Tag: ବେଆଇନ ପଥର ଖଣି

ଖୋର୍ଦ୍ଧା: ଖୋର୍ଦ୍ଧା ଏସପି ସିଦ୍ଧାର୍ଥ କଟରିଆଙ୍କ ନିର୍ଦ୍ଦେଶକ୍ରମେ ପୋଲିସ ଦ୍ଵାରା ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ଚଳିତ ମାସରେ ଏକ ସ୍ୱତନ୍ତ୍ର ଅଭିଯାନ ଆରମ୍ଭ ହୋଇଥିଲା। ଏହି ସ୍ୱତନ୍ତ୍ର ଅଭିଯାନ ଅନ୍ତର୍ଗତ ବିଭିନ୍ନ ବେଆଇନ ମାଙ୍କଡା ପଥର ଖଣିରେ ଚଢ଼ାଉ କରାଯାଇଥିଲା।  ଯାହାର ଚୁଡାନ୍ତ ରିପୋର୍ଟ ଆଜି ଗଣମାଧ୍ୟମକୁ ଏସପି ପ୍ରଦାନ କରିଛନ୍ତି।

ରିପୋର୍ଟ ମୁତାବକ ଆଜି ସୁଦ୍ଧା ଜିଲ୍ଲାର ବିଭିନ୍ନ ଥାନା ପୋଲିସ ଚଳିତ ମାସରେ ସମୁଦାୟ ୨୪ ଗୋଟି ଟ୍ରକ, ୩ ଗୋଟି ଜେସିବି ମେସିନ, ୪ ଗୋଟି ପାୱାର ଟିଲର ଏବଂ ୨ ଗୋଟି ମୋଟରସାଇକେଲ ଜବତ କରିଛି।

ତତସହିତ ଖୋର୍ଦ୍ଧା ଜିଲ୍ଲା ପୋଲିସ ବିଭିନ୍ନ ଥାନାରେ ଏବାବଦକୁ ୧୩ ଟି ମାମଲା ରୁଜୁ କରିବା ସହ ୨୨ ଜଣ ଅଭିଯୁକ୍ତଙ୍କୁ ଗିରଫ କରିଥିବାର ଏସପି ଶ୍ରୀ କଟରିଆ ସୂଚନା ଦେଇଛନ୍ତି।

ଚାନ୍ଦପୁର: ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅନ୍ତର୍ଗତ ପଟିଆ ଅଞ୍ଚଳରେ ଏକ ବେଆଇନ ପଥର ଖଣିରୁ ଶହ ଶହ ମାଙ୍କଡା ପଥର ଲୁଟ ହେଉଥିବାର ଅଭିଯୋଗ ହୋଇଆସୁଥିଲା।  ଏହାକୁ ଗୁରୁତର ସହ ନେଇ ଆଜି ଚାନ୍ଦପୁର ଆଇଆଇସି ରଶ୍ମିରଂଜନ ଦାସ ଏବଂ ଏସଆଇ ଅଞ୍ଜଳି ଶା’ ଙ୍କ ଦ୍ୱାରା ଏକ ଟିମ ଗଠନ କରାଯାଇ ଉକ୍ତ ଅଞ୍ଚଳରେ ଚଢ଼ାଉ କରାଯାଇଥିଲା।  ଚଢ଼ାଉ ସମୟରେ ପୋଲିସ ଗୋଟିଏ ଜେସିବି ମେସିନ ଓ ଗୋଟିଏ ପଥର କଟା ମେସିନ ଜବତ କରିଛି ଯାହାର ସମୁଦାୟ ମୂଲ୍ୟ ୩୭ ଲକ୍ଷ ଟଙ୍କା ହେବ।

ସେହିପରି ଭାବେ ପୋଲିସ ଉକ୍ତ ବେଆଇନ ଖଣି ମାଲିକ, ଜେସିବି ମାଲିକ ଏବଂ ସହଯୋଗୀ ଆଦି ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି। ସମସ୍ତ ଅଭିଯୁକ୍ତ ବଡ଼ପାରି ଅଞ୍ଚଳର ବୋଲି ଜଣାପଡିଛି।

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲ ଅଞ୍ଚଳରେ ଖଣି ମଫିଆମାନଙ୍କ ପାଦୃଭାବ ବଢିବାରେ ଲାଗିଛି। ପ୍ରଶାସନ ଆଖିରେ ଧୁଳି ଦେଇ ଖଣି ମାଫିଆମାନେ ବେଆଇନ ପଥର ଚୋରା ଚାଲାଣ କରୁଛନ୍ତି। ଯାହାଫଳରେ ସରକାରକୁ ଲକ୍ଷାଧିକ ଟଙ୍କାର ରାଜସ୍ୱ ହାନି ହେଉଛି। ତେଣୁ ଏଭଳି ଘଟଣା ବାରମ୍ବାର ସାମ୍ନାକୁ ଆସୁଥିବା ବେଳେ ବେଆଇନ କାରବାର ଉପରେ ରୋକ ଲଗାଇବା ପାଇଁ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ତତ୍ପରତା ଦେଖାଇଛନ୍ତି।

ତେବେ ଆଜି ବାଲୁଗାଁ ଏସଡିପିଓ ବେଆଇନ ପଥର ଖଣି ଉପରେ ଅଚାନକ ଚଢାଉ କରିଛନ୍ତି। ଛଦ୍ମ ଵେଶରେ ଟାଙ୍ଗୀ ତହସିଲ ଅନ୍ତର୍ଗତ ସୁନ୍ଦରପୁର ବେଆଇନ ମାଙ୍କଡା ପଥର ଖଣି ଉପରେ ଏସଡିପିଓ ଅଚାନକ ଚଢାଉ କରିଛନ୍ତି। ଉକ୍ତ ଚଢାଉ ସମୟରେ ୩ ଟି ଜେସିବି, ୩ ଟି ଟ୍ରାକ୍ଟରକୁ ଏସଡିପିଓ ଜବତ କରିଥିବା ବେଳେ ମାଫିଆମାନେ ଖସି ପଳେଇଯିବାରେ ସକ୍ଷମ ହୋଇଛନ୍ତି। ଉକ୍ତ ଚଢାଉରେ ଟାଙ୍ଗୀ ଥାନା ଅଧିକାରୀ ବିଜୟ କୁମାର ମଲିକ ମଧ୍ୟ ସାମିଲ ଥିଲେ।