Tag: ଭିଜିଲାନ୍ସ

ବାଲୁଗାଁ (ସୀତାରାମ ଅଗ୍ରୱାଲ): ଭିଜିଲାନ୍ସ ପଞ୍ଝାରେ ଅବକାରୀ ଅଧିକାରୀ। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ବିଭାଗ ଅବକାରୀ ଅଧିକାରୀଙ୍କ ବିଭିନ୍ନ ସ୍ଥାନରେ ଚଢାଉ କରିଛି। ଖୋର୍ଦ୍ଧା ଜିଲ୍ଲା ବାଲୁଗାଁ ଅବକାରୀ ଏଏସଆଇ ସୁଦୀପ୍ତ ଦାସଙ୍କ ବିଭିନ୍ନ ସ୍ଥାନରେ ଚଢାଉ କରାଯାଇଛି।

ଶ୍ରୀ ଦାସଙ୍କ ବିରୁଦ୍ଧରେ ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗ ପାଇବା ପରେ ତତ୍ପର ହୋଇଉଠିଛି ଓଡ଼ିଶା ଭିଜିଲାନ୍ସ। ଆଜି ସକାଳୁ ଓଡିଶା ଭିଜିଲାନ୍ସର ୪ ଡ଼ିଏସପି, ୬ ଇନ୍ସପେକ୍ଟର ଏବଂ ଅନ୍ୟ କର୍ମଚାରୀ ମାନେ ଏକକାଳୀନ ଭାବେ ଶ୍ରୀ ଦାସଙ୍କ ବାଲୁଗାଁ ଅବକାରୀ କାର୍ଯ୍ୟାଳୟ, ବାଲୁଗାଁ ଭଡ଼ା ସୂତ୍ରରେ ରହୁଥିବା ଘରେ, ନୟାଗଡ଼ ସ୍ଥିତ ନିଜ ବାସଭବନ ଓ ନୟାଗଡସ୍ଥିତ ଭଡ଼ା ସୂତ୍ରରେ ରହୁଥିବା ଘରେ ଚଢ଼ାଉ କରିଛନ୍ତି। ବର୍ତ୍ତମାନ ସୁଦୀପ୍ତଙ୍କୁ ଅଟକ ରଖି ପଚରାଉଚୁରା କରୁଛି ଭିଜିଲାନ୍ସ।

ସୂଚନା ଥାଉକି ସୁଦୀପ୍ତଙ୍କ ଛଅ ମାସ ତଳେ ବାଲୁଗାଁ ଅବକାରୀ ଏଏସଆଇ ଭାବେ ବଦଳି ହୋଇଥିଲା।

ଭୁବନେଶ୍ବର: ତାଙ୍କର ଚାକିରୀ ଥିଲା ସାଧାରଣ ଯୋଗାଣ ଅଧିକାରୀ। ହେଲେ ସେ ମାସକୁ ଯେତିକି ଦରମା ପାଉଥିଲେ ତାହାର ବହୁ ଗୁଣା ଅଧିକ ସଂପତ୍ତିର ହେଲେ ମାଲିକ। ଏପଟସେପଟ କରି ଭୁବନେଶ୍ବରରେ କଲେ ବହୁତଳ ପ୍ରାସାଦ। ହେଲେ ଭାଗ୍ୟ ଖରାପ। ଏ ସବୁ ଧରିନେଲା ଭିଜିଲାନ୍ସ।

ଆଜି ଭିଜିଲାନ୍ସ ବିଭାଗର ଅଧିକାରୀମାନେ ନୟାଗଡ ସାଧାରଣ ଯୋଗାଣ ଅଧିକାରୀ ବ୍ରଜେନ୍ଦ୍ର କୁମାର ନାୟକଙ୍କ କୋଠାବାଡି ସବୁ ଚଢାଉ କରିଛନ୍ତି। ପୂର୍ବରୁ ତାଙ୍କର ଆୟ ବର୍ହିଭୂତ ସଂପତ୍ତି ଥିବା ଅନୁମାନ କରି ଭିଜିଲାନ୍ସ ଏହି ଚଢାଉ କରିଛି। ଆଜି ବଜେନ୍ଦ୍ରଙ୍କର ପାଞ୍ଚୋଟି ସ୍ଥାନରେ ଏହି ଚଢାଉ କରାଯାଇଛି। ସେଥିରେ ରହିଛି ଭୁବନେଶ୍ବରରେ ଦୁଇଟି ବଡ କୋଠା ସହିତ ନିମାପଡାରେ ଏକ ଫାର୍ମ ହାଉସ।

ଏହି ଚଢାଉରେ ଦୁଇ ଜଣ ଡିଏସପି, ଛଅ ଜଣ ଇନସ୍ପେକ୍ଟର ନିୟୋଜିତ ହୋଇଛନ୍ତି। ଏବେ ସୁଦ୍ଧା ଚଢାଉ ଜାରୀ ରହିଥିବାରୁ ସଂପୂର୍ଣ୍ଣ ସଂପତ୍ତି ତାଲିକା ଆସିପାରି ନାହିଁ।

ଜଗତସିଂହପୁର: ଭିଜିଲାନ୍ସ ପଞ୍ଝାରେ ପୁଣି ଏକ ବରିଷ୍ଠ ଅଧିକାରୀ। ଆଜି ଜଗତସିଂହପୁର ଉପ-ଜିଲ୍ଲାପାଳ ଚିତ୍ତରଞ୍ଜନ ପିଲ୍ଲାଙ୍କ ୯ ଟି ସ୍ଥାନରେ ଭିଜିଲାନ୍ସ ବିଭାଗ ଚଢାଉ କରିଛି। ଉପ-ଜିଲ୍ଲାପାଳଙ୍କ ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଟିମ ଏହି ଚଢାଉ କରିଛି। ଏହି ଚଢାଉରେ ୨ ଜଣ ଡିଏସପି, ୧୪ ଇନସପେକ୍ଟର, ୬ ଏଏସଆଇ ଏହି ଚଢାଉରେ ସାମିଲ ହୋଇଛନ୍ତି। ତେବେ ଭୁବନେଶ୍ୱର ସ୍ୱତନ୍ତ୍ର ଭିଜିଲାନ୍ସ ଜଜ୍ ଙ୍କ ନୋଟିସ ପରେ ଉକ୍ତ ଚଢାଉ ଜାରି ରହିଛି।

ଭୁବନେଶ୍ବର: ମୃତ ପ୍ରମାଣ ପତ୍ର ଦେବା ପାଇଁ ଲାଞ୍ଚ ନେଉଥିବା ବେଳେ ମାଡି ବସିଲା ଭିଜିଲାନ୍ସ। ଏହିପରି ଏକ ଘଟଣା ଖୋର୍ଦ୍ଧା ଜିଲ୍ଲା ହଳଦିଆ ସିଏଚସି ରେ ଘଟିଛି। ଆଜି ଦିନ ପ୍ରାୟ 12ଟା ବେଳେ ସେଠାକାର କ୍ଲର୍କ ଅନୁପ କୁମାର ଶତପଥୀ ପାଞ୍ଚ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡିଛନ୍ତି।

ଘଟଣାରୁ ଜଣାପଡିଛି ଯେ, ଶ୍ରୀ ଶତପଥୀ ଜଣେ ଅଭିଯୋଗକାରୀଙ୍କ ଜେଜେ ବାପାଙ୍କ ମୃତ ପ୍ରମାଣ ପତ୍ର ପାଇଁ ଆବେଦନ କରିଥିଲେ। ତାଙ୍କର ପୈତୃକ ସଂପତ୍ତି ବିକ୍ରି ପାଇଁ ସେ ଏହି ଆବେଦନ କରିଥିଲେ। ହେଲେ ଶ୍ରୀ ଶତପଥୀ ତାଙ୍କୁ ବହୁବାର ଅଫିସକୁ ଦଉଡାଇଥିଲେ। ଶେଷରେ ସେ ପାଞ୍ଚ ହଜାର ଟଙ୍କା ଲାଞ୍ଚ ମାଗିଥିଲେ। ଯୋଜନା ମୁତାବିକ ଆଜି ଭିଜିଲାନ୍ସ ତାଙ୍କୁ ଧରିବା ସହିତ ତାଙ୍କ ହାତରୁ ଲାଞ୍ଚ ଟଙ୍କା ମଧ୍ୟ ଉଦ୍ଧାର କରିଛି। ତାଙ୍କ ନାମରେ ମାମଲା ଋଜୁ ପରେ ଅଧିକ ତଦନ୍ତ ଚାଲିଛି।

କଟକ: ଆଜି ସକାଳୁ ଭିଜିଲାନ୍ସ ବିଭାଗ ଜଣେ ସହାୟକ ଯନ୍ତ୍ରୀଙ୍କ ଘରେ ଚଢାଉ କରିଛନ୍ତି। ଆୟବର୍ହିଭୁତ ସଂପତ୍ତି ଠୁଳ ଅଭିଯୋଗରେ ଏହି ଚଢାଉ କରାଯାଇଛି। ସେ ହେଉଛନ୍ତି ବୈତରଣୀ ଜଳସେଚନ ବିଭାଗର ସହାୟକ ଯନ୍ତ୍ରୀ ଉମେଶ କୁମାର ଶାସନୀ।

ଏହି ଚଢାଉରେ ୩ ଜଣ ଡିଏସପି, ୫ ଜଣ ଇନ୍ସପେକ୍ଟର, ୩ ଜଣ ଏଏସଆଇ ଏବଂ ଅନ୍ୟାନ୍ୟ କର୍ମଚାରୀ ନିୟୋଜିତ ହୋଇଛନ୍ତି। ଏକକାଳିନ କେଉଁଝର, ଭଦ୍ରକ, ଯାଜପୁର ଏବଂ ଖୋର୍ଧା ଜିଲ୍ଲାର ୮ ଟି ସ୍ଥାନରେ ଏହି ଚଢାଉ ଜାରୀ ରହିଛି। ସେଗୁଡିକ ହେଲା

1-ସରକାର ଜଳସେଚନ କଲୋନୀର କ୍ୱାର୍ଟର୍ ନଂ 2RA / 2, ସାଳପଡା ଜିଲ୍ଲା- କେଉଁଝର

2-ଜଳସେଚନ ଅଫିସ, ସାଳପଡା ଜିଲ୍ଲା- କେଉଁଝର

3-ଭଦ୍ରକ ଟାଉନ୍ ଅପର୍ତ୍ତିବିନ୍ଧାଠାରେ ଥିବା ଏକ ମହଲା ବିଶିଷ୍ଟ ଆବାସିକ ଘର

4-ଫ୍ଲାଟ ନଂ 303 ଶ୍ୟାମ ଏନକ୍ଲେଭ, ଚନ୍ଦ୍ରଶେଖରପୁର, ଭୁବନେଶ୍ୱର,

5- କେଉଁଝରର ନନ୍ଦିପୁର ଥାନା ଅନ୍ତର୍ଗତ ନିଜ ଗାଁ ବେତାରି ଘର

6-ଯାଜପୁର କୁଆଖିଆ ଥାନା ଅଧୀନରେ ଥିବା ମଠସାହିରେ ସମ୍ପର୍କୀୟଙ୍କ ଘର

7-ପ୍ଲଟ୍ ନଂ 1049, ଖତା ନଂ 704/534, ମାଉଜା ଏବଂ PS ବାଲିଅନ୍ତା, ଜିଲ୍ଲା-ଖୋର୍ଦ୍ଧା ରେ ଥିବା ଏକ ଆଉଟ୍ ହାଉସ୍

8- ପ୍ଲଟ୍ ନଂ 11, ଖାତା ନଂ 159, ମାଉଜା- ସୁଦୁସୁଦିଆ, ଥାନା- ଆନନ୍ଦପୁର, ଜିଲ୍ଲା- କେଉଁଝରରେ ଥିବା ଅନ୍ୟ ଏକ ଆଉଟ-ହାଉସ୍

ଭୁବନେଶ୍ବର: ଆଜି ସକାଳୁ ସକାଳୁ ଜଣେ କନିଷ୍ଠ ଯନ୍ତ୍ରୀଙ୍କ ମୁଣ୍ଡ ଖରାପ ହୋଇଯାଇଛି। କାରଣ ହେଲା ଆଜି ସକାଳୁ ତାଙ୍କ ଘର ଉପରେ ଭିଜିଲାନ୍ସ ଚଢାଉ ଆରମ୍ଭ କରିଛି। ସେ ହେଲେ ତାଳଚେର ବିଡିଓ ଅଫିସରେ କାର୍ଯ୍ୟରତ କନିଷ୍ଠ ଯନ୍ତ୍ରୀ ବିରଞ୍ଚି ନାରାୟଣ ସାହୁ। ତାଙ୍କର ଚାରୋଟି ସ୍ଥାନରେ ଚଢାଉ ଚାଲିଛି।

ଭିଜିଲାନ୍ସ ତଥ୍ୟ ଅନୁସାରେ ବିରଞ୍ଚିଙ୍କ ଅନୁଗୁଳ ସଦରରେ ଥିବା କୁମୁଦ ଗାଁରେ ତାଙ୍କର ପୌତୃକ ଘର, ଅନୁଗୁଳ ସଦରରେ ଥିବା ତାଙ୍କର ବାସଭବନ, ଢେଙ୍କାନାଳରେ ଥିବା ତାଙ୍କର ସଂପର୍କୀୟ ଘର ଏବଂ ତାଙ୍କ ଅଫିସରେ ଏକକାଳୀନ ଏହି ଚଢାଉ ଜାରି ରହିଛି। ଏଥିରେ 4 ଜଣ ଡିଏସପି ଏବଂ 8 ଜଣ ଇନସ୍ପେକ୍ଟର ସହିତ ବହୁ ଅଧିକାରୀ ସାମିଲ ହୋଇଛନ୍ତି। ତେବେ ଚଢାଉ ଚାଲିଥିବାରୁ କେତେ ଆୟ ବର୍ହିଭୂତ ସଂପତ୍ତି ରହିଛି ତାହାର କୌଣସି ତଥ୍ୟ ପ୍ରଦାନ କରାଯାଇ ନାହିଁ।

ଭୁବନେଶ୍ବର: ଆଜି ସକାଳୁ ସକାଳୁ ଭିଜିଲାନ୍ସ ଜଣେ ଉଚ୍ଚ ପଦସ୍ଥ କର୍ମଚାରୀଙ୍କ ଘରେ ଚଢାଉ କରିଛି। ସେ ହେଉଛନ୍ତି ସମ୍ବଲପୁର ଜିଲ୍ଲାର ଜାମନକିରା ଲ୍ୟାମ୍ପସ ର ଏମଡି ଫନିନ୍ଦ୍ର ସାହୁ। ଆୟ ବହିଃର୍ଭୂତ ସଂପତ୍ତି ଠୁଳ ଅଭିଯୋଗରେ ଏହି ଚଢାଉ ଜାରୀ କରାଯାଇଛି। ଏଥିରେ 3 ଜଣ ଡିଏସପି, 4 ଜଣ ଇନସ୍ପେକ୍ଟର, 4 ଜଣ ଏଏସଆଇ ଏବଂ ଅନ୍ୟ କର୍ମଚାରୀ ସାମିଲ ଅଛନ୍ତି। ଏମାନେ ଏକକାଳିନ ତାଙ୍କ ଅଫିସ ସହିତ ଆଉ 4ଟି ସ୍ଥାନରେ ଚଢାଉ କରିଛନ୍ତି।

ପ୍ରଥମ ପର୍ଯ୍ୟାୟରେ ତାଙ୍କ ଘରୁ 2 ଲକ୍ଷ 36 ହଜାର 870 ଟଙ୍କା ଜବତ କରାଯାଇଛି। ଏଥିସହିତ କାଗଜ ପତ୍ର ଯାଞ୍ଚ ପରେ ସମ୍ବଲପୁରରେ 2ଟି ପ୍ଲଟ, 4ଟି ଚାରିଚକିଆ ଗାଡି ଜବତ କରାଯାଇଛି। ଏହି ଚାରୋଟି ଗାଡି ମଧ୍ୟରୁ 3 ଟି ବୋଲେରୋ ଥିବା ବେଳେ ଗୋଟିଏ ଘରୋଇ କାର। ବର୍ତ୍ତମାନ ସୁଦ୍ଧା ସମସ୍ତ ସ୍ଥାନରେ ଚଢାଉ ଜାରୀ ରହିଛି। ସଂଧ୍ୟା ସୁଦ୍ଧା ସଂପୂର୍ଣ୍ଣ ତଥ୍ୟ ଅସିବ ବୋଲି ଭିଜିଲାନସ ତରଫରୁ କୁହାଯାଇଛି।

ବ୍ରହ୍ମପୁର: ଆଜି ସକାଳୁ ବ୍ରହ୍ମପୁର ଭିଜିଲାସ ଟିମ ଜଣେ କନେଷ୍ଟବଳ ଘରେ ଚଢାଉ କରିଛନ୍ତି। ଆୟ ବହିଃରଭୁତ ସଂପତ୍ତି ଠୁଳ ଅଭିଯୋଗରେ ଏହି ଚଢାଉ କରାଯାଇଛି। ସେ ହେଉଛନ୍ତି ବ୍ରହ୍ମପୁର ପୋଲିସରେ କାର୍ଯ୍ୟ କରୁଥିବା କନେଷ୍ଟବଳ ସୁଦର୍ଶନ ପ୍ରଧାନ। ତାଙ୍କ ଘର ଚଢାଉ ପାଇଁ ଜଣେ ଅତିରିକ୍ତ ଏସପି, ଦୁଇଜଣ ଡିଏସପି, 5 ଜଣ ଇନସ୍ପେକ୍ଟର ସହ ଅନ୍ୟ କର୍ମଚାରୀ ନିୟୋଜିତ ଅଛନ୍ତି।

ଏହି ଚଢାଉ ବ୍ରହ୍ମପୁର ମେନରୋଡ ଲୋଚାପଡାରେ ଥିବା ତିନିମହଲା କୋଠା, ନିମାଖାଣ୍ଡିରେ ଥିବା କୋଠା ସହ ଭଂଜନଗର ଗାମୁଣ୍ଡିରେ ଥିବା ତାଙ୍କ ପୈତୃିକ ଘର। ବର୍ତ୍ତମାନ ତାଙ୍କ ଘରୁ ନଗଦ 5 ଲକ୍ଷ 16 ହଜାର 880 ଟଙ୍କା ଜବତ ହୋଇଛି। ଏହି ଚଢାଉ ଆଜି ଦିନ ତମାମ ଚାଲିବ ବୋଲି ଜଣାପଡିଛି।

ଭୁବନେଶ୍ବର: ଆଜି ଭିଜିଲାନ୍ସ ଜାଲରେ ଜଣେ ଅଙ୍ଗନବାଡି କର୍ମୀ ପଡିଛନ୍ତି। ଅଙ୍ଗନବାଡି କର୍ମୀଙ୍କ ୬ ଟି ଘରେ ଭିଜିଲାନ୍ସ ବିଭାଗ ଏକକାଳୀନ ରେଡ୍ କରିଛି। ଆୟ ବିହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଅଙ୍ଗନବାଡି କର୍ମୀଙ୍କ ଘରେ ଭିଜିଲାନ୍ସ ବିଭାଗ ଚଢାଉ କରିଛି। ଅଙ୍ଗନବାଡି ଦିଦି କବିତା ମାଥନଙ୍କ ୬ ଟି ଘରକୁ ରେଡ୍ କରାଯାଉଛି। ଭୁବନେଶ୍ଵରର କୋରଡ଼କଣ୍ଟା ଅଙ୍ଗନବାଡି କେନ୍ଦ୍ରରେ କବିତା କାର୍ଯ୍ୟ କରନ୍ତି। ଏହି ସମୟରେ ଭୁବନେଶ୍ଵରର କେଶୁରା ଓ ଝାରପଡାରେ ଏକାଧିକ ବହୁତଳ କୋଠା ଠାବ କରାଯାଇଛି। ଏହାସହ ଅଙ୍ଗନବାଡି ଦିଦିଙ୍କ ପୈତୃକ ଘର ଓ ଜଗତସିଂହପୁର ଜିଲ୍ଲା ଅନ୍ତର୍ଗତ ବାଲିକୁଦାର ଶାଶୁ ଘରେ ମଧ୍ୟ ଭିଜିଲାନ୍ସ ରେଡ୍ କରୁଥିବା ସୂଚନା ରହିଛି।