Tag: ବିଜେପି ପ୍ରତିଷ୍ଠା ଦିବସ

ନୂଆଦିଲ୍ଲୀ: ଆଜି ବିଜେପି ତାହାର ୪୨ତମ ପ୍ରତିଷ୍ଠା ଦିବସ ପାଳନ କରିଛି। ଏ ନେଇ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କର୍ମିମାନଙ୍କୁ ଭର୍ଚ୍ୟୁୟାଲି ସମ୍ବୋଧୀତ କରିଥିଲେ। ଏଥିରେ ସେ କହିଥିଲେ ଯେ, ସରକାରଙ୍କ କାର୍ଯ୍ୟରେ ଜାତୀୟ ସ୍ୱାର୍ଥ ଗୁରୁତ୍ୱପୂର୍ଣ୍ଣ। ଏହାକୁ ଧ୍ୟାନରେ ରଖି ଆମ ସରକାର କାର୍ଯ୍ୟ କରୁଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି।

ମୋଦୀ କହିଛନ୍ତି ଯେ ଦେଶରେ ନୀତି, ଉଦ୍ଦେଶ୍ୟ ଏବଂ ନିର୍ଣ୍ଣାୟକତା ରହିଛି। ସେ କହିଛନ୍ତି, ଆଜି ସରକାର କେବଳ ଲକ୍ଷ୍ୟ ସ୍ଥିର କରିନାହାଁନ୍ତି ବରଂ ସେଗୁଡିକ ମଧ୍ୟ ହାସଲ କରନ୍ତି। ସେ କହିଛନ୍ତି ଯେ ଦେଶ 400 ବିଲିୟନ ଆମେରିକୀୟ ଡଲାରର ସର୍ବାଧିକ ରପ୍ତାନି ହାସଲ କରିଛି, ଯାହା ଏକ ସର୍ବକାଳିନ ରେକର୍ଡ।

ପ୍ରଧାନମନ୍ତ୍ରୀ କହିଛନ୍ତି, ଆଜି ଆମେ ପ୍ରତିଷ୍ଠା ଦିବସ ଏପରି ଏକ ସମୟରେ ପାଳନ କରୁଛେ ଯେତେବେଳେ, ଦଳ ଚାରୋଟି ରାଜ୍ୟରେ ତାହାର କ୍ଷମତା ଫେରିପାଇଛି। ଚାରିଟି ରାଜ୍ୟରେ ପୁଣି ଥରେ ବିଜେପିର ଡବଲ ଇଂଜିନ ସରକାର କ୍ଷମତାକୁ ଆସିଛି। ସେ କହିଛନ୍ତି, ତିନି ଦଶନ୍ଧି ପରେ ଏକ ଦଳ ରାଜ୍ୟସଭାରେ 100 ଜଣ ସଦସ୍ୟତା ହାସଲ କରିବା କିଛି ଛୋଟ କଥା ନୁହେଁ।

ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ବିଜେପି ଲୋକଙ୍କ କଲ୍ୟାଣ ତଥା ଦେଶର ପ୍ରଗତି ସହ ଆଗକୁ ବଢୁଛି। ଶ୍ରୀ ଶାହା ଏକ ଟୁଇଟ୍ ଜରିଆରେ କହିଛନ୍ତି ଯେ ଗରିବ, କୃଷକ, ଅଧିବାସୀ ଏବଂ ସାତ ଦଶନ୍ଧି ଧରି ବଞ୍ଚିତ ହେବାର ମହିଳାଙ୍କ ଆକାଂକ୍ଷା ପୂରଣ ପାଇଁ ମଧ୍ୟ ଦଳ କାର୍ଯ୍ୟ କରିଛି।

ଏହା ପୂର୍ବରୁ ଭାରତୀୟ ଜନତା ପାର୍ଟିର 42 ତମ ପ୍ରତିଷ୍ଠା ଦିବସରେ ବିଜେପି ଜାତୀୟ ସଭାପତି ଜେ ପି ନାଡା ଦିଲ୍ଲୀର ପାର୍ଟି ମୁଖ୍ୟାଳୟରେ ଦଳୀୟ ପତାକା ଉତ୍ତୋଳନ କରିଛନ୍ତି। ସେ ଡକ୍ଟର ଶ୍ୟାମ ପ୍ରସାଦ ମୁଖାର୍ଜୀ ଏବଂ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ଅବସରରେ ଶ୍ରୀ ନଡ୍ଡା ପାର୍ଟି ମୁଖ୍ୟାଳୟରେ ରକ୍ତଦାନ ଶିବିରର ଉଦଘାଟନ କରିଥିଲେ।

ନୂଆଦିଲ୍ଲୀ:  ଆଜି ବିଜେପିର ପ୍ରତିଷ୍ଠା ଦିବସରେ ପ୍ରଧାନମନ୍ତ୍ରୀ କର୍ମିମାନଙ୍କୁ ଉଦବୋଧନ ଦେଇଛନ୍ତି। ସେ କର୍ମିମାନଙ୍କୁ କଣ କହିଲେ ତାହା ଭିନ୍ନ କଥା। ହେଲେ ତାଙ୍କର ଟୋପିକୁ ନେଇ ବେଶ ଚର୍ଚ୍ଚା। କାରଣ ହେଲା ଏହି ଟୋପିଟି ବେଶ୍ ଭିନ୍ନ ଧରଣର ହୋଇଛି। ନେତାଜୀ ସୁବାଷ ଚନ୍ଦ୍ର ବୋଷ ପିନ୍ଧୁଥିବା ଟୋପିର ଢାଞ୍ଚାରେ ଏହି ଟୋପି କରାଯାଇଛି।

ସାଧାରଣତଃ ବିଜେପି କର୍ମିମାନେ ଦଳୀୟ ସଭାରେ ଏକ ପ୍ରକାରର ଟୋପି ପିନ୍ଧନ୍ତି। ହେଲେ ସେହି ଟୋପି ଏକ ଶସ୍ତା ଜିନିଷ ପରି ଦେଖାଯାଉଥିଲା। ହେଲେ ଏଥର ପ୍ରଧାନମନ୍ତ୍ରୀ ଯେଉଁ ଟୋପି ପିନ୍ଧିଛନ୍ତା ତାହା ସାମାନ୍ୟ ଅଲଗା। ଏହା ଏକ ଆଭିଜାତ୍ୟ ଟୋପି ପରି ପରିଦୃଶ୍ୟ ହେଉଛି। ଏପରିକି ଆଜିର ସଭାରେ ଅନ୍ୟ କର୍ମିମାନେ ମଧ୍ୟ ପ୍ରାୟତଃ ସେହି ପ୍ରକାରର ଟୋପି ପିନ୍ଧିଥିବାର ପରିଲକ୍ଷିତ ହୋଇଛି।

ତେବେ ପ୍ରଧାନମନ୍ତ୍ରୀ ଏବେ ନୁହେଁ ଏହି ଟୋପି ପ୍ରଥମେ ଗତ ଗୁଜୁରାଟ ଗସ୍ତ ବେଳେ ପରିଧାନ କରିଥିଲେ। ସେ ସେତେବେଳେ ଏହି ଟୋପି ପିନ୍ଧି କର୍ମିଙ୍କୁ ଉଦବୋଧନ କରିଥିଲେ। ଏହି ଟୋପିଟି ସେତେବେଳେ ସମସ୍ତଙ୍କର ବେଶ ପସନ୍ଦ ଆସିଥିଲା।

ଏହାପରେ ନିକଟରେ ବିଜେପି ବୈଠକରେ ମଧ୍ୟ ନେତାମାନେ ସେହି ପ୍ରକାରର ଟୋପି ପିନ୍ଧିଥିଲେ। ଏହାକୁ ନେଇ ଦିଲ୍ଲୀ ରାଜନୀତିରେ ବେଶ ଆଲୋଚନା ମଧ୍ୟ ହୋଇଛି। ପ୍ରାୟତଃ ଏହାକୁ ସମସ୍ତେ ପସନ୍ଦ କରୁଥିବାରୁ ଏବେ ଦଳୀୟ ବୈଠକରେ ଏହି ଟୋପି ପିନ୍ଧିବାକୁ କୁଆଡେ ମୋଦୀ ନିଷ୍ପତି କରିଛନ୍ତି।

ନୂଆଦିଲ୍ଲୀ: ଭାରତୀୟ ଜନତା ପାର୍ଟି ଆଜି ହେଉଛି 42 ତମ ପ୍ରତିଷ୍ଠା ଦିବସ। ଏହି ବିଶେଷ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସକାଳ 10 ଟାରେ ଭିଡିଓ କନଫରେନ୍ସ ଜରିଆରେ କର୍ମୀମାନଙ୍କୁ ଉଦବୋଧନ ଦେବେ।  ବିଜେପି ୱେବସାଇଟ୍ ଏବଂ ୟୁଟ୍ୟୁବ୍ ସମେତ ଦଳର ସମସ୍ତ ସୋସିଆଲ୍ ମିଡିଆରେ ଏହା ସିଧା ପ୍ରସାରଣ କରାଯିବ।

ଗତକାଲି ଏହି ଦିବସ ଉପଲକ୍ଷେ ପ୍ରଧାନମନ୍ତ୍ରୀ ଟୁଇଟ କରିଛନ୍ତି। ସେ କହିଛନ୍ତି ଯେ, “ଆସନ୍ତାକାଲି, 6 ଏପ୍ରିଲ ହେଉଛି ଆମ ପାଇଁ ଏକ ବିଶେଷ ଦିନ। ଆମେ ଆମ ପାର୍ଟିର ପ୍ରତିଷ୍ଠା ଦିବସ ପାଳନ କରୁଛୁ। ଯେଉଁମାନେ ଏହି ଦଳ ଗଠନ କରିଛନ୍ତି ଏବଂ ନିରନ୍ତର ଭାବରେ ସେବା କରିଛନ୍ତି ସେମାନଙ୍କୁ ଆମେ ସ୍ମରଣ କରୁଛୁ। ବୁଧବାର ସକାଳ 10 ଟାରେ ସହକର୍ମୀଙ୍କୁ ସମ୍ବୋଧିତ କରିବି। ଯୋଗ ଦିଅନ୍ତୁ।” ମଙ୍ଗଳବାର ଦିନ ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରିଛନ୍ତି।

ଏହି ପ୍ରତିଷ୍ଠା ଦିବସ ପାଳନ ପାଇଁ ରାଷ୍ଟ୍ରୀୟ କାର୍ଯ୍ୟାଳୟ ତରଫରୁ ଏକ ନିର୍ଦ୍ଦେଶନାମା ଜାରୀ କରାଯାଇଛି। ସେଥିରେ କୁହାଯାଇଛି ଯେ, ବୁଧବାର ସକାଳ 9 ଟାରେ ଦଳିୟ କାର୍ଯ୍ୟାଳୟରେ ଦଳିୟ ପତାକା ଉତ୍ତୋଳନ କର। ତା’ପରେ ଦେଶଭକ୍ତି ଗୀତ ଗାନ କରାଯିବ। ଦେଶଭକ୍ତି ସ୍ଲୋଗାନରେ ଭରପୂର ଏକ ଶୋଭାଯାତ୍ରା କରିବାକୁ କୁହାଯାଇଛି। ଏହାପରେ ପ୍ରଧାନମନ୍ତ୍ରୀ ମୋଦୀଙ୍କ ଭାଷଣ ଶୁଣିବାକୁ ସକାଳ 9.45 ସୁଦ୍ଧା ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି। ସେହିପରି ଏପ୍ରିଲ 6 ରୁ 14 ପର୍ଯ୍ୟନ୍ତ ବ୍ଲକ ସ୍ତରରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିବାକୁ ପାର୍ଟି କର୍ମୀଙ୍କୁ ନିର୍ଦ୍ଦେଶ ଦିଆଯାଇଛି।

“ବୁଧବାର, ବିଜେପିର ପ୍ରତିଷ୍ଠା ଦିବସରେ ଏକ ନୂଆ କାର୍ଯ୍ୟକ୍ରମର ଶୁଭାରମ୍ଭ କରିବେ ମୋଦି। ତାହା ହେଲା ‘ବିଜେପିକୁ ଜାଣନ୍ତୁ’ (Bhajapa ko jaaniye) । ମୁଖ୍ୟତଃ ବିଦେଶୀମାନେ ବିଜେପି କଣ ତାହା ଜଣାଇବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ। ଏଥିରେ 13 ଟି ଦେଶର ମୁଖ୍ୟମାନେ ବିଜେପି ସଭାପତିଙ୍କ ସହ ଯୋଗାଯୋଗ କରିବେ। ଏହା ହେଉଛି ଆରମ୍ଭ, ବିଦେଶୀ ପ୍ରତିନିଧୀଙ୍କ ସହ ଏହିପରି ଅନେକ କାର୍ଯ୍ୟକ୍ରମ ଆୟୋଜିତ ହେବ ଏବଂ ଏହା ବ୍ୟତୀତ ଦଳୀୟ କର୍ମିଙ୍କ ପାରସ୍ପରିକ କଥାବାର୍ତ୍ତା ମଧ୍ୟ ହେବ ବୋଲି ବିଜେପି ନେତାମାନେ କହିଛନ୍ତି।

ବୁଧବାର ସନ୍ଧ୍ୟାରେ ବିଜେପି ମୁଖ୍ୟାଳୟରେ କର୍ମିମାନଙ୍କୁ ଦଳର ଯାତ୍ରା ବିଷୟରେ ଏକ ଡକ୍ୟୁମେଣ୍ଟାରୀ ମଧ୍ୟ ପ୍ରଦର୍ଶିତ କରାଯିବ। ଏହି ଡକ୍ୟୁମେଣ୍ଟାରୀରେ ଜନ ସଂଗଠନର ଯାତ୍ରା ଏବଂ ଭାରତୀୟ ଜନତା ପାର୍ଟିର ଚିତ୍ର ପ୍ରଦର୍ଶିତ ହେବ। ଅତିଥିମାନଙ୍କ ମଧ୍ୟରେ ଏକ ସ୍ୱତନ୍ତ୍ର କଫି ଟେବୁଲ ପୁସ୍ତକ “ନେସନ ଫାଷ୍ଟ” ମଧ୍ୟ ବଣ୍ଟନ କରାଯିବ ବୋଲି ବିଜେପି କହିଛି।