ ଗାନ କରାଯିବା ଉଚିତ କି ବୋଲି ପଚାରିଥିଲେ ମଧ୍ୟ ସେ କହିଛନ୍ତି, “ଆମେ କାହାକୁ ପାକିସ୍ତାନର ଜାତୀୟ ସଙ୍ଗୀତ ଗାନ କରିବାକୁ କହୁ ନାହୁଁ। ଆମେ ମଧ୍ୟପ୍ରଦେଶ, ଉତ୍ତରପ୍ରଦେଶ ତଥା ସମଗ୍ର ଦେଶରେ ଅବସ୍ଥିତ ଶିକ୍ଷାନୁଷ୍ଠାନଗୁଡିକରେ ଜାତୀୟ ସଂଗୀତ ଏବଂ ‘ଭାରତ ମାତା କି ଜୟ’ର ସ୍ଲୋଗାନ ଲଗାଇବା କଥା। ଯଦି ଏପରି ନିଷ୍ପତ୍ତି ନିଆଯାଉଛି ତେବେ ଏହା ଏକ ସ୍ୱାଗତଯୋଗ୍ୟ ପଦକ୍ଷେପ।

Categories
PanchayatElection ଆଜିର ଖବର ଜାତୀୟ ଖବର

ପଞ୍ଚାୟତ ନିର୍ବାଚନ ସ୍ଥଗିତ କରିବାକୁ ନିଷ୍ପତ୍ତି: ରାଜ୍ୟପାଳଙ୍କ ନିକଟକୁ ପଠାଗଲା ପ୍ରସ୍ତାବ

ଭୋପାଳ: ପଞ୍ଚାୟତ ନିର୍ବାଚନକୁ ସ୍ଥଗିତ କରିବାକୁ ମଧ୍ୟପ୍ରଦେଶ କ୍ୟାବିନେଟ ଅନୁମୋଦନ ଦେଇଛି। ନିର୍ବାଚନ ବାତିଲ କରିବାକୁ କ୍ୟାବିନେଟ ଏକ ପ୍ରସ୍ତାବ ଆଗତ କରି ରାଜ୍ୟପାଳଙ୍କ ନିକଟକୁ ପଠାଇଛି। ଗୃହମନ୍ତ୍ରୀ ନରୋତ୍ତମ ମିଶ୍ର କହିଛନ୍ତି ଯେ, ରାଜ୍ୟପାଳ ଏହି ପ୍ରସ୍ତାବକୁ ଅନୁମୋଦନ କରିବା ପରେ ସେ ରାଜ୍ୟ ନିର୍ବାଚନ ଆୟୋଗକୁ ନିର୍ବାଚନ ସ୍ଥଗିତ କରିବାକୁ ନିର୍ଦ୍ଦେଶ ଦେଇପାରିବେ।

ଏହା ସହ ମଧ୍ୟପ୍ରଦେଶରେ ହେବାକୁ ଥିବା ପଞ୍ଚାୟତ ନିର୍ବାଚନ ବର୍ତ୍ତମାନ ସ୍ଥଗିତ ରଖାଯାଉଥିବା ଦେଖାଯାଉଛି। କ୍ୟାବିନେଟ ବୈଠକ ପରେ ଗୃହମନ୍ତ୍ରୀ ଡକ୍ଟର ନରୋତ୍ତମ ମିଶ୍ର କହିଛନ୍ତି ଯେ ରାଜ୍ୟ ସରକାର ପଞ୍ଚାୟତ ରାଜ୍ୟ ସଂଶୋଧନ ଅଧିନିୟମ ପ୍ରତ୍ୟାହାର କରୁଛନ୍ତି। ଏହାକୁ ନେଇ ବିଧାନସଭାରେ ଏକ ବିଧେୟକ ଆଗତ ହେବାର ଥିଲା, କିନ୍ତୁ ତାହା ହୋଇପାରିଲା ନାହିଁ। ବର୍ତ୍ତମାନ ସରକାର ଏହି ଅଧିନିୟମକୁ ଫେରାଇବାକୁ ରାଜ୍ୟପାଳଙ୍କୁ ପ୍ରସ୍ତାବ ଦେବେ।