Categories
ଆଞ୍ଚଳିକ

ନାଚୁଣୀ: ବଜ୍ରାଘାତରେ ମତ୍ସ୍ୟଜୀବୀଙ୍କ ପ୍ରାଣହାନୀ

ସୀତାରାମ ଅଗ୍ରୱାଲ

ନାଚୁଣୀ: ବଜ୍ରାଘାତରେ ଜଣେ ମତ୍ସ୍ୟଜୀବୀଙ୍କ ମୃତ୍ୟୁ ହୋଇଛି। ମୃତକଙ୍କ ନାମ ନାରାୟଣ ବେହେରା (୫୮)। ଘର ବାଣପୁର ଥାନା ନାଚୁଣୀ ଫାଣ୍ଡି ଅନ୍ତର୍ଗତ ନଈରୀ ଗ୍ରାମରେ।

ନାରାୟଣ ବେହେରା ନିଜ ଗ୍ରାମରେ ବସିଥିଵା ବେଳେ ବଜ୍ରାଘାତ ହୋଇଥିଲା। ଫଳରେ ଘଟଣା ସ୍ଥଳରେ ସେ ଗୁରୁତର ହୋଇ ପଡିଥିଲେ। ସ୍ଥାନୀୟ ଲୋକେ ତାଙ୍କୁ ଟାଙ୍ଗୀ ମେଡିକାଲରେ ଭର୍ତ୍ତି କରିଥିଲେ। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

Categories
ଆଜିର ଖବର ରାଜ୍ୟ ଖବର

ବାତ୍ୟା ଅସାନି ଅପଡେଟ: ଓଡିଶାରେ ଆଉ ପଡିବନି ପ୍ରଭାବ, କିନ୍ତୁ ମତ୍ସ୍ୟଜୀବୀଙ୍କୁ ସମୁଦ୍ର ମନା

ଭୁବନେଶ୍ଵର: ବାତ୍ୟାକୁ ନେଇ ଆଜି ଭୁବନେଶ୍ଵର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଅପଡେଟ ପ୍ରଦାନ କରାଯାଇଛି। ଓଡିଶାରେ ଆଉ ବାତ୍ୟା ‘ଅସାନି’ର କୌଣସି ପ୍ରଭାବ ପଡିବ ନାହିଁ। ଆଜି ସକାଳେ ବାତ୍ୟା ଦୁର୍ବଳ ହୋଇ ଅବପାତରେ ପରିଣତ ହୋଇଛି। କିନ୍ତୁ ମତ୍ସ୍ୟଜୀବୀମାନଙ୍କୁ ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ। ସେମାନଙ୍କୁ ଏବେ ସମୁଦ୍ର ମଧ୍ୟକୁ ଯିବା ପାଇଁ ବାରଣ କରାଯାଇଛି। ରାଜ୍ୟର ସମସ୍ତ ବନ୍ଦରଗୁଡିକରୁ ବିପଦ ସଂକେତ ପ୍ରତ୍ୟାହାର କରାଯାଇଛି। ଏନେଇ ପାଣିପାଗ ବିଜ୍ଞାନୀ ଉମାଶଙ୍କର ଦାସ ସୂଚନା ଦେଇଛନ୍ତି। ଯଦିବା ଆଜି ଉପକୂଳ ଓ ଦକ୍ଷିଣ ଓଡିଶାରେ ହାଲୁକାରୁ ମାଧ୍ୟମ ଧରଣର ବର୍ଷା ହେବ, ହେଲେ ଏହା ବାତ୍ୟାର ପ୍ରଭାବ ନୁହେଁ ବୋଲି ଶ୍ରୀ ଦାସ କହିଛନ୍ତି।

Categories
Cyclone ବିଶେଷ ଖବର ରାଜ୍ୟ ଖବର

ସମ୍ଭାବ୍ୟ ବାତ୍ୟା ସମ୍ପର୍କିତ ନିର୍ଦ୍ଦେଶନାମା ଜାରି: ଆଇନ ଅବମାନନା କରୁଥିବା ମତ୍ସ୍ୟଜୀବୀଙ୍କ ଉପରେ ହେବ କଡା କାର୍ଯ୍ୟାନୁଷ୍ଠାନ

ଭୁବନେଶ୍ୱର: ଭାରତୀୟ ପାଣିପାଗ ବିଭାଗର ସତର୍କ ସୂଚନା, ସ୍ୱତନ୍ତ୍ର ରିଲିଫ୍‌ କମିଶନରଙ୍କ ନିର୍ଦ୍ଦେଶ ଓ ଜିଲ୍ଲା ପ୍ରଶାସନର ତାଗିଦ୍‌କୁ ଅଣଦେଖା କରି କିଛି ମତ୍ସ୍ୟଜୀବୀ ସମୁଦ୍ରକୁ ବୋଟ ସହ ମାଛ ଧରିବାକୁ ଯାଇ ନିଜ ଜୀବନକୁ ବିପନ୍ନ କରିବା ସହ ପ୍ରଶାସନକୁ ଅସୁବିଧାରେ ପକାଉଛନ୍ତି।

ଏ ସମ୍ପର୍କରେ ସ୍ୱତନ୍ତ୍ର ନିର୍ଦ୍ଦେଶନାମା ଜାରି କରି ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା ମତ୍ସ୍ୟ ଓ ପ୍ରାଣୀସମ୍ପଦ ବିକାଶ ବିଭାଗ, ବାଣିଜ୍ୟ ପରିବହନ ବିଭାଗର ପ୍ରମୁଖ ସଚିବ, ଗଞ୍ଜାମ, ପୁରୀ, ଖୋର୍ଦ୍ଧା, ଜଗତସିଂହପୁର, କେନ୍ଦ୍ରପଡା, ଭଦ୍ରକ ଓ ବାଲେଶ୍ୱର ଜିଲ୍ଲାପାଳମାନଙ୍କୁ ଅବଗତ କରି ଜଣାଇଛନ୍ତି ଯେ, ଏଭଳି କ୍ଷେତ୍ରରେ ସତର୍କ ସୂଚନା, ନିର୍ଦ୍ଦେଶକୁ ଅବମାନନା କରାଯାଇଥିବାବେଳେ ଜିଲ୍ଲାପାଳମାନେ ବିପର୍ଯ୍ୟୟ ପରିଚାଳନା ଆକ୍ଟର ୨୦୦୫ ନିୟମ ଆଧାରରେ ମତ୍ସ୍ୟଜୀବୀମାନଙ୍କ ଉପରେ କ୍ରିମିନାଲ ଆକ୍ସନ ଲାଗୁ କରିବେ ଓ ଅନ୍ୟ ପକ୍ଷରେ ମତ୍ସ୍ୟଜୀବୀମାନଙ୍କ ମଧ୍ୟରେ ସଚେତନା ସୃଷ୍ଟି ପାଇଁ ଏ ଦିଗରେ ପଦକ୍ଷେପ ଗ୍ରହଣ କରିବେ।

ସେହିପରି ମତ୍ସ୍ୟ ଓ ପ୍ରାଣୀସମ୍ପଦ ବକାଶ ବିଭାଗ ଓ ବାଣିଜ୍ୟ ପରିବହନ ବିଭାଗ ଏ କ୍ଷେତ୍ରରେ ଆଇନ ଭଙ୍ଗ କରୁଥିବା ମତ୍ସ୍ୟଜୀବୀମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଟାନ ଗ୍ରହଣ କରିବେ।

ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଆଜି ଓଡ୍ରାଫର ୧୨ଟି ଟିମ୍‌କୁ ମାଲକାନାଗିରି, କୋରାପୁଟ, ଗଞ୍ଜାମ, ଗଜପତି, ପୁରୀ ଓ ଜଗତସିଂହପୁର ଜିଲ୍ଲାରେ ମୁତୟନ କରାଯାଇଅଛି।

ସେହିପରି ଅଗ୍ନିଶମ ସେବାର ୧୨ଟି ଟିମ୍‌କୁ ମଧ୍ୟ ମାଲକାନାଗିରି, କୋରାପୁଟ, ଗଜପତି, ରାୟଗଡା ଓ ଗଞ୍ଜାମ ଜିଲ୍ଲାରେ ମୁତୟନ କରାଯାଇଛି। ଆଜି ଏହି ଟିମ୍‌ଗୁଡିକ ସମ୍ପୃକ୍ତ ଜିଲ୍ଲାର ଜିଲ୍ଲାପାଳଙ୍କ ନିକଟରେ ପହଞ୍ଚି ରିପୋର୍ଟିଙ୍ଗ କରିବେ।

Categories
ଅନ୍ତରାଷ୍ଟ୍ରୀୟ ଅପରାଧ ଆଜିର ଖବର ଜାତୀୟ ଖବର

୨୦ ଜଣ ଭାରତୀୟଙ୍କୁ ମୁକ୍ତ କଲା ପାକିସ୍ତାନ, ଆହୁରି ବନ୍ଦୀ ଅବସ୍ଥାରେ ଅଛନ୍ତି ୫୬୮ ମତ୍ସ୍ୟଜୀବୀ

ନୂଆଦିଲ୍ଲୀ: ସାମୁଦ୍ରିକ ସୀମାରେ ୱାଘା ସୀମା ଦେଇ ପାକିସ୍ତାନକୁ ପ୍ରବେଶ କରିଥିବା ଅଭିଯୋଗରେ ଗିରଫ ହୋଇଥିବା ୨୦ ଜଣ ଭାରତୀୟ ମତ୍ସ୍ୟଜୀବୀଙ୍କୁ ପାକିସ୍ତାନ ହସ୍ତାନ୍ତର କରିବ। ପାକିସ୍ତାନର ଜଣେ ବରିଷ୍ଠ ଜେଲ ଅଧିକାରୀ ଏହି ସୂଚନା ଦେଇଛନ୍ତି। କରାଚିର ଲାଣ୍ଡି ଜେଲରେ ରଖାଯାଇଥିବା ମତ୍ସ୍ୟଜୀବୀମାନେ ରବିବାର ଦିନ ଭାରତର ଗଣତନ୍ତ୍ର ଦିବସ ପୂର୍ବରୁ ମାନବିକତା ଦୃଷ୍ଟିରୁ ମୁକ୍ତ ହୋଇଛନ୍ତି। ଏହି ମୁକ୍ତ ମତ୍ସ୍ୟଜୀବୀମାନେ ପାକିସ୍ତାନୀ ସୀମାକୁ ବେଆଇନ ଭାବେ ପ୍ରବେଶ କରିବା ଏବଂ ବିନା ଅନୁମତିରେ ମାଛ ଧରିବା ପାଇଁ ଗିରଫ ହୋଇଥିଲେ। ତାଙ୍କୁ ସାମାଜିକ କଲ୍ୟାଣ ପାଇଁ କାର୍ଯ୍ୟ କରୁଥିବା ‘ଇଧୀ ଫାଉଣ୍ଡେସନ’ ଦ୍ୱାରା ଲାହୋରକୁ ନିଆଯାଇଥିଲା।

ପାକିସ୍ତାନୀ ଜେଲରେ ଚାରି ବର୍ଷ ବିତାଇଥିବା ମତ୍ସ୍ୟଜୀବୀ ଭାବେଶ ଭିକା କହିଛନ୍ତି ଯେ, ସେ ଯାଉଥିବା ଡଙ୍ଗାଟି ଭାସିଯାଇ ପାକିସ୍ତାନୀ ଜଳ ଭିତରକୁ ପ୍ରବେଶ କରିଥିଲା। “ଆମ ପାଖରେ ଜାଣିବାର କୌଣସି ଉପାୟ ନଥିଲା ଯେ ଆମେ ପାକିସ୍ତାନୀ ସୀମା ଅତିକ୍ରମ କରିଛୁ।

ସାମୁଦ୍ରିକ ସୀମା ଉଲ୍ଲଂଘନ କରି ପାକିସ୍ତାନ ଏବଂ ଭାରତ ପରସ୍ପରର ମତ୍ସ୍ୟଜୀବୀଙ୍କୁ ଗିରଫ କରିବାରେ ଲାଗିଛନ୍ତି।

ତେବେ ଏହି ୨୦ ଜଣ ଭାରତୀୟ ମତ୍ସ୍ୟଜୀବୀ ମୁକୁଳିବା ପରେ ବର୍ତ୍ତମାନ ଏହି ଜେଲରେ ୫୬୮ ଜଣ ଭାରତୀୟ ମତ୍ସ୍ୟଜୀବୀ ଥିବା ପାକିସ୍ଥାନ ପକ୍ଷରୁ କୁହାଯାଇଛି।

ଭାରତ ଏବଂ ପାକିସ୍ଥାନ ଚଳିତ ବର୍ଷ ପ୍ରାରମ୍ଭରେ ବନ୍ଦୀମାନଙ୍କ ତାଲିକା ବିନିମୟ କରିଥିଲେ, ଯାହା ଅନୁଯାୟୀ ଅତି କମରେ ୬୨୮ ଜଣ ଭାରତୀୟ ବନ୍ଦୀ ପାକିସ୍ତାନରେ ଅଛନ୍ତି। ସେମାନଙ୍କ ମଧ୍ୟରୁ ୫୭୭ ଜଣ ମତ୍ସ୍ୟଜୀବୀ ଅଟନ୍ତି। ଭାରତ ପାକିସ୍ତାନ ସହ ୩୫୫ ଜଣ ପାକିସ୍ତାନୀ ବନ୍ଦୀଙ୍କ ତାଲିକା ବାଣ୍ଟିଛି, ସେଥିମଧ୍ୟରୁ ୭୩ ଜଣ ମତ୍ସ୍ୟଜୀବୀ।

Categories
ଆଜିର ଖବର ରାଜ୍ୟ ଖବର

ଚିଲିକାର ଆଜି ୨୫ ହେକ୍ଟର ଅଞ୍ଚଳ ହେଲା ଘେରି ମୁକ୍ତ

ସୀତାରାମ ଅଗ୍ରୱାଲ

ଚିଲିକା: ମରାଳ ମ‍ାଳିନୀ ନିଳାମ୍ଵୁ ଚିଲିକାରେ ଶହ ଶହ ମତ୍ସ୍ୟଜୀବୀ ମାଛ ମାରି ନିଜର ପରିବାର ପ୍ରତିପୋଷଣ କରି ଆସୁଛନ୍ତି। ହେଲେ ଚିଲିକାରେ କେତେକ ଅସାଧୁ ମାଫିଆ ଵେଆଇନ ଘେରି କରିବା ଯୋଗୁଁ ଚିଲିକାରେ ମାଛ ଉତ୍ପାଦନ କମ୍ ହେବା ସହ ଚିଲିକା ତାର ସୌନ୍ଦର୍ଯ୍ୟ ହରାଉଛି। ତେଣୁ ରାଜ୍ୟ ସରକାର ଚିଲିକାରେ ଘେରି ଉଛେଦ ଅଭିଯାନ ଜାରି ରଖିଛନ୍ତି।

ଏହି ପ୍ରରିପ୍ରେକ୍ଷୀରେ ଚିଲିକାରେ ଆଜି ପୁଣି ଘେରି ଉଚ୍ଛେଦ ଅଭିଯାନ କରାଯାଇଥିଲା। ଘେରି ଉଚ୍ଛେଦ କାର୍ଯ୍ୟ ଟାଙ୍ଗୀ ଥାନା ଅନ୍ତର୍ଗତ ସୋରଣ ଏବଂ ମାନସିଂହପୁର ଅନ୍ତର୍ଗତ ଚିଲିକା ହ୍ରଦ ମଧ୍ୟ୍ୟରେ ଚାଲିଥିଲା। ଖୋର୍ଦ୍ଧା ଜିଲ୍ଲା ପ୍ରଶାସନ ଓ ସିଡିଏ ର ମିଳିତ ସହଯୋଗରେ ଘେରି ଉଚ୍ଛେଦ ଅଭିଯାନ ଚାଲିଥିଲା। ଶାନ୍ତିଶୃଙ୍ଖଳା ରକ୍ଷା କରିଵା ପାଇଁ ୨ ପ୍ଲାଟୁନ୍ ପୋଲିସ୍ ଫୋର୍ସ ମୁତୟନ କରାଯାଇଥିଲା।

ମାନସିଂହପୁର ଜେଟି ନିକଟରେ ପ୍ରଶାସନ ପକ୍ଷରୁ ଆଜି ଦୀର୍ଘ ସମୟ ଧରି ଘେରି ଉଚ୍ଛେଦ ଅଭିଯାନ ଜାରି ରହିଥିଲା। ଦେଶୀ ଡଙ୍ଗା ସାହାଯ୍ୟରେ ଘେରି ଉଚ୍ଛେଦ କରାଯାଇ ଜାଲି କିଳାଗୁଡିକୁ ଜଵତ କରିଥିଲା ପ୍ରଶାସନ। ଆଜି ଗୋଟିଏ ଦିନରେ ୨୫.୦୫ ହେକ୍ଟର ଅଂଚଳରୁ ଘେରି ଉଚ୍ଛେଦ କରାଯାଇଥିଲା।

ତେବେ ଏହି ଘେରି ଉଚ୍ଛେଦ ପ୍ରକ୍ରିୟା ଆଗକୁ ଜାରି ରହିବ ବୋଲି ପ୍ରଶାସନ କହିଛି। ଉକ୍ତ ଉଚ୍ଛେଦ ଅଭିଯାନର ଚିଲିକା ତହସିଲଦାର ପୁନମ ମହାପାତ୍ର ଏବଂ ଟାଙ୍ଗୀ ଥାନା ଆଇଆଇସି ବିଜୟ କୁମାର ମଲ୍ଲିକ ନେତୃତ୍ୱ ନେଇଥିଲେ।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ବିଶାଖାପାଟଣାରୁ ଡଙ୍ଗାରେ ଚନ୍ଦ୍ରଭାଗା ପହଞ୍ଚିଲେ 16 ମତ୍ସ୍ୟଜୀବୀ

କୋଣାର୍କ : ଡଙ୍ଗା ଯୋଗେ ଚନ୍ଦ୍ରାଭାଗାରେ ପହଞ୍ଚିଛନ୍ତି 16 ମତ୍ସ୍ୟଜୀବୀ। ଆନ୍ଧ୍ରପ୍ରଦେଶ ବିଶାଖାପାଟଣା ନିକଟ ଟୁନିରୁ ଡଙ୍ଗାରେ ଏହି ମତ୍ସ୍ୟଜୀବୀମାନେ ଫେରିଛନ୍ତି। ଏହି ମତ୍ସ୍ୟଜୀବୀଙ୍କ ମଧ୍ୟରେ ପୁରୀ ପେଣ୍ଠକଟାର 5 ଜଣ ଓ ଚନ୍ଦ୍ରଭାଗା ନୋଳିଆ ସାହିର 11 ଜଣ ରହିଛନ୍ତି ବୋଲି ଜଣାପଡିଛି। ଏହି ମତ୍ସଜୀବୀମାନେ ଡଙ୍ଗା କିଣି ବିଶାଖପାଟଣାରୁ ରବିବାର ବାହାରିଥିଲେ ଆଜି ଭୋର ସମୟରେ ଚନ୍ଦ୍ରଭାଗାରେ ପହଞ୍ଚିଛନ୍ତି। ଲକଡାଉନ୍‌ ଯୋଗୁଁ ଦୀର୍ଘ ଦିନ ଧରି ଫସି ରହିଥିଲେ 16 ମତ୍ସ୍ୟଜୀବୀ। ତେବେ ସମସ୍ତ ମତ୍ସଜୀବୀଙ୍କୁ କୋଣାର୍କ ମେଡିକାଲ ପରିସରରେ ଥିବା କ୍ବାରେଣ୍ଟିନ୍‌ ସେଣ୍ଟରକୁ ପଠାଯାଇଛି। ସମସ୍ତ 16 ମତ୍ସଜୀବୀଙ୍କ ସ୍ବାବ୍‌ ପରୀକ୍ଷା କରାଯିବ ବୋଲି କହିଛନ୍ତି ତହସିଲଦାର।