Categories
ଅପରାଧ ଆଜିର ଖବର ରାଜ୍ୟ ଖବର

ସାଇବର ଲୁଟେରାଙ୍କ ଟାର୍ଗେଟ୍ ରେ ନାବାଳିକା

କଟକ: କଟକରେ ପ୍ରଥମ ଥର ପାଇଁ ହେଲା ଭିନ୍ନ ଧରଣର ସାଇବର ଠକେଇ। ସବୁ ଦିନିଆ ଅନଲାଇନ ଜିନିଷ ମଗାଉଥିବ ଯୁବତୀଙ୍କୁ ଟାର୍ଗେଟ୍ କଲେ ସାଇବର ଲୁଟେରା। ପ୍ରଥମେ ଅନଲାଇନ ଡେଲିଭରି ଓ ପରେ ସେଥିରୁ ବାହାରିଲା ଦୁର୍ଗନ୍ଧ କପଡ଼ା। ଏହାପରେ ଟଙ୍କା ରିଫଣ୍ଡ ପାଇଁ କହି ଫୋନପେ ଲିଙ୍କ୍ ମାଧ୍ୟମରେ ଲୁଟିନେଲେ ଲୁଟେରା।

ତେବେ ଏହି ଗାଙ୍ଗର ଉତ୍ପତ୍ତି ପଡ଼ୋଶୀ ରାଜ୍ୟ ମାନଙ୍କରେ ହିଁ ଦୃଷ୍ଟି ଗୋଚର ହୋଇଥାଏ। ଯାହା ନିରୀହ ଓ ବେଶୀ ଅନଲାଇନ ବ୍ୟବହାର କରୁଥିବା ବ୍ୟକ୍ତି ମାନଙ୍କୁ ଟାର୍ଗେଟ କରିଥାନ୍ତି। ବିଗତ ଦିନ ମାନଙ୍କରେ ଅନେକ ସାଇବର ଲୁଟ ସାମ୍ନାକୁ ଆସିଥିବା ବେଳେ ଏହିଭଳି ଘଟଣା ହୁଏତ ଓଡ଼ିଶାରେ ପ୍ରଥମ।

କଟକ ନୂଆ ବଜାର ଅଞ୍ଚଳର ଜଣେ ନାବାଳିକାଙ୍କୁ ନିଜର ଅନଲାଇନ ଅର୍ଡର ରିସିଭ କରିବା ପାଇଁ ଇ-କାର୍ଟରୁ ଏକ କଲ ଆସିଥିଲା। ନାବାଳିକା ଜଣକ ଘରେ ନଥିବାରୁ ତାଙ୍କ ମା’ ଙ୍କୁ କଲ କରି କହିଥିଲେ ଅନଲାଇନ ଅର୍ଡର ଟିକୁ ରିସିଭ କରିବା ପାଇଁ। ଏହାପରେ ନାବାଳିକାଙ୍କ ମା’ ୪୦୦ ଟଙ୍କା କ୍ୟାସ ଦେଇ ଅର୍ଡରକୁ ରିସିଭ କରିଥିଲେ। ହେଲେ ତା ଭିତରୁ ଦୁର୍ଗନ୍ଧ କପଡ଼ା ବାହାରିଥିଲା। ଯାହା ଫଳରେ ଏହାକୁ ଫେରସ୍ତ କରିବା ପାଇଁ ଉକ୍ତ ନମ୍ବରରେ ଡେଲିଭରି ବଏ ସହ ଯୋଗାଯୋଗ କରିଥିଲେ। ଏହାପରେ ସାଇବର ଲୁଟେରା ତାଙ୍କୁ ମାଗିଥିଲେ ଆପଣଙ୍କ ଫୋନପେ ନମ୍ବର ଅଛି ଯଦି ଦିଅନ୍ତୁ ଆମେ ଆପଣଙ୍କ ଟଙ୍କାକୁ ଫୋନପେ ମାଧ୍ୟମରେ ଫେରସ୍ତ କରିଦେବୁ।

ନାବାଳିକା ଜଣକ ଆମର କୌଣସି ଫୋନପେ ନମ୍ବର ନାହିଁ କହି ଉକ୍ତ ଡେଲିଭରି ବଏକୁ ପଡ଼ୋଶୀଙ୍କର ଫୋନେପ ନମ୍ବର ଟି ଦେଇଥିଲେ। ଲୁଟେରା ଜଣକ ପ୍ରତିଉତ୍ତରରେ କହିଥିଲେ ଫୋନପେ ରେ ଯେଉଁ ଲିଙ୍କ ଯିବ ତାକୁ କ୍ଲିକ କରିଦେବେ। ତେବେ ପଡ଼ୋଶୀ ଜଣକ ସେଇ ଲିଙ୍କ କୁ କ୍ଲିକ କଲା ପରେ ତାଙ୍କ ଆକାଉଣ୍ଟରୁ ଆଖି ପିଛୁଳାକେ ଗାୟବ ହେଇଗଲା ୧୯ ହଜାର ଟଙ୍କା। ଏ ନେଇ ନାବାଳିକା ଜଣକ ସାଇବର ଥାନାରେ ଅଭିଯୋଗ କରିଛନ୍ତି। ପୋଲିସ ଅଭିଯୋଗ ଆଧାରରେ ତଦନ୍ତ ଆରମ୍ଭ କରିଛି ବୋଲି ସୂଚନା ଦେଇଛନ୍ତି କଟକ ଆଡସ୍ନାଲ ଡିସିପି ଅନିଲ ମିଶ୍ର।

Categories
ଅପରାଧ ଆଜିର ଖବର ରାଜ୍ୟ ଖବର

ଛଅ ମାସ ଧରି ନିଖୋଜ ଥିବା ନାବାଳିକାଙ୍କୁ ଚେନ୍ନାଇରୁ ଉଦ୍ଧାର କଲା ବାଣପୁର ପୋଲିସ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳର ଜଣେ ନିଖୋଜ ନାବାଳିକାଙ୍କୁ ସୁଦୂର ଚେନ୍ନାଇରୁ ଉଦ୍ଧାର କରିଛି ପୋଲିସ। ଏ ନେଇ ଆଜି ଖୋର୍ଦ୍ଧା ଏସପି ସିଦ୍ଧାର୍ଥ କାଟାରିଆ ସୂଚନା ଦେଇଛନ୍ତି। ଉକ୍ତ ନାବାଳିକା ଜଣକ ଗତ ମାର୍ଚ୍ଚ ମାସରୁ ନିଖୋଜ ଥିବା ବେଳେ ପୋଲିସ ସେବେଠାରୁ ତାଙ୍କ ଅନୁସନ୍ଧାନ ଜାରି ରଖିଥିଲା।

ତେବେ ନିକଟରେ ନାବାଳିକା ଜଣକ ଚେନ୍ନାଇରେ ଥିବା ସୂଚନା ପାଇଥିଲା ପୋଲିସ। ତେଣୁ ଏସପିଙ୍କ ନିର୍ଦ୍ଦେଶକ୍ରମେ ଏବଂ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ଓ ବାଣପୁର ଆଇଆଇସି ଜୟପ୍ରକାଶ ପରିଡାଙ୍କ ତତ୍ୱାବଧାନରେ ଏସଆଇ ଦେବସ୍ମିତା ବେହେରା ଓ ଏସଆଇ ଚନ୍ଦନ ଦାସଙ୍କ ମିଳିତ ନେତୃତ୍ୱରେ ଏକ ଟିମ ଗଠନ କରି ଚେନ୍ନାଇ ଗସ୍ତ କରିଥିଲେ।

ଆଜି ସମ୍ପୃକ୍ତ ନାବାଳିକାଙ୍କୁ ବାଣପୁର ଥାନା ଆଣିଥିବା ବେଳେ ତାଙ୍କର ବୟାନ ରେକର୍ଡ଼ ଓ ଡାକ୍ତରୀମାଇନା ହେବା ପରେ ପରିବାରବର୍ଗଙ୍କୁ ହସ୍ତାନ୍ତର କରାଯିବ ବୋଲି ଆଇଆଇସି ଶ୍ରୀ ପରିଡା କହିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଣପୁରରୁ ନାବାଳିକାଙ୍କ ଅପହୃତ ମାମଲା: ଦୁଇ ମାସରୁ ଉର୍ଦ୍ଧ୍ଵ ସମୟ ବିତିଯାଇଥିଲେ ମଧ୍ୟ ପୋଲିସ ବିଫଳ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଭବାନୀପୁର ପଞ୍ଚାୟତର ଜନୈକ ନାବାଳିକା ଗତ ଦୁଇ ମାସରୁ ଉର୍ଦ୍ଧ୍ଵ ସମୟ ହେଲା ଅପହୃତ ହୋଇଥିବା ଅଭିଯୋଗ ହୋଇଛି।  କିନ୍ତୁ ଏଯାବତ ପୋଲିସ ତାଙ୍କୁ ଉଦ୍ଧାର କରିବାରେ ବିଫଳ ହୋଇଥିବାର ଏକ ସାମ୍ବାଦିକ ସମ୍ମିଳନୀ ଜରିଆରେ ନାବାଳିକାଙ୍କ ପରିବାରବର୍ଗ ଅଭିଯୋଗ କରିଛନ୍ତି।

ଏ ନେଇ ନାବାଳିକଙ୍କ ପରିବାର ପକ୍ଷରୁ ମାର୍ଚ୍ଚ ୩୦ ତାରିଖ ଦିନ ବାଣପୁର ଥାନାରେ ଏକ ଏତଲା ଦିଆଯାଇଥିଲା ଏବଂ ପରବର୍ତ୍ତୀ ସମୟରେ ବାଲୁଗାଁ ଏସଡିପିଓଙ୍କୁ ମଧ୍ୟ ଅବଗତ କରାଯାଇଥିଲା। କିନ୍ତୁ କିଛି ସୁଫଳ ନମିଳିବାରୁ ପରିବାର ପକ୍ଷରୁ ଖୋର୍ଦ୍ଧା ଜିଲ୍ଲାପାଳ, ଏସପି ଏବଂ ମାନବାଧିକାର କମିଶନଙ୍କ ନିକଟକୁ ଅଭିଯୋଗ କରାଯାଇଥିଲା।

ମଇ ୨ ତାରିଖରେ ମାନବାଧିକାର କମିଶନ କେଶ ନମ୍ବର ୫୮୪/୨୨ ରେ ଏକ ମାମଲା ରୁଜୁ କରିବା ସହ ଖୋର୍ଦ୍ଧା ଏସପିଙ୍କୁ ଉକ୍ତ ଘଟଣାର ତଦନ୍ତ କରି ଦୁଇ ସପ୍ତାହ ମଧ୍ୟରେ ରିପୋର୍ଟ ପ୍ରଦାନ କରିବା ପାଇଁ ନିର୍ଦ୍ଦେଶ ଦେଇଥିଲେ। ତଥାପି ପୋଲିସ ଜନୈକ ନାବାଳିକାଙ୍କୁ ଉଦ୍ଧାର କରିବାରେ ବିଫଳ ହେବାରୁ ପରିବାର ପକ୍ଷ ଓଡ଼ିଶା ଉଚ୍ଚ ନ୍ୟାୟାଳୟରେ ଏ ବାବଦରେ ସିଆରଏଲପି କେଶ ନମ୍ବର ୬୫୪/୨୨ ରେ ଏକ ମାମଲା ରୁଜୁ କରିଥିଲେ।

ଗତ ମଇ ୨୦ ତାରିଖ ଦିନ ଉଚ୍ଚ ନ୍ୟାୟାଳୟ ଉକ୍ତ ମାମଲାକୁ ୨୮ ଦିନ ଭିତରେ ସମାଧାନ କରିବାକୁ ଖୋର୍ଦ୍ଧା ଏସପିଙ୍କୁ ନିର୍ଦ୍ଦେଶ ଦେଇଥିଲେ ସୁଦ୍ଧା ଅଦ୍ୟାବଧି ପୋଲିସ ପକ୍ଷରୁ କୌଣସି ସକାରାତ୍ମକ ପ୍ରତିଶୃତି ମିଳିପାରିନାହିଁ।

ଏହି ପରିପ୍ରେକ୍ଷୀରେ ନାବାଳିକାଙ୍କ ପରିବାରବର୍ଗ ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ ଏବଂ ନାବାଳିକାଙ୍କୁ ଉଦ୍ଧାର କରିବା ପାଇଁ ଗଣମାଧ୍ୟମ ଜରିଆରେ ପୋଲିସ ବିଭାଗର ଉଚ୍ଚ କର୍ତ୍ତୃପକ୍ଷ ଏବଂ ରାଜ୍ୟ ସରକାରଙ୍କୁ ନିବେଦନ କରିଛନ୍ତି।

ଅନୁରୂପ ଭାବେ ଏ ନେଇ ବାଲୁଗାଁ ଏସଡିପି ମାନସ ରଞ୍ଜନ ବାରିକଙ୍କ ପ୍ରତିକ୍ରିୟା ନେବାରୁ ମାମଲାର ତଦନ୍ତ କ୍ଷିପ୍ରଗତିରେ ଚାଲିଛି ଏବଂ ଖୁବ ଶୀଘ୍ର ଉକ୍ତ ମାମଲାର ସମାଧାନ ହେବ ବୋଲି କହିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଣପୁର: ନାବାଳିକାଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗ, ଯୁବକଙ୍କୁ ଖୁଣ୍ଟରେ ବାନ୍ଧିଲେ ଗ୍ରାମବାସୀ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ହରିଚନ୍ଦନପୁର ଗ୍ରାମରେ ଘଟିଛି ଅଭାବନୀୟ ଘଟଣା। ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ଜଣେ ଯୁବକକୁ ଗ୍ରାମବାସୀମାନେ ଖୁଣ୍ଟରେ ବାନ୍ଧି ଅଟକ ରଖିଥିବାର ଦେଖିବାକୁ ମିଳିଛି।

ଗ୍ରାମବାସୀମାନଙ୍କ ଅଭିଯୋଗ ମୁତାବକ ଆଜି ଅପରାହ୍ନରେ କୁଲେଇ ପଞ୍ଚାୟତର ଜନୈକ ନାବାଳିକା ଗମ୍ଭାରୀମୁଣ୍ଡା ଅଞ୍ଚଳକୁ ଟ୍ୟୁସନ କରିବାକୁ ଯାଉଥିଲେ। ହେଲେ ରାସ୍ତାରୁ ଜଣେ ଯୁବକ ତାଙ୍କୁ ଦୁଷ୍କର୍ମ କରିବା ଉଦ୍ଦେଶ୍ୟରେ ଜୋରଜବରଦସ୍ତ ଉଠାଇ ନେଇଯାଇଥିଲେ। ନାବାଳିକା ଜଣକ ଚିତ୍କାର କରିବାରୁ ସ୍ଥାନୀୟ ଗ୍ରାମବାସୀ ଏକାଠି ହୋଇ ନାବାଳିକାକୁ ଉଦ୍ଧାର କରିଥିଲେ ଏବଂ ସମ୍ପୃକ୍ତ ଯୁବକଙ୍କୁ ଗ୍ରାମ ମଝି ଖୁଣ୍ଟରେ ବାନ୍ଧି ଅଟକ ରଖି ବହେ ଛେଚିଥିଲେ।

ତେବେ ଘଟଣାସ୍ଥଳରେ ନାଚୁଣୀ ଫାଣ୍ଡି ଓ ଗମ୍ଭାରିମୁଣ୍ଡା ବିଟ ହାଉସ ଅଧିକାରୀ ପହଞ୍ଚି ଯୁବକକୁ ଉଦ୍ଧାର କରିବା ସହ ମେଡିକାଲରେ ଭର୍ତ୍ତି କରିଛନ୍ତି। ତଦନ୍ତ ପରେ ଘଟଣାର ପ୍ରକୃତ ରହସ୍ୟ ଜଣାପଡିବ ବୋଲି ପୋଲିସ କହିଛି।

Categories
ଅପରାଧ ଆଜିର ଖବର ଜାତୀୟ ଖବର

ନାବାଳିକାଙ୍କ ସହ ଗଣଦୁଷ୍କର୍ମ ପରେ ହତ୍ୟା ଅଭିଯୋଗ, ୬ ଅଭିଯୁକ୍ତଙ୍କୁ ଅଟକ ରଖିଛି ପୋଲିସ

ନୂଆଦିଲ୍ଲୀ: ପିଲିଭୀତ ଜିଲ୍ଲାର ବରଖେଡା ଅଞ୍ଚଳରେ ପାଠ ପଢିବାକୁ ଯାଇଥିବା ୧୬ ବର୍ଷର ଛାତ୍ରୀଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣାରେ ପୋଲିସ ୬ ଜଣଙ୍କୁ ପଚରାଉଚରା କରୁଛି।

ପୋଲିସ ଅଧୀକ୍ଷକ ଦୀନେଶ କୁମାର ପି କହିଛନ୍ତି ଯେ, ବରଖେଡା ପୋଲିସ ଷ୍ଟେସନ ଅଞ୍ଚଳର ଛାତ୍ରୀଜଣଙ୍କ ଶନିବାର ଦିନ ସକାଳେ ପାଠ ପଢିବା ପାଇଁ ଘରୁ ବାହାରିଥିଲେ। ଯେତେବେଳେ ସେ ସନ୍ଧ୍ୟା ପର୍ଯ୍ୟନ୍ତ ଫେରି ନଥିଲେ, ପରିବାର ସଦସ୍ୟ ପୋଲିସ ନିକଟରେ ଅଭିଯୋଗ କରିଥିଲେ ଏବଂ ତାଙ୍କୁ ଅପହରଣ କରିବାର ସମ୍ଭାବନା ବ୍ୟକ୍ତ କରିଥିଲେ। ଖୋଜାଖୋଜି ବେଳେ ବିଳମ୍ବିତ ରାତିରେ ଗାଁ ନିକଟରେ ଅବସ୍ଥିତ ଏକ ଆଖୁ କ୍ଷେତରେ ପୋଲିସ ନାବାଳିକାଙ୍କ ମୃତଦେହ ଜବତ କରିଥିଲା।

ତେବେ ନାବାଳିକା ଜଣଙ୍କୁ ଗଣଦୁଷ୍କର୍ମ ଓ ହତ୍ୟା କରାଯାଇଥିବା ସନ୍ଦେହ କରାଯାଉଛି। ପୋଲିସ ଦିଆଯାଇଥିବା ଅଭିଯୋଗରେ ପରିବାର ସଦସ୍ୟ ଅଭିଯୋଗ କରିଛନ୍ତି ଯେ, ଝିଅର ଦେହରେ ଅନେକ ସ୍ଥାନରେ ଆଘାତ ଲାଗିଛି। ତାଙ୍କ ପାଟିରେ ଏକ କପଡା ଭର୍ତ୍ତି କରାଯାଇଛି। ଏହା ସହିତ ତାଙ୍କ ବହି, ବ୍ୟାଗ, ସାଇକେଲ ଏବଂ ଜୋତା ଦୂରରୁ ଉଦ୍ଧାର କରାଯାଇଛି।

ପୋଲିସ ଅଧୀକ୍ଷକ କହିଛନ୍ତି ଯେ, ଘଟଣାସ୍ଥଳରୁ ଚାରି ବୋତଲ ବିୟର, ସ୍ନାକ୍ସ ଏବଂ ସିଗାରେଟ ଖଣ୍ଡ ମଧ୍ୟ ଉଦ୍ଧାର କରାଯାଇଛି। ଗଣଦୁଷ୍କର୍ମ ପରେ ନାବାଳିକାକୁ ହତ୍ୟା କରାଯାଇଥିବା ନେଇ ପରିବାର ସଦସ୍ୟ ଆଶଙ୍କା ପ୍ରକାଶ କରିଛନ୍ତି। ସେ କହିଛନ୍ତି ଯେ, ସମ୍ପର୍କୀୟଙ୍କ ଅଭିଯୋଗ ଆଧାରରେ ପୋଲିସ ଗଣଦୁଷ୍କର୍ମ, ହତ୍ୟା ଏବଂ ପୋକସୋ ଆକ୍ଟରରେ ମାମଲା ରୁଜୁ କରିଛି। ମୃତଦେହକୁ ନିଆଯାଇ ପୋଷ୍ଟମର୍ଟମ ପାଇଁ ପଠାଯାଇଛି।

Categories
ଅପରାଧ ଆଜିର ଖବର ଜାତୀୟ ଖବର

୧୩ ବର୍ଷର ନାବାଳିକାକୁ ଅପହରଣ ଓ ଗଣଦୁଷ୍କର୍ମ: ୭ ଅଭିଯୁକ୍ତ ଗିରଫ

ପୁଣେ: ମହାରାଷ୍ଟ୍ରର ପୁଣେରେ ଜଣେ ୧୩ ବର୍ଷର ନାବାଳିକାକୁ ଅପହରଣ ଓ ଦୁଷ୍କର୍ମ ଅଭିଯୋଗରେ ୭ ଜଣଙ୍କୁ ଗିରଫ କରାଯାଇଛି। ଏନେଇ ଆଜି ମହାରାଷ୍ଟ୍ର ପୋଲିସ ସୂଚନା ଦେଇଛି। ଅଗଷ୍ଟ ୩୧ ତାରିଖ ରାତିରେ ନାବାଳିକାଜଣଙ୍କ ପୁଣେ ରେଳ ଷ୍ଟେସନରେ ନିଜ ବନ୍ଧୁଙ୍କୁ ଅପେକ୍ଷା କରିଥିବା ବେଳେ ଏକ ଅଟୋ ରିକ୍ସା ଡ୍ରାଇଭର ତାଙ୍କୁ ଦେଖିଥିଲା। ନାବାଳିକା ବନ୍ଧୁ ନ ଆସିବା ପରେ ଡ୍ରାଇଭର ବିଳମ୍ବିତ ରାତିରେ ତାଙ୍କ ଘର ଛାଡିଦେବାକୁ ପ୍ରସ୍ତାବ ଦେଇଥିଲା ଏବଂ ତା’ପରେ ତାଙ୍କ ସହ କିଛି ବନ୍ଧୁଙ୍କୁ ଡାକିଥିଲା।

ଏହା ପରେ ଅଭିଯୁକ୍ତ ତାଙ୍କୁ ସହରକୁ ନେଇ ଅନେକ ସ୍ଥାନରେ ଗଣଦୁଷ୍କର୍ମ କରିଥିଲେ। ପରେ ସେମାନେ ତାଙ୍କୁ ମୁମ୍ବାଇ ଯାଉଥିବା ଏକ ବସ୍‌ରେ ଯିବାକୁ ବାଧ୍ୟ କରିଥିଲେ।

ପୁଣେର ଡେପୁଟି କମିଶନର ନମ୍ରତା ପାଟିଲ କହିଛନ୍ତି ଯେ ନାବାଳିକାର ବାପା ୱାନୱାଡି ପୋଲିସ ଷ୍ଟେସନରେ ନିଖୋଜ ମାମଲା ରୁଜୁ କରିବା ପରେ ପୋଲିସ ଖୋଜାଖୋଜି ଆରମ୍ଭ କରିଥିଲା।

ଅଧିକାରୀ କହିଛନ୍ତି, “ଆମେ ତାଙ୍କୁ ପୁଣେରେ ପାଇଥିଲୁ ଏବଂ ତାଙ୍କ ବିବୃତ୍ତି ରେକର୍ଡ କରିବା ପରେ ଆମେ ଅଭିଯୁକ୍ତଙ୍କୁ ଗିରଫ କରିଥିଲୁ। ପୀଡିତା ବର୍ତ୍ତମାନ ସ୍ଥିର ଅଛନ୍ତି।” ଏହି ଘଟଣାରେ ସମ୍ପୃକ୍ତ ଅନ୍ୟ କିଛି ଅଭିଯୁକ୍ତଙ୍କୁ ମଧ୍ୟ ପୋଲିସ ଖୋଜୁଛି।

Categories
ଆଜିର ଖବର ରାଜ୍ୟ ଖବର

କୁଡାନାଳିରେ ଅଘଟଣ: ପୋଖରୀରେ ବୁଡି ନାବାଳିକାର ମୃତ୍ୟୁ

କନ୍ଦର୍ପ ବେହେରା
ରେଢାଖୋଲ: ଆଜି ନାକଟିଦେଉଳ ଥାନା କୁଡାନାଳି ଗ୍ରାମରେ ଜନୈକା ନାବାଳିକା ପୋଖରୀକୁ ଗାଧୋଇବାକୁ ଯାଇ ପାଣିରେ ବୁଡି ମୃତ୍ୟୁବରଣ କରିଥିବା ଖବର ହସ୍ତଗତ ହୋଇଛି।

ପ୍ରକାଶ ଯେ, ନାକଟିଦେଉଳ ଥାନା କୁଡାନାଳି ଗ୍ରାମର ନବିନ ମାଝୀଙ୍କ ଝିଅ ପଦ୍ମିନୀ ମାଝୀ(୮) ଗତକାଲି ଅପରାହ୍ନ ୪ ଟାରେ ପୋଖରୀକୁ ଏକଲା ଗାଧୋଇବା ପାଇଁ ଯାଇଥିଲା। ନୂତନ ଭାବରେ ଖୋଳାଯାଇଥିବା କୂଅରେ ଗାଧୋଉଥିବା ବେଳେ ନାବାଳିକା ଝିଅଟିର ମୃତ୍ୟୁବରଣ ହୋଇଥିବା ଜଣା ପଡିଛି।

ନାକଟିଦେଉଳ ପୋଲିସ୍ କୁଡାନାଳି ଗ୍ରାମରେ ପହଂଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ରେଢାଖୋଲ ଡାକ୍ତରଖାନାକୁ ପଠାଇଥିବା ଥାନାଧିକାରୀ ବିଧୂଭୂଷଣ ମିଶ୍ର ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ବ୍ରହ୍ମପୁରରେ ୧୦ ବର୍ଷର ନାବାଳିକାକୁ ଗଣଦୁଷ୍କର୍ମ: ୩ ନାବାଳକ ଅଟକ

ବ୍ରହ୍ମପୁର: ବ୍ରହ୍ମପୁରରେ ୧୦ ବର୍ଷର ନାବାଳିକାକୁ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଛି। ଏନେଇ ୩ ଜଣ ନାବାଳକଙ୍କୁ ପୋଲିସ ଅଟକ ରଖିଛି। ସୋମବାର ରାତିରେ ସଦର ଥାନା ଅଞ୍ଚଳରେ ନାବାଳିକାକୁ ଗଣଦୁଷ୍କର୍ମ ହୋଇଥିବା ଥାନାରେ ଅଭିଯୋଗ ହୋଇଛି। ନାବାଳିକା ଜଣଙ୍କ ଘରେ ଏକା ଥିବା ବେଳେ ଏହି ତିନିଜଣ ନାବାଳକ ତାଙ୍କୁ ଉଠାଇ ନେଇ ଗଣଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି। ନାବାଳିକା ପରିବାର ପକ୍ଷରୁ ଥାନାରେ ଏତଲା  ଦେବା ପରେ ଏହି ତିନି ଜଣଙ୍କୁ ଅଟକ ରାଖୀ ପୋଲିସ ତଦନ୍ତ ଆରମ୍ଭ କରିଛି।

Categories
ଆଜିର ଖବର ରାଜ୍ୟ ଖବର

ଓଡିଶାର 7 ଜଣ ନାବାଳିକାଙ୍କୁ ଚେନ୍ନାଇରୁ ଉଦ୍ଧାର କଲା ପୋଲିସ

ଫୁଲବାଣୀ, କନ୍ଧମାଳ ପୋଲିସର ଏକ ସ୍ବତନ୍ତ୍ର ଅଭିଯାନ ମାଧ୍ୟମରେ ଜିଲ୍ଲାର 7 ଜଣ ନାବାଳିକାଙ୍କୁ ଉଦ୍ଧାର କରିବାରେ ସକ୍ଷମ ହୋଇଛି। ଏହି ନାବାଳିକାଙ୍କୁ ପୋଲିସ ଚେନ୍ନାଇରୁ ଉଦ୍ଧାର କରିଛନ୍ତି। ଏହି ନାବାଳିକାଙ୍କୁ ଦଲାଲ ମାଧ୍ୟମରେ ଚେନ୍ନାଇ ପଠାଇ ଦିଆଯାଇଥିଲା। ଖବର ପାଇଁ ପୋଲିସ ସେମାନଙ୍କୁ ଉଦ୍ଧାର କରିବା ପାଇଁ ଯୋଜନା ପ୍ରସ୍ତୁତ ହୋଇଥିଲା। ସେମାନେ ଚେନ୍ନାଇରେ ଥିବାର ଖବର ମିଳିବା ପରେ ସେଠାରେ ପୋଲିସ ପହଁଞ୍ଚିଥିଲା। ଗତ 13 ତାରିଖରେ ସେମାନଙ୍କୁ ପୋଲିସ ଚେନ୍ନାଇରୁ ଉଦ୍ଧାର କରିଥିଲା। ପରେ ସେମାନଙ୍କୁ କନ୍ଧମାଳ ଅଣିବା ପରେ ତାଙ୍କର ପରିବାରଙ୍କୁ ହସ୍ତାନ୍ତର କରାଯାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ନାବାଳିକାକୁ ଦୁଷ୍କର୍ମ ପରେ ତଣ୍ଟି ଚିପି ହତ୍ୟା ଅଭିଯୋଗ

ବାଡ଼େମେର: ଦିନକୁ ଦିନ ରାଜସ୍ଥାନରେ ଦୁଷ୍କର୍ମ ଘଟଣା ବଢିବାରେ ଲାଗିଛି। ଆଜି ଜଣେ ନାବାଳିକା ଝିଅକୁ ଦୁଷ୍କର୍ମ ପରେ ହତ୍ୟା ହୋଇଥିବା ଅଭିଯୋଗ ହୋଇଛି। ରାଜସ୍ଥାନର ବାଡ଼େମେର ଜିଲ୍ଲାରେ ଏଭଳି ଏକ ଅଭାବନୀୟ ଘଟଣା ସାମ୍ନାକୁ ଆସିଛି।

ଘଟଣାରୁ ପ୍ରକାଶ ଯେ, ବାଡ଼େମେର ଜିଲ୍ଲାର ଶିବ ଥାନା ଅଞ୍ଚଳରେ ଏକ ନାବାଳିକାର ମୃତ ଦେହକୁ ଉଦ୍ଧାର କରାଯାଇଛି। ଦୁଷ୍କର୍ମ ପରେ ଏହି ହତ୍ୟାକାଣ୍ଡ କରାଯାଇଛି ବୋଲି ଅଭିଯୋଗ କରାଯାଇଛି। ମୃତକ ନାବାଳିକାଙ୍କ ପରିବାର ଲୋକେ ଏନେଇ ଅଭିଯୋଗ କରିଛନ୍ତି। ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ବ୍ୟବଚ୍ଛେଦ କରିବା ସହ ତଦନ୍ତ ଜାରି ରହିଛି।

ପୋଲିସ କହିବା ଅନୁସାରେ, ମୃତକ ନାବାଳିକାଙ୍କୁ ତଣ୍ଟି ଚିପି ମାରି ଦେଇଥିବା ପ୍ରାଥମିକ ତଦନ୍ତରୁ ଜଣାପଡିଛି। ହେଲେ ଦୁଷ୍କର୍ମ ଉପରେ ଏଯାଏଁ କୌଣସି ପ୍ରମାଣ ମିଳିନାହିଁ। ଶବକୁ ବର୍ତ୍ତମାନ ବ୍ୟବଚ୍ଛେଦ ଲାଗି ପଠା ଯାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ଏହାର କାରଣ ସ୍ପଷ୍ଟ ହୋଇପାରିବ। ହେଲେ କିଛି ଅଜଣା ଲୋକଙ୍କ ନାମରେ ଏନେଇ ମାମଲା ରୁଜ୍ଜୁ କରାଯାଇଛି।

Categories
ଆଜିର ଖବର ରାଜ୍ୟ ଖବର

ଭୁବନେଶ୍ଵର ଇନଫୋସିଟି ନାବାଳିକା ଗଣଦୁଷ୍କର୍ମ ମାମଲାରେ ୪ ଅଭିଯୁକ୍ତଙ୍କୁ ଗିରଫ କଲା କ୍ରାଇମବ୍ରାଞ୍ଚ

ଭୁବନେଶ୍ୱର: ଇନଫୋସିଟି ନାବାଳିକା ଗଣଦୁଷ୍କର୍ମ ମାମଲାରେ ୪ ଜଣ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ଗିରଫ କରିଛି। ଏତଲା ଆଧାରରେ ୪ ଅଭିଯୁକ୍ତଙ୍କୁ ଗିରଫ କାରାଯାଇଛି। ଦୁଇ ଜଣ ସିକ୍ୟୁରିଟି ଗାର୍ଡ ସମେତ ଓଟିଭି କର୍ମଚାରୀ ଅନିରୁଦ୍ଧ ପଣ୍ଡା, କୃଷ୍ଣଚନ୍ଦ୍ର ବେହେରାଙ୍କୁ କ୍ରାଇମବ୍ରାଞ୍ଚ ଗିରଫ କରିଥିବା ସୂଚନା ରହିଛି।

ଉଲ୍ଲେଖ ଯୋଗ୍ୟ ଯେ, ଇନଫୋସିଟି ନାବାଳିକ ଗଣଦୁଷ୍କର୍ମ ମାମଲାରେ କାର୍ଯ୍ୟାନୁଷ୍ଠାନ ନେଇ ଉଚ୍ଚ ନ୍ୟାୟାଳୟ ଅସନ୍ତୋଷ ପ୍ରକାଶ କରିଥିଲେ। ଆସନ୍ତା ୧୬ ତାରିଖ ସୁଦ୍ଧା କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଥିଲେ ଉଚ୍ଚ ନ୍ୟାୟାଳୟ। ଏହି ମାମଲାରେ ପୋଲିସ ଡିଜି ଅଭୟ ବ୍ୟକ୍ତିଗତ ଭାବରେ ଉଚ୍ଚ ନ୍ୟାୟାଳୟ ହାଜର ହୋଇଥିଲେ। ତେବେ ପରବର୍ତ୍ତୀ ଶୁଣାଣି ପୂର୍ବରୁ ଗତକାଲି ରାତିରେ କ୍ରାଇମବ୍ରାଞ୍ଚ ୪ ଅଭିଯୁକ୍ତଙ୍କୁ ହେପାଜତରେ ନେଇ ଜେରା ଚଳାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ନାବାଳିକାକୁ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଓ ବାହାର ରାଜ୍ୟକୁ ବିକ୍ରି ଉଦ୍ୟମ ବିଫଳ

କନ୍ଦର୍ପ ବେହେରା
ରେଢାଖୋଲ: ଜନୈକା ନାବାଳିକାକୁ ରେଢାଖୋଲ ଥାନା ଅଂଚଳର ଜଣେ ବିବାହିତ ଯୁବକ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଓ ବିକ୍ରି କରିବା ଅଭିଯୋଗରେ କିସିଣ୍ଡା ଥାନାରେ ସଂପୃକ୍ତ ନାବାଳିକା ଆଜି ଲିଖିତାକାରରେ ଅଭିଯୋଗ କରିଥିବା ଜଣାପଡିଛି।

କିସିଣ୍ଡା ପୋଲିସ୍ ସୂତ୍ରରୁ ପ୍ରକାଶ ଯେ, ରେଢାଖୋଲ ଥାନା ଲୁହାପଙ୍କ ପଂଚାୟତର ସାମପୁର ଗ୍ରାମର ବସନ୍ତ ସାହୁ ନାମକ ଯୁବକ ଗତ ତା ୨୫ ନଭେମ୍ବରରେ କିସିଣ୍ଡା ଥାନା ଉପରମୁଣ୍ଡା ଗ୍ରାମକୁ ଯାଇ ଜନୈକା ୧୭ ବର୍ଷ ବୟସର ନାବାଳିକାକୁ ବିବାହର ପ୍ରଲୋଭନ ଦେଖାଇ ବସ୍‌ରେ ରେଢାଖୋଲକୁ ଅପହରଣ କରିଆଣି ଭଡାଘରେ ରଖିଥିଲା। ସେ ଦିନ ରାତିରେ ଅଭିଯୁକ୍ତ ଜଣଙ୍କ ଦୁଷ୍କର୍ମ କରିଥିବା ନାବାଳିକା ଥାନାରେ ମଧ୍ୟ ଅଭିଯୋଗ କରିଛି। ଏପରିକି ବିବାହିତ ଯୁବକ ଜଣଙ୍କ ତାର ପତ୍ନୀ ସହ ମିଶି ବାହାର ରାଜ୍ୟକୁ ବିକ୍ରି କରିବା ସଂପର୍କରେ କଥାବାର୍ତ୍ତା କରୁଥିବା ନାବାଳିକା ଜଣଙ୍କ ଜାଣିପାରିଥିଲା। ଯା ଫଳରେ ସେ ବିଚଳିତ ହୋଇ ପଡିଥିଲା।

ନାବାଳିକା ଜଣଙ୍କ ଘରୁ ପଳାଇବାକୁ ଉଦ୍ୟମ କରିଥିଲେ ମଧ୍ୟ ଅଭିଯୁକ୍ତ ଯୁବକ ଓ ତାର ସ୍ତ୍ରୀ ଘର ଭିତରେ ୫ ଘଂଟା କାଳ ବନ୍ଦ କୋଠରୀ ଭିତରେ ତାଲା ମାରି ପଳାଇଯାଇଥିଲେ। ନାବାଳିକା ଜଣକର ଆର୍ତଚିକ୍ତାର ଶୁଣି ଘର ମାଲିକ ଓ ପଡିଶା ଘର ଲୋକେ ଧାଇଁ ଆସି ତାକୁ ଉଦ୍ଧାର କରିଥିଲେ। ୨୭ ନଭେମ୍ବର ସକାଳେ ନାବାଳିକା ଲିଖିତାକାରରେ ରେଢାଖୋଲ ଥାନାରେ ଅଭିଯାଗ କରିଥିଲା।

ନାବାଳିକାର ଘର କିସିଣ୍ଡା ଥାନା ଅଞ୍ଚଳର ହୋଇଥିବାରୁ ରେଢାଖୋଲ ପୋଲିସ୍ କିସିଣ୍ଡା ଥାନାକୁ ଯାଇ ଅଭିଯୋଗ କରିବାକୁ କହିଥିଲା। ତେବେ ଆଜି ସକାଳେ (୨୭ ନଭେମ୍ବର)ନାବାଳିକା କିସିଣ୍ଡା ଥାନାକୁ ଯାଇ ଅଭିଯୋଗ କରିବା ପରେ କିସିଣ୍ଡା ଥାନାଧିକାରୀ ଚିତ୍ତରଞ୍ଜନ ନାଏକ ଘଟଣାଟିକୁ ଗୁରୁତ୍ୱର ସହ ନେଇ ଏସ୍‌ଡିପିଓ ହାଡିବନ୍ଧୁ ସ୍ୱାଇଁ ଙ୍କ ସହ ମିଶି ଏହାର ତଦନ୍ତ କରୁଥିବା ନିଜେ କିସିଣ୍ଡା ଥାନାଧିକାରୀ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି। ଆଜି ରେଢାଖୋଲ ଡାକ୍ତରଖାନାରେ ନାବାଳିକାର ଡାକ୍ତରିମାଇନା କରାଯାଇଛି। ଅଭିିଯୁକ୍ତ ବିବାହିତ ଯୁବକ ଫେରାର ଥିବା ପୋଲିସ୍ କହିଛି।

କିସିଣ୍ଡା ଥାନା କେସ୍ ନଂ୬୭ ତା ୨୮/୧୧/୨୦୨୦ ୟୁ/ଏସ୍‌-୩୬୩/୩୬୬-ଏ/୩୪୨/୩୭୬(୨)(ଏନ୍‌)ଆଇପିସି, ଆର୍‌/ଡବ୍ଲୁ ସେକ୍ସନ୬ ର ପିଓସିଏସଓ ଆକ୍ଟରେ କେସ୍ ରୁଜୁ ହୋଇ ଏହାର ତଦନ୍ତ ଚାଲିଛି ବୋଲି କିସିଣ୍ଡା ଥାନାଧିକାରୀ ଚିତ୍ତରଞ୍ଜନ ନାଏକ ପ୍ରକାଶ କରିଛନ୍ତି।

Categories
ଅପରାଧ ଆଜିର ଖବର ଜାତୀୟ ଖବର

ସ୍ତ୍ରୀଙ୍କୁ ହସ୍ପିଟାଲରେ ଛାଡି 13 ବର୍ଷୀୟ ନାବାଳିକା ସହ ଫେରାର ହେଲା ସ୍ବାମୀ

ନୂଆଦିଲ୍ଲୀ : ଦିଲ୍ଲୀର ଜଣେ 13 ବର୍ଷୀୟ ନାବାଳିକାଙ୍କ ନିଖୋଜ ମାମଲା ସାମ୍ନାକୁ ଆସିଛି । ତେବେ ଏହି ନାବାଳିକାଙ୍କୁ ଜଣେ 28 ବର୍ଷୀୟ ବିବାହିତ ଯୁବକ ଫେରାର କରିଥିବାର ସୂଚନା ରହିଛି । ନିଜ ଦିବ୍ୟାଙ୍ଗ ସ୍ତ୍ରୀ ହସ୍ପିଟାଲରେ ଥିବାବେଳେ ଯୁବକ ଜଣକ ନାବାଳିକାକୁ ନେଇ ଫେରାର ହୋଇଯାଇଛନ୍ତି । ବିବାହିତ ଯୁବକ ତାଙ୍କ ନାବାଳିକା ଝିଅକୁ ନେଇ ଫେରାର ହୋଇଥିବାର ଅଭିଯୋଗ କରିଛନ୍ତି ନିଖୋଜ ବାଳିକାଙ୍କ ପରିବାର ।

ମିଳିଥିବା ସୂଚନା ଅନୁସାରେ ଦିଲ୍ଲୀର ମହାରୌଲୀ ଥାନା ଅଞ୍ଚଳରୁ ଏପରି ଏକ ଘଟଣା ସାମ୍ନାକୁ ଆସିଛି । ଏଠାରେ ଜଣେ 13 ବର୍ଷୀୟ ନାବାଳିକାର ପରିବାର ଜଣେ 28 ବର୍ଷୀୟ ପରିବା ବିକାଳୀ ତାଙ୍କଝିଅକୁ ନେଇ ଫେରାର ହୋଇଥିବାର ଅଭିଯୋଗ କରିଛନ୍ତି । ଅକ୍ଟୋବର 18ତାରିଖରେ ନାବାଳିକାକୁ ନେଇ ଉକ୍ତ ଯୁବକ ଫେରାର ହୋଇଥିବାର ସୂଚନା ରହିଛି । ନାବାଳିକାଙ୍କମା’ଙ୍କ କହିବାନୁଯାୟୀ ଲକ୍‌ଡାଉନ୍‌ ଯୋଗୁଁ ତାଙ୍କ ଅଞ୍ଚଳକୁ ପରିବା ବିକ୍ରି କରିବାକୁ ଆସୁଥିବା ଉକ୍ତ ଯୁବକଙ୍କ ନାମ ରାହୁଲ୍‌ ଠାକୁର । ସେ ଲଗାତାର ସେହି ଅଞ୍ଚଳକୁ ଆସି ପରିବା ବିକନ୍ତି । ଯିବା ଆସିବା ମଧ୍ୟରେ ସେ ପ୍ରଥମେ ତାଙ୍କ ଫୋନ୍‌ ନମ୍ବର ନେଇଥିଲା । ଏବଂ ତାଙ୍କ ଝିଅଙ୍କ ସହିତ କଥା ହେଉଥିଲା ।

Tips travellers need to know about their phones – The Sun Nigeria

ଅପରପକ୍ଷରେ ପୋଲିସ୍‌ରେ ଏନେଇ ଅଭିଯୋଗ ହେବା ପରେ ପୋଲିସ୍‌ ଯୁବକଙ୍କ ସମ୍ପର୍କରେ ଖୋଳତାଡ କରୁଛି । ଉକ୍ତ ଯୁବକଙ୍କ ନାମ ହେଉଛି ରାହୁଲ୍‌ । ତାଙ୍କଘର ୟୁପିର ବନ୍ଦାୟୁରେ । ରାହୁଲ୍‌ ବିବାହିତ ହୋଇଥିବାବେଳେ ତାଙ୍କ ସ୍ତ୍ରୀ ଜଣେ ଦିବ୍ୟାଙ୍ଗ । ତାଙ୍କର ଗୋଡ କାମ କରୁନଥିବାବେଳେ ସେ ଗର୍ଭବତୀ ଥିଲେ । ତେବେ ସେପ୍ଟେମ୍ବର 12 ତାରିଖରେ ହଠାତ୍‌ ତାଙ୍କର ସ୍ବାସ୍ଥ୍ୟବସ୍ଥା ବିଗିଡିଥିଲା । ଏହାପରେ ତାଙ୍କୁ ସଫଦରଗଞ୍ଜ ହସ୍ପିଟାଲରେ ଭର୍ତ୍ତି କରିଥିଲେ । ତେବେ ସ୍ତ୍ରୀଙ୍କୁ ହସ୍ପିଟାଲରୁ ଡିସଚାର୍ଜ କରିବା ପୂର୍ବରୁ 13 ବର୍ଷୀୟ ନାବାଳିକା ସହିତ ଯୁବକ ଜଣକ ଫେରାର ହୋଇଯାଇଛନ୍ତି ।  ତେବେ ପୋଲିସ୍‌ ସିସିଟିଭ୍‌ କ୍ୟାମେରାର ଫୁଟେଜକୁ ଜବତ କରିଛି । ଏହି ଫୁଟେଜ୍‌ରେ ଯୁବକ ଜଣକ 13 ବର୍ଷୀୟ ନାବାଳିକା ସହ ଯାଉଥିବାର ଦେଖାଯାଉଛି । ତେବେ ପୋଲିସ୍‌ ଖୁବ୍‌ ଶୀଘ୍ର ଅଭିଯୁକ୍ତ ଗିରଫ କରିବ ବୋଲଇ ସୂଚନା ରହିଛି । (ଏଜେନ୍ସି)