Tag: ପୋଲିସର ଚଢାଉ

ଖୋର୍ଦ୍ଧା: ଆଜି ଟାଉନ ଥାନା ଅନ୍ତର୍ଗତ ଶରଧାପୁର ଅଞ୍ଚଳର ବେଆଇନ ଖଣି ଉପରେ ପୋଲିସ ଚଢ଼ାଉ କରିଛି। ଖୋର୍ଦ୍ଧା ଏସପି ଅଲେଖ ଚନ୍ଦ୍ର ପହି, ଏସଡିପିଓ ସୁଶୀଲ କୁମାର ମିଶ୍ରଙ୍କ ନିର୍ଦ୍ଦେଶକ୍ରମେ ଟାଉନ ଥାନା ଇନଚାର୍ଜ ଡ଼ିଏସପି ସଞ୍ଜୟ କୁମାର ପଟ୍ଟନାୟକଙ୍କ ନେତୃତ୍ୱରେ ଟାଉନ ଥାନା ଅନ୍ତର୍ଗତ ଶରଧାପୁର ଅଞ୍ଚଳରେ ବେଆଇନ ଖଣି ଉପରେ ଚଢ଼ାଉ କରାଯାଇଥିଲା।

ଚଢ଼ାଉ ସମୟରେ ପୋଲିସ ମାଙ୍କଡ଼ା ପଥର ବୋଝେଇ ଦୁଇ ଗୋଟି ହାଇୱା, ଦୁଇ ଗୋଟି ୪୦୭, ଦୁଇ ଗୋଟି ଟ୍ରକ ଓ ଦୁଇ ଗୋଟି ଟ୍ରାକ୍ଟରକୁ ମିଶାଇ ସମୁଦାୟ ୮ ଗୋଟି ଗାଡ଼ି ଜବତ କରିଛି। ଅନୁରୂପ ଭାବେ ଉକ୍ତ ବେଆଇନ ଖଣିରୁ ପୋଲିସ ସଦର ଥାନାର ଦୁଇ ଜଣ ଅଭିଯୁକ୍ତ ସତ୍ୟ ରଞ୍ଜନ ବରାଳ (୧୯) ଓ ସୁକାନ୍ତ ନାୟକ (୨୧) ଙ୍କୁ ଗିରଫ କରିଛି।

ତେବେ ଅନ୍ୟ ଅଭିଯୁକ୍ତ ମାନେ ଘଟଣାସ୍ଥଳରୁ ଫେରାର ହେବାରେ ସକ୍ଷମ ହୋଇଥିବା ବେଳେ ଟାଉନ ଥାନା ପୋଲିସ କେଶ ନମ୍ବର ୧୬୧/୨୨ ରେ ଏକ ମାମଲା ରୁଜୁ କରି ଫେରାର ଅଭିଯୁକ୍ତମାନଙ୍କୁ ଖୋଜିବାରେ ଲାଗିପଡ଼ିଛି।

ଖୋର୍ଦ୍ଧା: ନାବାଳିକା ଅପହରଣ ଘଟଣାରେ ଜଣେ ଅଭିଯୁକ୍ତଙ୍କୁ ପୋଲିସ ଅଟକ ରଖିଛି। ଏହାସହ ସମ୍ପୃକ୍ତ ନାବାଳିକାଙ୍କୁ ପୋଲିସ ଉଦ୍ଧାର କରିଛି।

ସୂଚନା ଅନୁଯାୟୀ, ଖୋର୍ଦ୍ଧା ଜିଲ୍ଲା ଜଂକିଆ ଥାନା ମଳିପଡା ଗ୍ରାମର ଜଣେ ୧୬ବର୍ଷିୟା ନାବାଳିକା ଏପ୍ରିଲ ୮ ତାରିଖରେ ନିଖୋଜ ହୋଇଥିଲେ। ଝିଅ ନିଖୋଜ ସଂପର୍କେ ମା ନିରୁପମା ବାରିକ ଥାନାରେ ଅଭିଯୋଗ କରିଥିଲେ। ଏହାପରେ ପୋଲିସ ତଦନ୍ତ ଆରମ୍ଭ କରିଦେଇଥିଲା। ଏହି ଘଟଣାରେ ପୋଲିସ ୫୩/୨୧ରେ ଥାନାରେ ଏକ ମାମଲା ରୁଜୁ କରିଥିଲା। ଆଜି ଜଂକିଆ ଥାନା ପୋଲିସ ବାଙ୍କି ଥାନା ଭେଜିପୁଟ ଗାଁରେ ଚଢ଼ାଉ କରି ନାବାଳିକାକୁ ଉଦ୍ଧାର କରି ଅପହୃତକୁ ଧରି ଥାନାରେ ଅଟକ ରଖି ତଦନ୍ତ ଜାରି ରଖିଛି।