ଭୁବନେଶ୍ଵର: ଓଡିଶା ବିଧାନସଭାର ଶୀତକାଳୀନ ଅଧିବେଶନ ଜାରି ରହିଛି। ଆଜି ଏହି ଅଧିବେଶନର ପଞ୍ଚମ ଦିନ। କିନ୍ତୁ ଶୀତକାଳୀନ ଅଧିବେଶନର ପଞ୍ଚମ ଦିନ ମଧ୍ୟ ଗୃହ କାର୍ଯ୍ୟ ଚାଲିପାରୁନି। ଆରମ୍ଭରୁ ଗୃହର ମଧ୍ୟଭାଗକୁ ଆସି ବିରୋଧୀ ଦଳ ହଟ୍ଟଗୋଳ କରିଛନ୍ତି।
ମମିତା ହତ୍ୟାକାଣ୍ଡ ପ୍ରସଙ୍ଗରେ ମନ୍ତ୍ରୀ ଦିବ୍ୟଶଙ୍କରଙ୍କୁ ବିହିଷ୍କାର କରିବା ଲାଗି ବିରୋଧୀ ଦାବି କରିଥିଲେ। କଂଗ୍ରେସ ପକ୍ଷରୁ ମନ୍ତ୍ରୀଙ୍କ ବହିଷ୍କାର ଦାବିରେ ବାଚସ୍ପତିଙ୍କ ପୋଡିୟମକୁ ଘେରାଯାଇଛି। ଏହାପରେ ବାଚସ୍ପତି ଡା. ସୂର୍ଯ୍ୟନାରୟାଣ ପାତ୍ର ଗୃହ କାର୍ଯ୍ୟକୁ ଅପରାହ୍ନ ୪ ଟା ଯାଏଁ ମୁଲତବୀ ଘୋଷଣା କରିଛନ୍ତି।